Author: webrwanda

Mike Hallary Mutebi

Ikipe ya AS Kigali yatangaje ko Mike Mutebi waherukaga gutoza mu ikipe ya KCCA muri Uganda, yasinye amasezerano y’imyaka ibiri muri iyo kipe, aho azaba yungirijwe na Jackson Mayanja, bombi bakomoka mu gihugu cya Uganda.

Ibyo bije nyuma yuko iyi kipe yirukanye Eric Nshimiyimana wari umutoza mukuru wayo, amaze gutsindwa na Rayon Sports ibitego 2-1 igahita iha akazi Jimmy Mulisa ko kuyitoza by’agateganyo, akayitoza imikino ine (4) agatsindamo imikino ibiri (2) atsindwa umukino umwe (1) mu gihe yanganyijemo umukino umwe (1) ,abona umusaruro w’amanota arindwi (7) kuri 12 yakiniye.

Kugeza ubu ntiharafatwa icyemezo k’uzatoza umukino w’umunsi wa 14 uzahuza AS Kigali na APR FC kuri uyu wa Gatandatu tariki 22 Mutarama 2022, nk’uko umunyamabanga w’ikipe ya AS Kigali, Gasana Francis yabitangarije Kigali Today.

Yagize ati “Icyo cyemezo ntabwo twari turagifata kuko kiri tekinike, baracyabiganiraho”.

Mike Hillary Mutebi yatoje amakipe atandukanye arimo ikipe ya Villa Sports Club, KCCA yahesheje ibikombe bitatu birimo shampiyona ya Uganda batwaye inshuro 2 n’igikombe cy’igihugu kimwe, akaba yaranatoje kandi ikipe y’igihugu ya Uganda Cranes.

Nyuma y'uko icyorezo cya COVID-19 cyugarije Isi yose maze abantu benshi bakisanga mu bukene, ni nako umutungo w'abaherwe ba mbere ku Isi nawo wazamukaga umunsi ku munsi nk'uko byagaragajwe na raporo ngarukamwaka y'umuryango ukora ibikorwa by'ubugiraneza OXFAM.

Iyi raporo yatangajwe mu nama ya World Economic Forum, igaragaza ko umutungo wose hamwe w'aba bagabo 10 ba mbere bakize ku Isi wikubye inshuro zirenga ebyiri kuva muri Werurwe 2020. Iyi raporo ikomeza ivuga ko uyu mutungo w'aba bagabo 10 wavuye kuri miliyari $700 ukagera kuri tiriyoni $1.3.

Umutungo w'aba bagabo wazamukaga ku mpuzandengo $15,00 ku isegonda, cyangwa Miliyari $1.3 ku munsi mu myaka ibiri gusa iki cyorezo gitangiye gukwirakwira ku Isi. N'ubwo amafaranga y'aba baherwe yiyongeraga umunsi ku munsi, ni nako abantu barenga miliyoni 160 hirya no hino ku Isi bisanze mu bukene.

Nyuma y'uko ikigero cy'ibyinjizwa n'abakene ku Isi kigabanutse, ibi byagize uruhare mu rupfu rw'abantu bagera ku 21,000 buri munsi kubwo kutabasha kwiyishyurira serivisi z'ubuzima ndetse hakaza n'ingaruka zituruka ku mihindagurikire y'ikirere.

Aba bakire harimo Elon Musk, Jeff Bezos, Larry Page, Sergey Brin, Mark Zuckerberg, Bill Gates, Steve Ballmer, Larry Ellison, Warren Buffet na Bernard Arnault.

Umutungo w'aba baherwe warazamutse cyane muri ibi bihe by’icyorezo cya COVID-19

Umutungo wa Elon Musk wiyongereye ku kigero cya 1,000% mu gihe uwa Bill Gates wiyongereye ku kigero cya 30%.

Aba bakire ngo n'iyo bahomba 99.999% by'umutungo wabo, n'ubundi bakomeza kurusha umutungo 99% by'abatuye Isi bose. Ikindi ni uko umutungo wabo ukubye inshuro esheshatu uw'abakene Miliyari 3.1 batuye Isi.

OXFAM yasabye ibihugu bikomeye gukaza ibijyanye n’imisoro, kugira ngo amafaranga asoreshwa aba baherwe akoreshwe muri gahunda zitandukanye harimo nko guhangana n'imihindagurikire y'ikirere, ikorwa ry'inkigo n'izindi.

Ifoto: RBC

Ibi bitangajwe nyuma y’uko hari serivisi zitandukanye zisigaye zitangwa ari uko umuntu abanje kwerekana ko yikingije, muri zo harimo gutega imodoka cyangwa moto zitwara abagenzi mu buryo bwa rusange, n’ahandi hantu hatandukanye hahurira abantu benshi nko muri za gare, mu isoko muri za hoteli, resitora n’ahandi.

Mu kiganiro yagiranye n’ibitangazamakuru bya RBA, Minisitiri w’Ubutegetsi bw’igihugu, Jean Marie Vianney Gatabazi, yasabye Abanyarwanda kumva ko gusabwa kwerekana ko bikingije bigamije kubarinda icyorezo cya Covid-19.

Ati 'Dusaba n’abandi kumva ko serivisi zimwe kuzibona ari uko bagaragaje ko bikingije atari ukubahohotera, ahubwo ari ukugira ngo tubarinde, ariko n’inkingo Nyakubahwa Perezida wa Repubulika yashatse kugira ngo abaturage bose bagerweho, na bo zibagereho, mu nyungu zabo, mu z’ubuzima bwabo, no mu z’imiryango yabo'.

Aha kandi ni na ho Minisitiri Gatabazi ahera asaba abaturage bafashe doze ya mbere kwihutira gufata iya kabiri ari na ko abatarafata urukingo na rumwe kujya kwikingiza.

Ati 'Twasabaga rero abaturage aho bari hose bikingije doze ya mbere, ko begera serivisi ibikora iri hafi yabo, kugira ngo bikingize doze ya kabiri. Turasaba kandi abantu bose bashinzwe gukurikirana abaturage kugira ngo bakoreshe uburyo bwose bushoboka bwatuma umuturage wikingije doze ya mbere abona iya kabiri'.

Yongeraho ko basanze hari abantu bamwe bikingirije mu turere ubu bakaba bari mu tundi, abikingirije mu Mujyi wa Kigali ubu bakaba bari mu cyaro, ari na ho bahera basaba abaturage aho bari hose kugira ngo bagane aho bagomba kubonera urukingo rwa kabiri, kugira ngo baruhabwe'.

Mu nama yahuje inzego zitandukanye ku wa 18 Mutarama 2022, zirimo MINALOC, Minisiteri y’Ubuzima, abayobozi b’inzego z’ibanze n’abandi, byagaragaye ko hari abaturage batikingije barimo ababitinye n’ibindi, maze basabwa kwihutira kujya gufata urukingo.

Kugeza ku wa kabiri abamaze gufata doze ya mbere ni 7,912,278 mu gihe abamaze gufata doze ya kabiri ari 6,398,938 na ho abari bamaze gufata doze ishimangira bagana na 666,624.

Nyuma y’umukino wa AS Kigali na Bugesera FC yerekanye umutoza mushya Mike Mutebi w’umugande.

AS Kigali yatandukanye n’uwari umutoza wayo Eric Nshimiyimana mu Kuboza 2021.

AS Kigali yahise yemeza Jimmy Mulisa nk’umutoza w’agateganyo mu gihe cy’ukwezi.

Iyi kipe ikaba yamaze kuzana umutoza mushya ukomoka muri Uganda, Mike Mutebi watoje ikipe y’igihugu ya Uganda, KCCA, Villa SC n’izindi.

Uyu mutoza akaba yanzanye n’umwungiriza we Jackson Mayanja, bakaba bazanywe na Alex umenyerewe mu kugurushi abakinnyi n’abatoza.

Uyu mutoza akaba yeretswe abakannyi mu Bugesera nyuma y’umukino w’umunsi wa 13 wa shampiyona wo AS Kigali yanganyijemo na Bugesera FC.

AS Kigali yerekanye abatoza bashya

Umutoza mukuru wa AS Kigali, Mike Mutebi

Umutoza wungirije wa AS Kigali, Jackson Mayanja

Ni umukino APR FC yari yabanje hanze abakinnyi nka Omborenga Fitina na Manishimwe Djabel, abakinnyi basanzwe babanza mu kibuga, mu gihe Ruboneka Jean Bosco we yari afite ikarita itukura yatumye adakina uyu mukino.

Ikipe ya APR FC yaje kubona igitego ku munota wa 57 w’umukino cyavuye kuri Penaliti yari ikorewe Jacques Tuyisenge , iza gutsinwa na Byiringiro Lague

Nyuma yo gutsinda uyu mukino APR FC ubu iyoboye urutonde rwa shampiyona rw’agateganyo, nyuma y’aho ikipe ya Kiyovu Sports inganyirije 0-0 na Etoile de l’Est.

I Rubavu, Rayon Sports y’abakinnyi 10 yatahanye amanota atatu

Ku munota wa 26 w’umukino, Nizigiyimana Kharim Mackenzie yahawe ikarita itukura, Rayon Sports ikina iminota hafi 70 ari abakinnyi 10.

Rayon Sports yaje gutsinda igitego cya mbere ku munota wa 37 gitsinzwe na Manace Mutatu. Ku munota wa 63 w’umukino Bizimana wa Etincelles nawe yahawe ikarita itukura, naho ku munota wa 90+2 Muhire Kevin atsindira Rayon Sports igitego cya kabiri.

Itangazo ryateweho umukono na ACP Jean Baptiste NTAGANIRA Komiseri w’Ishami rya Polisi rishinzwe ibizamini no gutanga impushya zo gutwara ibinyabiziga, rivuga ko “Ishami rya Polisi y’u Rwanda rishinzwe ibizamini no gutanga impushya zo gutwara ibinyabiziga riramenyesha abantu biyandikishije kuzakorera impushya zo gutwara ibinyabiziga mu mujyi wa Kigali (CoK) mu kwezi kwezi k’Ukwakira n’Ugushyingo 2021 icyiciro cya kane, ko guhera tariki ya 24 Mutarama kugeza 05 Gashyantare 2022 rizakoresha ibizamini mu turere tugize umujyi wa Kigali.

Polisi y’u Rwanda yavuze ko “Urutonde rw’abazakora rugaragara ku rubuga rwa Polisi y’u Rwanda www.police.gov.rw.” Bongeyeho bati “Abatibona ku rutonde kandi barahawe itariki ya 15 Ugushyingo na 13 Ukuboza 2021 bazategereza urundi ruzatangazwa nyuma”. Polisi yavuze ko abiyandikishije gukorera uruhushya rw’agateganyo bose bahawe gukora muri Mutarama 2022, bazakorera kuri Stade ya Kigali (Nyamirambo) ku matariki n’isaha bahawe. 

Hatangajwe kandi ibisabwa ku bantu bose bazakora ibi bizamini, aho bagomba kuba barikingije kandi baripimishije Covid-19. Polisi iti “Abazakora ibizamini bose barasabwa kuzaza bagaragaza ko bikingije kandi bipimishije  Covid-19 mu gihe kitarenze amasaha 72, ibisubizo byerekana ko nta bwandu bafite. Bagomba kandi kuza bitwaje ibyangombwa by’umwimerere, icyangombwa gisimbura irangamuntu cyangwa pasiporo ntibyemewe. Ukeneye ibindi bisobanuro yahamagara izi nimero: 118/0788311553/0788311570”.