Author: webrwanda

Minisitiri w’Ububanyi n’Amahanga, Dr Vincent Biruta mu nama ya ECCAS

Ni Inama irimo kubera mu murwa mukuru wa Congo Brazzaville, ikaba ihuje abakuru b’ibihugu n’abahagarariye ibihugu byabo mu nzego zitandukanye, biga ku bijyanye n’amahoro n’umutekano muri aka karere.

Mu bandi bayitabiriye barimo uhagarariye Umunyamabanga mukuru w’Umuryango w’Abibumbye (UN) muri Afurika yo hagati, Lounceny Fall, Moussa Faki Mahamat, Perezida wa Komisiyo y’Umuryango w’ubumwe bwa Afurika na Gilberto da Prissimo, Perezida wa Komisiyo ya ECCAS, Perezida wa Repubulika Iharanira Demokarasi ya Congo, Félix Tshisekedi ndetse na Dennis Sassou-N’Guesso, Perezida wa Congo Brazzaville.

Muri iyi nama ya 20, aba bayobozi bakazasuzumira hamwe n’ibindi bibazo bihangayikishije uyu muryango muri rusange, ndetse Perezida wa Congo Brazzaville biteganyijwe ko azasoza manda ku buyobozi bw’uyu muryango, agasimburwa na Perezida Félix Tshisekedi wa Repubulika Iharanira Demokarasi ya Congo.

Uyu muryango washinzwe mu 1983, ukaba uhuza ibihugu byo muri Afurika yo Hagati birimo Angola, u Burundi, Cameroun, Centrafrique, Repubulika Iharanira Demokarasi ya Congo, Gabon, Guinée Equatoriale, Tchad, Sao Tome na Principe n’u Rwanda rwari rwarawuvuyemo mu 2007 ariko ruwugarukamo muri 2016.

Umunyezamu wa Gorilla FC, Ndoli Jean Claude wari ufite icyizere cyo kuzongera guhamagarwa mu ikipe y’igihugu, yahisemo gusezera mu Mavubi nyuma y’imyaka hafi 6 adahamagarwa.

Uyu munyezamu w’imyaka 36, mu minsi ishize yabwiye ISIMBI ko akurikije abanyezamu bahamagarwa ntacyo bamurusha yizeye ko azongera guhamagarwa mu Mavubi.

Mu kiganiro cy’umwihariko Ndoli Jean Claude yagiranye n’ikinyamakuru ISIMBI, yavuze ko asezeye mu ikipe y’igihugu, ni nyuma y’uko akora ariko ibyo akora ntibihabwe agaciro.

Ati “Guhera muri Kiyovu Sports narakoraga, kandi nkakora neza ariko abatoza ntibabashe kubona umusaruro wanjye rero hari igihe kigera umuntu akarambirwa, urakoze kumbaza ikibazo cyiza mpite mboneraho kubwira abanyarwanda y’uko mfashe icyemezo cyo kuba nasezera mu ikipe y’igihugu, wenda nzajyayo ndi umutoza ariko kujyayo ndi umukinnyi ntibishoboka.”

Yakomeje avuga ko ubu agiye gufata umwanya akita ku ikipe ya Gorilla FC akinira akareka gutekereza ku Mavubi ahubwo akayaharira abakiri bato.

Ati “Reka ngumye mfashe ikipe yanjye ndeke kugumya gutekereza cyane ku ikipe y’igihugu, ubu ikipe y’igihugu ndayisezeye, maze igihe mbitekerezaho, nkakora isuzuma ry’ibyo nagiye nkora ariko ntibihabwe agaciro, reka ndekere abana bagende bakine ntabwo nzongera gutekereza ikipe y’igihugu. “

Mu myaka 10 yayiyikiniye avuga ko intego yari yamuzanye ku giti cye yayigezeho, ngo kwari ugukemura ikibazo cyari mu izamu ry’Amavubi kandi cyarakemutse kugeza n’uyu munsi barumuna be bafitiye aho yari agejeje.

Ati “Njyewe intego nari mfite ni ukuza gukemura izamu ry’abanyarwanda kubera ko twahoze twiruka inyuma y’abanyamahanga bakadutesha umutwe ariko icy’ingenzi nishimira ni uko hari abana babibonye, ni yo abakuru batabibona ariko hari abana nabereye icyitegererezo.”

Avuga ko Amavubi yayagiriyemo ibihe byiza ariko akaba atazibagirwa umukino Amavubi yatsinze Maroc 3-1 i Nyamirambo tariki ya 14 Kamena 2008 mu gushaka itike y’igikombe cy’Isi cya 2010.

Ati “Ibihe byiza nagiriye mu ikipe y’igihugu ni byinshi cyane ariko ibyo ntazibagirwa harimo ko ndi mu bantu babanje gutinyuka umwarabu turamukubita hano Regional tumukubita ibitego 3-1 ubwo Maroc yazaga aha ngaha, ni ibintu byari byarananiye abanyarwanda benshi, ntabwo uwo mukino nawibagirwa.”

Ndoli Jean Claude asezeye mu ikipe y’igihugu nyuma yo kuyikinira imikino itandukanye harimo iyo gushaka itike y’igikombe cy’Isi n’icy’Afurika, igikombe rya CHAN, irushanwa rya CECAFA ariko nta mahirwe yigeze agira yo kugira igikombe atwarana n’Amavubi kuko u Rwanda ruheruka igikombe cya CECAFA yo mu 1999 cyatwawe na Rwanda B.

Ndoli Jean Claude aheruka guhamagarwa mu ikipe y’igihugu muri 2016 ubwo u Rwanda rwiteguraga umukino wo kwishyura na Ghana mu gushaka itike y’igikombe cy’Afurika cya 2017 wabereye muri Ghana, gusa ntabwo yaje kugira amahirwe yo kuwukina kuko yasigaye i Kigali mu bakinnyi basizwe badashoboye.

Irushanwa rya nyuma yagaragayemo ni CHAN 2016 yabereye mu Rwanda aho yayikinnye ari umunyezamu wa 3.

Umukino wa nyuma aheruka gukina ni umukino wa gicuti u Rwanda rwatsinze 1-0 Gabon muri Gabon wabaye tariki ya 27 Nyakanga 2014.

Umukino w’irushanwa aheruka gukinira Amavubi yawukinnye tariki ya 20 Nyakanga 2014 mu gushaka itike y’igikombe Cy’Afurika cya 2015 wo u Rwanda rwatsindiwe na Congo Brazaville iwayo ibitego 2-0.

Ndoli Jean Claude yafashe umwanzuro wo gusezera mu ikipe y’igihugu

Ndoli Jean Claue avuga ko icyamuzanye mu izamu ry’Amavubi yakigezeho kuko yaje gukemura ikibazo cy’abanyezamu kandi byakunze

Yakiniye Amavubi imikino myinshi, gusa ngo umukino batsinzemo Maroc i Kigali 3-1 ntazawibagirwa

Ndoli Jean Claude yatangiye guhamagarwa mu Mavubi 2006

Mu Kiganiro n'abanyamakuru cyateguwe n'Ihuriro ry'Imiryango y'Abafite Ubumuga mu Rwanda (NUDOR) ku wa 19 Mutarama 2022, hatanzwe urugero rwa Busyete umaze iminsi agaragara ku mbuga nkoranyambaga, aho yakoreshejwe mu buryo bunyuranyije n'amategeko kuko afite ubumuga bwo mu mutwe, nubwo abamukoresha basa nk'aho baba bagamije gusetsa abantu gusa.

Uyu mugabo yagaragaye yanyweshejwe inzoga nyinshi zituma avuga ibintu biterekeranye, kandi ubwo amashusho ye akagaragazwa ku mbuga nkoranyambaga.

Umunyamabanga Nshingwabikorwa wa NUDOR, Nsengiyumva Jean Damascène, yavuze ko bidakwiye ko umuntu yakoresha undi kubera ubumuga afite agamije indamu ku giti cye.

Ati 'Nk'Ihuriro dutekereza ko umuntu ufite ubumuga akwiye kurindwa, turamagana ibi bikorwa twivuye inyuma. Birashoboka ko ababikora batazi neza ko bihanwa n'amategeko ariko uyu niwo mwanya [wo kwegera na] bagenzi bacu babikora bakigishwa.'

Umuyobozi w'Umuryango w'abafite ubumuga bwo mu mutwe bakoresha imiti n'abigeze kuyikoresha, Mutesi Rose, yavuze ko kwihisha mu mutaka wo kubakorera ubuvugizi bidakwiye kuba iturufu yo guhohotera uburenganzira bwabo.

Ati 'Gukoresha abafite ubumuga mu bikorwa bigamije indonke mu izina ryo kubakorera ubuvugizi, sibyo. Ahubwo bafashwa mu bikorwa byo kwiteza imbere kuko ibyo bindi binyuranyije n'amategeko.'

Amategeko avuga iki kuri iyi ngingo?

Hari bamwe mu bakoresha abafite ubumuga bwo mu mutwe mu nyungu zabo, batazi ko bihanwa mu mategeko nyamara ari icyaha mu bindi.

Itegeko rirengera abantu bafite ubumuga muri rusange mu Rwanda ryo mu 2007, ingingo ya gatatu iteganya ko umuntu ufite ubumuga wese afite uburenganzira bungana n'ubw'abandi imbere y'amategeko, agomba kubahwa ndetse no guhabwa agaciro gakwiye ikiremwamuntu.

Ingingo ya 27 iteganya ko umuntu wese ukoreye ufite ubumuga icyaha cy'ivangura cyangwa ihohoterwa iryo ari ryo ryose, ahanishwa igihano gisumba ibindi mu biteganywa n'ingingo z'igitabo cy'amategeko ahana n'iz'amategeko yihariye ku birebana n'icyo cyaha.

Ingingo 163 y'itegeko Nshinga ryo mu 2018 iteganya ko ubihamijwe n'urukiko ahanishwa igifungo kitari munsi y'imyaka itanu ariko kitarenze imyaka irindwi n'ihazabu y'amafaranga y'u Rwanda atari munsi y'ibihumbi 500 Frw ariko atarenze miliyoni 1 Frw.

Itegeko Nshinga rya Repubulika y'u Rwanda ryo mu 2003 nk'uko ryavuguruwe mu 2015, ingingo yaryo ya 13 igaragaza neza ko umuntu ari umunyagitinyiro, indahungabanywa kandi Leta ifite inshingano zo kumwubaha, kumurinda no kumurengera.

Uretse no kuba bihanirwa n'amategeko, ku bakora umwuga w'itangazamakuru bihabanye n'amahame agenga uwo mwuga.

Ubusanzwe igitabo cy'amahame agenga imyitwarire y'umwuga w'Itangazamakuru mu Rwanda, ingingo ya kane igaragaza ko umunyamakuru yirinda kwandika cyangwa gutangaza amakuru abogamye, abiba urwango rushingiye ku ibara ry'uruhu, ku miryango, ku moko, ku idini, ku gitsina, ku myaka y'ubukure, ku mibereho, ku bumuga, ku ndwara z'ibyorezo cyangwa n'indi miterere y'ubuzima.

Abanyamakuru batandukanye bari bitabiriye iki kiganiro basabye ko bahabwa amahugurwa mu rwego rwo kunoza imikorere yabo mu bijyanye no kwita ku bantu bafite ubumuga mu rwego rw'amajwi n'amashusho cyangwa inyandiko.

NUDOR yatangaje ko hari inzego yashyikirije amakuru ajyanye n'ibi bikorwa by'abakoresha abafite ubumuga bwo mu mutwe mu nyungu zabo bwite. Izo nzego zirimo Urwego rw'Ubugenzacyaha (RIB), Minisiteri y'ubutegetsi bw'Igihugu (MINALOC), Komisiyo y'Uburenganzira bwa Muntu, Transparency International Rwanda, ndetse n'Inama y'Igihugu y'Abafite Ubumuga.

Yagaragaje ko nta munyamakuru urasabirwa ibihano bijyanye no gukora iri hohotera ku bafite ubumuga bwo mu mutwe, ariko bishimangirwa ko ibi bikorwa bigiye gukurikiranwa n'inzego bireba.

Abakoresha abafite ubumuga bwo mu mutwe bamaganywe

Gukoresha umuntu ufite ubumuga bwo mu mutwe mu buryo bwo kumuhohotera bihanirwa n’amategeko

Avuga ko abamotari bakora akazi keza ko gutwara abantu n’ibintu kuri moto, ariko bamwe bakaba bakoreramo ibyaha byambukiranya imipaka.

Muri ibyo byaha harimo ubucuruzi bwa magendu aho abayikora bifashisha abamotari, kwinjiza ibiyobyabwenge mu gihugu, gutwara abantu bambukiranya imipaka mu buryo butemewe n’amategeko ndetse no gufasha abajura babajyana cyangwa babakura aho bibye bakanabatwaza ibyibwe.

Avuga ko mu mpera za Mutarama 2022, buri koperative izasinyana amasezerano n’akarere hagamijwe kurandura ibyo byaha kuko bishobora guhungabanya umutekano w’Igihugu.

Ati 'Tugiye kuzasinya imihigo yo kugira ngo twirinde ibyo byaha kandi buri wese abazwe inshingano, akarere kazasinyana na buri koperative ko igihango bafitanye gikomeye cyane bityo bafatanya kurwanya ibyaha.'

Nsengiyaremye Eric, umumotari mu Murenge wa Tabagwe akaba ashinzwe n’imyitwarire muri koperative yo muri uwo murenge, avuga ko abamotari bagikora ibyaha byambukiranya imipaka ari ukwiyambura agaciro ubwabo n’Igihugu muri rusange bityo bagiye gukora ibishoboka abakibikora bakigishwa bakabicikaho cyangwa bakabihanirwa.

Agira ati 'Uko tungana ntihaburamo abantu bafite imyumvire micye, biriya ni ukudaha agaciro imiryango yabo, Igihugu n’umwuga bakora kuko babiha agaciro ntibakora ariya makosa. Tugiye kubegera tubigishe tubasabe kongera gukora ayo makosa kuko biha isura mbi umwuga wacu.'

Avuga ko ikindi bazanabereka ingaruka ziri muri ibyo byaha harimo igifungo kirekire no kubura ikinyabiziga.

Nsabimana Juma, umumotari mu Murenge wa Nyagatare avuga ko impamvu ibyaha byambukiranya imipaka bidacika harimo amafaranga menshi y’umunsi umwe, ari na yo mpamvu ababikora birengagiza ingaruka zirimo.

Ati 'Sinumva ukuntu umuntu yakubwira ko umuturanyi akwanga ndetse nawe ubireba ariko ukabyima amatwi nyamara ubizi neza ko ingaruka zizakugeraho. Ndagira inama bagenzi banjye kubyirinda kuko ari bibi bakareka kureba amafaranga menshi y’umunsi umwe ahubwo bagakorera ayo bita macye arimo umugisha.'

Akarere ka Nyagatare kabarirwamo amakoperative y’abamotari 25 arimo abanyamuryango 1,315 bakorera mu mirenge 13 ukuyemo uwa Kiyombe utagira koperative y’abamotari.

Ubu buryo bufasha ba mukerarugendo kwirebera ibyiza nyaburanga bari mu kirere

Ni igikorwa cyitezweho gukurura ba mukerarugendo no kongera igihe bamara mu gihugu. Ubu buryo bwatangijwe, ni ubwa mbere butangiye gukoreshwa mu Rwanda.

Royal Balloon Rwanda izaba ikoresha imipira ibasha kureremba mu kirere, ishobora kugendamo hagati y’abantu 4 kugeza kuri 6. Izi 'balloons’ zishobora kuzamuka mu kirere ku butumburuke buri hagati ya metero ijana na metero 1000, ni ukuvuga kilometero imwe hejuru ya pariki.

Mu bijyanye n’ubugenge, umwuka ushyushye ujya hejuru y’ukonje, ari na yo mpamvu iyi mipira ibasha kuzamuka.

Ubu buryo bufasha ba mukerarugendo kurushaho kuryoherwa n’ibyiza bitatse Pariki y’Igihugu y’Akagera, ibonekamo inyamaswa eshanu zikomeye muri Afuruka (Big Five), zirimo Inzovu, Inkura, Intare, Ingwe n’Imbogo.

Umuyobozi Mukuru wa RDB, Clare Akamanzi, yavuze ko bishimiye gufatanya na Royal Balloon Rwanda mu kongera ibishobora gukurura ba mukerarugendo mu Rwanda.

Ati 'Twishimiye gufatanya na Royal Balloon mu gukomeza kubaka ubufatanye bushya no koroshya ishoramari mu rwego rw’ubukerarugendo, kugira ngo tubashe guhaza ibyifuzo by’abadusura ari nako bitanga umusanzu urambye mu kubungabunga ibidukikije.'

Umuyobozi wa Royal Balloon Rwanda, Atilla Turkmen, na we yavuze ko bashimishijwe no gufatanya na Akagera Management Company mu gutangiza iki gikorwa kizajya gifasha benshi basura Pariki y’Igihugu y’Akagera.

Yagize ati 'Uru ni urugero rwiza rwo kubungabunga ibidukikije bishobora guhindura ahantu ndetse n’abahaturiye. Mu bunararibonye dufite busaga imyaka 30, turashaka kugendana n’u Rwanda mu cyerekezo kirambye rufite mu bukerarugendo. Twiringiye ko mu gutangiza iki gikorwa gishya cy’ubukerarugendo, tuzunganira imbaraga zishyirwa mu kubungabunga urusobe rw’ibinyabuzima kandi bigateza imbere urwego rw’ubukerarugendo mu Rwanda.'

Umuyobozi wa Pariki y’Igihugu y’Akagera, Ladis Ndahiriwe, na we yashimangiye ko ubu buryo bushya buzafasha abasura pariki kuryoherwa n’imirambi iyigize, bikongera amafaranga Pariki yinjiza.

Yagize ati: “Ubu buryo bwo gutembereza abantu mu kirere buzaha abantu kunezezwa n’ibyiza nyaburanga bitatse Akagera birimo imirambi myiza. Bizarema imirimo mishya n’uburyo bwo kwinjiza amafaranga azagira uruhare no kuzamura imibereho y’abaturage. “

Uyu mushinga utangijwe mu gihe urwego rw’ubukerarugendo mu Rwanda rurimo kuzahuka, nyuma yo kugirwaho ingaruka zikomeye n’icyorezo cya COVID-19.

Royal Balloon Rwanda ni ishami ry’ubukerarugendo rimaze imyaka irenga 30 rikorera muri urwo rwego. Ni ikigo gifite amahoteli menshi muri Turikiya, kikanagira ibikorwa nk’ibi bifasha ba mukerarugendo muri pariki zo mu bihugu bitandukanye byo muri Afurika y’Iburasirazuba n’Amajyepfo.

APR FC imaze imyaka 2 idatsindwa ndetse kugeza n'uyu munsi ikaba itaratakaza amanota atatu mbumbe, yari yakiriye Gorilla FC mu mukino w'umunsi wa 13 wa shampiyona y'iclyiciro cya mbere mu Rwanda, warangiye ikuye ku mwanya wa mbere Kiyovu Sport.

APR FC yabonye igitego ku munota wa 57 gitsinzwe na Byiringiro Lague kuri penaliti, nyuma y'ikosa ryari rikorewe Jacques Tuyisenge. Iki gitego ni nacyo cyarangije umukino APR FC yegukana amanota atatu.

I Rubavu haberaga ibirori, aho Rayon Sports yaherukaga kunganya na Musanze FC na Gicumbi FC yatsinze Etincelles ibitego 2-0 byatsinzwe na Manace Mutatu ku munota wa 39 na Muhire Kevin ku wa 89, bituma igaruka mu bihe byiza ndetse aba amanota atatu ikipe yegukanye nyuma yo gutandukana na Rharb Youssef wari uyifatiye runini na mugenzi we Ayoub.

Muri uyu mukino, Rayon Sports yahawe ikarita itukura ya Nizigiyimana Karim Makenzi.

AS Kigali yatsinze Bugesera FC ibitego 2-1 byatsinzwe na Ramadhan Niyibizi ku munota wa 30' na Kayitaba Bosco watsinze penaliti ku munota wa 4 mu yongerewe kuri 90, nyuma y'uko Biramahire Abeddy agushijwe mu rubuga rw'amahina.

Igitego cy'impozamarira cya Bugesera FC cyatsinzwe na Mucyo Junior Didier ku munota wa 47.

Uyu mukino wabonetsemo amakarita abiri atukura harimo iyahawe Rugwiro Hervé wa AS Kigali nyuma yo gushwana n'umusifuzi n'iyahawe Muniru Abdul Rahman nyuma yo gukubita Ndacyayisemga Ally.

I Ngoma, Etoile de l'Est yahagamye Kiyovu Sport yari iyoboye urutonde rwa shampiyona, banganya 0-0.

Nyuma y'iyi mikino, APR FC yafashe umwanya wa mbere ihigitse Kiyovu Sports yirangayeho, aho ubu iyirusha inota rimwe.

UKO IMIKINO YARANGIYE:

FT APR FC 1-0 Gorilla FC

FT Etincelles 0-2 Rayon Sports FC

FT Etoile de L'Est 0-0 Kiyovu Sports

FT Bugesera FC 1-2 AS Kigali

UKO AMAKIPE AKURIKIRANA KU RUTONDE:

1. APR FC 27 Pts

2. Kiyovu Sports 26 Pts

3. AS KIGALI 23 Pts

4. Rayon Sports 23 Pts

5. Police FC 22 Pts 

APR FC yakuye Kiyovu ku mwanya wa mbere muri shampiyona

Rayon Sports yakuye intsinzi i Rubavu

Pastor Wilson Bugembe ni Umushumba Mukuru w’Itorero Light the World Ministries rikorera muri Uganda akabifatanya n’umuziki aho akunzwe bikomeye mu ndirimbo zirimo nka; ‘Wanaaza’ yakoranye na Rhoda K, ‘Mukama njagala kumanya’, ‘Ebintu bya Mukama bibuza buza’, ‘Ani?’, ‘Tembeya Njiri’, ‘Bamuyita Yesu’, ‘Amen’, ‘Ojanga nosaba’ yakoranye na Bobi Wine, ‘Yellow’ (Yabaswaza), ‘Omwoyo we’, n’izindi nyinshi.

Kuri uyu wa Gatatu tariki 19 Mutarama 2022 mu minota micye ishize, Pastor Wilson Bugembe yatangarije abakunzi be ko ari mu rukundo. Ni ubutumwa yanyujije ku rukuta rwe rwa Instagram munsi y’ifoto ye imugaragaza yicaye mu modoka afite ururabo mu ntoki. Munsi y’iyi foto yanditse ati “Ndi mu rukundo”. Abakunzi be benshi banejejwe cyane n’iyi nkuru nziza abatangarije.

Bugembe yatangaje ko ari mu rukundo

Pastor Bugembe w'imyaka 37 y'amavuko aherutse gutangaza ko yatinze gushaka umugore kubera igikomere yahuye nacyo mu buzima bw’urukundo. Mu kiganiro yagiranye na Televiziyo NBS yo muri Uganda mu myaka ibiri ishize, Pastor Bugembe yabajijwe n'umunyamakuru niba yarigeze ababazwa n'umukobwa mu buzima bwe, asubiza ko yababajwe cyane akaba ari nayo yatinze gushaka umugore. Yatangaje ko umukobwa wamuteye icyo gikomere aba muri Amerika.

REBA HANO BUGEMBE AVUGA IGIKOMERE YATEWE N’UMUKOBWA WAMUTEYE INDOBO

Umunyamakuru yatangiye amubaza ati 'Ese wigeze uhura n'umukobwa akababaza cyane umutima wawe'. Pastor Bugembe asubiza agira ati 'Egoko none se ubwo urumva ari iyihe mpamvu yatumye kugeza uyu munsi ntarashaka?'. Bamusabye gusobanura neza, avuga ko yabwiye uwo mukobwa yabengutse ko amukunda, ariko umukobwa ntabyiyumvishe agafata Bugembe nk'umutekamitwe.

Pastor Bugembe ubwo yari mu Rwanda mu gitaramo cya Kingdom of God

Umunyamakuru ati 'Nonese byagenze gute ngo akwange?' Pastor Bugembe asubiza ko umukobwa yamushwishwiburije akamubwira ko badashobora gukundana, ati 'Oya yaransobanuriye ambwira ko tutakomeza gukundana'. Bugembe yunzemo ati 'Yambwiye gutyo nari ngiye gupfa, numvaga ngiye gupfa, mbese habuze gato ngo mpfe'.

Umunyamakuru ati 'Ubwo ntiwarize?' Pastor Bugembe nyuma yo guterwa indobo, ngo yasabye umukobwa ko amwemerera akamugeraho muri Amerika mu minota 15 kugira ngo amupfukame imbere amusabe imbabazi. Umunyamakuru ati 'Nonese warabimusabye aranga?'

Iki kibazo ariko ntabwo Pastor Bugembe yagisubije ahubwo yahise abyirengagiza areba hirya aravuga ati 'Kenzo mwenedata komera, ibyo uri gucamo ndabyumva (agaseka), ibyo byose abagabo tubicamo,.' Aha yihanganishaga Eddy Kenzo uherutse gutandukana n'umugore we.

Pastor Wilson Bugembe yatanze urugero rugaragaza urukundo yakunze cyane uyu mukobwa atatangaje amazina. Yahishuye ko umunsi umwe agikundana n'uyu mukobwa, yagiye ku kibuga cy'indege cya Entebbe abasaba ko bakirana urugwiro uyu mukobwa ubwo yari asubiye muri Amerika, barabikora ndetse neza cyane, bitangaza cyane umukobwa. Umukobwa ngo ageze mu ndege yabajije impamvu yakiriwe bidasanzwe, bamubwira ko impamvu ari ukubera ko Pastor Bugembe amukunda cyane.

Pastor Bugembe yamaze kuvuga gutyo umunyamakuru aramubaza ati 'Ni umugandekazi cyanwa ni umunyamerikakazi? Pastor Bugembe ahita avuga ati 'Nawe uri bumvugishe ibyo ntagomba kuvuga, ni umuntu'. Umunyamakuru ati 'Eheeh She missed the chance, noneho fata twebwe ba hano' Yakomeje abwira Bugembe ko itangazamakuru rya Uganda ribigizemo uruhare rigahamagara umukobwa hari igihe basubirana, ati 'Uzi twamuterefonye ko dushobora gutuma mwongera gukundana!' Pastor Bugembe yamusubije ati 'Njyewe ntacyo ntakoze'

Bugembe afatwa nka nimero ya mbere mu baramyi bakunzwe cyane i Kampala

Iki gisubizo cya Bugembe kigaragaza ko yamaze gukura amaso kuri uyu mukobwa wamuteye indobo bikamushengura cyane umutima. Pastor Bugembe ntiyakunze kugira byinshi atangaza ku buzima bwe bw'urukundo. Mu gihe cyashize iyo yabaga abajijwe impamvu yatinze gushaka umugore mu gihe nyamara akunzwe cyane muri Uganda ndetse akaba afite n'amafaranga, yabasubizaga ko igihe cye kitari cyagera, gusa akongeraho ko azakora ubukwe vuba.

Hari abakobwa n'abagore bagiye bifata amashusho bakavuga ko yabateye inda, gusa we aya makuru yayamaganiye kure avuga ko bashaka kumwanduriza izina. Yavuze ko nta mugore afire ndetse nta n'umwana afite. Yashimangiye ko adashobora kubyara mbere yo gukora ubukwe. Aherutse gutangaza ko yamaze kubona umukunzi, gusa ngo asabwa kutabishyira mu itangazamakuru. Icyo gihe yavuze ko azakora ubukwe mu mpera z'uyu mwaka wa 2019. Hari amakuru avuga ko urusengero rw'icyitegererezo ari kubaka muri Kampala nirwuzura ari bwo azakora ubukwe.

Pastor Bugembe ashobora gukora ubukwe muri uyu mwaka

Mu nshingano Inteko y’Umuco ifite harimo izo gushakisha, kwakira, gukusanya no kubungabunga kopi z’ibihangano byakorewe mu gihugu ndetse n’ibikivugaho byatangarijwe mu mahanga.

Kuri uyu wa Gatatu tariki 19 Mutarama 2022, Inteko y’Umuco yasohoye itangazo rihamagarira abahanzi bafite ibihangano byahanzwe hambere kubiyishyikiriza, kugira ngo bafashwe kubishyira mu ikoranabuhanga rigezweho.

Inteko y’Umuco ivuga ko ibi bireba abahanzi ba muzika, federasiyo ya muzika, federasiyo ishinzwe iterambere ry’ubuhanzi nserukarubuga, abasizi n’abandi Banyarwanda muri rusange bafite ibihangano by’indirimbo n’imivugo ‘byahanzwe mu gihe cya kera’.

Ni ukuvuga mu gihe cya gikoroni na nyuma yaho bishobora kuba biri kuri Radio Kaseti, Videwo kaseti, turune disike (tourne disque) n’ibindi biri ku bikoresho bya kera.

Aba barashishikarizwa kubishyikiriza Inteko y’Umuco, kugira ngo bishyirwe mu buryo bw’ikoranabuhanga rigezweho.

Inteko y’Umuco ivuga ko iyi ‘gahunda igamije kugira ngo ibi bihangano bizasakazwe n’inkoranyabitabo y’igihugu, bibungabungwe ku nyungu z’abariho ubu no mu gihe kizaza, kandi bibyazwe umusaruro ku nyungu z’abahanzi, abasizi, n’abasigaranye irage ry’ibyo bihangano ndetse no ku gihugu muri rusange.’

Ibi bihangano bizatangira kwakirwa kuva tariki 20 Mutarama 2022 kugeza tariki 20 Kamena 2022.

Mu Ukwakira 2021, u Bubiligi bwasubije u Rwanda imbyino n'indirimbo bisaga 4000 byafashwe mu bihe bitandukanye, guhera mu mwaka wa 1950 kugeza mu mwaka wa 2000.

Izi ndirimbo ziri mu buryo bw'ikoranabuhanga ry'amajwi, kuzihererekanya mu bantu bizaba byoroshye.

Umuyobozi Mukuru w'Inteko y'Umuco, Ambasaderi Robert Masozera avuga ko ari umurage wasubijwe bene wo. Ati 'Ni Umurage wagaruriwe benewo, ku bahanzi harimo isôoko y'inganzo, ku bashakashatsi harimo isôoko y'amateka n'ubumenyi rusange, n'undi Munyarwanda wese wazifuza kuko ni ingeri y'ubuhanzi irimo indangagaciro nyinshi.' Ibihangano byahanzwe mu gihe cya kera bibitswe ku bikoresho by’ikoranabuhanga ryo hambere bigiye gushyirwa mu ikoranabuhanga rishya

Inteko y’Umuco yashishikarije abahanzi kuyishyikiriza ibihangano byo ha mbere babitse ngo bibikwe mu ikoranabuhanga rigezweho ku nyungu z’abariho ubu no mu gihe kizaza