Author: webrwanda

Mbonizana Felix uzwi nka Pablo wabaye umutoza wungirije wa Bugesera FC, yitabye Imana.

Mu gitondo cyo kuri uyu wa Kane nibwo inkuru y’incamugongo yamenyekanye ko Pablo yitabye Imana.

Uyu mugabo akaba yazize uburwayi aho yari amaze igihe arwaye Diabete.

Ku wa Kabiri w’iki cyumweru ubwo Bugesera FC yatangazaga ko yatandukanye na Mbarushimana Abdou, amakuru avuga ko na Pablo yari yasezerewe.

Pablo yinjiye muri Bugesera FC muri 2020 yazanye na Abdou aje kumwungiriza nk’uko yari umwungiriza we muri AS Muhanga.

Pablo yitabye Imana

Uruzinduko rw’aba bofisiye ruje rukurikira urw’Umugaba Mukuru w’Ingabo za Misiri (Egypt) Lt Gen Mohamed Farid wayoboye itsinda ry’abasirikare bakuru basuye u Rwanda kuva tariki ya 27 kugeza ku wa 29 Gicurasi 2021.

Iri tsinda ririmo n’abasirikare bane barimo gusoza amasomo y’abofisiye, ryasuye Ingabo z’u Rwanda kuva ku Cyumweru taliki ya 16 kugeza kuri uyu wa Kane ku ya 20 Mutarama 2022.

Minisiteri y’Ingabo z’u Rwanda yatangaje ko iri tsinda rigizwe n’abanyeshuri n’umuyobozi wabo basuye icyicaro gikuru cy’Ingabo z’u Rwanda giherereye mu Murenge wa Kimihurura mu Karere ka Gasabo.

Kuwa 18 Mutarama 2022 bakiriwe na Maj Gen Ferdinand Safari, Umuyobozi w’Ishami rishinzwe Politiki n’Imikorere muri Minisiteri y’Ingabo na Col Chrstostom Ngendahimana, Umuyobozi wa J3, mu izina ry’Umugaba Mukuru w’Ingabo.

Maj. Gen. F. Safari yashimye umubano mu bya gisirikare usanzwe urangwa hagati y’u Rwanda na Misiri, anaha ikaze abo banyeshuri n’umuyobozi wabaherekeje abifuriza kugirira ibihe byiza mu Rwanda.

Mu gihe bamaze mu Rwanda, basuye Urwibutso rwa Jenoside yakorewe Abatutsi rwa Kigali bunamira inzirakarengane zazize Jenoside yakorewe Abatutsi 1994 basura n’Ingoro y’Amateka y’urugamba rwo guhagarika Jenoside iherereye ku Nteko Ishinga Amategeko y’u Rwanda.

Ingabo za Misiri n’Ingabo z’u Rwanda bifitanye umubano mwiza mu bijyanye no guhanahana ubumenyi mu myitozo ya gisirikare.

Pete Davidson umunyarwenya wabigize umwuga akaba n’umukinnyi wa filime, agiye kumara amezi 4 akundana n’umunyamidelikazi Kim Kardashian wahoze ari umugore wa Kanye West banabyaranye abana bane. Mu minsi ishize Kanye West Ye yagaragaje ko atishimiye umubano waba bombi ndetse anarenzaho ko yifuza gukubita Pete Davidson. Nyuma yo kumva ibi, byatumye uyu musore akaza umutekano we, aho yahaye akazi abashinzwe kumurindira umutekano (Security/bodyguard) benshi mu rwego rwo kwirinda gukubitwa.

Nkuko byagiye bitangazwa n’ibinyamakuru byinshi byandika ku myidagaduro birimo TMZ,Rap-Up, Hollywood Life n’ibindi, byavuze ko Pete Davidson yahaye akazi abagabo b’ibigango bagera kuri 4 bazajya bamugenda impande bamucungira umutekano nyuma yo kumva ko Kanye West Ye yifuza kumukubita nkuko yabivuze mu ndirimbo nshya yitwa ‘Eazy’ yakoranye n’umuraperi w’umunyabigwi witwa The Game.

TMZ yatangaje ko kuba Pete Davidson yakajije umutekano we atari uko afitiye ubwoba Kanye West ko yamukubita, ahubwo atewe ubwoba n’abafana b’uyu muraperi bamaze iminsi bamutera ubwoba ku mbuga nkoranyambaga bamubwira ko bazamukubita kuva aho Kanye West yasohoreye iriya ndirimbo.

Kuba Kanye West Ye uzwiho kutaniganwa ijambo yaravuze ko ashaka gukubita Pete Davidson, kubera ko uyu musore w’imyaka 28 afite uruhare runini mu kuba Kim Kardashian yaranze gusubirana na Kanye dore ko mbere yuko bakundana byagaragaraga ko Kanye na Kim bafite amahirwe yo gusubirana kugeza ubwo Pete yatangiye gutereta Kim w’imyaka 41 ubyaye kane.

Umunyezamu w’ikipe ya Gorilla FC, Ndoli Jean Claude avuga ko kuva 2005 yatangira gukina mu cyiciro cya mbere yababajwe n’umutoza w’abanyezamu ba AS Kigali wagiye amusebya ahantu hose ko yasaze ndetse yanarwaye igituntu.

Ibi uyu munyezamu yabitangaje mu kiganiro yahaye ikinyamakuru ISIMBI aho yavuze ko mu makipe agera muri 6 amaze gukinira, ari cyo kintu cyamubabaje cyane kumva umutoza agenda amuvuga, amusebya kandi amubeshyera.

Ati 'ikintu ntazibagirwa ni umunsi nari natijwe muri AS Kigali, umutoza w’abanyezamu akagenda ansebya ngo njyewe narwaye igituntu kandi njyewe nta kibazo na kimwe mfite, urumva nk’abo batoza tuba dufite ntabwo ari abatoza beza, ntabwo ari abatoza bubaka umupira w’ejo hazaza ahubwo barimo barawusenya.'

Ngo uku kumusebya ahanini biterwa n’uko yari umukinnyi mukuru kandi wakiniye amakipe atandukanye ndetse akaba hari byinshi yari azi kuri uyu mutoza.

Ati 'Buriya AS Kigali ikunda gucamo abantu bakuru kandi bakinnye mu makipe amwe n’amwe yo mu Rwanda ariko bagakunda guhura n’ibibazo nk’ibyo ng’ibyo, rero abatoza baba barimo kuko tuba tubazi mu buzima bwahise ntabwo wa muntu uje mu ikipe bamuha agaciro.'

Ndoli ngo yababajwe cyane no kumva abantu bamubwira ko Higiro Thomas (umutoza w’abanyezamu ba AS Kigali) yaragiye abwira abantu ko yasaze ndetse yanduye igituntu.

Ati 'Nari maze ukwezi naragiye kuko nabonaga ibihe ndimo n’ibyo nkoreramo bidahura, ndavuga ngo reka ndeke amasezerano yanjye arangire mbone kujya gushaka indi kipe, muri uko kwezi ntari mpari ngarutse nje gushaka urupapuro rundekura nagiye mpura n’abantu bambwira ngo Ndoli yarasaze, Ndoli yarwaye igituntu kandi abantu yabibwiraga babifataga nk’ukuri. '

Ndoli Jean Claude yakiniye AS Kigali 2016-17 ubwo APR FC yari imutijeyo, asoje amasezerano yahise yerekeza muri Kiyovu Sports yakiniye imyaka 2 maze 2019 ahita yerekeza muri Musanze FC nayo yakiniye imyaka 2 ahita ajya muri Gorilla FC akinira uyu munsi.

Ndoli Jean Claude ngo yababajwe cyane n’uko yaseejwe ko yasaze

Higiro Thomas ngo yasebeje Ndoli Jean Claude biramubabaza cyane

Ubwo bukangurambaga buri gukorwa n'ubuyobozi ku bufatanye n'abafatanyabikorwa b'akarere.

Umuyobozi w'ihuriro ry'abanyeshuri mu Rwanda, Ndayisaba Eustache, yavuze ko batangije ubukanguramaba bwo gushishikariza abanyeshuri gusubira ku ishuri no gukumira inda ziterwa abangavu.

Ati 'Ubu bukangurambaga turi kubukora dufatanyije na Plan International Rwanda, twahereye mu Karere ka Nyaruguru ariko tuzakomereza no mu tundi turere dufite intego ko tuzagera mu bigo byose by'amashuri yisumbuye mu gihugu.'

Bahereye mu Rwunge rw'Amashuri Saint Paul Kibeho kuko iryo shuri rifite abakobwa batewe inda bava mu ishuri ariko bamwe bamaze gusubiramo kuko abana babo bakuze.

Ndayisaba yavuze ko mu byo bakora harimo no gukumira inda z'imburagihe ziterwa abangavu kuko bibagiraho ingaruka mbi zirimo no kuva mu ishuri.

Mu rwego rwo guhangana n'icyo kibazo cy'inda ziterwa abangavu imburagihe, ku mashuri bari gukoreramo ubukangurambaga bari gusiga batangije 'Club' igizwe n'abanyeshuri izajya inyuzwamo inyigisho kuri byo.

Ati 'Kugira ngo haboneke uburyo bw'uko ayo makuru bajya bayahana twasanze ari ngombwa ko dushyiraho amatsinda afite inshingano yo kwigishanya hagati yabo no kwigisha abandi banyeshuri ibijyanye n'ubuzima bw'imyororokere.'

Imibare igaragaza ko kugeza ku wa 19 Mutarama 2022 mu Karere ka Nyaruguru mu mashuri y'incuke ubwitabire bw'abanyeshuri buri kuri 93,5% kuko mu bana 8 521 hamaze gutangira 7 970, bivuze ko ubwo hasigaye abagera ku 551.

Mu mashuri abanza ubwitabire bugeze kuri 96% kuko mu banyeshuri 71 612 hatangiye 68 779, bisobanuye ko hari 2 833 bakiri mu rugo.

Mu mashuri yisumbuye ku banyeshuri biga bataha ubwitabire buri kuri 96,7% kuko mu 16 645 abamaze gutangira ishuri ni 16 088 hakaba hasigaye 557.

Mu biga bacumbikirwa mu mashuri yisumbuye ubwitabire bugeza kuri 97,7% kuko mu bagomba gutangira bagera ku 4 093 hamaze gutangira abangana na 4 000.

Umuyobozi w'Akarere ka Nyaruguru wungirije ushinzwe imibereho myiza y'abaturage, Byukusenge Assoumpta, yabwiye IGIHE ko ubukangurambaga bukomeje kugira ngo abanyeshuri bose basubire ku ishuri.

Yasobanuye ko uburyo bukoreshwa harimo guhamagara hifashishijwe 'Sono mobile', gutanga amatangazo mu nsengero na Kiliziya, gushaka abana urugo ku rundi, inama zitandukanye zihuza inzego zinyuranye n'ibindi.

Ati 'Gushakisha abana birakomeje kandi uburyo turi gukoresha buri gutanga umusaruro.'
Byukusenge yavuze ko ibibazo byose bituma umunyeshuri atajya ku ishuri bigomba gukemurwa ariko bizakorwa ari ku ishuri kuko nta gikwiye kumubuza kwiga.

Bamwe mu banyeshuri biga mu Rwunge rw'Amashuri Saint Paul Kibeho bavuze ko bimwe mu bituma abanyeshuri bava mu ishuri harimo kuba ababyeyi batabitaho ngo babahe ibikoresho, abangavu baterwa inda n'ubukene buri mu miryango.

Bagaragaje kandi ko hari ababyeyi babakura mu ishuri bakabakoresha imirimo yo mu rugo irimo kwita ku matungo cyangwa guteka.

Ku mashuri bari gukoreramo ubukangurambaga bari gusiga batangije 'Club' izajya inyuzwamo inyigisho ku buzima bw’imyororokere

Ubukangurambaga bwahereye mu Rwunge rw’Amashuri Saint Paul Kibeho; iri shuri rifite abakobwa batewe inda bava mu ishuri

Abanyeshuri bagera kuri 30 bakomoka mu miryango itishoboye batangiwe amafaranga yo kujya barira ku ishuri mu gihe cy’umwaka wose

[email protected]

Umunyezamu w’ikipe ya Rayon Spots, Bashunga Abouba yaraye afashe indege yerekeza ku mugabane w’u Burayi muri Portugal gukora igeragezwa ry’iminsi 30 mu ikipe ya FC Setubal.

Mu mpera z’umwaka ushize nibwo FC Setubal yoherereje ubutumire ikipe ya Rayon Sports isaba uyu munyezamu ko yajya gukora igeragezwa muri iyi kipe ikina mu cyiciro cya 3 muri Portugal.

Bakaba barahise banamenyesha Ambasade ya Portugal muri Kenya ngo bafashe uyu munyezamu kubona ibyangombwa vuba akaba yajya muri iki gihugu mu rwego rwo kuba aramutse atsinze igeragezwa yahita asinyira iyi kipe mu gihe isoko rizaba rifunguye.

Uyu munyezamu watinze kubona ibyangombwa dore ko aba yaragiye tariki ya 12 Mutarama 2022, aherekejwe n’umuryango wamugejeje ku kibuga cy’indege mpuzamahanga cya Kigali i Kanombe, yaraye afashe rutimikerere yerekeza muri Portugal.

Nubwo byavuzwe ko agiye gukora igeragezwa, andi makuru avuga ko Bashunga Abouba agomba guhita asinyira iyi kipe adakoze igeragezwa.

Si ikipe ya mbere yo hanze y’u Rwanda yaba asinyiye kuko yakiniye ikipe ya Bandari FC yo muri Kenya ndetse na Buildcon yo muri Zambia.

Bashunga Abouba asinyiye iyi kipe yaba abaye umunyarwanda wa 3 ugiye gukina muri Portugal, ni nyuma Mutsinzi Ange Jimmy ukinira CD Trofense yo mu cyiciro cya kabiri ndetse na Dylan Maes wakiniye Amavubi U20 ubu akaba akinira Sintrense SAD yo mu cyiciro cya 3.

Bashunga Abouba yaraye yerekeje muri Portugal