Webrwanda Backend

Author: webrwanda

  • Kurarana akenda k'imbere bishobora gukurura ingorane zinyuranye – YEGOB #rwanda #RwOT

    Benshi muri twe iyo hakonje turara twambaye imyenda yo kurarana naho iyo hashyushye twiyambarira ikariso gusa tukaryama.

    Ni ibihe bibi byo kurarana ikariso?

    Haba ku bagabo no ku bagore ibibi byo kurarana ikariso birahari kandi bishobora kwirindwa.

    Ku bagore

    Abagore bakunze kwambara nubusanzwe imyenda ibegereye bityo n'ikariso bambara zikunze kuba zibegereye ndetse bamwe banambara udukabutura tubafashe cyane. Iyo ubize icyuya, mikorobe zinyuranye cyane cyane za bagiteri zihita zibona uko zororoka bityo waryama wambaye ikariso imyanya yawe y'ibanga ntibone uko ihumeka neza ndetse na za mikorobe zikabona uko zororoka bikaba byakuviramo indwara zinyuranye zaba iziterwa na mikorobe (infections) cyangwa se uburyaryate no kwishimagura haba ku gitsina cyangwa ahahegereye nko mu ntantu.

    Bikarushaho kuba bibi ku babira ibyuya nijoro cyane cyane abageze mu myaka yo gucura cyangwa ababa ahantu hashyushye kuko iyo ubize ibyuya na nijoro byongera bya byago byo kurwara indwara ziterwa na mikorobe.

    Twibutse ko ku ruhu rwacu haba mikorobe nyinshi, iyo rero zibonye akantu gatuma zororoka zibikora zitajuyaje kandi ingaruka zshobora kuza zikomeye cyane.

    Ku bagabo

    Ku bagabo naho nko ku bagore kurarana ikariso byongera uburyaryate mu mayasha, no ku mabya ndetse bishobora kongera ibyago byo kurwara indwara ziterwa n'imiyege zirangwa no kuvuvuka mu mayasha no munsi y'amabya.

    Ikindi kibi cyane ni uko bigira ingaruka ku myororokere aho bishobora gutera kutabyara.

    Kuko intanga ngabo hari ubushyuhe zitihanganira, kuba wiriwe wambaye ikariso ukanayirarana bituma amabya nk'uruganda rukora intanga akomeza kuba mu bushyuhe ibi bikagira ingaruka mbi ku ntanga aho zishobora gukorwa nabi, gupfa cyangwa kuba nkeya bityo amahirwe yo kubyara akagenda agabanyuka.

    Kurarana ikariso byongera ibyago byo kutabyara

    Ikindi ku bagabo ni icyerekeye DNA yo mu masohoro yabo.

    Ubushakashatsi bwakozwe mu 2015 n'itsinda ry'abashakashatsi bo muri Stanford University bwerekanye ko abagabo bararana amakariso bagira DNA mu masohoro yabo zishwanyaguritse cyane kuruta abatayararana ibi bikaba bigira ingaruka mu kubyara kuko intanga idafite DNA ikoze neza ntishobora gutanga umwana.

    Umwanzuro

    Gusa niba utabasha kurara utambaye ubusa buri buri wakambara ikanzu yo kurarana cyangwa undi mwenda ariko utakwegereye kuko n'umubiri nawo ukenera guhumeka no kwisanzura.

    Source : https://yegob.rw/kurarana-akenda-kimbere-bishobora-gukurura-ingorane-zinyuranye/

  • Kigali: ibyari ukwishimisha byarangiye umukobwa bamutanyuriyeho akenda k'imbere – YEGOB #rwanda #RwOT

    Umukobwa uri mu kigero cy'imyaka 19 y'amavuko bamutanyuriyeho akenda k'imbere ndetse bivugwa ko yasambanyijwe ku gahato n'umusore yari yaje gusura muri ghetto bumvikanye ko aramuha amafaranga ibihumbi bibiri akayamwima.

    Ibi byabaye kuri uyu wa Gatanu tariki ya 21 Mutarama 2022 mu masaha ya mu gitondo , mu murenge wa Jali mu karere ka Gasabo ,mu mujyi wa Kigali nk'uko Hanga yabitangaje.

    Amakuru avuga ko abantu bahuruye ari benshi baje kwihera ijisho iyo ghetto umusore arimo imbere mu nzu, umukobwa nawe yicaye hanze yumiwe nyuma yo gukorerwa ibiteye isoni.

    Biravugwa ko uyu mukobwa yagiye muri ghetto y'uyu musore ajyanywe n'umudamu witwa Carine. Mu gihe bamwe bavuga ko uyu musore yahuye n'akaga ko yagombaga kwishyura ibihumbi bibiri ntiyayatanga bikaba byaba intandaro yo kugwa mu cyaha cyo gukoresha undi imibonano mpuzabitsina ku gahato dore ko byarangiye amusambanyije nkuko bvugwa.

    Source : https://yegob.rw/kigali-ibyari-ukwishimisha-byarangiye-umukobwa-bamutanyuriyeho-akenda-kimbere/

  • Mu burakari budasanzwe Dj Brianne yasomeye abashomeri karahava (Videwo ) – YEGOB #rwanda #RwOT

    Dj Brianne ukunzwe n'abatari bacye mu Rwanda kubera ukuntu avugisha ukuri kwinshi cyane mu itangazamakuru yasomeye abashomeri.

    Uyu mukobwa abinyujije ku mbuga nkoranyambaga ze yashyize hanze amashusho ari gusomera abashomeri batajya bashaka akazi.

    Ubwo yifataga aya mashusho yari ari ku  buriri bwe, yavuze ko abahungu batagira akazi bagomba kugahiga aho gutega amakiriro ku bakobwa bakura abagabo bakabazanira.

    Ntago yavuze ku basore gusa dore ko yanavuze ku bakobwa aho yavugaga ko wowe mukobwa wicara nta kazi, utegereje ko umuhungu agutunga, ngo hari igihe azabona abandi bakurusha ubwiza wowe usigarire aho.

    Dj Brianne avanga imiziki mu buryo busanzwe kandi akaba yaramenyekanye cyane mu biganiro bica kuri youtube.

    Reba videwo yose asomera abashomeri

    abashomeri

    Source : https://yegob.rw/mu-burakari-budasanzwe-dj-brianne-yasomeye-abashomeri-karahava-videwo/

  • Aho yaciye: ibyo uyu musore yakoreye umu ex we ntazigera abyibagirwa – YEGOB #rwanda #RwOT

    Umusore yakoze agashya maze atungura uwahoze ari umukunzi we ahitamo kwishyura ideni ryose yari afite nyuma yo kumenya amakuru y'uko uyu mukobwa ubuzima bwamunaniye akaba yarakennye nyuma yo gutandukana.

    Uyu mugabo Nyland yaje kumenya amakuru ko uyu wahoze ari umukunzi we Keenan kuva batandukana yahuye n'ikibazo cy'ubukene akabura uko yishura ideni yari afite ndetse yaragwatirije inzu ye abamo maze afata icyemezo cyo kumufasha kwishyura iri deni ryose nk'umuntu babanye igihe kitari gito.

    Shaun Nyland utuye mu mujyi wa Newport mu Bwongereza ndetse n'uyu wahoze ari umukunzi we Cat Keenan, amakuru avuga ko bakundanye igihe kigera ku myaka itandatu ndetse baza no kubyarana abana babiri mbere y'uko hagati yabo hazamo ibibazo byatumye batandukana.

    Ibi byose byabaye nyuma y'uko aba bombi bamaze kumenyekana ku rubuga rwa TikTok mu mwaka wa 2019 ndetse baratangiye no gukorera amafaranga atari macye kubera amashusho bashyiraga kuri uru rubuga yakundwaga n'abakunzi babo.

    Nyuma yaho umubano wabo waje kuzamo ibibazo bitandukanye byatumye muri Werurwe 2021 batandukana ariko bakomeza kuba inshuti mu rwego rwo gukomeza gufatanya kurera abana babo babiri babyaranye.

    Keenan akimara gutandukana n'umukunzi we yaje guhura n'ibibazo by'ubukene ndetse abura nuko yishyura ideni yari afite.

    Kuwa 31 Ukwakira 2021, ubwo Keenan yizihizaga isabukuru y'imyaka 31 y'amavuko uyu Nyland yaje gutungura uyu wahoze ari umukunzi we maze amwishyurira iri deni ryose yari afite.

    Source : https://yegob.rw/aho-yaciye-ibyo-uyu-musore-yakoreye-umu-ex-we-ntazigera-abyibagirwa/

  • Gray Shema yashyize hanze amashusho yindirim… – #rwanda #RwOT

    For You ya Gray Shema ni indirimbo y'iminota itatu n'amasegonda mirongo itatu n'umunane (3:38'). Mu gitero cya mbere cy'iyi ndirimbo uyu musore aririmba amagambo ashushanya urukundo rw'abantu babiri badashaka ababavuga cyangwa ababatera umwanya. Muri iki gitero kandi uyu musore aba abwira uwo mukobwa ko azamutembereza umujyi gusa agasobanura ko habura gato ngo abyemeze. 

    Mu kiganiro uyu musore yagiranye na InyaRwanda.com, yavuze ko iyi ndirimbo yayituye abakundana ndetse n'abasore bashaka gutereta avuga ko bakwiriye kwiga uburyo bushya mu rwego rwo kugira ngo babashe kubemeza. Mu magambo ye yagize ati:

    'Iyi ndirimbo yarangoye cyane, yaramvunnye, yansabye gukora iyo bwabaga kugira ngo ngaragaze neza ubutumwa bw'amagambo nanditse. Mu by'ukuri, iyi ndirimbo ishingiye ku nkuru y'urubyiruko by'umwihariko abasore kuko nibo bagorwa no gushaka abakunzi cyangwa bakabura amagambo bakoresha.

    Nagiye gufatira amashusho amwe mu mujyi wa Rubavu (Gisenyi), kugira ngo mbashe gushyiramo amashusho y'ibyo nashakaga byose kandi byagenze neza cyane, ndasaba abasore n'urubyiruko muri rusange gukoresha iyi ndirimbo kandi nziko izabafasha kwegukana abo bifuza'.

    Gray Shema yatangaje ko nyuma y'iyi ndirimbo afite indi mishanga ari gutegura ngo na cyane ko muzika ye ayifuza ku rundi rwego. Umurya w'iyi ndirimbo wakarazwe na Real Beats unononsorwa na Bob Pro, mu gihe amashusho yayo yayobowe na Fayzo Pro, ateranywa na 2Saints.

    REBA HANO AMASHUSHO Y’INDIRIMBO FOR YA GRAY SHEMA

    Source : https://inyarwanda.com/inkuru/113727/gray-shema-yashyize-hanze-amashusho-yindirimbo-ye-yise-for-you-video-113727.html

  • Kamonyi: Barasaba RIB icukumbura ku kibazo cya DASSO bikekwa ko yagambaniwe agafungwa #rwanda #RwOT

    Ni DASSO Amini Jean Paul, ukorera mu kagari ka Gihara, Umurenge wa Runda, akarere ka Kamonyi, yafashwe ndetse afungwa n'urwego rw'Igihugu rw'Ubugenzacyaha-RIB. Akurikiranyweho gusambanya umwana w'umukobwa (ukora mu kabari), aho bivugwa ko ataruzuza imyaka y'ubukure. Bamwe baravuga akagambane muri iki kibazo. Hanibazwa uburyo uyu yararanye na DASSO Amini, akamusambanya ku ngufu ntatabaze ngo abanturanyi bamutabare, no gukurikiranwa bikarinda kwambuka umwaka wa 2021 bigafata 2022.

    Hari bamwe mu baturage mu Kagari ka Gihara bavuga ko umuzi nyakuri w'iki kibazo ushingiye ku bushyamirane DASSO Amini yagiranye n'umwe mu baturage muri aka kagari ubwo yari mu kazi ke, hanyuma uyu muturage akaza gukubita uyu DASSO, nyuma agafatwa agafungwa ariko akaza kurekurwa by'agateganyo, aho yahawe igihe cyo kujya yitaba urukiko rwibanze rwa Gacurabwenge.

    Aba baturage, bavuga ko intsiriri yavuye aha, aho uyu muturage wafunzwe biturutse ku guhohotera DASSO wari mukazi akamukubita, yafunguwe by'agateganyo, akavuga ko ngo agomba kuzihorera, ari nabyo bamwe bavuga ko bishoboka kuba byarakozwe.

    Ni aha kandi bamwe bahera, basaba urwego rw'Igihugu rw'Ubugenzacyaha-RIB n'ubutabera muri rusange kwikorera icukumbura ryimbitse kuri iki kibazo, bakareba niba nta kagambane kaba kari inyuma y'iki kibazo. Bavuga ko niba koko DASSO Amini yarakoze icyaha ashinjwa yazabihanirwa, ariko ngo hakaba hakwiye kurebwa niba nta kagambane kabaye.

    Ku yandi makuru dukesha ikinyamakuru montjalinews, kigaragaza ko ibijyanye n'imyaka y'amavuko kuri uyu mukobwa ishidikanywaho, kuko ngo hari impapuro zivuguruzanya ku gihe nyacyo yavukiye. Hari n'abasaba ko nabyo byakorwaho iperereza hakarebwa niba nta guhimba kwabayemo hagamijwe kubika urusyo kuri DASSO, basanga arengana akarenganurwa, yaba kandi ahamwa n'icyaha agahanwa.

    Zimwe mu mpapuro zituruka iwabo aho yavukiye, zemeza ko ngo yavutse mu 2003, muri Kabagesera, hakaba 2004 mu Murenge wa Rugalika, hakiyongera ho Mituweli yanditseho ko yavutse muri 2005, abana bangana nawe bivugwa ko ari urungano ku musozi nabo ngo ni abo muri 2003 nkuko montjalinews ibivuga.

    Muri iki gihe cya Covid-19, mu kagari ka Gihara hari bamwe mu baturage bavuga ko batishimiraga imikorere ya DASSO Amini, ahanini biturutse ko akenshi ngo yabangamiraga bamwe batashakaga kubahiriza ingamba zo kwirinda iki cyorezo cya Covid-19,  nk'abanyakabari n'abagahuriramo ndetse n'ahandi. Bivugwa kandi ko muri iki kibazo hari n'abishyize hamwe bakusanya amafaranga hagamijwe ko byanze bikunze hakorwa ibishoboka byose ngo uyu mukobwa ahagarare ku mugambi wo gushinja DASSO Amini.

    Photo/internet

    intyoza

    Source : https://www.intyoza.com/kamonyi-barasaba-rib-icukumbura-ku-kibazo-cya-dasso-bikekwa-ko-yagambaniwe-agafungwa/

  • Gicumbi: Abaturage bishimiye gufatanya n’abanyamakuru mu gutera ibiti #Rwanda #RwOT via @kigalitoday #rwanda #RwOT

    Umwe mu baturage bitabiriye icyo gikorwa, Hakizimana Damasène, wo mu Murenge wa Cyumba, avuga ko bishimiye kuba abanyamakuru baje kwifatanya na bo mu gutera ibiti, binatuma bababona barabamenya mu gihe babumvaga gusa.

    Agira ati 'Biranshimishije cyane kwifatanya n’abanyamakuru muri iki gikorwa cy’agaciro gakomeye. Tubonye ko buri muntu ahangayikishijwe no kubungabunga ibidukikije, twiteguye kurinda ibi biti kugira ngo hatazagira ikibihungabanya, bityo nibikura bizadufashe kubona umwuka mwiza duhumeka.'

    Arongera ati 'Ikindi kidushimishije ni uguhura na bamwe mu banyamakuru twajyaga twumva ku maradiyo none turabibonye amaso ku maso. Kubungabunga ibidukikije dutera ibiti bitumye tumenyana, nkifuza ko bazagaruka'.

    Bajeneza na we wo mu Murenge wa Cyumba, ati 'Iki gikorwa dukoze ni inyamibwa pe! Ubu ibi biti nibikura bizajya bituzanira imvura duhinge tweze kandi binarwanye isuri yaterwa n’iyo mvura mu gihe ibaye nyinshi. Ni iby’agaciro kandi kuba abanyamakuru badusuye tugafatanya muri iki gikorwa, ubu busitani tuzabwitaho bukomeze butohe ubundi tujye tuharuhukira turi ku nzira'.

    Umuyobozi w’Akarere ka Gicumbi wungirije ushinzwe iterambere ry’ubukungu, Uwera Parfaite, avuga ko Akarere ka Gicumbi kishimiye abanyamakuru biyemeje gufatanyije n’abaturage bako mu muganda wo kubungabunga ibidukikije.

    Agira ati 'Abanyamakuru ni ijisho rya rubanda, ni abavugizi bakomeye b’ibikorwa bitandukanye byo mu gihugu. Ni amahirwe akomeye rero kwemera kuza kwifatanya natwe'.
    Umuyobozi w’Umushinga Green Gicumbi, ufite ibikorwa byinshi bijyanye no kurengera ibidukikije mu karere ka Gicumbi, Kagenza Jean Marie Vianney, yavuze ko ako karere kagomba kuba icyitegererezo cy’ahantu hatoshye.

    Ati 'Turifuza ko Gicumbi iba Gicumbi itoshye, ikaba nanone isoko y’u Rwanda rutoshye'.

    Ubusitani bwatewemo ibiti ku muhanda Kigali-Gatuna ku gice cy’Akarere ka Gicumbi, buzakomeza gutunganywa ku bufatanye n’Umushinga Green Gicumbi, ufite ibikorwa bitandukanye mu mirenge icyenda yo muri ako karere, byose byibanda ku guhangana n’imihindagurikire y’ikirere.

    Mu byo uwo mushinga ukora harimo gutera ibiti, gusazura amashyamba, gukora amaterasi y’indinganire n’ayikora no kuyateraho ibyatsi bigaburirwa amatungo, gufasha abaturage kubona imbuto nziza, n’indi bikorwa bitandukanye bigamije kuzamura imibereho y’abaturage.

    Igikorwa cyo gutera ibiti cyabaye ku wa 20 Mutarama 2021, abo banyamakuru bakaba baracyitabiriye nyuma yo gusozaga amasomo bari bamazemo iminsi, ajyanye no kurengera ibidukikije ndetse no ku mihindagurikire y’ikirere yateguwe n’Umuryango mpuzamahanga wita ku bidukikije (GGGI) ku bufatanye n’Ikigega cy’igihugu gishinzwe amashyamba (FONERWA), Umushinga Green Gicumbi n’Urwego rw’abanyamakuru bigenzura (RMC).

    Source : https://www.kigalitoday.com/ibidukikije/ibungabunga/article/gicumbi-abaturage-bishimiye-gufatanya-n-abanyamakuru-mu-gutera-ibiti

  • 'Ibyo nakoze ni ishema kuri buri mugore' Salma Mukansanga #rwanda #RwOT

    Salma Mukansanga, umusifuzi w'umupira w'amaguru wo hagati, yabwiye BBC ko ibyo yakoze ari 'ishema' kandi ari 'ingenzi kuri buri mugore ukunda siporo'.

    Uyu musifuzi wo hagati mu kibuga muri iki cyumweru yabaye umugore wa mbere uyoboye umukino w'igikombe cya Africa cy'abagabo.

    Ni igikorwa cyishimiwe na benshi, by'umwihariko Abanyarwanda cyane ko n'ikipe y'igihugu Amavubi yo itabashije guseruka muri iyi mikino ya nyuma y'igikombe cya Africa muri Cameroun.

    Mukansanga na bamwe mu bandi basifuzi ubu bavuye mu murwa mukuru Yaoundé bimukira i Douala ahazabera imwe mu mikino ya 1/8, 1/4 n'umukino umwe wa 1/2, nk'uko umunyamakuru wa BBC Yves Bucyana uri muri Cameroun abivuga.

    Rwanda referee Mukansanga and her all-female assistants make history at Afcon 2021 | Goal.com

    Nyuma y'uko imikino mu matsinda irangiye ku wa kane, imikino ya 1/8 izatangira ku cyumweru Burkina Faso ikina na Gabon naho Nigeria ihatana na Tunisia.

    Birashoboka ko Mukansanga — usifura mu kibuga hagati cyangwa akaba umusifuzi wa kane (uba ushobora gusimbura uri hagati bibaye ngombwa) yahabwa undi cyangwa indi mikino mu isigaye, nk'uko Bucyana abivuga.

    Ku ntambwe yateye, Mukansanga yabwiye BBC ko kubona amahirwe yo gukora mu gikombe cya Africa cy'abagabo agasifura umukino nawo ukagenda neza 'numvaga atari ibintu bisanzwe'.

    Yagize ati: 'Narishimye cyane, naranezerewe birenze'

    Avuga ko ibyo yagezeho abicyesha ibintu byinshi harimo ishyirahamwe ry'umupira w'amaguru muri Africa (CAF) 'yampaye amahirwe'.

    Yongeraho ati '…mbikesha igihugu cyanjye kuko bambaye hafi kuri buri kintu cyose. Mbikesha na buri wese wambaye hafi wangiriye inama wanshyigikiye…

    'Ni ishema, ni ingenzi kuri njyewe no kuri buri muntu wese w'igitsina-gore ukunda siporo.'

    Mukansanga yabaye umusifuzi mpuzamahanga kuva mu 2012, hari hashize imyaka hafi itanu asifura imikino y'abagore n'abagabo mu Rwanda.

    Amaze kuyobora imikino myinshi mpuzamahanga y'abagore irimo igikombe cy'isi U-17, All African Games, igikombe cya Africa, CECAFA y'abagore, igikombe cy'isi, imikino olempike… ari kandi mu bazatoranywamo gusifura igikombe cy'isi cy'abagore cya 2023 izabera muri Australia na New Zealand.

    SRC:BBC

    The post 'Ibyo nakoze ni ishema kuri buri mugore' Salma Mukansanga appeared first on IRIBA NEWS.

    Source : https://iribanews.rw/2022/01/21/ibyo-nakoze-ni-ishema-kuri-buri-mugore-salma-mukansanga/

  • Ibihugu 6 byasezerewe mu gikombe cya Afurika 2022 birimo Algérie na Ghana, uko amakipe yakomeje muri 1/8 ndetse n'uko azahura #rwanda #RwOT

    Ku mugoroba wo kuri uyu wa kane tariki ya 20 Mutarama 2022 nibwo hasozwaga imikino y'amatsinda mu gikombe cya Afurika gikomeje kubera mu gihugu cya Cameroon, nyuma yo gusoza iyi mikino amakipe arimo Algeria na Ghana zamaze gusezererwa muri iri rushanwa.

    Mu mikino yo gusoza amatsinda, ikipe ya Sierra Leone yatsinzwe na Guine Equatorial igitego kimwe ku busa cyatsinzwe na Pablo Ganet ubwo hari ku munota wa 38 w'umukino.

    Mu wundi mukino wo mu itsinda E ikipe ya Cote d'Ivoire yatsinze Algérie ibitego 3-1, ni ibitego byatsinzwe na Frank Kessie, Ibrahim Sangare ndetse na Nicolas Pepe, igitego kimwe cya Algeria cyatsinzwe na Sofiane Bendebka.

    Mu itsinda rya nyuma rya F, ikipe ya Gambia yatsinze Tunisia igitego kimwe ku busa cyatsinzwe na Abie Jallow ubwo hari ku munota wa 3 w'inyogera ku minota 90 w'umukino.

    Ku rundi ruhande ikipe ya Mali yo yatsinze ikipe ya Mauritania ibitego 2-0, ni ibitego byatsinzwe na Massadio Haidara ku munota wa 2 ikindi kikaba cyatsinzwe na Ibrahima Kone ubwo hari ku munota wa 49 kuri Penalite.

    Nyuma y'iyi mikino yo mu matsinda yose yaraye irangiye amakipe 2 ya mbere muri buri tsinda yakomeje muri 1/8, ni ukuvuga amakipe 12 yakomeje hakiyongeraho andi 4 yitwaye neza mu makipe 6 yabaye aya gatatu muri buri tsinda.

    Mu makipe 6 yaraye asezerewe harimo ikipe y'Igihugu ya Algérie ifite Igikombe cya Afurika giheruka cya 2019 ndetse hiyongeraho ikipe y'igihugu ya Ghana nayo yasezerewe muri iki gikombe cya Afurika.

    Uko ibihugu bizahura muri 1/8 cy'irangiza mu gikombe cya Afurika gikomeje kubera muri Cameroon:

    Ku Cyumweru, tariki ya 23 Mutarama 2022:
    18:00: Burkina Faso vs Gabon, i Limbé
    21:00: Nigeria vs Tunisie, i Garoua

    Ku wa Mbere, tariki ya 24 Mutarama:
    18:00: Guinée vs Gambie, i Bafoussam
    21:00: Cameroun vs Comores, kuri Stade Olembe (Yaoundé)

    Ku wa Kabiri, tariki ya 25 Mutarama:
    18:00: Sénégal vs Cap-Vert, i Bafoussam
    21:00: Maroc vs Malawi, kuri Stade Ahmadou Ahidjo i Yaoundé

    Ku wa Gatatu, tariki ya 26 Mutarama 2022:
    18:00: Côte d'Ivoire vs Misiri, kuri Stade Japoma
    21:00: Mali vs Guinée Equatoriale, i Limbé

    The post Ibihugu 6 byasezerewe mu gikombe cya Afurika 2022 birimo Algérie na Ghana, uko amakipe yakomeje muri 1/8 ndetse n'uko azahura appeared first on RUSHYASHYA.

    Source : https://rushyashya.net/ibihugu-6-byasezerewe-mu-gikombe-cya-afurika-2022-birimo-algerie-na-ghana-uko-amakipe-yakomeje-muri-1-8-ndetse-nuko-azahura/?utm_source=rss&utm_medium=rss&utm_campaign=ibihugu-6-byasezerewe-mu-gikombe-cya-afurika-2022-birimo-algerie-na-ghana-uko-amakipe-yakomeje-muri-1-8-ndetse-nuko-azahura

  • Gisagara: Imvura irimo umuyaga n’inkuba yahitanye umuntu inangiza inzu n’imyaka #Rwanda #RwOT via @kigalitoday #rwanda #RwOT

    Nk’uko bivugwa n’Umuyobozi w’Akarere ka Gisagara wungirije ushinzwe ubukungu, Jean Paul Habineza, aho iyo mvura yigirije nkana ni mu Mirenge ya Save na Musha, ari na ho hangiritse ibintu bitandukanye harimo n’urupfu rw’umuturage wakubiswe n’inkuba, undi agakomereka bikomeye ubu akaba ari mu bitaro.

    Mu Murenge wa Musha hangiritse inzu 32, ibikoni 2, amapoto 10 y’umuriro yaguye n’insinga zigacika, ndetse n’imyaka mu mirima kuri hegitari 20, iyo myaka ni ibigori, amasaka n’insina.

    Mu Murenge wa Save hasambutse ibiro by’umurenge n’inzu itangirwamo serivisi zo kuboneza urubyaro, ndetse n’ahatangirwa serivisi z’irembo, hombi hafi y’umurenge.

    I Save kandi hari inzu 7 zaguye, hanaguruka ibisenge by’inzu 56, ibikoni 4 harimo icy’ishuri ribanza rya Shyanda, hegitari 15 zari zihinzeho imyaka nazo zangiritse.

    Visi Meya Habineza anavuga ko abari mu nzu zasenyutse cyangwa zasambutse ubu babaye bashakiwe aho bacumbika, mu gihe batarabonerwa ubufasha.

    Source : https://www.kigalitoday.com/amakuru/amakuru-mu-rwanda/article/gisagara-imvura-irimo-umuyaga-n-inkuba-yahitanye-umuntu-inangiza-inzu-n-imyaka