Webrwanda Backend

Author: webrwanda

  • Kabuga Felicien yongeye kubwira urukiko ko adashaka umwunganira #rwanda #RwOT

    Mu iburanisha ry'uyu munsi, Kabuga Félicien yabwiye urukiko ko ashaka guhindura abamwunganira ngo kuko 'batamuha raporo y'ibyo bakora'.

    Gusa umwunganira, Me Emmanuel Altit yabwiye urukiko ko bakora bitanze kugira ngo barengere inyungu z'umukiriya wabo, kandi babikora kinyamwuga.

    Umucamanza wo mu rukiko rw'i La Haye mu Buholandi cy'urwego rwasigaranye imanza zasizwe n'urukiko mpanabyaha mpuzamahanga rwashyiriweho u Rwanda, Iain Bonomy, yabanje gusubiramo intambwe zose uru rubanza rumaze gucamo kuva uregwa yafatwa.

    Yibukije ko yemerewe kuburanira i La Haye kuko atajyanwa i Arusha muri Tanzania kubera impamvu z'ubuzima, anavuga ko urukiko ruhabwa amakuru y'ukuntu amagara y'uregwa yifashe.

    Urubanza rwashyizwe mu mwiherero ubugira kabiri nyuma y'aho Kabuga aherewe ijambo ngo avuge inzitizi we abona zaba zikiriho, akavuga ko kugeza ubu atavugana n'umwunganira Maitre Altit, ko atamushyikiriza amakuru n'amwe akaba ahubwo ashaka ko yasimburwa n'uwitwa Peter Robison.

    Maitre Altit abajijwe icyo abivugaho, yahise abwira umucambanza ko impungenge Bwana Kabuga amufiteho atazivugira ku karubanda,urubanza rushyirwa mu mwiherero.

    Iki kibazo cyo kwanga kunganirwa na Maitre Altit, Felicien Kabuga we n'umuryango we bagitangaje kuva yagezwa imbere y'urukiko ku nshuro ya mbere mu kwezi kwa cumi na rimwe 2020, bakavuga ko atumvikana n'umucamanza uriho.

    Bwana Kabuga,binyuze ku buhanga bwa video, yongeyeho ko uretse uwo mwunganizi we adashaka, yumva nta kindi cyamubuza kwitabira urubanza rwe.

    Ubushinjacyaha nabwo bwahawe ijambo, buvuga ko nta nzitizi bo bafite,uretse kumenyesha ko hari ingingo 2 batazakurikirana.

    Kuburana kwahise kwimurirwa ku itariki itahise imenyekana.

    Kabuga Felicien yafatiwe mu Bufaransa tariki 16/05/2020, nyuma y'imyaka irenga 20 ashakishwa n'ubutabera ku ruhare ashinjwa muri jenoside yakorewe Abatutse mu 1994.

    BBC

    Source : https://umuryango.rw/amakuru/mu-mahanga/ubutabera/article/kabuga-felicien-yongeye-kubwira-urukiko-ko-adashaka-umwunganira

  • Amerika yishe umuyobozi wa ISIS mu gitero cyamaze amasaha 2 #rwanda #RwOT

    Umuyobozi w'Umutwe w'Iterabwoba wiyita Leta ya Kisilamu, Abu Ibrahim al-Hashimi al-Qurayshi, yishwe n'igitero cy'ingabo kabuhariwe za Leta Zunze Ubumwe za America muri Syria.

    Abu Ibrahim al-Hashimi al-Qurayshi ari mu bantu 13 biciwe mu gitero kabuhariwe cya gisirikare cyamaze amasaha abiri.

    Perezida wa Leta Zunze Ubumwe za America, Joe Biden yatangaje iby'uru rupfu rwa Abu Ibrahim al-Hashimi al-Qurayshi.

    Mu itangazo yashyize ahagaragara, Perezida wa Leta zunze ubumwe z'Amerika, Joe Biden, aragira, ati: “Mu ijoro ryakeye, ku itegeko ryanjye, abasirikare b'Amerika batunganyije neza mu burengerazuba bw'amajyarugu ya Siriya igikorwa cyo kurwanya iterabwoba.

    Mu mirwano, twahitanye Abu Ibrahim Al-Hashimi Al -Qurayshi, umuyobozi wa ISIS. Abanyamerika bose batashye amahoro.”

    Yakomeje ati'Tubikesheje ubumenyi n'ubutwari by'ingabo zacu, twivuganye Abu Ibrahim al-Hashimi al-Qurayshi.'

    Yavuze ko igitero kabuhariwe cyo kwivugana uyu muyobozi w'Umutwe w'Iterabwoba, cyagenze neza kikaba cyakozwe mu rwego rwo kurwanya Iterabwoba no kurinda Abanyamerica ndetse n'abafatanyabikorwa b'iki Gihugu.

    Abu Ibrahim al-Hashimi al-Qurayshi yari umuyobozi wa kabiri wa IS nyuma y'iyicwa rya Abu Bakr al-Baghdadi washinze uyu mutwe wishwe muri 2019.

    Uyu mutwe w'Iterabwoba wiyise Leta ya Kisilamu, wari uri kugerageza kwikusanya wubura ibitero muri kariya karere birimo n'icyari kigambiriye Gereza mu kwezi gushize.

    Source : https://umuryango.rw/amakuru/mu-mahanga/umutekano/article/amerika-yishe-umuyobozi-wa-isis-mu-gitero-cyamaze-amasaha-2

  • Munyakazi Sadate yashimangiye ko Rayon Sports igomba gutwara igikombe byanga byakunda – YEGOB #rwanda #RwOT

    Munyakazi Sadate wigeze kuba umuyobozi wa rayon Sports yatangaje ko ntakabuza iyi kipe igomba gutwara igikombe uyu mwaka.

    Mu butumwa yanyujije ku rubuga rwa Twitter, Sadate yatangaje ko ikipe ya rayon sports igomba gutwara igikombe ndtse ko abona Perezida Jean Fidele Uwayezu na Committe bafatanyije kuyobora Rayon Sports bafite ubushobozi kandi abona bazabikora.

    Mubutumwa kandi Munyakazi yatanze, yavuzeko nk'abafana cyangwa abakunzi ba Rayon Sports, ikinzwe iri ku isonga mu gukundwa n'abatari bake hano mu Rwanda, icyo basabwa ari ugufsha committe iriho kugirango ibyo biyemeje uyu mwaka bazabigereho.

    Ndabivuze kdi muzabimbaze nibitaba, uyu mwaka @rayon_sports tuzatwara igikombe Nyakubahwa Uwayezu J. Fidèle na Komite ye bazabikora kdi cyane, icyo dusabwa ni ukubafasha. pic.twitter.com/N6Aj5IMdUU

    — Munyakazi Sadate (@SadateMunyakazi) February 3, 2022

    Source : https://yegob.rw/munyakazi-sadate-yashimangiye-ko-rayon-sports-igomba-gutwara-igikombe-byanga-byakunda/

  • Miss Mutesi Jolly yagaragaye arimo kunyonga igare (video) – YEGOB #rwanda #RwOT

    Miss Mutesi Jolly abinyujije ku rukuta rwe rwa Twitter yashyize hanze video arimo kunyonga igare maze ayiherekesha amagambo agira ati ” @TourduRwanda I am at your exposure 😜🚴 #VisitRwanda “.

    Iyo videwo ni iyi ikurikira:

    Source : https://yegob.rw/miss-mutesi-jolly-yagaragaye-arimo-kunyonga-igare-video/

  • Imbwa yamamaye cyane, irebere icya tumye yamamara (Video) – YEGOB #rwanda #RwOT

    Akenshi abantu benshi usanga bafata inyamaswa nk'zidafite ubwenge ndetse abenshi bakanagera kure bakajya bazifata nkaho zitagira ubuzima.

    Mu nyamaswa nyinshi zabaye nk'izihaye gaciro usanga harimo imbwa, ipusi, ndetse n'izindi.

    Ubu ngubu hari imbwa yamaze guca agahigo kubera ibintu yakoze bisa nkaho bidasanzwe ku mbwa, ubwo yirengeraga amacupa y'amazi amwe ku giti yatamiye.

    Abantu bakaba bakomeje kuvugako inyamaswa nazo zifite agaciro ndetse zifite n'ubwenge ndetse usanga zinatangaje.

    Usibye ibi imbwa nyinshi zimenyerewe mu gusaka ibisasu, ibiyobyabwenge ndetse no gupima indwara nka COVID-19.

     

     

    Source : https://yegob.rw/imbwa-yamamaye-cyane-irebere-icya-tumye-yamamara-video/

  • Hagiye gushya: Umuhanzi Jose Chameleone yateguje Abanyarwanda ibintu bikomeye – YEGOB #rwanda #RwOT

    Umuhanzi wo muri Uganda Jose Chameleone yatangaje ko vuba aza gutaramira mu Rwanda. Ibi yabitangaje abicishije ku mbuga nkoranyambaga ze ariko ntiyigeze atangaza amatariki naho ibyo bitaramo bizabera.

    Birashoboka ko yazakora ibitaramo bizenguruka imijyi itandukanye yo mu Rwanda nk'uko yavuke ari Rwanda Tour.

    Chameleone ukundwa n'abanyarwanda benshi, yaherukaga gutaramira mu Rwanda mu bitaramo byo kumurika alubumu ya DJ Pius yise Iwacu mu 2018 mu gitaramo cyabereye I musanze.

    Source : https://yegob.rw/hagiye-gushya-umuhanzi-jose-chameleone-yateguje-abanyarwanda-ibintu-bikomeye/

  • Vincent Aboubakar yibasiye Mohamed Salah barahurira muri 1/2 cya AFCON2021 #rwanda #RwOT

    Kapiteni wa Kameruni, Vincent Aboubakar, avuga ko atakanzwe n'imikinire ya Mohammed Salah wo mu Misiri barahangana kuri uyu mugoroba muri 1/2 cy'igikombe cya Afurika.

    Uyu rutahizamu wa Kameruni, Vincent Aboubakar, yafashe icyemezo cyo kunenga Mohamed Salah habura amasaha make ngo bahure na Misiri muri kimwe cya kabiri kirangiza mu gikombe cya Afurika.

    Benshi babona ko uyu mukinnyi ba Liverpool ari umwe mu bakinnyi beza ku isi muri iki gihe, nyuma yo gutangira shampiyona neza ku ruhande rwa Jurgen Klopp.

    Uyu rutahizamu wa Kameruni, Aboubakar yashimangiye ko atakunze cyane imikinire ya Salah kubera ko atarema uburyo bwinshi mu mukino.

    Yagize ati“Ntabwo anshimisha cyane.Mbivuze neza kuko ndi umuntu w'inyangamugayo kandi mfite uburyo bwanjye mbonamo ibintu.Abaye yaranshimishije, nabivuga. Ariko ntabwo anshimisha cyane.

    N'umukinnyi mwiza, atsinda ibitego byinshi ariko ntatanga ibintu byinshi mu mukino. Birumvikana ko akora ibintu byiza muri Premier League kuko amaze imyaka myinshi akina mu makipe akomeye. Ni umukinnyi mwiza ariko ntari ku rwego rwa bamwe nka Mbappé “

    Kameruni ikwiye kwizera ko ibitekerezo bya Aboubakar bitaza gutuma Salah yigaragaza mu mukino barahura.

    Aboubakar ameze neza cyane muri AFCON2021 kuko amaze gutsinda ibitego bitandatu,afasha igihugu cye cyakiriye irushanwa kugera muri kimwe cya kabiri.

    Source : https://umuryango.rw/imyidagaduro/imikino/article/vincent-aboubakar-yibasiye-mohamed-salah-barahurira-muri-1-2-cya-afcon2021

  • Banki y’Isi ivuga ko ubukungu bw’u Rwanda bwasubiranye umuvuduko bwariho mbere ya Covid-19 #Rwanda #RwOT via @kigalitoday #rwanda #RwOT

    Banki y’Isi yatangaje iyo raporo ya 18 yiswe ‘Rwanda Economic Update’ ikorwa buri myaka ibiri, ikaba igaragaza kwiyongera k’Umusaruro Mbumbe kwatewe n’izamuka ry’ubukungu, nyuma y’uko abaturage bavuye muri “Guma mu Rugo muri 2020”.

    Kugera mu mpera za Nzeri 2021, nk’uko Banki y’Isi (WB) ibivuga, Umusaruro Mbumbe (agaciro k’imitungo yose y’abaturage mu Gihugu), wiyongereye ku rugero rwa 11.1%, mu gihe mu mwaka wawubanjirije wa 2020 kuri uwo musaruro mbumbe hari hagabanutseho 3.6%, kubera ko imirimo hafi ya yose yari yahagaze.

    Raporo ya Banki y’Isi ivuga ko inganda zongeye gukora muri 2021 zikazamura umusaruro ku rugero rwa 16.5%, ibihe byiza by’ihinga nabyo bikaba byaratumye umusaruro w’ibiribwa wiyongera ku rugero rwa 6.8%, serivisi na zo ngo zawongereye ku rugero rwa 11.1%.

    By’umwihariko ibyoherezwa hanze nk’ikawa, icyayi n’amabuye y’agaciro ngo byiyongereye ku rugero rwa 35%, bigabanya ikinyuranyo cy’ibitumizwa hanze kurusha ibyoherezwayo ku rugero rwa 11.4%.

    Icyakora benshi bari bafite imirimo mbere ya Covid-19 ntabwo barayisubiramo nk’uko Banki y’Isi igaragaza ko habayeho abangana na 13% batagira icyo bakora kibinjiriza, mu gihe ubushomeri mbere y’umwaka wa 2020 ngo bwari ku rugero rwa 8%.

    Raporo ya Banki y’Isi ya 2022 isozwa n’igice cy’ubujyanama ku buryo u Rwanda rwazamura ubukungu, binyuze mu bucuruzi bwambukiranya imipaka, cyane cyane ibicuruzwa byanyuzwa mu gihugu gituranyi cya Congo Kinshasa.

    Iyo raporo yerekana uburyo inzitizi zidashingiye ku mahoro (NTBs) hamwe n’imipaka y’u Burundi na Uganda itarabaye nyabagendwa, yatumye u Rwanda ruhahirana na Congo Kinshasa cyane kurusha ibihugu bigize Umuryango wa Afurika y’Uburasirazuba (EAC).

    Banki y’isi ikomeza ivuga ko u Rwanda rufite amahirwe menshi mu guteza imbere ubukungu, binyuze mu masezerano rwashyizeho imikono mu miryango mpuzamahanga itandukanye, harimo Isoko Rusange rya Afurika (AfCFTA).

    Andi mahirwe u Rwanda rufite ngo arashingira ku kuba ruri mu bihugu bike ku isi bimaze kugira abaturage benshi bakingiwe Covid-19, bikazabafasha gukora batikanga icyo cyorezo.

    Ni mu gihe ibihugu biri mu nzira y’Amajyambere ku isi yose birimo n’u Rwanda muri rusange, bitararenza abaturage 7% bakingiwe Covid-19.

    Source : https://www.kigalitoday.com/amakuru/amakuru-mu-rwanda/article/banki-y-isi-ivuga-ko-ubukungu-bw-u-rwanda-bwasubiranye-umuvuduko-bwariho-mbere-ya-covid-19

  • CAN2021: Umusifuzi Tessema Weyesa warikoroje… – #rwanda #RwOT

    Nyuma y'umukino wa Senegal na Burkina Faso wabaye mu ijoro ryo kuri uyu wa Gatatu tariki ya 02 Gashyantare 2022, ku mbuga nkoranyambaga abantu benshi bari gufata ifoto y'umusifuzi Tessema Weyesa bakarenzaho amagambo agira ati: 'Intwari ya Ethiopia na Afurika'.

    Kubera iki uyu musifuzi w'umuhanga yaciye ibintu ku mbuga nkoranyambaga?

    Tessema Weyesa ni we wasifuye umukino wa ½ mu gikombe cya Afurika, Senegal yatsinzemo Burkina Faso ibitego 3-1 mu ijoro ryo ku wa Gatatu kuiri Stade Ahmadou Ahidjo muri Cameroun.

    Uyu munya-Ethiopia yasifuye neza byanyuze buri wese wawukurikiye ndetse no ku mpande z'abari bahanganye mu kibuga, ni umukino yatanzemo amakarita atatu y'umuhondo, abiri ku ruhande rwa Senegal ndetse n'imwe ku ruhande rwa Burkina Faso.

    Kuyobora neza uyu mukino byagaragariraga buri wese ko ari ishiraniro, byatumye abakunzi b'umupira w'amaguru bamushimira, bamuvuga imyato ndetse bemeza ko ari ku ruhembe rw'abasifuzi beza muri Afurika. Hari n’abavuze ko byaba byiza abaye ariwe wahabwa gusifura umukino wa nyuma ‘Final’ wa CAN 2021.

    Imyanzuro yagiye afata muri uyu mukino, byagaragariye benshi ko yaziye igihe kandi igafatwa neza, byazamuye amarangamutima ya benshi, bamwita intwari. Uyu mukino warangiye mu mahoro, Tessema ashimwa na buri wese, Senegal ikomeza ku mukino wa nyuma itsinze Burkina Faso ibitego 3-1.

    Tessema Weyesa ni muntu ki?

    Bamlak Tessema Weyesa yavutse tariki ya 30 Ukuboza 1980, avukira Addis Ababa muri Ethiopia. Ni umusifuzi mpuzamahanga akaba n'umushakashatsi mu bijyanye n'ubuvuzi (Medical researcher, a clinical coordinator and a sociology) wasoreje amasomo ye muri Addis Ababa University.

    Tessema yatangiye umwuga wo gusifura mu 2003, aza kuba umusifuzi mpuzamahanga wemewe na FIFA mu 2009, ndetse mu 2010 asifura umukino we wa mbere mpuzamahanga wahuje Djibouti na Somalia.

    Mu mwaka wa 2010, Tessema yasifuye imikino itanu muri CECAFA Cup irimo n'umukino wa nyuma wahuje Tanzania na Ivory Coast, mu 2011 nabwo yasifuye imikino ine muri iri rushanwa.

    Mu 2012 uyu musifuzi wari umaze kugirirwa icyizere na CAF, yasifuye umukino w'ijonjora rya mbere muri CAF Champions League, umukino wari wabereye muri Tanzania ndetse anasifura umukino w'ijonjora rya kabiri muri Confederation Cup wabereye mu Misiri.

    Mu 2014 uyu munya-Ethiopia yasifuye imikino yo gushaka itike y'igikombe cy'Isi cyabereye muri Brazil.

    Tessema Weyesa uri gusifura imikino y'igikombe cya Afurika kiri kubera muri Cameroun, ashobora kuba ari we uzanasifura umukino wa nyuma w'iri rushanwa uteganyijwe kuba tariki ya 06 Gashyantare 2022.

    Tessema yabaye igitaramo ku mbuga nkoranyambaga

    Imyanzuro yagiye afata muri uyu mukino yanyuze benshi

    Source : https://inyarwanda.com/inkuru/114138/can2021-tessema-weyesa-warikoroje-ku-mbuga-nkoranyambaga-ni-muntu-ki-114138.html

  • Impanga Awards! Hari gutegurwa ibihembo bizatangwa hizihizwa imyaka ibiri Filime 'Impanga Series' imaze #rwanda #RwOT


    Agace ka mbere ka Filime y'Uruhererekane Impanga Series kasohotse kuri YouTube kuwa 26 Werurwe 2020, ni Agace kuri ubu kamaze kurebwa nabasaga ibihumbi 421.

    Ni filime yakiranwe yombi dore ko ari imwe mu zatumye abanyarwanda batarambirwa cyane n'ibihe bitoroshye igihugu n'isi muri rusange byari bugarijwe n'icyorezo cya Covid-19.

    Mu itangira ry'iyi filime, nkuko bigaragara ku rubuga rwabo rwa YouTube, ishingiye ku buzima bwa buri munsi abantu babamo cyangwa banyuramo.

    Bati” Impanga Series tuzajya twibanda ku nkuru zibaho muri societe tubamo buri munsi ,m'ubuzima twama twipfuza ibyiza ko bitubaho ariko nibibi nabyo tugomba kujya tubyakira”.

    Umwaka dusoje wa 2021, nibwo iyi filime yatangiye kwerekanwa kuri televiziyo y'igihugu ndetse binezeza benshi batagiraga amahirwe yo kuyikurikira kuri YouTube.

    Mu gihe habura iminsi micye iyi filime ikuzuza imyaka ibiri imaze isohoka, hari gutegurwa igikorwa cyiswe Impanga Awards aho hazashimirwa abagize uruhare mu itunganywa n'ishyirwa mu bikorwa ry'uyu mushinga mugari ukunzwe n'abatari bacye mu Rwanda.

    Bahavu na Carmel bakinana mu Impanga Series

    Mu kiganiro kihariye Ndayirukiye Fleury Uzwi nka Legend yahaye Umuryango yavuze ko izi Awards zizatangwa mu byiciro bitanu, ndetse ko ari ibintu bizatera ishema n'imbaraga abagira uruhare ruziguye n'urutaziguye kugira ngo iyi filime igere ku bakunzi bayo.

    Ati”Turi kwitegura kwizihiza imyaka ibiri Impanga Series imaze ibayeho, rero ni muri urwo rwego twagize igitekerezo cyo gushimira buri wese wabigizemo uruhare,ndetse no kubatera imbaraga ngo dukore n'ibisigaye”

    Yakomeje avuga ko hazabamo ndetse n'Amatora kugira ngo abantu basanzwe bakurikira iyi filime bazagaragaze umukinnyi wahize abandi kuko aribo babakurikirana umunsi ku wundi.

    Ati” Abantu (Audience) bazatora umukinnyi wabashimishije kurusha abandi mu gihe cy'Imyaka ibiri iyi filime imaze,ndetse amatora nayo akazabera kuri YouTube”.

    Impanga Series ikinanywe ubuhanga buhanitse.
    Biteganyijwe ko uyu muhango uzaba imbonankubone, ndetse n'Abafana bakaba bakwemererwa gufata amafoto y'urwibutso n'Abakinnyi b'iyi filime bakunda.

    Gusa ariko bikazategurwa hagendewe ku bihe ndetse n'ingamba zo kwirinda ikwirakwira rya Covid-19.

    Tracy na Micky bakina mu Mpanga Series

    Source : https://umuryango.rw/imyidagaduro/article/impanga-awards-hari-gutegurwa-amashimwe-azahabwa-abagize-uruhare-mu-ikorwa-rya