Author: webrwanda

  • Ukuri ku rukundo rwavuzwe hagati y'umunyamakuru Clarisse Uwimana na Jean Luc bakorana kuri Radio (video) – YEGOB #rwanda #RwOT

    Umunyamakuru Clarisse Uwimana yatanze ukuri ku rukundo rwavuzwe hagati ye na Jean Luc Imfurayacu bakorana kuri Radio B&B Fm Umwezi.

    Mu kiganiro Ally Soudy on Air (gutegurwa na Ally Soudy) aho Clarisse Uwimana yari yatumiwe nk'umutumirwa w'umunsi yatanze igisubizo ku bantu benshi bibazaga niba yaba ari mu rukundo na Jean Luc Imfurayacu bakorana kuri B&B Fm Umwezi.

    Clarisse Uwimana yabasubije mu magambo agira ati ” ….oya! ni inshuti yanjye… Jean Luc ni inshuti yanjye, umva sha ni umwana mwiza he is a leader turamukunda twese ku kazi ntushobora kubyumva… “.

    Source : https://yegob.rw/ukuri-ku-rukundo-rwavuzwe-hagati-yumunyamakuru-clarisse-uwimana-na-jean-luc-bakorana-kuri-radio-video/

  • Abahanga mu by'imiti biyemeje gushishikariza urubyiruko gukunda amasomo ajyanye n'ubuvuzi – #rwanda #RwOT

    Mu ntego z'icyerekezo 2020-2050, harimo ko u Rwanda rugomba kuba icyitegererezo cy'ubukerarugendo ku by'ubuvuzi n'inganda zikora imiti.

    Urugaga rw'Abahanga mu by'imiti, rumaze iminsi rukora ingendo hirya no hino mu gihugu muri amwe mu mashuri yisumbuye yigisha imbumbe z'amasomo y'ibinyabuzima n'ubutabire (MCB, PCB, BGC), mu rwego rwo gukangurira urubyiruko kwitabira kwiga amasomo y'umwuga w'ubuhanga mu by'imiti, ngo bitegure kuzahagarara mu myanya yabo neza muri izo nganda, aho kugira ngo u Rwanda ruzabure abarwo rukoresha rwitabaze abanyamahanga.

    Urugaga rwazengurutse mu mashuri atandukanye, bakangurira abanyeshuri bo mu mwaka wa kane, uwa gatanu n'uwa gatandatu biga amasomo y'ubutabire n'ibinyabuzima, ibyiza byo kwiga umwuga w'ubuhanga mu by'imiti (Pharmacists).

    Isimbi Carla wiga amasomo y'Ubugenge, Ubutabire, n'Ibinyabuzima(PCB), yavuze ko ibiganiro bahawe byamwubatse.

    Ati 'Icyo nshoboye kumenya ntari nzi ni uko kwiga farumasi, atari ukwiga gucuruza imiti gusa nk'uko benshi tubizi, ahubwo harimo no kwiga ubuhanga bwo kuyikora'.

    Yavuze ko ubuhanga mu by'imiti kimwe n'izindi ngeri zo mu nzego z'ubuzima, bimusaba gukora cyane akagira amanota ahagije no kugira ikinyabupfura.

    Ndayishimye Olivier na we wiga amasomo y'Ubugenge, Ubutabire n'Ibinyabuzima (PCB) mu mwaka wa kane wa Lycée de Kigali yagize ati 'Ntabwo nari mfite inzozi zo kuziga ibijyanye n'ubuhanga mu by'imiti, ariko aho mbimenyeye ndishimye kuko nungutse amakuru ko abiga ubuhanga mu by'imiti baba abakire, kandi akaba ari n'icyerekezo Leta y'u Rwanda bigaragara ko yashyizemo imbaraga. Nyuma y'ibi biganiro twahawe, nahise numva nzakurikira amasomo ya farumasi'.

    Umunyamabanga uhoraho w'Urugaga rw'Abahanga mu by'imiti, Nsengeyukuri Jean Damascène, yavuze ko bifuza ko urubyiruko rukurana ubushake bwo kwiga ibijyanye n'imiti, kugira ngo ruzafashe igihugu mu rugamba kirimo.

    Ati 'Turi mu gikorwa cyo gufasha Leta y'u Rwanda guhanga abahanga mu by'imiti bazafasha gukora mu nganda z'imiti zigiye gushingwa mu bihe bya vuba. Amashuri twasuye twayatoranyije hakurikijwe uburyo ayo mashuri atsinda ibizamini bya Leta'.

    Imbogamizi Urugaga rw'abahanga mu by'imiti rwagaragaje ruhura nazo harimo no kuba hari ibyiciro by'umwuga babamo bitaboneka mu myigishirize ya Kaminuza zo mu Rwanda, bityo imyanya ibiteganyirijwe mu kazi igahabwa abatarabyigiye.

    Muri ibyo hari nk'icy'umutekinisiye mu by'imiti (Pharmacy technician). Ibyo kandi bijyana no kuba nta mashuri abafasha gukeneka umwuga wabo aboneka mu Rwanda.

    Nsengeyukuri ati 'Twasabye Leta y'u Rwanda ko yakongera ishoramari ryafasha kubaka umwuga w'ubuhanga mu by'imiti, tuyisaba kongera ibyiciro by'abiga uwo mwuga muri Kaminuza y'u Rwanda no kongera umubare w'abajya gukarishya mu mahanga'.

    Abemerewe kwinjira mu rugaga rw'abahanga mu by'imiti, ni abanyeshuri basoje amashuri yisumbuye ariko bemerewe kwiga ubuhanga mu by'imiti muri Kaminuza, bakaba basabwa kubanza kwiyandikisha ku Rugaga mbere y'uko batangira amasomo, mu rwego rwo kubakurikirana bakiga umwuga ngo bazavemo abahanga mu by'imiti beza.

    Usoje amasomo y'ubuhanga mu by'imiti muri Kaminuza, asubirayo kwiyandikisha ari na bwo ahabwa ikizamini cyo kwinjira mu rugaga yagitsinda akaba umunyamuryango ari na bwo ahabwa ibyangombwa biteganywa n'amategeko byo gutangira gukora umwuga w'ubuhanga mu by'imiti.

    Nsengeyukuri, Umunyamabanga uhoraho w’Urugaga rw’Abahanga mu by’imiti, ubwo yaganiraga n’itangazamakuru

    Abanyeshuri bo muri LDK bizihiwe no gusobanuza ibyo batari bazi

    Abanyeshuri ba Lycée de Kigali bakurikiranye ibiganiro ku bijyanye n’ubuhanga mu by’imiti

    Abanyeshuri basabwe gukora cyane bakagira amanota ahagije no kugira ikinyabupfura


    Source : http://igihe.com/amakuru/u-rwanda/article/abahanga-mu-by-imiti-biyemeje-gufasha-leta-guhanga-abahanga-bazakora-mu-nganda

  • Indwara ya monkeypox ikomeje kwiganza mu bagabo baryamana bahuje ibitsina – #rwanda #RwOT

    Igikomeje kugora abahanga ngo ni uko ibyo bihugu bikomeje kugaragaramo iyi ndwara bitari ku rutonde rw'ibyo iriya ndwara yabayemo karande.

    Byongeye, ngo ugasanga abarimo kugaragaraho uburwayi nta kigaragaza ko bakoreye ingendo mu bihugu bisanzwemo iriya ndwara.

    OMS yakomeje iti “Dushingiye ku makuru y'ibanze, uburwayi bwagaragaye ahanini nubwo atari umwihariko wabo, ku bagabo baryamana n'abandi bagabo (MSM) bari bagiye kwivuza ku mavuriro asanzwe cyangwa atanga serivisi zijyanye n'imibonano mpuzabitsina.”

    Uretse abamaze gusangwamo uburwayi, hari ibindi bipimo 28 bigishidikanywa ko ari iby'abarwayi ba monkeypox.

    Nta bimenyetso bigaragaza ko iyi ndwara yandurira mu mibonano mpuzabitsina, ahubwo byongera ibyago byo kwanduzanya binyuze mu gukoranaho cyangwa guhererekanya amatembabuzi.

    OMS ivuga ko kugeza ubu ibipimo byafashwe ndetse bigasesengurwa mu buryo bwimbitse hakoreshejwe igipimo cya PCR (polymerase chain reaction), byagaragaje ko virus irimo gukwirakwira ikomoka muri Afurika y'Iburengerazuba.

    Urugero mu isuzumwa ryakorewe ku murwayi wabonetse muri Portugal, byagaragaye ko iyo virus isa n'iyigeze kuboneka iturutse muri Nigeria, ikomereza mu Bwongereza, Israel na Singapore mu myaka ya 2018 na 2019.

    Imibare ya OMS igaragaza ko monkeypox imaze kugera mu bihugu 12

    Ikigo gishinzwe ubuzima mu Bwongereza, (UK Health Security Agency), kuri iki Cyumweru cyatangaje ko kirimo kubona imibare myishi y'abantu banduye, kandi badafite aho bahuriye n'ingendo zerekeza mu bihugu iriya ndwara yabayemo karande.

    Ibyo bihugu byiganje muri Afurika y'Iburengerazuba bya Benin, Cameroon, Repubulika ya Centrafrique, Repubulika ya Demokarasi ya Congo, Gabon, Ghana (mu nyamaswa gusa), Cote d'Ivoire, Liberia, Nigeria, Repubulika ya Congo, Sierra Leone na Sudani y'Epfo.

    UKHSA yavuze ko bazabona imibare nyayo ku wa Mbere, nyuma y'uko ku wa Gatanu ibonye ubwandu bushya ku bantu 20.

    Umuyobozi mukuru ushinzwe serivisi z'ubuvuzi muri UKHSA, Susan Hopkins, yagize ati “Turimo kubona uburwayi budafite aho buhuriye no guhura n'umuntu wo muri Afurika y'Iburengerazuba, ari nabyo twabonye mu gihugu.”

    Yakomeje ati “Turimo kubona ubwandu bwinshi buri munsi.”

    Hopkins na we yavuze ko uburwayi burimo kwiyongera mu bice by'imijyi, cyane cyane mu bagabo bakorana imibonano mpuzabitsina cyangwa abagabo baryamana n'abagabo n'abagore.

    Yakomeje ati “Ibyago ku baturage basanzwe bikomeje kuba hasi, kandi ndatekereza ko abantu bakwiye kurushaho kuba maso.”

    Kugeza ubu nta muti uhari w'iyi ndwara, ariko urukingo rwa smallpox rushobora gufasha umuntu kwirinda monkeypox ku rugero rwa 85 ku ijana.

    Yandurira mu kuba umuntu wanduye akoranyeho n'undi muzima akamwanduza, amatembabuzi yo mu mubiri, amatembabuzi aturuka mu myanya y'ubuhumekero cyangwa gukora ku bintu byagiyeho virus, nk'imyenda cyangwa ibiryamirwa by'uwanduye.

    Kugira ngo umuntu wanduye agaragaze ibimenyetso bisaba iminsi iri hagati ya 6 na 13, ariko ishobora no kugera hagati y'imisi 5 na 21.

    Kugeza ubu Monkeypox ifatwa nk'indwara idakomeye, ariko ishobora kugira ubukana ku bana, abagore batwite, abantu bafite ibibazo by'ubudahangarwa cyangwa bafite ibindi bibazo by'ubuzima.

    Hari amakuru ko virus ikomoka muri Afurika y'Iburengerazuba idateye inkeke nk'iyo mu kibaya cya Congo, kuko yica ku gipimo cya 3.6% ugereranyije na 10.6% kuri virus yo mu kibaya cya Congo.

    Bimwe mu bimenyetso bikomeye byayo harimo kuribwa umutwe, umuriro mwinshi ushobora kurenga 38.5°C, kugira utubyimba ku mubiri nk'aho ari ubushye, kubabara umugongo no gucika intege cyane.

    Ikigo gishinzwe ubuzima mu Rwanda (RBC) giheruka kwemeza ko “Iyi ndwara ntabwo iragaragara mu Rwanda.”

    Ingamba zo kuyirinda zirimo kwirinda gukora ku nyamaswa cyane cyane izipfushije; kwirinda gukora ku murwayi cyangwa inyamaswa irwaye no kwirinda gukora ku myenda cyangwa ibiryamirwa by'umurwayi.

    Iyi ndwara ikomeje gutera inkeke mu rwego rw’ubuzima ku isi

    Iyi ndwara ituma umubiri umera nk’uwayhiye


    Source : http://igihe.com/amakuru/u-rwanda/article/indwara-ya-monkeypox-ikomeje-kwiganza-mu-bagabo-baryamana-bahuje-ibitsina

  • AC Milan yatwaye shampiyona nyuma y'imyaka 11 ikurikira izindi #rwanda #RwOT

    AC yashyize iherezo ku myaka 11 yari imaze idatwara igikombe cya shampiyona y'icyiciro cya mbere mu mupira w'amaguru y'u Butaliyani.Ni igikombe cya shampiyona cya 19, iyi kipe yegukanye.

    AC Milan yari ikipe ikomeye mbere ya 2010,yabigezeho itsinze ikipe ya Sassuolo ibitego 3-0 ihita yigobotora mukeba Inter Milan bari bahanganye iyiruhije amanota 2 cyane ko yagize 86 kuri 84 ya Inter yari yatsinze Sampdoria ibitego 3-0.

    Ibitego bya AC Milan uyu munsi byatsinzwe na Olivier Giroud watsinze 2 na kimwe cya Frank Kessie watsinze kimwe.

    Aya makipe yo mu mujyi wa Milan asanzwe agurana ibikombe kuko muri 2021, Inter Milan yatwaye shampiyona ya mbere nyuma y'imyaka 11, igikombe cya 19, AC Milan iba iya kabiri ,none uyu mwaka wa 2022,AC Milan yatwaye Serie A nyuma y'imyaka 11 ya 19, Inter iba iya kabiri.

    Source : https://umuryango.rw/imyidagaduro/imikino/article/ac-milan-yatwaye-shampiyona-nyuma-y-imyaka-11-ikurikira-izindi

  • Paris: Ikipe y'Umupira w'amaguru y'abatarengeje imyaka 13 yageze ku mukino wa nyuma #rwanda #RwOT

    Ikipe y'umupira w'amaguru y'abana b'u Rwanda batarengeje imyaka 13, bari mu irushanwa rihurije i Paris mu Gihugu cy'u Bufaransa amashuri y'umupira w'amaguru ya Paris Saint Germain. Iyi kipe, yamaze gukatisha itike iyigeza ku mukino wa nyuma, aho mu mikino itanu bamaze gukina, binjije ibitego 21, mu gihe bo binjijwe ibitego 2 gusa.

    Iyi mikino, irabera mu mujyi wa Paris aho ihuje amakipe yose hamwe 38 yaturutse mu bihugu 11. u Rwanda muri iri rushanwa ruhagarariwe n'amakipe abiri, iy'abatarengeje imyaka 11 n'iy' abatarengeje 13.

    Ikipe y'abatarengeje imyaka 13 y'u Rwanda kugeza ubu, irimo gutangaza benshi mu bakurikirana iyi mikino kubera ubuhanga bwinshi abakinnyi bayo bagaragaza, ikaba ndetse kuri iki cyumweru yatsindiye kugera ku mukino wanyuma.

    Ibyo, yabigezeho nyuma yo gutsinda Qatar ibitego 6 ku busa, itsinda na Koreya ibitego bine ku busa kuri uyu wa gatandatu. Kuri iki cyumweru, aba bana b'u Rwanda bihanije USA bayitsinda ibitego 5-1, banihererana Ubufaransa babunyabika ibitego 3 ku busa(3-0). Muri kimwe cya kabiri, u Rwanda rukaba rwatsinze Misiri ibitego 3-1.

    Mu batarengeje imyaka 11, u Rwanda rwatsinze Qatar4-2, rutsinda USA 4-3, runganya na Misiri 1-1, rutsindwa na Koreya 1-0. Muri kimwe cya kabiri u Rwanda rukaba rwatsinzwe bigoranye na Brezil 3-2.

    Madame Grace Nyinawumuntu, umwe mu bayoboye aya makipe y'u Rwanda, arashima uko bitwaye mu irushanwa ryambere bitabiriye hanze y'u Rwanda, akavuga ko irushanwa nk'iri ari ingenzi cyane kuri bo no ku mupira w'u Rwanda muri rusange kuko bazigira mo byinshi.

    Yagize ati:' Academie yacu ntabwo iramara igihe kirekire kandi bano bana iri ni irushanwa ryambere mpuzamahanga bitabiriye. Byabahaye gutinyuka no kwigirira icyizere kandi natwe abatoza biradufasha kwigira ku bandi, turebe ibyo baturusha bityo nidusubira iwacu tuzabashe kubikora natwe dusangize abandi ibyo twungutse bitari kuri academie yacu gusa, ahubwo no ku mupira w' u Rwanda muri rusange'.

    U Rwanda na Misiri, ni byo bihugu byonyine byo ku mugabane w' Afurika biri muri iri rushanwa. Ibindi byaryitabiriye ni; Ubufaransa, Ubudage, USA, Brezil, Antilles, Ubusuwisi, Turkiya, Qatar na Koreya y'Epfo. Mu batarengeje imyaka 11, ejo kuwa mbere tariki 23 Gicurasi 2022, u Rwanda ruzahatanira umwanya wa gatatu na USA naho abatarengeje imyaka 13 u Rwanda ruzahanganira igikombe na Brezil.

    Munyaneza Theogene

    Source : https://www.intyoza.com/paris-ikipe-yumupira-wamaguru-yabatarengeje-imyaka-13-yageze-ku-mukino-wa-nyuma/

  • #COVID19: Abanduye barindwi babonetse i Kigali #Rwanda #RwOT via @kigalitoday #rwanda #RwOT

    Minisiteri y’Ubuzima (MINISANTE) yatangaje ko ku Cyumweru tariki 22 Gicurasi 2022 mu Rwanda habonetse abanduye Covid-19 bashya barindwi, bakaba babonetse mu (…)

    Source : https://www.kigalitoday.com/ubuzima/indwara/article/covid19-abanduye-barindwi-babonetse-i-kigali

  • Manchester City yongeye kwegukana igikombe cya Premier League bivuye kure #rwanda #RwOT

    Ikipe ya Manchester City yongeye gushaka guheza umwuka abakunzi bayo ubwo yatsindaga bigoranye Aston Villa ibitego 3-2 mu mukino w'umunsi wa nyuma wa shampiyona watangiye irusha Liverpool yo yatsinze Wolves ibitego 3-1,inota rimwe.

    Mu mikino w'amateka wabaye kuri iki cyumweru,Manchester City yasaga n'iyatakaje igikombe neza, kuko yatsinzwe na Aston Villa ibitego 2-0 mu minota 75 y'umukino kandi ikeneye amanota 3,kugeza ubwo ibonye icya mbere ku munota wa 76.

    Yishyuye igitego cya mbere ku munota wa 76, uwa 78 ishyiramo ikindi, icyo kuyiha igikombe kijyamo ku munota wa 81.

    Bijya gutangira ku munota wa 37 yatsinzwe igitego na Matt Cash ku mupira mwiza yahawe na Lucas Digne ari mu rubuga rw'amahina atera umutwe mwiza cyane.Igice cya mbere cyarangiye ari 1-0 cya Aston Villa.

    Mu gice cya kabiri,Guardiola wakoze ikosa rikomeye ryo kubanza mu kibuga Fernandinho washoboraga guhabwa ikarita itukura kubera ukuntu yari acitswe na Ollie Watkins akamutura hasi ariko umusifuzi akabyirengagiza,yakoze impinduka.

    Yinjije mu kibuga Zinchenko asimbura Fernandinho hanyuma umupira utangira kugera imbere ariko ba myugariro ba City baje kurangara ku munota wa 69,Philippe Coutinho abatsinda igitego cya 2 ibintu biba bihinduye isura.

    Abafana ba City bahise bacika intege bigaragara cyo kimwe na Guardiola ariko uyu mutoza arihangana cyane ko yari amaze kwinjiza mu kibuga Ilkay Gundogan asimbura Bernardo Silva ku munota wa 68.

    City yari yatengushywe cyane na Gabriel Jesus wahushaga ibitego cyane,yafunguye amazamu ku munota wa 76 ku gitego cya Gundogan watsindishije umutwe nyuma y'umupira mwiza yahawe na Raheem Sterling.

    Ku munota wa 79,City yari ibonye imbaraga yahise ibona igitego cya 2 gitsinzwe na Rodrigo ku ishoti rikomeye yatereye mu rubuga rw'amahina nyuma y'umupira mwiza yari ahawe na Zinchenko.

    Abafana ba City na Pep Guardiola,bahise bagira icyizere ari nako mu kibuga bihindura isura byatumye City yongera gusatira,umupira watakajwe na Mings usanga Kevin de Bruyne ahita akata umupira mu rubuga rw'amahina ku munota wa 81 umupira usanga Fernandinho ahagaze neza ahita awushyira mu rushundura.

    Igitego cya 3 cya City cyahagurukije buri wese uyikunda ndetse bongera guhumeka nyuma y'igihe basuherewe.

    Icyakora ku rundi ruhande,Liverpool nayo yashakaga iki gikombe ndetse abafana bayo bishima uko Aston Villa yinjije igitego bari bakonje kubera Wolves bakinaga yari yugariye bikomeye.

    Iyi Wolves yafunguye amazamu ku munota wa 3 ku gitego cyatsinzwe na Neto ku mupira mwiza yahawe na Jimenez bakoze Counter attack.

    Liverpool yishyuye iki gitego ku munota wa 24 gitsinzwe na Sadio Mane ku mupira mwiza yahawe na Thiago.Igice cya mbere cyarangiye ari igitego 1-1.

    Mu gice cya kabiri Wolves yahushije uburyo bwinshi cyane abakinnyi bayo basigarana n'umunyezamu wa Liverpool kenshi ariko ntibatsinda.

    Iminota yakomeje kwicuma ariko Wolves yugarira cyane byatumye Klopp yinjiza mu kibuga Firmino na Mohamed Salah ngo bamufashe gusatira.

    Kubera ko City yari imaze kubona ibitego 3-2,igitego cya kabiri cya Liverpool cyatsinzwe na Mohamed Salah ntabwo cyishimiwe n'abafana bayo cyo kimwe n'icya Robertson cya gatatu ku munota wa 89.

    Byarangiye Liverpool itsinze Wolves ibitego 3-1 ariko ntiyagera ku ntego yo gutwara ibikombe 4 muri uyu mwaka kuko muri shampiyona yarangije ku mwanya wa 2 irushwa inota rimwe na City yagize 93 kuri 92 ya Liverpool.

    Chelsea yabashije kurangiza ku mwanya wa 3 nyuma yo gutsinda Watford 2-1 mu gihe Tottenham yarangije ku mwanya wa 4 nyuma y'aho itsinze Norwich ibitego 5-0.Arsenal yarangije ku mwanya wa 5 nubwo nayo yanyagiye Everton ibitego 5-1.United yatsinzwe na Palace igitego 1-0.

    Amakipe yamanutse ni Burnley,Watford na Norwich mu gihe Leeds yarusimbutse nyuma yo gutsinda Brentford ibitego 2-1.

    Ntabwo aribwo bwa mbere Manchester City ikoze ibitangaza mu gutwara igikombe cya Premier League ku munsi wa nyuma kuko kuwa 13 Gicurasi 2012,City yatsinze QPR ibitego 3-2 nyuma y'aho iminota 90 yarangiye iyi kipe isigaye iba mu cyiciro cya 2 ifite ibitego 2-1.

    Iyo City idatsinda uyu mukino,iki gikombe cy'umwaka w'imikino 2011/2012 cyari gutwarwa na United.

    Amakipe azakina UEFA Champions League ni:

    1. Manchester City
    2. Liverpool
    3. Chelsea
    4. Tottenham

    Amakipe azajya muri Europa League:

    5. Arsenal
    6. Manchester United

    Ikipe izajya muri Conference league:

    7. Westham

    Heung Min Son na Mohamed Salah barangije shampiyona aribo batsinze ibitego byinshi kuko banganyije 23.Basize Cristiano Ronaldo watsinze 18.







    Source : https://umuryango.rw/imyidagaduro/imikino/article/manchester-city-yongeye-kwegukana-igikombe-cya-premier-league-bivuye-kure

  • Ni paradizo: ihere ijisho ubwiza bw’inzu Abimukira bo mu Bwongereza bazabamo mu Rwanda(Video) – YEGOB #rwanda #RwOT

    Mu cyumweru gishize nibwo u Rwanda rwasinye amasezerano y'imyaka itanu yo kuzakira Abimukira bo mu Bwongereza. Hari inzu zigera zateguwe mu mujyi wa Kigali aho izi mpunzi zizaba.

    Mu nzu zizacumbikira aba bimukira harimo Hope House izacumbikira abantu 100 ndetse bakazajya bahabwa ifunguro rya mu gitondo, irya saa Sita n'irya nijoro.

    Kimwe n'abandi, abimukira n'impunzi bazacumbikirwa muri iyi nzu bazaba bafite uburenganzira bwo gusohoka no kwinjira igihe babishakiye.

    Muri iyi nzu kandi hari gushyirwamo ibikorwaremezo bizafasha abazayituzwamo kwidagadura. Muri ibi harimo ikibuga gito cy'umupira w'amaguru, icya Volleyball ndetse n'icya Basketball.

    Indi nzu yitwa 'Desire Resort Hotel' iherereye i Kagugu mu Karere ka Gasabo. Ifite ibyumba 72 abazayicumbikirwamo bazajya bahabwa ifunguro rya mu gitondo, saa Sita na ni mugoroba ndetse abazi koga bahawe na Piscine.

    Ahandi hazacumbikirwa aba bimukira n'impunzi baturutse mu Bwongereza ni muri 'Hallmark residences', igizwe n'inzu 30 zose zigizwe n'ibyumba 102. Kimwe n'abazacumbikirwa muri Hope House na Desire Resort Hotel, abazaba aha nabo bazajya bagaburirwa ndetse bahabwe n'uburyo bubafasha kwidagadura.

    Source : https://yegob.rw/ni-paradizo-ihere-ijisho-ubwiza-bwinzu-abimukira-bo-mu-bwongereza-bazabamo-mu-rwandavideo/