Ku isaha ya saa 08:30 abakinnyi bari bageze i Remera ndetse n’imyiteguro irimbanyije kuko n'aho guhagurukira hari hamaze gutunganywa. Saa 09:00 mbere y’uko isiganwa ritangira, hafashwe umunota wo kwibuka inzirakarengane zazize Jenoside yakorewe abatutsi.
Abasiganwa mu byiciro byose batsimburiye rimwe aho batangiriye imbere y’amarembo ya sitade Amahoro, berekeza mu gihogere baciye imbere ya Kigali Arena bajya nyabisindu, ndetse bagumya kuzenguruka uwo muhanda kugera buri cyiciro cyujuje ibirometero cyasabwaga.
Mu buryo butamugoye, Mugisha Moise yegukanye irushanwa rya Race to Remember anasizemo intera hagati ye na bagenzi be barimo Samuel Niyonkuru wabaye uwa kabiri. Mu cyiciro cy’abakuru birukanse intera ya Kirometero 106, Mugisha Moise ukinira Protouch yabaye uwa mbere akoresheje amasaha abiri, iminota 34 n’amasegonda 11. Niyonkuru Samuel ukinira Anca yakoresheje amasaha 2, iminota 36 n’amasegonda 56. Berhe Mehari Tewelde nawe ukinira Protouch yabaye uwa gatatu akoresheje amasaha 2, iminota 41 n’amasegonda 30.
Abasiganwa batangiye bakiri ikivumbi
Mu cyiciro cy’abari n’abategarugori basiganwe intera ya Kirometero 71, Ingabire Diane ukinira Benediction club yabaye uwa mbere akoresheje amasaha 2, iminota 8 n’amasegonda 45. Tuyishime Jacqueline nawe ukinira Benediction club aba uwa kabiri, arushwa amasegonda 58 n’uwa mbere. Ku mwanya wa gatatu hajeho Mwamikazi Djazilla ukinira Les Amis Sportifs, warushijwe iminota 10.
Mugisha Moise wegukanye Race to Remember
Mu cyiciro cy’ingimbi ari nacyo cyashoje mbere, abakinnyi basiganwe Kirometero 71, Shyaka Janvier ukinira ANCA aba uwa mbere akoresheje isaha imwe, iminota 45 n’amasegonda 50, Ntirenganya Moise nawe ukinira ANCA aba uwa kabiri arushwa amasegonda 32, naho Mushinzimana Jean Bosco aba uwa gatatu arushwa amasegonda 38.
Niyonkuru Samuel wabaye uwa kabiriÂ
“Gukoresha mu mutwe no gusoma uko umukino uteye niywo byamfashije gutsinda iri siganwa” Mugisha Moise aganira n'ItangazamakuruÂ
'Twagowe n’umuhanda twakiniyemo. Ubundi iteka umuhanga agaragarira mu makorosi, gusa kuri iyi nshuro byansabye kuzenguruka inshuro nk’ebyiri kugira ngo umuhanda nkumenye neza. Imihanda ya Kigali ndayizi cyane kuko ni ahantu nabaye imyaka igera kuri itatu, nabyo byamfashije cyane'.
Berhe Mehari Tewelde yabaye uwa gatatu mu bakuru
Ingabire Diane wabaye uwa mbere mu bari n’abategarugori
Youssou yavukiye mu murwa mukuru wa Senegal, Dakar yatangiye kwigaragaza ku rubyiniro afite imyaka 12. Yari umwe mubakorana bya hafi n'itsinda ry'abanyamuziki ryamamaye mu myaka 1970 rya Star Band.
Nk'umwe mu banyamuryango b'idini ya kiyisilumu, umuziki we yawuhujemo ukuntu n'iri dini. Ku myaka 15 nibwo yaje kwinjira mu itsinda ry'abanyamuziki rizwi nka Super Diamono, maze baza gukorana ibitaramo byazengutse uburengerazuba bwa Africa.
Ubwo yari agize imyaka 16 mu 1976, yasinyanye amasezerano y'imikoranire na Star Band atangira gukorana nayo byeruye ahitwa Miami Club. Mu 1978 kimwe n'abandi banyamuryango benshi ba Star Band, batangiye kuyiyomoraho batangira iyitwa Etoile de Dakar yagize uruhare rukomeye mu iterambere ry'umuziki wa Senegal, cyane injyana ya 'Mbalax'.
Itsinda rya Etoile de Dakar n'ubwo ryafashe vuba imitima ya benshi ariko ntiryarambye, kuko ryaje gusenyuka kubera amatiku yari muriryo, riza kuvukamo amatsinda abiri rimwe ryitwa Etoile 2000, irindi Super Etoile de Dakar.
Bamwe muribo bihuje na Yousso barimo Jimi Mbaye, Habib Faye na Tama, itsinda ryabo ryaje gukura. Mu mwaka wa 1991, Youssou yatangiye sitidiyo ye y'umuziki maze mu mwaka wa 1995, atangira Label yise Jololi.
Youssou yamenyekanye mu muziki ukoze mu njyana zitandukanye zirimo Mbalax, Cuban Rumba, Hip Hop Jazz na Soul byatumye agira abafana ama miliyoni hirya no hino ku isi. Ijwi rye ikinyamakuru cya New York Times cyarigereranije n'intwaro y'agatangaza, itwara buri umwe uyegereye kandi yuje impanuro.
Imyandikire ye kandi yagiye ica ibintu mu bice bitandukanye, no mu birori bikomeye ku isi nko muri Nyakanga 1993 mu iserukiramuco rya Paris, indirimbo ye yashyize hanze mu mwaka wa 1994 yise '7Seconds' yaciye ibintu ahantu hatandukanye ku isi.
Ni we kandi afatanije na Axelle Red, banditse indirimbo y'igikombe cy'isi cyo mu 1998. Ikinyamakuru cya Folk Roots gisobanura ubuhanga bw'uyu mugabo mu muziki nk'ubw'umuhanzi w'umunyafurika w'ikinyejana.
Yaje kandi kwegukana igihembo cya Grammy Award mu mwaka wa 2005, kubera Album ye yise 'Egypt'. Youssou kandi niwe nyiri ikinyamakuru cyandika kizwi nka 'L'Observateur' kiri mu bikomeye muri Senegal, niwe kandi nyiri RFM (Radio Fututre Medias) na televeviziyo ya TFM.
Yahawe kandi impamyabushobozi y'ikirenga na Kaminuza ya Yale mu muziki, hari mu mwaka wa 2011 aza no kwegukana igihembo cy'ibihumbi 150 by'amadorali mu gihugu cya Swede, kubera uruhare yagize mu guteza imbere umuziki.
Yigeze kandi kuba umwe mu bahataniye umwanya wa Goodwill Ambassador wa FAO. Mu 1985 yateguye igitaramo cyari kigamije gusabira Nelson Mandela ko yarekurwa. Mu mwaka wa 2003, yahagaritse ibitaramo yagombaga gukorera muri Leta Zunze Ubumwe za Amerika asaba ko Iraq itaterwa.
Mu mwaka wa 2012, yatangaje ko ashaka kuba Perezida wa Senegal nyamara aza kubura abamushyigikira bahagije, icyo gihe yari agiye guhangana mu matora na Perezida Abdoulaye Wade, aza guhita ashyigikira Macky Mall wanegukanye umwanya wa Perezida ahita amugira Minisitiri w'Umuco n'Ubukerarugendo.
Uyu mwanya yaje kuwukurwaho kuwa 13 Nzeri 2013, akomereza inshingano ze mu biro by'Umukuru w'Igihugu aho yagizwe Umujyanama we unafite n'inshingano zo kumenyekanisha Senegali imahanga.
Kutabona abamusinyira bahagije byatumye atabasha guhatanira umwanya wa Perezida wa Senegal mu mwaka wa 2012
Album ye yise ‘Egypt’ yamuhesheje Grammmy Awards mu mwaka wa 2005
Afita abana 8Â
Yagiye akomeza kugaragaza ko adakunda akarengane nko muri 1985 ubwo yakoraga igitaramo cyo gusabira Nelson Mandela kurekurwa
Yagiye akorera ibitaramo bitandukanye mu bihugu binyuranye
Mico Justin yafashije Rayon Sports gutsinda Etincelles FC ibitego 3-1 mu mukino w’Umunsi wa 28 wa Shampiyona wabereye kuri Stade ya Kigali i Nyamirambo kuri iki Cyumweru.
Rayon Sports yafunguye amazamu ku munota wa 14, ku gitego cyinjijwe na Rudasingwa Prince ubwo Ishimwe Kevin yari ahinduye umupira mu rubuga rw’amahina.
Nyuma y’iminota ine, Rudasingwa yasimbuwe na Musa Esenu nyuma yo kugongana n’umunyezamu Lulu Thierry wa Etincelles, byabaye ngombwa ko ajyanwa kwa muganga gupfukwa mu gahanga aho yakomeretse, agaruka ku kibuga nyuma.
Hashize iminota 11 amakipe yombi avuye kuruhuka, Etincelles FC yabonye igitego cyo kwishyura, cyinjijwe na Mutebi Rashid ku mupira yatsinze nyuma yo guterwa na Bizimana Iptihadji wahanaga ikosa ryakozwe na Ndizeye Samuel.
Nta mwanya munini wanyuzemo kuko nyuma y’umunota umwe, Rayon Sports yatsinze igitego cya kabiri cyinjijwe na Mico Justin ku mupira mwiza wari uvuye kuri Ishimwe Kevin.
Ku munota wa 61, Mico Justin yatsinze igitego cya gatatu kuri penaliti ubwo Musa Esenu yari amaze gukinirwa nabi n’umunyezamu Lulu Thierry.
Mu minota isatira iy’inyongera, Etincelles FC yabonye penaliti yashoboraga gutuma igabanya ikinyuranyo, ariko Kapiteni wayo, Nshimiyimana Abdul, ayitera ku ruhande.
Gutsinda uyu mukino byatumye Rayon Sports igira amanota 47 ku mwanya wa gatatu mu gihe Etincelles FC yagumanye maanota 31 ku mwanya wa 11.
Indi mikino yabaye ni uwo Rutsiro FC yatsinzwemo na Police FC ibitego 3-2 n’uwo Gasogi United yatsinzemo Musanze FC ibitego 2-1.
Prince Rudasingwa yatsinze igitego cya mbere
Prince Rudasingwa yagize imvune yatumye ava ku kibuga muri Ambulance
Abantu benshi bakunda guhita bagarukira uwo bari baratandukanye na we nyuma yo gutandukana n'uwo bari barabasimbuje, nyamara umuntu aba asabwa kubirinda bose agatumbira imbere aho gusubira mu byahise.
3. Witekereza ko gutandukana na we bizagushyira mu kaga
Niba bibaye ngombwa ko utandukana n'uwo mwabanaga wikunva ko habaye ikintu kidasanzwe kuko ibi nabyo ni bimwe mu bigomba kuranga imibanire y'abantu kuko ntabatana batarabanye, ahubwo haranira kunva ko ibyiza biri imbere.
4. Irinde ikintu cyose gishobora kuba cyaguhuza n'uwo mwatandukanye
Mu gihe cyose wumva utarakira igikomere gitewe n'icyabatandukanije, irinde icyabahuza cyose usiba nimero ye ya telephone, email n'izindi nzira zisa n'izi zishobora kubahuza.
Urubuga Health.com ruvuga ko mugihe agakoko ka Sida kamaze igihe kingana n'ukwezi cyangwa abiri kari mu mubiri abantu 40%kugeza kuri 90% bashobora kugaragaza ibimenyetso bizwi nka ARS(Acute Retroviral Syndrome). bugaragaza ko kandi binashoboka ko umuntu ashobora kubana n'aka gakoko akaba yamara imyaka icumi nta kimenyetso iragaragaza.
1. Kugira ibiheri bidasobanutse ku mubiri
Ibiheri ni kimwe mu bimenyetso bishobora kugaragaza ko umutu yanduye Sida nubwo atari ikimenyetso gihamye umuntu yashingiraho bitewe nuko nutayirwaye ashobora kubirwara, gusa kuri Sida ho biba ari umwihariko kuko akenshi bifata igihimba cyo hejuru ndetse bikagendana n'ibisebe byo mu kanwa no ku myanya ndangagitsina, akenshi kandi usanga uwayanduye ahorana ibimenyetso by'ibicurane.
2.Guhinda umuriro
Guhinda umuriro ukabije ni kimwe mu bimenyetso bishobora kukwereka ko wanduye niba ugira umuriro uri hejuru ya Degree Celecius 38.88 ndetse ugacika intege ni byiza kwihutira kujya kwa mu ganga ugakurikirana ubuzima bwawe hakiri kare.
3.Kubira ibyuya mu ijoro
Niba uziko hari aho waba warananiwe kwirinda kandi ukaba usigaye ugira umuriro ukabije mu ijoro kuburyo ushobora no gutosa imyenda ni byiza ko wihutira kwa mu ganga kuko ubushakashatsi bwagaragaje ko agakoko iyo kageze mu mubiri kawukoresha cyane mu buryo budasanzwe kuburyo bwatera kubira ibyuya cyane.
4.Gutakaza ibiro mu buryo bwihuse
Gutakaza ibiro byinshi mu buryo bwihuse urugero nk'ibiro 10 cyangwa 6 mu kwezi kumwe uba ukwiye kwipimisha nubwo abarwaye aka gakoko bose badatakaza ibiro ahubwo bikunze kugaragara ku bwandu bushya.
5.Gutakaza ubushobozi bwo kwibuka no gufata mu mutwe
Niba usanzwe wibuka kandi ugafata mu mutwe ariko ukaba ubona byose byarahindutse ukwiye kwihutira kwa mu ganga kuko uwanduye aka gakoko ubushobozi bwe bwo kwibuka no gufata mu mutwe buragabanuka.
6. Umunaniro udashira
Umuntu wanduye agakoko gatera Sida arangwa no guhorana umunaniro bitewe nuko umubiri ukoresha imbaraga nyinshi mu kurwana n'agakoko numwanzi winjira mu mubiri.
Mugisha Alexis, intumwa ya rubanda mu nteko ishinga amategeko umutwe wa Sena, yabwiye abitabiriye'Kwibuka' Jenoside yakorewe Abatutsi ku nshuro ya 28 mu Murenge wa Musambira, Akarere ka Kamonyi ko umuntu ugifite muri we amacakubiri ashingiye ku ngengabitekerezo ya Jenoside, ameze aka wa mugani w''Ikirondwe cyasigaye ku ruhu kandi Inka yarariwe cyera'. Yasabye abo bose bakihishahisha hirya no hino bashuka abantu, kimwe n'undi wese wibwira ko yakongera gucamo Abanyarwanda ibice kuzibukira, agusubiza amerwe mu Isaho kuko icyo gihe cyarangiye.
Senateri Mugisha, wari umushyitsi mukuru muri uyu muhango wo kwibuka Ku nshuro ya 28 Jenoside yakorewe Abatutsi mu Murenge wa Musambira, yabanje kubwira abaje gufata mu mugongo no kwifatanya n'Abanyamusambira 'Kwibuka', ko nawe mbere yo kugera Kabgayi mu gihe cya Jenoside, yabanje kurokokera muri uyu Murenge w'icyahoze ari Komine Musambira.
Umuhango wo Kwibuka, wabimburiwe no kunamira no gushyira indabo ahiciwe Abatutsi batari bake( ku iteme rya Kayumbu) ku kiraro cyambuka ugana Muhanga uvuye ahazwi nko mu ry'Abasomari.
Mu buhamya bwe bugufi tuzagarukaho, yavuze ko umusaza Zaliyasi wishe Abatutsi benshi i Musambira, ko burya ngo' nta murozi wabuze umukarabya', ko uyu we yamugiriyeho umugisha, abikesheje ineza Nyirakuru yari yaramugiriye ubwo yamucumbikiraga agiye gupagasa i Bugande nk'uko benshi mu Banyarwanda bajyaga yo muri ibyo bihe.
Mu kubwira no kwibutsa abagifite imitima yinangiye, yiziritse ku kahise, abagihembera inzangano, abagifite kumva ko bacamo Abanyarwanda ibice bashingiye ku moko n'inzangano badashaka kureka, yavuze ko aba bantu bakwiye gutekereza no gushyira ubwenge ku gihe, bakibuka ko ibyananiye Leta ya Habyarimana yari ifite byose, ubu bitashoboka none kuri Leta yiyubatse ivuye ku busa ikaba ikomeye muri byose.
Perezida wa Ibuka/Kamonyi.
Senateri Mugisha, yabwiye abitabiriye Kwibuka bari aho n'abandi bari hirya no hino bumva cyangwa bazumva ubutumwa bwe ko, nyuma y'imyaka 28 Jenoside yakorewe Abatutsi ibaye, uwavutse muri iyo myaka ubu niba yarize neza ari ku rwego rwa Dogoteri, ko yemwe uwashatse afite Abana, ko kandi uri muri iyo myaka ari umusirikare mukuru, ko kandi hari n'abubatse ibikomeye bisobanuye uburemere bw'iyo myaka 28. Avuga ko igitangaje ndetse buri wese akwiye kuzibukira ari abakigaragara ko bagifite ibitekerezo bibi, bibiba urwango, bakihambiriye ku bitekerezo byashaje bitagifite n'icyo bimaze kuko ngo nta Jenoside ku Isi yigeze ikunda Abaturage badafashijwe na Leta, ngo bafatanye n'Igisirikare.
Yibukije ko kutamenya kw'icyo kirondwe ko Inka yariwe cyera bihishe byinshi, ariko kandi birimo n'isomo ku bantu nk'abo bakiziritse ku byahise bibi, bumva ko hari umwanya bagifite wo kugarura ikibi. Yasabye buri wese kurwanya ikibi no kucyamagana.
Senateri Mugisha Alexis, yibukije ko Leta ya Habyarimana yari ifite byose, ifite ubushobozi mu bikoresho n'amafaranga, ifite abaturage yatoje, Interahamwe n'Abasirikare bashyigikiwe kandi bahuje umugambi wo gukora Jenoside nti hagire Umututsi n'umwe usigara, ariko ibyo bikaba bitarabakundiye.
Yibukije ko Inkotanyi zahagaritse Jenoside zari Abasirikare bake, bashonje, bavunitse, bananiwe, bamaze imyaka mu buhunzi, batabayeho mu buzima bwiza, ariko ko ku bw'Ubutwari n'akababaro bari batewe n'inzirakarengane zari ziri kwicwa, baje bahagarika Jenoside none bakaba bariyubatse kuri byose.
Abaturage batari bake bitabiriye umuhango wo Kwibuka ku nshuro ya 28 Jenoside yakorewe Abatutsi i Musambira.
Yasabye abagifite imitekerereze nk'iyo yo kwizirika kubitagishobotse, birirwa babeshya bahembera urwango, barangwa n'amacakubiri n'ingengabitekerezo ya Jenoside ko bakwiye kuva ku k'ejo, bakaza bagafatanya n'abandi kubaka u Rwanda rufite icyerekezo kibereye buri wese.
Senateri Mugisha Alexis, yavuze ko abashimira Inkotanyi bazikesha ubuzima atari gusa Abatutsi zarokoye, ko Inkotanyi zanarokoye Abicanyi ubwabo. Ko aho bari bakwiye kuzishima kuko nabo ubwabo ubwo bari mu nkambi aho bahungiye, hari abo Inkotanyi zarokoye mu gusenya izo nkambi kuko bari batangiye hagati yabo gusubiranamo. Abibutsa ko abo nabo bakwiye kuba bashimira Inkotanyi kuko bakabaye barishwe na bene wabo bafatanije kwica Abatutsi no gukora andi mabi.
Hashyinguwe mu cyubahiro imibiri 4 y'Abatutsi bishwe ariko batabashije kumenyekana. Yakuwe mu tugari dutatu tugize uyu Murenge wa Musambira.
Mu Kwibuka ku nshuro ya 28 Jenoside yakorewe Abatutsi mu Murenge wa Musambira, hashyinguwe mu cyubahiro imibiri ine y'Abatutsi bishwe ariko batabashije kumenyekana. Babise' Ndi Ijwi ryawe wowe ntamenye uwo uriwe'. Bashyinguwe mu rwibutso rw'Akarere ahazwi nko mu Kibuza.
Kugeza ubu mu karere ka Rutsiro habarurwa imiryango 1079 ibana itarasezeranye imbere y'amategeko.
Bigirwanimana na Nakabonye , ni umwe mu miryango 62 yasezeranye imbere y'amategeko ubwo mu karere ka Rutsiro hatangirizwaga ukwezi kw'imiyoborere n'imibereho mu muryango.
Uyu muryango wari umaze imyaka 18 ubana mu buryo butemewe n'amategeko. Bigirwanimana avuga ko icyatumye batinda gusezerana ari ubushake buke bagize, ariko ngo umugore we yakomeje kubimushishikariza kugeza bafashe icyemezo bajya kwiyandikisha mu bitegura gushyingiranwa.
Nakabonye avuga ko icyamukundishije gusezerana n'umugabo we imbere y'amategeko ari ipfunwe ry'uko umugore utarasezeranye imbere y'amategeko afatwa nk'indaya.
Ati “Nahoraga mvuga ngo nk'ubu umugabo ansezereye najya he koko? Naba nk'indaya kandi ndi umubyeyi mukuru ufite abana bane. Ubutumwa naha ababana bataraseranye ni uko babanza bagaserana imbere y'amategeko, isezerano ryo mu mategeko ni ingenzi cyane”.
Umuyobozi w'Akarere ka Rutsiro , Murekatete Triphose yabwiye IGIHE ko muri uku kwezi kwahariwe imiyoborere n'imibereho mu muryango, ikibazo cy'imiryango ibana itarasezeranye kiri mu bizibandwaho.
Yavuze ko hari imiryango myinshi usanga ibana itaraseranye akenshi bigaterwa no kudasobanukirwa amategeko no kutamenya ko kubana badasezeranye bishobora kugira ingaruka zirimo no kubuzwa uburenganzira ku mitungo.
Ati “Ingo nyinshi zibana zidasereranye, ni naho usanga amakimbirane. Turi gukangurira ababyeyi kwigisha abana b'abakobwa n'abasore ko igihe bagiye gushinga urugo ikiza ari uko babana basezeranye”.
Tariki 17 Gicurasi 2022, nibwo ku rwego rw'igihugu hatangijwe ukwezi kw'imiyoborere n'imibereho mu muryango iki gikorwa kikaba cyarahuriranye no gusezeranya imiryango 62 yabanaga itaraseranye imbere y'amategeko.
Myugariro w'Ubwongereza na Chelsea,Ben Chilwell, yongeye gusubira kubaho nta mukunzi, nyuma yo guhagarika urukundo yari afitanye n'umunyamideli Camila Kendra wanigeze gukundana na Lewis Hamilton,.
Aba bombi bahuye bwa mbere mu mpera zumwaka ushize ubwo basangizaga urukurikirane rw'amafoto bari kumwe, yafatiwe m urugo rw'uyu mukinnyi w'umupira w'amaguru ku mbuga nkoranyambaga.
Ariko amakuru aravuga ko aba bombi bahagaritse umubano.
Umwe mu bahaye amakuru The Sun yagize ati: 'Ben na Camila bari bamaze amezi make bakundanye nk'inzu igurumana, kandi rwose bari bishimiye gushyigikirana mu ruhame.
Chilwell yatekerezaga ko ari mwiza kandi ko amukunda cyane.
Ariko urukundo rwabo rusa nkaho rwacitse intege bakimara gutangira.
Ntibakivuga kandi baretse gukurikirana kuri Instagram.”
Ben Chilwell amaze igihe kinini adakinira Chelsea kubera ikibazo gikomeye cy'imvune yagize mu mwaka ushize.
Umuryango uharanira ubwigenge, agaciro n'Iterambere by'Umunyafurika, Ishami ry'u Rwanda (Panafrican Movement Rwanda),ufite gahunda yo guhangana n'igwingira rikomeje kuvugwa hirya no hino mu Rwanda binyuze mu bukangurambaga uteganya gukora.
Uyu muryango uvuga ko ikibazo cy'imirire n'iri gwingira ryibasira Afurika kandi iri hajuru ku bijyanye n'ubuhinzi giterwa n'imyumvire mibi y'abatuye uyu mugabane.
Mu kiganiro bagiranye na Radio Rwanda,abagize uyu muryango bavuze ko kwibohora kwa Afurika ku bijyanye n'imirire mibi n'igwingira bihera ku guhindura imyumvire ndetse no gufatanya.
Abajijwe impamvu ikibazo cy'imirire mibi kidakemuka muri Afurika kandi ari umugabane ukorwamo ubuhinzi cyane,Hon. Nyiramadirida Fortunée yahishuye ko impamvu nyamukuru y'iki kibazo ituruka ku myumvire.
Ati “Ikibazo ni imyumvire.Ibiryo byo birahari ntitubishidikanyaho kandi n'ibirwanya iyo mirire mibi ntabwo ari ibihenze.Niyo mpamvu dushyire imbaraga mu kubaka uturima tw'igikoni ngo haboneke izo mboga.Niyo mpamvu haterwa ibiti by'imbuto ngo ziboneke zunganire imirire.
Hon. MUSONI Protais,Umuyobozi wa Pan Africa Movement yagize ati “Iteka ibisubizo by'ibibazo dufite biba biri muri twe, abanyafurika nitwe ubwacu tugomba guharanira uburenganzira n'agaciro kacu, 'kuko turi abantu nk'abandi nubwo bamwe bibwira ko baturusha agaciro.
Avuga ku kugwingira,Hon. MUSONI Protaisyagize ati “ikibazo cyo kugwingira n'ikibazo kidindije afurika,icya mbere aho uri tanga urugero kugira ngo utagira abagwingira.Icya kabiri cengeza imyumvire y'imirire.
Kera ibintu biri henshi,twagendaga dusaruza henshi ariko ubu ngubu ntibigishoboka.Amapera,amanazi,inkeri za gaperi.Urugo rwose ugezemo bakaguha amata.Icyo gihe nta mwana washoboraga kugwingira kuko twari tukiri bamwe,umwana w'undi ari uwawe.Bisa nk'ibihindutse ubu,umwana n'uwo muri uru rugo gusa.Twagira intekerezo gute hakabaho igaburo ry'umudugudu?,ku buryo abantu bajya bamenya ngo n'uriya mwana n'uwacu aribyo twatangiye za Gatsibo,dutange amata abana banywe.Ibyo abantu bakaba umusemburo ngo bibe.”
Yakomeje avuga ko hakwiriye kwigishwa impinduramitekerereze umuntu akamenya ko umuntu natarya indyo nziza atazagwingira gusa ku mubiri gusa ahubwo no mu Bwonko ariko bizagenda.
Pan African Movement yavuze ko igiye gushyira imbaraga muri ubwo bukangurambaga mu gihe cy'umwaka kandi bikaganirwa buri gihe kugira ngo ikibazo kibe cyavuka.
Uyu muryango wavuze ko ugiye gushyira kandi imbaraga mu bukangurambaga bwo gushishikariza abantu kwinjira mu buhinzi kandi babukora kinyamwuga aho witeguye gushinga amatsinda “Clubs” yita ku buhinzi mu mashuri ku buryo umwana azajya atekereza ati “Iwacu barashonje kuko bahinga nabi,ngiye kwiga ubuhinzi”,aho kwiga ubuhinzi kuko umwana yabuze icyo yiga.
Buri mwana tariki ya 25 Gicurasi,haba “Umunsi wo kwizihiza kwibohora kw'Afurika ndetse n'uyu mwaka urateganyijwe aho hazarebwa uko Afurika yakwibohora ku kutagira ibiribwa bihagije n'imyumvire iganisha abantu mu bukene.