Author: webrwanda

  • Abakuru b'ibihugu na Guverinoma 35 bazitabira CHOGM – #rwanda #RwOT

    Kuri uyu wa Gatanu nibwo inzego zitandukanye za Leta zagejeje ku Banyarwanda aho imyiteguro igeze, mu kiganiro n'abayamakuru.

    Makolo yagize ati “Abakuru b'ibihugu na za Guverinoma bazaba bahari, tuzaba dufite abarenga 35 hano, izo nama zizaba ari umwihariko w'abayobozi ariko tuzi ibyo bazaba baganira, ku nsanganyamatsiko yo kugera ku hazaza hasangiwe.”

    Bitegayijwe ko iyi nama izabera ahantu hatandatu hatandukanye, muri Kigali Convention Centre, Kigali Marriott Hotel, M- Hotel, Intare Conference Arena, Kigali Serena Hotel, na Kigali Conferemce and Exhibition Village, ahazwi nka Camp Kigali.

    Izitabirwa n'abantu basaga 5000.

    Umuvugizi wa Guverinoma y'u Rwanda, Yolande Makolo yemeje ko abakuru b’ibihugu na za guverinoma 35 ari bo bazitabira CHOGM


    Source : http://igihe.com/amakuru/u-rwanda/article/abakuru-b-ibihugu-na-guverinoma-35-bazitabira-chogm

  • M23 yahanuye indege ya FARDC #rwanda #RwOT

    Itangazo M23 yasohoye rivuga ko indege yahanuwe ahagana saa cyenda n’igice z’igicamunsi, ubwo bagabwagaho igitero mu birindiro biri ahitwa Kabindi na Tshengereo.

    Ni nyuma y’uko M23 itangaje ko yigaruriye utwo duce mu rukerera rwo kuri uyu wa Gatanu mu mirwano yabahuje n’ingabo za Congo mu Burasirazuba bw’igihugu muri Kivu y’Amajyaruguru.

    Umutwe wa M23 umaze iminsi ugenzura agace ka Bunagana kari hafi y’umupaka wa Congo na Uganda. Uyu mutwe watangiye kubura ibitero nyuma yo gushing Leta ya Congo kudashyira mu bikorwa amasezerano basinye mu 2013.

    Source : http://www.ukwezi.rw/Mu-mahanga/Amakuru-anyuranye/article/M23-yahanuye-indege-ya-FARDC

  • umusirikari wa Kongo yakoze mu jisho ry'intare ahasiga ubuzima. N'undi uzabigerageza azaba yiyahura! #rwanda #RwOT

    Mu gitondo cyo kuri uyu wa gatanu, tariki 17 Kamena 2022, ahashyira saa 08h30, umusirikari wa Kongo yamaze guhaga urumogi maze agaba igitero mu Rwanda, ndetse akomeretsa abapolisi babiri bari hafi
    y'umupaka wa Kongo n'u Rwanda.

    Nyuma yo kurasa urufaya rw'amasasu agamije kwica abantu benshi, dore ko yarasaga avuga mu ijwi riranguruye ngo'reka ndase izi mbwa z'Abanyarwanda', abapolisi b'u Rwanda baje kwitabara, maze icyo cyihebe kihasiga agatwe. Cyiciwe muri metero 25 cyamaze kwinjira mu Rwanda no kuvogera ubutaka bwarwo.

    Leta y'u Rwanda yahise isaba Itsinda ry'Ingabo Mpuzamahanga rishinzwe Kugenzura Umutekano ku Mupaka w'Ibihugu byombi gukora iperereza, hanyuma ahagana saa sita z'amanywa umurambo w'uwo musirikari ushyikirizwa Kongo.

    Ubwo imodoka itwaye umurambo yageraga mu mujyi wa Goma yakirijwe induru y'insoresore nazo zahaze ibiyobyabwenge, zaririmbaga ko uwo musirikari ari'intwari'. Bamushimiraga ko yiyahuye agakora mu
    jisho ry'intare, nk'aho byamuguye neza. Muri Kongo ntibazi ko kwiyahura ari ubugwari, kuko uwiyahuye aba yananiwe guhangana n'ibibazo.

    Mu bavuzaga induru hongeye kugaragaramo Umunyarwanda Josué Kabanza, uba i Goma akaba adasiba hafi y'umupaka w'u Rwanda, mu myigaragambyo yo gutuka u Rwanda na Perezida warwo. Yihinduye Umunyekongo mu rwego rwo kuyobya uburari, ndetse akaba n'umwe mu bashishikariza Abanyekongo kurimbura Abatutsi bo muri icyo
    gihugu.Uyu Kabanza akomoka mu yahoze ari Perefegitura ya Ruhengeri, akaba mwishywa wa Joseph Nzirorera, umujenosideri waguye muri gereza y'Urukiko Mpuzamahanga rwa Arusha. Nta gitangaje rero ko Josué Kabanza yabatwa n'ingengabitekerezo ya jenoside, dore ko ari n'umuyoboke ukomeye w'umutwe w'abajenosideri wa FDLR.

    Hagati aho ariko iraswa ry'umusirikari wa Kongo ntiryabujije Abanyekongo gukomeza kwambuka ari benshi baza guhahira mu Rwanda. Hari bamwe muri bo baganiriye n'itangazamakuru, bavuga ko nta kibazo na kimwe bigeze bagirira mu Rwanda kuva ubushyamirane bwakubura,ndetse basaba bagenzi babo b'Abanyekongo kureka
    ubushotoranyi bukorerwa Abanyarwanda, n'ubwicanyi bwibasiye cyane Abatutsi bo muri Kongo.

    Amakuru dufitiye gihamya aravuga ko inkorabusa zirirwa zitera amabuye mu Rwanda ziba zahawe amafaranga n'abategetsi ba Kongo, abamotari bagahabwa lisansi y'ubuntu ngo bazenguruke umunsi wose mu bikorwa bitagize icyo bibamariye.Twashoboye kumenya ko no mu mujyi wa Bukavu kuri uyu wa gatanu nabo biriwe mu kaduruvayo ngo barigaragambya, ariko abazi neza ibyo muri Kongo bakavuga ko biba ari n'uburyo bwo gukurura akavuyo ngo babone uko bisahurira. Nyamara ibi bisazi by'Abanyekongo bishobora kubabyarira amazi nk'ibisusa!

    The post umusirikari wa Kongo yakoze mu jisho ry'intare ahasiga ubuzima. N'undi uzabigerageza azaba yiyahura! appeared first on RUSHYASHYA.

    Source : https://rushyashya.net/umusirikari-wa-kongo-yakoze-mu-jisho-ryintare-ahasiga-ubuzima-nundi-uzabigerageza-azaba-yiyahura/?utm_source=rss&utm_medium=rss&utm_campaign=umusirikari-wa-kongo-yakoze-mu-jisho-ryintare-ahasiga-ubuzima-nundi-uzabigerageza-azaba-yiyahura

  • Top 7 Best NETFLIX Series to Watch Now! 2021 So Far #rwanda #RwOT

    Hello guys! In this video, we'll be counting down our picks for the Top 7 Best Netflix Original Series of 2021 so far. Our countdown includes 'Young Royals', 'Fate: The Winx Saga', 'Shadow and Bone', 'Tribes of Europa', and more Netflix movies! What is your favorite Netflix TV Series of 2021? Let us know in the comments!

    Agree with the list? 🤝 CLICK HERE: https://bit.ly/2KPKQPu

    Thanks for watching, subscribe and hit the bell icon for the latest videos!

    SUBSCRIBE ▶ https://www.youtube.com/channel/UCIS_35P-xjVKekwXmQMXnbA?sub_confirmation=1

    Watch more best movie videos here:-
    Top 10 Best Netflix Movies of 2020: https://youtu.be/vUB-jKFeINQ
    Top 10 Best Upcoming Movies 2021: https://youtu.be/0ZWcgIXtJXw
    Top 10 Supernatural Tv Series: https://youtu.be/iVN_y7lapYw
    Top 5 Best Action Movies of 2020: https://youtu.be/2DJiDfoq4ds

    Cnext's Social Media Pages:
    Facebook: https://www.facebook.com/cnexttv
    Instagram: https://www.instagram.com/cnext_tv/
    Twitter: https://twitter.com/Cnexttv

    NOTE:- we do not own any of the trailers, movie clips, music shown in the video and they are copyrighted contents of the respective owners.

    #Netflix #Series #2021 #Netflix2021 #SoFar #TVShows

    Source

    Source : https://hillywood.rw/?p=8607

  • Arsenal yaguze umukinnyi wo hagati wigaragaje cyane muri Portugal #rwanda #RwOT

    Ikipe ya FC Porto yatangaje ko yamaze kumvikana na Arsenal, kuyigurisha Fábio Daniel Ferreira Vieira, umunya-Portugal w'imyaka 22 ukina hagati mu kibuga afasha ba rutahizamu.

    Uyu musore watangiye kumenyekana no kwigaragaza umwaka ushize,yakoze ku mutima Arteta ahita asaba abamukuriye barimo na Edu kumuzana.

    Vieira yaguzwe miliyoni 35 z'amayero zishobora kuziyongera zikaba 40 igihe yahesha ibikombe Arsenal.

    Uyu musore yabanje mu kibuga inshuro 15 muri 27 yakiniye FC Porto mu mwaka w'imikino ushize ayitsindira ibitego 6 ndetse anatanga imipira yavuyemo ibitego 14 byanatumye yegukana igikombe cya shampiyona.

    Nta mukinnyi wa Arsenal wagize uruhare mu kurema ibitego byinshi mu mwaka w'imikino ushize waruhije uyu musore muto.

    Itangazo ryatanzwe na FC Porto muri iki gitondo ryemeje ko Mikel Arteta yaguze umukinnyi wa kabiri muri iyi mpeshyi.

    Iyi kipe yatangaje iti: “Twumvikanye na Arsenal FC ku masezerano yo kugura burundu umukinnyi w'umupira wamaguru wabigize umwuga Fabio Vieira kuri miliyoni mirongo ine z'ama euro),muri yo,miliyoni eshanu z'ama euro, zizishyurwa bitewe n'ibizagerwaho muri siporo. “

    Ariko, iyi kipe yo muri Porutugali yakomeje yerekana ko bakomeje kuganira na Arsenal mu kurangiza burundu aya masezerano.Biteganyijwe ko kumvikana byose birarangira mu minsi iri imbere.

    Arsenal yizeye ko amasezerano na Vieira azarangiza gusinywa muri wikendi.

    Uyu musore ukina hagati, yifuzwaga kandi na Tottenham, Manchester United na Liverpool.

    Vieira yakinnye imikino yose hamwe 76 mu ikipe ya mbere ya Porto nyuma yo kuzamurwa mu ishuri ry'iyi kipe, atsinda ibitego 10 ndetse atanga imipira 18 yavuyemo ibitego.

    Uyu agiye guhanganira umwanya na Emile Smith Rowe na Martin Odegaard bose bakina umwanya w'inyuma ya rutahizamu [10] akinaho.

    Uyu mukinnyi ukomoka muri Portugal asanze umukinnyi w'imyaka 19 ukomoka muri Brazil Marquinhos uheruka gusinyira Gunners mu minsi ishize.

    Arsenal irifuza abandi bakinnyi 2 bakomeye barimo Gabriel Jesus bivugwa ko biri hafi kurangira na Youri Tielmans bamaze igihe kinini baganira.

    Source : https://umuryango.rw/imyidagaduro/imikino/article/arsenal-yaguze-umukinnyi-wo-hagati-wakoze-ibitangaza-muri-portugal

  • Umusirikare wa Congo yarashwe arapfa nyuma yo gutera mu Rwanda #Rwanda #RwOT via @kigalitoday #rwanda #RwOT

    Umusirikare wa Repubulika Iharanira Demokarasi ya Congo (RDC) utaramenyekana umwirondoro, mu masaha ya saa mbiri yinjiye ku mupaka muto uhuza Umujyi wa (…)

    Source : https://www.kigalitoday.com/amakuru/amakuru-mu-rwanda/article/umusirikare-wa-congo-yarashwe-arapfa-nyuma-yo-gutera-mu-rwanda

  • Umusirikare wa Kongo yarasiwe ku butaka bw'u Rwanda #rwanda #RwOT

    Muri iki gitondo cyo kuwa 5, ahagana saa 9h30,Umusirikare w'igisirikare cya Repubulika iharanira Demokarasi y'u Rwanda yinjiye mu Rwanda anyuze ku mupaka muto [ petite barrière] arasa birangira arashwe n'inzego zishinzwe umutekano z'u Rwanda.

    Amakuru atangazwa n'abari I Rubavu babonye ibi biba,bavuga ko uyu musirikare yinjiye ku mupaka w'u Rwanda arasa abapolisi b'u Rwanda birangira akomerekeje umwe hanyuma nabo mu kwitabara bahita bamurasa arapfa.

    Uyu musirikare wa Kongo ngo yarashe amasasu menshi yinjira,abapolisi b'u Rwanda baramwihisha uretse umwe yakomerekeje hanyuma umwe aramurasa isasu riramufata ariko akomeza kurasa nibwo undi mupolisi w'u Rwanda yamurashe mu mutwe ahita apfa nkuko amakuru abitangaza.

    Nta munyarwanda n'umwe wasize ubuzima mu masasu uyu musirikare wa Kongo yarashe gusa hari amakuru avuga ko ko hari abandi bantu yarashe bakomeretse cyane ndetse ko bahise bajyanwa kwa muganga byihuse kugira ngo bitabweho.

    Umwuka ukomeje kuba mubi hagati y'u Rwanda n'igihugu cya RDC kirushinja gufasha abarwanyi ba M23 gusa u Rwanda rurabihakana rukavuga ko icyo rushaka ari amahoro.

    Kuri uyu wa Gatatu,tariki ya 15 Kamena 2022, ku mupaka w'u Rwanda na RDC i Goma habereye imyigaragambyo ikomeye y'Abanye-Congo bamaganaga u Rwanda barushinja gufasha umutwe wa M23 uhanganye n'igisirikare cy'igihugu cyabo, FARDC.

    Leta y'u Rwanda ihakana ibirego bya DR Congo by'uko abasirikare bayo bafasha umutwe wa M23, ubu wafashe umujyi wa Bunagana ku mupaka wa DRC na Uganda.

    Abategetsi b'u Rwanda ntacyo baravuga kuri ibi byanzuwe n'iyi nama, gusa bagiye bahakana gufasha umutwe wa M23.

    Source : https://umuryango.rw/amakuru/mu-rwanda/umutekano/article/umusirikare-wa-kongo-yarasiwe-ku-butaka-bw-u-rwanda

  • Ingimbi z’u Rwanda zabonye itike y’igikombe cy’Afurika, bashiki babo biranga #rwanda #RwOT

    Ikipe y’u Rwanda y’abahungu batarengeje imyaka 18 mu mukino wa Basketball, yakatishije itike yo kuzakina imikino ya nyuma y’igikombe cy’Afurika 'U-18 AfroBasket', izabera i Antananarivo muri Madagascar kuva tariki 23 Nyakanga kugeza ku ya 1 Kanama 2022.

    Iyi kipe itozwa n’umutoza Murenzi Yves, yabigezeho nyuma y’uko yitwaye neza ikaba iya mbere mu mikino y’Akarere ka 5 'FIBA U-18 Africa Championship 2022-Zone V Preliminaries', irimo kubera I Kampala muri Uganda kuba tariki 12 kugeza 18 Kamena 2022.

    Iyi kipe yashimangiye gusoza ku mwanya wa mbere itsinda umukino w’umunsi wa 4 w’iri rushanwa, yongera gutsinda Uganda yakiniraga mu rugo, amanota 72 kuri 59.
    Muri uyu mukino wabaye ku wa Kane tariki 16 Kamena 2022, amakipe y’u Rwanda na Uganda yasoje agace ka mbere inganya amanota 15-15, yongera kunganya mu gace ka kabiri amanota 18-18, ari nako bombi bagiye kuruhuka ari amanota 33-33.

    Ikipe y’u Rwanda yaje kwitwara neza maze itsinda agace ka 3, ku manota 16-9 ndetse n’aka kanyuma (4), ku manota 23-17, yegukana intsinzi ku kinyuranyo cy’amanota 13.
    Sano Rutatika Dick, kapiteni w’ikipe y’u Rwanda, ni we watsinze amanota menshi muri uyu mukino n’amanota 21.

    Ikipe y’u Rwanda ikaba isigaje gukina umukino usoza iri rushanwa uzayihuza na Tanzania kuri uyu wa Gatandatu 18 Kamena 2022. Ni mu gihe undi mukino usigaye uzaba uhuza Tanzania na Uganda, wo uraba kuri uyu wa Gatanu, tariki 17 Kamena 2022.
    U Rwanda rwari rwatangiye neza rutsinda Uganda mu mukino wa mbere, 59 kuri 38, wabaye tariki 13 Kamena 2022, ni mbere y’uko itsinda Tanzania mu mukino wa kabiri amanota 73 kuri 57, wabaye tariki 15 Kamena 2022.

    Kugeza ubu, u Rwanda ruri ku mwanya wa mbere n’amanota 6 kuri 6, Uganda iza ku mwanya wa kabiri n’amanota 4 mu mikino 3, naho Tanzania ni ya 3 n’amanota 2 mu mikino 2.

    Ku rundi ruhande, ikipe y’u Rwanda y’abakobwa batarengeje imyaka 18, yo ntabwo yitwaye neza kuko yatsinzwe imikino 3 yose imaze gukina. Mu mukino wabaye ku wa Kane tariki 16 Kamena 2022, yatsinzwe na Tanzania bigoranye kuko hitabajwe iminota y’inyongera ku manota 86-79. Yari yatangiye itsindwa na Tanzania kandi ku manota 50-40, yongera gutsindwa na Uganda ku manota 71 kuri 50.

    Ikipe y’u Rwanda ikaba izasoza imikino yayo ihura na Uganda kuri uyu wa Gatanu tariki 17 Kamena 2022.

    Mbere y’uko ikina umukino wa usoza iri rushanwa, ikipe y’u Rwanda iri ku mwanya wa 3 n’amanota 3, Uganda ni iya kabiri n’amanota 4 iyanganya mu mikino 2 naho Tanzania ni ya mbere n’amanota 5 mu mikino 3 imaze gukina. Tanzania na Uganda zizishako izahagararira aka karere mu mikino y’Afurika.

    U Rwanda rwitwaye neza rubona itike y’igikombe cy’Afurika mu ngimbi

    Abangavu b’u Rwanda batsinzwe na Tanzania

    Source : http://isimbi.rw/siporo/article/ingimbi-z-u-rwanda-zabonye-itike-y-igikombe-cy-afurika-bashiki-babo-biranga

  • Umusifuzi yariye iminwa, perezida wa Rwamagana ashyira akazi mu kaga – Ibitaravuzwe byanatumye FERWAFA yisubiraho #rwanda #RwOT

    Nyuma y’uko umusifuzi ariye iminwa imbere ya komisiyo ishinzwe amarushanwa, izuba ryongeye kurasira kuri Rwamagana City maze FERWAFA yisubiraho ku mwanzuro yari yayifatiye wo kuyitera mpaga bayishinja gukinisha umukinnyi wari wujuje amakarita 3 bigaha amahirwe AS Muhanga yo gukomeza muri ½.

    Rwamagana City yatomboye gukina na AS Muhanga muri ¼ cy’igikombe cy’icyiciro cya kabiri, umukino ubanza wabaye tariki ya 4 Kamena 2022 ubera i Rwamagana maze AS Muhanga itsinda 1-0.

    Umukino wo kwishyura wabaye tariki ya 8 Kamena 2022 ubera i Muhanga maze Rwamagana itsinda 2-1 biba 2-2 mu mikino yombi, ariko Rwamagana ikomeza kubera ko yatsinze ibitego byinshi hanze.

    Tariki ya 9 Kamena 2022 AS Muhanga yahise irega Rwamagana City muri FERWAFA kubera ko mu mukino ubanza ngo hari umukinnyi wa Rwamagana City witwa Mbanze Josua wakinnye afite amakarita 3 y’imihondo.

    FERWAFA ikaba yarahise imenyesha amakipe yagomba gukina imikino ibanza ya ½ yagombaga kuba tariki ya 11 Kamena ko isubitswe igomba kuba uyu munsi tariki ya 14 Kamena 2022 kubera ko hari amakipe yatanze ikirego.

    Tariki ya 13 Kamena 2022 nibwo bamenyesheje Rwamagana City ko yatewe mpaga kubera umukinnyi wabo wakinnye afite amakarita 3 y’imihondo, iyi kipe nayo yari yabyumvise mbere mu itangazamakuru yahise yihutira kwandikira FERWAFA iyimenyesha ko ibyo bavuga ari ibinyoma.

    Ubu bujurire bwa Rwamagana City Rwamagana bwasabaga ko FERWAFA yabemerera bakaha email na raporo y’umwimerere by’umusifuzi na komiseri igaragaza ko Mbanze Josua yahawe ikarita y’umuhondo yuzuza ikarita ya 3 ku mukino wa Nyagatare tariki ya 22 Gicurasi 2022 kuko abakinnyi bayihawe ari batatu, Uwayezu Jean de Dieu, Muganuza Jean Pierre na Habineza Samuel, byatumye umukino wa AS Muhanga yari yahawe amahirwe yo gukomeza na Interforce FC usubikwa.

    Ku munsi w’ejo hashize nibwo akanama gashinzwe amarushanwa kateranye maze gasuzuma ubujurire bwa Rwamagana City maze gahita gatesha agaciro ikirego cya AS Muhanga.

    Cyaba cyari icyemezo cyafashwe n’umuntu ku giti cye?

    Bivugwa ko nyuma y’uko AS Muhanga itanze ikirego akanama gashinzwe amarusanwa katigeze gaterana ahubwo umunyabanga wa FERWAFA yabimenyesheje Gasana Richard ushinzwe amarushanwa muri FERWAFA ndetse anamuba raporo yashingiweho. Muhire Henry ni ko guhita yandika ibaruwa itera mpaga Rwamagana City.

    FERWAFA yirengangije nkana ibyo yabwiye Rwamagana City

    Amakuru ISIMBI yamenye ni uko Rwamagana City buri cyiciro yahamgaragara muri FERWAFA ikayibaza amakarita abakinnyi bayo bafite, hari mu rwego rwo guhuza iyo raparo n’iyo ikipe ifite.

    Binavugwa ko mbere y’umukino ubanza wa ¼ na AS Muhanga, Rwamagana City yabajije muri FERWAFA bababwira ko nta kibazo na kimwe abakinnyi babo bafite.

    Nyuma y’uko babwiwe ko Josua afite amakarita 3, yanasabye ko bajya muri MTN (nubwo bigoranye) bakabaha ibiganiro bagiranye na FERWAFA mbere y’umukino wa AS Muhanga.

    Umuyobozi wa Rwamagana City yashyize umwanya we mu kaga

    Uwimana Nehemie, umuyobozi w’ikipe ya Rwamagana City, yarahiriye ubuyobozi bw’Akarere ka Rwamagana ndetse n’Intara ko barenganyijwe bagomba kumufasha bakarenganurwa.

    Ubu buyobozi bwamubwiye ko FERWAFA ivuga ko ifite ibimenyetso by’uko Mbanze Josua afite amakarita 3 y’imihondo, Nehemie wari wanze kuva ku izima, yabajijwe uko bizagenda nibaramuka basanze arimo kuburana amahugu, na we abasezeranya ko iyo uwo mukinnyi aba afite ayo makarita batari kujya mu manza ndetse ko nibasanga babeshya we azahita ava ku buyobozi bw’ikipe ya Rwamagana City, maze Intara y’Iburasirzuba n’Akarere ka Rwamagana binjira muri iki kibazo.

    Rwamagana City yatewe ubwoba

    Nyuma yo kujurira iki cyemezo, bivugwa ko komiseri ushinzwe amarushanwa muri FERWAFA yateye ubwoba Rwamagana City bayibwira ko ibyo irimo itabizi kuko raporo bafite igaragaza ko uyu mukinnyi wabo afite amakarita 3 y’umuhondo.

    Raporo zaranyuranye, umusifuzi arya iminwa maze Rwamagana City irarenganurwa

    Raporo ifatika (hard) ya komiseri yagaragazaga ko kuri uyu mukino wa Nyagatare, Mbanze Josua yabonye ikarita y’umuhondo ituma yuzuza amakarita 3 y’umuhondo ariko nk’uko Rwamagana yari yasabye raporo y’umwimerere yohererejwe komisiyo ishinzwe amarushanwa mu buryo bwa email basanze uyu mukinnyi atari mu bahawe ikarita.

    Ibi byatumye hitabazwa umusifuzi bakunda kwita Java wasifuye uyu mukino maze abazwa raporo yo kuri uyu mukino, yariye iminwa abura icyo asubiza avuga ko yibagiwe kuyikora ni mu gihe raporo ya komiseri we yari yohereje yagaragaza ko Mbanze Josua atari mu bakinnyi bahawe ikarita kuri uwo mukino.

    Icyari gisigaye ni uko aka kanama nyuma yo kubura ibimenyetso, kafashe umwanzuro wo gutesha agaciro ikirego cya AS Muhana maze Rwamagana City ikaba ari yo izakina ½ na Interforce FC, igihe umukino uzabera kikazatangazwa vuba.

    Rwamagana City yatsinze urubanza

    Source : http://isimbi.rw/siporo/article/umusifuzi-yariye-iminwa-perezida-wa-rwamagana-ashyira-akazi-mu-kaga-ibitaravuzwe-byanatumye-ferwafa-yisubiraho