
Author: webrwanda
-
#Basketball: Ikipe y’Igihgu y’abatarengeje imyaka 18 yabonye itike y’Igikombe cya Afurika #Rwanda #RwOT via @kigalitoday #rwanda #RwOT
Ku wa Kane tariki 16 Kamena 2022, ikipe y’Igihugu y’u Rwanda y’abahungu batarengeje imyaka 18, mu mikino wa Basketball iri mu mikino yo gushaka itike (…) -
Imana ishimwe ko itajya inkoza isoni ku munsi wanjye – Umunyezamu wa APR FC, Ishimwe Pierre #rwanda #RwOT
Umunyezamu wa APR FC, Ishimwe Pierre yashimiye Imana ko yamuhaye impano ikomeye ku munsi w’isabukuru ye yegukana igikombe cya shampiyona.
Ku munsi w’ejo hashize ku wa Kane tariki ya 16 Kamena 2022, umunyezamu wa APR FC, Ishimwe Pierre yari yagize isabukuru y’amavuko, bikaba byarahuranye n’uko yegukanye igikombe cya shampiyona cya 2021-22, ni nyuma yo gutsinda Police FC 2-0.
Ishimwe Pierre yabwiye ISIMBI ko ari iby’agaciro gakomeye kuri we ndetse ko Imana itajya kumukoza isoni ku isabukuru ye kuko n’umwaka ushize ayigira, bari bakinnye na Rayon Sports bayitsinda 1-0.
Ati “Ni iby’agaciro, ndabyishimiye cyane, bimaze kuba kabiri ubushize twari twakinnye na Rayon Sports mu Bugesera ku isabukuru yanjye ndatsinda, ubu noneho bihuriranye dutwara n’igikombe, Imana ishimwe ko itajya inkoza isoni ku munsi wanjye.”
Akomeza avuga ko uyu mwaka w’imikino ari umwaka wakomereye APR FC cyane bitewe n’uko yatakaje abakinnyi bakomeye ariko akaba ashima Imana ko bawitwayemo neza.
Ati “Ni umwaka w’imikino utari woroshye, njye na bagenzi banjye ntibyari byoroshye harimo abakinnyi bashya dutakaje abandi bakuru kandi bakomeye, rero byabanje kudutonda, benshi ntabwo bumvaga ko APR FC yatwara igikombe ifite abakinnyi bato bangana gutya ariko tuberetse ko APR FC ihora ari ikipe ikomeye cyane.”
Ishimwe Pierre ni umunyezamu ukiri muto utanga icyizere, yazamuwe muri APR FC nkuru mu mwaka w’imikino hagati wa 2019-2020, umwaka wawakurikiyeho wa 2020-21 nibwo yaje kwigarurira umwanya ubanza mu izamu rya APR FC, kugeza uyu munsi akaba ari we nimero ya mbere mu izamu ry’iyi kipe y’ingabo z’igihugu.
Ishimwe Pierre (30) yashimiyimana ko itajya imukoza isoni -
#COVID19: Abanduye 29 barimo 26 babonetse i Kigali #Rwanda #RwOT via @kigalitoday #rwanda #RwOT
Minisiteri y’Ubuzima (MINISANTE) yatangaje ko ku wa Kane tariki 16 Kamena 2022 mu Rwanda habonetse abanduye Covid-19 bashya 29, bakaba babonetse mu bipimo (…)
Source : https://www.kigalitoday.com/ubuzima/indwara/article/covid19-abanduye-29-barimo-26-babonetse-i-kigali
-
Ronaldo na Rodriguez ibyishimo ni byose aho bari muri Majorca – YEGOB #rwanda #RwOT
Christiano Ronaldo ndetse n'umugore we bagaragaye bari kwishimira ibiruhuko barimo ku bwato bwabo bufite agaciro ka miliyoni 5.5 z'amayero.
Mu mwaka wa 2020, Christiano Ronaldo akaba aribwo yaguze ubwato buhenze bupima feet 88 bwa Azmut Grande.
Christiano na Georgina bari hamwe n'abana babo Christiano Ronaldo Jr, Eva, Matteo, Alana, Martina, ndetse n'undi mwana baherutse kwibaruka witwa Bella w'amezi abiri.
Uyu muryango ukaba uri kurira isi mu bwato bw'akataraboneka buri mu nyanja yegereye imisozi ya Tramuntana muri Espanye.
Ubu bwato bukaba bufite ibyumba bitanu ndetse n'ubwogero butandatu bufite ibisabwa byose.
Source : https://yegob.rw/ronaldo-na-rodriguez-ibyishimo-ni-byose-aho-bari-muri-majorca/
-
Igikombe cyari cyarabaye kimveho birangiye kibonye nyiracyo – YEGOB #rwanda #RwOT
Cyari igihe kingana n'umwaka urenga amakipe arimo arwanira igikombe cya shampiyona ndetse amwe agaragaza imbaraga zidasanzwe gusa ariko birangiye nyiri ukunywa amazi ayanyoye.
APR FC itozwa n'umutoza Mohammad Erradi Adil, itsinzwe imikino ine yonyine nyuma y'uko yari imaze imikino 50 idatsindwa ikaza gukorwa mu nsina z'amatwi na Mukura FC.
APR FC itwaye igikombe cya 20 kuva yashingwa nyuma ya Genocide yakorewe abatutsi mu mwaka wa 1994 ikaba ari nayo kipe mu Rwanda ifite ibikombe bya shampiyona byinshi.
APR FC itwaye igikombe itsinze police ku mukino wa nyuma ibitego bibiri ku busa aho icya kabiri cyatsinzwe na Barafinda ku munota wa nyuma ndetse kiyovu sports yari ihanganye na APR FC nayo yatsinze Marine FC ibitego bibiri ku busa.
Erradi Adil atwaye igikombe cye cya gatatu kuva yagera mu Rwanda ntawundi mutoza uzi uko igikombe gisa ndetse kugeza magingo aya bari no kuri fial y'igikombe cy'amahoro aho bazakina na AS Kigali.
Source : https://yegob.rw/igikombe-cyari-cyarabaye-kimveho-birangiye-kibonye-nyiracyo/
-
Impano z'abato zasabiwe kwitabwaho by'umwihariko ngo zitadindira zitarakura – #rwanda #RwOT
Ibi byagarutsweho n'Umunyamabanga wa Leta muri Minisiteri y'Uburezi, ushinzwe Amashuri Abanza n'Ayisumbuye, Twagirayezu Gaspard, ubwo yitabiraga igikorwa cyo guhemba abanyeshuri bahize abandi mu marushanwa yo gushushanya yateguwe na NESA ku birebana n'ubumenyi abana bafite ku Nama ya CHOGM u Rwanda rugiye kwakira.
Ibi bihembo byatanzwe ku wa 15 Kamena 2022, ku bana 30 bahize abandi mu gihugu hose.
Zimwe mu mpano zikunze kuboneka mu bana bato harimo imbyino, ubusizi n'ubuhanzi bw'imivugo, gushushanya no gukina imikino itandukanye irimo Taikwondo, umupira w'amaguru n'indi.
Ababyeyi b'abana batsinze bagaragaje ko kubaha umwanya wo gutekereza no gukora ikibarimo byabaye ipfundo ryo gutanga umusaruro watumye bagaragaza ubuhanga buhanitse mu gushushanya.
Umwe yagize ati 'Urebye umwana iyo umuhaye umwanya, ashobora gukora ibintu bikagutangaza. Ntitwari tuzi ko uyu mwana wacu afite impano nk'iyi yo gushushanya, ibi bigaragaza ko akurikiranwe akiri muto byazamugirira akamaro ahazaza.'
Umuyobozi w'Ikigo cy'Ishuri cya Adonai Smart Academy, giherereye mu Karere ka Gasabo mu Murenge wa Kinyinya, Mutebi John, waganiriye na IGIHE yemeza ko gutegura umwana bikwiye gutangira akiri muto.
Ati 'Ubushakashatsi bwerekana ko ikintu afite cyangwa uzamubonamo ugomba kugishakisha akiri muto kuko icyo wamubwira cyose agikora. Iyo umuntu amaze kwigira hejuru ngira ngo nkuko mbibona nk'abazungu bamuhera hasi y'imyaka itanu kugira ngo babone impano ye.'
Yavuze ko iyo umwana afashijwe akiri muto bimuha kwagura impano ye, ikaba izwi kandi bishobora kumufasha no mu myigire ye.
Ati 'Uko bagenda bazamuka izo mpano za bo tuzaba twarazibonye ndetse turashaka ko abana bazagera kure ariko byahereye hasi. Mu kiruhuko tuzagira icyo bita umwiherero w'abana, urabizi ko tuzagira ikiruhuko hafi amezi atatu. aho tuzakira n'abandi bana biga ku bindi bigo.'
Yasabye abarezi n'ababyeyi gushyira imbaraga mu kwiyegeraza abana aho gupfundikirana impano zibarimo.
Umunyamabanga wa Leta muri Minisiteri y'Uburezi, ushinzwe Amashuri Abanza n'Ayisumbuye, Twagirayezu Gaspard, yavuze ko izo nshingano zikwiye kuba iza buri wese ngo abana bitabweho bikwiye.
Ati 'Ubu buhanga bafite biradusaba natwe gushyiramo izo mbaraga kugira ngo dukomeze gufasha abana bacu kubukoresha none ndetse n'ejo hazaza. Uwo ni umukoro kuri Minisiteri y'Uburezi n'abandi bari mu mashuri.'
Uretse impano zo gushushanya ku bana bato ariko kuri ubu hari izindi zigaragara mu bana b'Abanyarwanda bigashimangira ubuhanga mu birebana n'ikoranabuhanga bunguka.
Mu 2017, umwana witwa Gisa Gakwisi Didier w'imyaka 13 yubatse ikibumbano kiri mu isura imeze neza nka Kigali Convention Centre (KCC), akoresheje ibumba.
Mu Karere ka Muhanga ho uwitwa Ndayisaba Victor Emmanuel, wiga mu mwaka wa Gatatu w'Amashuri yisumbuye, yakoze robot yakwifashishwa mu gutera imiti, gukoreshwa mu nganda, gufata amashusho n'ibindi.
Aba biyongeraho abanyeshuri bo kuri GS St Pierre Nkombo bakoze ikoranabuhanga ryifashisha imashini mu kubikuza amafaranga ibizwi nka 'ATM [Automated Teller Machine]. Iri koranabuhanga ryatangiye kwifashishwa ndetse abaturage bakomeje guhabwa serivisi za banki barikoresheje.
Abo banakoze moto ifite umwihariko wo gukoresha umunyu n'amazi hagamijwe kubungabunga ibidukikije. Bagize igitekerezo cyo kuyikora nyuma yo kubona ikibazo kiri muri sosiyete kijyanye n'iyangirika ry'ikirere.
Minisiteri y'Uburezi yakunze guca amarenga ko hakorwa ibiganiro bigamije gushyiraho porogaramu ishakisha abana bafite impano kugira ngo bafashwe kuzagura, zibagirire umumaro.
Umunyamabanga wa Leta muri Minisiteri y’Uburezi ushinzwe Amashuri Abanza n’Ayisumbuye, Twagirayezu Gaspard, yavuze ko guteza imbere impano z’abana bikwiye gutangira bakiri bato
Ubuhanga nk’ubu bw’abana bato bukwiye gukirikiranwa bakiri bato bagafashwa gukuza impano zabo
Abana bato basabiwe kwibandwaho mu kuzamura impano zibarimo
Turikumana wakoze radio afite impano idasanzwe mu ikoranabuhanga
Abana bo ku Nkombo mu Karere ka Rusizi na bo bakoze moto itangaje
Gisa Gakwisi Didier yakoze ikibumbano kimeze nka KCC ndetse yandikaho n’amagambo -
Itangazo: MUHAMED Lamine yasabye guhindura amazina akitwa CAMARA Mohamed Lamine #rwanda #RwOT
Impamvu atanga zituma asaba guhindura amazina akaba ari uko ari amazina ari kuri Passport.
Ingingo z'ingenzi yashingiyeho asaba inzego zibishinzwe guhindura amazina zikaba ziri hano hasi:

-
Amb. Karabaranga yashyikirije Perezida Adama Barrow impapuro zimwemerera guhagararira u Rwanda muri Gambia #Rwanda #RwOT via @kigalitoday #rwanda #RwOT
Ambasaderi Jean Pierre KARABARANGA uhagarariye u Rwanda mu Bihugu bya Senegal, Mali, Guinea Bissau, Gambia na Cabo Verde, yashyikirije Adama BARROW, (…)
-
#CHOGM2022: Dore uko imihanda ikoreshwa kuri uyu wa 17 Kamena mu Mujyi wa Kigali #Rwanda #RwOT via @kigalitoday #rwanda #RwOT
Polisi y’u Rwanda yasobanuye uburyo imihanda mu mujyi wa Kigali ikoreshwa kuri uyu wa Gatanu tariki 17 Kamena 2022, mu rwego rwo korohereza abazitabira (…)
-
Mu Rwanda abatanga amaraso bariyongereye, n’abandi barashishikarizwa kubyitabira #Rwanda #RwOT via @kigalitoday #rwanda #RwOT
Mfashingabo Christian w’imyaka 25 y’amavuko avuga yifuje kuva kera gutanga amaraso, ariko akabura amakuru y’uko bigenda. Nyuma yaje gusobanukirwa mu mwaka (…)