Author: webrwanda

  • Uruhare rw'abagore mu kubaka amahoro rwabaye umusingi w'iterambere ry'u Rwanda-Madame Jeanette Kagame #rwanda #RwOT

    Madamu Jeannette Kagame yavuze ku rugendo u Rwanda rwanyuzemo mu guteza imbere umugore nyuma ya Jenoside yakorewe Abatutsi, agaragaza n'uruhare rwabo mu kubaka amahoro arambye.

    Madame Jeannette Kagame

    Ibi ni bimwe mu byagarutsweho na Madamu wa Perezida wa Repuburika y'u Rwanda, Jeannette Kagame, tariki 20 Kamena 2022 mu nama y'ihuriro ry'abagore bo mu bihugu bikoresha ururimi rw'icyongereza 'Commonwealth iri kubera i Kigali.

    Madame Jeannette Kagame yavuze ko nyuma ya Jenoside yakorewe Abatutsi hashyizweho gahunda irambye y'uburinganire, ari nayo yabaye umusingi uhamye w'iterambere n'imibereho myiza.

    Madame Jeannette Kagame hamwe n'Umunyamabanga Mukuru wa Commonwealth, Patricia Scotland

    Avuga ku rugendo u Rwanda rwanyuzemo mu guteza imbere abagore yagize ati 'Abagore n'abakobwa bavuye ku kuba inzirakarengane z'amakimbirane bahinduka abari ku ruhembe rwo kurinda amahoro arambye hagati yabo n'ibihugu.'

    Ubusumbane bushingiye ku gitsina, ihohoterwa…

    Madamu wa Perezida wa Repuburika yavuze no ku bibazo birimo ubusumbane bushingiye ku gitsina, ingaruka za Covid-19, ihohoterwa rishingiye ku gitsina n'ibindi bikeneye igisubizo byihutirwa.

    Yavuze ko bibabaje kumenya ko ½ cy'abagore ku isi bakorewe ihohoterwa rishingiye ku gitsina cyangwa bazi umugore warikorewe.

    Yagize ati 'Nta kwihangana guhari ku kuba ubu ¾  bya miliyari y'abana b'abakobwa bashyingirwa ku gahato. Uko twese tubizi, abana ntabwo bashobora kwemererwa gushaka[…] hakwiye ishoramari rikomeye mu bushake bwa politiki, ubuvugizi, ubufasha mu by'imari, ubufatanye, ubushobozi n'ubumenyi bifasha mu kugera ku buringanire no kubakira ubushobozi abagore n'abakobwa bitarenze mu 2030.'

    'Ni iby'agaciro kuba iri huriro ribereye mu Rwanda'

    Umunyamabanga Mukuru wa Commonwealth, Patricia Scotland, yavuze ko yishimiye kuba iri huriro ribereye mu Rwanda, igihugu kiri ku isonga mu guteza imbere abagore kandi nabo bakaba bakomeje kugira uruhare mu mpinduka igihugu kigeraho.

    Umunyamabanga Mukuru wa Commonwealth, Patricia Scotland

    Yagize ati 'Nejejwe n'ibyakozwe n'u Rwanda mu kwiyemeza ko abagore n'abakobwa baba inkingi ya mwamba y'iterambere ry'igihugu. Ubushake bwa politiki no kubifataho umwanzuro utuma bigerwaho ni umwihariko  si itegeko.'

    Image

    Iyi nama yitabiriwe n'abagabo ndetse n'abagore baturutse hirya no hino ku Isi

    Inama y'ihuriro ry'abagore bo mu bihugu biri muri Commonwealth ni imwe mu nama zibanziriza iy'abakuru b'ibihugu na za guverinoma zo mu bihugu bikoresha ururimi rw'Icyongereza (CHOGM), ikaba izamara iminsi ibiri aho yitabiriwe n' abantu basaga 500, hafi ½ cyabo akaba ari abo mu Rwanda.

    Image

     Iyi nama yitabiriwe n'abantu 500 baturutse hirya no hino ku Isi mu bihugu bikoresha ururimi rw'icyongereza

    [email protected]

     

    The post Uruhare rw'abagore mu kubaka amahoro rwabaye umusingi w'iterambere ry'u Rwanda-Madame Jeanette Kagame appeared first on IRIBA NEWS.

    Source : https://iribanews.rw/2022/06/20/uruhare-rwabagore-mu-kubaka-amahoro-rwabaye-umusingi-witerambere-ryu-rwanda-madame-jeanette-kagame/

  • Muhanga: Veterineri(muganga w'amatungo) Karangwa w'Umurenge wa Muhanga yatawe muri yombi #rwanda #RwOT

    Veterineri w'Umurenge wa Muhanga witwa, Karangwa Eric Janvier yatawe muri yombi n'urwego rw'igihugu rw'ubugnzacyaha-RIB sitasiyo ya Nyamabuye. Arakekwaho kugurisha abaturage imiti y'Amatungo yatanzwe na Leta muri gahunda yo guhangana n'icyorezo cy'indwara y'ubuganga iherutse kwaduka hafi mu mirenge yose igize aka karere.

    Amakuru y'itabwa muri yombi ry'uyu mukozi yamenyekanye ku wa Gatandatu w'icyumweru dushoje. Ni nyuma y'amagenzura yakozwe ndetse n'abaturage bakavuga ko abaca amafaranga y'ikiguzi kugirango abahe iyi miti bakagombye kubonera ubuntu.

    Umunyamabanga Nshingabikorwa w'Umurenge wa Muhanga, Nteziyaremye Germais yabwiye umunyamakuru wa intyoza ko ku wa Gatanu w'icyumweru gishize aribwo uyu mukozi( umuganga w'amatungo) yatawe muri yombi nyuma y'ubugenzuzi bwakozwe mu tugari twa Kanyinya na Nganzo, aho abaturage babwiye umugenzuzi ko baciwe amafaranga na Veterineri kugirango abaterere imiti amatungo.

    Yagize ati' Nibyo koko uyu mukozi wacu yatawe muri yombi mu mpera z'icyumweru gishize nyuma y'ubugenzuzi ku ndwara y'ubuganga iherutse kwaduka muri imwe mu mirenge y'aka karere'. Akomeza avuga ko ubu bugenzuzi bwakorewe mu tugali twa Kanyinya na Nganzo, ko abaturage aribo bavuze ko mu gushyira mu bikorwa gahunda yo kurinda amatungo iyi ndwara bishyujwe amafaranga ku miti baterewe amatungo.

    Gitifu Nteziyaremye, yongeyeho ko mbere y'uko Leta itanga imiti yo guhangana n'indwara y'Ubuganga yadutse mu kwezi kwa Gicurasi 2022 hari uducupa tw'imiti 5 yagombaga guhabwa utugari 5 tugize umurenge wa Muhanga ukaba wari warafashe ku mucuruzi w'imiti y'amatungo witwa Anicet ukorera mu gasanteri ka Meru maze abayiterewe bose bakaba baragombaga gukusanya amafaranga ibihumbi 25 kuri buri cupa kugirango yishyurwe, aho ibyo byakorwaga n'abajyanama b'Ubworozi bw'amatungo.

    Aborozi baciwe amafaranga babwiye iki intyoza.com!?

    Umwe muri aba borozi utashatse ko amazina ye atangazwa, avuga ko ubwo uyu muganga w'amatungo yazaga kumuterera umuti, yamusabye amafaranga gusa yirinze kuvuga umubare kuko atigeze azuyaza kuyamuha kugirango amuterera umuti inka ye.

    Yagize ati' Njyewe banterera umuti, nishyuye amafaranga kuko hari n'abandi bari bambwiye ko bayatanze, nanjye rero ntabwo nari gutinda kandi hari n'abandi bayatanze babimbwiye'.

    Undi muturage nawe wanze ko amazina ye atangazwa, yemeje ko nawe yishyuye amafaranga umujyanama w'ubworozi anamubaza impamvu batamuhaye agapapuro kemeza ko ayatanze ntiyagahabwa. Yemeza ko yahise abonamo ubujura.

    Yagize ati' Nanjye natanze amafaranga 1000 nyaha umujyanama w'ubworozi ndetse naramubajije nti ko utampaye agapapuro, ejo ntabwo bazavuga ko ntayatanze? njyewe nahise mbona ko barimo kutwiba rwose'.

    Si ubwa mbere habonetse abakozi batagira ubunyangamugayo kuko mu minsi ishize hanagaragaye abakozi b'Akarere bajyaga bahembwa amafaranga yo ku rwego rwo hejuru cyane batarageraho.

    Gusa, nubwo iki cyorezo mu matungo cyari cyatumye hahagarikwa ibyo kubaga amatungo n'icuruzwa ry'inyama, hashize icyumweru kimwe bafunguye amabagiro yose yari yarafunzwe kubera iki cyorezo cyadutse mu nka, aho kimwe mu bimenyetso biranga itungo ryanduye ari ukuva amaraso mu mazuru abenshi bazi nk'imyuna ku kiremwamuntu n'ibindi.

    Hari amakuru avuga ko uyu muganga w'amatungo watawe muri yombi, yakoreshaga bamwe mu bajyanama b'ubwozi ndetse na bamwe mu bo mu nzego z'ibanze mu gukusanya amafaranga yacibwaga abaturage ngo amatungo yabo ahabwe imiti.

    Akimana Jean de Dieu

    Source : https://www.intyoza.com/muhanga-veterinerimuganga-wamatungo-karangwa-wumurenge-wa-muhanga-yatawe-muri-yombi/

  • URWANGO bafitiye Abanyarwanda bakomeje kurugaragaza ! Goma : Hateguwe imyigaragambyo yo gutwika Imyenda yakorewe mu Rwanda #rwanda #RwOT

    Muri iyi baruwa Rwandatribune ifitiye Kopi, umuyobozi wa Sosiyete Sivili i Goma Usseni Jamal avuga ko bateguye igikorwa cyo gutwika imyambaro yakorewe mu Rwanda mu rwego rwo kwereka u Rwanda ko barambiwe intambara n’akavuyo bavuga ko rutera muri Repubulika iharanira Demokarasi ya Congo.

    Uyu muyobozi avuga ko Repubulika iharanira Demokarasi ya Congo ikwiye gucana umubano mu bijyanye n’ubukungu n’igihugu cy’u Rwanda.
    Usseni avuga ko iki gikorwa kiri bubere kuri stade de l’Unite ya Komini Karisimbi.

    Uyu muyobozi kandi yasabye Polisi kuba ihari iyo myigaragambyo iba kugirango ibashe gubacungira umutekano ubwo baraba bari muri iki gikorwa bise icyo gukunda igihugu.

    Si ubwa Mbere muri Repubulika iharanira Demokarasi ya Congo hateguwe imyigaragambyo idasanzwe yamagana u Rwana, dore ko kuva kuwa 13 Kamena 2022, umutwe wa M23 wafata umujyi wa Bunagana, imiyigaragambyo i Goma yafashe indi ntera aho amaduka y’abavuga Ikinyarwanda muri uyu mujyi yasahuwe.

    Ibi biterwa n’ibirego iki gihugu kirega u Rwanda gushyigikira umutwe wa M23, nk’uko byakunze kugarukwaho n’abayobozi bakuru uhereye kuri Perezida Felix Tshisekedi.

    Source : http://www.ukwezi.rw/Mu-mahanga/Amakuru-anyuranye/URWANGO-bafitiye-Abanyarwanda-bakomeje-kurugaragaza-Goma-Hateguwe-imyigaragambyo-yo-gutwika-Imyenda-yakorewe-mu-Rwanda

  • Agatotsi kantwaye imodoka nari ntwaye irenga… – #rwanda #RwOT

    Iyi mpanuka yabaye mu rukerera rwo ku Cyumweru tariki ya 19 Kamena 2022 ubwo uyu mugabo yari atashye avuye gutegura imwe mu mihanda izakoreshwa mu gihe cya CHOGM2022.

    Mu butumwa yashyize ku rukuta rwe rwa Twitter, Sadate yavuze ko yarimo ataha mu masaha ya saa cyenda z'urukerera, agatotsi karamufata yikanga yarenze umuhanda akora impanuka.

    Yagize ati “Mu ijoro ryacyeye ahagana saa cyenda n'igice ubwo nari mvuye mu mirimo yo gutegura imihanda izakoreshwa nka déviation mu gihe cy'Inama ya #CHOGM2022, agatotsi kantwaye imodoka nari ntwaye irenga umuhanda gusa meze neza, nshimiye umugabo witwa Shema Joshua wanyitayeho akanamfasha.”

    “Uyu mugabo tutari tuziranye n'abo bari kumwe banyeretse ko tugifite abantu bafite ubumuntu, njyewe n'Umuryango wanjye turamushimiye cyane n'uwaba amuzi amudushimirire kuko n'Imfura cyane. Ntacyo nabaye kandi n'imodoka nayo ntabwo yangiritse cyane tuvuye kuyikura ahabereye ikibazo.”

    Abantu batandukanye bavuze kuri ubu butumwa bamwihanganishije ariko bamugira inama y'uko mu gihe yajya yumva atameze neza ko yajya yirinda gutwara imodoka.

    Munyakazi Sadate yamenyekanye ubwo yari umuyobozi w'ikipe ya Rayon Sports muri 2019, yaje kuva ku buyobozi bw'iyi kipe muri Nzeri 2020, gusa ni umugabo ukunda Siporo ndetse unaharanira iterambere ryayo udahwema gutanga ibitekerezo byatuma siporo nyarwanda ijya ku rundi rwego, akaba akunda by'umwihariko Rayon Sports.

    Nyuma yo gukora impanuka Sadate Munyakazi yatangaje ko ameze neza nta kibazo afite.

    Sadate Munyakazi yakoze impanuka y’imodoka Imana ikinga ukuboko

    Sadate Munyakazi yabaye perezida wa Rayon Sports

    Source : https://inyarwanda.com/inkuru/118281/agatotsi-kantwaye-imodoka-nari-ntwaye-irenga-umuhanda-sadate-munyakazi-wayoboye-rayon-spor-118281.html

  • UBUTUMWA ku bafite ababo bafungiye mu magereza yo mu Rwanda #rwanda #RwOT

    Ubusanzwe kuva tariki ya 20 kugera tariki ya 26 mu Rwanda hari kubera inama ikomeye ihuza abakuru b’ibihugu na za guverinoma, bo mu muryango w’ibihugu bivuga ururimi rw’Icyongereza izwi nka CHOGM.

    Ubuyobozi bwa RCS ntibwigeze buvuga ko niba gusubika ibikorwa byo gusura imfungwa n’abagororwa byaba hari aho bihuriye n’inama ariko ntibyadukundira.

    Gusa mu itangazo ryashizweho umukono n’uyu muvugizi, rivuga ko kuri ayo matariki muri gereza hose hazaba hari ibikorwa bijyanye n’amasuku.

    Itangazo rigira riti 'Muri gereza hose hazaba hari ibi bikurikira : ibikorwa by’isuku n’isukura harimo no gutera imiti yica imibu itera Malaria, ubukangurambaga ku bacungagereza n’abandi bakozi ba gereza ku birebana n’ibarura rusange ry’abaturage.'

    RCS ikomeza ivuga ko abafite impamvu zihutirwa bashobora gufashwa babisabye ubuyobozi Bukuru bw’Urwego rw’Igihugu rushinzwe imfungwa n’Abagororwa kandi ko izindi serivisi z’ingenzi zo zizakomeza gutangwa.

    Source : http://www.ukwezi.rw/1-1/Amakuru-anyuranye/article/UBUTUMWA-ku-bafite-ababo-bafungiye-mu-magereza-yo-mu-Rwanda

  • Ibitotsi byatumye Sadate wayoboye Rayon Sports akora impanuka Imana ikinga ukuboko #rwanda #RwOT

    Munyakazi Sadate wahoze ayobora ikipe ya Rayon Sports, yahishuye ko yakoze impanuka Imana igakinga akaboko, ni nyuma yo gufatwa n'ibitotsi atwaye imodoka ikarenga umuhanda.

    Iyi mpanuka yabaye mu rukerera rwo ku Cyumweru tariki ya 19 Kamena 2022 ubwo uyu mugabo yari atashye avuye gutegura imwe mu mihanda izakoreshwa mu gihe cya CHOGM2022.

    Mu butumwa yanyujije ku rukuta rwe rwa Twitter, yavuze ko yarimo ataha mu masaha ya saa cyenda z'ijoro, ni uko agatotsi karamufata yikanga yarenze umuhanda gusa ntiyagira icyo aba.

    Ati 'Mu ijoro ryacyeye ahagana saa cyenda n'igice ubwo nari mvuye mu mirimo yo gutegura imihanda izakoreshwa nka déviation mu gihe cy'Inama ya #CHOGM2022, agatotsi kantwaye imodoka nari ntwaye irenga umuhanda gusa meze neza, nshimiye umugabo witwa Shema Joshua wanyitayeho akanamfasha.

    Uyu mugabo tutari tuziranye n'abo bari kumwe banyeretse ko tugifite abantu bafite ubumuntu, njyewe n'Umuryango wanjye turamushimiye cyane n'uwaba amuzi amudushimirire kuko n'Imfura cyane. Ntacyo nabaye kandi n'imodoka nayo ntabwo yangiritse cyane tuvuye kuyikura ahabereye ikibazo.'

    Abakurikira Sadate kuri Twitter bamwihanganishije ariko bamugira inama y'uko mu gihe yumvise atameze neza ko yajya yirinda gutwara imodoka.

    Source : https://umuryango.rw/ubuzima-115/imibereho/article/sadate-wayoboye-rayon-sports-yakoze-impanuka-imana-ikinga-ukuboko

  • M23 yafunguye Umupaka wa Bunagana iha ikaze abahunze #rwanda #RwOT

    Amashusho yashyizwe ku mbuga nkoranyambaga z’uyu mutwe wa M23, agaragaza Umuvugizi wa M23, Maj Willy Ngoma afungura ku mugaragaro uyu mupaka wa Bunagana uhuza Repubulika Iharanira Demokarasi ya Congo na Uganda.

    Maj Willy Ngoma uba ahagaze ku biro by’uyu mupaka, avuga ko abaturage batangiye kuza kwambuka uyu mupaka batahuka nyuma y’iminsi barahunze imirwano.

    Muri aya mashusho anagaragaza bamwe mu baturage baba bagiye gutangira kwambuka bakoresheje uyu mupaka bagarua mu Mujyi wa Bunagana, Maj Willy Ngoma akomeza agira ati 'Nkuko mubibona abaturage batangiye kugaruka.'

    Akomeza avuga ko aba baturage ari bo bifatiye icyemezo cyo gutahuka ku bushake bwabo kandi ko M23 yiteguye kubacungira umutekano uko bikwiye.

    Ati 'Bamwe ni ababyeyi bacu bagiye badufasha, ubu bashobora kwinjirana n’abana babo bakajya ku mashuri kuko mu gihe cya vuba batangira ibizamini bya Leta.'

    Umujyi wa Bunagana uri mu Ntara ya Kivu ya Ruguru ihana imbibi n’Igihugu cya Uganda, uri mu maboko y’Umutwe wa M23 kuva ku wa Mbere w’icyumweru gishize tariki 13 Kamena 2022 nyuma yuko ukubise inshuro abasirikare ba FARDC bari bawurinze bamwe bagahungira muri Uganda.

    Tariki 16 Kamena 2022, hacicikanye amakuru yavugaga ko FARDC yisubije uyu mujyi wa Bunagana, gusa Umuvugizi wa M23, Maj Willy Ngoma yanyomoje aya makuru, uvuga ko bakiri muri uyu Mujyi ndetse ko badateganya kuwuvamo vuba aha ndetse ko nta n’ingabo zapfa kuwubakuramo.

    Ubwo M23 yafataga uyu mujyi wa Bunagana, Maj Willy Ngoma yabwiye RADIOTV10 ko bawufashe mu rwego rwo kwizera umutekano wabo kuko wifashishwaga na FARDC mu kubagabaho ibitero.

    Maj Willy Ngoma afungura ku mugaragaro uyu mupaka wa Bunagana

    Source : http://www.ukwezi.rw/Mu-mahanga/Amakuru-anyuranye/article/M23-yafunguye-Umupaka-wa-Bunagana-iha-ikaze-abahunze

  • Abatoza ba Rayon Sports basubiye iwabo batazi ahazaza ha bo #rwanda #RwOT

    Abatoza ba Rayon Sports bakomoka muri Portugal, umutoza mukuru Jorge Paixão n’umwungiriza we Daniel Ferreira Faria basubiye iwabo mu biruhuko, ni mu gihe batazi ahazaza habo muri iyi kipe.

    Aba batoza bombi bakaba baraye bahagurutse mu Rwanda mu ijoro ryakeye berekeza iwabo ni nyuma yo gusoza amasezerano yabo y’amezi 6.

    Nyuma yo kugenda bivugwa ko aba batoza batazagaruka muri Rayon Sports bitewe n’uko batashimye umusaruro wabo batawishimiye.

    Mu mezi atandatu bari bamaze muri Rayon Sports basoje ku mwanya wa 4 n’amanota 48 ni mu gihe APR FC yegukanye yari ifite amanota 66.

    Amakuru ISIMBI yamenye ni uko aba batoza bavuye mu Rwanda batazi ahazaza habo muri Rayon Sports kuko ubuyobozi bw’iyi kipe butigeze bubabwira niba bazakomezanya cyangwa niba nta masezerano bazongererwa.

    Amakuru avuga ko komite nyobozi ya Rayon Sports itarakora isuzuma ry’uburyo bitwaye maze babone gufata umwanzuro, ni mu gihe andi makuru avuga ko Rayon Sports yaba yaratangiye gutekereza uburyo yashaka umusimbura wabo.

    Abatoza ba Rayon Sports basubiye muri Portugal

    Source : http://isimbi.rw/siporo/article/abatoza-ba-rayon-sports-basubiye-iwabo-batazi-ahazaza-habo

  • FLN yavuze ku Gitero cyahitanye abantu babiri muri Nyungwe #rwanda #RwOT

    Igikorwa cy’ubugizi bwa nabi cyahitanye abantu babiri, cyabaye ku gicamunsi cyo ku wa Gatandatu tariki 18 Kamena 2022 ahagana saa munani ubwo abagizi ba nabi barasaga ku modoka itwara abagezi ya RITCO, bakica umushoferi ndetse n’umugenzi umwe.

    Nyuma y’iki gikorwa cy’ubugizi bwa nabi, Polisi y’u Rwanda yasohoye itangazo ivuga ko abagizi ba nabi bakoze iki gikorwa bakekwa kuba ari abo mu mutwe w’Inyashyamba wa FLN baturutse hakurya y’umupaka.

    Uyu mutwe wa FLN wasohoye itangazo witakana ko atari wo wakoze iki gikorwa cy’ubugizi bwa nabi cyahitanye abanyarwanda babiri.

    Iri tangazo ryasohowe mu majwi, rigira riti 'Icya, tubabajwe n’ubwo bwicanyi kandi turahakana twivuye inyuma ibivugwa muri iryo tangazo ribeshya ko ari FLN yagabye icyo gitero kuko birazwi neza ko ntaziri mu Rwanda kuva mu mwaka wa 2018.'

    Uyu mutwe uvuga ko utarwana n’abaturage ahubwo ko ugaba ibitero ku ngabo z’u Rwanda.

    Umuvugizi wa FLN wasomye iri tangazo, akomeza ashinja inzego z’umutekano z’u Rwanda ngo kuba ari zo zakoze kiriya gikorwa ngo kuko ari zo zirinda umuhanda wabereyemo ubu bugizi bwa nabi.

    Uyu mutwe uritarutsa ibi bikorwa by’ubugizi bwa nabi bwakorewe bamwe mu Banyarwanda mu gihe bizwi ko wagiye ugaba ibitero mu bihe bitandukanye ndetse bigahitana inzirakarengane zitandukanye.

    Ivomo:Rwandatribune

    Source : http://www.ukwezi.rw/1-1/Amakuru-anyuranye/article/FLN-yavuze-ku-Gitero-cyahitanye-abantu-babiri-muri-Nyungwe