Author: webrwanda

  • Foundation Yolande Mukagasana yashimye u Bufaransa bwahamije ibyaha Laurent Bucyibaruta – #rwanda #RwOT

    Urukiko rwa Rubanda i Paris mu Bufaransa ku wa Kabiri tariki ya 12 Nyakanga 2022, rwasomye umwanzuro warwo ku rubanza rwarerwagamo Bucyibaruta wari ukurikiranyweho ibyaha bya Jenoside, rumukatira igifungo cy'imyaka 20.

    Urukiko rwamuhamije ubufatanyacyaha mu gukora Jenoside n'Ubufatanyacyaha mu byaha byibasiye inyokomuntu muri Ecole Marie-Merci i Kibeho. Yahanaguweho icyaha cyo gukora Jenoside muri Kibeho, Kaduha, Murambi, Cyanika na Gereza ya Gikongoro.

    Kugeza Bucyibaruta imbere y'ubutabera, byafashwe nk'intambwe ikomeye ku butabera bw'u Bufaransa bwakunze gushyirwa mu majwi mu kuba indiri y'abasize bakoze Jenoside mu Rwanda, aho bidegembya ntacyo bikanga ndetse benshi muri bo bakaba badafatwa ngo bagezwe imbere y'ubutabera cyangwa abandi imanza zabo zigatinzwa bya hato na hato.

    Itangazo ryashyizwe ahagaragara kuri uyu wa 13 Nyakanga 2022, Foundation Yolande Mukagasana yashimiye ubutabera bw'u Bufaransa.

    Mukagasana washinze uwo muryango, avuga ko ari ubutabera ku barokotse Jenoside yakorewe Abatutsi ariko bikaba n'ubutumwa ku bagize uruhare muri Jenoside bakidegembya.

    Ati 'Ni ubutabera mu Bufaransa ku barokotse ariko ni n'umukoro ku bagize uruhare muri Jenoside bagishakishwa bari muri iki gihugu n'ahandi hirya no hino ku Isi.'

    Urubanza ruregwamo Bucyibaruta rwasomwe nyuma y'amezi asaga abiri rwari rumaze ruburanishwa. Rwatangiye kuburanishwa ku wa 9 Gicurasi 2022, rwumviswemo abatangabuhamya barenga 110 barimo abaminisitiri bane, abahoze ari abasirikare bakuru, abarokotse Jenoside n'abandi.

    Bucyibaruta, Ubushinjacyaha n'abaregera indishyi bafite iminsi 10 yo kujuririra icyemezo cy'Urukiko rwa Rubanda rwa Paris.

    Ibyaha yahamijwe bishingiye ku nama ziswe iz'umutekano zirimo izo yategetse ko zikorwa cyangwa izo yitabiriye, bivugwa ko zateguriwemo umugambi wo kwica Abatutsi bo mu cyahoze ari Perefegitura ya Gikongoro.

    By'umwihariko, Bucyibaruta ashinjwa gushishikariza Abatutsi guhungira mu cyahoze ari ishuri ry'imyuga rya Murambi, abizeza ko nibahagera azabaha ubuhungiro, ibiribwa, amazi n'uburinzi nyamara bakaza kuhicirwa.

    Yashinjwaga kandi kugira uruhare mu bwicanyi bwakorewe abanyeshuri b'abatutsi barenga 90 bigaga ku ishuri ryisumbuye rya Marie Merci ry'i Kibeho ku wa 7 y'ukwezi kwa gatanu mu 1994.

    Bucyibaruta Laurent yavukiye i Musange mu 1944. Yabaye Perefe wa Perefegitura ya Gikongoro kuva ku wa 4 Nyakanga 1992 kugera muri Nyakanga 1994.

    Yabanje guhungira muri Repubulika Iharanira Demokarasi ya Congo ariko mu 1997 ahungira mu Bufaransa aho ari kugeza n'ubu.

    Laurent Bucyibaruta yakatiwe igifungo cy’imyaka 20

    Mukagasana yashimiye ubutabera bw’u Bufaransa bwahamije ibyaha bya Jenoside, Bucyibaruta Laurent wabaye Perefe wa Gikongoro


    Source : http://igihe.com/amakuru/u-rwanda/article/foundation-yolande-mukagasana-yashimye-u-bufaransa-bwahamije-ibyaha-laurent

  • Yafatanywe amafaranga y’amiganano #Rwanda #RwOT via @kigalitoday #rwanda #RwOT

    Polisi y’u Rwanda mu Karere ka Musanze, tariki ya 12 Nyakanga 2022 yafashe umwe mu bantu bakekwaho gukora no gukwirakwiza amafaranga y’amiganano witwa (…)

    Source : https://www.kigalitoday.com/umutekano/imbere-mu-gihugu/article/yafatanywe-amafaranga-y-amiganano

  • Hari abatinya kujya kuboneza urubyaro kuko basabwa guherekezwa n’ababyeyi #Rwanda #RwOT via @kigalitoday #rwanda #RwOT

    Bamwe mu rubyiruko rw’abakobwa bavuga ko batinya kujya kuboneza urubyaro kuko basabwa guherekezwa n’ababyeyi babo bikabatera ipfunwe. Uwitwa Uwineza w’imyaka (…)

    Source : https://www.kigalitoday.com/ubuzima/urusobe-rw-ubuzima/article/hari-abatinya-kujya-kuboneza-urubyaro-kuko-basabwa-guherekezwa-n-ababyeyi

  • Umuvugabutumwa Eliane Niyonagira yaburiye urubyiruko rugaragara ku mbuga nkoranyambaga uburyo ibigarasha bikoresha mu kubiyegereza  #rwanda #RwOT

    Mu kiganiro yakoreye ku rubuga rwa Twitter Space, umuvugabutumwa Eliane Niyonagira uba mu gihugu cy'u Bubiligi ariko akaba yari asanzwe aba mu Rwanda, yaburiye urubyiruko arubwira inzira abarwanya u Rwanda bakoresha bigarurira urubyiruko ngo barwinjize mu mitwe y'iterabwoba mu mashyamba ya Kongo bo bigaramiye bibereye Iburayi.

    Eliane yitanzeho urugero avuga uburyo amaze kwamamara ku rubuga rwa YouTube, ibigarasha byahise bimwiyegereza cyane cyane Kayumba Rugema Gafirifiri ndetse n'abandi.

    Eliane yasobanuye ko ibigarasha biba bihunahuna ku mbuga nkoranyambaga, wamenyekana bakagushukisha indonke. Ubwo yabahakaniraga ababwira ko nta mafaranga yabo akeneye, bamubwiye ko ataruta idamange ko nawe akwiye gufata bibiliya agakuraho ubutegetsi buriho. 

    Ibi bigaragaza ko Idamange Iryamugwiza yizejwe ibitangaza n'ibigarasha byo mu burayi. Yagize ati   'Haje uwitwa Rugema Kayumba  aratangira aranyibwira ambwira amazina ye atangira ambwira ko yifuza ko hari ibyo twakorana. Akomeza avuga ngo ashaka ko dukorana mubyu murimo w'Imana kandi nawe nudutera inkunga…. nidukorana neza tuzagutera inkunga. Imana yagusabye gukiza Abanyarwanda bari kwicwa, bakakubwira ko uwo ariwe wese yishwe na FPR.  Iyo wanze gukorana nabo bagutera ubwoba' 

    Ibi biramenyerewe cyane ku rubyiruko rushaka indonge. Usibye abasore gushukwa bakajyanwa mu mitwe y'iterabwoba, abakobwa bo babashukisha indonke babashora mu bikorwa by'ubusambanyi. 

    Eliane ubwo yageraga mu Bubiligi agiye kuvuza umwana we, yakiraga buri munsi abashyitsi ariko ari abagamije kumwigarurira. Yaburiye cyane abajya muri za Whatsapp groups ndetse no kujya mu biterane birimo abantu benshi batazi kuko bashobora gusanga bitwaje iby'Imana naho bagiye mu bikorwa byo kurwanya igihugu. 

    Eliane nta gishya yavuze kuko bizwi ko ibigarasha mu gutera u Rwanda hakoreshejwe ingufu za gisirikari byabananiye none basigaye bashukisha udufaranga urubyiruko dore ko bisigaye byarororshye kuyohereza usabwa numero ya telephone gusa. Uru rubyiruko baba barusaba gusebya Leta y'u Rwanda. Bigaragara ko hari abaryohewe naya mafaranga, barimo Agnes Nkusi Uwimana, Ntwali Williams, n'abandi. 

    The post Umuvugabutumwa Eliane Niyonagira yaburiye urubyiruko rugaragara ku mbuga nkoranyambaga uburyo ibigarasha bikoresha mu kubiyegereza  appeared first on RUSHYASHYA.

    Source : https://rushyashya.net/umuvugabutumwa-eliane-niyonagira-yaburiye-urubyiruko-rugaragara-ku-mbuga-nkoranyambaga-uburyo-ibigarasha-bikoresha-mu-kubiyegereza/?utm_source=rss&utm_medium=rss&utm_campaign=umuvugabutumwa-eliane-niyonagira-yaburiye-urubyiruko-rugaragara-ku-mbuga-nkoranyambaga-uburyo-ibigarasha-bikoresha-mu-kubiyegereza

  • Ukuri kuri kapiteni wa Kiyovu Sports, Kimenyi Yves, Emmanuel Okwi n’umutoza Patrick Aussems #rwanda #RwOT

    Kiyovu Sports yemeje ko ibiganiro n’umutoza Patrick Aussems bitararangira kimwe no ku bakinnyi Kimenyi Yves na rutahizamu Emmanuel Okwi.

    Ku mugoroba wo ku wa Mbere w’iki cyumweru inkuru yabaye kimomo ko umutoza wagejeje Simba SC muri 1/4 cya Champions League ya 2018-19, Umubiligi Patrick Aussems yamaze kumwera kuzatoza Kiyovu Sports 2022-23.

    Ibi byose byatijwe umurindi n’ifoto ya Juvenal ari kumwe na Patrick Aussems ndetse hari n’abanyamakuru yemereye ko yamaze kumvikana na Patrick Aussems.

    Ibi byaje kwibazwaho na benshi ubwo inkuru yari imaze kuba kimomo, Patrick Aussems yagiye kuri Instagram akavuga ko ibihuha byose arimo kubyumva ariko we atuje yibereye mu biruhuko, benshi bahise bakeka ko yagarukaga ku makuru amwerekeza muri Kiyovu Sports.

    Umunyamabanga wa Kiyovu Sports, Munyangabe Omar yabwiye ISIMBI ko Patrick Aussems atarasinya icyabayeho ari ibiganiro.

    Ati “ubu yaba yasinye koko ntimubimenye? Icyabaye ni ibiganiro, ni umutoza mwiza twifuza kandi birashoboka.”

    Iyi kipe kandi bivugwa ko yamaze kumvikana n’abakinnyi 2 ba yo bari basoje amasezerano barimo Kimenyi Yves wari kapiteni ndetse na rutahizamu ukomoka muri Uganda, Emmanuel Arnold Okwi.

    Kuri aba bakinnyi yateye utwatsi amakuru avuga ko baba bamaze kongera amasezerano muri iyi kipe.

    Ati “ntabwo Kimenyi arongera amasezerano. Muzabimenya mu minsi iri imbere, kuba hari ibiganiro ibyo umuntu yabivuga byarangiye. Okwi ni umukinnyi mwiza twifuza, ntabwo arongera ariko turamuganiriza, gusa iby’ibiganiro umuntu abibara umukinnyi yamaze gusinya.”

    Kiyovu Sports nyuma kubura igikombe cya shampiyona ku mukino wa nyuma, yakubise agatoki ku kandi ubu ikaba irimo yongeramo amaraso mashya, harimo kuvugwamo rutahizamu w’umunya-Senegal, Bissirou N’Diaye yamaze kandi no gusinyisha abakinnyi 2 bakomoka muri Sudani y’Epfo, Sharaf Eldin Shaiboub na Mano John.

    Patrick Aussems ngo ni ibiganiro byabayeho gusa ariko ntabwo arasinyira Kiyovu Sports

    Kimenyi Yves barumvikanye ariko ntabwo arasinya

    Okwi na we barifuza kumwongerera amasezerano ariko ibiganiro ntabwo birarangira

    Source : http://isimbi.rw/siporo/article/ukuri-kuri-kapiteni-wa-kiyovu-sports-kimenyi-yves-emmanuel-okwi-n-umutoza-patrick-aussems

  • Ubushakashatsi bwagaragaje ko ari byiza kwand… – #rwanda #RwOT

    Ubushakashatsi bwakoze bwagaragaje ko kuvugisha umuntu ukamubaza uko amerewe, bisobanuye ikintu gikomeye ku buzima bwe biruta uko tubitekereza. Dr Liu umwanditsi w’iby’ubushakashatsi mu kinyamakuru Journal of Personality and Social Pshychology, yavuze ko abantu bakunda gupfobya ikigero inshuti zabo zifuza kuba zabazwaho uko zimerewe.

    We na bagenzi be bakoze amagerageza 13 ku bagera ku 5,900 kugira ngo bamenye ikigero umuntu yishimiraho kuba yasuhuzwa cyangwa yabazwa uko amerewe, muri aya magerageza bamwe bandikiraga abasanzwe ari inshuti zabo, abandi bakandikira abari inshuti zabo kera basa nk’aho batakivugana.

    Abo banditse basabwe gukora igipimo batekerezaho ko inshuti zabo ziri bunezezweho ndetse zikishimira kuba babandikiye, gusa muri ya magerageza uko ari 13, bagaragaje gupfobya uburyo intashyo zabo ziri bwishimirwe na bagenzi babo, ndetse n’abandikiwe basabwa gukora igipimo cy’uko bashimishijwe n’izo ntashyo.

    Gusa igitangaje, ibiganiro hagati y’abari bamaze igihe batavugana byagaragaye ko byishimirwa cyane kurushaho. Dr Liu na bagenzi be bakomeje kwibanda cyane ku butumwa bugufi cyangwa guhamagarana, mu gihe abandi bashakashatsi batari bibanze ku mubano wo ku mbuga nkoranyambaga.

    Dr Liu we yavuze ko nta gushidikanya ko kwandikira umuntu kuri Fcebook cyangwa Instagram byaba iby’agaciro, ndetse yongeraho ko ari byiza kwandikira mugenzi wawe umubaza uko ameze, kandi bizongera ikigero cy’uko abantu babikoraga bitewe n’uko abashakashatsi babivuze.

    Ikindi kandi byagaragaye ko kugirana imikoranire myiza n’abandi, bifitanye isano no kumva ko ufite intego nk’umuntu ukuze, bongeraho ko n’abantu bamarana igihe kinini, bagira uruhare ku buzima bwacu bwa buri munsi nk’uko byasobanuwe na Gabriel Pfund, umwarimu mu bijyanye n’ubuvuzi muri Kaminuza ya Feinberg School of Medecine.

    “Ibi byakozwe nyuma y’uko hagaragaye umubare munini w’abantu bari mu bwigunge, ukiyongera cyane mu gihe cy’icyorezo cya Covid-19, ndetse abantu benshi bakaba badafite icyizere ko inshuti zabo zizabafungukira cyangwa zikishimira kubavugisha nk’uko babishaka”. Ibi byavuzwe na Marisa Franco impuguke mu by’imitekerereze ya muntu. 

    Yakomeje avuga ko abantu banga kuvugisha abandi kubera impungenge z’uko bashobora kutishimirwa cyangwa uburyo abo bantu babakunda mu buzima busanzwe, ndetse n’uwandikiwe akaba ashobora kutirekura kubera cya kibazo kimwe, ibi bigaragaza ko iyo abantu babaye abanyantege nke, bibatera impungenge z’uko abandi babacira urubanza.

    Rero ubwo buryo bwo kubogamira ku mitekerereze y’impakanyi, byangiza ubushuti ndetse bikagira n’ingaruka zigaragara mu buryo umuntu yitwara no mu byo akora, nk’uko byasobanuwe neza na Dr Franco, yongeraho ko kuba abantu babimenye bitanze icyizere cyo kongera umubano no kubona ubushuti nk’ikintu gikomeye mu buzima bwa muntu.  Yasoje avuga ko nk’uko “dukenera kurya, tugakenera kunywa dukeneye no kubana n’abandi kugirango tubeho neza”.

    Source: The New York Times

    Source : https://inyarwanda.com/inkuru/118961/ubushakashatsi-bwagaragaje-ko-ari-byiza-kwandikira-no-guhamagara-inshuti-zacu-mu-buzima-bu-118961.html

  • Mu Rwanda harabera amahugurwa ku ikoranabuhanga ryo gukumira inkangu #Rwanda #RwOT via @kigalitoday #rwanda #RwOT

    Mu ishuri rikuru ry’Ubumenyingiro rya IPRC Musanze, harimo kubera amahugurwa (Summer School) y’icyumweru, yiga uburyo hashyirwaho ikoranabuhanga ryifashishwa (…)

    Source : https://www.kigalitoday.com/amakuru/amakuru-mu-rwanda/article/mu-rwanda-harabera-amahugurwa-ku-ikoranabuhanga-ryo-gukumira-inkangu

  • Abarokotse Jenoside barasaba ko urubanza rwa Padiri Munyeshyaka rusubukurwa #Rwanda #RwOT via @kigalitoday #rwanda #RwOT

    Nyuma y’irangizwa ry’urubanza rwa Laurent Bucyibaruta wahamwe n’ibyaha bya Jenoside mu rukiko rwo mu Bufaransa, abarokotse Jenoside yakorewe Abatutsi barasaba (…)

    Source : https://www.kigalitoday.com/ubutabera/imanza/article/abarokotse-jenoside-barasaba-ko-urubanza-rwa-padiri-munyeshyaka-rusubukurwa

  • Rubavu:Umukozi wa Leta wirukanwe azira guhagararirwa n’Umukwikwi mu gikorwa cyo kwibuka yashyize hanze ukundi kuri ashinja Gitifu #rwanda #RwOT

    Uyu mukozi witwa Nyiraneza Esperance avuga ko iyi gahunda yo guhagarira Umunyamabanga Nshingwabikorwa w’Umurenge mu muhango wo Kwibuka wabereye ku Rwunge rw’Amashuri Nkama, yayimenyeshejwe mu gitondo cy’umunsi yagombaga kuberaho.

    Avuga ko kuri uwo munsi tariki 03 Kamena 2022, yari afite gahunda eshatu zirimo iyo gusoza Itorero ndetse n’undi muhango wo Kwibuka wagombaga kubera ku rindi shuri.

    Ati 'Gahunda yo kwibuka aho ku Nkama, Gitifu yayimbwiye mu gitondo kandi izo gahunda nari nzisanganywe. Bwaracyeye njya ku Murenge gusoza itorero, bigeze saa yine, Gitifu aravuga ati 'urajya kwibuka ku Nkama’ ndamubwira nti 'mfite gahunda nyinshi ntabwo bishoboka.'

    Nyiraneza avuga ko icyo gihe yabwiye Umunyamabanga Nshingwabikorwa ko yashaka undi mukozi ujya guhagararira Umurenge, ati 'Ni ikigo kiri ku musozi pe, ndamubwira nti 'bibaye byiza wakoherezayo Veterineri ufite na moto akihuta’.'

    Avuga ko Gitifu we gahunda yari afite yo gusezeranya abashyingiranywe, yarangiye nka saa tanu mu gihe we yari afite izindi gahunda.

    Nyiraneza akomeza avuga ko yabuze uko abigenza akareba umutoza wo ku rwego rw’Umurenge akaba n’Umuyobozi w’Umudgudu [ari we mukozi utekera abanyeshuri], akamwoherezayo.

    Uyu mukozi utekera abanyeshuri biga kuri College Inyeramihigo, yageze muri uyu muhango wo Kwibuka, agashyira indabo ku rwibutso ariko bakaza guhita bamuhagarika kuko umwe mu bo mu muryango we yagize uruhare muri Jenoside Yakorewe Abatutsi muri aka gace.

    Nyiraneza avuga ko uwo munsi Perezida wa Ibuka mu Murenge yahise abasanga aho bari mu nama ku Murenge, akaza amwuka inabi ababwira ko umuntu bohereje muri uyu muhango afite imiziro.

    Avuga ko we atari azi ko uyu mugabo yohereje afite ayo mateka, ati 'Kuko asanzwe ari Umutoza w’Intore yanatoje ba Gitifu b’Utugari yanabaye n’umuyobozi njye navuye mu Murenge wa Nyakiriba nkamusanga muri Rugerero ari umutoza w’Intore usanzwe, ntakindi kintu kibi nari nsanzwe muzi.'

    Avuga kandi ko atari azi ko ari umukozi utekera abanyeshuri, ati 'Nubwo bari kuvuga ngo ni umukwikwi murebye kuri iyo foto ni umutoza w’Intore, n’uwo mupira arawambaye. Kuba ari umukwikwi ntabwo nari mbizi. None se yari kuba ari umukwikwi akaba yari aho ? Iyaba ari umukwikwi yari kuba ari ku kigo cy’ishuri nyine ari guteka.'

    Uyu mukozi avuga ko atumva ukuntu ibintu byabaye mu kwezi gushize, byagarutse nyuma y’ukwezi bibaye, akavuga ko hari ubiri inyuma washatse kumwubikira imbehe.

    Akomeza avuga ko n’akanama gashinzwe imyitwarire mu Karere kanakurikiranye iki kibazo kikimara kuba ndetse na we akakitaba akagasobanurira ariko ko nyuma yuko bisakaye mu binyamakuru, ari bwo ubuyobozi bw’Akarere bwafashe icyemezo cyo kumwirukana.

    Ati 'Akarere kahise kanyoherereza ibaruwa kuri WhatsApp kampagarika ku kazi kuko byari bishyushye.'

    Nyiraneza avuga ko Umunyamabanga Nshingwabikorwa w’Umurenge wari wamwohereje ari we uri mu makosa kuko na gahunda yari yakoze, yarangiye kare ku buryo yashoboraga kwitabira uriya muhango wo Kwibuka ariko ntajyeyo.

    Umunyamabanga Nshingwabikorwa w’Umurenge wa Rugerero, Augutsin Murenzi avuga ko ataramenya niba uyu mukozi ushinzwe Uburezi yirukanywe kuko atarabona ibaruwa yemewe n’amategeko imuhagarika.

    Uyu muyobozi uvuga ko hari raporo yakoze y’amakosa yakozwe n’uyu mukozi akayishyikiriza Ubuyobozi bw’Akarere, yavuze ko yohereje umuntu utazwi n’Umurenge kumuhagararira mu gikorwa cyo Kwibuka.

    Avuga ko kuba uriya yohereje asanzwe ari Umutozi w’Intore ariko 'ni umuturage usanzwe ntaho ahuriye n’ubuyobozi, uriya mupira awambaye nkuko abandi bose bawambura ariko ntaho ahuriye n’ubuyobozi bwite bw’Umurenge.'

    Uyu muyobozi avuga ko ku giti cye atazi uriya muturage woherejwe muri uriya muhango, ati 'Ntaho muzi njyewe, nta bunyangamugayo bwe nzi.'

    Murenzi Augustin avuga ko ibitangazwa n’uyu mukozi ko yatungujwe iriya gahunda, ari amarakirangohi.

    Ati 'Gahunda yari ihari yari asanzwe ayizi, ntacyari gusimbura kujya kwibuka, kandi yahawe delegation n’umuyobozi umukuriye kubera izindi nshingano ndimo.'

    Nyuma yuko Ubuyobozi bw’Akarere buhagaritse uyu mukozi, Perezida wa Ibuka ku rwego rw’Igihugu, Egide Nkuranga, yavuze ko Umuyobozi w’Akarere na we yagize uburangare kuko yatinze gufatira icyemezo uyu mukozi.

    Source : http://www.ukwezi.rw/1-1/Amakuru-anyuranye/Rubavu-Umukozi-wa-Leta-wirukanwe-azira-guhagararirwa-n-Umukwikwi-mu-gikorwa-cyo-kwibuka-yashyize-hanze-ukundi-kuri-ashinja-Gitifu