Author: webrwanda

  • Chris Easy yikinnye baramwihakana (Video) – YEGOB #rwanda #RwOT

    Amashusho ya Chris Easy ari mu kiganiro, yavuze ko hari umugabo uba uzi indirimbo ze zose uko zisohotse ndetse avuga ko azi indirimbo 'Inana' aherutse gusohora.

    Uwo munyamakuru yongeye abaza uwo mugabo niba koko azi indirimbo ya Chris Easy bita 'Inana' yavuze ko atayizi ndetse ko atanazi Chris Easy.

    Mu gusubiza, uwo mugabo yavuze ko atazi Chris Easy ahubwo azi Kitoko gusa. Aya mafoto n'amajwi bikijya ahagaragara, abantu basetse Chris Easy cyane ko yari yikinnye. Aya mashusho yombi bakaba bayahurije hamwe bayashyira kuri TikTok.

    Source : https://yegob.rw/chris-easy-yikinnye-baramwihakana-video/

  • Ingamba zo kwirinda COVID-19 mu Rwanda zishobora kongera gukazwa #rwanda #RwOT

    Dr Ngamije yatangaje ibi mu gihe hashize iminsi hagaragara izamuka ry’imibare y’abasanganwa ubwandu bwa COVID-19 mu gihe mu mezi abiri ashize iyi ndwara ya COVID-19 yasaga nk’iri kurangira ndetse zimwe mu ngamba zitakiri itegeko.

    Yavuze ko imibare yongeye kuzamuka nkuko biri kugaragazwa n’imibare ku buryo hakenewe ko hongera gukazwa ingamba.

    Ati 'Birumvikana nkuko musanzwe mubizi ibyemezo bifatwa n’inama ya Guverinoma ishingiye ku bimenyetso biba bigaragaza uko ubwandu buhagaze, mu minsi iri imbere hazabaho gutanga andi mabwiriza hakurikijwe uko icyorezo gihagaze n’ingamba zakongera gushyirwamo ingufu.'

    Muri uku kwezi kandi iyi ndwara yongeye kugira Abaturarwanda yica mu gihe abantu bakekaga ko yacitse ndetse imibare yasohokaga mu minsi ishize yagaragazaga ko ntabo igihitana.

    Muri uku kwezi kwa Nyakanga gusa, iki cyorezo kimaze kwivugana Abaturarwanda babiri barimo uwo cyahitanye ku wa Kabiri w’iki cyumweru.

    Dr Ngamije yibukije Abaturarwanda ko bakwiye gukomeza kwirinda bakarinda kwirara, ati 'COVID irakica, tugomba kuyirinda twese.'

    Imibare yaraye itangajwe na Minisiteri y’Ubuzima mu Rwanda, igaragaza ko iyi ndwara imaze guhitana abantu 1 462 mu gihe abasanganywe ubwandu kuri uyu wa Gatatu tariki 13 Nyakanga 2022 ari 32.

    Imibare y’Ishami ry’Umuryango w’Abibumbye ryita ku Buzima, igaragaza ko kugeza ubu COVID-19 imaze guhitana abantu 6 379 604 mu gihe abo imaze kugaragara ku bantu 564 214 408 aho Leta Zunze Ubumwe za America ikiza ku isonga mu kuba yaragaragayemo umubare munini w’abagaragaweho iki cyorezo, bangana na 90 909 760.

    Mu ntangiro z’uku kwezi kwa Nyakanga, OMS/WHO yaburiye abatuye Isi ko iyi ndwara ya COVID-19 igihari kandi ko ikica, isaba abantu gukomeza kwirinda.

    Source : http://www.ukwezi.rw/1-1/17/article/Ingamba-zo-kwirinda-COVID-19-mu-Rwanda-zishobora-kongera-gukazwa

  • Ni umuhanga mu kuririmba no kubwiriza! Akaliz… – #rwanda #RwOT

    Shimwa Akaliza n'ubwo ari muto mu myaka ariko ni munini cyane mu muziki, dore ko ari na we wateye indirimbo yakunzwe bikomeye yitwa “Shimwa” ya Injili Bora imwe mu makorali akunzwe muri Kigali. Uretse kuririmba, ni n’umuhanga cyane mu kubwiriza. Mu muziki, yari afite indirimbo 3 z’amajwi n’amashusho iyi yashyize hanze akaba ari iya 4.

    Izindi ndirimbo yakoze ni iz’abandi yabaga yasubiyemo (Cover). Indirimbo zose yakoze ziri kuri shene ye ya Youtube yitwa Shimwa Akaliza Gäella, hakaba hariho n’ijambo ry’Imana abwiriza kuko asanzwe ari n’umuvugabutumwa bwiza bwa Yesu. Hejuru y’ibyo, Akaliza ni n’umuririmbyi muri korali yitwa Injili Bora ikorera umurimo muri EPR. Gikondo/Karugira.

    Nyirahatangimana Philomene umubyeyi wa Akaliza Gaelle, yabwiye InyaRwanda.com ko igitekerezo cyo gukora indirimbo “BA ARI NJYE UTUMA” cyaturutse ku ijambo ry’Imana uyu mwana yari amaze iminsi abwiriza. Ati “Yari amaze iminsi yigisha ijambo ry’Imana ahantu batandukanye yigisha ku kwihana ibyaha, hariho n’aho abwira ba Sisters ba Brothers;….

    Hanyuma ahamagarira n’abandi ngo baze Imana ibatume nuko we arisubiza ati ‘Ba Arinjye utuma’ mu gihe akibwiriza n’abandi. Ni uko igitekerezo cyaje. Kandi Itorero ryacu rya EPR rijya rigira intego yitwa “NDATUMA NDE?”, rero yaririmbye ashaka guhamagara abantu ngo bihane kandi baze Imana ibatume rero we yemeye ko imutuma”.

    Akaliza yakoze mu nganzo abwira abatuye Isi bose ko Imana yabamutumyeho

    Philomene “Mama Kaliza” yavuze kandi ko umukobwa we afite umutoza w’umuhanga ari nayo mpamvu indirimbo ze zikunze kuba zubakitse cyane yaba mu myandikire, imiririmbire n’ibindi. Ati ‘Afite umutoza w’umuhanga cyane wamubonyemo impano ikomeye witwa Munyakuri Ndaje Prosper, akaba ari nawe umufasha guhuza ibitekerezo by’izo ndirimbo ze akanazitunganiriza amajwi muri studio ye yitwa NDAJE MUSIC ndetse bakamukorera n’amashusho”.

    Shimwa Akaliza Gaella avuka mu muryango w’abana 3 akaba ari we mfura. Ni umukobwa, abandi bavandimwe be babiri ni abahungu. Yatangiye kuririmba afite imyaka 3 y’amavuko, atangira kuririmba muri Injili Bora ajyana na nyina. Yashyize hanze indirimbo ye ya mbere afite imyaka 6, ubu amaze gukora indirimbo enye, izindi ni ama cover. Yiga mu mwaka wa kabiri w’amashuri abanza mu kigo cy’i Gikondo cyitwa Ecole Le Petit Prince. 

    Ababyeyi ba Akaliza Gaella bamwifuriza “kuzaba umuririmbyi ukomeye wubaha Imana kandi uca bugufi”. Arakataje mu muziki aho amaze gukora indirimbo 4 zirimo iyasohotse mu mpera za 2021, irimo ubutumwa bwifuriza abantu bose umwaka mushya muhire mu rwego rwo kubagaragariza ko abakunda cyane, ndetse n’iyi nshya ‘Ba ari njye utuma’ yamaze gushyira hanze.

    Ku myaka ye 7 y’amavuko amaze gukora indirimbo enye hatarimo ama Cover

    Afite impano zitangaje zo kubwiriza no kuririmba

    Akaliza hamwe n’umubyeyi we ubwo bari mu kiganiro kuri RTV

    Shimwa ni nawe utera indirimbo “Shimwa” ya Injili Bora

    REBA HANO INDIRIMBO “BA ARI NJYE UTUMA” YA AKALIZA SHIMWA GAELLA

    Source : https://inyarwanda.com/inkuru/118963/ni-umuhanga-mu-kuririmba-no-kubwiriza-akaliza-gaeella-wimyaka-7-yasohoye-indirimbo-ibyinit-118963.html

  • Safi Madiba yagizwe Brand Ambassador wa Vane… – #rwanda #RwOT

    Aya makuru y'uko Safi Madiba yagiranye imikoranire n'ikigo kitwa 'Vanessa Flair', yamenyekanye ubwo iki kigo kifashishaga amafoto n'amashusho y'uyu muhanzi kigatangaza ko yagiranye imikoranire n'iki kigo.

    Nyuma y'ubwo butumwa, nyirubwite Safi Madiba nawe yasangije abantu amashusho mato asobanura uko bikorwa ndetse anemeza ko yagizwe Brand Ambassodor w'iki kigo, gifite ikicaro muri Amerika na Canada ariko kigakorera hose.

    Mu kiganiro yagiranye na InyaRwanda.com, Safi yemeje aya makuru ndetse avuga ko ari iby'agaciro nk'uko ahora abivuga ku muziki w'u Rwanda ndetse ko kuba bamwizeye bagakorana hari icyo bamubonyemo, kandi nawe azakoresha ubwo bushobozi bwe.


    Safi Madiba ari kugaragara yambaye imikufi ya Vanessa Flair

    Yagize ati' 'Nasinyanye amasezerano na kompanyi icuruza ibijyanye n'imikufi kuri murandasi, tukaba twagiranye ubufatanye bw'imikoranire (Patrneship). Uko iyi Kompanyi ikora rero iyo ubaguriye ibintu ugakoresha Code ya safi Madiba, birumvikana ko hari umusanzu uba utanze kuri njye ndetse ukaba unshigikiye.''

    Iyi kompanyi yagiranye imikoranire na Safi Madiba imaze imyaka myinshi ibaho, ndetse ikaba imaze kuba ubukombe ku isi. Kugeza ubu iyi kompanyi ikaba yemeje Safi Madiba nk'umufatanyabikorwa wayo.


    Imikufi ya Vanessa Flair ni iy'agaciro

    Aka ni kamwe mu gahigo gakomeye uyu muhanzi agize, bitewe n'iki kigo kigurisha imikufi yacyo ikundwa n'abatari bake. Ushaka gukoresha Code mu gihe gura ni ; 'AMBSAFIMADIBAOFFICIAL1025''

    Safi Madiba ni umwe mu bahanzi b’abahanga


    Imikufi ya Vanessa Flair Safi Madiba yatangiye gukorana nabo


    Source : https://inyarwanda.com/inkuru/118965/safi-madiba-yagizwe-brand-ambassador-wa-vanessa-flair-ikigo-gikomeye-ku-isi-mu-bijyanye-ni-118965.html

  • Rubavu: Umukozi w'Akarere n'umutetsi woherejwe nk'umuyobozi mu kwibuka batawe muri yombi – #rwanda #RwOT

    Kuri uyu wa Gatatu, ubuyobozi bwa Ibuka nyuma y'inama bwagiranye n'abarokotse Jenoside yakorewe abatutsi mu karere ka Rubavu mu rwego rwo kubahumuriza, bwatangaje ko bwishimiye kuba batangiye gukurikiranwa kuko bigaragaza ko nta muntu uri hejuru y'amategeko.

    Perezida wa IBUKA mu murenge wa Rugerero, Habiyaremye Abdul Karim avuga ko ubuyobozi bw'akarere bwababwiye ko gutinda gukurikirana abo bantu byari bigamije kubanza gukusanya amakuru.

    Perezida wa Ibuka mu rwego rw'igihugu, Nkuranga Egide yavuze ko bitumvikana ukuntu ubuyobozi bw'igihugu buha agaciro igikorwa cyo kwibuka, bigapfobywa n'abantu ku giti cyabo.

    Ati 'Ntabwo byumvikana ukuntu mu gikorwa igihugu cyubaha kiri muri politiki aho tuba twibuka Jenoside yakorewe abatutsi n'ukuntu abayobozi bakuru b'igihugu bagitegura, wajya kumva ukumva umuntu aragipfobeje mu buryo butumvikana. Ntabwo bagihaye agaciro bashatse kwerekana ko ibyabaye ntacyo bimaze''

    Yakomeje ashimira abavanye Nyiraneza mu kazi n'inzego zibishinzwe zatangiye kumukurikirana kugira ngo hamenyekane ikibiri inyuma.

    Ati 'Abagiye kumubaza babanje kureba amategeko, abamuvanye mu nshingano nibyo barebye n'inzego z'umutekano nibyo zagendeyeho zijya kumufata zimubaza impamvu yabimuteye […] icyo twifuza ni ubutabera kugira ngo binakumire n'abandi batekereza nkawe bumve ko turi mu gihugu kigendera ku mategeko kandi ko Jenoside itazongera ukundi''.

    Iki kibazo cyagaragaye kuwa 3 Kamena 2022 ubwo umunyamabanga nshingwabikorwa w'umurenge wa Rugerero yagombaga kwitabira igikorwa cyo kwibuka Jenoside yakorewe abatutsi kuri GS Nkama akohereza ushinzwe uburezi.

    Impamvu ni uko uwo muyobozi w'umurenge ngo yagombaga gusezeranya abageni. Umukozi ushinzwe uburezi aho kujya guhagararira gitifu, na we yohereje Mbarushimana Jean Claude utekera abanyeshuri.

    Ubuyobozi bw'akarere ka Rubavu kuri uyu wambere bwari bwafashe icyemezo cyo guhagarika Nyiraneza ndetse bunasaba inzego z'ubutabera kumukurikirana.

    Mbarushimana Jean Claude usanzwe ukora akazi ko guteka muri College de Gisenyi Inyemeramihigo yahagarariye akarere mu muhango wo kwibuka Jenoside yakorewe Abatutsi bihungabanya benshi


    Source : http://igihe.com/amakuru/u-rwanda/article/rubavu-umukozi-w-akarere-n-umutetsi-woherejwe-nk-umuyobozi-mu-kwibuka-batawe

  • Musanze: Yafatanwe amafaranga y'amiganano agiye kuyakwirakwiza mu baturage – #rwanda #RwOT

    Uyu musore w'imyaka 19 yafatiwe mu Mudugudu wa Rugari, Umudugudu wa Kamwumba, mu Murenge wa Nyange, afungirwa kuri Sitasiyo ya Polisi ya kinigi.

    Superintendent of Police (SP) Alex Ndayisenga, ushinzwe guhuza ibikorwa bya Polisi n'abaturage mu Ntara y'Amajyaruguru, yavuze ko kugira ngo afatwe byaturutse ku mukozi wa Mobile money warebye neza ayo mafaranga akabona ari amahimbano, agahita ahamagara Polisi.

    Yagize ati 'Polisi ikimara kumenya ayo makuru yahise igera ahabereye icyaha iramufata, yemera ko amafaranga yari agiye guha umukozi wa Mobile money ngo amubikire ari amahimbano, ayo mafaranga yari agizwe n'inoti 8 za bitanu, n'inoti imwe ya bibiri.'

    SP Ndayisenga yihanangirije abantu bose bafite ibitekerezo n'ingeso byo guhimba amafaranga kubireka kuko ari icyaha gihanwa n'amategeko, kandi ko bimunga n'ubukungu bw'igihugu.

    Yashimiye umukozi wa Mobile money watanze amakuru, aya mafaranga agafatwa ndetse n'uwayakwirakiwizaga mu baturage na we agafatwa, asaba buri muntu wese kujya ashishoza ku mafaranga ahawe yabona ayashidikanyaho agahamagara Polisi ikamufasha.

    Uwafashwe yashyikirijwe urwego rw'igihugu rushinzwe ubugenzacyaha RIB ngo hakurikizwe amategeko.

    Ingingo ya 269 mu itegeko riteganya ibyaha n'ibihano muri rusange, ivuga ko; Umuntu wese, ku bw'uburiganya wigana, uhindura amafaranga y'ibiceri cyangwa inoti akoreshwa mu Rwanda cyangwa mu mahanga, ibyakwitiranywa nayo, impapuro zifite agaciro k'amafaranga y'igihugu zashyizweho umukono n'inzego zibifitiye ububasha, ziriho tembure yayo cyangwa ikirango cyayo, cyangwa izindi mpapuro zikoreshwa mu Rwanda cyangwa mu mahanga, uzana cyangwa ukwiza mu Rwanda izo mpapuro n'izo noti azi ko ziganywe cyangwa ko zahinduwe, aba akoze icyaha.

    Iyo abihamijwe n'urukiko, ahanishwa igifungo kitari munsi y'imyaka itanu ariko kitarenze imyaka irindwi.

    Yafatanywe aya mafaranga agiye kuyabitsa kuri Mobile Money kandi ari amiganano


    Source : http://igihe.com/amakuru/u-rwanda/article/musanze-yafatanwe-amafaranga-y-amiganano-agiye-kuyakwirakwiza-mu-baturage

  • Umugabo ukomoka mu Rwanda afungiwe mu bice byigaruriwe n'u Burusiya muri Ukraine – #rwanda #RwOT

    Murekezi w'imyaka 35 yafashwe mu kwezi gushize, nyuma y'imyaka ibiri yari amaze aba muri Ukraine nkuko abo mu muryango we barimo murumuna we Sele Murekezi.

    Nyuma y'igihe batazi amakuru ye, Sele yabwiye The Guardian ko Murekezi yabahamagaye tariki 7 Nyakanga uyu mwaka, ababwira ko afungiye mu gace ka Donetsk kamaze iminsi kiyomoye kuri Ukraine nka Repubulika yigenga, gashyigikiwe n'u Burusiya.

    Ni umwe mu Banyamerika batatu bafungiwe muri ako gace barimo uwitwa Alexander Drueke na Tai Ngoc Huynh bafashwe n'ingabo z'u Burusiya mu kwezi gushize.

    Mu gihe Drueke na Huynh bafashwe bari mu mirwano ku ruhande rwa Ukraine, Murekezi we umuryango n'inshuti ze bavuga ko atafashwe arwana kuko yageze muri Ukraine mu 2020.

    Murekezi ngo yabwiye murumuna we ko ashinjwa kuba yaragize uruhare mu myigaragambyo ishyigikiye Ukraine, ibintu we ahakana yivuye inyuma.

    Sele Murekezi yagize ati 'Bari kumwifashisha mu icengezamatwara ryabo.'

    Umujyi wa Kherson wafashwe tariki 2 Werurwe uyu mwaka, nyuma y'iminsi u Burusiya butangije intambara muri Ukraine.

    Uwo mujyi ukimara gufatwa, habaye imyigaragambyo itandukanye y'abatishimiye kujya mu maboko y'u Burusiya gusa yaje guhosha nyuma y'uko ubutegetsi bw'uwo mujyi bushyizwe mu maboko y'igisirikare gishyigikiye u Burusiya.

    Leta ya Amerika yemeje ko ifite amakuru y'ifungwa rya Murekezi, gusa yirinda gutangaza byinshi.

    Murekezi yavukiye mu Rwanda mu 1985, aza guhunga mu 1994 nyuma ya Jenoside yakorewe Abatutsi. Yahungiye muri Minnesota muri Amerika ari naho yaboneye ubwenegihugu.

    Mu mwaka wa 2017 nibwo yatangiye kujya muri Ukraine ku mpamvu z'ubucuruzi, aza kwimukirayo byuzuye mu 2020.

    Byamenyekanye ko yatawe muri yombi kuwa 8 Kamena ubwo inshuti ze zabonaga imodoka ye iparitse hafi y'aho yabaga.

    Hashize iminsi aburiwe irengero, inshuti ze zabonye amashusho ye yakwirakwijwe ku mbuga nkoranyambaga, ari ahantu mu cyumba cyijimye inyeshyamba zo muri Kherson zimutegeka gusubiramo amagambo y'Ikirusiya avuga ngo 'Harakabaho Ingabo z'u Burusiya'.

    Inshuti za Murekezi zemeje ko nta na rimwe zigeze zimubona mu myigaragambyo ishyigikira Ukraine.

    Bryan Stern wahoze mu ngabo za Amerika, yasabye Leta gutabara Murekezi kuko ubuzima bwe buri mu kaga muri Kherson.

    Ati 'Ubuzima bwe buri mu kaga. Repubulika ya Donetsk ifite mu mategeko yayo igihano cy'urupfu kandi ntibakurikiza amategeko mpuzamahanga.'

    Mu kwezi gushize, abagabo babiri bo mu Bwongereza n'umunya-Maroc bafashwe barwana ku ruhande rwa Ukraine, bakatiwe urwo gupfa.

    Drueke na Huynh, bafungiye hamwe na Murekezi ntibarakatirwa gusa Leta y'u Burusiya iherutse kuvuga ko batazababarirwa nk'imfungwa z'intambara kuko bafatiwe ku rugamba nk'abacanshuro.

    Sele Murekezi yavuze ko ikibateye impungenge kurushaho ari uko umuvandimwe we ari umwirabura ku buryo yafatwa nabi kurushaho.

    Ati 'Ubwo twavuganaga yambwiye ko atakorewe iyicarubozo ariko biragoye kumenya niba batari bari kumwumviriza.'

    Mbere yo kujya muri Ukraine, Murekezi yamaze imyaka umunani mu ngabo za Amerika zirwanira mu kirere. Mu mwaka wa 2017 nibwo yavuye mu gisirikare, atangira ubucuruzi bw'ifaranga ry'ikoranabuhanga, cryptocurrency ari nabyo yakoraga muri Ukraine.

    Umujyi wa Kherson Murekezi yafatiwemo wafashwe muri Werurwe uyu mwaka

    Murekezi yavuye mu Rwanda mu 1994 ari nabwo yimukiraga muri Amerika


    Source : http://igihe.com/amakuru/u-rwanda/article/umugabo-ukomoka-mu-rwanda-yafatiwe-muri-ukraine-n-abashyigikiye-burusiya

  • U Rwanda rwashyizwe mu bihugu 17 bikenye cyane ku isi muri 195 byakoreweho ubushakashatsi #rwanda #RwOT

    Banki y'isi yashyize U Rwanda ku mwanya wa 178 ku rutonde ngarukamwaka ngaruka mwaka rureba umusaruro mbumbe w'igihugu . Muri iki cyegeranyo, umuturage w'u Rwanda umwe abarirwa amadorali 850 buri mwaka.

    Muri iki cyegeranyo, U Rwanda ruza mu bihugu 17 bya mbere bikennye cyane mu 195 byakoreweho ubushakashatsi. Iki cyegeranyo gisohoka buri mwaka, kigaragaza ko ibihugu biza imbere mu kugira umusaruro mbumbe w'umuturage uri hejuru, ibyinshi byiganje ku mugabane w'Uburaya.

    Igihugu cy'Afurika kiza mu myanya y'imbere ni Seychelles iza ku mwanya wa 66 , umuturage akabarirwa amadorali 13260 buri mwaka. Mu bihugu 195 byagenzuwe, u Rwanda ruri ku mwanya wa 178, aho umuturage warwo abarirwa amadolari 850 y'umusaruro mbumbe ku mwaka. Ni ukuvuga asaga ibihumbi 880 mu mafaranga y'u Rwanda.

    Mu muryango wa Afurika y'iburasirazuba, Kenya ni yo iza imbere ku mwanya w'i 151. Umuturage wayo abarirwa ibihumbi 2010 by'amadorali buri mwaka muri iki cyegeranyo. Ikurikirwa na Tanzaniya iza ku mwanya wa 170 n'amadorali 1140 ku muturage. Igihugu cy'ubugande gikurikirana n'u Rwanda ku mwanya wa 179 ni amadorali 840, Repubulika ya Demukarasi ya Congo 188 ni amadorali 580. Uburundi ni bwo buza ku mwanya wa 195 wa nyuma mu bihugu byagenzuwe. Icyegeranyo kigaragaza ko umurundi yinjiza amadorali 240 ku mwaka.

    IJWI RY'AMERIKA

    Source : https://umuryango.rw/amakuru/mu-rwanda/ubukungu/article/u-rwanda-rwashyizwe-mu-bihugu-17-bikenye-cyane-ku-is-muri-195-byakoreweho

  • Sri Lanka : Abigaragambya bigabije ibiro bya Minisitiri w’Intebe #Rwanda #RwOT via @kigalitoday #rwanda #RwOT

    Ku wa Gatatu tariki 13 Nyakanga 2022, muri Sri Lanka hashyizweho ibihe bidasanzwe (État d’urgence), mu gihe abigaragambya bari bakiri imbere y’ibiro bya (…)

    Source : https://www.kigalitoday.com/umutekano/hanze-y-igihugu/article/sri-lanka-abigaragambya-bigabije-ibiro-bya-minisitiri-w-intebe