Author: webrwanda

  • Moussa Camara yaje gukinira Rayon Sports #rwanda #RwOT

    Rutahizamu w'Umunya-Mali, Moussa Camara wakiniye Rayon Sports hagati ya 2016 na 2017,yageze mu Rwanda,aje gukinira iyi kipe,yasinyiye amasezerano y'umwaka umwe.

    Ahagana saa saba z'urukerera rwo kuri iki cyumweru tariki 28 Kanama 2022 nibwo Camara yageze ku kibuga mpuzamahanga cya Kigali i Kanombe yakirwa na Ishimwe Prince ushinzwe umutekano ku mikino yakiriwe na Rayon Sports, akaba na Visi Perezida wa Gikundiro Forever.

    Camara ni umwe mu bakinnyi bakina hanze Rayon Sports imaze iminsi irambagiza kugira ngo bazayifashe mu mwaka w'imikino wa 2022/23.

    Moussa Camara niwe wasoje isoko ry'igura n'igurisha muri Rayon Sports akaba agarutse ku nshuro ya kabiri muri iyi kipe nyuma y'umwaka wa 2016/17 ubwo yakiniraga Rayon akayivamo yerekeza mu Barabu.

    Camara wahesheje Rayon Sports igikombe cya shampiyona ubwo aheruka kuyikinira, arahita atangira imyitozo na bagenzi be bitegura umunsi wa kabiri wa shampiyona na Police FC.

    Mu 2018, Camara yerekeje muri MO Béjaïa yo muri Algérie, ayimaramo umwaka umwe mu gihe mu 2020 yasinyiye Sohar SC yo muri Oman. Yayivuyemo yerekeza muri CS Hammam-Lif yo muri Tunisia yakiniye kugeza mu mpeshyi y'uyu mwaka.

    Source : https://umuryango.rw/imyidagaduro/imikino/article/moussa-camara-yaje-gukinira-rayon-sports

  • Karongi: Perezida Kagame arasura uruganda rw’icyayi rwa Rugabano #Rwanda #RwOT via @kigalitoday #rwanda #RwOT

    Perezida Paul Kagame ategerejwe mu Karere ka Karongi mu Murenge wa Rugabano, aho biteganyijwe ko asura uruganda rw’icyayi rwa 'Rugabano Tea Company’, (…)

    Source : https://www.kigalitoday.com/amakuru/amakuru-mu-rwanda/article/karongi-perezida-kagame-arasura-uruganda-rw-icyayi-rwa-rugabano

  • Barishimira ko babonye 'Cotex’ ishobora gukoreshwa mu myaka ibiri #Rwanda #RwOT via @kigalitoday #rwanda #RwOT

    Urubyiruko rw’abakobwa ndetse n’abagore barishimira ubwoko bw’impapuro z’isuku y’abagore n’abakobwa (Cotex cyangwa Pads) bakenera mu gihe cy’imihango, zishobora (…)

    Source : https://www.kigalitoday.com/amakuru/amakuru-mu-rwanda/article/barishimira-ko-babonye-cotex-ishobora-gukoreshwa-mu-myaka-ibiri

  • Dutemberane mu bitaro by’imbwa no ku irimbi ryazo #Rwanda #RwOT via @kigalitoday #rwanda #RwOT

    Si kenshi wakwibwira ko hari ibitaro n’amarimbi byagenewe inyamaswa cyane cyane izitaribwa nk’imbwa n’injangwe, ariko mu Rwanda izo serivisi (…)

    Source : https://www.kigalitoday.com/ntibisanzwe/article/dutemberane-mu-bitaro-by-imbwa-no-ku-irimbi-ryazo

  • #COVID19: Abanduye 2 babonetse mu bipimo 3,418 #Rwanda #RwOT via @kigalitoday #rwanda #RwOT

    Minisiteri y’Ubuzima (MINISANTE) yatangaje ko ku wa Gatandatu tariki 27 Kanama 2022 mu Rwanda habonetse abantu 3 banduye Covid-19 bakaba babonetse mu bipimo (…)

    Source : https://www.kigalitoday.com/ubuzima/indwara/article/covid19-abanduye-2-babonetse-mu-bipimo-3-418

  • #KwitaIzina: Umunya-Senegal Youssou NDour at… – #rwanda #RwOT

    Umuhango wo Kwita Izina uzaba ku wa 2 Nzeri 2022 mu Karere ka Musanze mu Kinigi, imbona nkubone nyuma y'imyaka ibiri yari ishize uba hifashishijwe ikoranabuhanga mu rwego rwo kwirinda icyorezo cya Covid-19.

    Uyu muhango uzaherekezwa n'igitaramo 'Gala Night Kwiza Izina' kizaba ku wa 4 Nzeri 2022 kizabera mu Intare Conference Arena, aho cyatumiwemo Youssou Ndour wo muri Senegal.

    Abana b'ingagi 20 nibo bazitwa amazina mu muhango uzabera mu Mudugudu wa Nyagisenyi Akagari ka Nyonirima mu Murenge wa Kinigi.

    Kuva umuhango wo Kwita Izina abana b'ingagi watangira, abana 354 bamaze kwitwa amazina.

    Uyu muhango uhuza ibihumbi by'abantu, barimo abayobozi, ibyamamare, abaturage n'abandi baba bacyereye kwihera ijisho uyu muhango unyura benshi.

    Mu bihe bitandukanye, uyu muhango wagiye usozwa n'igitaramo gikomeye cy'abahanzi. Kuri uyu nshuro hatumiwe umuririmbyi Youssou Ndour.

    Ni umuririmbyi, umwanditsi w'indirimbo ukina filime akaba umucuruzi n'umunyapolitike ukomeye muri Senegal.

    Yavukiye mu mujyi wa Dakar mu gihugu cya Senegal tariki 1 Ukwakira mu 1959. Atangira umuziki afite imyaka cumi n'ibiri akaba ari bwo yatangiye kuririmbana n'itsinda ry'abacuranzi b'ibyamamare bo muri Star Band bamamaye mu myaka ya 1970.

    Mu myaka ya 1991 ni bwo Youssou N’Dour yafunguye studio ye ku giti cye maze mu 1995 aba ari bwo afungura inzu ifasha abandi bahanzi 'record label' yise Jololi.

    Mu 1994 ni bwo Youssou N’Dour yashyize hanze indirimbo yamamaye ku Isi nzima yitwa 7 Seconds akaba yarayiririmbanye n'umuririmbyikazi w'umunya Sweden witwa Nene Cherry.

    Youssou yanditse anaririmba indirimbo yaririmbiye igikombe cy'Isi mu 1998 cyabereye mu gihugu cy'u Bufaransa. Ni indirimbo yakoranye n'umubiligikazi Axelle Red bakaba bari bayise 'La Cour des Grands'.

    Mu bijyanye na Politike uyu muhanzi yabyinjiyemo muri 2012, aho yiyamamarije kuba Perezida wa Senegal aho yari ahanganye na Abdoulaye Wade, icyakora ntiyaza kubasha gutsinda.

    Nyuma y'amatora Youssou N’Dour yaje kugirwa Minisitiri w'Umuco n'Ubukerarugendo muri Mata 2012 muri Cabinet yari iyobowe na Abdoul Mbaye.

    Youssou N’Dour yaje guhindurirwa inshingano agirwa Minisitiri w'Ubukerarugendo n'Imyidagaduro umwanya yavuyeho tariki 2 Nzeli 2013 ubwo hari hamaze guhindurwa Minisitiri w'intebe hakajyaho Amina Toure, aha uyu muhanzi akaba yaragizwe Umujyanama wihariye wa Perezida ariko nanone ushinzwe kwamamaza igihugu hanze yacyo.


    Youssou wamamaye mu ndirimbo zirimo 7 Seconds, Birima, Sama Yaye, Djino n’izindi ategerejwe mu gitaramo cyo gusoza umuhango wo Kwita Izina


    Youssou N'Dour yamamaye ku isi nk'ikirangirire binyuze mu muziki wo bwoko bwa Salsa 

    Imyiteguro y'umuhango wo Kwita Izina ku nshuro ya 18 igeze kure mu Kinigi

    Source : https://inyarwanda.com/inkuru/120370/kwitaizina-umunya-senegal-youssou-ndour-ategerejwe-mu-gitaramo-i-kigali-120370.html

  • Nyamasheke: Umusizi Uwababyeyi Viviane yavuze… – #rwanda #RwOT

    Uyu mukobwa usanzwe ari umunyeshuri, atuye mu Murenge wa Kanjongo mu Karere ka Nyamasheke, ni umwe mu bihumbi by'abantu baganiriye na Perezida Paul Kagame mu ruzinduko rw'akazi yagiriye muri aka karere kuri uyu wa Gatandatu tariki 27 Kanama 2022.

    Perezida Kagame yasuye Nyamasheke nyuma yo gusura abatuye Akarere ka Nyamasheke n'abatuye Akarere ka Ruhango. Ni mu rugendo rw'iminsi Ine ari kugirira mu Ntara y'Amajyepfo n'Iburengerazuba, ruzasozwa kuri iki Cyumweru.

    Mu ijambo rye, Perezida Kagame yibanze ku gusaba abatuye  Nyamasheke kutemera imigirire y'abayobozi babasiragiza aho kubakemurira ibibazo.

    Umukuru w'Igihugu yaherukaga muri aka karere muri Nyakanga 2017 ubwo yiyamamarizaga kuba Perezida w'u Rwanda.

    Yabwiye abatuye aka karere ko Leta igiye gukora ibishoboka igakora imihanda ihuza aka karere n'utundi, kugeza amazi n'amashanyarazi ku baturage, gukemura ikibazo cy'amanegeka n'ibindi.

    Umusizi Uwabyeyi Viviane yazamuye amarangamutima ya benshi:

    Uyu mwana w'umukobwa yavuze umuvugo yise 'Mfura ifubitse u Rwanda', aho mu nyikirizo yawo aba avuga ati 'Nagume ku isonga yaradusobanuye'.

    Mu muvugo we, avuga ko ntawahiga Perezida Paul Kagame ‘mu bo twumvise, mu bo twabonye no mu bo twabanye’.

    Avuga ko Perezida Kagame ari impano Imana yihaye Abanyarwanda, akaba umutoza mwiza.

    Akomeza avuga uko Perezida Kagame yahaye ijambo umugore, akumvikanisha ko ibyo byatumye umugore yisanga mu nzego zose z’ubuzima, ariga kandi arayobora bigakunda.

    Ati “Anayoboye neza Akarere kacu [Yavugaga Meya Mukamasabo Appolonie ] mu miyoborore myiza ndetse n’ubukungu tugeze aheza tugufatiye iry’iburyo.”

    Uyu mukobwa avuga ko kuva ku Mudugudu kugeza ku Karere hose umuturage ahabwa ikaze, ntawikandagira. Akavuga ko i Nyamashake bashikamye badashinyiriza.

    Yavuze ko gahunda ya Girinka yagaruriye icyizere ubuzima bwa benshi, akagaruka kuri gahunda y’ubwisungane mu kwivuza, amazi meza, umuriro, gahunda ya Ejo Heza n’ibindi.

    Anagaruka ku bigo by’imari na Banki byegerejwe abaturage, benshi babasha gutera imbere kubwabyo.

    Uwababyeyi yanagarutse ku bikorwa by’iterambere nk’inganda ‘tutigeze kugira tutarakugira’.

    Avuga ko Perezida Kagame ari umutoza mwiza. Kandi abahinzi bahawe inyongeramusaruro, ku buryo ntawe igisarurira mu gipfunsi.

    Yavuze ko u Rwanda rugeze aheza hazira ivangura, himakajwe ubumwe n’ubwiyunge. Anumvikanisha ko u Rwanda rufite umutekano ‘tugeze aho tuwutwerera abatawufite bagatekana’.

    Akomeza avuga ko Perezida Kagame asezeranya kandi agasohoza bwangu. Yavuze ko Abanyarwanda bageze aheza.

    Anagaruka ku kanyamuneza k’abarimu baherutse kongererwa umushahara. Ati “Uri Uwacu. Turi abawe. Byaratunganye.”

    Uyu mukobwa asaba Abanyarwanda gukomeza kubaka u Rwanda, akavuga ko kuba hari abatangarira aho igihugu cyigeze ari ‘ikimenyetso cy’ibihambaye tuzageraho’.

    Mu kiganiro yagiranye na Televiziyo Rwanda, Uwababyeyi yavuze ko yahisemo gutura uyu muvugo Perezida Kagame kubera ko ‘mubonamo ububyeyi, mubona ubudasa, mubonamo ubushobozi budasanzwe, mubona ipfundo ry’iterambere’.

    Uyu mukobwa abajijwe urwibutso rudasaza asigaranye kuri uru ruzinduko rwa Perezida Kagame i Nyamasheke, yagize ati “Ni umukoro ansigiye. Buri uko mpuye na Nyakubahwa Perezida [Si ubwa mbere bahuye] ansigira umukoro wo gukorana cyane ngo mwereke ko muteye ingabo mu bitugu kandi atari wenyine. Urugamba rwo guteza imbere abanyarwanda atarurwana wenyine. Natwe urubyiruko tufitemo uruhare.”    

    Umusizi Uwababyeyi Viviane yatuye Perezida Kagame umuvugo yise 'Mfura ifubitse u Rwanda' 

    Perezida Kagame yashimye Uwababyeyi Viviane wamutuye umuvugo. Mu nyikirizo y'uyu muvugo aba avuga ati 'Nagume ku isonga yaradusobanuye' 

    Perezida Kagame yabwiye abatuye Nyamasheke ko Leta igiye gukora ibishoboka kugira ngo hakorwe imihanda, babone amazi meza, amashanyarazi n'ibindi 

    Ibyishimo n'akanyamuneza ku batuye Nyamasheke bongeye guhura na Perezida Kagame baherukanaga mu mwaka w'2017  

    Perezida Kagame yasbaye abatuye Nyamasheke kutihanganira abayobozi babasiragiza 



    Abahanzi Senderi Hit na Tuyisenge Intore bafashije Abatuye Nyamasheke gususuruka 

    AMAFOTO: Village Urugwiro

    Source : https://inyarwanda.com/inkuru/120369/umusizi-uwababyeyi-viviane-yavuze-imvano-yumuvugo-mfura-ifubitse-u-rwanda-yatuye-perezida–120369.html