Author: webrwanda

Polisi y'u Rwanda yaboneyeho gushishikariza abo bireba bose by'umwihariko ibigo bitwara abagenzi mu buryo bwa rusange, abayobozi b'ibigo by'amashuri n'ababyeyi b'abana, kubahiriza ibyo basabwa bijyanye n'inshingano zabo kugira ngo bikorwe mu buryo bunoze kandi butanga umutekano usesuye.

Nk'uko bikubiye mu itangazo ryashyizwe ahagaragara n'Ikigo cy'igihugu gishinzwe ibizamini n'ubugenzuzi bw'amashuri (NESA), ingendo z'abanyeshuri biga bacumbikirwa ziteganyijwe kuva ku wa Gatanu tariki ya 5 kugeza ku wa Mbere tariki ya 8 Nzeri 2025.

Ku wa Gatanu tariki ya 5 Nzeri, hazagenda abanyeshuri biga mu turere twa Ruhango, Gisagara, Ngororero na Musanze.

Ku wa Gatandatu tariki ya 6 Nzeri, hazagenda abiga mu turere twa Nyanza, Nyamagabe, Nyabihu, Rubavu, Rulindo, Gakenke, Rwamagana na Kayonza.

Ku Cyumweru tariki ya 7 Nzeri, hazagenda abo mu turere twa Huye, Kamonyi, Karongi, Rutsiro, Gicumbi, Nyagatare na Gatsibo.

Ni mu gihe ku wa Mbere tariki ya 8 Nzeri, hazagenda abo mu turere twa Muhanga, Nyaruguru, Rusizi, Nyamasheke, Bugesera, Burera, Nyarugenge, Gasabo na Kicukiro.

Umuvugizi w'Ishami rya Polisi rishinzwe umutekano wo mu muhanda, SP Emmanuel Kayigi, yavuze ko kohereza abanyeshuri hakiri kare bibafasha gutega imodoka zerekeza mu turere amashuri bigamo aherereyemo, asaba ababyeyi kubyubahiriza n'abayobozi b'ibigo kugenzura ko bahagereye ku gihe.

Ati “Bikunze kugaragara ko mu gihe nk'iki abanyeshuri baba basubira ku masomo, haba hari urujya n'uruza rw'imodoka nyinshi zinyuranamo n'abagenzi, kandi hari abantu benshi mu mihanda no muri za Gare.'

'Binyuze mu bufatanye, ni byiza ko ababyeyi bafasha abana kugera kare aho bategera imodoka, ba nyir'ibigo bitwara abagenzi mu buryo bwa rusange bakabitaho, babafasha gusubira ku mashuri mu ituze n'umutekano, ba nyir'ibigo by'amashuri nabo bakagenzura niba nta bahuye n'imbogamizi zituma batagerera ku ishuri ku gihe.'

SP Kayigi yashimangiye ko aya mabwiriza aba agamije gukumira inkomyi n'ibindi bibazo abanyeshuri bahura nabyo mu gihe basubira ku masomo, yibutsa abashoferi by'umwihariko kwirinda imyitwarire yateza akaga ubuzima bwabo n'ubw'abanyeshuri nko gutwara bavugira kuri telefone cyangwa banyoye ibisindisha, umuvuduko urenze uwagenwe cyangwa uburangare n'andi makosa yose ashobora kuba intandaro y'impanuka yagira uwo ivutsa ubuzima cyangwa ikamukomeretsa.

Abatwara abagenzi basabwe gufasha abanyeshuri gusubira ku mashuri mu ituze n'umutekano

Umunya-Ghana wakiniraga ikipe ya APR FC yamaze gutandukana n’iyi kipe aho yerekeje muri Libya mu ikipe ya Al Ittihad Al Masarat.

Lamptey yageze mu Rwanda umwaka ushize wa 2024 aho yasinyiye iyi kipe amasezerano y’imyaka 2 akaba yari ku mwaka we wa nyuma.

Ikipe ya Al Ittihad Al Masarat yamweretse ko imwifuza ndetse inumvikana na APR FC ariko ntiyahita yishyura.

Ibi byatumye uyu mukinnyi ukina mu kibuga hagati ajyana na APR FC muri Tanzania mu mikino ya CECAFA Kagame Cup irimo kuberayo.

Gusa ntabwo yari mu bakinnyi bazayakina ahubwo yari ategereje ko iyi kipe yo muri Libya ikora ibyo yumvikanye na APR FC.

Amakuru ISIMBI yamenye ni uko ejo hashize ku wa Kane ari bwo iyi kipe yamaze kuzuza ibyo yumvikanye na APR FC maze Lamptey na we ahita ava Dar es Salaam agaruka i Kigali, uyu munsi akaba ari bwo afata indege yerekeza muri Libya.

Perezida w’Ishyirahamwe ry’Umupira w’Amaguru mu Rwanda, Shema Ngoga Fabrice yatunguye abakinnyi b’ikipe y’igihugu Amavubi abishyura ibirarane by’agahimbazamusyi bingana na miliyoni 75 Frw.

Ibi yabikoze mu ijoro ryakeye ryo ku wa 4 Nzeri 2025 aho yaganiraga n’abakinnyi abafasha kwitegura umukino wa Nigeria uzaba ejo ku wa Gatandatu muri Leta ya Uyo muri Nigeria mu gushaka itike y’igikombe cy’Isi cya 2026.

Yababwiye ko mu bibazo bafite mu rwego rwo kwitegura uyu mukino hari ibyo agiye gukemura.

Kimwe mu byo yahereyeho ni agahimbazamusyi ko muri 2025 abakinnyi na staff batabonye.

Ni ako kunganya na Lesotho 1-1, yababwiye ko abari muri Nigeria bagiye guhita bayahabwa mu ntoki abandi badahari bakazayabona kuri uyu wa Gatanu.

Aya mafaranga yose hamwe bagomba kwishyurwa akaba agera kuri miliyoni 75 Frw. Yababwiye ibibararane byo muri 2024 nabyo bazabibona vuba.

Ibi byagarutsweho ubwo bari mu nteko rusange y'igihugu y'abagore yabereye mu karere ka Karongi, aho basabwe kugira uruhare mu iterambere ry'igihugu kugira ngo u Rwanda rugere ku ntego rwihaye yo kuba igihugu gikize mu 2050.

Bamwe mu bagore baganiriye na RBA, batangaje ko batangiye gahunda ya 'Tuzitire tutaronerwa' igamije gukemura bimwe mu bibazo urubyiruko ruhura nabyo birimo ihohoterwa, no gukemura amakimbirane yo mu ngo.

Umwe yagize ati 'Tumaze kubona ko hari abana baterwa inda zitateganyijwe, tumaze kubona ko umuryango nyarwanda usenyuka kubera amakimbirane, twaricaye turasesengura dusanga dukemura ibibazo byarenze inkombe ni bwo twatangije iyi gahunda.'

Iyi gahunda yitezweho kugira uruhare mu kuganiriza abana kuva bakiri bato kugira ngo babashe kugira urubyiruko ruzima mu gihugu, no kuganiriza abana uburyo bakwiye kwitwara ku gitsina gabo.

Guverineri w'Intara y'Iburengerazuba, Ntibitura Jean Bosco, yatangaje ko intego aba bagore bihaye yo guharanira imibereho myiza y'umuryango iterambere bose bashyize imbere, bizagerwaho vuba.

Yagize ati 'Abagore icyo tubatumye dushingiye ku ntego bihaye, ni uko bashyira mu bikorwa ibyo biyemeje kuko twabonye ifite uruhare runini.'

Bamwe mu bagore bahagarariye abandi ku rwego rw'Intara y'iburengerazuba babwiwe ko uruhare rwabo ari ntagereranwa mu kugera kuri iyi ntego kuko uruhare rwabo rukenewe cyane.

Zimwe mu ntego aba bagore bihaye harimo guherekeza ingo ebyiri muri buri mudugudu zikivana mu bukene, ibintu bizatuma ingo 7.300 ziva mu bukene mu ntara yose, no kuvana abana 12.000 mu mirire mibi, naho ingo zigera ku 3700 zizaganirizwa zikemurirwe amakimbirane.

Abagore bo mu Burengerazuba bitezweho uruhare mu iterambere y’igihugu

Ni ubukangurambaga bwatangijwe n'Inama y'Igihugu y'abagore mu Karere ka Muhanga mu 2024, bugamije kuzamura imyumvire ku isuku kugira ngo abagize imiryango bose babeho neza, aho yita ku gukemura ibibazo bibangamiye imibereho myiza birimo kubaka no gusana inzu ku miryango itagira aho iba, gufasha abatagira uburyamo bahabwa amagodora, ndetse no guhwitura abakigaragaza isuku nke.

Nyiraminani Triphine, umugore wo mu Murenge wa Kabacuzi, yavuze ko iyi gahunda ari agashya k'abagore batuye muri Muhanga, kabafasha kwimakaza isuku mu ngo, aho abagore bose bashishikarizwa gukora isuku itagira aho isize.

Ati 'Aha dushishikarizwa gukora isuku itari ukurebera ku jisho, tugakora na hahandi tujya twirengagiza mu buryo bwo kugira ngo isuku irusheho kwimakazwa.''

Nyiraminani, avuga ko binyuze muri iyi gahunda bagiye bibumbira mu bimina bagahuza ubushobozi, kugira ngo bikemurire ibibazo bikemurira nka matela yo kuryamaho, kugura ibikoresho by'isuku, kugura imyenda, gutunganya inzu n'ibindi.

Mugenzi we witwa Nibagwire Odile, wo mu Murenge wa Mushishiro na we ashimangira umusanzu w'iyi gahunda mu kuzamura isuku kuko byatumye abagore bose bikebuka bakibuka no gusukura hahandi hatahabwaga agaciro nko munsi y'urutara cyangwa igitanda, kumesa mu mutwe udatekereje ko uzahatwikiriza igitambaro n'ahandi abantu batekereza ko hatagaragara, biri mu bituma isuku izamuka.

Yakomeje avuga ko hari n'ingo za bagenzi babo basura bakahakorera umuganda, bagamije kwerekera umugore urubamo uko isuku ikorwa neza kugira ngo na we azakurikize urwo rugero.

Ati 'Hari bamwe mu bagore bo mu cyaro batita ko na hahandi hatarebwa na buri wese hagomba gukorwa isuku, yitwaje ngo ni we wenyine uhabona, noneho bigatuma atahitaho, ari na yo mpamvu yatumye dutangiza ubu bukangurambaga. Tugerageza kumwerekerera mu rugo rwe mu gisa n'umuganda, noneho na we agasigara abyigana, bikaba umuco, noneho bigatuma ingo zose zo muri Muhanga, zazagera ku isuku.'

Umuyobozi w'Inama y'Igihugu y'Abagore mu Karere ka Muhanga, Mukasekuru Marcelline, yabwiye IGIHE ko iyi gahunda yatumye baterura imihigo iremereye irimo no kubakira abagore 12 batagiraga aho baba, kugira ngo bazamure isuku ariko babihereye ku nzu nziza zibahesha agaciro.

Ati 'Mu kuzamura imibereho myiza, twanubatse inzu 12, nibura imwe mu murenge, aho buri yose ifite agaciro gasaga miliyoni 6 Frw. Ibi tubifata nk'intango nziza ku bagore bagenzi bacu batagiraga aho baba, kuko kubaho utagira aho urambika umusaya, bitera ibindi bibazo, n'iyo suku ntibe igishobotse.'

Perezida w'Inama Njyanama y'Akarere ka Muhanga, Nshimiyimana Gilbert, na we yavuze ko ibi bikorwa by'abagore b'i Muhanga bishimangira akamaro k'umugore mu kubaka igihugu, binajyanye n'icyivugo cyabo kivuga ko ari ba 'nyampinga', abasaba gukomeza iyo mihigo.

Abagore b’i Muhanga bigishijwe kwibuka ko kizira guteka ifunguro ritagira imboga barwanya imirire mibi

Hanatezwa imbere uturima tw’igikoni hagamijwe kuzamura imirire mu muryango

Mu byo abagore b’i Muhanga bakoze mu kuzamura imibereho y’abaturage, birimo n’inzu 12 bubakiye abagore batagiraga aho kuba

Yabigarutseho kuri uyu wa 5 Nzeli 2025 mu nama nyafurika ya cyenda yiga ku bijyanye no guteza imbere ubwikorezi bwo mu kirere (Aviation Africa Summit And Exbitions 2025).

Perezida Kagame yashimiye abateguye iyi nama no kuyizana mu Rwanda ndetse abaha ikaze mu Mujyi wa Kigali, yemeza ko igaragaza uruhare rukomeye ubwikorezi bufite mu iterambere.

Yagarutse ku mushinga wa Zipline Rwanda, agaragaza ko mu myaka nka 10 ishize, u Rwanda rwatangiye kohereza amaraso mu bice bitandukanye by'igihugu.

Zipline Rwanda yatangiriye ibikorwa byayo mu Rwanda mu Ukwakira 2016.

Mu Ugushyingo 2024, iki kigo cyari kimaze kugeza serivisi zacyo mu bitaro 654 birimo amavuriro mato arenga 100, gishyira amaraso, imiti n'inkingo n'ibindi bikoresho byo mu buvuzi.

Ubu 35% by'ibyo Zipline Rwanda itanga biba ari inkingo n'intanga biterwa amatungo.

Drone ya Zipline ikora urugendo rw'ibilometero 160, igendera ku muvuduko wa kilometero 130 ku isaha, icyakora kuri ubu urugendo runini ikora ruyisaba iminota itarenze 40. Ni uruva i Muhanga rwerekeza ku Bitaro by'Akarere bya Mibilizi mu Karere ka Rusizi.

Zipline Rwanda ifite imihanda irenga 500 indege zayo zinyuramo zijyanye ubutumwa, ibyumvikana ko n'ahantu zigwa hangana n'uwo mubare.

Perezida Kagame ati 'Iri koranabuhanga ntabwo ryagabanyije igihe byatwaraga gusa ahubwo ryatabaye n'abantu. Ubufatanye bwacu bwatanze umusaruro ndetse turi kugerageza uko twarizana mu mujyi rikazajya rijyanayo ibikoresho mu bijyanye n'ubucuruzi bw'ikoranabuhanga.'

Perezida Kagame yanagarutse ku gikorwa cyo kumurika drones zitwara abantu mu Rwanda, avuga ko Abanyarwanda bishimiye cyane kugira uruhare mu gutangiza drones zitwara abantu ndetse ko biteguye gufatanya mu iterambere ry'iri koranabuhanga.

Drones zatangijwe mu Rwanda zizwi nka 'eVTOL' zikorwa n'Uruganda rwo mu Bushinwa rwa EHang. Zikoresha amashanyarazi ku rugero rwa 100%.

Imwe itwara abantu babiri. Ishobora no gutwara ibilo birenga 620 by'imizigo. Ishobora kugenda intera y'ibilometero 30 iri mu kirere. Ishobora kugenda iminota 25 itarashiramo umuriro.

Umukuru w'Igihugu yavuze ko intumbero ya Afurika ari ugushora imari mu bwikorezi bwo mu kirere mu buryo bugaragara hagamijwe iterambere ry'ubukungu.

Yavuze ko ubwiyongere bw'abaturage ndetse n'iterambere ry'ubukerarugendo, byatumye abashaka gukora ingendo zo mu kirere muri Afurika biyongera.

Ni mu gihe kuko mu 2044 abagenzi bakoresha indege bazaba barageze kuri miliyoni 411 bavuye kuri miliyoni 180,1 bariho ubu.

Perezida Kagame ati 'Mu myaka igiye kuza abakoresha ingendo zo mu kirere ku Mugabane wacu bazikuba hafi kabiri. Ku rwego rw'umugabane hashyizwemo imbaraga nyinshi mu gufungura ikirere cyacu binyuze mu mishinga itandukanye.'

Yavuze ko Isoko rusange rya Afurika na ryo riri kugira uruhare mu kongera ubukungu bwa Afurika, agaragaza ko u Rwanda ruzakomeza kugaragaza uruhare rwarwo mu gushyiraho politiki zitandukanye ziteza imbere uyu mushinga.

Ati 'Nk'urugero twakuyeho viza ku Banyafurika bose. Guteza imbere abari n'abategarugori mu kwitabira urwego rw'ubwikorezi bwo mu kirere na byo biri mu bituraje ishinga.'

Yavuze ko mu gihe ibyo byaba bikozwe mu buryo bukwiriye, bizatanga imirimo myinshi no kwimakaza udushya.

Perezida Kagame yatangaje ko Sosiyete y'u Rwanda y'ubwikorezi bwo mu Kirere, RwandAir na yo iri kwagura ibyerekezo ijyamo, icyakora agaragaza ko ubwikorezi bwo mu kirere bukomeje guhura n'imbogamizi zikomeye cyane zirimo izamuka ry'ikiguzi cy'imirimo ndetse n'ibikorwaremezo bike.

Ati 'Bituma ubwikorezi bw'abantu n'imizigo bihenda kurusha uko byakagenze. Ntabwo ingendo zikwiriye kuba iz'abakire gusa, ahubwo dukeneye gufatanya twese, ibigo, cyane cyane Afurika Yunze Ubumwe (AU) n'Ikigo Nyafurika gishinzwe umutekano no kuyobora ingendo z'indege (ASECNA) bigahabwa imbaraga kugira ngo hagerwe ku ntego y'ikirere kimwe ndetse n'ingendo zidaheza ku mugabane wacu.'

Perezida Kagame yavuze Abanyafurika bashobora kugera kuri byinshi mu gihe bakoreye hamwe na cyane ko Afurika ifite umutungo kamere n'ubushobozi bukenewe.

Yahaye ikaze abarenga 1600 bitabiriye inama, agaragaza icyizere cy'uko ibizavamo bizagira uruhare mu kubaka Afurika Abanyafurika bashaka ndetse ikwiriye kubayo.

Umuyobozi w'Ikigo Nyafurika gishinzwe umutekano no kuyobora ingendo z'indege (ASECNA), Prosper Zo'o Minto'o na we yavuze ko Afurika ikeneye guteza imbere ibikoresho no kubakira ubushobozi abakora mu bwikorezi kugira ngo bajyane n'ikoranabuhanga.

Ati 'Dufite icyuho mu bijyanye n'ibikoresho, ibibuga by'indege bike,… hari byinshi byo gukora. Turi gukorana na AU kugira ngo duhangane n'ibi bibazo dufatanyije n'abandi bafatanyabikorwa kugira ngo ubwikorezi bwo mu kirere bujyanye n'ikoranabuhanga rigezweho.'

Zo'o Minto'o yavuze ko bari gushaka ikoranabuhanga rishingiye ku cyogajuru kugira ngo bateze imbere ubwikorezi butekanye ku rugero twifuza.

Yibukije ko ubukerarugendo bwa Afurika buri kuri 50% kubera ko ubwikorezi bwo mu kirere buhenze. Agaragaza ko bidakwiriye kuba urugendo ruva i Dakar kugera i Kigali rudakwiriye gutwara iminsi itatu, ahubwo bakwiriye gushyiramo imbaraga ingendo zikihuta.

Igitekerezo cyo mu Rwanda ku bijyanye n'ikoreshwa rya drones mu mirimo ya gisivili cyagukiye muri Nigeria, Ghana, Côte d'Ivoire, Kenya, u Buyapani, u Burayi no muri Leta za Arkansas na Utah muri Amerika, no muri Aziya mu Buyapani n'ahandi.

Abanyarwanda ni bo bagiye gufasha kubaka izo site mu bindi bihugu, ndetse no muri Amerika ahubakirwa drones zizanwa mu Rwanda harimo Abanyarwanda barenga batanu bafasha ibihugu byose Zipline iri gukoramo.

Zipline iri mu bushakashatsi butandukanye bwo kongera ingano y'igihe batiri ya drone yamara itarasubizwa ku muriro, ndetse mu 2026 iki kigo kigaragaza ko kizaba cyazanye drones zindi zikozwe mu bundi buryo butandukanye zifashishwa mu mijyi.

Ubwo Perezida Kagame yari ageze ahari kubera inama yiga ku guteza imbere ubwikorezi bwo mu kirere

Perezida Kagame yitabiriye inama yiga ku guteza imbere ubwikorezi bwo mu kirere iri kubera i Kigali

Inama yiga ku guteza imbere ubwikorezi bwo mu kirere yitabiriwe n’abapilote batandukanye barimo n’Abanyarwanda

Drones za Zipline zikomeje gutanga umusaruro mu gutabara imbabare

U Rwanda ruri kugerageza uburyo bwo kwifashisha drones za Zipline mu bucuruzi bwifashishije ikoranabuhanga