Author: webrwanda

Uyu munya-Tanzania wakunzwe mu ndirimbo zirimo 'Jeje',  azahura n'abakunzi be mu byiswe 'Meet and Greet' ku mugoroba wo kuri uyu wa Kane tariki 22 Ukuboza 2022 guhera saa moya z'umugoroba kuri Romantic Garden.

Uyu mugoroba wo guhura, kuganira no gusangira uzanasusurutswa n’aba Dj barimo Dj Pyfo, Dj Sonia, Dj Phil Peter, kandi uzaririmbamo umuhanzi Jay Pac.

Igitaramo 'One People Concert' Diamond azaririmbamo ni kimwe mu bitaramo uruganda rwenga rukanatunganya ibinyobwa bisembuye n’ibidasembuye, Skol Brewery Ltd, rwateye inkunga muri uyu mwaka.

Kwinjira muri ibi birori byo guhura no kuganira na Diamond birasaba kwishyura 10,000 Frw ku muntu umwe ndetse na 200,000 Frw ku meza y’abantu umunani, ugahabwa n’icyo kunywa.

Diamond aherutse gushyira umukono ku masezerano n'Umuyobozi wa East Gold, Gedeon Rwigema, yemeza ko azataramira Abaturarwanda kuwa 23 Ukuboza 2022.

Kwinjira ni 30,000 Frw muri VVIP, 15,000 Frw muri VIP na 5,000 Frw ahasanzwe-Aha ni mu gihe uguze itike mbere y’umunsi w’igitaramo.

Diamond agarutse i Kigali nyuma yo kuhakorera igitaramo gikomeye ku wa 17 Kanama 2019 cyaherekeje iserukiramuco 'Iwacu Muzika Festival', cyabereye muri Parking ya Stade Amahoro i Remera.

Muri iki gitaramo uyu muhanzi yaririmbye iminota 110, abyinisha inkumi z'i Kigali, ava ku rubyiniro abantu bakinyotewe.

Icyo gihe Diamond yataramiye i Kigali avuye mu gitaramo yakoreye mu Burundi, ku wa 16 Kanama 2019.

Mu 2017, uyu muhanzi yaririmbye i Kigali mu gitaramo cyiswe Rwanda Fiesta cyabereye i Nyamata, yahuriyemo n’itsinda Morgan Heritage ryo muri Jamaica.

Mu 2015, nabwo yemeje abanya-Kigali mu gitaramo cya East African Party cyo gutangiza umwaka. Muri uwo mwaka, yari kumwe na Zari babyaranye abana babiri.

Diamond agiye kuza i Kigali nyuma yo kugura indege ye bwite, kandi aherutse gukorana indirimbo 'Why' n'umuhanzi w'umunyarwanda, Mugisha Benjamin [The Ben].

Umwibuke mu ndirimbo nyinshi ze zabiciye nka 'Tandale', 'Mbagala', 'The One', 'Number One’, ‘Yope Remix’ na Innoss’B, ‘Waah’ na Koffi Olomide, ‘Ntampata Wapi' n'izindi nyinshi.

 

Diamond azabanza gusabana n'abakunzi be mbere y’uko abataramira 

Ku mugoroba wo ku wa Kane tariki 22 Ukuboza 2022 ni bwo Diamond azahurira n'abakunzi be kuri Romantic Garden 

Imyaka itatu yari ishize Diamond adakorera igitaramo i Kigali 

Diamond kuva yakwinjira mu muziki, ntasiba mu bitangazamakuru yaba iby'i Kigali, iwabo muri Tanzania, muri Afurika nzima n'ahandi

DIAMOND AHERUTSE GUSOHORA INDIRIMBO 'MELODY' YAKORANYE NA JAY WILLZ

Binyuze muri mu muryango Casmir Foundation mu gikorwa yise “Toto Eve 2023”, Miss Yassip Casmir azasangira ubunani n'abana barenga 1500 barimo 500 baturuka mu miryango itifashije.

Mu kiganiro yagiranye na inyaRwanda.com, Miss Yassip yavuze ko yateguye iki gikorwa abinyujije mu muryango we 'Casmir Foundation' abifashijwemo n'abaterankunga barimo umujyi wa Kigali.

Yagize ati 'Ku bufatanye n'Umujyi wa Kigali n'abandi bafatanyabikorwa twiteguye gusangira ubunani n'abana 1500 baturuka mu Mujyi wa Kigali. Abagera kuri 500 baturuka mu miryango itifashije. Tukaba twarabateguriye impano ziganjemo ibikoresho by'ishuri.'

Uwihirwe Yasipi Casimir wabaye igisonga cya mbere cya Nyampinga w'u Rwanda mu 2019, yatangije umuryango yise Casmir Foundation ku wa 15 Werurwe 2019 ubwo yamurikaga umushinga wo guhangana n'ikibazo cy'abana bataye ishuri bakajya mu mihanda.

Miss Yassip agiye kongera guhura n’abana

Uyu muryango we ufite intego zo gufasha abanyarwanda cyane abana bari hagati y'imyaka 6-12 baba ku muhanda, kugira ngo biyubakemo icyizere cy'u Rwanda rw'ejo heza bafite ubwenge n'ubumenyi. Amaze kubona abana barenga 30 bakeneye gusubira mu ishuri mu Karere ka Gasabo.

Miss Yassip imbere ya Perezida Kagame

Harabura iminsi mbarwa umuhanzi w’indirimbo zo kuramya no guhimbaza Imana, Israel Mbonyicyambu akamurika Album 2 harimo iyo yise “Icyambu” avuga ko ikubiyemo ubutumwa yahawe n’Imana.

Iki gitaramo yise “Icyambu Live Concert” kizaba tariki ya 25 Ukuboza 2022 muri Kigali Arena, akaba yaragiteguye abifashijwemo na East African Promoters (EAP).

Azafatanya n’abahanzi nka Japhet Murava, Danny Mutabazi na James na Daniella.

Mu kiganiro n’itangazamakuru cyo kuri uyu wa Gatatu tariki ya 21 Ukuboza, Israel Mbonyi yavuze ko iki gitaramo azakimurikiramo Album 2, “Mbwira”, “Icyambu”.

Agaruka kuri Album “Icyambu”, yavuze ko ari ubutumwa Imana yamuhaye gutambutsa.

Ati “Ni ubuhamya , Imana yarambwiye iti ‘ntiwitwa Mbonyicyambu? nzakugira icyambu cyambutsa abantu benshi kuri iyi Si’.”

Muri iki gitaramo hazaba hanacururizwa izi Album ku buryo umuntu ushaka kuyigura yayigura.

Umuyobozi wa EAP, Mushyoma Joseph yavuze ko bitewe n’icyifuzo cya nyirigitaramo, nta nzoga zizacuruzwa muri iki gitaramo.

Mbonyi agiye kumurika izi Album nyuma y’izo yamuritse muri 2015 ari yo “Number One” ndetse na “Intashyo” yamuritse 2017.

Kwinjira mu gitaramo cya Israel Mbonyi bizaba ari 5000Frw mu myanya isanzwe, ibihumbi 10Frw, ibihumbi 15Frw n’ibihumbi 20Frw.

Mu biganiro n’abatuye mu Mirenge ya Bugeshi, Cyanzarwe na Busasamana ihana imbibi na DRC hamwe mu hakunze kunyura abageregeza guhungabanya umutekano w’u Rwanda.

Ministiri Gasana yavuze ko abahungabanya umutekano ntaho bagiye nubwo imbaraga zabo zayoyotse.

Gusa yavuze ko nubwo u Rwanda rufite umutekano usendereye nta kwirara gukwiye kubaho, abiheraho asaba abatuye iyi mirenge kwirinda no kwitandukanya n’ushaka guhungabanya ituze ry’abanyarwanda kabone nubwo yaba ari umuvandimwe wabo.

Abatuye muri iyi mirenge yakunze kwibasirwa n’abacengezi bashimangira ko bazi ingaruka zo kubura umutekano.

Kuba iterambere bagezeho ubu barikesha uwo umutekano bari barabuze, bemeza ko bazakora ibishoboka byose mu kuwicungira. Naho ku ngingo yo kwitandukanya n’abavandimwe babo bafite imigambi yo guhungabanya umutekano w’u Rwanda, abatuye kuri iyi mipaka ngo nta kuzuyaza.

Abandi baburiwe ni abakora ibikorwa by’ubucoracora bambutsa ibicuruzwa n’ibiyobyabwenge mu nzira zitemewe n’amategeko, aba basabwe kubireka.

RBA

Iyi mirambo 2 y’abana bato yatoraguwe muri Nyabarongo kuri uyu wa 19 Ukuboza 2022 hagana saa tatu z’igitondo.

Umunyamabanga Nshingwabikorwa w’Umurenge wa Mushishiro Mukayibanda Prisca yavuze ko umwe muri abo bana afite imyaka 2 y’amavuko, mugenzi we akaba afite imyaka 5 gusa avuga ko ari ukugereranya kubera ko nta mwirondoro wabo bafite.

Mukayibanda akavuga ko bagerageje gushakisha aho bakomokaga baraheba, kubera ko batanze amatangazo hirya no hino mu Midugudu ntihaboneka ababyeyi babo.

Yagize ati 'Iyo mirambo y’abana 2 twayisanze mu mazi ya Nyabarongo tuyikuramo turacyashakisha aho baje baturuka.'

Gusa yavuze ko ikigaragara ari uko aba bana batari abo muri uyu Murenge wa Mushishiro ahubwo ko Nyabarongo yabakuye kure bugacya bageze mu Kagari ka Rwasare.

Gitifu Mukayibanda avuga ko basanze iyo mirambo yatangiye kwangirika bagakeka ko imaze iminsi mu mazi.

Yavuze ko bayijyanye mu Bitaro iKabgayi kugira ngo isuzumwe nk’uko bitangazwa na Umuseke

Uyu muganga yatawe muri yombi tariki ya 01 Ukuboza 2022 nyuma yuko umukobwa akekwaho gukorakora ku gitsinda arekaramye.

Umuyobozi w’Ibitaro bya Murunda, Dr Nkurunziza Jean Pierre yagize ati 'Ni we waje arekalama, avuga uburyo bamusuzumyemo, abona bisa nk’aho hari ikindi byari bigamije.'

Itabwa muri yombi rw’uyu muganga kandi ryanemejwe n’Umuvugizi w’Urwego rw’Igihugu rw’Ubugenzacyaha (RIB), Dr Murangira B. Thierry.

Yagize ati 'Akurikiranweho icyaha cyo gukoresha undi imibonano mpuzabitsina ku gahato, aho akekwa kuba yaragikoreye umuntu w’igitsina gore ufite imyaka 20 ubwo yari agiye kwivuriza ku bitaro bya Murunda. Ibi bikaba byarabereye mu bitaro biherereye mu karere ka Rutsiro, umurenge wa Murunda, akagari ka Mburamazi, umudugudu wa Kamuhoza, tariki ya 1/12 uyu mwaka.'

Dosiye ikubiyemo ikirego cy’uyu muganga, yanamaze gukorwa n’Urwego rw’Igihugu rw’Ubugenzacyaha ndetse yashyikirijwe Ubushinjacyaha tariki 06 Ukuboza, nabwo bumuregera urukiko rubifitiye ububasha.

Babitangaje mu ijoro ryo kuri uyu wa Kabiri tariki 20 Ukuboza 2022 mu kiganiro n'itangazamakuru cyabereye kuri Park Inn Hotel mu Kiyovu gitegura iki gitaramo.

Murindahabi Irénée [M. Irénée] washinze sosiyete y'umuziki ya MI Empire, yavuze ko iyi album iriho indirimbo icyenda (9), ariko hamaze gusohora indirimbo umunani (8).

Indirimbo itarasohoka yitwa 'Isaha'. Hari gahunda y'uko ishobora gusohoka mbere y'umunsi w'igitaramo. Murindahabi Irénée yavuze ko abazi neza amateka ya Yesu 'babasha kumva neza icyo isaha ya munani ivuze'.

Uyu munyamakuru yavuze ko iki gitaramo bakitiriye indirimbo 'Nahawe Ijambo' 'kubera ko ivuze ikintu kinini kuri bo ndetse no ku muryango mugari'.

Yavuze ko aba bakobwa bamaze gukura ku buryo umuryango ubakunda wagutse. Anashingira ku mubare w'abamaze kugura amatike muri iki gihe. Ati 'Rero niba umuntu yemeye kumva indirimbo ni ngombwa ko tumuha ijambo mu gitaramo.'

Iyi album aba bakobwa bagiye gusohora iriho indirimbo nka 'Si Bayali', 'Ibuye', 'Arakize', 'Simpagarara', 'Adonai', 'Papa', 'Nzakomora' n'izindi.

Asubiza ikibazo cy'umunyamakuru wa InyaRwanda, Kamikazi Dorcas yavuze ko mu buryo bwumvikana neza album yabo ari 'amateka kuri twebwe.'

Uyu mukobwa yasobanuye ko ari album bakoze mu gihe 'twari (turi ku ntebe y'ishuri)' ariko bakomeje gukotana kugeza ubwo album irangiye. Avuga ko Imana yababaye hafi mu kuyitegura. Ariko Imana iradukunda cyane.'

Ni urugendo avuga ko rutari rworoshye; harimo gukora indirimbo banitegura gusubira ku ishuri.

Murindahabi yasobanuye ko buri ndirimbo iri kuri iyi album ifite inkuru yayo yihariye kugeza ku isaha ya cyenda itarasohoka.

Ati 'Buri ndirimbo ifite ubuhamya bwayo… Baravuze bati umunsi twagize amahirwe yo kuririmbira abantu tuzavuga ibyo twacagamo mu muziki.'

Murindahabi avuga ko batumiye Prosper Nkomezi ahanini biturutse ku kuba yarababaye hafi cyane aba bakobwa 'ndetse afata umwanya wo gusengera iki gitaramo'.

Prosper Nkomezi uzaririmba muri iki gitaramo, yashishikarije abantu kuzitabira iki gitaramo, avuga ko ari ikintu cyiza gukora indirimbo abantu bakazumva.

Ariko biba akarusho 'iyo umuntu akoze igitaramo cya mbere abantu bakitabira'. Uyu muramyi yavuze ko yakoze imyiteguro ihagije ku buryo yiteguye kunyura abantu muri iki gitaramo.

Nkomezi avuga ko gutumirwa muri iki gitaramo, yavuze ko asanzwe ari umufana wa Vestine na Dorcas. Ati 'Icya kabiri ni uko numva impamvu y'igitaramo cya mbere ku muhanzi ndetse n'uko twaganiraga.'

Umuyobozi wa Gisubizo Ministries, Muhemeri Justin, yashimye Imana ku bwo guhagurutsa aba bakobwa, avuga ko bishimiye gutera ingabo mu bitugu Vestine na Dorcas mu gitaramo cyabo cya mbere.

Kamikazi Dorcas avuga ko mu rwego rwo kwita kuri bagenzi babo b'abanyeshuri, bahisemo ko buri munyeshuri azishyura 5000 Frw muri iki gitaramo, kandi hari impano zateguwe bazagenera abazasha kuzinduka ku munsi w'iki gitaramo.

Yavuze ko abanyeshuri bazatagura amatike nk'uko bisanzwe yifashishije ikoranabuhanga, ahubwo bazagurira amatike aho iki gitaramo kizabera. Umunyeshuri asabwa kuba afite ikarita igaragaza ko ari umunyeshuri koko!

Iki gitaramo kizayoborwa n'umuhanzikazi w'indirimbo zo kuramya no guhimbaza Imana, Aline Gahongayire. Ni mu gihe Umuyobozi wa Women Foundation Ministries na Noble Family Church, Apôtre Alice Mignonne Kabera ariwe uzavuga ijambo ry'Imana.

Kizaba ku wa Gatandatu tariki 24 Ukuboza 2022 guhera saa kumi z'umugoroba (4 PM) muri Kigali Conference and Exhibition Village (KCEV) ahazwi nka Camp Kigali.

'Nahawe Ijambo Album Lunch' yatewe inkunga Laboratwari y’Igihugu y’ibimenyetso bishingiye ku bumenyi n’ubuhanga, RFL (Rwanda Forensic Laboratory).

RFL itanga serivisi zirimo Gupima ADN; Gusuzuma uburozi n’ingano ya arukoro mu mubiri, gusuzuma imibiri y’abapfuye hagamijwe gusuzuma icyateye urupfu, gupima inyandiko mpimbano no kugereranya ibikumwe by’abakekwaho ibyaha.

N'icyo gitaramo cya mbere iri tsinda ry'aba bakobwa bagiye gukora kuva mu myaka ibiri ishize binjiye mu muziki w'indirimbo zihimbaza Imana.

Iyi ndirimbo bitiriye igitaramo cyabo bayishyize hanze ku wa 7 Ukwakira 2020, imaze kurebwa n'abantu barenga miliyoni 5. Yanditswe na Niyo Bosco uherutse gutandukana na MI Empire ya Murindahabi Irénée [M. Irénée].

Producer Joaquim wo mu itsinda rya Symphony Band ni we wacuranzemo gitari 'acoustic', ni mu gihe Frank wo muri Symphony Band ari we wacuranze gitari Base.

Amashusho y'iyi ndirimbo yatunganyijwe n'umuhanzi Chriss Eazy binyuze muri sosiyete y'umuziki yashinze yise Eazy Films. Uyu musore amaze igihe kinini ari we ubafatira amashusho y'indirimbo zabo kuva bakwinjira mu muziki.

Iki gitaramo kizaririmba itsinda rya Gisubizo Ministries baherutse gukora igitaramo cyo kuramya Imana bise 'Worship Legacy Concert Season 3' bamurikiwemo album yabo ya gatatu.

Iri tsinda rizwi mu ndirimbo zirimo nka 'Humura' baherutse gusohora, n'izindi zirimo 'Abagufite ntibazakena', 'Ku musaraba', 'None ubwo bimeze bityo', 'Ntayindi Mana twabona' na 'Ebenezer'.

Kizaririmbamo kandi umuramyi Prosper Nkomezi uzwi cyane mu ndirimbo zirimo nka ‘Wanyujuje indirimbo’, ‘Warakoze’, ‘Urarinzwe’ n’izindi.

Uyu muhanzi yatangiye umuziki we mu mwaka 2014 ariko indirimbo ye ya mbere yageze hanze mu 2017. Ni umucuranzi akaba n'umuhimbyi w'indirimbo. Asanzwe ari Umukristu w'Itorero Zion Temple.

Kwinjira muri iki gitaramo ni 10, 000 Frw mu myanya isanzwe (Regular), 15,000 Frw muri VIP, 25,000 Frw muri VVIP na 150,000 Frw ku meza y'abantu batandatu (6) harimo icyo kunywa kidasembuye (A Bottle of Non Alcoholic Champagne).    

Ishimwe Vestine yiga mu mwaka wa gatanu ku kigo cy'amashuri International Technical School of Kigali (I.T.S Kigali) giherereye i Gasogi mu Karere ka Gasabo mu Murenge wa Ndera- Yiga ibijyanye n'imicungire y'amahoteli (Hotel Management) 

Kamikazi Dorcas yiga mu mwaka wa Kane ku kigo cy'amashuri International Technical School of Kigali (I.T.S Kigali)- Nawe yiga ibijyanye n'imicungire y'amahoteli (Hotel Management) 

Prosper Nkomezi yatangaje ko asanzwe ari umufana wa Vestine na Dorcas ari nayo mpamvu byamworoheye kwisanga muri iki gitaramo 

Murindahabi Irénée yatangaje ko nta ngaruka umuziki wagize ku rugendo rw'amasomo ya Vestine na Dorcas-Avuga ko ibi binashimangirwa n'indirimbo zigize album yabo 

Kamikazi Dorcas [Uri iburyo] yavuze ko abanyeshuri bagenzi be bahawe umwihariko muri iki gitaramo, aho abazitabira bazishyura 5000 Frw kandi hari impano zabateguriwe 

Umuhanzi w'indirimbo zo kuramya no guhimbaza Imana, Danny Mutabazi usanzwe ari Ambasaderi wa Hi Coffee yateye inkunga iki gitaramo-Yavuze ko bishimiye gushyigikira intambwe yatewe n’aba bakobwa 

Umuyobozi wa Gisubizo Ministries, Muhemeri Justin, yashyimye Imana ku bw’iki gitaramo, avuga ko biteguye kuzasusurutsa abakunzi babo muri iki gitaramo 

Ikiganiro n’itangazamakuru cyabereye kuri Park Inn Hotel kuri uyu wa Kabiri tariki 20 Ukuboza 2022

Abanyamakuru bakorera ibitangazamakuru bitandukanye bitabiriye iki kiganiro na Vestine na Dorcas 

Iki gitaramo cyatewe inkunga na Laboratwari y’Igihugu y’ibimenyetso bishingiye ku bumenyi n’ubuhanga, RFL (Rwanda Forensic Laboratory)

KANDA HANO UREBE AMASHUSHO Y'INDIRIMBO 'NAHAWE IJAMBO' YITIRIWE ALBUM YA VESTINE NA DORCAS

“>

Kanda hano urebe amafoto menshi

AMAFOTO: Sangwa Julien-INYARWANDA.COM