Author: webrwanda

Myugariro mpuzamahanga w’umunyarwanda ukinira ikipe ya Alki Larnaca FC yo muri Cyprus, Dylan Georges Francis Maes, ashobora kwerekeza muri FK Liepāja yo mu cyiciro cya mbere muri Lativia.

Uyu musore ukina mu mutima w’ubwugarizi aheruka mu ikipe y’igihugu y’abatarengeje imyaka 23 yashakaga itike y’igikombe cy’Afurika ikaba yaraje gusezererwa na Mali.

Uyu mukinnyi akaba yari yatumiwe na FK Liepāja yo mu cyiciro cya mbere muri Latvia mu mwiherero wabereye muri Turikiya guhera tariki ya 1 kugeza 14 Ukuboza, ubundi impande zombi zakumvikana akaba yayisinyira cyane ko bamushimye.

Aganira n’ikinyamakuru ISIMBI, Maes utifuza kubivugaho byinshi yavuze ko atakwemeza ko azerekeza muri iyi kipe yasoje ku mwanya wa 4 muri shampiyona ishize ariko na none yemeza ko bamwifuza.

Ati “kuyerekezamo ntabwo nabihamya. Igihari ikipe yanyeretse ko inyifuza. “

Dylan Francis Georges Maes w’imyaka 21 yahamagawe bwa mbere mu ikipe y’igihugu y’u Rwanda muri 2018 hari mu batarengeje imyaka 20 yakuwemo na Zambia mu gushaka itike y’igikombe cy’Afurika.

Dylan Maes ashobora kwerekeza mu cyiciro cya mbere muri Latvia

Source : http://isimbi.rw/siporo/article/myugariro-mpuzamahanga-w-amavubi-ashobora-gutandukana-n-ikipe-ye-akerekeza-muri-lativia

Iby'uko ibishishi bishobora gukizwa no gukora imibonano mpuzabitsina ni ibintu abantu bose bajyaho impaka.

Ni nka rwa rwenya ruti 'Bamwe barabyemeza abandi bakabihakana'.

Rero muri iyi nkuru turibuze kurebera hamwe niba koko gukora imibonano mpuzabitsina bikiza indwara y'ibishishi.

Isano hagati y'indwara y'ibishishi n'ubuzima bw'imyororokere.

Bimwe mu bitera indwara y'ibishishi ni ukwiyongera kw'imisemburo y'imyororokere (Estrogen na Testosterone). Iyi misemburo itangira gukorwa ku bwinshi mu gihe cy'ubugimbi n'ubwangavu. Iyi ni nayo mpamvu iyi ndwara ikunze kwibasira cyane ingimbi n'abangavu.

Abavuga ko gukora imibonano mpuzabitsina bikiza ibishishi babihera he?

Ubushakashatsi bwerekanye ko gukora imibonano mpuzabitsina myiza (Ni ukuvuga ubyemerewe kandi nta ngaruka bizakugiraho) bigira ingaruka nziza ku buzima bw'umuntu. Muri zo harimo no kugabanya stress. Nkuko kandi twabibonye mu nkuru yacu ku ndwara y'ibishishi, stress zongera ibyago byo kwibasirwa niyi ndwara.

Rero hari abitwaza iyi ngingo maze bakemeza ko gukora imibonano mpuzabitsina bikiza indwara y'ibishishi. Nibyo imibonano mpuzabitsina ishobora kugabanya stress ariko iyo abayikora batashakanye akenshi niyo iba imbarutso y'ukwiyongera kwa stress ahubwo naya ndwara washakaga kuvura ikiyongera.

Hari abantu kandi batekerezako gukora imibonano mpuzabitsina bigabanya imisemburo mu mubiri w'umuntu maze icyateraga ibishishi kikavaho. Niba nawe utekereza muri ubwo buryo reka ngukurire inzira ku murima. Imisemburo tuvuga ntabwo ari amasohoro ngo ibe yasohoka mu gihe cy'imibonano mpuzabitsina. Ubundi abantu bose baba abakora imibonano mpuzabitsina cyane cyangwa se abatayikora namba, bagira urugero rw'imisemburo bagira kandi akenshi ijya kungana. Rero ubwinshi by'imisemburo ntibwiyongera kubera imibonano mpuzabitsina.

Bene iyi myumvire itariyo ku misemburo iriganje ahantu henshi kandi igisekeje ni uko iba ivuguruzanya. Ni nka kwa kundi abantu bajya babona umukobwa ufite amabere manini bagahita bafata umwanzuro ko afite imisemburo myinshi ngo yatewe nuko akora imibonano mpuzabitsina cyane! Nonese iyo bigeze ku mabere imibonano mpuzabitsina yongera imisemburo naho ku bishishi ikayigabanya? Ni ibinyoma.

Ukuri ni ukuhe?

Ese kuki hari abagore bafite abagabo bafite ibishishi? Iki kibazo nawe wakibaza maze ukumva ku buryo bworoshye niba gukora imibonano mpuzabitsina bikiza ibishishi.

Ukuri ni uko imibonano mpuzabitsina idakiza ibishishi.

Source : https://yegob.rw/reba-impamvu-itangaje-ituma-bamwe-bemeza-ko-gukora-imibonano-mpuzabitsina-bivura-ibishishi/

Perezida wa Gasogi United FC, Kakoza Nkuriza Charles (KNC), yavuze ko Rayon Sports bazayitsinda ku nabi cyangwa ku neza mu mukino w'Umunsi wa 15 wa Shampiyona,bafitanye ku wa 23 Ukuboza.

Mu kiganiro yagiranye Fine FM mu gitondo cyo kuri uyu wa 20 Ukuboza 2022, Perezida wa Gasogi United, Kakoza Nkuriza Charles (KNC),yavuze ko gahunda yabo ari ukwivuna Rayon Sports bataratsinda.

Ati 'Ikipe tugiye gukina ndayizi kandi ibyo kuba tutarayitsinda ntabwo ari byo twimirije imbere. Ikindi kandi kuri iyi nshuro tuzayitsinda ku nabi cyangwa ku neza.'

Yongeyeho ko kuva Gasogi United imaze imikino ibiri ibona amanota atatu, Rayon Sports itabona na rimwe na yo ari impamvu ituma itazamuhagarara imbere.

Ati 'Tumaze imikino itanu tudatsindwa, none se ni gute iyo kipe idaheruka gutsinda yaduhagarara imbere? Hari ibintu mujya mukinisha, Gasogi United ntabwo ikiri ya kipe ya kera.

Mwafashe Rayon Sports murayibeshyera, murayisigiriza, murayitaka, mukanayishuka. Ibyo byose ugiye mu mibare usanga nta mukinnyi wa Rayon Sports uhagarara imbere y'uwa Gasogi United.'

Yisekera cyane, Kakoza Nkuriza Charles yongeye kuvuga ko gutsindwa na Rayon Sports kuri iyi nshuro, Gasogi United FC yaba ari ikipe 'isekeje'.

Gasogi United yahagamye amwe mu makipe akomeye hano mu Rwanda arimo Kiyovu Sports na Police FC yakuyeho amanota atatu ndetse na APR FC yakuyeho inota rimwe.

Rayon Sports iri ku mwanya wa kabiri n'amanota 28, irarusha Gasogi United amanota atatu, iri ku mwanya wa gatanu.

Source : https://umuryango.rw/imyidagaduro/imikino/article/perezida-wa-gasogi-united-yongeye-kuvuga-amagambo-asesereza-rayon-sports-bagiye

Umugabo wo mu mujyi wa Kigali yanditse agisha inama nyuma y'aho umugore we amubujije kugira umuntu ubasura mu rugo rwabo.

Uyu mugabo asobanura ko uyu mugore amuzengereje kuko yakundaga gusurwa none abantu b'inshuti ze bakaba baramushizeho.

Yagize ati:'Muraho?Njyewe madam arandembeje kabisa! Nyewe ndi umuntu ukunda abantu, kuva nkiri n'umusore iwanjye hahoraga abantu. Ariko aho nshakiye umugore abajama banjye bagiye kunshiraho kubera amategeko ye. Ngaho ngo ntawinjiza inkweto, ngaho ngo hari uburyo bwo kwicara mu ntebe, ngo ntawuvugira hejuru, ngo nta muntu uhanywera byeri ebyiri ngo bizana ubusinzi. Abantu ntibagishaka kunsura kandi iyo nagiye gusangira n'abajama nabyo biba ikibazo, ubu uru ni urugo rugiye kunca ku nshuti burundu?'

Source : https://yegob.rw/umugabo-wi-kigali-azengerejwe-numugore-we-ushaka-kumuca-ku-nshuti-ze/

Mbere yo guhura na Rayon Sports, perezida wa Gasogi United, Kakooza Nkuriza Charles [KNC], yavuze ko kuri iyi nshuro bagomba gutsinda iyi kipe kuko Gasogi atari ya yandi bazi.

Ku wa Gatanu Rayon Sports izakira Gasogi United mu mukino w’umunsi wa 15 ari na wo usoza igice kibanza cya shampiyona ya 2022-23.

Ni umukino umutoza wa Rayon Sports, Haringingo Francis agiye gukina ari ku gitutu nyuma yo gutsindwa na APR FC mu mukino uheruka, awutsinzwe bishobora kumukoraho.

KNC akaba yabwiye Fine FM ko Rayon Sports idaheruka amanota itaza kuyabona kiri Gasogi United imaze imikino 5 idatsindwa.

Ati “Tumaze imikino itanu tudatsindwa, none se ni gute iyo kipe idaheruka gutsinda yaduhagarara imbere? Hari ibintu mujya mukinisha, Gasogi United ntabwo ikiri ya kipe ya kera.'

Yakomeje avuga ko abantu bafashe Rayon Sports bakayikabiriza kandi nyamara nta kintu ifite ku buryo yahagarara imbere ya Gasogi United.

Ati “Mwafashe Rayon Sports murayibeshyera, murayisigiriza, murayitaka, mukanayishuka. Ibyo byose ugiye mu mibare usanga nta mukinnyi wa Rayon Sports uhagarara imbere y’uwa Gasogi United.'

Kuba Gasogi United itarabasha gutsinda na rimwe Rayon Sports atari byo bareba kuko kuri iyi nshuro bagomba kuyitsinda ku kabi n’akeza.

Gasogi United iri ku mwanya wa 5 n’amanota 25, Kiyovu Sports na APR FC zifite 27, Rayon Sports ni iya 2 n’amanota 28 mu gihe AS Kigali ya mbere ifite 30.

KNC yavuze ko azatsinda Rayon uko byagenda kose

Source : http://isimbi.rw/siporo/article/mwafashe-rayon-sports-murayibeshyera-murayisigiriza-murayitaka-mukanayishuka-knc

Inteko Rusange ya Sena, kuri uyu wa Mbere yemeje gutumiza uhagarariye Guverinoma, ngo atange ibisobanuro mu magambo ku ngamba zo gukuraho imbogamizi zigaragara mu gukumira no kurwanya impanuka zo mu muhanda.

Ni icyemezo cyafashwe nyuma yo kugezwaho raporo ya Komisiyo y'Ububanyi n'Amahanga, Ubutwererane n'Umutekano, ku gikorwa cyo kumenya ibikorwa mu gukumira no kurwanya impanuka zo mu muhanda.

Zimwe mu mpamvu zitera impanuka zagaragajwe na Komisiyo zirimo imiterere y'imihanda, harimo imihanda yubatswe kera iteye nabi; imikoreshereze y'ibinyabiziga, ahanini ibitarakorewe ubugenzuzi; n'imikorere y'amagaraje akenshi usanga adakorerwa ubugenzuzi.

Komisiyo yavuze ko hari byinshi byakozwe birimo kuba harashyizweho Politiki yo gutwara abantu n'ibintu na Politiki y'igihugu y'umutekano, n'ingamba zo gushyiraho ibigo bisuzuma ibinyabiziga, gupima abatwara banyoye ibisindisha na kamera (camera) zo ku muhanda, mu gukumira no kurwanya impanuka.

Nyamara ngo impanuka zakomeje kwiyogera, ku buryo zavuye ku 4160 mu 2020 zigera ku 8639 mu 2021, ndetse muri uyu mwaka wa 2022 nubwo utararangira, hamaze kuba impanuka 8,660.

Izo mpanuka zahitanye abantu benshi, barimo 629 mu 2020, 655 mu 2021 na 687 bamaze gupfa muri uyu mwaka wa 2022.

Perezida wa Komisiyo y'Ububanyi n'Amahanga, Ubutwererane n'Umutekano Hadija Ndangiza Murangwa, yavuze ko abo bantu bapfuye ari benshi, kuko ari impuzandengo y'abantu babiri bicwa n'impanuka ku munsi.

Ati “Iki ni ikibazo dukwiye guhagurukira kugira ngo tumenye impamvu zigitera n'uburyo bwo gukumira izi mpanuka.”

Senateri Emmanuel Havugimana yavuze ko iyi mibare ishyira u Rwanda ku mwanya wa 15 ku isi mu bihugu 153, mu kugira impanuka zihitana abantu benshi, ashingiye kuri raporo y'Ishami ry'Umuryango w'Abibumbye ryita ku buzima, OMS, igaragaza ko mu bantu 100,000, abantu 44 bicwa n'impanuka buri mwaka.

Ni ibintu yagaragaje ko bikwiye gufatirwa ibyemezo, kuko nko mu Busuwisi, ho bageze ku muntu umwe wicwa n'impanuka mu bantu 100,000.

Senateri Ndangiza yavuze ko muri iyo gahunda, Minisitiri w'Intebe ubwe akwiye kwitaba Sena cyangwa akohereza minisitiri ubifite mu nshingano, agasubiza ibibazo by'abasenateri.

Muri iyi minsi impanuka zimaze kuba nyinshi, aho mu bihe bitandukanye zakunze gukorwa n'amakamyo manini atwara ibyifashishwa mu bwubatsi azwi nka HOWO, bamwe bagakeka ko yaba afite ikibazo cyihariye, nubwo nta cyemezo cy'abahanga kirabyemeza.

Uretse izo modoka ariko, n'ubundi bwoko bw'imodoka bukomeje gukora impanuka, aho nko mu mujyi wa Kigali, mu cyumweru kimwe gusa hamenyekanye impanuka eshatu zikomeye kandi zishe abantu.

Ku mugoroba wo kuri uyu wa Mbere, mu Murenge wa Bumbogo mu Karere ka Gasabo ahazwi nko mu Izindiro, habereye impanuka y'imodoka yo mu bwoko bwa FUSO, umuntu umwe ahita yitaba Imana, abandi babarirwa mu icumi barakomereka.

Ku wa Gatanu nabwo abanyonzi babiri bagonzwe n'imodoka bahita bitaba Imana, abanyamaguru batatu bakomereka bikabije, ubwo imodoka yo mu bwoko bwa Fuso yataga umuhanda mu Murenge wa Gatsata, mu Karere ka Gasabo.

Ni mu gihe ku wa 13 Ukuboza 2022, impanuka y'imodoka nini itwara abagenzi mu buryo rusange yabereye ku Kicukiro mu Mujyi wa Kigali, ihitana abantu babiri barimo umumotari n'umugenzi yari ahetse, nyuma yo gucika feri.

Ibigo by'ubwishingizi nabyo byakomeje kugaragaza ko impanuka zazamutse cyane, ku buryo biri mu bituma bigira ibihombo.

IVOMO:IGIHE

Source : https://umuryango.rw/amakuru/mu-rwanda/politiki/article/sena-igiye-guhata-ibibazo-minisitiri-w-intebe-ku-kibazo-cy-impanuka-zikabije-mu

Abahanga mu by'amateka bo mu Bufaransa bari mu Rwanda, aho baje guhugura abakozi ba Minisiteri y'Ubumwe bw'Abanyarwanda n'Inshingano Mboneragihugu (Minubumwe ) ndetse n'abafatanyabikorwa bayo ku bijyanye no kubungabunga inzibutso n'ibimenyetso bya Jenoside yakorewe Abatutsi muri Mata 1994.

Muri aya mahugurwa y'iminsi ibiri yatangiye tariki 20 Ukuboza 2022, Abakozi ba Minubumwe ndetse n'abafatanyabikorwa bayo bazahugurwa no ku ikoranabuhanga ryo kubika  impapuro za gacaca ndetse n'izindi zizingatiye amateka ya jenoside, ku buryo zimara igihe kirekire zitangiritse.

Minisitiri  wa Minubumwe, Dr. Jean Damascène BIZIMANA, yavuzeko bafitanye amasezerano y'imyaka itatu n'aba bahanga mu  by'amateka, akaba yizeye ko iyi mikoranire izarushaho kongera ubumenyi bw'abakozi ba Minisiteri ayoboye.

Yagize ati 'Kwiga ni ikintu kidahagarara, abakozi ba Minubumwe benshi ni bashya ku buryo bakeneye ubumenyi ku bijyanye no kubungabunga amateka bakeneye ubumenyi ku bijyanye no kubungabunga inzibutso […] aba bashakashatsi rero b'abanyamahanga b'inzobere nicyo kinini baduha.'

Umunyamateka w'Umufaransa, Stéphane Audoin-Rouzeau, yacyeje intambwe u Rwanda rwateye mu bijyanye no kubungabunga amateka ya Jenoside yakorewe Abatutsi, kwibuka abo yahitanye no kwimakaza ubumwe n'ubwiyunge.

Yakomeje avuga ko mu myaka ishize, u Rwanda rwakoze byinshi mu kubika no kubungabunga ibimenyetso by'amateka ya jenoside.

Aba banyamateka bo mu Bufaransa barimo n'abakora ku Rwibutso rwa Jenoside yakorewe Abayahudi ruri i Paris ruzwi nka 'Le Mémorial de la Shoah' bafitanye amasezerano y'imikoranire na Minubumwe y'imyaka itatu, bikaba byitezwe ko azarangira yongereye ubumenyi abakozi b'iyi Minisiteri mu bijyanye no kubungabunga ku buryo burambye kandi bugezweho, ibimenyetso n'amateka ya jenoside yakorewe Abatutsi.

[email protected]

 

The post Abakozi ba Minubumwe bahuguwe ku bijyanye no kubungabunga amateka ya jenoside ku buryo burambye -Video appeared first on IRIBA NEWS.

Source : https://iribanews.rw/2022/12/20/abakozi-ba-minubumwe-bahuguwe-ku-bijyanye-no-kubungabunga-amateka-ya-jenoside-ku-buryo-burambye-video/

Rutahizamu w'Ikipe y'Igihugu ya Argentine, Lionel Messi yabonye indi ntsinzi imbere ya Cristiano Ronaldo ubwo ifoto ye afite Igikombe cy'Isi yabaga iya mbere y'umukinnyi ikunzwe n'abantu benshi kuri Instagram.

Nyuma yo gutsinda u Bufaransa kuri penaliti 4-2 ku mukino wa nyuma w'Igikombe cy'Isi ku Cyumweru, Messi usanzwe ukinira PSG yagiye kuri Instagram ashyiraho amafoto 10 bishimira iki gikombe muri Qatar.

Mu masaha 17 yari amaze kuva ayashyizeho, abayakunze bari bageze kuri miliyoni 52 ndetse yamaze no kurenza miliyoni 400 z'abantu bamukurikira kuri uru rubuga nkoranyambaga.

Aya mafoto, Messi yayakurikije amagambo avuga ko ari bo batwaye Igikombe cy'Isi. Yongeyego ati 'Nabirose inshuro nyinshi cyane, nabishakaga cyane kandi sinacitse intege….'

Source : https://yegob.rw/uretse-gutsindira-igikombe-cyisi-nimitima-yabantu-messi-yatsindiye-urubuga-rwa-instagram/

Mugisha Bonheur ukinira APR FC ari mu bakinnyi batandatu batemerewe gukina umunsi wa 15 ubwo ikipe ye izaba yasuye Etincelles FC i Rubavu.

Ejo ku wa Gatatu tariki ya 21 Ukuboza ni bwo hazatangira gukinwa umunsi wa 15 wa shampiyona y’icyiciro cya mbere 2022-23, ni na wo munsi usoza igice kibanza cya shampiyona.

AS Kigali ejo izakira Sunrise FC kuri Stade Regional i Nyamirambo aho isabwa kuyitsinda kugira ngo yizere gusoza igice kibanza cya shampiyona iyoboye urutonde.

APR FC izakina na Etincelles FC ku wa Kane, ni mu gihe Rayon Sports yo izakira Gasogi United.

Kugeza ubu AS Kigali ni yo iyoboye urutonde n’amanota 30, Rayon Sports 28, APR FC na Kiyovu Sports zifite 27. Marines FC na Espoir FC ni zo za nyuma n’amanota 7.

Gahunda y’umunsi wa 15

Ku wa Gatatu tariki ya 21 Ukuboza 2022

AS Kigali vs Sunrise FC
Musanze FC vs Police 3
Espoir FC vs Gorilla FC
Rwamagana City vs Mukura VS
Rutsiro FC vs Bugesera FC

Ku wa Kane tariki ya 23 Ukuboza 2022

Etincelles vs APR FC

Ku wa Gatanu tariki ya 23 Ukuboza 2022

Marines FC vs Kiyovu Sports
Rayon Sports vs Gasogi United

Abakinnyi batemerewe gukina umunsi wa 15

Mugisha Bonheur (APR FC)

Ally Kwitonda (AS Kigali)

Mercy Duru Ikemna (Gorilla FC)

Eric Karema (Gorilla FC)

Obed Harerimana (Musanze FC)

Emilie Kwizera Bahati (Rutsiro FC)

Watanga Shukulu Jules (Rutsiro FC)

Mugisha Bonheur wa APR FC ntabwo yemerewe gukina umunsi wa 15

Source : http://isimbi.rw/siporo/article/umukinnyi-wa-apr-fc-muri-7-batemerewe-gukina-umunsi-wa-15

Umuperi w’umunyamerika, Aubrey Drake Graham ari mu marira menshi nyuma yo guhomba miliyari y’amanyarwanda kubera Argentine na Lionel Messi.

Uyu muraperi yari yategeye Argentine ko iri butsinde u Bufaransa ku mukino wa nyuma w’igikombe cy’Isi wabaye tariki ya 18 Ukuboza 2022 maze ikegukana igikombe cy’Isi.

Uyu mugabo yari yashyizeho miliyoni y’amadorali (Miliyari y’amafaranga y’u Rwanda) agomba gutsindira miliyoni 2.75 z’amadorali y’Amerika.

Argentine yaje kwegukana iki gikombe ariko iminota 90 yari yarangiye 2-2 hongerwaho iminota 30 umukino urangira ari 3-3 hitabazwa penaliti Argentine igitwara kuri penaliti 4-2. Gusa uko yari yabetinze yari yabetinze iminota 90.

Bivuze ko uyu Drake yahombye kuko yategeye Argentine gutsinda ariko iminota y’umukino yarangiye banganyije.

Drake wari washyize ibyo yaguze kuri Twitter, yaje guhita asiba ubu butumwa nyuma y’iminota mike ahombye.

Uyu mugabo ukunze kugaragaza ko akunda kubetinga, gusa ntaragira amahirwe yo kurya kuko muri Gicurasi yahombye ibihumbi 200 by’amadorali ni mu gihe mu Gushyingo yari yahombye miliyari 2 z’amadorali.

Ibyo Drake yari yaguze

Drake ari mu marira menshi nyuma yo guhomba

Source : http://isimbi.rw/imyidagaduro/article/umuraperi-drake-mu-marira-menshi-kubera-lionel-messi