Webrwanda Backend

Author: webrwanda

  • Kardinali George Pell ati: Papa Francis ni 'akaga' #rwanda #RwOT

    George Pell, umukardinali utavugwaho rumwe uherutse gupfa, yasize asohoye urwandiko rutagira izina rya nyirarwo anegura ubuyobozi bwa Papa, aho yavugaga ko ari 'akaga', nk'uko bivugwa n'umunyamakuru warusohoye.

    Uyu mukaridinali w'umunya-Australia wapfuye ku wa kabiri afite imyaka 81, yabaye umwe mu bafasha ba Papa Francis/François bo hejuru mbere yo kwegra kugira ngo ahangane n'ibirego by'ihohotera rishingiye ku gitsina yashinjwaga ko yakoreye abana.

    Uru rwandiko rwasohorewe ku rubuga rwa Interineti rwa Vaticani mu mwaka ushize ruriko izina ritari ryo.

    Rushyira ahabona ibyo nyiri ukurwandika yita ko ari ibyo papa uriho yananiwe gukora hamwe n'urutonde rw'ibyagenderwaho mu gutora uzamusimbura.

    Muri uru rwandiko rutagira nyirarwo, nyiri kurwandika yavuze ko 'Kristu arimo kwigizwa kure' ya kiliziya kuri Papa Francis kandi ko icyubahiro cya politike cya Vaticani cyagabanutse kugera 'ku rugero rwo hasi' ku buyobozi bwe.

    Uru rwandiko rugira ruti: “Abakunze gutanga ibyiyumviro byabo ahantu hose, ku bintu bitandukanye…baremeza ko ubuyobozi bw'uyu mupapa ari ibyago mu buryo bwinshi cyangwa hafi ya bwose; ni akaga'.

    Rumushinja ko yinumiye ku bibazo bijyanye n'imyitwaire iboneye — nko ku bijyanye n'uburenganzira bwa muntu muri Hong Kong n'Ubushinwa hamwe n'igitero cy'Uburusiya kuri Ukraine.

    Uru rwandiko rugira ruti: “Ibikorwa nyamukuru ku mupapa mushya bizaba gusubiza ibintu mu nzira nziza, kugarura umuco mu kwemera no mu myitwarire iboneye, kugarura iyubahirizwa ry'amategeko no kwemeza ko ikintu cya mbere cyo gufatiraho mu kugena abepiskopi ari ukwemera kugendera ku mico y'abatumwa'.

    Umunyamakuru w'umutaliyani, ari na we wasohoye uru rwandiko bwa mbere, yabwiye Reuters ejo ku wa kane ko Kardinali Pell yari 'yashatse ko ndusohora'.

    Padiri Joseph Hamilton, umunyamabanga wa Kardinali Pell, yanze kugira icyo atangaza mu binyamakuru bitari bike byamushatse, akavuga ko ikimuraje 'ishinga gusumbya ibindi ari icyunamo'. Umuvugizi wa Vaticani na we yanze kugira icyo atangaza.

    Ejo ku wa gatandatu nibwo Papa Francis azasezera bwa nyuma Kardinali Pell mu misa yo gusabira abapfuye, nk'uko bisanzwe bigenda kuba kardinali.

    Mu ntangiriro z'iki cyumweru, ikinyamakuru The Spectator cyasohoye inkuru kivuga ko yanditswe na Pell mbere y'uko apfa.

    Muri iyo nkuru, Kardinali Pell yavugaga ko ibiganiro Papa yagiranye n'abalayiki (laïcs) ku bibazo by'ingutu, nko ku byerekeye inyigisho za kiliziya ku bijyanye n'ubuzima mpuzabitsina hamwe n'uruhara rw'abagore, nk' 'indoto z'ubumara'.

    Kardinali Pell yagizwe Minisitiri w'ubukungu na Papa Francis mu 2014, kandi akaba yafatwaga nk'umutegetsi wa gatatu i Vaticani.

    Ariko uyu mutegetsi wa kiliziya yavuye muri uwo mwanya mu 2017 ahita asubira muri Australia kugira ngo yitabe inkiko ku byaha by'ihohotera rishingiye ku gitsina yashinjwaga ko yakoreye abana.

    Yaje gufungwa ariko nyuma aza kugirwa umwere.Niwe mutegetsi wa Kiliziya gatorika wenyine wafungiwe ibyaha nk'ibyo.

    BBC

    Source : https://umuryango.rw/ubuzima-115/iyobokamana/article/kardinali-george-pell-ati-papa-francis-ni-akaga

  • Imodoka yo muri Congo yishe umunyarwanda, Umushoferi n’abo yaratwaye baracika #rwanda #RwOT

    Umushoferi n’abari muri iyo modoka bayivuyemo bariruka.

    Iyi mpanuka yabereye mu murenge wa Nyakarenzo, mu kagari ka Karangiro mu mudugudu wa Kabayego.

    Ku isaha ya saa munani n’iminota 40 nibwo iyo modoka ifite purake CGO 9428AC22 yatobotse ipine ita umuhanda igonga umugabo witwa Niyonzima Emmanuel w’imyaka 35 y’amavuko wari utuye mu murenge Gashonga, mu kagari ka Buhokoro mu mudugudu wa Gahinga ahita apfa.

    Ntwawizera Jean Pierre Umunyamabanga Nshingwabikorwa w’Umurenge wa Nyakarenzo yemeje iby’iyi mpanuka, ndetse yihanganisha abaturage.

    Yagize ati 'Yari ifite umuvuduko mwinshi ipine iratoboka, imodoka irenga umuhanda igonga udupoto two ku muhanda tw’utugarurarumuri n’umungabo witwa Niyonzima Emmanuel ahita apfa.'

    Uyu muyobozi yavuze ko umushoferi n’abagenzi bane bari mu modoka bayivuyemo bariruka, hafatwamo abagenzi babiri.

    Ati 'Abandi kugeza ubu baracyashakishwa, umurambo uri mu bitaro bya Gihundwe. Twihanganishije abaturage, tunabasaba kwirinda guhagarara ku muhanda kuko impanuka itera itateguje'.

    Amakuru ava mu baturage baturiye uyu muhanda avuga ko imodoka zituruka muri Congo zikunze kuhakoresha umuvuduko mwinshi zisiganwa no kugira ngo mu mupaka batazifungiraho.

    Ivomo:Umuseke

    Source : http://www.ukwezi.rw/Mu-rwanda/Amakuru-anyuranye/Imodoka-yo-muri-Congo-yishe-umunyarwanda-Umushoferi-n-abo-yaratwaye-baracika

  • M23 yateye indi ntambwe i Mombassa #rwanda #RwOT

    Bertrand Bisimwa n’intumwa ayoboye Lawrence Kanyuka, Colonel Castro, na Benjamin Mbonipa bahuriye n’umuhuza Uhuru Kenyatta i Mombasa, baganira ku bijyanye no gukomeza kuva mu bice bari barafashe.

    Itangazo rivuga ko inyeshyamba za M23 ziyemeje gukomeza kuva mu duce zafashe mu rwego rwo kugaragaza ubusake mu gushyira mu bikorwa agahenge ko guhagarika imirwano kemejwe.

    M23 kandi ngo yiyemeje gukomeza gukorana bya hafi n’ingabo z’Umuryango wa EAC zigenda zifata uduce twahozemo inyeshyamba.

    Ibi biri mu myanzuro yari yafashwe n’Abakuru b’ibingabo z’ibihugu bya EAC mu nama yabereye i Bujumbura.

    Itangazo ry’ibiro bya Uhuru Kenyatta rivuga ko M23 yiyemeje gukomeza kuva mu bice yafashe kandi bikagenzurwa n’ingabo za EAC n’urwego rushinzwe kugenzura ibibera ku mipaka, rwa ICGLR, ndetse himejwe ko abavuye mu byabo n’impunzi bakomeza gutaha mu ngo zabo.

    M23 yasabye ko umuhuza aharanira ko amahoro agaruka muri Congo, ndetse basaba ko imitwe y’inyeshyamba yaba iyo muri Congo n’ikomoka hanze yayo irambika intwaro hasi, kandi igahagarika ibitero kuri M23 mu rwego rwo gushaka igisubizo mu mahoro.

    Inama y’umuhuza Uhuru Kenyatta n’abayobozi ba M23 ngo yasanze hari intambwe iterwa mu kugaruka kw’ituze mu Ntara ya Kivu ya Ruguru, ndetse ngo abavuye mu byabo batangiye gutaha.

    M23 yagaragaje ko ishyigikiye ubushake bw’ibihugu by’Akarere mu gushakira amahoro uburasirazuba bwa Congo, by’umwihariko inama iheruka guhuza Uhuru Kenyatta, Perezida Ndayishimiye Evariste ndetse na Perezida Felix Tshisekedi.

    Ngo yanashimye ko ibiganiro bitaha bizaba mu kwezi kwa Kabiri bizabera muri Congo mu rwego rwo kubyegereza bene byo.

    Uyu mutwe wanasabye Uhuru Kenyatta gusaba ko imbwirwaruhame n’ibikorwa byibasira abantu kubera abo bari bo bihagarara.

    Ubusanzwe M23 Leta ya Congo ivuga ko ari umutwe w’Iterabwoba, ko itaganira na wo, gusa mu biganiro byahuje u Rwanda na Congo i Luanda muri Angola, hemejwe ko M23 iva mu bice yafashe noneho Leta ya Congo ikabona kuganira na bo.

    Ntihavuzwe niba mu biganiro bitaha bizahuza Abanye-Congo, n’umutwe wa M23 uzaba ubirimo.

    Source : http://www.ukwezi.rw/Mu-mahanga/Amakuru-anyuranye/M23-yateye-indi-ntambwe-i-Mombassa

  • Ukora amasanduku yo gushyinguramo yafashwe agiye kwica umurwayi mu bitaro kugira ngo abone ikiraka #rwanda #RwOT

    Umugabo wo muri Kameruni ukora amasanduku yo gushyinguramo yatawe muri yombi na polisi azira gushaka kwica umurwayi mu bitaro kugira ngo abone ikiraka kuko yari amaze iminsi yaraheraniwe.

    Amakuru aravuga ko uyu mugabo w'imyaka 33 wari warabuze aho acuruza amasanduku ye,yinjiye mu bitaro byari hafi y'aho akorera,ashaka guhuhura umurwayi wa Cholera wari uharwariye.

    Icyakora ibi ntabwo byamuhiriye kuko ngo ubwo yari agiye gucomora serumu yari yatewe umurwayi yafashwe n'umuganga wo muri ibi bitaro ahita ahamagara inzego zishinzwe umutekano

    Ibi biravugwa ko byabereye ahitwa Limbe,umujyi wegereye inyanja uri mu majyepfo ashyira uburengerazuba bwa Cameroon.

    Iyi nkuru ntihavuzwe igihe ibi byabereye.


    Source : https://umuryango.rw/ubuzima-115/udushya/article/ukora-amasanduku-yo-gushyinguramo-yafashwe-agiye-kwica-umurwayi-mu-bitaro

  • Messi yahawe umushahara udasanzwe n'ikipe isanzwe ari mukeba wa Al Nassr ya CR7 #rwanda #RwOT

    Umunyabigwi Lionel Messi arashakishwa n'ikipe yo muri Saudi Arabian yitwa Al Hilal ngo imuha amasezerano yatuma azajya ahembwa miliyoni 245 z'amapawundi buri mwaka nkuko amakuru avuga

    Cristiano Ronaldo bahora bahanganye yerekeje muri iki gihugu muri uku kwezi ahabwa amasezerano azajya atuma ahembwa akayabo ka Miliyoni 173 z'amapawundi buri mwaka na Al Nassr.

    Ibi bivuze ko Messi aramutse agiye muri Saudi Arabia yaba arusha kure cyane umushahara mugenzi we Ronaldo.

    Ronaldo kugeza ubu niwe uhembwa amafaranga menshi kurusha abandi bakinnyi bose mu mikino yose ikinwa ku isi.

    Umushahara we,uruta uwa Mbappe,Messi,Neymar Jr na Iniesta bose ubateranyije cyane ko aribo bamukurikira.

    Messi yemeye kujya muri iriya kipe yaba yanditse andi mateka nyuma yo kwegukana igikombe cy'isi.

    Nkuko Mundo Deportivo ibivuga, Messi ashobora guhabwa aya mahirwe yo kurusha Ronaldo umushahara mu mezi make ari imbere.

    Uyu munya Argentina w'imyaka, 35 azaba arangije amasezerano afitanye na Paris Saint-Germain mu mpeshyi.

    Amakuru avuga ko hari ubwumvikane bwabayeho hagati y'impande zombi ko uyu munyabigwi azongera amasezerano.

    Al Hilal niwe mukeba wa mbere wa Al Nassr muri Saudi ndete buri mwaka bakina “Riyadh derby”iba ikoemye.

    Messi yemeye,yarusha miliyoni 70 Ronaldo ku mushahara yemerewe guhabwa.

    Al Hilal ishaka Messi iri ku mwanya wa 3 muri Saudi Pro League,irushwa amanota 3 na Al Nassr ya mbere.

    Source : https://umuryango.rw/imyidagaduro/imikino/article/messi-yahawe-umushahara-udasanzwe-n-ikipe-isanzwe-ari-mukeba-wa-al-nassr-ya-cr7

  • Itangazo:NSENGIYUMVA Kumbuka Jean De Dieu yasabye guhindura amazina akitwa NTWARI Aime Moise #rwanda #RwOT

    Uwitwa NSENGIYUMVA Kumbuka Jean De Dieu yasabye guhindura amazina mu buryo bwemewe n'amategeko akitwa NTWARI Aime Moise mu bitabo by'irangamimerere.

    Impamvu atanga zituma asaba guhindura amazina akaba ari uko ari amazina ari kuri Passport.

    Source : https://umuryango.rw/amatangazo/article/itangazo-nsengiyumva-kumbuka-jean-de-dieu-yasabye-guhindura-amazina-akitwa

  • Luvumvu yasubije abibaza niba azemererwa gukinira Rayon Sports #rwanda #RwOT

    Rutahizamu Hertier Luvumvu yasubije abibaza niba azemererwa gukinira Rayon Sports kandi atujuje ibisabwa avuga ko nta makuru azi kuri ibyo.

    Mu kiganiro n'abanyamakuru nyuma y'umukino wa gicuti Rayon Sports yatsinzemo Heroes FC ibitego 4-1,Luvumbu yavuze ko ingingo zimubuza gukinira iyi kipe yamugaruye ntazo azi.

    Yagize ati “Njyewe ntabyo nzi.N'ukubaza ubuyobozi.Njyewe nta kintu na kimwe nzi.”

    Uyu mukinnyi yabajijwe ku cyatumye agaruka muri Rayon Sports,asubiza ati ” Mbere na mbere aha ni mu rugo.Numva meze neza iyo ndi hano.Ikindi narebye imikino y'ikipe mfite urubuga rwayo mbona imeze neza.”

    Yavuze ko iby'uko yari amaze igihe kinini adakina ari ibinyoma.Ati “Nakinnye imikino mike muri DCMP I Kinshasa ariko nyuma naje guhitamo kuza hano no kurangiza igice cya kabiri cya shampiyona hano.

    Nkina muri DCMP nta masezerano twari dufitanye,niyo mpamvu bampamgaye mpitamo kuza hano.”

    Héritier Luvumbu uheruka kongera gusinyira Rayon Sports, akomeje kuvugisha benshi nyuma y'uko kuri ubu afite imyaka 30 mu gihe hari itegeko rivuga ko umukinnyi uyirengeje atemerewe gusinya mu ikipe yo muri Shampiyona y'u Rwanda.

    Amakuru avuga ko Luvumbu yavutse tariki ya 23 Nyakanga 1992 ku byangombwa bigaragara. Uyu mukinnyi ariko ntabwo yaba arengeje imyaka 30 kuko imyaka 31 izuzura muri Nyakanga.

    Itegeko rya Ferwafa rivuga ko umunyamahanga winjira mu gihugu urengeje imyaka 30 y'amavuko agomba kuba nibura yarakiniye ikipe y'igihugu cye mu gihe cy'imyaka itatu ishize, nk'uko byemejwe n'Umuvugizi wungirije wa FERWAFA, Jules Karangwa, mu kiganiro yagiranye na IGIHE.

    Ati 'Umukinnyi wemewe ntabwo agomba kuba arengeje imyaka 30. Iyo arengeje iyo myaka tumusaba ibimenyetso by'uko agomba kuba agaragaza ko yakiniye ikipe y'igihugu mu myaka itatu itambutse.'

    Karangwa yongeyeho ko ikibazo cya Luvumbu bataracyakira kuko uyu mukinnyi atari yandikishwa ngo Ferwafa imenye ibyo yujuje n'ibyo atujuje kugira ngo yemererwe gukina mu Cyiciro cya Mbere mu Rwanda.

    Ku rundi ruhande,Umuvugizi wa Rayon Sports abinyujije kuri Twitter yagize ati “Luvumbu Hertier Nzinga afite ibyangombwa byose bimwemerera gukina #RPL aba
    @rayon_sportsNtimuhangayike ubuyobozi bwamuguze bwashishoje muri byose.”

    Mu yandi makuru,Umutoza Haringingo Françis wa Rayon Sports avuze ko nta mikino ya nyuma yahawe agomba gutsinda cyangwa akirukanwa, ashimangira ko imikino yo kwishyura nayo azayitoza.

    Rayon Sports kandi yasezereye Mindeke Jean-Pierre Fukiani, rutahizamu ukomoka muri Repubulika Iharanira Demokarasi ya Congo wari umaze iminsi mu igeragezwa nyuma yo gusanga nta gishya yaha ikipe.

    Source : https://umuryango.rw/imyidagaduro/imikino/article/luvumvu-yasubije-abibaza-niba-azemererwa-gukinira-rayon-sports

  • M23 yasabye Kenyatta ikintu gikomeye mu biganiro bagiranye I Nairobi #rwanda #RwOT

    Uhuru Kenyatta wahoze ari Perezida wa Kenya,Umuhuza mu bibazo by'umutekano muke muri RDC, yagiranye ibiganiro n'abayobozi b'Umutwe wa M23,kuri uyu wa 12 Mutarabana 2023.

    Ibi biganiro byabereye I Nairobi muri Kenya,byagarutse ku bikorwa byo kubahiriza imyanzuro yafashwe n'abakuru b'ibihugu byo mu karere igamije gushakira amahoro Uburasirazuba bwa Congo.

    Abayobozi ba M23 barimo Bertrand Bisiimwa bahuye na Kenyatta mu biganiro bigamije kwerekana ubushake bw'uyu mutwe bwo gushyira intwaro hasi, ikibazo cyawo kigakemuka binyuze mu biganiro.

    Itangazo ryashyizwe hanze n'Umuryango wa Afurika y'Iburasirazuba, abayobozi ba M23 bemeye gukomeza kubaha no gukorana n'Ingabo za EAC zishinzwe gutabara aho rukomeye zoherejwe mu Burasirazuba bwa RDC.

    Izi ngabo ni zo zisigaye zigenzura uduce tumwe na tumwe M23 yavuyemo turimo Kibumba n'utundi nk'uko byemejwe n'Inama y'Abakuru b'Ibihugu yabereye i Luanda muri Angola ndetse n'iy'Abagaba b'Ingabo zo mu Karere yabereye i Bujumbura ku wa 8 Ugushyingo 2022.

    Abayobozi ba M23 basabye Uhuru Kenyatta kugira uruhare mu bikorwa bigamije guharanira ko amahoro aboneka muri Congo kandi 'uburenganzira bw'abenegihugu bukubahwa' kandi 'imitwe yose yitwaje intwaro yaba ikomoka imbere mu gihugu n'iyo hanze yacyo irwanira mu Burasirazuba bwa RDC igashyira intwaro hasi', kandi igahagarika 'kugaba ibitero kuri M23 ahubwo igisubizo cy'amakimbirane kigashakirwa mu biganiro by'amahoro'.

    Muri iyi nama kandi hagarutswe ku bibazo by'umutekano muke muri RDC byatumye abaturage benshi bo mu Burasirazuba bw'igihugu bahunga.

    Ibiganiro bya Nairobi bihuriza hamwe imitwe yitwaje intwaro muri RDC bizongera kuba mu mpera za Gashyantare. Byitezwe ko bizafata imyanzuro ishingiye ku ntambwe imaze guterwa.

    Abayobozi ba M23 basabye ko imvugo z'urwango zikomeje kubibwa muri Congo zahagarara, umuhuza Uhuru Kenyatta, yemeranya nabo ko iki kibazo gikwiriye gushakirwa igisubizo.

    Source : https://umuryango.rw/amakuru/mu-mahanga/umutekano/article/kenyatta-yaganiriye-n-abayobozi-ba-m23-yakiriye-i-nairobi

  • Bill Ruzima yavuze impamvu yakoresheje ikirango cy'abaryamana bahuje igitsina mu kwamamaza Album ye #rwanda #RwOT

    Uyu muhanzi usigaye abarizwa mu Budage aho asigaye atuye, yifashishije Bibiliya, yabwiye Igihe ko igisobanuro cy'umukororombya we yakoresheje gitandukanye n'uburyo abandi bafata amabara yawo.

    Aha Bill Ruzima yifashishije ibyanditswe mu Itangiriro 9:13-16 agira ati “Nshyize umuheto wanjye mu gicu niwo mukororombya uzaba ikimenyetso cy'isezerano ryanjye n'Isi, ni uko ubwo nzajya nzana igicu hejuru y'Isi, umukororombya uzabonekera muri cyo. Nanjye nzajya nibuka isezerano riri hagati yanjye namwe n'ibibaho bifite umubiri byose maze ntihakongere kuba umwuzure urimbura ibifite umubiri byose. Umukororombya uzaba mu gicu nanjye nzajya nywureba kugira ngo nibuke isezerano rihoraho ry'Imana n'ibibaho bifite umubiri byose biri mu Isi.'

    Uyu muhanzi yavuze ko we ataryamana n'abo bahuje ibitsina ku buryo yari kuba abavugira, icyakora avuga ko n'ababikora atabacira urubanza.

    Ati 'Njye rero ntabeshye sinkoresha umukororombya mu buryo bwo kwamamaza ikintu na kimwe kindi. Njye nywukoresha mu buryo bwanjye. Abo bo bashobora gusobanura impamvu bawukoresha ariko njye nywukoresha ku giti cyanjye nanasobanurira buri umwe. Ntabwo mbayeho ngo mbacire urubanza kuko ndi umwana w'Imana nabo ni abana b'Imana, mbaho ku giti cyanjye.'

    Uyu musore wimukiye mu Budage muri Nyakanga 2022, ari mu myiteguro yo kumurika album ye ya mbere yise 'Mu nda y'Isi' amaze igihe atunganya.

    Ni album izaba igizwe n'indirimbo umunani zirimo; Mu nda y'Isi yanitiriye iyi album, Ishene yakoranye na Bushali, Inkambi, Mvungurira yakoranye na Prime Mazimpaka, Nta herezo ry'urukundo (yakoreye inshuti ye yitabye Imana),Hehe n'irungu, One day, na Vibe ni motherfucker.

    Izi ndirimbo hafi ya zose Bill Ruzima yazanditse ubwo yari akiri umunyeshuri mu ishuri rya muzika rya Nyundo.

    Src:Igihe

    Source : https://umuryango.rw/imyidagaduro/article/bill-ruzima-yavuze-impamvu-yakoresheje-ikirango-cy-abaryamana-bahuje-igitsina

  • Gatsata: Uruhinja rwakuwe mu bwiherero rutarashiramo umwuka #rwanda #RwOT

    Ibi byabaye mu gitondo cyo kuri uyu wa Kane tariki ya 12 Mutarama 2023, bibera mu Murenge wa Gatsata, Akagari ka Nyamabuye mu Mudugudu wa Ruvumera.

    Umunyabanga Nshingwabikorwa w'Umurenge wa Gatsata, Murebwayire Alphonsine, yabwiye ikinyamakuru UMUSEKE dukesha iyi nkuru ko urwo ruhinja rwabonywe n'uwari ugiye mu bwiherero, arwumva ruri kurira.

    Yagize ati' Umuturage wari ugiye gukoresha ubwiherero, yumva umwana ararira mu bwiherero, ahamagara Polisi nayo yifashisha ababishinzwe, ku bw'amahirwe avamo ari muzima. Ubu haracyakurikiranwa uwaba yamujugunyemo.'

    Gitifu Murebwayire, yavuze ko hagishakishwa amakuru ngo ukekwa gukora ayo mahano ashyikirizwe ubutabera.

    Yavuze ko umwana ari kwitabwaho ku Bitaro bya Kaminuza ya Kigali,CHUK.

    Ati' Yari muzima ariko yajyanywe no kwa muganga kugira ngo yitabweho, bimenyekane neza ko ari muzima byemejwe n'abaganga.'

    Uyu muyobozi yasabye abaturage by'umwihariko ababyara bibatunguye kwirinda kwihekura.

    Ati'Iyo wabyawe umwana uba wabonye inshingano. Kumujugunya siwo muti ahubwo inshingano zo kurera, umubyeyi wabyaye agomba kuzikomeza, yakenera n'ubufasha, ubuyobozi buba buhari, aho kugira ngo afate umwanzuro ugayitse wo kumujugunya.'

    Source : https://umuryango.rw/amakuru/article/gatsata-uruhinja-rwakuwe-mu-bwiherero-rutarashiramo-umwuka