Webrwanda Backend

Author: webrwanda

  • Igitego Fernandes yatsindiye Man United itsinda mukeba wayo City gikomeje kurikoroza #rwanda #RwOT

    Nyuma y'imikino myinshi ikipe ya Manchester United itsindwa mu buryo bugayitse na Manchester City,kuri uyu wa 14 Mutarama 2023 ibintu byahindutse United iyitsinda ibitego 2-1 birimo icya mbere gikomeje gutera impaka.

    Abakinnyi ba Manchester City na bamwe mu bakunzi ba ruhago bafite umujinya kubera iki gitego Manchester United yatsinze ku munota wa 78 ibifashijwemo na Bruno Fernandes nyamara Rashford wari waraririye yakurikiye umupira bigaragara,arawushorera nk'ugiye kuwukina ariko birangira atawukozeho.

    Bitangira,Jack Grealish winjiye mu kibuga asimbuye Phil Foden,yatsinze igitego nyuma y'iminota 3 yinjiye ku mupira yaherejwe na Kevin De Bruyne,atsinda n'umutwe ku munota wa 60.

    Manchester City yakomeje gukinira mu kibuga cya Manchester United ishaka igitego cya kabiri ariko yibagirwa kugarira byatumye bayishyura baranayitsinda mu minota 10 ya nyuma.

    Manchester United FC yishyuye igitego cyo kunganya ku munota wa 78 ibifashijwemo na Bruno Fernandes ariko benshi barashinja VAR kwica amategeko nkana.

    Umusifuzi Stuart Attwell yemeje iki gitego nyamara uwo ku ruhande yari yacyanze agendeye ku itegeko risanzwe rigenga imisifurire ku mukinnyi waraririye.

    Itegeko rya 11 rya FIFA rivuga ku kurarira rivuga ko bibaho igihe umukinnyi waraririye akoze igikorwa gituma uwo bahanganye atabasha gukina umupira.”

    Uyu mupira wasanze uyu Rashford arawukurikira gusa ntiyigeze awukoraho nubwo yabaye nk'ujya kuwutera ugaterwa na Bruno Fernandes.

    City iravuga ko umunyezamu wayo Ederson yasohotse mu izamu agendeye ku ntambwe za Rashford wari umusatiriye ashoreye umupira.

    Myugariro Akanji yabwiye BBC ati “Mu by'ukuri igitego cya mbere n'urwenya kuba cyemejwe kuriya.

    Nabonye ko Rashford yaraririye,mufata nk'uwaraririye.Yirukanse ku mupira kugeza ku isegonda rya nyuma hanyuma ahagarara umupira awugezeho kandi yari imbere y'umunyezamu yiteguye gutsinda kuko Bruno Fernandes yamusakurizaga.

    Numvise ngo ntiyakoze ku mupira ariko yirukanse metero 30 ku mupira kugeza ku isegonda rya nyuma.

    Kuri njye yari yaraririye.Umusifuzi ntabwo yigeze anareba uko byagenze.”

    Pep yagize ati “Akanji yahagaze ku murongo.Iyo amenya ko yari kwiruka kuri Rashford yari kubikora agahangana nawe umwe kuri umwe ariko yari yabonye ibyabaye.Gusa [Rashford] yagize uruhare mu gikorwa.

    Rashford yavuze ati “Nabonye ko nagiye kare mpagarika kwiruka.Iyo niruka ku mupira mba nawufashe nkawutera cyangwa nkawuhereza undi.Natekereje ko naraririye ndeka gukora ku mupira…..Kuri njye nta ruhare nagize mu mukino.Gikwiye kuba igitego.”

    Uwahoze ari umunyezamu wa Chelsea na Arsenal,Petr Cech yagize ati “Igitego cya mbere United yatsinze kiragaragaza ko abashyiraho amategeko batazi umupira.

    Kuri Twitter,abafana nabo bemeje ko habayemo kurarira.Umwe yagize ati “Rashford yagize uruhare runini ku gusatira kandi yari yaraririye.Nta kuntu kiriya cyari kuba igitego.

    Undi yagize ati ” Uwemeye kiriya gitego akwiriye kwirukanwa.100% yari yaraririye.Umusifuzi buri gihe amanika igitambaro iyo umukinnyi waraririye yirutse ku mupira nubwo myugariro yaba awufite.Biteye agahinda.”

    Iki gitego cyahaye imbaraga United itsinda icya kabiri ubwo Alejandro Garnacho yirukankanaga umupira, acenga ba myugariro, awushyira mu rubuga rw'amahina, Rashford wari uhagaze neza ahita atsinda igitego cya kabiri.

    Manchester City yashakishije uko yishyura iki gitego bikomeza kwanga, ari nako umutoza Erik Ten Hag yahise akora impinduka zihuse ashyiramo ba myugariro kugira ngo arinde izamu rye.

    Nyuma yo gutsinda umukino, Manchester United yahise irushwa inota rimwe na Manchester City zikurikiranye ku rutonde rwa Shampiyona y'u Bwongereza.

    Urutonde rw'iyi Shampiyona ruyobowe na Arsenal ifite amanota 44 nubwo igifite umukino izahuramo na Tottenham ku Cyumweru, igakurikirwa na Manchester City ifite 39 ndetse na Manchester United ifite 38.

    Source : https://umuryango.rw/imyidagaduro/imikino/article/igitego-fernandes-yatsindiye-man-united-itsinda-mukeba-wayo-city-gikomeje

  • Indirimbo ya Shakira 'yandagaza Piqué' yaciye agahigo kuri YouTube #rwanda #RwOT

    Indirimbo ya Shakira ivuga ko uwo bahoze babana Gerard Piqué yamucaga inyuma yaciye umuhigo kuri YouTube.

    Video y'indirimbo 'Out of Your League' yarebwe inshuro zirenga miliyoni 63 nyuma y'amasaha 24 ishyizweho, bituma iba indirimbo ya mbere yo muri Amerika y'Epfo irebwe cyane mu gihe kingana gutyo.

    Mu 2022 Shakira w'imyaka 45 yatandukanye na Piqué, 35, wahoze ari umukinnyi wa FC Barcelona nyuma y'imyaka irenga 10 babana.

    Aba bombi bafitanye abana babiri.

    BBC yasababye Piqué kugira icyo avuga kubivugwa mu ndirimbo ya Shakira.

    Iyi ndirimbo y'iminota ine niyo ya mbere ya Shakira yakozwe na DJ Bizarrap wo muri Argentine.

    Shakira agiye ku rutonde rugufi rw'abo muri Amerika yepfo baciye imihigo kuri YouTube, abandi barimo J Balvin, Luis Fonsi na Daddy Yankee.

    Ntabwo ariyo ndirimbo ye ya mbere kuri uko gutandukana — Monotonia yasohoye mu mezi atatu ashize, yari iyo gushenguka umutima kurusha kuvuga amagambo yo kwihora.

    Muri iyi ndirimbo nshya, Shakira aririmba iby'uko Piqué ubu ari kumwe n'umukobwa w'imyaka 23.

    Agereranya uko gukundana kwabo nko guhindura imodoka ya 'Ferrari ugafata [Renault] Twingo” cyangwa isaha ya “Rolex iya Casio”.

    Muri iyi ndirimbo kandi uyu muririmbyi wo muri Colombia anavuga ku bategetsi bo muri Espagne bamushinje ko yanyereje imisoro kubyo yinjije ya miliyoni 14€.

    Muri iyo ndirimbo, Shakira asa n'uvuga ko Piqué yamutaye muri ibyo byose yarimo acamo.

    Anenga kandi uburyo Piqué akoramo siporo — aririmba ati: 'igihe kinini muri gym, ariko ubwenge bwawe nabwo bukeneye siporo'.

    Gerard Piqué ntabwo arasubiza kuri iyo ndirimbo, amaze igihe atangaza ibijyanye n'umushinga we mushya, King's League.

    Muri Kamena (6) ishize Piqué na Shakira basohoye itangazo ko batandukanye, bavuga ko bagiye kwita ku kurera abana babo Milan w'imyaka icyenda na Sasha w'imyaka irindwi.

    BBC

    Source : https://umuryango.rw/imyidagaduro/umuziki/article/indirimbo-ya-shakira-yandagaza-pique-yaciye-agahigo-kuri-youtube

  • Umunya Uganda wibwe inka ze 39 yashimiye cyane u Rwanda rwazimusubije #rwanda #RwOT

    Umuturage wo mu gihugu cya Uganda wibwe inka ze 39 zikazanwa mu Rwanda ari naho zafatiwe, arashimira cyane inzego z'ubuyobozi z'u Rwanda uburyo zamufashije kubona izonka ze.

    Aravuga ibi mugihe u Rwanda kuri uyu wa Gatanu rwashyikirije igihugu cya Uganda kumugaragaro izo nka 39.

    Umuturage wibwe izo nka yitwa Mushaija Dickson wo muri District ya Rukiga ni mu ntara y'Uburengerazuba bw'igihugu cya Uganda ari nawe ushima ubuyobozi bw'u Rwanda.

    Yagize ati 'Ati ibi ntabwo byashoboka umuntu adafatanyije n'undi, iyo ubuvandimwe buhari byose biroroha kubera ko nje mu Rwanda, u Rwanda rwamfashije kubona izi nka kandi rufata n'abajura, mu by'ukuri ndashima u Rwanda cyane rwaduhaye imodoka ya police idufasha gushaka inka zacu ndashima n'abaturage bose b'u Rwanda guhera kubwa Rwempasha n'igihugu cyose muri rusange.”

    Umuyobozi w'Akarere ka Rukiga, Mbabazi Robert Kakwelele ashima ubufatanye buranga ibihugu byombi by'umwihariko iki gikorwa cyo kugaruza izi nka zari zibwe.

    Umunyamabanga nshingwabikorwa w'Umurenge wa Gatunda, Rusakaza Alphonse wari uhagarariye ubuyobozi bw'u Rwanda muri iki gikorwa avuga ko ashima buri wese wagize uruhare mu gikorwa cyo gufata izi nka zikaba zashyikirijwe nyirazo.

    Izi nka 39 zivugwa zibwe tariki 10 z'uku kwezi kwa Mutarama 2023 zinjizwa mu Rwanda ariko bukeye tariki 11 nibwo zafashwe n'inzego z'umutekeno ku ruhande rw'u Rwanda zifatirwa mu Mudugudu wa Kaburimbo, Akagari ka Nyamikamba, Umurenge wa Gatunda mu karere ka Nyagatare, nyuma y'amakuru yari amaze gutangwa n'abaturage.

    Abakekwaho kwiba izi nka muri Uganda bakazizana mu Rwanda ni abagabo batatu, aho babiri muri bo bari mu maboko y'ubutabera bw'u Rwanda.

    Igikorwa cyo gushyikiriza izi nka nyirazo cyabereye ku mupaka wa Buziba uhuza igihugu cy'u Rwanda nicya Uganda.

    IVOMO:RBA

    Source : https://umuryango.rw/amakuru/mu-rwanda/umutekano/article/umunya-uganda-wibwe-inka-ze-39-yashimiye-cyane-u-rwanda-rwazimusubije

  • Polisi yafunze abantu batatu bacyekwaho gutanga ruswa ngo babone 'Provisoire' #rwanda #RwOT

    Polisi y'u Rwanda mu Karere ka Ruhango yafashe uwitwa Hategekimana Théogene w'imyaka 35 y'amavuko ubwo yageragezaga guha umupolisi ruswa y'amafaranga y'u Rwanda ibihumbi 100 ngo amufashirize abantu babiri gutsinda ikizamini cy'uruhushya rwo gutwara ibinyabiziga, aba nabo bahise bafatwa.

    Ibi byabaye kuri uyu wa Kane tariki ya 12 Mutarama, ahasanzwe hakorerwa ikizamini cy'uruhushya rwo gutwara ibinyabiziga rw'agateganyo mu kagari ka Kamusenyi mu murenge wa Byimana.

    Umuvugizi wa Polisi mu Ntara y'Amajyepfo, Chief Inspector of Police (CIP) Emmanuel Habiyaremye yavuze ko Hategekimana yafatiwe mu cyuho aha umupolisi amafaranga, kugira ngo amufashirize Nyaminani Elia w'imyaka 41 na Niyomugabo Bosco w'imyaka 40 babashe kubona uruhushya rw'agateganyo rukorwa hifashishijwe mudasobwa.

    Yagize ati: 'Mu gitondo cyo kuri uyu wa Kane nibwo uwitwa Hategekimana yageze ahakorerwa ikizamini, maze abwira umupolisi wari uhari ko hari serivisi ashaka ko amufashamo, y'uko afite abantu be babiri baje gukora ikizamini ariko batazi imashini, amusaba ko yabimufashamo bagatsinda ari nako akura mu mufuka ibihumbi 100Frw ayahereza uwo mupolisi.'

    Yakomeje agira ati: 'Akimara kuyamuha, umupolisi yahise abibwira umuyobozi we bamuta muri yombi. Nyaminani na Niyomugabo yagiraga ngo bafashwe bavuga ko ubusanzwe ari umwarimu wigisha amategeko y'umuhanda kandi ko ari we wabandikishije kugira ngo babone nimero yo kuzakoreraho ikizamini (Code).

    Bavuze ko yari yabijeje ko azabafasha kugira ngo babashe gutsinda ikizamini ariko ko buri umwe yagombaga kumuha ibihumbi 250Frw, bari bumvikanye ko bazayatanga bamaze kubona ko batsinze.

    CIP Emmanuel Habiyaremye yagiriye abantu inama kwiga neza amategeko y'umuhanda no gutwara ibinyabiziga bakirinda gushaka gutanga ruswa kuko ari amafaranga bayabura ntibabone n'uruhushya ndetse bakanafungwa, asaba n'abazi ko badafite ubumenyi bwo gukoresha mudasobwa guhitamo gukora ikizamini cy'uruhushya rw'agatenyo gikorerwa ku mpapuro.

    Abafashwe bose bahise bashyikirizwa Urwego rw'Ubugenzacyaha (RIB) kuri sitasiyo ya Byimana kugira ngo bakorerwe dosiye.

    Itegeko no 54/2018 ryo kuwa 13/08/2018 rirwanya ruswa ingingo yaryo ya 4 ivuga ko umuntu wese usaba, utanga cyangwa wakira, mu buryo ubwo ari bwo bwose, indonke iyo ari yo yose aba akoze icyaha.

    Iyo abihamijwe n'urukiko, ahanishwa igifungo kirenze imyaka itanu (5) ariko kitarenze imyaka irindwi (7) n'ihazabu y'amafaranga y'u Rwanda yikubye inshuro kuva kuri eshatu (3) kugeza kuri eshanu (5) z'agaciro k'indonke yatse cyangwa yakiriye.

    Source : https://umuryango.rw/amakuru/mu-rwanda/umutekano/article/polisi-yafunze-abantu-batatu-bacyekwaho-gutanga-ruswa-ngo-babone-provisoire

  • Carine ucyambaye impeta ya Issa Bigirimana ar… – #rwanda #RwOT

    Abinyujije kuri Tiktok ye, The Major yatatse ibyiza, ubwiza n'ibihe bidasanzwe Carine, amubwira ko yanyuzwe n'ibihe bagirana umunsi ku munsi mu rwego rwo kumwifuriza isabukuru y'amavuko.

    The Major yabwiye Carine ko amushakira ibyiza mu magambo asize umunyu ati''Warakoze ku bihe byiza wazanye mu buzima bwange, Isabukuru nziza mukunzi, ndagushakira ibyiza kandi ndagukunda.''

    Ni amagambo yashimishije ndetse anyura inshuti za Joackim uzwi nka The Major mu ndirimbo no mu gucuranga mu itsinda rya Symphony Band.

    Inkuru y'urukundo rwa Issa na Carine yavuzwe cyane muri Kamena 2019 ubwo uyu mukinnyi yateraga ivi agasaba Carine ko yazamubera umugore undi akabyemera, mu birori byabereye i Nyarutarama mu Mujyi wa Kigali.

    Uyu rutahizamu yavuze ko yatandukanye na Carine yari yaranamaze gufata itariki y'ubukwe, aho bwagombaga kuba mu mpera z'umwaka wa 2021.

    Carine uvugwa mu rukundo na The Major

    Mu kiganiro na Isimbi Tv, icyo gihe Issa yatangaje ko iby'urukundo rwe na Carine byashyizweho akadomo. Yagize ati: 'Ni byo twaratandukanye, ntabwo ibyo twapfuye ari ngombwa kubivuga mu itangazamakuru gusa hashize igihe, umwaka ushize mu kwezi kwa Kanama'.

    Yongeyeho ko 'Ubukwe bwari hafi, bwagombaga kuba tariki ya 1 Ugushyingo 2021'.

    Issa ashimira Carine bamaranye imyaka itatu baryoherwa n'urukundo avuga ko yamubereye umwana mwiza kandi yamubereye uw'ingenzi.

    The major yabonye umukunzi

    Muri 2021 hacicikanye amakuru ku mbuga nkoranyambaga avuga ko urukundo rwa Issa na Carine ruri ku manga nyuma y’uko umwe afashe undi amuca inyuma, ndetse bikaba birebire hafi yo kurwana, gusa ibyavugwaga bisa nk’aho byari ukuri kuko uyu mukinnyi ukina muri Zambia nyuma yaje gufata umwanzuro wo gutandukana n'uwo biteguraga kurushinga.

    The Major yamuteye imitoma itagira uko isa

    Issa Bigirimana yamenyekanye cyane muri APR FC cyane nk'umwe mu bakinnyi bakundaga kwibasira Rayon Sports mu mukino bahuyemo, nyuma aza kuyerekezamo nyuma yo kuva muri Yanga Africans, nayo yaje kuvamo yerekeza muri Zambia.

    Carine na Issa barasomanye karahava

    The Major yagaragaje ko anyuzwe n’urukundo ahabwa na Carine

    Issa yashinze ivi asaba Carine ko yamubera umugore

    Source : https://inyarwanda.com/inkuru/124873/carine-ucyambaye-impeta-ya-issa-bigirimana-ari-mu-rukundo-rushya-na-major-wo-muri-symphony-124873.html

  • Patriots BBC yaraye mu ijoro ry’umwijima, its… – #rwanda #RwOT

    Kuri uyu wa Gatanu tariki 13 Mutarama 2023, ni bwo shampiyona y’icyiciro cya mbere mu Rwanda yatangiye aho REG BBC na Patriots BBC zitwaye neza umwaka ushize zamanutse mu kibuga. 

    Ku isaha ya saa 19:00 PM ni bwo REG BBC yamanutse mu kibuga ihanganye na Orion BBC yazamutse mu cyiciro cya kabiri ari iya kabiri. 

    Uyu mukino wabereye ku kibuga cya Kepler aho agace ka mbere karangiye REG BBC ifite amanota 23 kuri 15 ya Orion BBC, agace ka 2 nabwo REG BBC yakihariye karangira ari amanota 26 ku 10;

    Agace ka gatatu karangiye ari amanota 26 kuri 20, agace ka nyuma REG igatsinda 28 kuri 6, umukino urangira REG BBC itsinze amanota 103 kuri 51 ya Orion BBC. Muhizi Prince wa REG BBC niwe watsinze amanota menshi agera kuri 19. 

    Orion BBC yatangiye urugendo rwayo mu cyiciro cya mbere

    Ku isaha ya saa 21 hahise hakurikiraho umukino w’injyanamuntu wahuje Patriots BBC yabaye iya kabiri muri shampiyona iheruka, aho yahuye na K Titans BBC yatwaye igikombe cya shampiyona y’icyiciro cya kabiri. 

    Ihangana hagati ya Patriots BBC na K Titans ryari ku rwego rwo hejuru

    Uyu mukino nawo wabereye ku kibuga cya Kepler, agace ka mbere karangiye  Patriots BBC ifite amanota 22 kuri 20, agace ka kabiri K Titans irigaranzura igatwara ifite amanota 28 kuri 26, agace ka 3 Patriots BBC ikegukana ku manota 26 kuri 16, naho agace ka nyuma K Titans igatsinda Patriots BBC inayisuzuguye amanota 34 kuri 11. 

    Umukino warangiye K Titans BBC ifite amanota 98 kuri 85 ya Patriots BBC. Munyeshuri Thierry K Titans iherutse kugura muri Espoir BBC, ni we watsinze amanota menshi agera kuri 42.

    Kuri uyu wa Gatandatu harakomeza imikino y’umunsi wa kabiri, aho saa 13:00 APR BBC iri bwakire RP IPRC Musanze, naho 15:00 Tigers BBC yakire RP IPRC Huye imikino yose ikaba iri bubere muri Kepler. 

    REG BBC yatangiranye imbaraga nk’izo yatwaranye igikombe umwaka ushize

    Source : https://inyarwanda.com/inkuru/124871/patriots-bbc-yaraye-mu-ijoro-ryumwijima-itsindwa-na-k-titans-bbc-izamutse-mu-cyiciro-cya-m-124871.html

  • Nyuma yo kubenga rutahizamu Issa Bigirimana, Carine urukundo rugeze aharyoshye n’umuhanzi #rwanda #RwOT

    Uwase Carine wahoze akundana na rutahizamu Issa Bigirimana urukundo rugeze aharyoshye na The Major wo muri Symphony Band.

    Uyu mukobwa urukundo rwe na Issa rwavuzwe cyane muri 2019 ubwo yamwambikaga impeta ya fiançailles, muri Werurwe 2022, Bigirimana Issa ni bwo yeruriye ISIMBI ko batandukanye.

    Uyu mukobwa akaba yarahise ajya mu rukundo na The Major uririmba muri Symphony Band.

    Nubwo aba bombi bakunze kugira urukundo rwa bo ibanga hari igihe kigera rukabatamaza bitewe n’amagambo babwirana ku mbuga nkoranyambaga.

    Abinyujije kuri Instagram Story, The Major yifurije uyu mukobwa isabukuru nziza amushimira impinduka yazanye mu buzima bwe.

    Ati “warakoze mu bihe byiza wazanye mu buzima bwanjye. Isabukuru nziza rukundo, ndakwifuriza ibyiza. Ndagukunda.”

    Amakuru avuga ko urukundo rw’aba bombi rumaze hafi umwaka, ni kenshi bagiye bakunda kugaragara bari kumwe basohokanye.

    The Major yeruye ko bakundana

    Ni kenshi bagiye bagaragara basohokanye

    Carine Uwase asigaye ari mu rukundo na The Major

    Source : http://isimbi.rw/siporo/article/nyuma-yo-kubenga-rutahizamu-issa-bigirimana-carine-urukundo-rugeze-aharyoshye-n-umuhanzi

  • Kanye West yasezeranye na Bianca baheruka kug… – #rwanda #RwOT

    Amakuru dukesha ikinyamakuru cya TMZ ni uko  amazina y'umugore mushya wa Kanye West ari Bianca Censori, akaba akora nk'umukozi mu ikompanyi ya Kanye West izwi nka Yeezy aho amaze igihe kirere.

    Impamvu yari yatumye abantu badahita bamumenya akaba ari uko yogoshe imisatsi, mu gihe yari asanzwe afite imiremire.

    Nk'uko iki kinyamakuru gikomeza kibivuga ni uko aba bombi basezeranye mu birori byitabiriwe n'abantu bacye, gusa ntabwo haramenyekana neza niba baramaze no gusezerana mu mategeko.

    Kuri ubu aba bombi bakaba bari mu bihe byiza by'ukwa buki ndetse Kanye West yagaragaye yambaye impeta y'isezerano, ubwo bari kumwe ku i Hotel ya Waldorf Astoria mu gace ka Bev Hills, ibi bikaba bishimangira amakuru y'ubukwe bwabo.

    Binemezwa ko indirimbo uyu mugabo aheruka gushyira hanze aba avugamo amagambo y'urukundo yise 'Censori Overload', ariyo yakoreye uyu mugore we mushya.

    Muri iyi ndirimbo kandi agaruka ku bukwe bwe avuga ko yubaha Imana n'amagambo ya Bibiliya, bityo adakwiye gukora ubusambanyi akwiye umugore kandi ari ibintu byumvikana.

    Mu minsi micye ishize, nibwo haherukaga gukwirakwira amafoto y'aba bombi basangira bishimye. Nta byinshi bizwi hagati ya Kanye West na Bianca, n'uburyo biyemeje kubana kuko atari kenshi bagiye bagaragara bari kumwe.

    Ubwo Kanye West na Bianca baheruka kugaragara bari kumweBianca muri Gicurasi 2022 ubwo yaserukaga mu birori bya Balenciaga Kanye West yatangiye kugaragara atewe ishema n’impeta yambikanaye n'uwo biyemeje kubana

    Source : https://inyarwanda.com/inkuru/124846/kanye-west-yasezeranye-na-bianca-baheruka-kugirana-ibihe-byiza-124846.html

  • Abanyeshuri ba IPRC Kicukiro baganirijwe ku b… – #rwanda #RwOT

    Iki gikorwa cyabaye Taliki 11 Mutarama 2023, cyateguwe n'Umuryango witwa “Bohoka Tuganire Organization” washinzwe hagamijwe kubungabunga umuryango nyarwanda uzira amakimbirane, agahinda gakabije n'ikoreshwa ry'ibiyobyabwenge.

    Uyu muryango ufite gahunda yo kuzenguruka igihugu wigisha urubyiruko kureka ibiyobyabwenge. Kuri iyi nshuro uyu muryango wari wasuye abanyeshuri biga muri IPRC Kicukiro.

    Ibiyobyabwenge byasobanuwe nk'ibintu byose bikoreshwa bikangiza ubuzima bw'ababikoresha ndetse bakabihitamo akenshi babitewe no kunanirwa kwakira ubuzima bahuye nabwo. 

    Bimwe mu biyobyabwenge bikunda gukoreshwa harimo urumogi, widi n'ayandi matabi akoreshwa. Si ibyo gusa kuko hari n'ibisindisha bindi birimo inzoga zikakaye n'ibindi byinshi.

    Benshi mu bitabiriye iki gikorwa cyo gukumira ibiyobyabwenge, bavuze ko zimwe mu mpamvu zituma abantu biyahuza ibiyobyabwenge cyane cyane urubyiruko, akenshi biterwa nuko abana bigana imico babonye ahandi.

    Biterwa kandi n’agahinda gakabije, kwangwa muri sosiete cyangwa bakabita amazina ajyanye nuko bateye, kubabwira ko ari babi, bityo bakibwira ko gukoresha ibiyobyabwenge byabazanira ibyishimo ndetse bakaba abantu barenze. Ingaruka ikaba kwangirika kw’ahazaza habo.

    Nshimyumuremyi Vedaste, Umuyobozi wa Bohoka Tuganire Organization, yashishikarije abanyeshuri kwimenya, bakikunda bakarwanira icyo bashaka kuba bo. Yagize ati 'Ejo heza hacu hari mu biganza byacu ndetse n'igihugu kiradushyigikiye.'


    Vedaste Umuyobozi wa Bohoka Tuganire Organization

    Apotre Mutabazi Kabarira Maurice, Umushumba w'Itorero New Covenant Kingdom Citizen yari umwe mu batumiwe kuri uyu munsi. Yagarutse ku mikorere y'ibiyobyabwenge iyo byageze mu mubiri ndetse n'ingaruka bitera.

    Yagize ati 'Nkiri ku ntebe y’ishuri banyitaga amazina ambabaza, ntekereza kunywa ibiyobyabwenge, ariko naje kumenya ko kubikoresha atari umuti wo gukemura ibibazo ahubwo ngomba gukomera ngashaka inzira zo ku bikemura.'

    Uwamungu Evariste, umuganga mu bijyanye n'imitekereze ku bitaro bya Ndera, yabwiye abanyeshuri n'urubyiruko muri rusange ko abafite agahinda gakabije, babagana bakabaganiriza. 

    Ati 'Mwatugana tukabagira n'izindi nama zabafasha aho kujya mu biyobyabwenge kuko ibiyobyabwenge bimunga intekerezo zanyu ibyo mwari kuzaba byo bikaburizwamo.'


    Uwamungu Evariste, Umuganga mu bitaro by’i Ndera

    Evaliste Murwanashyaka, Umugenzuzi w'Uburenganzira bw'Umwana mu gihugu yagize ati 'Amakimbirane mu miryango ni kimwe mu bituma abana biyahuza ibiyobyabwenge kugira ngo bishakemo ibyishimo baburiye mu miryango.'


    Muryanashyaka Theoneste, umugenzuzi w’uburenganzira bw’umwana mu gihugu hose

    Haragirimana Clever umuyobozi w’Umuryango utari uwa Leta witwa OPROMAMER, yagaye bamwe mu rubyiruko bihaye imvugo yitwa 'Gutwika'. Ati 'Gutwika nk'imvugo yadutse mu rubyiruko, irabangiriza bakanywa ibiyobyabwenge ngo bavugwe nk'abantu badasanzwe. Mureke tubirwanye ku bw’ahazaza hacu.'


    Harerimana Clever yabibukije kwigira kandi bakikunda

    Madamu Byiringiro Consolatrice ukora mu bijyanye n'ikoranabuhanga, yavuze ko imbuga nkoranyambaga zishuka abana bagatangira kwigana ibyo bazibonaho.


    Consolatrice yavuze ko nawe ari mu rubyiruko, bityo akaba yiteguye kubafasha 

    Yagize ati 'Imbuga nkoranyambaga ni wowe uzikoresha, iyo uhisemo ibikwangiriza biba bihari n’iyo uhisemo ibigufitiye akamaro biba biriho. Rubyiruko mwite ku hazaza hanyu hari mu biganza byanyu.

    Ndagijimana Jean Pierre, mu magambo akomeye arimo inyigisho ku rubyiruko rwari ruteraniye aho yagize ati 'Muharanire kuba abo muri bo aho kwigana abandi.' Yavuze ko yakuriye mu muryango ukennye, ariko yaharaniye kwiteza imbere akazamura n'abo akomokaho, kandi yabigezeho.

    CIP Irene Umuhozari mu mpanuro ze yagize ati 'Birababaje kuba wakwamburwa umwenda mwiza nk’uwo mwambaye, mukambikwa iroza bambika abagiye gufungwa, kuko uzahanwa nufatwa ukoresha ibiyobyabwenge.' Yabagiriye inama yo kubungabunga amagara yabo bakubaka igihugu.

    Abanyeshuri bari bitabiriye iki gikorwa, bari bafite inyota yo kumva izi nama. Bavuze ko bagiye kwigisha na bagenzi babo bakamenya ibibi byabyo ndetse bagaharanira kubaka igihugu dore ko ari bo Rwanda rw’ejo.

    Abanyeshuri bafashe ifoto y’urwibutso n’abayobozi bari babasuye

    REBA UKO BYARI BIMEZE MU MASHUSHO

    VIDEO + PHOTOS: Iradukunda Jean de Dieu

    Source : https://inyarwanda.com/inkuru/124789/abanyeshuri-ba-iprc-kicukiro-baganirijwe-ku-bubi-bwibiyobyabwenge-video-124789.html

  • Kwizera Evariste wa Mukaperezida yarekuwe nyuma y’amezi icyenda afunzwe #rwanda #RwOT

    Kwizera Evariste umugabo wa Mukaperezida yarekuwe nyuma y’amezi icyenda afunzwe akurikiranyweho gufata ku ngufu umwana utarageza imyaka y’ubukure.

    Tariki ya 13 Mata 2022 nibwo Kwizera Evariste yatawe muri yombi n’inzego z’umutekano akekwaho gusambanya umwana w’umukobwa yakoreshaga ku kabiri yari yarafunguye.

    Bivugwa ko yamusanze aho yacumbikaga ari ni njoro maze akamufata ku ngufu, ni ko guhita yitabaza inzego z’umutekano, Urwego rw’Igihugu rw’Ubugenzacyaha rufata Evariste aho yahise ajyanwa gucumbikirwa kuri Sitasiyo ya Kigabiro.

    Amakuru ISIMBI yamenye ni uko Kwizera Evariste wari ukiburana ku ifungwa n’ifungurwa by’agateganyo yarekuwe ubu yatashye akazajya yitaba Ubutabera mu gihe bumukeneye.

    Muri 2020 uyu mugabo nabwo yari yatawe muri yombi azira gusambanya umwana utarageza imyaka y’ubukure, yaje kubihamywa n’urukiko akatirwa imyaka 10 ariko aza kujurira ari nabwo yagizwe umwere.

    Kwizera yamenyekanye mu mpera za Mutarama 2019 ubwo yasezeranaga mu Murenge n’umugore witwa Mukaperezida, wamurushaga imyaka 27.Icyo gihe Kwizera yari afite imyaka 21 ari nabwo agisoza amashuri yisumbuye.

    Evariste wa Mukaperezida yarekuwe

    Source : http://isimbi.rw/andi-makuru/article/kwizera-evariste-wa-mukaperezida-yarekuwe-nyuma-y-amezi-icyenda-afunzwe