Author: webrwanda

Tirana Hassan ukuriye Human Rights Watch (HRW) avuga ko babonye abategetsi ku isi 'bagurisha nkana inshingano zabo n’ibyo bakwiye kubazwa ku burenganzira bwa muntu ku babuhonyora kubera inyungu za politike z’igihe gito'.

Iyi raporo ivuga ku byaranze uburenganzira bwa muntu mu bihugu birenga 100 mu 2022, ku Rwanda ivuga ko abatavuga rumwe n’ubutegetsi benshi bafunze 'benshi muri bo baregwa cyangwa bahamijwe ibyaha bihimbano'.

Iyi raporo ivuga kandi ku munyamakuru Théoneste Nsengimana wafunzwe ategura gutara inkuru ku bantu umunani bateguraga ikiswe 'Ingabire Day' bo mu ishyaka Dalfa Umurinzi, uwo akaba afunganywe nabo.

HRW ivuga ko ikora iyi raporo ishingiye ku icukumbura ikorana n’impirimbanyi z’uburenganzira bwa muntu z’imbere mu bihugu.

Ku Rwanda, iyi raporo igaruka ku rubanza rwa Christopher Kayumba rwatangiye muri Nzeri (9) ishize, ivuga ko afunze aregwa gufata abagore ku ngufu yashinjwe hashize igihe gito atangaje ko ashinze Rwandese Platform for Democracy (RPD) ishyaka rya politike ritavuga rumwe n’ubutegetsi.

Jean Bosco Nkusi wari ushinzwe ubunyamabanga n’ubukanguramba bw’iryo shyaka nawe yafunzwe iminsi micye rimaze gushingwa aregwa ibyaha by’inyandiko mpimbano no kurema umutwe w’ubugizi bwa nabi, muri Mata(4) 2022 akatirwa gufungwa imyaka 10.

Raporo ya HRW ivuga ko hari abandi banyamakuru n’abatanga ibitekerezo ku mbuga nka YouTube bafunze bamwe muri bo 'kubera kuvuga ibikorwa bibi by’inzego z’umutekano, birimo gufunga binyuranyije n’amategeko, iyicarubozo no kwica, cyangwa kunenga ishyaka riri ku butegetsi RPF n’amakuru yayo ku burenganzira bwa muntu.'

Muri uwo mujyo, iyo raporo igaruka ku manza za Yvonne Idamange, Aimable Karasira, Dieudonné Niyonsenga (Cyuma Hassan) zavuzweho no mu mwaka ushize. Mu nkiko, aba barezwe ibyaha bitandukanye kuva ku nyandiko mpimbano, guteza imvururu muri rubanda, guhakana jenoside cyangwa kubiba amacakubiri.

Idamange yakatiwe gufungwa imyaka 15 naho Cyuma Hassan akatirwa imyaka irindwi.

Ku byavuzwe na HRW mbere ku ifungwa ry’aba banyamakuru umuvugizi wa leta y’u Rwanda yavuze ko urwego rw’ubucamanza “rukorera mu mucyo kandi rutabogamye rushingiye ku mategeko y’u Rwanda, n’ibisabwa n’akarere n’amahanga”.

Ubutegetsi bw’u Rwanda kandi muri raporo iheruka ya Rwanda Governance Scorecard , y’ikigo cy’imiyoborere yerekana ko igipimo cy’uburenganzira mu bya politiki n’ubwisanzure kuri rubanda bihagaze kuri 83%.

Iyo raporo ya 33 ya buri mwaka ya HRW, igaruka kandi ku irekurwa ry’abanyamakuru batatu : Damascene Mutuyimana, Shadrack Niyonsenga, na Jean Baptiste Nshimiyima bari barafunzwe mu 2018 baregwa gukwiza ibihuha no kwangisha u Rwanda amahanga, muri Nyakanga(7) ishize urukiko rukabagira abere.

Iyi raporo ivuga kandi ko muri Kamena(6) ishize, inama y’abakuru b’ibihugu bigize Commonwealth yabereye i Kigali, 'nubwo bwose hari impungenge ku ihonyorwa ry’uburenganzira bwa muntu bigendanye nayo, birimo gufunga no guhohotera abakene 'mu gusukura’ imihanda ya Kigali'.

Tirana Hassan ukuriye Human Rights Watch avuga ko 'kwirengagiza ihonyangwa ry’uburenganzira bwa muntu bifite ingaruka zikomeye', yongeraho ko leta zose zifite 'inshingano yo kugira icyo zikora mu kurengera uburenganzira bwa muntu'.

Ivomo:BBC

Kuva Rayon Sports yanyura mu biganza bya Munyakazi Sadate kugera kuri Fidele uyifite magingo aya, abakunzi b’iyi kipe ntabwo bavuga ku migurire yaranze izi ngoma aho bemeza ko bagurirwa abakinnyi badashoboye ndetse hari n’aho bagera bamwe bakaba umutwaro ku ikipe.

Na n’ubu n’ubwo umubare w’abakinnyi Rayon Sports utabemerera kongeramo abakinnyi benshi, baracyafite inyota y’abakinnyi bashya, gusa nabwo indwara iracyari ya yindi yo gushakira abakinnyi aho batari. 

Hari hashize icyumweru Rutahizamu Mindeke ukomoka muri DR Congo ari mu igerageza mu ikipe ya Rayon Sports aho yagiye agaragara mu myitozo ndetse mu bihe bitandukanye ariko abamuhonye mu kibuga bakifata ku munwa.

Imana yanyuze mu bafana ikinga ukuboko

Kuri uyu wa Gatatu mu mukino wa gicuti Rayon Sports yatsinzemo Heroes FC ibitego 4-1, uyu mukinnyi yari afite amahirwe yo gusinyira Rayon Sports ndetse cyari igipimo nyamukuru imbere y’abafana n’abanyamakuru birebera amacenga yiwe.

Mindeke yagaragaje urwego ruri hasi nk’umwataka

Mindeke yabanje mu kibuga asimburwa mu gice cya kabiri, ariko yavuye mu kibuga nta nkuru. Igice cya mbere cyagiye kurangira abafana ba Rayon Sports bamaze kwijuta ubushobozi buke bw’uyu rutahizamu nyuma y’ibitego yagiye ahusha ndetse no kugenzura umupira byamugoraga umusubirizo.

Abafana bageze aho bamuvuguriza induru uko agerageje gufata umupira, byageze aho ava mu kibuga nawe ahamanya n’umutima we ko n’ubwo amafaranga ya Rayon Sports yariwe na benshi ariko we amuciye mu myanya y’intoki. 

Ubuyobozi n’abatoza ba Rayon Sports bamaze kubona itakarizwa gaciro abafana bakoreye Mandeke, bafashe umwanzuro wo gusezerera uyu mukinnyi ndetse bamushimira iminsi bari bamaranye.

Rayon Sports iracyafite ikibazo cya ba rutahizamu n’ubwo uyu mwanya uriho abakinnyi benshi batandukanye barimo Prince, Musa Esenu, Paul Were, Moussa Camara, Traore n’abandi.

Mindeke yahushije ibitego byinshi byatumye avugirizwa induru n’abafana

Amakuru ya Meddy avuga ko akubitwa n’umugore ni amwe mu yacaga ibintu ku mbuga nkoranyambaga.

Mu bayatangaje nta wigeze yerekana ko yaba ari ukuri uretse kuba byari mu kirere, abandi na bo bakagendera mu kigare babwira umugore wa Meddy guhagarika guhohotera umugabo we.

Meddy abinyujije kuri Instagram ye yasabye umugore we kuza agatanga ibisobanuro by’ibyo bikorwa bamushinja.

Ati 'Kuki bankora ibintu nk’ibi koko, Mimi ngwino usobanure iby’ihohotera ryawe.'

Mimi nawe yaje kujya kuri uru rubuga abanza kwandika ko akeneye umuntu wo kumusemurira kuko byari byanditswe mu Kinyarwanda.

Mu bitwenge byinshi Ati 'Abantu burya bagira n’umwanya.'

https://www.instagram.com/stories/itsmimiali/3013769386289174974/

Urukundo rwa Meddy na Mimi rwatangiye kuvugwa muri Kanama 2017. Muri 2021 nibwo bakoze ubukwe bwabereye Dallas muri Leta Zunze Ubumwe za Amerika. Muri 2022 nibwo bibarutse imfura.

Nyuma yo kuva mu Rwanda asanze umugore we muri Finland urushako ntirumuhire, Karera Hassan yashatse kugaruka mu Rwanda muri APR FC ariko iramwanga.

Mu Gushyingo 2021 ni bwo Karera Hassan yafashe rutimikerere yerekeza muri Finland asanzeyo Umutoni Diane, umugore we bari baranasezeranye imbere y’amategeko.

Uyu mukinnyi waherukaga gusinyira APR FC amasezerano y’imyaka 2, yasize asabye uruhushya iyi kipe y’ingabo z’igihugu avuga ko azagaruka vuba hari ibyangombwa agiye gushaka.

Kuko atakinaga kubera imvune, APR FC yemeye kumuha uruhushya nk’uko umuyobozi wa APR FC, Lt Gen Mubarakh yagiye abigarukaho avuga akiri umukinnyi wa bo, bari bizeye ko azagaruka.

Muri Gashyantare 2022 yagize ati “Karera Hassan ni umukinnyi wa APR FC kandi ni umugabo yarubatse, biza no kugorana guhuza umugabo n’umuryango uri hanze na hano akinira natwe turi ikipe y’ingabo birumvikana ariko tugira ubumuntu, natwe turi abantu tugira umuryango tuzi icyo bivuze iyo umukinnyi akina umuryango we uri kuri we gato.'

'Yadusabye umwanya turawumuha, twanamusabye byinshi yagombaga kuba yaragiye mbere kubera iriya mikino nyafurika twari turimo, turamubwira ngo yihngane arihangana, yaje kugenda ari uko yagize akantu k’imvune, tukaba tumwumva rero iminsi twamuhaye nta kirarengaho kandi nta kitaduha icyizere ko azagaruka .'

Iyi kipe yakomeje gutegereza amaso ahera mu kirere, kumbe Karera Hassan we yari ameze neza n’umugore we muri Finland.

Mu Kwakira 2022 nibwo Umutoni Diane yatangaje ko we na Karera Hassan batandukanye batakiri umugore n’umugabo, hari nyuma y’amashusho uyu musore aryoshya n’indi nkumi yitwa Lilly na yo baje gutandukana.

Karere Hassan wari utarabona ibyangombwa byo gutura muri Finland kuko yari akiri mu mwaka w’igeragezwa kugira ngo harebwe niba nta kibazo kizavuka hagati ye na Diane wamusabiye Visa ijyayo, yahise yibuka ko afite amasezerano ya APR FC kuko yabonaga nta yandi mahitamo uretse kugaruka mu Rwanda.

Bivugwa ko yegereye iyi kipe ayibwira ko ibyo yari yaragiyemo byarangiye noneho yagaruka ariko imukurira inzira ku murima imubwira ko atari yo ifata abo abagore banze.

Andi makuru kandi ISIMBI yamenye ni uko Karera Hassan yagerageje kwegera Rayon Sports ngo abe yayerekezamo ariko iyi kipe na yo imubera ibamba, uretse no kuba itamukeneye yumvaga uyu musore arimo kwifuza, imubwira ko bitashoboka.

Yagiye akurikiye umugore baza gutandukana

Karera Hassan yashatse kugaruka muri APR FC biranga

Mu mpera z’icyumweru gishize, umuraperi Meek Mill wari umaze iminsi mu biruhuko muri Ghana, yasangije amashusho y’indirimbo yafatiye mu murwa mukuru Accra, ariko hakabamo amashusho make atishimiwe n’abaturage.

Ayo mashusho Meek yasabiye imbabazi yerekana imbere mu nzu ya 'Jubille House’, ari na yo ngoro ya Perezida w’iki Gihugu.

Ni mugihe andi mashusho yerekana uyu muraperi yakoresheje amugaragaza ari kuri podium yakoreshejwe na Perezida Nana Akufo-Addo, ubwo yarahiriraga kuyobora igihugu.

Abaturage ba Ghana bakimara kubona ayo mashusho bahise bakoresha imbuga nkoranyambaga, bagaragaza ko batishimiye ibyakozwe na Meek Mill, bavuga ko ari agasuzuguro kuri Perezida w’Igihugu cyabo.

Benshi babinenze bavugaga ko gufatira amashusho muri iyi nyubako ari ukurenga ku mategeko, mu gihe batanumva uburyo Meek yemerewe gufatira amashusho aho hantu hubashywe cyane.

Meek Mill yahise ajya kuri twitter asaba imbabazi, agira ati 'Ndasaba imbabazi abaturage niba ari agasuzuguro ! Ku baturage ba Ghana nta videwo nashyize hanze igamije gusuzugura abaturage ba Ghana'.

Yavuze ko nk’umuhanzi kwari uguhuza umuziki ndetse n’ubugeni bugamije guhuza umugabane wa Afurika na Amerika, ndetse ko nk’umuntu wakuriye muri Amerika kugeza ku myaka irenga 30, Atari azi neza imibereho y’abaturage bo muri Ghana.

Meek Mill yemeye kandi ko abayobozi bo mu biro bya Perezida wa Ghana, Nana Akufo-Addo, batari bazi ko arimo gufata amashusho, ndetse ko yahise ayakura ku mbuga nkoranyambaga.

Mu kiganiro yagiranye na Kigali Today kuri uyu wa Gatatu tariki 11 Mutarama 2023, SSP Irere yavuze ko Polisi yatangiye ibikorwa by’ubugenzuzi bw’izo modoka, kugira ngo harebwe ibibazo zifite, ba nyirazo basabwe kubikosora.

Mu bugenzuzi burimo gukorwa harimo no kureba uko umubare w’abanyeshuri bagenda muri za bisi ngana.

Ati 'Tariki 7 Mutarama 2023, twakoze inama n’inzego zitandukanye zirimo Minisiteri y’Uburezi, NESA na RURA n’umujyi wa Kigali, turebera hamwe ibibazo biri mu migendere y’abanyeshuri igihe bajya ndetse banava ku ishuri, hafatwa ingamba zizatangazwa mu gihe cya vuba abantu bakazimenya.'

SSP Irere avuga ko urwego rwa Polisi rwahise rushyiraho umwihariko wo kugenzura izi modoka, kugira ngo zisuzumwe ko nta bibazo zifite ndetse izishaje ba nyirazo basabwe kutazitwaramo abana, kuko ziri mu biteza impanuka.

Iki gikorwa cyo kuzigenzura kirimo kubera i Gikondo ahakunze kubera imurikagurisha, kugira ngo gikorwe vuba.

Bimwe mu byo Polisi isuzuma harimo kureba ko imodoka ifite ubuziranenge (Contrôle technique), kureba ko idashaje ndetse no kureba ko nta bindi bibazo byateza impanuka ifite no kureba ko ifite ibyangombwa by’ubwishingizi.

Ati 'Mu muhanda imodoka zose ubu turabanza tukazireba ko zujuje ibyangombwa n’ubwishingizi, tukanareba n’umubare w’abanyeshuri zitwaye'.

Imodoka basanga ishaje ndetse ifite n’ibindi bibazo bagasaba ko byakosorwa aho bishoboka, byaba bidashoboka nyirayo agahagarika ibikorwa byo gutwaramo abana.

Iri genzura ryatumye hari bamwe mu batwara abanyeshuri muri bisi bakosora ibyo gutwara abana benshi, nk’uko uwitwa Jean Paul Rukundo utwara abana muri Ecole notre Dame des Anges abivuga.

Ati 'Ubu kuva iriya mpanuka yaba turimo kwitwararika ngo tudatwara abana benshi Polisi ikaduhana, ubundi twatwaraga abana 45, none turimo turashyira mu modoka abana 28 gusa'.

Ubu bugenzuzi bwa Polisi ababyeyi babwitezeho kuzagabanya ibibazo biri mu gutwara abana, ndetse hizewe ko bizatanga igisubizo ku mpanuka zituruka ku mikorere mibi yazo.

Iri genzura kandi rije nyuma y’impanuka y’imodoka yari itwaye abana bo ku ishuri rya Path to Success, umwana umwe akitaba Imana abandi benshi bagakomereka.