Webrwanda Backend

Author: webrwanda

  • Uburusiya bwongeye gutera ibisasu byinshi mu mijyi ya Ukraine bihitana benshi #rwanda #RwOT

    Uburusiya bwarashe ibindi bisasu byinshi bya misile ku mijyi itandukanye muri Ukraine kuwa gatandatu, aho mu mujyi wa Dnipro mu burasirazuba byishe abantu 12 ku nzu ya apartment.

    Indi mijyi irimo Kyiv, Kharkiv na Odesa nayo yarashweho.

    Igice kinini cya Ukraine ubu kiri mu kizima nyuma nyuma y'uko misile zirashwe ku bikorwa remezo by'amashanyarazi mu mijyi myinshi.

    Mbere y'ibi bitero, Ubwongereza bwari bwatangaje ko bwoherereza Ukraine ibifaru bya Challenger 2 mu gufasha iki gihugu kwikingira.

    Minisitiri w'intebe Rishi Sunak yavuze ko izo Challengers, ibifaru by'ingenzi by'igisirikare cy'Ubwongereza, byafasha ingabo za Ukraine 'gusubiza inyuma ingabo z'Uburusiya'.

    Uburusiya bwasubije ko guha Ukraine izindi ntwaro biganisha ku kongera ibitero by'ingabo zabwo n'imfu z'abasivile.

    Nyuma kuwa gatandatu — umunsi abanya Ukraine b'aba Orthodox bizihiza umwaka mushya — Perezida Volodymyr Zelensky wa Ukraine yavuze ko ibitero by'Uburusiya ku basivile bishobora guhagarikwa Ukraine ihawe intwaro zicyenewe n'inshuti zayo z'iburengerazuba.

    Mu ijambo atangaza buri joro, Zelensky yagize ati: 'Ni iki gikenewe kuri ibi? Ni ziriya ntwaro ziri mu bubiko bw'abafatanyabikorwa bacu kandi ingabo zacu zitegereje cyane.'

    Yongeyeho ko kuwa gatandatu ingabo ze zahanuye misile 20 muri 30 zarashwe n'Uburusiya kuri Ukraine.

    Misile zarashwe ku mujyi wa Dnipro zakubise urwinjiriro rw'inzu y'amagorofa icyenda, zihindura ibice by'iyi nzu ibishwangi, abantu 73 bakomeretse barimo abana 14, nk'uko abategetsi ba Ukraine babivuga, mu gishobora kuba igitero kibi kurusha ibindi mu mezi menshi ashize.

    Abantu benshi bahise bajya mu bikorwa by'ubutabazi kuri iyo gorofa bafasha abatabazi – bari babacye bacye – gushakisha abaheze mu bisigazwa by'iyo nzu, bakoreshaga amatoroshi n'ibindi bimurika mu mwijima n'umukungugu mwinshi.

    Mu ijambo rye, Zelensky yavuze ko ibikorwa by'ubutabazi no kwigizayo ibyasenyutse bikomeza ijoro ryose. Ati: 'Turarwana kuri buri wese, kuri buri buzima bwose.' Kugeza ubu abantu 37 batabawe bakurwa muri iyo nzu yashenywe, barimo abana batandatu, nk'uko abategetsi babivuga.

    Ntiharamenyekana impamvu ibitero byibasiye iyi nzu ibamo abantu, haribazwa niba ari ukwibeshya cyangwa byakozwe nkana, kuko iri ku ntera runaka uvuye ku kigo gitanga amashanyarazi kiri hafi.

    Hari hashize ibyumweru bibiri nyuma y'ibindi bitero nk'ibi by'Uburusiya ku bigo bitanga amashanyarazi muri Ukraine. Zelensky yavuze ko ku bigo nkibyo byarashwe kuwa gatandatu aho byifashe nabi cyane ari i Kharkiv na Kyiv.

    Kompanyi y'ingufu ya leta ya Ukraine, Ukrenergo, mbere yari yavuze ko uburyo bwo gusaranganya amashanyarazi ku masaha bwashyizwe kugeza saa sita z'ijoro mu bice byose by'igihugu.

    Abategetsi b'iburengerazuba n'aba Ukraine batangiye kwibaza niba 'intambara ku bikorwa by'ingufu' y'Uburusiya yaba irimo kugana ku musozo, kuko hashobora kuba hari ubuke bwa misile zabugenewe no kuba ibi bikorwa bitaratumye Ukraine imanika amaboko.

    Ibitero byo kuwa gatandatu ariko bigaragaza ko Moscow igitekereza ko ikwiye gukomeza ubu buryo bw'ibitero byo gusenya.

    BBC

    Source : https://umuryango.rw/amakuru/mu-mahanga/umutekano/article/uburusiya-bwongeye-gutera-ibisasu-byinshi-mu-mijyi-ya-ukraine-bihitana-benshi

  • Wa munsi wageze! Papi Clever na Dorcas baziri… – #rwanda #RwOT

    Igitaramo “Yavuze Yego Live Concert” cya Papi Clever na Dorcas kiraba uyu munsi tariki 14 Mutarama 2023, kibere muri Camp Kigali. Amarembo araba akinguye kuva saa cyenda, gitangire saa kumi n’imwe. Cyatewe inkunga n’Ibigo birimo Laboratwari y’u Rwanda y’ibimenyetso bishingiye ku bumenyi n’ubuhanga byifashishwa mu butabera (Rwanda Forensic Laboratory: RFL].

    Mu kiganiro n’abanyamakuru, Papi Clever na Dorcas bavuze ko bateguye iki igitaramo nyuma yo gutegereza igihe kirekire, Imana iza kubabwira ‘YEGO’. Bati “Twakabaye twaragikoze kera na mbere, twarabiteguye igihe kirekire, ariko kubera ko ari umugambi w’Imana yatubwiye ngo Yego ko ari cyo gihe dukwiriye gukoreraho igitaramo, niyo mpamvu natwe tubikoze kino gihe.”

    Batangaje ko imyanya y’ubuntu igera ku 2,000 bashyizeho yamaze kuzura. Ubu hasigaye amatike n’ubutumire. Amatike ari kugura 10,000 Frw, naho ‘Invitations’ [ubutumire] ziri kuboneka ku 30,000Frw muri VIP na 50,000 Frw muri VVIP. Amatike n’Ubutumire biri kuboneka kuri www.ishem.rw cyangwa ukandika muri telefone yawe *797*30#.

    InyaRwanda yamenye amakuru meza y’uko amatike n’ubutumire byegerejwe abakunzi b’umuziki wo kuramya no guhimbaza Imana aho biri kuboneka ahantu hatandukanye nko kuri Camellia zose muri Kigali no kuri Simba Supermarket. Hanashyizweho kandi nimero uwashaka amatike n’ubutumire yahamagara bikamugeraho byoroshye, iyo akaba ari: +250783255262.

    Indi nkuru nziza ni uko abatuye hanze y’u Rwanda (Diaspora) bazirikanywe bakagezweho uburyo bwiza bwabafasha gukurikira LIVE iki gitaramo “Yavuze Yego Live Concert”. Baraza kugikurikira banyuze kuri www.eastflix.tv aho basabwa gusa kwishyura amadorali atanu y’Amerika ($5.)

    “Hari imyanya y’ubuntu twari twashyizeho igera ku bihumbi bibiri, iyi myanya twari twatekereje ko hari abantu hatabasha kubona ubushobozi bwo kwishyura igitaramo, gusa ubu tuvugana iyo myanya yose yamaze kuzura ubu hasigaye ubutumire bw’amafaranga” – Papi Clever

    Ibi biragaragaza uburyo abantu benshi banyotewe cyane n’igitaramo Papi Clever na Dorcas bagiye gukora bwa mbere mu mateka yabo. Kiraba kuri uyu wa Gatandatu, kiyoborwe na Tracy Agasaro & Rene Patrick. Papi na Dorcas baraba bari kumwe na Ben & Chance, Prosper Nkomezi, Josh Ishimwe, Hirwa Gilbert na Jonathan Nish.

    Mu kiganiro baherutse kugirana n’abanyamakuru, Papi Clever na Doracs bavuze ko bahishiye byinshi kandi byiza abitabira iki gitaramo cyabo. Mu byo babahishiye harimo n’indirimbo zabo nshya bamaze iminsi batunganya n’izindi zo mu gitabo. “Uvuze Yego” ni indirimbo yabo yakomotseho iki gitaramo, nayo ikaba yitezwe mu zo bari buririmbe.

    Papi Clever na Dorcas Ingabire basezeranye kubana akaramata tariki 7 Ukuboza 2019. Bafitanye abana babiri b’abakobwa; Oakynn na Kylie. “Ubu ni igihe cyo kubyina twitambire Uwiteka yakoze ibikomeye” – Ibi byatangajwe na Papi Clever ubwo we n’umugore we bibarukaga ubuheta. Nyuma y’igihe gito atangaje ibi, bahise bategura igitaramo cyabo cya mbere.

    Rwanda Forensic Laboratory yateye inkunga iki gitaramo, itanga serivisi zirimo gutahura inyandiko mpimbano n'izindi zagibwaho impaka, kumenya isano abantu bafitanye, guhuza ibimenyetso by'ahakorewe icyaha n'abagikoze, ikaba iganwa n'inzego za Leta n'abantu ku giti cyabo, baba bashaka ibimenyetso bishingiye ku bumenyi bwa gihanga.

    Papi Clever na Dorcas bageneye Ubunani abakunzi b’umuziki wa Gospel

    Aba baramyi bazirikanye abatuye hanze y’u Rwanda babashyiriraho uburyo bwo gukurikira igitaramo cyabo

    “Yavuze Yego Live Concert”

    Papi na Dorcas baraba bari kumwe n’abaramyi batandukanye

    Papi Clever na Dorcas bazirikanye abatuye hanze y’u Rwanda

    Ukp abantu bari bube bicaye muri ‘Yavuze Yego Live Concert’

    Ubwo Papi Clever na Dorcas baganiraga n’abanyamakuru mu minsi micye ishize

    PAPI CLEVER NA DORCAS MU KIGANIRO N’ABANYAMAKURU

    Source : https://inyarwanda.com/inkuru/124876/wa-munsi-wageze-papi-clever-na-dorcas-bazirikanye-aba-disapora-banegereza-abakunzi-babo-in-124876.html

  • Indirimbo Fame ya Safi Madiba yakije umuriro… – #rwanda #RwOT

    Indirimbo Fame ya Safi Madiba iri ku mwanya wa gatatu kuri uru rutonde mu gihe indirimbo iyoboye izindi ari ya Kizz Daniel, RTID; igakurikirwa na KPC ya Viviane Chidid, ku mwanya wa gatatu hakazaho Fame ya Safi Madiba.

    Nyuma ya Safi Madiba, haza abahanzi nka One Lyrical, Yvon Yusuf, Mr King na Thiird n'ubundi bafite izina rikomeye muri uyu muziki wa Afurika ndetse n'isi muri rusange.

    Fame ije kuri uru rutonde mu gihe imaze iminsi 11 gusa, aho imaze kurebwa n'abarenga ibihumbi 268 bayihozaho ijisho umunsi ku munsi bitewe n'uko iryoheye amatwi ku babashije kuyumva.

    Fame ifite amashusho y'umwihariko, ikaba ari indirimbo Safi avuga ko yamufashe umwanya kugira ngo ahe ikintu kiza abakunzi be n'abakunzi b'umuziki nyarwanda bamushyigikira umunsi ku munsi.

    Safi Madiba atangiranye umwaka imbaraga zidasanzwe

    Radiyo mpuzamahanga y'Abafaransa (RFI) niyo isanzwe itegura ibihembo bya Prix Découvertes byegukanywe n'umunyarwanda Yvan Buravan mu 2018 uherutse kwitaba Imana.

    Mu gihe amakuru yamenyekanaga ko uyu muhanzi yitabye Imana, iyi Radiyo yafashe icyemezo cyo gutura igihembo cy'uyu mwaka uyu muhanzi witabye Imana ku wa 17 Kanama 2022.

    Indirimbo Fame mu zigezweho i Paris

    Mu bihugu bivuga igifaransa, indirimbio ya Safi Madiba irakunzwe

    KANDA HANO UREBE INDIRIMBO FAME YAKIJE UMURIRO MU BUFARANSA

    Source : https://inyarwanda.com/inkuru/124836/indirimbo-fame-ya-safi-madiba-yakije-umuriro-mu-bufaransa-ikurikira-iya-kizz-daniel-124836.html

  • M23 yashyizeho Umugaba Mukuru w'Ingabo Wungirije Makenga #rwanda #RwOT

    Perezida wa M23 Bertrand Bisiimwa kuri uyu wa gatanu tariki 13 Mutarama 2023 yazamuye mu ntera Col Byamungu Maheshe Bernard ku ipeti rya Brigadier General ahita agirwa Umugaba Mukuru w'Ingabo wungirije.

    Brigadier General Byamungu Maheshe Bernard yungirije Gen Sultan Emmanuel Makenga Umugaba Mukuru w'ingabo za M23.

    Yazamuwe mu ntera nyuma yo kuyobora bimwe mu bikorwa bya Gisirikare byatumye umutwe wa M23 wirukana Ingabo za RD Congo mu bice byo muri Teritwari ya Rutshuru, Nyiragongo na Masisi.

    Brig Gen Byamungu yigeze gufungirwa muri gereza ya Gisirikare mu 2012 azira kuba umwe mu bagize umutwe wa M23, afungurwa mu 2019 amaze guhabwa imbabazi na Perezida Felix Antoine Tshisekedi.

    N'ubwo Byamungu yafunguwe, yategetswe kutarenga i Kinshasa, akomeza gucungishwa ijisho ariho uburinzi bw'abasirikare benshi.

    Ku wa 17 Nzeri nibwo Byamungu wari Colonel icyo gihe yaratorotse asanga abasangirangendo be ba M23 mu burasirazuba bwa Congo.

    Ku wa gatanu tariki 13 Mutarama 2023 we na Colonel Mboneza Yusuf bagizwe ba Brigadier General muri M23. Aba basanzwe ari inshuti magara na Gen Sultan Emmanuel Makenga.

    Itangazo ryo kuzamura mu ntera Byamungu no guhabwa inshingano nshya, risohotse nyuma y'umunsi umwe gusa, abayobozi ba M23 bahuye n'Umuhuza w'Umuryango wa Afurika y'Iburasirazuba, EAC mu bibazo bya Congo, ari we Uhuru Kenyatta wabaye Perezida wa Kenya.

    Mu byo baganiriye na M23 harimo gusubira inyuma mu birindiro biri mu duce baheruka gufata, gukorana neza n'ingabo za EAC, no kureka abaturage bagasubira mu ngo zabo.

    Abayoboye M23 bagaragarije Uhuru Kenyatta ko bafite ubushake bwo kubahiriza ibyavuye mu biganiro bya Luanda na Nairobi, ariko bamusaba ko yagira uruhare mu guhagarika amagambo y'urwango n'ibikorwa bikorerwa abantu kubera isura cyangwa ubwoko bwabo.

    Ivomo: Umuseke

    Source : https://umuryango.rw/amakuru/mu-mahanga/umutekano/article/m23-yashyizeho-umugaba-mukuru-w-ingabo-wungirije-makenga

  • Ruti Jol yasogongeje abantu album ye nshya i… – #rwanda #RwOT

    Ni mu gitaramo cyabaye kuri uyu wa 14 Mutarama 2023, cyateguwe n’Itorero Ibihame by’Imana.

    Uyu musore ubwo yari agihamagarwa, yakirijwe urufaya rw'amashyi n'abari aho igitaramo cyabereye. Aba bateye indirimbo zitandukanye za Kinyarwanda, zirimo iya Kamaliza yise 'Naraye Ndose' n'izindi nyinshi zamenyekanye mu muco nyarwanda.

    Uyu muhanzi ku rubyiniro yaserukanye n'abasore bamufashaga, bamucurangira guitar n'ibindi bicurangisho birimo n'ibya gakondo.

    Yinjiye ku rubyiniro asuhuza abari bitabiriye igitaramo, arangije yanzika n'indirimbo zirimo iyo yise 'Cyane'. Yahise ashimira abakunze album ye ya mbere aheruka kumurikira abanyarwanda.

    Ati 'Ndabashimiye mwe mwakunze umuzingo wanjye wa mbere nise 'Musomandera'.' Yahise aririmba indirimbo ziriho kuri iyi album, zirimo 'Rwagasabo' na 'Cunda'.

    Yageze ku ndirimbo yitwa 'Nyambo', abwira abari mu gitaramo ko yanditswe na Buravan uheruka kwitaba Imana. Arangije arababwira ati 'Muyumve namwe!'

    Yahise akomereza ku ndirimbo yise 'Amaliza'.

    Arangije ahita avuga ko uretse kuba Buravan yarasize amufashije kwandika album ye, yanamusigiye umurage wo gukunda Imana. Ati 'Murakabyara muraberewe gusa nta kindi navuga. Aka gahungu [Buravan] nahoze mbabwira kamfashije gukora album yanjye. Yansigiye byinshi birimo n'Imana. Nanjye reka nyibaririmbire uko yayiririmbye.''

    Uyu muhanzi yahise yanzika n'indirimbo ya Buravan yise ''Ni Yesu'' ndetse aba ari nayo asorezaho.  Ruti yaserutse yambaye umushanana w'umweru ndetse n'inkweto z'umweru.

    Album 'Musomandera' Ruti yasogongeje abakunzi be, yagiye hanze ku itariki 10 Mutarama uyu mwaka. Yayitiriye izina ry'umubyeyi we Musomandera, akaba ari izina ryitiriwe nanone uwahoze ari Umugabekazi w'u Rwanda Kanjogera.

    Ni album iriho indirimbo icumi yakoze mu njyana ya gakondo gusa, ndetse akaba ari we wenyine uri kuri iyi album. Yayikozeho mu gihe cy'imyaka ibiri.

    Iyi album ishingiye ku rukundo rw'umubyeyi n'umwana, umugabo n'umugore ndetse n'urukundo rw'umuturage ku gihugu, asobanura nk'urukundo rutagira icyasha ari byo yise Rukundorwera. Iri rikaba ari ijambo akoresha cyane muri iyi album.

    Iyi album 'Musomandera' ni iya kabiri yashyize  hanze, nyuma y'iyo yitiriye izina rye 'Rumata' muri 2021.

    Ruti ni umwe mu bakomoka kuri Sentore Athanase, akaba mubyara wa Sentore Jules uri mu bahanzi bafite izina rikomeye bakora injyana gakondo.

    Ruti yatangiye umuziki mu 2013 abarizwa muri Gakondo Group, kugeza ubwo yatangiraga kuririmba wenyine.

    Mu bahanzi afatiraho icyitegererezo harimo Massamba Intore wamubaye hafi kuva kera, Muyango, Sentore Athanase, Rujindiri, Kayirebwa, Jules Sentore n'abandi.

    Ruti ubusanzwe witwa Rumata Joël, mu 2017 nibwo yagiye muri studio akorana indirimbo na King Bayo witabye Imana ndetse na Jules Sentore, bise 'Diarabi'.

    Indirimbo zazamuye izina rye zirimo 'Ndaryohewe' yahuriyemo n'abandi bahanzi, ndetse na 'Diarabi'. Hari kandi  'La Vie est Belle', 'Rumuri rw'Itabaza', 'Rusaro' , 'Igikobwa' , 'Rasana' ,  'Rumata' , 'Cyane' n'izindi nyinshi.

    Ruti Joel asigaye afashwa na Agura Group LTD, ifasha abahanzi ubu ikaba ikorana na we gusa. 

    Ruti ni umwe mu bahanzi bari kuzamuka nezaRuti yaserukanye n’umusore wamucurangiraga Ruti yaririmbye ibihangano bye biri kuri album ye nshya Ahabereye igitaramo hari hakubise huzuye Ibyishimo byari byose ku bitabiriye 

    AMAFOTO-Rwigema Freddy

    Source : https://inyarwanda.com/inkuru/124891/ruti-joel-yasogongeje-abantu-album-ye-nshya-iriho-indirimbo-yanditswe-na-buravan-anamuvuga-124891.html

  • Uri urutare rwanjye mukundwa: Mimi yakomeje M… – #rwanda #RwOT

    Mu masaha macye ashize ni bwo Meddy yashyize hanze indirimbo nshya yishimiwe cyane dore ko yari amaze igihe kinini adashyira hanze indirimbo hanze kuko mu bihe yiteguraga kugira iyo yashyira hanze umubyeyi we yararwaye aza no kwitaba Imana kuwa 14 Kanama 2022.

    Ni ibintu bigoranye kubyakira cyane nk’uko Meddy yabikomojeho na cyane ko atari ahari mu bihe bye bya nyuma. Hari ubwo umuntu agira ikibazo, ugasa nuhugira mu bindi bikarangira bitakigukundiye na cyane ko hagati y’u Rwanda na Leta Zunze Ubumwe z'Amerika harimo intera nini.

    Ubwo Meddy yashyiraga hanze ubutumwa burebure agaruka ku buryo amaze amezi menshi arira buri munsi, Mimi yahise anyura mu nyunganizi “Comment” aramuhumuriza mu magambo meza agira ati: 'Uri urutare rwanjye mukundwa reka urumuri rwawe rukomeze kumurika.'

    Ni amagambo meza koko akwiye ugereranije n’akababaro gakomeye kashenguye umutima wa Meddy nubwo muri byose ishimwe ku Mana akomeza kurigira intwaro dore ko ari yo imenya byose.

    Mu butumwa yashyize hanze, Meddy yatangiye agira ati:'Amezi macye ashize yari amezi yankomereye mu buzima. Byinshi byabaye mu buzima bwanjye ariko icyo nize ni uko icy'ingenzi ari cyo wubakiyeho ubuzima bwawe. 

    Kuko hari iminsi y'ikibi kandi twese tugomba kunyuramo. Ntababebeshye ubuzima bwanjye bwarahunganye kugera mu ndiba.'

    Avuga ko Imana yonyine ariyo yamunyujije mu bihe bikomeye amazemo iminsi ati: 'Icyo nari nishyingikirije cyonyine ni Imana, umugore wanjye ni we muhamya, yambonye nyura mu bubare bukomeye bw'ubuzima bwanjye ambera umwunganizi mwiza. 

    Narariraga buri munsi mu mezi menshi ariko na none ni ko buri munsi ukwizera kwanjye kwazamukaga.'

    Yavuze ko kubera kuyizera yari azi ko azongera agatora agatege ati:'Nari mbizi ko igihe kizagera nkongera gukomera nkahinduka nkaba umugabo mwiza rimwe na rimwe turebe uruhande ruto rw'ubuzima bwacu ariko hari uruhande runini rufite igisobanuro kigari n'intego, rero ntuzategereze kubabara ngo ubone kubibona.'

    Avuga ko icyo wabasha gukora ufite kugikora udategereje kandi ahamya ko Yesu ari umwami. Yanaboneraho gushima ahereye ku mugore we n'umwana ati:'Buri munsi duhabwa amahirwe kandi ayawe wasanga ari none rero bavandimwe Yesu ni urutare, ntewe ishema n'impano zanjye ebyiri Mimi na Myla.'

    Ashimira n'abamukunda n'abamufasha mu muziki we ati:'Kandi ntewe ishema n'umuryango wanjye, ntewe ishema namwe mwabanye nanjye mu rugendo rw'umuziki wanjye muri ab’ingenzi, ishimwe rikomeye kuri Licky, Innocente. Thiery na IMC Band.'

    KANDA HANO UNUMVE ‘GRATEFUL’ YA MEDDY

    “>

    Meddy yakomoje ku gahinda gakomeye yatewe no kubura umubyeyi kanashibutseho indirimbo ye nshya ‘Grateful’Meddy yavuze ko Mimi yamubereye imfura mu bihe bitari byoroshye undi na we yongera kumukomeza 

     

    Source : https://inyarwanda.com/inkuru/124892/uri-urutare-rwanjye-mukundwa-mimi-yakomeje-meddy-wahishuye-ko-amaze-amezi-arira-124892.html

  • Umukinnyi wa Arsenal yahawe gasopo kubera kwishimira intsinzi bikabije atakinnye #rwanda #RwOT

    Myugariro w'ikipe ya Arsenal,Oleksandr Zinchenko,yahawe gasopo n'Ubuyobozi bwa FA kubera kwishimira intsinzi y'ikipe ye bikabije atar mu ikipe yakinnye.

    Ishyirahamwe ry'umupira w'amaguru mu Bwongereza,FA ngo ryihanije Oleksandr Zinchenko ku mukino wabahuje na Fulham,ubwo uyu musore yishimiraga igitego cyabonetse mu minota ya nyuma gitsinzwe na Gabriel Maghlaes mu minota ya nyuma.

    Uyu musore utari mu ikipe ikina yaje mu kibuga kwishimira intsinzi bituma FA imuha gasopo yo kutazabisubira.

    Ikinyamakuru The Telegraph cyavuze ko FA yamwoherereje urwandiko imubwira ko kuri uwo mukino yafashwe nk'uwinjiye mu kibuga atabyemerewe kuko atari mu ikipe yakinnye uwo mukino.

    Uyu munya Ukraine yishimiwe cyane n'abakunzi ba Arsenal nubwo yayigezemo mu mpeshyi avuye muri Manchester City.

    Nubwo muri uwo mukino wo muri Kanama Zinchenko yari mu mvune,yishimiye igitego asanga abakinnyi hasi mu kibuga barishimana cyane ko Arsenal yatsinze uwo mukino ibitego 2-1.

    Yahise azamura amaboko yereka abafana ko bakwiriye gufana cyane mu minota ya nyuma kugira ngo ikipe ibone intsinzi.

    Ikipe ya Arsenal irasura Tottenham kuri iki cyumweru mu mukino w'ishyiraniro utegerejwe na benshi cyane ko iri ku mwanya wa mbere aho irusha City ya kabiri amanota 5 gusa.

    Source : https://umuryango.rw/imyidagaduro/imikino/article/umukinnyi-wa-arsenal-yahawe-gasopo-kubera-kwishimira-intsinzi-bikabije-n-igihe

  • Rutahizamu wifuzwaga na Rayon Sports cyane ashobora kuyitera umugongo akisangira Kagere Meddie #rwanda #RwOT

    Amakuru avuga ko rutahizamu ukomoka muri DR Congo wifuzwaga cyane na Rayon Sports, Jean Marc Makusu Mundele kuri ubu udafite ikipe ashobora kwerekeza muri Tanzania gukinayo ibyo mu Rwanda akabivamo.

    Makusu uheruka gutandukana na St Éloi Lupopo, kuri ubu ari kubarizwa muri Algeria aho ari kumwe n’Ikipe y’Igihugu ya Repubulika Iharanira Demokarasi ya Congo muri CHAN 2022.

    Uyu rutahizamu yegerewe na Rayon Sports ndetse imwereka ko imwifuza, baraganira ariko amakuru avuga ko bapfuye umushahara.

    Bivugwa ko Rayon Sports yaciwe n’uyu rutahizamu umushahara w’ibihumbi 3 by’amadorali ariko ikavuga ko itayabona.

    Mu gihe bikivugwa ko Rayon Sports irimo gushaka igusubizo kuri uyu rutahizamu, bivugwa ko yamaze kwerekeza muri Tanzania.

    Makusu w’imyaka 30 bivugwa ko yamaze kumvikana na Singida Big Stars isanzwe ikinamo umunyarwanda Meddie Kagere akaba azayerekezamo nyuma y’imikino ya CHAN.

    Gusa andi makuru aturuka muri Congo na Tanzania ni uko Simba SC ishobora kuyobya uyu rutahizamu ikaba yamwegukana.

    Jean Marc Makusu Mundele ashobora kwerekeza muri Singida Big Stars ya Meddie Kagere

    Source : http://isimbi.rw/siporo/article/rutahizamu-wifuzwaga-na-rayon-sports-cyane-ashobora-kuyitera-umugongo-akisangira-kagere-meddie

  • Bugesera: Polisi yasanze mu nzu y'abasore abakobwa bato bari bamaze iminsi baburiwe irengero #rwanda #RwOT

    Urwego rw'Igihugu rw'Ubugenzacyaha, RIB rwatangaje ko rwataye muri yombi abasore babiri bakurikiranyweho gusambanya abana bikekwa ko bakoreye abakobwa babiri b'abanyeshuri, bakaba bari baburiwe irengero mu minsi ishize.

    Aba bana babiri baburiwe irengero ku wa Mbere tariki ya 9 Mutarama 2023 ubwo bari bageze mu gihe cyo gufata akaruhuko ku ishuri bivugwa ko basohotse aho bigaga muri GS Ntarama ariko ntibagaruka.

    Nyuma yo kubura, ubuyobozi bw'ishuri bufatanyije n'ababyeyi babo bagejeje ikibazo ku nzego z'ubuyobozi zirimo na RIB kugira ngo bafashwe kubabona.

    Ku mugoroba wo kuri uyu wa Gatanu tariki ya 13 Mutarama 2023 nibwo RIB yataye muri yombi abasore babiri barimo ufite imyaka 19 n'uwa 21 bakekwaho gusambanya abo bakobwa.

    Abo bakobwa bivugwa ko basambanyije umwe afite imyaka 15 yigaga mu mwaka wa kabiri w'amashuri yisumbuye mu gihe mugenzi we wigaga mu mwaka wa gatatu w'ayisumbuye afite imyaka 16.

    RIB ivuga ko abo bana bafatiwe mu nzu abo basore babagamo (ghetto) mu Murenge wa Ntarama, Akagari ka Kanzenze, Umudugudu wa Karumuna mu Karere ka Bugesera nyuma y'uko bari bamaze iminsi igera kuri ine ababyeyi babo batazi aho bari.

    Abatawe muri yombi bafungiwe kuri Stasiyo ya RIB ya Nyamata mu gihe aba bakobwa bajyanywe muri Isange One Stop Center ngo bitabweho.

    Umuvugizi wa RIB, Dr Murangira B Thierry yavuze ko iperereza rigikomeje kugira ngo hakorwe dosiye ishyikirizwe Ubushinjacyaha.

    Icyaha cyo gusambanya umwana gihanwa n'ingingo ya kane y'itegeko riteganya ibyaha n'ibihano muri rusange riteganya ko igifungo kiba hagati y'imyaka 20 ariko ntirenga 25.

    Dr Murangira yavuze ko abantu basambanya abana batazihanganirwa na gato.

    Ati 'RIB irihanangiriza mu buryo bukomeye abantu basambanya abana. Ntabwo bazihanganirwa. Ubukure ntabwo bupimishwa ijisho kandi umwana wese ni umuntu utarageza ku myaka 18. Abantu rero bari bakwiye kuzibukira bakava muri ibi bikorwa.'

    Yakomeje agira ati 'Iki cyaha ntikigomba guhishirwa, RIB irasaba ubuyobozi bw'inzego z'ibanze guhaguruka bugafatanya nayo kurwanya icyaha cyo gusambanya umwana.'

    RIB kandi yongeye gusaba ko igihe cyose abantu bagize amakenga babonye hari ahantu hinjiye abana nko muri za ghetto, lodge, n'ahandi bajya bahamagara 166 cyangwa bakamenyesja station ya RIB ibegereye.

    IVOMO:IGIHE

    Source : https://umuryango.rw/amakuru/mu-rwanda/umutekano/article/bugesera-polisi-yasanze-mu-nzu-y-abasore-abakobwa-bato-bari-bamaze-iminsi

  • MU MAFOTO 25: Papi Clever na Dorcas baserukan… – #rwanda #RwOT

    Ni igitaramo cyiswe “Yavuze Yego Live Concert” cyabaye kuri uyu wa Gatandatu tariki 14 Mutarama 2023 muri Camp Kigali kuva saa kumi n’imwe z’umugoroba.

    Papi Clever na Dorcas bageze ku rubyiniro ku isaha ya saa 06:40 mu ndirimbo yatumye biyemeza gutangira gukorana nk’uko Papi Clever yabitangaje.

    Papi yagize ati: 'Turabishimiye bantu mwese kuko mwaje kwifatanya natwe, indirimbo dutangiriyeho ni yo twaririmbanye bwa mbere turi kumwe kuva ubwo sinongere kuririmba njyenyine.'

    Ku isaha ya saa 06:50, bombi bakiriye ku rubyiniro abana babo babiri bavuga ko kuva bakwiyemeza kubana mu mwaka wa 2019, Imana yabakoreye ibikomeye ibaha n'urubyaro.

    Abana babo ni abakobwa 2 Ineza Oakynn na Uwineza Kylie. Papi yatangaje ko abana babo nabo ari abakozi b'Imana kandi bakunda umuziki cyane.

    Aba baramyi baserutse mu myambaro myiza ubona ko rwose bari biteguye cyane iki gitaramo nk'ubukwe. Ni cyo gitaramo cya mbere bakoze kuva batangiye kuririmbana nk’itsinda ry’umugabo n’umugore.

    Papi n’umugore we Dorcas bakomeje guhembura imitima y’abakunzi baboUmukobwa wabo mukuruMu byishimo byinshi umuryango wiyemeje kuramya no guhimbaza Imana

    N’abo hanze y’u Rwanda bakunda bikomeye umuziki wa Papi Clever na Dorcas

    Igitaramo cyaranzwe n’ubwitabire buri ku rwego rwo hejuru

    Abantu bitabiriye ku bwinshi banaryoherwa n’umuziki

    Papi Clever yuzuye amashimwe!

    Source : https://inyarwanda.com/inkuru/124890/mu-mafoto-25-papi-clever-na-dorcas-baserukanye-nabana-babo-mu-gitaramo-cyamateka-124890.html