Author: webrwanda

Muri iyi nama y’ihuriro ry’abayobozi yiga ku bukungu iteraniye i Davos mu Busuwisi, kuri uyu wa Kabiri tariki 17 Mutarama 2023, Perezida Tshisekedi ni umwe mu bayobozi batanze ikiganiro.

Umuyobozi w’Ikigo cy’Igihugu gishinzwe Iterambere mu Rwanda (RDB), Clare Akamanzi uri muri iri huriro, yaboneyeho kubaza uyu Mukuru w’Igihugu cya DRC, impamvu adashaka umuti w’ibibazo by’umutekano mucye biri mu Gihugu cye mu gihe yari amaze kugaragaza ko ari imbogamizi.

Mu kubaza kwe, Akamanzi yagize ati 'Niba ikibazo cy’umutekano ari imbogamizi kuri mwe, niba mufite ubushobozi bwo kugikemura, mwagakwiye kuba mwarabikoze cyera, nifuzaga kumenya impamvu mutifuza imikoranire mu gushyira mu bikorwa imyanzuro yafatiwe i Nairobi igamije gushaka umuti urambye ? Ntekereza ko igisubizo kiri mu biganza byanyu mukaba mwanakorana n’abiteguye kubafasha kugikemura.'

Clare Akamanzi yavuze ko aturuka mu Rwanda, kandi ko kugira ngo ibikorwa by’ubukerarugendo bigende neza muri aka karere ruherereyemo, hakenewe umutekano mu karere kose harimo no muri DRC.

Tshisekedi yatangiye avuga ko 'niba uri Umunyarwandakazi wagombye kumenya ko mu kwezi k’Ugushyingo (2022) habaye inama yashyizeho imyanzuro igamije gusohoka muri iki kibazo. Iyi nama yabereye muri Angola i Luanda yitabiriwe n’Ibihugu byose byumwihariko abahagarariye Ibihugu bibiri birebwa n’ikibazo, ni ukuvuga u Rwanda na Repubulika Iharanira Demokarasi ya Congo.'

Uyu mukuru w’Igihugu cya DRC yakomeje avuga ko imyanzuro yavuye muri iyi nama yasabaga umutwe wa M23 guhagarika imirwano no gusubira inyuma, yongera kuzanamo u Rwanda avuga ko rufasha uyu mutwe.

Yavuze ko itariki 15 Mutarama yahawe uyu mutwe irenzeho iminsi ibiri nyamara ko ukiri mu bice bimwe wafashe.

Ati 'Kubera igitutu cy’umuryango mpuzamahanga uwo mutwe uracyari mu birindiro nubwo wakoze igisa nko kwiyerurutsa usa nk’ubivuyemo ariko wongera kugarukamo mu bundi buryo ukaguma muri izo Lokalite.'

Iki gisubizo kitumvikanagamo ikijyanye n’ikibazo Clare Akamanzi yari yabajije, Tshisekedi yakomeje avuga ko uyu mutwe wa M23 wakoze ubwicanyi muri Kishishe ugamije gutera ubwoba abahatuye kugira ngo ugumane aka gace ubundi ubyaze umusaruro umutungo kamere uhari.

Ati 'Rero ikibazo dufite kirakomeye kuko ntiwashobora gushora imari mu iterambere ry’Igihugu ndetse ngo unashyira imbaraga mu kongerera ubushobozi igisirikare kugira ngo kibashe kurinda umutekano.'

Perezida Tshisekedi yavuze ko ubwo yajyaga ku butegetsi, buri Gihugu mu icyenda bihana imbibi n’Igihugu cye, yagiye akigezaho umushinga w’ishoramari bakorana ndetse n’ibijyanye no gushaka a mahoro n’umutekano mu karere ariko ko hari bimwe mu Bihugu by’ibituranyi bitamubaniye.

Congo ishinja u Rwanda kuba ku isonga ry’umutekano muke binjuze mu gufasha umutwe wa M23 mu gihe rwo rubihakana ahubwo rukayishinja gukorana bya hafi n’Umutwe w’Iterabwoba wa FDLR ugizwe ahanini n’abagize uruhare muri Jenoside yakorewe Abatutsi.

Ikipe y’Igihugu y’u Rwanda ya Handball y’Abatarengeje imyaka 20 yatsinze Congo Brazzaville ibitego 34-32 mu mukino wa kabiri w’Irushanwa Nyafurika ‘IHF Trophy Continental Phase’.

Ni umukino wabaye ejo hashize ku wa Kabiri tariki 17 Mutarama 2023 muri Congo Brazaville aharimo kubera iri rushanwa, hari nyuma y’uko ku wa Mbere bari batsinze Madagascar ibitego 50-29.

Nubwo Congo yatangiye ubona irusha u Rwanda ariko rwaje kuyigaranzura igice cya mbere kirangira ari ibitego 17-16. Igice cya kabiri amakipe yakomeje kugendana ariko u Rwanda rurangiza umukino ruwutsinze 34-32.

Kuri uyu wa Gatatu saa 10h muri Gymnase Nicole OBA, U Rwanda rurakina umukino wa 3 na Guinée.

Iyi mikino Nyafurika irimo guhuza amakipe yabaye aya mbere mu turere twa yo ‘Zones’, amakipe yose akaba agomba guhura ubundi hakabarwa amanota iya mbere ihabwe igikombe abe ari na yo izahagararira Afurika mu mikino mpuzamigabane 'IHF Trophy Intercontinental Phase', izabera muri Costa Rica.

Amatora ari kubera ku rubuga rwa Noneho.com, yatangiye kuva kuri uyu wa Kabiri tariki 17 Mutarama 2023 azarangira ku wa 4 Gashyantare 2023. Kuri uwo munsi nibwo hazaba igikorwa cyo guhitamo abanyamideli 30, bakomeze mu kindi cyiciro (Top 30 Selection).

Aba banyamideli 88 bavuye mu 177 biyandikishije binyuze kuri Email. 30 bazakomeza ni abagize amajwi menshi mu itora ryo kuri internet (Most Voted), batanu batoranyijwe n’abafana (Public Choice) ndetse na batanu bahize abandi mu kwiyerekana neza (5 Best in virtual Casting) abandi 15 bazatangwa n’Akanama Nkemurampaka (15 by Judges).

Ndekwe Paulette uhagarariye Embrace Africa iri gutegura iki gikorwa, yabwiye InyaRwanda ko mu guhitamo abanyamideli 30 bazaha ijambo abafana.

Yavuze ati 'Tuzashyiraho uburyo abafana bagira ijambo mu rwego rwo kubaha umwanya wo guhitamo abagomba gukomeza. Hiyandikishije benshi, rero abafana bazahitamo batanu bajya mu kindi cyiciro babona bahize abandi.”

Akomeza ati “Impamvu twahaye umwanya abafana, ni uko usanga mu bikorwa byinshi usanga ababikurikirana bataha bavuga ko batanyuzwe. Rero utazakomeza hariya ubwo n’abafana ntibazaba bamushimye. Ni ukugira ngo habeho umucyo uhagije muri iki gikorwa.

Ibi bikorwa nk'ibi by'imideli byafashije abarimo Naomi Campbell, Gisele Bündchen, Cindy Crawford, Lais Ribeiro n'abandi.

Ku wa 3 Ukuboza 2021, ikinyamakuru DailyMail cyasohoye inkuru igaruka ku kuntu Naomi Campbell yitwaye mu kumurika imideli mu gikorwa cyiswe 'Arise Fashion Week', cyabereye muri Hotel Armani i Dubai muri Leta Zunze Ubumwe z'Abarabu.

Icyo gihe, iki kinyamakuru cyavuze ko imyaka 36 ishize nta muntu ufite ikibazo ku buhanga bwa Naomi, mu kumurika imideli.

Uyu munyamideli w'Umwongereza w'imyaka 51, aheruka mu Rwanda mu mwaka wa 2019 ubwo yitabiraga umuhango wo Kwita Izina.

Izina rye ryagiye ryisanisha n'ibikorwa byo kumurika imideli bikomeye ku Isi. Abari gutegura 'Rwanda’s Global Top Model' bavuga ko barangamiye gufasha abanyamideli bo mu Rwanda kugera ku rwego mpuzamahanga nk'urw'abandi.

Ni ku nshuro ya mbere kigiye kubera mu Rwanda, mu ntego yo gushyigikira no guteza imbere abiyumvamo impano zo kumurika imideli.

Kugeza ubwo twandikaga iyi nkuru Laura Sarah ni we wari imbere mu majwi

KANDA HANO UBASHE GUTORA UWO USHYIGIKIYE MU IRUSHANWA

AMAFOTO Y'ABASORE N'INKUMI BAHATANYE MURI IRI RUSHANWA:

1.Divine Muziranenge

2.Piorrine Kabasinga

3.Naomi Muhoza

4.Joy Rwagitinywa

5.Olive Gihozo

6.Shamimu Kamanzi

7.Esther Kamanzi

8.Hortence Gakwanya

9.Adraide Uwase

10.Annette Karenzi

11.Flora Ineza

12.Kany Nikeze Mupenzi

13.Nelly Mukundwa

14.Lea Nzamukosa

15.Teddy Rudasingwa

16.Aimee Uwase

17.Danmbaye Ndarbe

18.Sarah Mugiraneza

19.Sandrine Uwimpuhwe

20.Justin Shema

21.Umubyeyi Deborah

22.Ndikumana Zawadi

23.Tuyisenge Ruth

24.Gihozo Patience

25.Uwiragiye Grace

26.Batamuriza Yvette

27.Muberarugo Ellianh

28.Sarah Laura

29.Marie Nsanzimana Benigne

30.Annet Shallon Rwahama

31.Iwacu Grettah

32.Alliance Atete

33.Benitha Karire

34.Cecile Murerwa Uwimana

35.Munyana Kenson

36.Marie Grace Bateta

37.Diane Ngabonziza

38.Marie Bonne Ngirimana

39.Nadia Umuhire

40.Ugirimbabazi Cecile

41.Michelle Ashimwe

42.Zaninka Emelyne

43.Fabiola Teta Nshuti

44.Quethia Ritha Mudahogora

45.Amelia Mwiza

46.Iradukunda De Dieu

47.Muhoza France

48.Niyiturinda Aime Jesus

49.Uwamahoro Joana

50.Beyse Uwambayinema

51.Jovaille Boase

52.Rosine Bamurange

53.Umutoni Christelle

54.Nahimana Esther

55.Akumuntu Kevine

56.Uwera Anette

57.Isimbi Sylivie

58.Nzayihimbaza Rachel

59.Mutesi Ruth

60.Mugemana Justin

61.Kakira Prince

62.Ishimwe Christopher

63.Buseyi Christian

64.Umutesi Nadine

65.Nshogoza Jean

66.Habimana Eric

67.Mugisha Andrew

68.Mugabe Brian

69.Birasa Edison

70.Mucyo Kelyan

71.Hakim Cedric

72.Hamad Yasin

73.Nshuti Boris

74.Sangano Chris

75.Uwurukundo Erson

76.Gatete Fred

77.Willy Cedrick

78.Abdul Karim Kayumba

79.Irumva Mugisha Jacob

80.Nkurunziza Kenny

81.Ishimwe Kevin

82.Ruberwa Edvin

83.Rebero Iriho Osee

84.Israel Maic

85.Patrick Umukunzi

86.Alan Mac Rwemerakurinda

87.Uzabakiriho Emmy

88.Umuganwa Goretti

Mu buryo bwo gukomeza kwinjiza abantu mu mwaka mushya wa 2023, Gabiro Guitar yakoze mu nganzo yifashishije umuhanzi Ricky Password bakora indirimbo nziza.

Muri iyi ndirimbo ibyinitse irimo abana babyinisha umubiri, bumvikanamo batakagiza umukobwa Ricky avuga ko na we ari umuntu akunda ariko ababazwa no kubona uwo akunda ari kumwe n'abandi kandi yifuza kumutetesha.

Gabiro Guitar yumvikana avuga ko rwose yiteguye gukundwakaza uwo yihebeye, uyu muhanzi akaba ari umwe mu bamaze igihe mu ruganda rw'imyidagaduro bagira umuziki ukundwa na benshi.

Mu kiganiro na InyaRwanda.com, Gabiro agaruka kuri iyi ndirimbo yagize ati: 'Ricky Password twamenyanye kuva kera, twari twarifuje gukorana indirimbo tuza kwiyemeza kujya studio duhuza injyana mu gihe cy’iminota 80 kwa producer Logic Hit It'.

Gabiro Guitar ashyize hanze indirimbo nshya, nyuma ya Album aheruka gushyira hanze yise ‘Girishyaka’.

Mu busanzwe zimwe mu ndirimbo Gabiro Guitar wanitabiye irushanwa rya Tusker azwimo zirimo Kakadance, Byakubera, Koma, Igikwe yahuriyemo na Confy n'izindi. 

Gabirio Guitar na Ricky bahuriye muri ‘Pretend’Mu mashusho y’indirimbo baba bakina umukino w’urukundo n’inkumi zitandukanyeGabiro ari mu bahanzi bagira igikundiro cyo hejuruIndirimbo bahuriyeho ifite amashusho aryoheye ijishoZimwe mu nkumi zigaragara mu ndirimbo ‘Pretend’

KANDA HANO UREBE INDIRIMBO ‘PRETEND’ YA GABIRO GUITAR FT RICKY

“>

Mukansanga Salima, umusifuzi mpuzamahanga wo mu kibuga hagati, ni umwe mu ishusho y’u Rwanda kuri ubu by'umwihariko muri Siporo nyuma yo gusifura igikombe cya Afurika ndetse akaza no kugira agahigo kadasanzwe ko kuba umusifuzi  wa mbere w’umugore by’umwihariko muri Afurika wasifuye imikino y’igikombe cy’Isi, aho mu mwaka ushize yasifuye imikino yabereye muri Qatar.

Mukansanga Salima ibikorwa yagezeho byatumye ubu ari mu banyafurika bari guhatanira ibihembo bya Forty Under 40 Africa Award. Mukansanga Salima ahanganye n’abandi basiporotifu barimo Amine Zarat washinze irerero rya Basketball ryitwa Tibu Basketball Academy riherereye muri Maroc, Mmabatho Langa usanzwe ari umuganga rusange wa rubanda muri Afurika y’Epfo, na Dr Koketjo Tsebe usanzwe ari umwarimu muri kaminuza, ndetse akaba n’umuganga mu bya siporo muri Afurika y’Epfo.

Mukansanga amaze kuba ikimenyabose kubera imikino amaze gusifura 

Kuri ubu amatora yo mu cyiciro ya siporo ari kubera kuri nacagha.com, ari naho wanyura ugatora umwe muri aba basiporotifu twavuze haruguru. Kuri ubu ubwo twandikaga iyi nkuru, Mukansanga Salima niwe wari uyoboye aya matora aho afite amajwi 47 ku ijana, agakurikirwa na Mmabatho Langa ufite amajwi 22, Dr Koketjo Tsebe ufite amajwi 19, naho Amine Zariat akaba afite amajwi 10 ku ijana.

Forty Under 40 Afurica Award ni igihembo baha abanyafurika bari munsi y’imyaka 40 bakora business, bakanibanda mu mikurire ya business n’inganda zikubiye mu kwihangira umurimo, abafite ibyo bagezeho mu gukora cyane kandi bakabikora bakiri bato. 

Umuntu ujya muri iri rushanwa agomba kuba avuka muri kimwe mu bihugu 55 bigize umugabane wa Afurika, ikindi kandi agomba kuba atarengeje imyaka 40 cyangwa ariyo afite mu gihe cyo gutanga ibihembo. 

Amina Zariat niwe mugabo uri guhatana muri siporo akaba ari nawe ufite amajwi make 

Gutora abagomba guhatanira iki gihembo, byatangiye tariki 24 Ukwakira birangira tariki 16 Ukuboza 2022. Amatora y’abatoranyijwe yatangiye tariki 10 Mutarama akazasozwa tariki 28 Gashyantare, mu gihe igihembo nyamukuru kizatangwa tariki 25 Werurwe uyu mwaka.

Mmabatho Langa uhanganye na Mukansanga Salima

Dr Koketjo Tsebe nawe ari mu bahanganye na Mukansanga 

KANDA HANO UTORE MUKANSANGA SALIMA

Umwaka ushize atangiye gukorera kuri Mundi Center awusobanura nk'amahirwe adasanzwe yagize mu buzima bwe, kuko ababyeyi be bamushyigikira mu byo akunda- Kandi afite icyizere cy'uko abamugana bazakomeza kwiyongera.

Babo w’imyaka 21 y’amavuko yavukiye mu Rwanda ariko akurira mu Budage, bituma agira ubwenegihugu bw’iki gihugu. Ni umwe mu bakiri bato bashoye imari mu kumurika imideli, ashinga iduka ry’imyambaro abifashijwemo n'umuryango we.

Avuga ko iri duka rya ‘Sahorn’ ari impano yahawe n’umubyeyi we. Aho bacuruza imyambaro y’abagabo, abagore n’abana, kandi ibicuruzwa byose bacuruza biva mu Budage.

Mu muhango wabaye mu mpera za weekend, Babo yavuze ko gushinga iri duka yatekereje ku bushobozi bwa buri wese. Ati “Buri wese yaza akagura.”

Mu gihe cy’umwaka umwe ushize bafunguye iri duka avuga ati “Dushima Imana aho twageze… kandi biracyagenda neza. Turashima aho turi. Iyo haje ibintu bishyashya baragaruka…”

Uyu muhanzi uzwi mu ndirimbo zirimo nka 'Ich Liebe Dich' yakoranye na Urban Boys, avuga ko bitaye cyane ku kugurisha imyambaro n’inkweto ziri ku rwego rwiza, ku buryo buri wese yishimira ireme ry’ibyo bacuruza.

Avuga kandi ko batanga amahitamo ku bakiriya, ku buryo ushobora kugurira umukunzi wawe ikintu runaka atagishima akazajyayo kwifatira ikindi ashaka.

Umubyeyi wa Babo, Sandrine, yakoze ibijyanye no kumurika imideli igihe kinini byanatumye yemeranya n’umwana gukora ibintu n’ubundi basanzwe bakunda.

Yavuze ko gushora imari mu Rwanda, byaturutse ku mugabo we wabonye uburyo akunda ibijyanye no kumurika imideli yiyemeza kumushyigikira kugira ngo anakorere mu Rwanda. Yavuze ko byinshi biri muri iri duka byose biva mu Burayi.

Sandrine avuga ko mu gihe cy’umwaka ushize bashinze ‘Sahorn’ yagutse. Akavuga ko yinjiye mu bijyanye n’imideli cyera, nyuma yo kubwira umugabo we kumushyigikira.

Ati “Naricaye mpa igitekerezo umugabo wanjye ndamubwira nti njyewe ndifuza ko nakwikorera, kandi nkora noneho n’ibintu biturutse iwacu mu Rwanda kugira ngo abantu b’iburayi babimenye.”

Uyu mugore yakoreye mu Budage, mu Mujyi wa Brussels mu Bubiligi mu 2018, U Buyapani, mu Buholandi no mu bindi bihugu yagiye amurikamo imyambaro cyane cyane ifite akarango k’ibyakorewe mu Rwanda.

Avuga ko i Burayi yamenyekanye cyane, atangira no gutekereza uko yakorera mu Rwanda. Ni igitekerezo avuga ko yahawe na Babo, amusaba ko ibikorerwa mu Burayi nabyo yabigeza mu Rwanda-Hari mu gihe cya Covid-19, banzura gutangiza Sahorn muri Mutarama 2022. Ati “Ndabona nabyo biri kugenda neza.”

Ajya inama, akavuga ko buri wese ufite aho ashaka kugera adakwiye gucika intege, ahubwo akwiye gukomeza agahatana kugeza ageze ku ntsinzi.

Ariko avuga ko bagitangira abantu batahise biyumvamo Sahorn, ariko uko bucya n’uko bwije ‘baratugannye cyane’. Ikindi ngo ni uko bakira ibitekerezo bitandukanye by’abakiriya bubakirayo mu kurangura ibyo bacuruza.

Sandrine avuga ko amaze iminsi yakira ibitekerezo by’abantu banamusaba gukorera mu bihugu birimo u Burundi. Anavuga ko kuba Babo ari umuhanzi, byongera abakiriya b’iri duka.

Umuraperi M Izzle ni umwe mu bakorana na Babo igihe kinini. Avuga ko byinshi biri muri iyi nzu y’imideli byihariye ‘ku buryo utapfa kubisanga ahandi’.

Ibirori byo kwizihiza umwaka ushize Babo afunguye iyi nzu y'imideli byitabiriwe n'abantu bazwi mu ruganda rw'imyidagaduro barimo nka Mupende Ramadhan uzwi nka Bad Rama washinze The Mane, yari kumwe n'umuvandimwe we Safi ari nawe ushinzwe ibikorwa bya The Mane.

Hari kandi Muyoboke Alex wabaye umujyanama w'abahanzi banyuranye mu Rwanda, muri iki gihe ari gukorana na Chriss Hat.

Ibi birori kandi byitabiriwe na Mike Karangwa n'umufasha we n'abandi. Byanahuriranye no kumurika imyambaro mishya igaragara muri Sahorn Ltd, ihanzwe na Lito Ris Design ndetse n'iya Karssh Design.

Lito Ris Design ni inzu y'imideli yashinzwe n'Umunyamakuru wa ISIBO TV, Murenzi Emmanuel, umaze kumenyekana mu itangazamakuru nka Emmalito

Yabwiye InyaRwanda ko yamuritse imbumbe (Collection) y'imyambaro ibiri; imwe yitwa 'Umubavu' indi yitwa 'Umutoni'. Avuga ko zitandukanye mu mabara n'uko ikozwemo. Iyi myambaro icuruzwa na Lito Ris Design iba yashushanyijwe cyangwa se yahanzwe na Emmalito. 

Sandrine, umubyeyi wa Babo yashimye abagize uruhare mu iterambere rya Sahorn mu gihe cy’umwaka umwe ushize batangiye gukora 

Bahawe impano zihariye mu rwego rwo kubashimira gushyigikira ‘Sahorn’ 

Umuraperi M Izzle usanzwe ukora muri Sahorn yashimiwe umusanzu we mu guteza imbere iyi nzu y’imideli 

Ibi birori byo kwizihiza umwaka ushize Babo afunguye iduka ry’imideli byahuje abantu b’ingeri zinyuranye 

Mike Karangwa n’umufasha we Isimbi Mimi Roselyne bitabiriye ibi birori bya Babo 

Se wa Babo yashimye buri wese ushyigikira urugendo rw’iterambere rw’umukobwa we 

Umunyabugeni yahaye impano y’ifoto Babo 

Ababyeyi ba Babo bagaragaje ishimwe bafite kuri buri wese ushyigikira umwana wabo 

Umuyobozi wa Uno Fashion, Daniel Kwizera [Uri iburyo] ufite abanyamideli bamuritse imyambaro muri iki gikorwa 

Abasore b’ibituza bifashishijwe mu kugaragaza imyambaro yahanzwe n’inzu eshatu z’imideli 

Imyambaro yahangiwe muri ‘Sahorn’ ya Babo ifite umwihariko mu mabara n’uburyo ikozemo    

Buri wese yatekerejweho ubwo iyi myambaro bayihangaga

Umuhanga mu kuvuza Saxophone, Sax Water yifashishije iki gicurangisho cy’umuziki yaririmbye nyinshi mu ndirimbo zizwi anyura benshi 

Bad Rama washinze The Mane ntiyacitswe n’ibi birori nyuma yo gukora ku mushinga wa The DonPodcast anyuzaho ibiganiro

Abanyamideli bamuritse imyambaro yo muri Karssh Design n’ibindi bijyana nayo

Amakote meza yahanzwe n’inzu y’imideli ya Lito Ris Design yamuritse

Sax Water azwi cyane mu ndirimbo zirimo nka ‘Umutima uramwenya’, ‘I’m fine’ n’izindi

Umushyushyarugamba akaba n’umunyamakuru wa KT Radio, Kasirye Martin uzwi nka Mc Tino ni we wayoboye ibirori

Umuraperi M Izzle ni umwe mu bakora muri iyi nzu ya Babo anafasha mu bijyanye n’umuziki  

Bada Rama [Ubanza ibumoso], Muyoboke Alex wabaye umujyanama w’abahanzi [Uri hagati] na Nizzo Kaboss [Uri ibumoso bwe]

Abanyamideli babanje kwitabwaho mu bijyanye n’ubwiza mbere y’uko bamurika imyambaro  

Babo yashyigikiwe na Bad Rama ndetse na Murumuna we Safi, ushinzwe ibikorwa bya The Mane

Abakobwa babarizwa muri Uno Fashion bakoze ‘Protocol’ muri ibi birori

Murenzi Emmanuel uzwi nka Emmalito washinze Lito Ris Design [Uri iburyo] yifashishije abanyamideli bagaragaje imyambaro yahanze 

Nsengiyumva Alphonse washinze SupraFamily itegura amarushanwa ya Miss Supranational, ibihembo bya Rwanda Influencers Awards n’ibindi

KANDA HANO UREBE AMASHUSHO Y’INDIRIMBO ‘BODIDI’ YA BABO

“>

Kanda hano na hano urebe amafoto menshi

AMAFOTO: Sangwa Julien-INYARWANDA.COM

Kuri uyu wa kabiri tariki 17 Mutarama, nibwo ikipe y’igihugu y’abangavu batarengeje imyaka 19 mu mukino wa Cricket yakinnye umukino wayo wa kabiri, mu mikino y’igikombe cy’Isi kiri kubera muri Afurika Y’Epfo. 

Uyu mukino watangiye ku isaha ya saa 10:00 za Kigali, aho u Rwanda rwagiye kujya mu kibuga rubizi neza ko rugomba gutsinda uyu mukino kugira ngo rugume mu irushanwa, kandi ruhatanira imyanya y’imbere.

U Rwanda nirwo rwatangiye rukubita udupira (Batting) rushyiramo amanota 119, bivuze ko Zimbabwe mu gice cya kabiri yagombaga ku Batting ishaka amanota 120. Mu gice cya kabiri, Zimbabwe yagombaga kuza ishaka kurenza ku manota u Rwanda rwari rumaze gukora, gusa ntabwo byabakundiye kuko bakoze amanota 80 gusa muri Overs 18.2 mu gihe u Rwanda rwakinnye Overs 20.

Gisele Ishimwe Kapiteni w’ikipe y’igihugu niwe wakoze amanota menshi muri uyu mukino agera kuri 34, mu gihe Natasha Mtombe yakoze amanota 20 ku ruhande rwa Zimbabwe.

U Rwanda rusigaje umukino ruzakina n’u Bwongereza tariki 19 Mutarama, mu gihe Zimbabwe izakina na Pakistan. Bitewe n’urwego rwo hasi Zimbabwe iri gutsindiraho kuko ubu ifite -5.325 bituma n'iyo yatsinda, u Rwanda byagorana ko ica ku Rwanda ariyo mpamvu u Rwanda rwamaze kuzamuka mu makipe atandatu ya mbere.

Amakipe 16 ari muri iyi mikino agabanyije mu matsinda 4 aho buri tsinda rizazamukamo amakipe 3 akaba 12, ubundi agakora amatsinda abiri aho buri tsinda rizaba ririmo amakipe 6. 

u Rwanda rwatsinze umukino warwo wa mbere mu mateka y’igikombe cy’isi mu mikino ya cricket

Ibi Minisitiri Bizimana yabiragutseho kuri uyu wa Kabiri tariki 17 Mutarama,2023 mu nama nyungurana bitekerezo yahuje Minsitireri ayoboye n’abahagarariye amadini ndetse n’imiryango ishingiye ku myemerere , igamije gufasha umuryango nyarwanda gukira ibikomere, guteza imbere ubumwe n’ubudaheranwa n’imibanire myiza mu Banyarwanda.

Agaruka ku buryo imibare y’ihungabana ikomeje kwiyongera mu banyarwanda mu byiciro bitandukanye cyane cyane mu rubyiruko , Minisitiri Bizimana yavuze ko umucyo nyarwanda wasenyutse ati’‘Nta munyarwanda wagombye kwica , Valeurs zarabangamiwe cyane,Umuco nyarwanda warasenywe”

Yasabye abitabiriye inama ko mu nyigisho n’ingero batanga mu nsengero zabo bajya bagerageza kuzihuza n’amateka yaranze u Rwanda kugira ngo abayoboke bayo babashe gusobanukirwa neza .

Umuyobozi w’Itorero ry’abadivantiste mu Rwanda akaba n’umuvugizi, Dr Byiringiro Hesron wari mu bitabiriye iyi nama , yavuze ko abanyamadini basabwa gushyira amanga bakabwira abayoboke babo amateka uko ari gusa yemeza ko nabo bibasaba kubanza gusobanukirwa neza ibyo bagiye kwigisha.

Minisitiri Bizimana yifashishije ubushakashatsi butandukanye yavuze ko mu mwaka wa 2022, abanyarwanda bagaragaweho uburwayi bwo mu mutwe bushingira akenshi mu gukoresha ibiyobyabwenge n’inzoga byinshi kandi kenshi ari abantu 96, 357 mu gihe mu 2021 bari 74,364 bivuze ko biyongereyeho 21,993 bahwanye na 29,6%.

Avuga ko muri abo barwayi bakiriwe bose 70% ari urubyiruko bafite ibibazo byo mu mutwe bishingiye ku biyobyabwenge n’inzoga kenshi, aho usanga bakeneye ubuvuzi atari ukubaherekeza gusa.

Akomeza avuga ko muri aba 42 % bari hagati y’imyaka 20 na 39, hejuru y’imyaka 40 ni 38% mu gihe abari munsi ya 19 ari 20

Minisitiri Bizimana yavuze ko amashami yibitaro bya CARAES mu mwaka wa 2022 buri munsi bakiraga abantu 264 ,ugereranyije na 2021 hiyongereho 60%.

Imibare y’ubu bushakashatsi igaragaza ko abatuye Umujyi wa Kigali aribo bafite ibibazo byo mu mutwe kurusha abandi kuko bihariye 40.5%, abagabo bakaba ari bo benshi ugereranyije n’abagore.

Mu bushakashatsi RBC yakoze mu mwaka wa 2018 bwagaragaje ko hose ikibazo cy’indwara y’agahinda gakabije bwari hejuru aho byatezaga indwara yo kwiyahura no kwiyanga aho 11,9% biyanze bashaka kwiyahura. Muri aba abarokotse Jenoside yakorewe Abatutsi 1194 ni bo benshi cyane kuko ari 33%, muri bo abafite agahinda gahoraho ni 3%.

Imibare y’ubushakashatsi bw’Umuryango Unity Club Intwararumuri yo mu 2021, igaragaza ko mu rubyiruko mu bafite hagati y’imyaka 14 na 18, abafite ibibazo by’ihungabana rishingiye ku mateka ari 10% bigaragaza ko ihungabana rigenga rijya mu bisekuru uko bigenda bisimburana.

Ubu bushakashatsi kandi bugaragaza ko aho ihungabana rigaragrana cyane ari mu bana batazi inkomoko benshi biciwe ababyeyi ari impinja aho ihungabana riri kuri 99%, mu barokotse Jenoside ni 87%, mu gihe abavutse ku babyeyi basambanyijwe ku gahato abafite ihungaba ari 69%.

Avutse ku babyeyi badahuje ubwoko nabo hari uburyo Sosiyete utabakira aho abafite ihungabana ari 43% , abavutse ku babyeyi bakoze Jenoside riri kuri 35%.

Imibare ivuga ko mu rubyiruko rwose muri rusange 14% mu bavutse nyuma ya Jenoside bafite ikibazo cy’ihungabana ibi bikaba umukoro ku banyamadini n’abayoboye imiryango ishingiye ku myemerere ku komora ahazaza h’igihugu begera uru rubyiruko kandi barwigisha amateka atagoretse.

Iyi nama yitabiriwe n’abahagarariye amadini atandukanye