Author: webrwanda

Mu bazagezwaho ibyo bihembo harimo Dr. Goodluck Jonathan wahoze ayobora Nigeria, John Pombe Magufuli wahoze ayobora Tanzania, Lt. Gen. Seretse Khama Ian Khama wahoze ayobora Botswana, Visi Perezida wa Liberia, Dr. Jewel Howard-Taylor n'abandi.

Ibi bihembo bizatangirwa muri Kigali Marriott Hotel kuwa 1 Mata 2023, mu muhango uzagaragarizwamo ibikorwa bitandukanye bigaragaza ubudasa n'umwihariko w'umuco nyafurika.

Heritage Times (HT) itegura ibi bihembo, yatangaje ko ari umwanya wo guha agaciro no gushimira Abanyafurika bo mu nzego zitandukanye, bakoze ibikorwa by'indashyigikirwa bigamije kuzamura umugabane.

Ni ibihembo bireba Abanyafurika barimo n'ababa mu mahanga, mu nzego zose zirimo ubucuruzi, politiki, ibikorwa by'ubugiraneza, imyidagaduro, ubuvanganzo, Umuco, ikoranabuhanga, siyansi no guhanga udushya.

Nka Goodluck Jonathan wayoboye Nigeria hagati ya 2010-2015, azashimirwa uburyo ari we Perezida wa mbere wa Nigeria wemeye gutanga ubutegetsi mu mahoro, akabuha abatavuga rumwe na we ubwo yatsindwaga mu matora ya 2015.

Guverinoma ye kandi ni yo yazamuye inzobere mu bukungu ziri gufasha Afurika mu iterambere nka Akinwumi Adesina uyobora Banki Nyafurika itsura Amajyambere (BAD) na Ngozi Okonjo-Iweala uyobora Umuryango Mpuzamahanga w'Ubucuruzi (WTO).

Ian Khama azashimirwa umuhate we mu guharanira uburenganzira bwa muntu n'iyubahirizwa ry'amategeko. Abinyujije mu muryango yashinze, SKI Khama Foundation, yafashije urubyiruko arwongerera ubushobozi mu nzego zirimo ubuzima, uburezi, siporo n'ibindi.

John Pombe Magufuli wahoze ari Perezida wa Tanzania, azahabwa igihembo cy'umuntu waharaniye impinduka abinyujije mu miyoborere, agamije guhashya ibibazo byari byugarije igihugu cye birimo ruswa, imitangire mibi ya serivisi, gusesagura umutungo wa Leta n'ibindi.

Umunyarwandakazi Christelle Kwizera azahemberwa ibikorwa bye byo kugeza amazi meza ku baturage binyuze mu muryango yashinze 'Water Access Rwanda'.

Biteganyijwe ko hazahembwa abandi barimo Victoria Nalongo Namusisi, washinze umuryango ufasha wiswe Bright Kids Uganda akaba ari n'umunyamakuru wa mbere wa siporo muri Uganda; Engr. Simbi Kesiye Wabote, uyobora ikigo cy'Iterambere muri Nigeria, Umunyamategeko wo muri Kenya Prof. Patrick Loch Otieno Lumumba, Sir Benedict Peters uyobora Ikigo gicuruza ibikomoka kuri Peteroli muri Nigeria Aiteo Group; Dr. Ifie Sekibo uyobora ikigo African Chairman of International Energy Insurance (IEI).

Hazahembwa kandi Olumide Akpata Esq wahoze ari Perezida w'Urugaga rw'Abavoka muri Nigeria, Hajiya Hafsat Kolere Buni, umugore w'uwahoze ari Guverineri wa Yobe muri Nigeria, Fred Swaniker washinze Kaminuza ya African Leadership University mu gihe itsinda ry'abana b'ababyinnyi ryo muri Uganda 'Triple Ghetto Kids' naryo rizashimirwa.

Kwitabira uyu muhango bizasaba gutumirwa cyangwa kwiyandikisha nyuma yo gusura urubuga www.theheritagetimes.com/afriheritage

U Rwanda rwatoranyijwe ngo rwakire ibi birori kubera imbaraga rukomeje gushyira mu iterambere, ku buryo rwamaze kuba icyitegererezo kuri benshi.

Dr Ntezilyayo yabitangaje kuri uyu wa Mbere tariki 20 Werurwe, ubwo hatangizwaga icyumweru cyahariwe ubuhuza, mu muhango wahurije hamwe inzego zitandukanye zifite aho zihuriye n'ubutabera.

Ubuhuza ni igikorwa cyo guhuza abantu bafitanye ikibazo bagahuzwa n'undi muntu bahisemo udafite aho ahuriye n'ikibazo kugira ngo abafashe kuganira no kumvikana ku mwanzuro warangiza ikibazo bafitanye.

Ubu buryo bwaratangijwe mu nkiko zo mu Rwanda mu 2018 mu miburanishirize y'imanza z'imbonezamubano, iz'ubucuruzi, iz'umurimo n'izubutegetsi.

Perezida w'Urukiko rw'Ikirenga, Dr Ntezilyayo yavuze ko umusaruro w'ubuhuza mu nkiko umaze kwigaragaza.

Ati 'Imibare dufite ubu igaragaza ko ubuhuza mu nkiko bwagize uruhare mu cyerekezo cy'u Rwanda. Hagati ya 2019 na 2022, ibirego bigera kuri 3000 bimaze gukemurirwa mu buhuza. Twishimiye akazi kari gukorwa n'abahuza ariko urugendo ruracyari rurerure ari na yo mpamvu dukwiriye gukomeza kuvugurura kugira ngo birusheho kuba byiza.'

Yavuze ko mu rwego rwo kurushaho kumenyekanisha uru rwego, muri iki cyumweru bagiye kwibanda ku bukangurambaga mu kongera ubumenyi ku bijyanye n'ubuhuza ndetse no gufasha abahuza b'umwuga gukomeza kwihugura.

Ati 'Tuzaganira ku bibazo bikibangamiye ubuhuza hanyuma tubishakire umuti. Bizatuma ubuhuza buba inzira nziza zitangirwamo ubutabera, dushingiye ku bimaze kugerwaho.'

Umuyobozi w'Akanama Ngishwanama k'Abahuza, Prof Sam Rugege, yavuze ko gukemura amakimbirane binyuze mu buhuza ari byiza ku butabera ndetse no ku iterambere ry'igihugu.

Icyakora yavuze ko hakiri imbogamizi zirimo n'abari mu butabera batabyumva.

Ati 'Mu mezi abiri ashize, twasuye inkiko icyenda mu mujyi wa Kigali n'indi mijyi. Twumvise ko abanyamategeko batita ku kumvisha abakiliya babo kugana inzira y'abahuza. Hari n'abashishikariza abakiliya babo kutajya mu buhuza.'

'Nko mu Rukiko Rwisumbuye rwa Gasabo twumvise ko hari umunyamategeko n'umukiliya we bemeye kugerageza inzira y'ubuhuza, ariko basohotse umwanditsi w'urukiko yumva umunyametegeko abwira umukiliya we kubireka kuko bazatsinda.'

Umunyamategeko Clotilde Rwimo usanzwe ari n'umuhuza, yavuze ko hakenewe ubukangurambaga kugira ngo abantu benshi bayoboke inzira y'ubuhuza.

Ati 'Nk'umunyamategeko niba wakiriye ikibazo cy'umuturage, ukwiriye kumubwira ko hari igihe kinini bizatwara igisubizo kitaraboneka kubera umubare w'ibirego biri mu nkiko. Ushobora kubaza umuturage ko hari ubundi buryo ikibazo cyakemuka mu mahoro. Hakenewe ubukangurambaga.'

Itegeko riha umwanditsi w'urukiko ububasha bwo kumvikanisha ababuranyi mu gihe cy'Inama Ntegurarubanza bakarangiza ikibazo bafitanye mu buhuza.

Umucamanza na we ashobora kugira inama ababuranyi kwiyambaza ubuhuza aho urubanza rwaba rugeze hose. Iyo bumvikanye kuri byose Perezida w'urukiko akora icyemezo kibyemeza kigashyirwaho kashe mpuruza, kikaba cyarangizwa.

Iyo bumvikanye kuri bimwe, raporo y'umwanditsi irabigaragaza igashyikirizwa Perezida na we akagena umucamanza uzaburanisha urubanza ku ngingo ababuranyi batumvikanyeho gusa.

Dr Ntezilyayo yagaragaje ko hakenewe ubukangurambaga kugira ngo ubuhuza bwitabirwe

Abari mu rwego rw’ubutabera basabwe umusanzu kugira ngo abantu babyitabire

Nasibu Abdul Juma Issack wamenyekanye nka Diamond Platinumz ni umuhanzi rurangiranwa w’umunya- Tanzania wabaye ubukombe mu muziki wo muri Afrika no ku Isi hose. 

Yavutse ku wa 2 Ukwakira 1989, yavukiye muri Tanzania, mu bwana bwe yaciye mu buzima butoroshye. Yakoze umuziki uramuhira, bikaba byaramuhaye n’igikundiro kidasanzwe, akundwa n’ingeri zose, harimo n’igitsinagore cyamwihebeye. 

Ibyo byatumye ahinduranya abagore nk’imyenda by’umwihariko yakunze kurangwa no gutereta ibyamamarekazi bizwi muri Tanzania no mu karere kibiyaga bigari (East Africa). 

Gusa nubwo yakundanye nabo ntabwo byamuhiriye dore ko bose batandukanaga nabi ndetse bigakurikirwa no guterana amagambo ku mbuga nkoranyambaga hamwe no kwitana ba mwana mu itangazamakuru.

Dore urutonde rw’abagore b’ibyamamarekazi Diamond Platnumz yakundanye nabo bikarangirira mu marira:

1. Upendo Moshi

Diamond Platinumz agitangira gufatisha mu muziki, yagiye mu rukundo na Upendo Moshi, akaba ari umukinnyikazi wa filime ukomeye cyane muri Tanzania. Yamufashije kuzamura umuziki we.

Upendo na Diamond bakundanye amezi atanu (5) gusa bahita batandukana

Urukundo rw’aba bombi ntirwamaze kabiri kuko batandukanye nyuma y’amezi atanu gusa. Uyu Upendo avuga ko urukundo yagiranye na Diamond Platinumz ari rwo rubi yabonye mu buzima bwe.

2. Wema Sepetu

Nyuma yo gutandukana na Upendo, Diamond Platinumz yajyiye mu rukundo n’undi mukobwa wabica bigacika mu bwiza, Wema Sepetu. Bakundanye igihe Diamond Platinumz yaramaze kwamamara hirya no hino muri Afrika, icyo gihe umuziki we warutangiye kwambuka imigabane.

Wema Sepetu na Diamond bakanyujijeho igihe kitari gito

Aba bombi bakundanye hagati y’umwaka wa 2010 na 2014, nyuma baje gutandukana mu buryo buteruye kuko barahuraga ikindi gihe bagashwana. 

Wema yatangaje ko Diamond ariwe muntu wamubabaje kurusha abandi mu rukundo

 Nubwo urukundo rwabo rwagaragaraga ko ari rwiza, nyuma yo gutandukana kwabo Wema Sepetu yavuze ko Diamond ari we muntu wamushenguye umutima kurusha abandi bose yakundanye nabo.

3. Jokate Kidoti

Diamond Platinumz akibeshyabeshya Wema Sepetu ko amukunda, yijyiriye mu rukundo na Jokate Kidoti. Uyu Kidoti akaba yari umunyamidelikazi karundura muri Tanzania.

Jokate yari inshuti magara ya Sepetu bituma banangana amaze kumenyako yakundanaga na Diamond

Muri ibyo bihe byahishuwe ko Kidoti wakoraga kuri imwe muri taleviziyo zo muri Tanzania yari inshuti magara na Wema Sepetu, ibyo byatumye ubuncuti bwabo bugera ku musozo.

Ubu Jokate ni Umuyobozi w’Akarere ka Temeke ho mu mujyi wa Dar Es Salaam, akaba aherutse kwibaruka umwana witwa Totoo.

4.Penny Mungilwa

Nk’uko twabivuze haruguru, Diamond Platinumz yatandukanaga na Wema bakongera bagasubirana. Urukundo rwabo rukomeje gucumbagira, Platinumz yajyiye mu rukundo n’indi ncuti ya Wema ari we Penny.

Umunyamakurukazi Penny Mungilwa nawe yakanyujijeho na Diamond mu myaka yashize

Uyu Penny Mungilwa yari umunyamakurukazi kuri imwe muri televiziyo zo muri Tanzania. Urukundo rwabo ntirwarambye, baje gutandukana Platinumz ahita asubira kwa Wema Sepetu.

5. Zari Hassan

Amaze kugaruka kwa Wema, yamwakiranye ubwuzu agira ngo ntazongera kujarajara. Nyuma haje gusohoka amashusho ndetse n’amafoto ari kumwe n’ umunyamidelikazi akaba umushabitsi w’ Umugande, Zari Hassan uzwi nka Zari The Boss Lady bari kumwe. Wema amubajije ibyayo, Diamond yarahakanye avuga ko ari iby’ indirimbo bari gukoraho.

Urukundo rwa Zari Hassan na Diamond Platnumz rwavugishaga benshi

Byaje kwemezwa ko bari mu rukundo  kugera  n’ aho babana muri Tanzania. Babyaranye abana 2 aribo Princess Tiffah na Prince Nillan. Na we ntibyatwaye imyaka myinshi, muri 2018, batangaje ko batandukanye. Zari yahise amuta ajya gutura muri Afrika y’ Epfo n’ urubyaro rwe. 

Batandukanye bamaze kubyarana abana babiri

Nyuma yo gutandukana kwabo, Zari yakunze kuvuga mu itangazamakuru ko Diamond Platnumz yamucaga inyuma ndetse ko yaramukurikiyeho amafaranga. Kugeza ubu aba bombi bakunze gutungana intoki ku cyatumye ibyabo birangirira mu marira.

6. Hamisa Mobeto

Nubwo Diamond Platinumz yari yajyiye mu rukundo n’umugore mwiza kandi ufite amafaranga, Zari, Diamond Platinumz yakomeje gushurashura mu zindi nkumi. Yajyiye mu rukundo rwa bucece n’umunyamidelikazi karundura, Hamisa Mobeto. Zari yaje kubivumbura afata icyemezo cyo kumusiga.

Bagitangira gukundana Diamond yifashishije Hamisa mu mashusho y’indirimbo yitwa ‘Salome’

Uyu akaba yarakoreshejwe mu mashusho y’ indirimbo Diamond Platinumz yakoranye na Rayvanny, Salome. Zari yamubajije impamvu akomeza kumwikubaho, Diamond amusubiza ko nta rukundo bafitanye ahubwo ari ibijyanye n’ indirimbo bari gukoraho.

Hamisa arikumwe n’umuhungu yabyaranye na Diamond Platnumz

Hamisa Mobeto yaje kwibaruka umwana, Diamond aramwigarama, ariko nyuma yaje gutangaza ko ari uwe. Ibyo byose byatumye Zari afata icyemezo cyo gutandukana na we.

7. Tanasha Donna

Diamond Platinumz yakomeje urugendo rutamworoheye rw’ urukundo. Yajyiye mu rukundo n’ Umunyakenyakazi, Tanasha Donna aka ari umunyamakuru kuri imwe muri radio zo muri icyo gihugu. Aba bombi baryohewe n’urukundo dore ko batasibaga kugaragara mu bitangazamakuru bitandukanye.

Baje no kubyarana umwana w’ umuhungu bamwita Naseeb Junior. Urwabo na bo rwaje gushwenyuka. Muri Gashyantare 2020 nibwo bemeje ko bamaze gutandukana.

Tanasha Donna yakundanye na Diamond igihe kitari gito birangirira mu marira

Nyuma yo gutandukana na we, inkuru yuko Diamond Platinumz yaba ari mu rukundo n’uwo yasinyishije mu nzu ye ifasha abahanzi ya WCB, ari we Zuchu yatangiye gucicikana mu bitangazamakuru bitandukanye byo muri Tanzania.

Batandukanye nabo babyaranye umwana w’umuhungu

Aba nibo bagore b’ibyamamarekazi Diamond Platnumz yaterese bikarangirira mu marira. Aha kandi ntihabarizwamo umuhanzikazi Zuchu uherutse gutangaza ko yatandukanye nawe kuko byaje kumenyekana ko mu byukuri aba bombi batakundanaga ahubwo byari uburyo bakoresheje kugirango bakomeze kuvugwa cyane no gucuruza ibihangano byabo (Publicist Strategie).

Imikino iri guhuza Polisi zo mu bihugu u Rwanda ruherereyemo, umukino wa mbere urangiye Polisi y’u Rwanda yari ihagarariwe na Police FC, itsinze Polisi y’u Burundi yari ihagarariwe na Rukinzo FC, ibitego 3-1. Polisi y’u Rwanda yatsindiwe na Hakizimana Muhadjiri, Mugisha Didier na Kayitaba Jean Bosco, naho igitego cya Polisi y’u Burundi cyatsinzwe na Hakizimana Tity.

Uko umukino wagenze

90+4″ Umukino urarangiye

Umukino wahuzaga ikipe ya Polisi y’u Burundi na Polisi y’u Rwanda, urangiye Polisi y’u Rwanda itsinze Polisi y’u Burundi ibitego 3-1 harimo 2 byabonetse mu gice cya kabiri.

90″ Umusifuzi Moise yongeyeho iminota 4, bisaba ko ikipe ya Polisi y’u Burundi ikora ibisa n’amateka, ikishyura ibi bitego.

87″ Umukino w’umupira w’amaguru uzongera gukinwa muri aya marushanwa ku wa 5 tariki 25 Werurwe.

83″ Ikipe ya Polisi y’u Burundi yatangiye gucika intege, ndetse babona ko gucyura amanota 3 kuri uyu mukino ari ibintu bigoye

79″ Igitego cya gatatu cya Polisi y’u Rwanda nibwo cyageze mu izamu

Kayitaba Jean Bosco wari ukijya mu kibuga yatsinze igitego cya gatatu ku mupira wari mu kavuyo imbere y’izamu, ndetse haza no kubonekamo abakinnyi bagize ikibazo cy’imvune.

77″ Mugisha Didier wagize ikibazo, yavuye mu kibuga asimburwa na Kayitaba Jean Bosco

77″ Gusimbuza ku ruhande rwa Polisi y’u Burundi, Hakizimana Tity ahaye umwanya Kahindo Fils

65″ Igitego cya Polisi y’u Rwanda

Mugisha Didier atsinze igitego cya kabiri cya Polisi y’u Rwanda acomotse ba myugariro bagera kuri batatu arekura ishoti rikomeye, umunyezamu ntiyamenya aho umupira unyuze. Didier yigaruriye abapolisi bose bari ku kibuga ndetse n’abandi bafana.

58″ Uyu mukino nurangira harakurikiraho umukino wa Volleyball uri bubere muri BK Arena ku isaha ya saa 18:00 PM

56″ Irakoze Jimmy Kapiteni wa Polisi y’u Burundi ahawe ikarita y’umuhondo ku ikosa yari akoreye Muhadjiri

55″ Polisi y’u Rwanda iri gushaka uko yatsinda igitego ikoresheje uburyo nk’ubwa mbere ariko igasanga Polisi y’u Burundi amakosa yayakosoye

50″ Polisi y’u Rwanda ibonye koroneri itewe na Rutanga Eric ariko avamo indi ya kabiri nayo ayiteye umupira ba myugariro ba Rukinzo bawukuramo.

48″ Amakipe yombi atangiranye imbaraga zo hejuru ndetse ubona ko nta kipe yifuza kunganya

45″ Igice cya kabiri kiratangiye hagati y’ikipe ya Polisi y’u Burundi ihagarariwe na Rukinzo FC ndetse na Polisi y’u Rwanda ihagarariwe na Police FC

IGP Felix Namuhoranye umuyobozi wa Police y’u Rwanda ni we watangiye umukino ku mugaragaro ubwo ikipe ya Polisi y’u Rwanda yakinaga na Police y’u Burundi. Uyu muyobozi yagaragaje ubuhanga kuri ruhago ubwo yageragezaga gutangiza umukino akoresheje ubuhanga bwa kinyamwuga.

45″ Umusifuzi yongeyeho iminota 2 itagize icyo itanga, igice cya mbere kikaba kirangiye amakipe yombi aganya igitego kimwe kuri kimwe.

44″ Amakipe yombi amaze iminota 10 ubona umupira wagabanyije imbaraga, ndetse uburyo bukomeye bw’ibiyego bwagabanyutse.

42″ Polisi y’u Burundi ibonye kufura ariko ntiyayibyaza umusaruro ku mupira wari utewe na Ndikumana Danny umupira urenga izamu.

37″ Nimero 10 Munaba Edison ukinira ikipe ya Polisi y’u Burundi amaze kugaragaza urwego rwo hejuri muri iyi kipe ndetse yanagoye abakinnyi ba Polisi y’u Rwanda.

Hakizimana Muhadjiri ati ‘niko mbaho iyo ngeze imbere y’izamu’

31″ Ikipe ya Rukinzo FC ihagarariye Polisi y’u Burundi, muri shampiyona y’icyiciro cya mbere mu Burundi, iri ku mwanya wa 8 n’amanota 31 mu mukino 23 shampiyona imaze gukinwa, mu gihe Police FC muri shampiyona y’u Rwanda iri ku mwanya wa 6 n’amanota 36 mu mikino 23 imaze gukinwa

28″ Igitego cya Polise y’u Burundi

Polisi y’u Burundi ibonye igitego gitsinzwe na Hakizimana Tity ku burangare bwa Rutanga Eric banyuzeho ku mupira wazamukanwe na Ndikumana Danny areba uko Tity ahagaze amuha agapira keza nawe ahita atereka mu izamu.

24″ Mugisha Didier uri gukina aciye ku ruhande mu ikipe ya Polisi y’u Rwanda yagoye ba myugariro ba Polise y’u Burundi kuko umupira wose afashe uba ugoye.

Polisi y’u Rwanda ifite abafana benshi bambaye impuzankano

17″ Rukinzo FC ihagarariye Polisi y’u Burundi yatangiye gushira ubwoba, yatangiye kugera imbere y’izamu rya Polisi y’u Rwanda, ndetse ubona ko bashaka kugerayo ku gapira bahererekanya ko hasi.

14″ Umukinnyi wa Rukinzo FC ihagarariye Polisi y’u Burundi Simpo Juma, ari gutangaza abantu baje kureba uyu mukino kubera uburyo arimo kunaga imipira. Buri mupira wose urengeye imbere y’izamu rya Polisi y’u Rwanda arahita awunaga mu izamu ntakuzuyaza.

10″ Ikipe ya Polisi y’u Rwanda ubona ko yatanze ikipe ya Polisi y’u Burundi kwinjira mu mukino, nyuma yaho bamaze kubatera imipira igera kuri 4 igana mu izamu abandi badakoramo.

Hakizimana Muhadjiri utarahamagawe mu Amavubi, niwe watsinze igitego cya mbere cya Polisi y’ u Rwanda

07″ Police y’u Rwanda ihushije igitego. Mugisha Didier ashatse gutsinda igitego ari kure arekura ishoti rikomeye, umupira unyura hejuru y’izamu gato.

03″ Police FC ibonye igitego

Hakizimana Muhadjiri Police FC wambaye nimero 10 mu mugongo, afunguye amazamu ku gitego atsinze yinjiye mu rubuga rw’amahina areba uko umunyezamu wa Rukinzo ahagaze amutera ishoti rikomeye, umupira uruhukira mu izamu.

15:19″ Umukino uratangiye ukaba utangijwe n’ikipe ya Police FC

15:16″ Umusifuzi Moise uri busifure mu kibuga hagati, arimo aganira n’abasifuzi ndetse ababwira ko bagomba gukina bitonze.

15:14″ Ikipe ya Police FC yambaye imyenda itari isanzwe yambara, ndetse n’ikirango cya ‘Gerayo Amahoro’ nta kiriho.

15:14″ Amakipe yombi arimo kwifotoza amafoto y’urwibitso.

15:13″ Byari biteganyijwe ko umukino utangira ku isaha ya saa 15:00 PM ariko kubera ubu ntabwo Umusifuzi Moise arahuha mu ifirimbi.

Rutanga Eric ni we kapiteni wa Police FC kuri uyu mukino

Aya makipe yombi ahagarariye Polisi z’ibi bihugu mu mikino ya EAPCCO iri kubera mu Rwanda ku nshuro ya mbere

Abakinnyi 11 Rukinzo FC yabanje mu kibuga
23 Rugumandiye Yvan
19 Icoyitungiye Alain
20 Nizigiyimana Amissi
22″ Mugisha Blaise
13″ Ciza Paul
15″ Simpo Juma
28″ Mpawenimana Abdoul
29″ Hakizimana Tity
10″ Munaba Edison
7″ Ndikumana Danny
5″ Muhuza Patient

Abakinnyi 11 Police FC yabanje mu kibuga
18. KWIZERA Janvier
3. Rutanga Eric
13. Ruhumuriza Patrick
4. Rurangwa Moss
5. Turatsinze John
22.Iyabivuze Osee
21.Nsabimana Eric
80. Rutonesha Hesborn
9.Mugisha Didier
10. Hakizimana Muhadjir
8.Ntirushwa Aime

Rwari ruteguye mu buryo bwihariye kandi hajyanishijwe n'umuco w'u Rwanda. Amatara y'amabara atandukanye yacanwa bikanogera ijisho, ukavuga uti 'koko umuco w'u Rwanda urakungahaye'.

Kubona insina, imiseke, indabo, inkoko, ibibambano, ibiti, inyegamo, imisambi n'ibindi byihariye byari bigize uru rubyiniro, ubwabyo byari biteye ubwuzu.

Uburyo buri kimwe cyari ku murongo byateguwe bigizwemo uruhare na sosiyete ya 'Nita Impressions' ya Umuratwa Kate Anitha wegukanye ikamba rya Miss Supranational Rwanda 2021. Asanzwe ari umubyinnyi mu Inyamibwa.

Umuratwa yabwiye InyaRwanda ko kuva cyera yahoranye igitekerezo cyo kurimbisha ahantu habereye ibirori, ariko ntiyari azi igihe azabitangirira.

Yavuze ko muri iki gihe yitegura gusoza amasomo ye ya Kaminuza, yasubije inyuma amaso atekereza ku rugendo rw’ubuzima, rurimo kuba yaritabiriye Miss Rwanda, Miss Supranational, agahagararira u Rwanda n’ibindi bikorwa binyuranye yanyuzemo birimo n’ubuhinzi ariko akabona ntari gushyikira iterambere nk’uko yarishakaga.

Uyu mukobwa avuga ko yemeranyije n’umutima we kwikorera, kandi ko ari inzozi yiyubatsemo kuva cyera. Ati “Nakuze numva nzaba uwikorera […] Ibyo byose najyagamo bya Miss Rwanda n’ibiraka nagiye nkora ni ugukorera abandi, hari icyo byagiye bingezaho, ariko kwari ugukorera abandi atari ukwikorera.”

Umuratwa avuga ko ari umuntu ushyira umutima ku kazi kose yahawe, byanatumye yibaza uko byagenda ashyize umutima ku bintu bye, kandi akabigenera igihe cye cyose.

Ati “Niba ‘Business’ nkorera zitera imbere, abo menyekanishiriza ibikorwa (bakamenyekana), kubera iki ntakora ibyanjye nanjye nkabishyiramo imbaraga, nkabyamamaza, nkatangira gahoro gahoro, nanjye nkazafatisha ibyanjye, abo bampa akazi nanjye nkajya nkabaha.”

Yavuze ko ari umuntu wakuze ushaka gukora cyane, biri mu byatumye atekereza kucyo azakora kikamuteza imbere nyuma yo gusoza amasomo.

Ati “Iyo urangije kwiga uba ubaye mukuru… Uba utangiye urundi rugendo, abantu baba bakubona muyindi shusho, yaba ababyeyi, yaba n’abaguha ibyo wita ko ari bicye, niko byiyumvamo rero uba ukwiye kuba mukuru ugatingira ugakora.'

Yabanje kwandika ibintu byose atekereza ko afitiye ubushobozi bwo gukora:

Uyu mukobwa wahagarariye u Rwanda muri Miss Supranational, avuga ko yafashe igihe cyo kubanza kwitekerezaho afata ikaramu n’urupapuro yandika buri kimwe atekereza ko yerekejeho amaboko cyamuhira, birangira ‘nkunda ibintu byo gutegura’.

Umuratwa avuga ko akazi yinjiyemo ko kuririmbisha ahabera ibirori atari bishya kuri we, kuko abamuzi kuva akiri muto bamubwira ko ‘wagiye mu bintu byawe kandi ukunda’.

Akomeza avuga ko ubuzima bwe buhora bwisanisha n’ibintu bisa neza, biri mu bituma n’ahantu hose agiye yita cyane ku bwiza bw’aho. Ati “Ibi byose maze kubirebaho nibwo nabonye ko nkunda umuteguro.”

Yatangiye atekereza kujya akora ‘Decoration’ mu bukwe ariko akabona biramusaba amafaranga menshi n’ubwo abikunda. Ariko, yiha intego yo kwizigamira ku buryo azatangirana na 2023 yikorera. Kuri we, avuga ko ukwezi gushize atangiye gukora.

Uyu mukobwa avuga ko yakuze yiyumvamo kwikorera, ariko ntiyari aziko azakora ibijyanye na ‘Decoration’.

Inzozi ze n’umwihariko we

Umuratwa avuga ko afite inzozi zagutse, kuko ashaka gukora ibijyanye na ‘Decoration’ ku rwego rwiza kugeza ubwo azatangira kwiyambazwa ahantu hanyuranye.

Uyu mukobwa avuga ko umwihariko we ari uko yita kuri buri kantu kose asabwa. Ati “Nita kuri buri kintu kenshi abantu benshi batitaho. Njye ukuntu nagiye mbibona ari nacyo kintu cyatumye nshaka kuza nkakora ibintu byanjye, abantu bakora ibintu kugira ngo birangire, niba wamuhaye akazi ngo birangire, ntabwo ari bose ariko uko byagenda kose abenshi.'

'Umwihariko wanjye rero ni uko nita kuri buri kantu. […] Ibintu biba bigomba kumera neza n’ubwo yaba ari akadomo.”

Yavuze ko n’ubwo afite abo akorana nabo, ariko agira uruhare rukomeye mu gutuma ibyo yateguye cyangwa se yasabwe gutegura bisa neza.

Kuri we, ntabwo areka umukozi ngo akore wenyine. Ati “Ninjye ubyikorera, nkabitangira nkamubwira nti nsoreza.”

Umuratwa avuga ko amaze gukorana n’abantu bacye kubera ko ari bwo agitangira, kandi ntabwo ashyize imbere cyane inyungu, ahubwo arashaka kubanza kugaragaza ko ashoboye mu kurimbisha ahantu.

Uyu mukobwa avuga ko ibyo akora yishyira mu mwanya w’umukiriya bituma ibyo yateguye nawe abanza kubyiyumvamo.

Ibyiyumviro nyuma yo kurimbisha ahabereye igitaramo cy’Inyamibwa:

Igitaramo ‘Urwejeje Imana’ ni kimwe mu byubakiye ku muco byitabiriwe ku buryo bukomeye n’ibihumbi by’abantu.

Kuri Umuratwa guhabwa kuririmbisha iki gitaramo, ni urwibutso rudasaza kuri we. Yavuze ko amaze gutegura ubukwe bw’umuntu umwe, ibirori by’isabukuru bitatu kugeza ubu.

Umuratwa yavuze ko ashingiye ku kuntu yaririmbishije iki gitaramo ‘binyereka ko ejo hazaza ari heza’. Agakomeza ati “Iyo umuntu agitangira aba atarakora neza, ariko niba ntangiye gutya ndabizi neza ko uyu munsi kuba nakoze iki gitaramo uko, uko abantu bakibona mpawe ikindi gitaramo byaba byiza kurushaho.”

Uyu mukobwa ashimangira ko uburyo yateguye iki gitaramo byamuhaye ishusho y’uko afite ubushobozi bwo gukora mu bikorwa binini.

Ati “Kuko kiriya gitaramo cyari kinini. Urubyiniro rwari runini, nakoze uko nari nshoboye, mu bikoresho nari mfite, ntekereza ko iyo biza kuba byinshi kurushaho byari bube byiza kurushaho. Sinzi uko abantu babibonye, sinzi uko bimeze, ariko byanyeretse ko nshoboye kandi nakora nibirenze biriya.”

Umuratwa avuga ko nyuma y’iki gitaramo yakiriye ibitekerezo by’abantu bashimye umuteguro we. Bimuha imbaraga zo gukomeza urugendo rwe rwo kurimbisha ahantu hahuriza abantu hamwe.

Anitha yavuze ko n’ubwo inshuti ze zakundaga kumubwira ko atubahiriza igihe, iyo bigeze ku mukiriya harimo umwihariko kuko yubahiriza igihe cyane.

Uyu mukobwa avuga ko akunda umuco w’u Rwanda, ari nabyo ashaka gushyiramo imbaraga cyane akarimbisha ibirori byubakiye ku muco. Yemeza ko iki gitaramo cy’inyamibwa ‘cyabaye intangiriro yo gukora ibintu bya Kinyarwanda’.

Ibiganiro aba bakuru b'ibihugu bombi bagiranye, byibanze ku buryo bw'ubufatanye ndetse n'uko bakomeza gushimangira ubufatanye mu ngeri zirimo ubukungu n'ishoramari.

Banunguranye ibiterekezo ku ngingo zirebana n'ibibazo mpuzamahanga ndetse n'ibyo mu karere.

Ibiganiro byabo byitabiriwe n'abaminisitiri batandukanye ku mpande zombi. Nyuma yabyo, Emir wa Qatar yakiriye Perezida Kagame n'itsinda ryamuherekeje mu musangiro.

Sheikh Thani by'umwihariko ni inshuti y'u Rwanda na Perezida Kagame. Uyu mugabo w'imyaka 43 yasuye u Rwanda inshuro nyinshi ndetse muri Kanama yari i Kigali yitabiriye CHOGM nk'umutumirwa. Ni mu gihe ishoramari ry'Abanya-Qatar rikomeje kwiyongera mu Rwanda mu nzego zitandukanye.

Umukuru w’Igihugu ubwo yakirwaga na Emir wa Qatar

Perezida Kagame yagiranye ibiganiro na Emir wa Qatar byibanze ku gushimangira umubano usanzwe hagati y’ibihugu byombi

Muri Gashyantare nibwo Perezida wa Komisiyo y'Igihugu y'Amatora, Odda Gasinzigwa, yabwiye abanyamakuru ko hari icyifuzo cy'uko amatora y'Abadepite ateganyijwe muri uyu mwaka, yazabera rimwe n'aya Perezida mu 2024.

Yagize ati “Ibi rero bihujwe, cyane cyane dushyira mu gaciro ko manifesto (ibikorwa bishyizwe imbere) y'aya mashyaka iba iganirwa mu gihe cyo gushaka Abadepite bahagararira ayo mashyaka ya politiki, ndetse no mu gihe cy'amatora ya Perezida wa Repubulika, manifesto y'ayo mashyaka ni yo isubizwa muri ba baturage kugira ngo bayumve.”

“Bikunze rero kugira ngo tuyahuze, byatugabanyiriza cyane ibijyanye n'ingengo y'imari, ariko nanone n'umwanya.”

Komisiyo y'Amatora igaragaza ko usanga itora rimwe ritwaye hafi miliyari 7 Frw, ku buryo kuyakora inshuro ebyiri byatwara nibura miliyari 14 Frw mu myaka ibiri ikurikirana.

Iyi ngingo yongeye kugibwaho impaka kuri uyu wa Mbere, mu kiganiro Imboni Musesenguzi kuri Televiziyo Rwanda.

Ni ikiganiro cyatumiwemo Depite Frank Habineza wo mu Ishyaka riharanira Demokarasi no kurengera ibisukikije, DGPR na Senateri Evode Uwizeyimana uvuga ko nta mutwe wa politiki abarizwamo.

Depite Habineza yavuze ko babona inyungu mu guhuza aya matora, bashingiye ku byo babonye nk'ishyaka ryitabiriye amatora ya Perezida n'ay'Abadepite mu myaka ibiri ikurikiranye.

Ati “Twabonye imvune irimo ikomeye cyane, ari mu rwego rw'ingufu abantu bakoresha, ari n'abaturage ukuntu bitabira, ndetse no mu rwego rw'amafaranga amashyaka cyangwa imitwe ya politiki ikoresha, hakenerwa byinshi cyane kugira ngo tuzenguruke igihugu cyose.”

Yavuze ko iki gitekerezo batagishyigikiye kuko bari mu Nteko, ahubwo “iyo igitekerezo ari cyiza, kiba ari cyiza.”

Yakomeje ati “Iki gitekerezo twabonye harimo inyungu ku ishyaka, nkatwe murabizi ko cyane cyane mu buryo bw'amafaranga biba bigoye, hari igihe abantu bibasaba gufata n'amadeni kugira ngo bajye mu matora, urumva nubwo wafata ideni warifatira icyarimwe, ukabikorera icya rimwe, aho kugira ngo uyafate kabiri.”

Inzira bizanyuzwamo bihuzwa

Senateri Evode Uwizeyimana wari mu itsinda ry'abantu bafashije mu kuvugurura iri tegeko nshinga mu 2015, yavuze ko guhuza aya matora, uretse kuzigama amafaranga yari gukoreshwa mu matora inshuro ebyiri mu bihe byegeranye, harimo no gukoresha neza igihe cy'abaturage.

Mu gihe manda itaha ya perezida n'iy'abadepite ari imyaka itanu, amatora yari kuzajya aba mu myaka ikurikiranye.

Ati “Nk'uko bigaragara, bizasaba ko Itegeko nshinga ryongera gukorwaho, ryongera kuvugururwa kuko manda y'abadepite ni manda igenwa n'Itegeko Nshinga, bityo birumvikana nta bundi buryo bwashoboka bwo kugira ngo aya matora ahuzwe bitanyuze mu kuvugurura Itegeko nshinga, cyane cyane iriya ngingo ya 76 ivuga ibijyanye na manda y'abadepite.”

Umuvugizi wungirije wa Guverinoma, Alain Mukuralinda, yavuze ko iki ari igitekerezo cyiza, kandi itegeko nshinga rihinduwe ntabwo byaba ari igitangaza.

Ati “Hano rigomba guhindurwa, ntabwo bisaba referendumu, bisaba ko uwaba abifitiye ububasha, ushobora kubisaba, ahangaha, guverinoma ifite uburenganzira bwo kubisaba, bifite inzira bicamo binyuze muri minisiteri runaka, bikagera mu nama ya Guverinoma bakabyemeza, noneho ubusabe bugashyikiriwa Inteko, ikabisuzuma.”

Abafite ububasha bwo gutangiza ivugururwa ry'Itegeko Nshinga ni Perezida wa Repubulika abinyujije mu nama y'abaminisitiri, n'Inteko ishinga amategeko.

Senateri Uwizeyimana yavuze ko mu ngingo ya 79 y'Itegeko Nshinga, havuga ko iyo abadepite babura iminsi 30 ariko itagera kuri 60 ngo mada yabo irangire, Perezida wa Repubulika asesa umutwe w'abadepite ku mpamvu z'amatora.

Ati “Ni ukuvuga ko turebye nko mu kwa karindwi nk'uko bisanzwe bigenda, Perezida Kagame mu mpera yagombye gusesa umutwe w'abadepite kugira ngo bajye mu matora y'iyindi manda.”

“Uburyo bushoboka ni uko Perezida wa Repubulika ari we uzatangiza iri vugurura, nibyo byaba ari byiza. Nubwo umutwe w'abadepite na wo ufite ubwo bubasha, ariko bagomba kwirinda n'icyo kintu cyo kuvuga ngo mwebwe twabatoreye manda, none mubonye igiye kurangira murakwedura, muriyongeza.”

Ni ibintu yavuze ko bitagaragara neza, nubwo n'iyo guverinoma yatangiza uru rugendo bizabageraho.

Depite Frank Habineza na we yavuze ko “byaba byiza” Perezida wa Repubulika ari we utangije uru rugendo.

Ku rundi ruhande ariko, avuga ko bitari bikwiye kuba ngombwa ko ikintu cyose kibaye, cyasaba kuvugurura itegeko nshiga, ku buryo nibura ryagakwiye kumara imyaka 100.

Icyakora ngo kubera ko ari impinduka nto zireba gusa igihe amatora abera, ngo basanze ari igitekerezo cyiza.

Hari inzitizi bizazana

Senateri Uwizeyimana yavuze ko nubwo guhuza aya matora hari impinduka nziza bizazana, hari n'ingaruka mbi bishobora guteza.

Ati “Hari uburyo buriya iyo amatora arimo kubaho mu bihe bisiganamo gato, amajwi wagize mu itora rimwe akwereka uko uhagaze mu baturage cyangwa akakwereka icyo wakosora, noneho ntube wakwiyahura mu itora rikurikiraho, byaba ngombwa ukaryihorera cyangwa se ukamenya icyo ugiye kunoza hagati aho.”

Yanagaragaje inzitizi zishobora kubaho ku muntu washakaga kwitabira amatora y'abadepite n'aya perezida.

Yakomeje ati “Aha Hon Frank (Habineza) ashobora guhiramo aramutse ashaka kwiyamamaza hombi, kubera ko ku itora rizabera umunsi umwe, bishobora kutemerwa ko umuntu yaba ari ku rutonde rw'abadepite ngo abe ari no kuri lisite ku matora ya perezida wa Repubulika.'

Ni mu gihe ngo yashoboraga gutega hombi, avuga ati “mu gihe ntatowe ku mwanya wa Perezida wa Repubulika, wenda nabona umwanya mu nteko ishinga amategeko wenda ijwi ryanjye rigakomeza kumvikana.”

Depite Habineza yagarutse ku mbogamizi y'uko hari ubwo umuntu atakwemererwa kwiyamamaza ku myanya yombi, ko umuntu yahitamo hamwe.

Ati “Njyewe ndamutse ntoranyijwe go mbe umukandida ku mwanya wa Perezida wa Repubulika, birumvikana ko ntakwitabira amatora abiri, nahitamo hamwe, ubwo ay'abadepite nayareka.”

Ibindi bikwiye kuvugururwa

Depite Habineza kandi yasabye ko amajwi yemerera umuntu kwijira mu Nteko asanzwe ari 5% by'igihugu hose ku mashyaka no ku bakandida bigenga, ariko ngo “ntabwo bigihuye n'igihe”.

Yavuze ko umubare fatizo ku mutwe wa politiki hakwiye gufatirwa kuri 3%, naho ku mukandida wigenga bikaba kuri 1 cyangwa 2%, kuko udakwiye kugereranya umukandida wigenga n'ishyaka.

Ni ibintu ngo byafasha mu ihame ryo gusaranganya ubutegetsi.

Ku rundi ruhande, Depite Habineza yavuze ko hakenewe ko n'abasenateri bajya batorwa mu buryo bumwe n'abadepite, abaturage bakabigiramo uruhare rutaziguye.

Depite Habineza yavuze ko bakomeje gusaba ko umudepite ajya atorwa ahagarariye agace runaka, ndetse bakomeje kugiranirahon'abayobozi batandukanye.

Icyakora ngo basanze “uko u Rwanda ruhagaze ubu aribyo byiza kubera ko bishobora guteza ikibazo cy'amacakubiri, kuko nk'uko batugaragarije kiracyahari hirya no hino.”

Ibyo ngo basanze byaba biretse, ariko basanga hari ibindi bikeeye guhindurwa.

Yakomeje ati “Itegeko Nshinga ryo mu 2003 ryagaragaje abadepite 80. Uko imibare ihagaze ubu twagaragaje ko ari bakeya, kubera ko mu 2003 abatoraga bari nko muri miliyoni enye, kandi n'umubare w'abaturage wari muto, kandi turibuka ko ejobundi abatoraga bari bageze muri miliyoni zirindwi.”

“Biragaragara ko amatora y'umwaka utaha tuzaba tugeze nko muri miliyoni umunani z'abatora, ni ukuvuga ngo bazaba bikubye inshuro zirenze ebyiri. Bivuze ko abaturage bahagarariwe, ntabwo bangana n'umubare uri mu nteko. Twari twasabye ko kubera ko ingengo y'imari ari ikibazo, twari twasabye ngo nibura bakongeraho nka 20 bakaba nka 100.”

Nubwo ngo byashoboka, bakikuba kabiri ngo byaba byiza kurushaho, mu gihe byaba bihura n'Ingengo y'imari ihari.

Depite Habineza yanavuze ko Komisiyo y'Igihugu y'Amatora ikwiye kuba igizwe n'imitwe ya politiki yose, kugira ngo barusheho no kwibona mu bikorwa bya komisiyo ndetse n'ibiva mu matora.

Yanasabye ko amashyaka yemerewe kwiyamamaza, amafaranga asubizwa abagize 5%, abemerewe kwiyamamaza bose bajya bayahabwa mbere, aho kugira ngo biyamamaze bafashe amadeni.

Senateri Uwizeyimana yavuze ko kongera abadepite ari ibintu bikwiye kugendana n'amikoro y'igihugu, kuko abadepite bahembwa, bakagira n'ibindi byinshi bagenerwa.

Ati “Ababishinzwe babireba hakurikijwe amikoro y'igihg. Ariko ku bwanjye ndibwira ko igihe kitaragera ngo abantu bongere umubare w'abadepite.”

Senateri Uwizeyimana yavuze ko ibindi bikunda gutindwaho ari uko hari abantu bavuga ko mu ntumwa za rubanda batora urutonde rw'amashyaka, ariko hari abazi neza ko bibaye kwiyamamaza umuntu ku giti cye, bashobora kudatorwa.

Ati “Abantu bazaba batangije icyo gikorwa bashingiye no ku biganiro bakoze, nibo bazamenya ngo ni izihe ngingo zivugururwa n'izitavugururwa.”

Senateri Uwizeyimana agaragaza ko byaba byiza Perezida wa Repubulika ari we utangije ivugururwa ry’Itegeko Nshinga kubera amatora y’abadepite

Depite Frank Habineza asanga hari byinshi bikeneye kuvugururwa bijyanye n’amatora