Author: webrwanda

Abantu bagera ku 160.000 muri Hayiti bamaze guta ingo zabo kubera imirwano y'imitwe yitwaje intwaro ikomeje kwiyongera y'abagizi banabi bitwaje intwaro.

Raporo ya ONU yaraye isohotse yerekanye ko byibura abantu babarirwa muri 530 batakaje ubuzima kubera iyo mirwano muri uyu mwaka wonyine.

Ibiro bya komiseri mukuru ushinzwe uburenganzira bwa muntu muri l'ONU yavuze ko iyo mitwe yongeye kubura imirwano ibahanganishije kandi bisa n'aho bimaze kumenyerwa.

Amashyirahamwe yigenga aharanira uburenganzira bwa muntu muri Hayiti, agereranya ko iyo mitwe y'abagizi ba nabi igenzura umurwa mukuru wose, Port-au-Prince, n'igice kirenga kimwe cya kabiri cy'igihugu.

ONU yongeye guhamagarira ibihugu byose kwihutisha gahunda yo kohereza ingabo zidasanzwe zo kubohora igihugu.

Mu kwezi kwa cumi, reta ya Hayiti yasabye byihuta abasirikare bafasha igiporisi, ariko nta gihugu na kimwe cyasubije ubwo busabe.

Urwo rwego rwa ONU rwavuze ko abantu hafi 208 bapfuye mu byumweru bibiri gusa kubera guhangana gukomeye kwabaye mu ntangiriro z'ukwezi kwa gatatu.

(Reuters)

Source : https://umuryango.rw/amakuru/mu-mahanga/umutekano/article/onu-intagondwa-muri-hayiti-zimaze-guhitana-abantu-barenga-530

Umugambi w'amahoro w'Ubushinwa kuri Ukraine ushobora gukoreshwa nk'ibanze mu kurangiza intambara, nk'uko Perezida Vladimir Putin abivuga.

Gusa Putin yavuze ko uwo mugambi ushoboka ari uko gusa 'Uburengerazuba na Kyiv biteguye'.

Putin yahuye na Perezida Xi Jinping w'Ubushinwa kuwa kabiri i Moscow ngo baganire kuri iyi ntambara, hamwe n'umubano w'ibihugu byabo.

Umugambi w'Ubushinwa watangajwe mu kwezi gushize, ntabwo uzasaba weruye Uburusiya kuva muri Ukraine.

Kuwa mbere, Antony Blinken ushinzwe ububanyi n'amahanga bwa Amerika yavuze ko gusaba guhagarika imirwano Uburusiya butarava aho bwafashe 'byaba ari ugushyigikira ibitero Uburusiya bwakoze'.

Mu kiganiro gihuriweho bahaye abanyamakuru nyuma yo kuganira na Perezida Xi, Putin yagize ati: 'Byinshi mu biteganywa n'umugambi w'amahoro w'Ubushinwa byaba ibanze mu gukemura amakimbirane muri Ukraine, igihe cyose Uburengerazuba na Kyiv biteguye kuri ibi.'

Ariko Uburusiya ntabwo burabona uko 'kwitegura' k'urundi ruhande, nk'uko yabyongeyeho.

Ari iruhande rwa mugenzi we, Perezida Xi yavuze ko leta ye ishyigikiye amahoro n'ibiganiro kandi ko Ubushinwa buri 'ku ruhande rukwiriye rw'amateka'.

Yongeye kuvuga ko Ubushinwa 'nta ruhande rubogamiyeho' muri iyi ntambara ya Ukraine, agamije kugaragaza Beijing nk'umuhuza mwiza ushoboka.

Putin na Xi baganiriye kandi ku bucuruzi, ingufu n'umubano wa politike hagati y'ibihugu byabo.

Putin yagize ati: 'Ubushinwa ni cyo gihugu kiza imbere mu buhahirane n'amahanga n'Uburusiya', yizeza ko ibi bizarushaho bikarenga 'urugero rwo hejuru' byagezeho umwaka ushize.

Mbere, Xi yise Ubushinwa n'Uburusiya 'abaturanyi b'imbaraga n'abafanyabikorwa bumvikana'.

Itangazamakuru rya leta mu Burusiya rivuga ko aba bategetsi bombi kandi:

Basinye amasezerano ku bufatanye mu bucuruzi no gukomeza umubano

Bageze ku bwumvikane ku muhora uca muri Siberia ugeza gas y'Uburusiya mu Bushinwa uciye muri Mongolia

Bemeranyije ko 'intambara kirimbuzi itagomba gutangizwa'

Baganiriye ku mpungenge zabo ku masezerano mashya ya gisirikare ya Aukus — hagati ya Australia, Ubwongereza na Amerika

Batangaje impungenge zabo ku kwaguka kwa OTAN muri Aziya 'mu bya gisirikare n'ibindi by'umutekano'

Hari impungenge zirimo kwiyongera mu bihugu by'iburengerazuba ko Ubushinwa bushobora guha intwaro Uburusiya mu ntambara ya Ukraine.

Avugira i Brussels, umukuru wa OTAN Jens Stoltenberg yavuze ko 'nta kimenyetso cyemeza barabona ko Ubushinwa burimo guha intwaro Uburusiya'.

Gusa yongeyeho ko hari 'ibimenyetso' ko Uburusiya bwazisabye, kandi ko ubwo busabe burimo kwigwaho na Beijing.

Itangazo rihuriweho rwasohowe n'Ubushinwa n'Uburusiya nyuma ya kuriya guhura kw'abategetsi babyo rivuga ko ubufatanye bwa hafi bw'ibihugu byombi butarimo 'gufatanya bya gisirikare na politike'.

Ryongeraho ko iyo mibanire 'ntirimo uburyo bwo guhangana kandi ntabwo irwanya ibindi bihugu'.

Putin kandi yakoresheje ikiganiro n'abanyamakuru ashinja uburengerazuba kohereza intwaro zifite 'ibizigize bya kirimbuzi', yongeraho ko bishobora kuba ngombwa ko Uburusiya 'busubiza' niba Ubwongereza bwoherereje Ukraine ibisasu bikozwe n'ibirimo ikinyabutabire cya uranium igabanyije.

Minisitiri w'ingabo w'Ubwongereza yavuze ko uranium igabanyije ari 'ikintu cyemewe' kidafite 'aho gihuriye n'intwaro za kirimbuzi'.

Perezida Xi yatangaje ko 'yishimiye cyane' kugera i Moscow kandi yavuze ko ibiganiro na mugenzi we Putin byari 'byeruye, bifunguye kandi ari ibya gicuti'.

Uru ruzinduko rwaje nyuma y'iminsi Urukiko mpuzamahanga mpanabyaha rusohoye inyandiko zo guta muri yombi Perezida Putin kubera ibirego by'ibyaha by'intambara.

Uru ruzinduko rwabaye mu gihe na Minisitiri w'Intebe w'Ubuyapani bitunguranye nawe yahise asura Kyiv — aba umutegetsi wa mbere w'Ubuyapani usuye igihugu kiri mu ntambara kuva mu ntambara ya kabiri y'isi.

Perezida Zelensky yavuze ko ku ikoranabuhanga rya video azitabira inama ya G7 izabera mu Buyapani muri Gicurasi(5) kuko yatumiwe na Minisitiri w'Intebe Kishida.

Kuwa kabiri nimugoroba, Zelensky yabwiye abanyamakuru ko yasabye kandi Ubushinwa kugira uruhare mu biganiro ariko ategereje igisubizo.

BBC

Source : https://umuryango.rw/amakuru/mu-mahanga/umutekano/article/ibyo-putin-na-xi-bemeje-ku-ntambara-ya-ukraine

Impuzamashyirahamwe y'Umupira w'Amaguru muri Afurika, CAF, yamenyesheje Ishyirahamwe ry'Umupira w'amaguru mu Rwanda, FERWAFA, ko u Rwanda rutemerewe kwakirira Bénin i Huye kubera ikibazo cy'amahoteli yaho ari hasi.

Mu ibaruwa yandikiwe Umunyamabanga wa FERWAFA, Muhire Henry, ku mugoroba wo kuri uyu wa Kabiri,CAF yamumenyesheje ko umukino w'Umunsi wa Kane w'u Rwanda na Bénin utazabera i Huye.

Ati 'CAF yakiriye ikirego cy'Ishyirahamwe rya Ruhago muri Bénin ko nta hoteli z'inyenyeri enye zujuje ibipimo mpuzamahanga bisabwa byo kwakira amakipe n'abayobozi muri aka gace kavuzwe.''

CAF ivuga ko nyuma y'igenzura ryayo, yasanze hoteli ziri mu Karere ka Huye ziri ku rwego rwo hasi ugereranyije n'ibisabwa.

Ikomeza iti 'Nk'uko mubizi, CAF yaburiye ishyirahamwe ryanyu inshuro nyinshi ko hakenewe nibura hoteli eshatu z'inyenyeri enye cyangwa izisumbuyeho muri Huye zishobora kwakira amakipe, abasifuzi n'abayobozi mu gihe cy'imikino y'amakipe makuru ya CAF.''

CAF yabwiye FERWAFA ko nubwo yamenyeshejwe iki kibazo mbere, nta kigeze gikorwaho mbere.

Yamenyesheje ko 'Stade ya Huye itazakoreshwa ku mukino w'Umunsi wa Kane wo gushaka Itike y'Igikombe cya Afurika cya 2023 kizabera muri Côte d'Ivoire.''

Iki cyemezo cyanatumye hanzurwa ko umukino wo kwishyura uzabera mu Mujyi wa Cotonou.

CAF iti 'Bitewe n'uburyo imikino yegeranye, Stade de l'Amitié Mathieu Kérékou y'i Cotonou ni yo izakira umukino w'Umunsi wa Kane u Rwanda ruzakiramo Bénin.''

CAF isaba nibura Hoteli 3 z'inyenyeri enye zo gucumbikira amakipe 2 n'abasifuzi.I Huye nta yahari ariyo mpamvu u Rwanda rwangiwe kwakira uyu mukino.

Byari biteganyijwe ko umukino wo kwishyura uzabera mu Karere ka Huye, mu ntangiriro z'icyumweru gitaha ku wa 27 Werurwe 2023.

Source : https://umuryango.rw/imyidagaduro/imikino/article/caf-yangiye-u-rwanda-kwakira-umukino-wa-benin-kubera-hoteli-z-i-huye

Abategetsi muri Tanzania batangaje ko indwara yari yayoberanye yishe abantu batanu mu majyaruguru ashyira uburengerazuba bwa Tanzania ari virusi ya 'Marburg'. Nibwo bwa mbere iyi virus ivuzwe muri Tanzania.

Minisitiri w'ubuzima Ummy Mwalimu yavuze ko abantu 160 barimo gukurikiranwa kandi Leta yafashe ingamba z'ubugenzuzi mu duce ivugwamo. Nta bandi barwayi baratangazwa hanze y'akarere ka Bukoba mu ntara ya Kagera.

Dr Ahmed Ogwell, umukuru w'ikigo cy'umuryango w'Ubumwe bwa Africa cyo kurwanya indwara z'ibyorezo yatangaje ko 'ako kanya' bahise bohereza itsinda gufatanya na Tanzania 'kurwanya ibyago by'ikwirakwira' ry'iyi virusi.

Minisitiri Mwalimu yavuze ko iyi ndwara ishobora gukumirwa. Ati:' Tuzi aho umurwayi wa mbere yabonetse, kandi twakoze ku buryo abagize umuryango we bose bakurikiranwa harimo n'abamuvuye. Ndasaba buri wese gufata ingamba'.

Mu cyumweru gushize ubwo iyi ndwara yadukaga Tanzania yatangaje ko ari 'indwara itazwi' kandi 'ishobora kuba yandura'. Ibipimo by'abanduye byoherejwe kuri laboratoire y'igihugu ngo bisuzumwe, Minisitiri Mwalimu akaba yatangaje ko babisanzemo virusi ya Marburg.

Mu bishwe n'iyi ndwara nkuko BBC dukesha iyi nkuru ibitangaza, harimo umuganga wagize ibimenyetso birimo guhinda umuriro, kuruka, kuva amaraso ahafunguye ku mubiri no kunanirwa kw'impyiko.

Marburg ni ndwara ki?

Ni virusi yegeranye cyane n'iya Ebola, nk'uko ishami rya ONU rishinzwe ubuzima ku isi ribivuga, Marburg yatangiye kuboneka igihe abantu 31 bayanduye nyuma y'icyumweru bagapfa mu 1967 muri:

• Marburg na Frankfurt, mu Budage
• Belgrade nuri Serbia

  

Iyi ndwara basanze yarahazanywe n'inkende zinjijwe mu Budage zivuye muri Uganda.

Ariko kuva icyo gihe, iyi virus yagiye ica no mu zindi nyamaswa hanyuma no mu bantu. Yandura iciye ku bantu bamaze igihe kinini mu buvumo no mu binogo bicukurwamo ubutare bisanzwe bituwemo n'uducurama (ubuhungarema mu Kirundi). Ni bwo bwa mbere ibonetse muri Tanzania, ariko hari ibindi bihugu bya Africa yigeze kubonekamo, birimwo:

• DR Congo
• Kenya
• Angola
• Afrika y'Epfo
• Uganda
• Zimbabwe
• Ghana

Mu 2005 iyi virusi yahitanye abantu barenga 300 muri Angola. Ariko i Burayi, yishe abatarenze 10 mu myaka 40 ishize — hamwe n'undi umwe muri Amerika, yari yaravuye mu buvumo muri Uganda.

Aho yabotse bikomeye ni;

• 2017, Uganda: Abantu batatu nibo banduye, barapfuye
• 2012, Uganda: 15 nibo banduye, bane barapfuye
• 2005, Angola: 374 nibo banduye, 329 barapfuye
• 1998-2000, DR Congo: 154 nibo banduye, 128 barapfuye
• 1967, mu Budagi: 29 nibo banduye, indwi barapfuye

Byavuye muri OMS/ WHO

Uwayanduye afatwa ate?

Iyi virusi itungura umubiri ikawushegesha, ibimenyetso byayo birimo;

• Guhinda umuriro
• Kuribwa umutwe
• Kubabara ingingo

Nyuma y'iminsi itatu, akenshi hakurikira:

• Gucibwamo
• Kuruka
• Kuva amaraso
• Kuribwa cyane mu nda

OMS ivuga ko: 'Kuri uru rugero, abantu babona umuntu yanduye nk'umuzimu', amaso agatukura, isura igahinduka, agacika inkokora cyane'. Abantu benshi bahita batangira kuva amaraso mu bice bitandukanye by'umubiri, bagapfa mu gihe cy'iminsi icyenda kuva batangiye kurwara, kubera gutakaza amaraso menshi no gushengabara.

Ugereranije, iyi virusi yica icya kabiri cy'abayanduye, nk'uko OMS ibivuga, ariko aho byari bikomeye cyane ni aho yishe hafi 90% by'abanduye.

Yandura ite?

Uducurama two mu bwoko bwa 'Fruit Bat' akenshi nitwo tuba tubitse iyi virusi. Inkende zo muri Africa n'ingurube nazo zishobora kugendana iyi virusi. Mu bantu, ikwirakwira iciye mu matembabuzi y'uruhu no gukora ku byandujwe iyi virusi. Yewe nubwo abayirwaye baba bamaze kuyikira, amaraso yabo cyangwa intanga bishobora kwanduza abandi nyuma y'amezi atari macye.

Ivurwa ite?

Nta rukingo rwihariye cyangwa imiti yihariye biraboneka. Ariko ibintu bitari bike biva mu maraso, imiti hamwe n'ubuvuzi bwo kongererera ingufu umubiri (immunothérapie), birakora, nk'uko OMS ibivuga. Abaganga kandi bashobora kugabanya ubukana bwayo mu guha abarwayi ibintu byinshi byo kunywa no gusubizamo amaraso uwayatakaje.

Wayirwanya ute?

Gavi, ishyirahamwe mpuzamahanga riteza imbere inkingo, risaba ko abantu bakwirinda kurya cyangwa gukorakora inyama zo mw'ishyamba. Ko kandi bakwirinda gukorakora ingurube mu turere twadutsemo iyo ndwara, nk'uko OMS ibivuga.

Abantu bigeze kwandura iyi virusi, mu mibonano mpuzabitsina yabo bagomba gukoresha agakingirizo igihe cy'umwaka kuva batangiye kubona ibimenyetso kugeza intanga zabo zipimwe incuro ebyiri bikagaragara ko nta virusi zigifite. Hanyuma abahamba abishwe n'iyi virusi bakwirinda gukorakora umurambo

intyoza

Source : https://www.intyoza.com/2023/03/22/tanzania-indwara-yishe-abantu-5-i-bukoba-yamaze-kumenyekana/

Leta ya  Tanzania yatangaje ko indwara yari yayoberanye yishe abantu batanu mu majyaruguru ashyira uburengerazuba bwa Tanzania ari virusi ya Marburg.

Nibwo bwa mbere iyi virus ivuzwe muri Tanzania.

Minisitiri w'ubuzima, Ummy Mwalimu, yavuze ko abantu 160 barimo gukurikiranwa kandi leta yafashe ingamba z'ubugenzuzi mu duce ivugwamo.

Nta bandi barwayi baratangazwa hanze y'akarere ka Bukoba mu ntara ya Kagera.

Dr Ahmed Ogwell, umukuru w'ikigo cy'umuryango w'Ubumwe bwa Africa cyo kurwanya indwara z'ibyorezo yatangaje ko bahise bohereza itsinda gufatanya na Tanzania kurwanya ibyago by'ikwirakwira ry'iyi virusi.

Minisitiri Mwalimu yavuze ko iyi ndwara ishobora gukumirwa.

Ati 'Tuzi aho umurwayi wa mbere yabonetse, kandi twakoze ku buryo abagize umuryango we bose bakurikiranwa harimo n'abamuvuye. Ndasaba buri wese gufata ingamba.'

Mu cyumweru gishize ubwo iyi ndwara yadukaga, leta ya Tanzania yatangaje ko ari indwara itazwi kandi ishobora kuba yandura.

Ibipimo by'abanduye byoherejwe kuri laboratwari y'igihugu ngo bisuzumwe, Minisitiri Mwalimu akaba yatangaje ko babisanzemo virusi ya Marburg.

Mu bishwe n'iyi ndwara harimo umuganga wagize ibimenyetso birimo guhinda umuriro, kuruka, kuva amaraso ahafunguye ku mubiri no kunanirwa kw'impyiko.

The post <strong>Tanzania: Leta yavuze ko indwara iherutse kwica abantu batanu ari virusi ya Marburg</strong> appeared first on FLASH RADIO&TV.

Source : https://flash.rw/2023/03/22/tanzania-leta-yavuze-ko-indwara-iherutse-kwica-abantu-batanu-ari-virusi-ya-marburg/?utm_source=rss&utm_medium=rss&utm_campaign=tanzania-leta-yavuze-ko-indwara-iherutse-kwica-abantu-batanu-ari-virusi-ya-marburg

Amakipe ya Polisi y'u Rwanda yatsinze aya Polisi y'u Burundi mu mikino itangiza umupira w'amaguru n'umukino w'intoki (Volley ball) yabahuje ku munsi wa mbere w'imikino ihuza abapolisi bo mu Karere k'Afurika y'Iburasirazuba (EAPCCO).

Ni imikino yabaye nyuma y'ibirori byo gutangiza iyi imikino ya EAPCCO byabereye kuri Sitade ya Kigali yitiriwe Pele mu gitondo cyo kuri uyu wa kabiri.

Mu masaha y'umugoroba kuri icyo kibuga niho habereye umukino wahuje Polisi y'u Rwanda ihagarariwe na Police FC ndetse na Polisi y'i Burundi ihagarariwe na Rukinzo FC.

Ni umukino warangiye Police FC y'u Rwanda yatsinze Rukinzo FC ibitego bitatu kuri kimwe, ni ibitego byatsinzwe na Hakizimana Muhadjiri, Mugisha Didier na Kayitaba Jean Bosco ku ruhande rw'u Rwanda na Hakizimana Tity wa Rukinzo.

Nyuma y'uyu mukino umutoza wa Police FC, Mashami Vincent yashimye uburyo abakinnyi uko bitwaye muri uyu mukino ashimangira ko intego bafite ari ugutwara igikombe.

Yagize ati: 'Twari dufite intego yo gutsinda kandi twayigezeho, tuzakomerezaho no ku mukino utaha kandi twizeye ko tuzatwara igikombe turimo gukinira.'

Mu mukino wa Volleyball wakiniwe kuri BK Arena ku isaha ya  saa Kumi n'ebyiri z'umugoroba, ikipe ya Polisi y'u Rwanda nayo yatsinze  iya Burundi amaseti atatu ku busa.

Umukino wahuje u Rwanda ruhagarariwe na Forefront Volleyball Club yatsinze uyu mukino mu buryo buyoroheye, aho iseti ya mbere yayitsinze ku manora 25 kuri 17, iya Kabiri yarangiye ku manota 25 kuri 20 mu gihe iya nyuma yarangiye ari  amanota 25 kuri 22.

Kuri uyu munsi imikino irakomeza muri Volleyball aho u Burundi buhura na Kenya, naho mu mupira w'amaguru amakipe akazongera gukina kuri uyu wa gatanu.

Amakipe yo mu bihugu umunani ari byo u Burundi, Uganda, Tanzaniya, Kenya, Sudani, Sudani y'Epfo, Etiyopia ndetse n'u Rwanda rwaryakiriye bwa mbere, niyo yitabiriye iri rushanwa ribaye ku nshuro yaryo ya Kane.

Ni imikino irimo gukinwa mu byiciro 13 by'imikino itandukanye harimo umupira w'amaguru, Volley ball, netball, Hand ball, Beach volleyball, Basketball, Athletisme, Darts, Karate, Taekwondo, Judo, Iteramakofe no Kumasha.

The post Amakipe ahagarariye u Rwanda mu mikino ihuza Abapolisi bo muri Afurika y'i Burasirazuba yatangiranye intsinzi appeared first on RUSHYASHYA.

Source : https://rushyashya.net/amakipe-ahagarariye-u-rwanda-mu-mikino-ihuza-abapolisi-bo-muri-afurika-yi-burasirazuba-yatangiranye-intsinzi/?utm_source=rss&utm_medium=rss&utm_campaign=amakipe-ahagarariye-u-rwanda-mu-mikino-ihuza-abapolisi-bo-muri-afurika-yi-burasirazuba-yatangiranye-intsinzi

Mu ijoro ryo kuri uyu wa Kabiri, nibwo ishyirahamwe ry’umupira w’amaguru muri Afurika CAF ryamenyesheje ishyirahamwe ry’umupira w’amaguru mu Rwanda FERWAFA ko Amavubi azakirira umukino wayo na Benin muri Benin, kandi ari naho umukino ubanza uri bubere.

U Rwanda rufitanye imikino ibiri na Benin y’ijonjora, ryo gushaka itike y’igikombe cy’Afurika kizabera muri Cote D’Ivoire umwaka. Iyi mikino harimo umukino ugomba kuba kuri uyu wa Gatatu ukabera muri Benin, ndetse n’umukino wo kwishyura wagombaga kubera i Huye kuri sitade mpuzamahanga y’akarere ka Huye tariki 27 Werurwe, ariko CAF ikaba uyu mukino yawuteye utwatsi.

Sitade ya Huye iherutse kuvugururwa ngo izakire imikino mpuzamahanga, ariko byarakozwe hotel ziribagirwa

CAF yandikiye FERWAFA iyimenyesha ko i Huye bakabaye bakirira Benin, nta hotel ihari yakakira ikipe nka Benin. CAF ubusanzwe isaba ko ahantu ikipe y’igihugu ishobora kwakirira imikino, nibura haba hari amahoteli 3 afite inyeyeri 4, ariko i Huye izo hotel ntabwo zihari.

Kuki CAF yategetse u Rwanda kwakirira muri Benin?

Ubusanzwe ikipe y’igihugu niyo itanga ahantu izakirira imikino yayo hakiri kare, noneho CAF ikahemeza amakipe yose akahamenya kare. Kuri ubu rero mu gihe hasigaye iminsi itanu gusa ngo umukino wo kwishyura ube, CAF yanze ibitinda, ihitiramo Amavubi aho agomba kwakirira kandi hadatinza imyiteguro y’umukino. 

Urwandiko CAF yageneye FERWAFA

Bikomeje uku, u Rwanda rushobora kuzasoza imikino y’amatsinda nta mukino n’umwe rwakiriye

Source : https://inyarwanda.com/inkuru/127306/hotel-ishobora-gutuma-amavubi-aguma-muri-benin-127306.html

Minisiteri y'ubumwe bw'Abanyarwanda n'inshingano mboneragihugu, yagaragaje ko guhangana n'ikibazo cy'ihungabana mu murubyiruko giterwa n'amateka ya Jenoside yakorewe Abatutsi, bikwiye kujyana no gukemura ibibazo byugarije umuryango birimo ubukene n'amakimbirane.

Igendeye kubushakatsi, Minisiteri y'Ubumwe bw'Abanyarwanda n'inshingano mboneragihugu, igaragaza ko ihungabana mu rubyiruko rikomoka ku mateka ya Jenoside yakorewe Abatutsi ari ikibazo gihangakishijze nk'uko Clarisse Munezero, Umunyamabanga uhoraho muri iyi Minisiteri abisobanura.

Ati 'Ba bandi batoraguwe mugihe cya Jenoside kuburyo badashobora kumenya abo bakomokaho, bafite ibikomere ku rugero rwa 99%, abari mu kiciro cy'abakorokotse Jenoside yakorewe Abatutsi ibikomere biri k urugero rwa 87%, abavutse ku babyeyi basambanyijwe ibikomere biri ku kigero cya 69%, abavutse ku babyeyi badahuje icyo twitaga cyera amoko, nabo bafite ibikomere ku kigero cya 43%, naho abavuka ku babyeyi bakoze Jenoside bafite ibikomere ku kigero cya 35%.'

Urubyiruko mu byiciro binyuranye rwagaragaje ko ibikomere bikomoka ku mateka ya Jenoside yakorewe Abatutsi, ariyo atera ihungabana benshi muri bo bagaragaza  n'ibikwiye gukorwa.

Umwe ati 'Nyakubahwa Minisitiri Mutuvuganire abana badafite inkomoko ntabwo dufite aho kuba ntabwo twagize amahirwe yo kwiga.'

Undi ati 'Hari ibimina numva mwagerayo nabo mukaganira nabo uko biteza imbere,ariko bakabanza kuba bakize ibikomere mbere y'uko banashaka iterambere rindi. Ariko nibura bakabanza kuganira ku buzima twaciyemo.'

Mugenzi we ati 'Kugira ihungabana n'ibikomere bya Jenoside ntabwo bisobanuye kuba warayibayemo gusa n'abakomoka ku bakoze Jenoside bakatiwe bararigira. Niyo mpamvu nagize igitekerezo cyo gushinga umuryango 'generation sans complexe' ni ukuvuga ngo ni ihuriro buri wese yakwibonamo yaba ukomoka ku miryango y'abakoze Jenoside bakatiwe cyangwa bahunze igihugu ndetse n'abakomoka ku miryango y'Abarokotse Jenoside.'

Minisiteri y'Ubumwe bw'Abanyarwanda n'Inshingano Mboneragihugu, igaragaza ko guhangana n'ikibazo cy'ihungabana mu rubyiruko bigomba kujyana no gukemura ikibazo cy'ubukene n'amakimbirane byugarije Umuryango.

Minubumwe igaragaza ko zimwe mu ngamba za Leta zo guhangana n'ihungabana mu rubyiruko, ari ugushyiraho uburyo bw'ibiganiro bigamije komorana ibikomere, gushyira urubyiruko mu nzego zinyuranye, gufasha imiryango yabo no kubafasha kwihangira imirimo.

Daniel Hakizimana

The post <strong>Urubyiruko rwinshi rufite ibikomere bikomoka ku mateka ya Jenoside — Minubumwe</strong> appeared first on FLASH RADIO&TV.

Source : https://flash.rw/2023/03/22/urubyiruko-rwinshi-rufite-ibikomere-bikomoka-ku-mateka-ya-jenoside-minubumwe/?utm_source=rss&utm_medium=rss&utm_campaign=urubyiruko-rwinshi-rufite-ibikomere-bikomoka-ku-mateka-ya-jenoside-minubumwe

Mu gitondo cyo kuri uyu wa 21 Werurwe 2023, abasengera muri Evangelical Restoration Church mu murenge wa Rubengera, bageze mu rusengero basanga ibikoresho birimo intebe n'ibikoresho byo gucuranga byibwe.

Pasiteri Hakizimana Pacifique yabwiye IGIHE ko ibyo bikoresho byibwe mu masaha y'ijoro.

Ati 'Baciye ingufuri barinjira batwara ibikoresho birimo intebe 71 nshyashya, amabafure abiri, microphones ebyiri zidakoresha umugozi, imikeka itatu n'ibase'.

Pasiteri Hakizimana avuga ko ibi bibaye mu gihe urusengero nta muzamu rwari rufite kuko uwo bahoranye yari amaze igihe gito ahagaritse akazi.

Ati 'Icyo dusaba ubuyobozi ni ubufatanye kugira ngo turebe ko twabasha kugaruza ibi bikoresho. Twese tugomba gufatanya haba ari abanyetorero aribo twebwe n'abaturage kuko umutekano ni uwacu twese'.

Umunyabanga Nshingwabikorwa w'Akagari ka Kibilizi, Habimana Viateur yabwiye IGIHE ko inzego z'umutekano n'iz'ubuyobozi bari gufatanya kugira ngo barebe ko aba bajura bafatwa bakagaruza ibyo bibye.

Gitifu Habimana yasabye umuturage cyangwa undi wese waba ufite amakuru yafasha mu kumenya aho ibi bintu byarengeye yakwegera ubuyobozi akabuha amakuru.

Ahazwi nko ku Gitikinini hafi y'aho uru rusengero rwasahuwe ruherereye hamaze iminsi ubujura bwo gushikuza abantu amatelefone n'amasakoshi ndetse hari abantu batatu bamaze gufatirwa muri icyo cyaha.

Urusengero rwa Evangelical Restauration Church rwasahuwemo ibikoresho bifite agaciro ka miliyoni 1.2

Pasiteri Habimana yasabye uwamenya amakuru y’aho ibi bikoresho byarengeje kuyageza ku nzego zibishinzwe

---

Source : http://igihe.com/amakuru/u-rwanda/article/karongi-urusengero-rwibwe-ibikoresho-by-asaga-miliyoni

Uku guterana amagambo kwabaye kuri uyu wa 20 Werurwe 2023 mu nama yahuje abagize Inteko Ishinga Amategeko y'u Bwongereza ndetse Minisitiri Braverman abazwa n'abagize inteko byinshi ku rugendo aherutsemo mu Rwanda.

Yvette Cooper yatangiye yakira Minisitiri Braverman mu nteko mu buryo buninura aho yagize ati 'Twakiriye Minisitiri w'Umutekano Suella Braverman uvuye mu butembere bw'akazi buhenze cyane.'

Aha yashakaga kugaragaza ko urugendo Braverman amazemo iminsi mu Rwanda rugamije kureba aho abinjira mu Bwongereza mu buryo butemewe bazatuzwa, ruhenze ndetse rutari rukenewe.

Mu kumusubiza Breverman yavuze ko atangazwa n'uburyo Yvette Cooper azamura ijwi iyo bigeze k'u Rwanda. Ati 'Ndamukangurira kureka ibitekerezo bye by'ubugoryi ndetse bitakigezweho akenshi avuga ku nshuti zacu z'u Rwanda.'

Hakurikiyeho Stephen Kinnock na we wo mu Ishyaka ry'Abakozi, ritemeranya n'iyi mikoraniye y'u Bwongereza n'u Rwanda, wabajije Braverman ku bijyanye n'amafaranga azagenda ku kubimukira, anamubaza uburyo azabona aho ashyira abinjira mu Bwongereza mu buryo butemewe umunsi ku munsi.

Braverman yahise abwira abo mu Ishyaka ry'Abakozi kuva kuri Twitter n'ahandi bagasura u Rwanda aho gukomeza kurwanya ibyo batarabona, asaba abaturage kugereranya ibyo Guverinoma y'u Bwongereza yakoze mu minsi 10 ishize n'ibyo abo mu Ishyaka ry'Abakozi bakoze.

Yakomeje ati 'Minisitiri w'Intebe nanjye twakoze uko dushoboye ngo dufatanye n'u Bufaransa ku bijyanye n'abinjira muri ibyo bihugu ku buryo butemewe. Nagaragaje ingamba twakoresha mu guhangana n'icyo kibazo ndetse twarabitoreye.'

Yakomeje ati 'Mu mpera z'iki cyumweru nahuye n'impunzi zatujwe mu Rwanda mbona uburyo babayeho neza ndetse mbona n'inzu abazajyanwa yo bazakoresha. Ese abo mu Ishyaka ry'Abakozi bo bakoze iki? Uretse [Yvette Cooper] guhora kuri Twitter yigaragara nk'intyoza.'

'Icyo mbasaba ni ukuva kuri urwo rubuga mukajya mu Rwanda (kureba)'.

Minisitiri Braverman yabwiye abadepite ko ingengo y'imari yagenewe gufasha abimukira iri gukoreshwa mu buryo bwemewe n'amategeko yaba ajyanye n'uburenganzira bwa muntu ndetse n'andi ku buryo nta kibi kibirimo.'

Yatangaje ibi mu gihe akimara kuva mu Rwanda, yamaganye abanenga ayo masezerano yo kohereza abimukira, avuga ko ahubwo bizaba ari 'n'umugisha ku bimukira' bazoherezwa kuba mu Rwanda.

Imibare ya Guverinoma y'u Bwongereza igaragaza ko mu mwaka ushize, abimukira binjiye muri icyo gihugu bakoresheje ubwato bageze ku 45.756, bavuye ku 28.526 mu 2021.

Mu kugabanya iyo mibare u Bwongereza buri gukora uko bushoboye ngo bugenzure aho abimukira banyura (mu nzira y'amazi azwi nka English Channel).

Muri Mata 2022, u Bwongereza bwemeranyije n'u Rwanda ko abimukira binjiye mu buryo bunyuranyije n'amategeko, bazajya boherezwa mu Rwanda mu gihe ubusabe bwabo bugisuzumwa.

, Suella Braverman yasabye abanenga u Rwanda kurujyamo bakarwirebera, bakabona kunenga imikoranire yarwo n’u Bwongereza

---

Source : http://igihe.com/amakuru/u-rwanda/article/u-bwongereza-minisitiri-w-umutekano-yateranye-amagambo-n-abadepite-banenze