Author: webrwanda

Uwemerewe guhatanira ibi bihembo agomba kuba ari Umunyafurika wakoze neza mu mwaka wa 2022/2023 mu bikorwa birimo umuziki, ubucuruzi, siyansi, ubugeni n'ubuhinzi byagize umumaro ku mugabane wa Africa.

Intego y'ibi bihembo ikaba ari ukurushaho guhesha agaciro no guhuza abantu bakora imirimo ikomeye buri munsi, ariko ntibabone ubashimira ngo bibatere umuhate binabere urugero abandi.

Icyo ufite gukora akaba ari ukudacikwa n'amakuru yose kuri ibi bihembo, aho wabakurikirana ku mbuga nkoranyambaga zitandukanye zabo ni Shining Stars Africa Awards ukamenya uko byifashe, wanasura www.shiningstarsafricaawards.com.

Wifuza kwihesha amahirwe cyangwa guhesha amahirwe uwo wifuza ko yazaba umwe mu bazahatanira ibi bihembo, nta kindi bigusaba ni ukunyura ku rubuga rwa www.shiningstarsafrica.com  ukamenya ibyiciro ugahitamo ibyo wumva wakozemo cyane cyangwa uwo uhesha amahirwe yakozemo neza ukabyoherezanya hamwe n'amafoto, amazina n'igihugu kuri [email protected].

Itsinda ry'abategura ibi bihembo nibabona ubikwiye bazakora post yawe ku mbuga nkoranyambaga zabo, na we uyisangize abantu bawe unabakorera 'tag'. Uko igenda ikundwa inagira inyunganizi nyinshi nibyo bizaguhesha amahirwe yo kuba wazaba mu bazahatana hamwe n'abandi bavuye mu bihugu bitandukanye bya Africa muri iyi mpeshyi, binyuze mu matora azakorwa mu buryo bw'ikoranabuhanga.

Wakurikirana ibikorwa bya Shining Stars Africa Awards unyuze ku mbuga nkoranyambaga zabo, zirimo Instagram ni izindiNi amahirwe akomeye kwegukana ibihembo byaba mpuzamahanga bikaba akarusho kuko ibihembo ari inzira yo kwaguka kw'ibikorwa bya muntuWahesha cyangwa ukihesha amahirwe muri Shining Star Africa Awards 2023 

Kanda hano ujye urushaho gusobanukirwa no kubona amakuru atandukanye kuri ibi bihembo.

Benimana Ramadhan wamenyekanye muri iyi filime ariwe 'Bamenya', iyo akubwiye inzira yanyuzemo kugira ngo agere aho uyu munsi ari, bishobora kukwereka ko buri kimwe kigira igihe cyacyo.

Iyo yivuga yigaragaza nk'uwanyuze muri byinshi ashakishiriza ifaranga hasi hejuru, ariko umutima we ugahorana inkomanga kubera ko yakuze akunda filime atangira kuzikina ku myaka irindwi y'amavuko gusa.

Akubwira ko yanyuze mu gifundi cyane ko ari nabyo yize, bikaza kugenda abona ko atari ibye, akaza kwinjira mu itangazamakuru naho akaza kubivamo agakomeza gushyira imbaraga n'umurava mu byo akora yizeye ko muri sinema umunsi umwe bizacamo.

Uyu musore w'imyaka 29 umaze kubaka izina muri filime nka Bamenya, yavukiye mu Karere ka Nyarugenge i Nyamirambo, yakuze azi umubyeyi we umwe nawe ntibabanye igihe kinini kuko yarerewe kwa se wabo. Se yitabye Imana muri Jenoside yakorewe Abatutsi mu 1994.

Yashoye Miliyoni 17 Frw muri sinema yunguka 500,000 Frw

Bamenya wakuze akunda filime ubwo hatangwaga ibihembo bya Bright Generation Awards ku nshuro ya mbere, yavuze ko yabonye amafaranga menshi aho kugira ngo ayashore mu bindi, yiyemeza kuyajyana muri sinema.

Ati 'Nabonye miliyoni 17 Frw ntekereza ikintu nakora nsanga nta kindi ahubwo icyaba cyiza ari ukuyashora muri sinema. Nakuze nkunda gukina filime numvaga ari umwanya mwiza wo gukabya inzozi zanjye.'

Ngo n'ubwo uyu musore yashakaga kuyashora muri sinema, nyina yashakaga ko yaguramo ikibanza ahantu nko ku i Rebero kuko ngo nibura cyaguraga Miliyoni 10 Frw, ubu kikaba kiri mu zirenga 100 Frw.

Ati 'Mama yaravugaga ati wa mwana we aya mafaranga wayaguzemo ikibanza ku i Rebero aho kugira ngo uyapfushe ubusa aka kageni, ndabyanga mubwira ko aho ngiye kuyashora hazunguka.'

Uyu musore avuga ko yayashoye yose muri filime uko yari miliyoni 17 Frw akaza kunguka ibihumbi 500 Frw. Icyo gihe umubyeyi we yabuze icyo avuga ariko ntiyamuca intege.

Yanze kuzinukwa yongera gushora muri sinema, agira ikindi gihombo

Nyuma yongeye kubona miliyoni 7 Frw, nazo azishora muri sinema icyo gihe yari filime yakinnyemo nayo ntabwo yahiriwe kuko nabwo yabonye igihombo kigeretseho n'ibindi bibazo bikomeye.

Ati 'Wa mubyeyi wari wambujije gushora bwa mbere noneho yongeye kubona nashoyemo noneho hazamo n'ibindi bibazo. Gusa mama wanjye we ntiyacitse intege kuko yabonaga atabimbuza ahubwo yambwiraga ko amfatiye iry'iburyo.'

Yakomeje avuga ko yakomeje guhahanyaza ntacike intege ariko akabona bigoye ko hari igihe bizagera aho bigakunda, ku bw'amahirwe no kwizerera mu mpano bigera aho amenyekana.

Yashoye muri Bamenya yikandagira imuhindurira ubuzima

Uyu musore avuga yashoye Miliyoni imwe muri filime ya 'Bamenya' nabwo yikandagira, ikagaruza ya mafaranga yose yari yarashoye muri filime.

Ati 'Mu myaka mike ishize ni bwo nagize igitekerezo cya Bamenya. Ni filime nashoyemo miliyoni imwe nabwo nikandagira kubera ibihombo byinshi nari naragiye mpura nabyo. Ariko mu cyumweru kimwe nari maze kugira abantu ibihumbi 100 bankurikira.''

Arakomeza ati 'Iyi filime yagaruje amafaranga yose nari naratanze icyo gihe cyose navuze. Ubu nishimira ko ubuzima bwanjye bwahindutse.'

Ubuzima bwe bwose burashinganye…

Uyu musore mu gutebya yavuze ko ubu afite umutungo umwemerera kumara imyaka irenga 10 adakora kandi abayeho neza, atunze umuryango we ndetse afite umugore n'abana.

Ati 'Njye namara imyaka 10 meze neza ntakora kandi ntunze umuryango wanjye. Gusa, abashaka kumpa ibiraka mbahaye ikaze ntabwo nabyanga kandi si ukwirata ni ukubereka ko urugendo umuntu anyuramo adakwiriye gucika intege.'

Arakomeza ati 'Aha nabwira ababyeyi baca abana babo intege ko bidakwiriye. Njye nagize ishaba ngira umubyeyi unyumva, gusa niba umwana wawe afite impano yo gukina ntuzamubuze bigera aho bikagabura.''

Bamenya yavuze ko ubu afite sosiyete zirenga esheshatu z'ubucuruzi yamamariza mu Rwanda no hanze yarwo.

Ikindi filime ye kuva yajya hanze, yagiye igurwa n'ibigo bitandukanye birimo ibyo hanze nka Ogelle yo muri Nigeria, Canal Plus ndetse na Zacu TV yo mu Rwanda.

Bamenya avuga ko kuba azwi uyu munsi hari ibitambo byinshi yatanze Bamenya ni umwe mu bakinnyi ba filime bakunzwe cyane mu Rwanda Filime ya “Bamenya” yamenyekaniyemo benshi bazwi uyu munsi muri sinema 

REBA FILIME YA BAMENYA NI IMWE MU ZIMAZE KUBAKA IZINA, REKA AGACE KAYO GAHERUKA

      

Ku wa 31 Werurwe 2023 hazaba ku nshuro ya kabiri igikorwa cya Story Telling Night kizabera kuri Olympic Hotel Kimironko, ahitezwe ubwitabire bw'abantu bafite amazina akomeye mu Rwanda bazaba baje guhaha ubwenge.

Kuri iyi nshuro abazavuga ku rugendo rw'ubuzima bwabo harimo Karomba Gael, rwiyemezamirimo mpuzamahanga wamaze no gushora amafaranga ye mu bikorwa by'imyidagaduro;

Ndetse akaba agenda agira inama abantu ku buryo bwo kwagura ubucuruzi bwabo aho azaba avuga ku rugendo rwe rw'ubuzima, n'ibanga yakoresheje ngo agere ku butunzi bwa za miliyari kandi agakomeza kugira umutima wo gukora cyane.

Hari kandi Akingeneye Olga, inzobere mu itangazamakuru waniyeguriye ibirebana no gutera ibirungo abantu, wagize impanuka afite imyaka itatu yamukomerekeje cyane mu maso.

Hamwe n'ibihe bikomeye yanyuragamo kubera ko umuryango mugari wamuhaga akato mu buryo bumwe cyangwa ubundi, byaje kurangira akomeye arakomeza kuri ubu akaba ageze kure mu buzima anabayeho neza.

Uretse kandi abazatanga ibiganiro hari izindi mpamvu zikwiye gutuma udakwiye kubura muri uyu mwanya mwiza, zirimo kwiyungura ubumenyi no kongera kwiga kuko ni nk'ishuri ariko amasomo atanganwa umwihariko binyuze mu nkuru ivugwa na nyirayo.

Guhura n'abo ufata nk'intwari zawe mu bikorwa byawe bya buri munsi, by'umwihariko mu mwuga ukora ukubeshejeho umunsi ku wundi bikaba ari nk'imbarutso yo kurushaho kunoza ibyo ukora no kongera urwunguko.

Kumenyana n'abantu batandukanye kandi bakungura byinshi byakugirira umumaro mu buzima bwawe, kuba wabasha kubona abagutera inkunga ndetse no kubonera ibisubizo ibibazo uhora wibaza binyuze mu nkuru y'abatanga ibiganiro.

Gukira ibikomere n'agahinda gakabije ubasha kumenya ko ibigukomereye atari wowe wenyine, iki kikaba ari n'ikibazo gikomereye benshi. Kimwe no kwishima unishimana n'inshuti n'umuryango, munasangira amafunguro n'ibyo kunywa.

Kwinjira muri iki gikorwa bigusaba gusa kuba wishyuye ibihumbi 5Frw ahasanzwe, n'ibihumbi 10Frw ariko avanwamo ibyo kunywa no kurya ngo wiyungure ubumenyi ntakigukoma mu nkokora.

 Ni ku nshuro ya kabiri Story Telling Night igiye kuba ikaba itegurwa n’ikompanyi ya Interact Rwanda

Wagura tike yawe wifashishije uburyo bw’ikoranabuhanga bwa *182*8*1*365099#

Olga Isimbi ari mu bazaganiriza abazitabira Story Telling Night 2

Coach Gael na we azasangiza abazitabira urugendo rwamugejeje aho ageze ubu

Ibi bitaramo byiswe 'Nyega Nyega Festival' byabaye ku wa Gatanu tariki 24 Werurwe 2023, no ku wa Gatandatu tariki 25 Werurwe 2023 kuri sitade Ubworoherane. Byaririmbyemo Orchestre Impala, umuhanzikazi Marina, Bushali, Papa Cyangwe ndetse na Mr Kagame.

Ibi bitaramo byabereye i Musanze, nyuma y'uko aba bahanzi batanze ibyishimo ku baturage bo mu Karere ka Muhanga mu byumweru bibiri bishize. Mu baririmbiye i Muhanga ntabwo Marina yarimo kubera ko atari kuri gahunda.

Kwinjira muri ibi bitaramo, usabwa kugura Skol Lager 2 ku mafaranga 1000 Frw. Umuyobozi ushinzwe iyamamazabikorwa muri SKOL, Tuyishime Karim aherutse kubwira InyaRwanda ko ibi bitaramo bigamije kwegera abakiriya ba SKOL no gukomeza kubumvisha ku cyanga cya 'Skol Lager'.

SKOL yatangije ibi bitaramo mu gihe iherutse gukora ibirori byo kwizihiza imyaka 13 ishize iri ku isoko ry'u Rwanda, byabaye ku wa 26 Gashyantare 2023.

Mu kwizihiza iyi sabukuru, SKOL yaboneyeho no gusogongeza abakiriya icyanga cya SKOL Lager iri mu icupa rishya.

Ibi bitaramo by'abahanzi byateguwe bizafasha muri gahunda y'uru ruganda yo kumenyekanisha iki kinyobwa cya Skol Lager, kimaze imyaka 58 cyengerwa muri Afurika.

Ubwo hizihizwaga iyi sabukuru y'imyaka 13, Umuyobozi Ushinzwe imenyekanishabikorwa muri SKOL, Marie-Paule Niwemfura yavuze ko benshi batari bazi ko 'SKOL Lager ari inzoga ifitanye amateka akomeye n'Abanyafurika.’

Umuhanzi Mr Kagame yabwiye InyaRwanda ko uburyo abanya-Musanze bamwakiriye muri ibi bitaramo by'iminsi ibiri, byagaragaje uburyo ari umuntu w'abo. Yavuze ko ashingiye ku buryo abaturage banogewe n'umuziki, bigaragaza ko ari abanyabirori.

Yavuze ati 'Banyakiriye neza cyane hariya ni ahantu hanjye. Abanyamusanze ni abanyabirori kandi indirimbo zanjye zose turaziririmbana mbese 'vibe' (uburyo bagaragaza ibyishimo n'uko bitwara) iba ikubiye 0.4.'

Muri ibi bitaramo, uyu muririmbyi yitaye cyane ku ndirimbo ze zakunzwe nka 'Ntiza' yakomeje izina rye yakoranye na Bruce Melodie, 'Bella', 'Amadeni', 'Mpa Power', 'Mukunzi', 'Ntimubimbaze', Ifoto' yakoranye na Danny Vumbi, 'Ibitendo', 'Gengo' ndetse na 'Tugende'.

Ibi bitaramo kandi byaririmbyemo itsinda rya Orchestre Impala ryinjiriye mu ndirimbo nka 'Anitha Mukundwa' ikundwa na benshi, 'Mariyaroza', 'Mariya Nyiranziza', 'Reoniya', 'Ihogoza ryanjye' n'izindi zatumye abanya-Musanze bajya mu bicu.

Iri tsinda kandi ribarizwamo umunyamuziki Munyanshoza Dieudonné uzwi nka Mibirizi, ryanaririmbye indirimbo ivuga ku buryohe bwa Skol Lager, aho baririmbaga bagira bati 'Tunywe twese tunywe twese Skol Lager'.

Umwe mu baririmbyi ba Orchestre Impala, Niyonsenga Joselyne yabwiye InyaRwanda ko abanya-Musanze babakiriye neza, kandi ko ubwitabire bwari hejuru ugereranyije no mu Karere ka Muhanga ho mu Ntara y'Amajyepfo, aho ibi bitaramo byatangiriye.

Ati 'I Musanze batwakiriye neza kurusha i Muhanga, kandi bo bari benshi muri sitade. Agashya kabayemo, ni uko twaririmbye indirimbo ‘Ihogoza’ njye na Munyashoza tuyikinamo ikinamico barayikunda cyane kubera ko babonaga ari nk’ikinamico.'

Orchestre Impala nibo babanje ku rubyiniro. Ubwo bari bamaze kuririmba indirimbo ya mbere, Guverineri w’Intara y’Amajyaruguru Nyirarugero Dancilla, yasabye ko iri tsinda ryategereza rigakomeza gususurutsa abanya-Musanze ari uko nawe ahageze.

Joselyne ati 'Turi ku rubyiniro, Guverineri yarahamagaye avuga ko aje mu gitaramo kandi aravuga ngo arashaka kureba Impala, ngo ntibashyire Impala mbere ngo nizo ashaka kureba, ubwo rero kandi twebwe twari twageze ku rubyiniro, turimo turaririmba, bahita badukuraho kugira ngo dutegereze Guverineri ahagere, amaze kuhagera rero nibwo twebwe twasubiye ku rubyiniro, turaririmba turasoza.”

Akarere ka Musanze ni kamwe mu Turere dutanu tugize Intara y'Amajyaruguru kashyizweho n'Itegeko Nᵒ 29/2005 ryo kuwa 23 Ukuboza 2005, rishyiraho kandi rigenga Inzego z'Imitegekere y'Igihugu.

Akarere ka Musanze gakomoka ku cyahoze ari Umujyi wa Ruhengeri, Akarere ka Mutobo, Akarere ka Kinigi, Imirenge 14 y'icyahoze ari Akarere ka Bugarura n'Imirenge 3 y'icyahoze ari Akarere ka Bukamba.

Ni kamwe mu turere twabereyemo ibitaramo by'umuziki bikomeye nka Primus Guma Guma Super Stars n'ibindi, ndetse haberaga ijonjora rya Nyampinga w'u Rwanda.

Ni akarere kazwi cyane mu Rwanda, ahanini binaturutse ku kuba ari yo nzira ba mukerarugendo bifashisha basura ibyiza bitatse u Rwanda n'ibindi.

AMAFOTO YA ORCHESTRE IMPALA KU RUBYINIRO RW'I MUSANZE

AMAFOTO Y'UMURAPERI BUSHALI I MUSANZE NYUMA Y'IGIHE

AMAFOTO Y'UMUHANZIKAZI MARINA UHERUTSE GUSOHORA INDIRIMBO VANILLA

AMAFOTO Y'UMUHANZI MR KAGAME WEMEJE ABANYA-MUSANZE

AMAFOTO Y'UMURAPERI PAPA CYANGWE UHERUTSE GUSOHORA INDIRIMBO ZIRIMO 'IT'S OKAY'

SKOL YAMURIKIYE ABANYA-MUSANZE INZOGA YA SKOL LAGER

Umuyobozi Ushinzwe iyamamazabikorwa muri SKOL, Tuyishimire Karim avuga ko ibi bitaramo bigamije kwamamaza SKOL Lager 

DJ Sonia uri mu bavanga umuziki, yaryohereje abanya-Musanze binyuze mu ndirimbo zinyuranye yacuranze

Kanda HANO ndetse na HANOurebe amafoto menshi yaranze iminsi y’ibi bitaramo

AMAFOTO: Jean Nshimiyimana-INYARWANDA.COM