Webrwanda Backend

Author: webrwanda

  • Wari uzi ko indwara y'uburemba ivurwa igakira? #rwanda #RwOT

    Inzobere mu buzima zivuga ko iyi ndwara ishobora guterwa n'agahinda gakabije nyamara abenshi ntibabimenya.

    Uburemba ni bumwe mu burwayi buhangayikisha umuryango bugateza amakimbirane n'urwikekwe bikaba byanatuma urugo rusenyuka.

    Indwara y'uburemba ku gitsina gabo ivugwa mugihe batagishobora kugira ubushake bwo gukora imibonano mpuzabitsina, kabone nubwo haba hari ibyo abona byakamuteye ubwo bushake.

    Urubuga hive health media rwanditse ko indwara y'uburemba irimo amoko abiri, hari uburemba bw'igihe gito ni ubwigihe kirekire.

    Rukomeza ruvuga ko uburemba bw'igihe gito bushobora guterwa n'ihungabana umutu yatewe n'ibibazo bitandukanye umuntu ahura nabyo,mugihe uburemba bw'igihe kirekire bushobora kuvukanwa cg bukaza mu bwana

    Abahanga bavuga ko hari impamvu zizwi zishibora gutera ubu burwayi.

    Harimo ibibazo mu buzima bijyanye n'imigendekere mibi mu gutera akabariro bigatera kuzinukwa ubushake bukagenda burundu.

    -Uburemba bushobora kuba ikimenyetso cy'uburwayi bukomeye mu mubiri, ushobora kuba utaramenya ko unabufite.

    Muri ubwo burwayi harimo Diyabete, indwara z'umutima, kanseri,umwingo ndetse no kuba warigeze kubagwa bikomeye.

    Igabanuka ry'umusemburo wa Testosterone (Tesitositerone) mu mubiri. Iki kibazo gishobora kuvurwa.

    -Hari imiti imwe n'imwe abantu banywa nayo ishobora gukurura ikibazo cy'uburemba,kunywa inzoga nyinshi nitabi nabyo biri mu bishobora gukurura ubu burwayi.

    Ikindi gikomeye gishobora gutera uburemba harimo Depression n'imihangayiko.

    Urubuga hive health media ruvuga ko mugihe wumva udafite ubushake bwo gukora imibonano mpuzabitsina, uba ukwiye kwihutira kujya kwa muganga hakarebwa ikibazo gihari.

    Inzobere mu buzima zivuga ko ufite ubu burwayi aba akwiye kujya kwa muganga bakareba impamvu yabuteye, ikaba ariyo ivurwa, rimwe na rimwe ngo bushobora no gukira.

    Gusa abahanga bagaragaza ko impamvu abenshi batakira urwaye ubu burwayi bigatuma akenshi abigira ibanga, akabana nabwo cyangwa akivuriza ahadakwiye.

    Umuntu wagize ikibazo ntakwiye kubyihererana agombye guhita ajya kwa muganga kandi agakurikiza inama agirwa.

    Nubwo imibonano mpuzabitsina ari ikintu cy'ibanga kiganirwaho nawe n'umufasha wawe gusa, iyo ufite iki kibazo ni ngombwa ko ushaka ubufasha kwa muganga.

     Abaganga b'ingenzi uba ugomba kujya kwivuzaho ni abo twita aba 'urologists' bakaba bazobereye mu bibazo by'imyororokere y'abagabo n'imiyoboro y'inkari na Prostate.

    Ushobora kandi no kwegera abaganga bavura indwara zo mu mutwe.

    Inzobere mu buzima zivuga ko kutivuza uburwayi bw'uburemba bitera kubura urubyaro hagati y'abashakanye.

     Ubushakashatsi butangwa n'Ishami ry'Umuryango w'Abibumbye ryita ku buzima OMS, bugaragaza ko  ku mu ngo 100 zibura urubyaro 50 muri zo, biba byaraturutse ku buremba bw' umugabo.

    Yvette Umutesi

    The post Wari uzi ko indwara y'uburemba ivurwa igakira? appeared first on FLASH RADIO&TV.

    Source : https://flash.rw/2023/03/29/wari-uzi-ko-indwara-yuburemba-ivurwa-igakira/?utm_source=rss&utm_medium=rss&utm_campaign=wari-uzi-ko-indwara-yuburemba-ivurwa-igakira

  • Imbamutima zabamwe bari bafunganwe na Rusesabagina nyuma yo guhabwa imbabazi #rwanda #RwOT

    Ibi Babitangaje ku munsi w'ejo tariki ya 28 Werurwe 2023, ubwo bagezwaga mu Kigo cya Mutobo mu Ntara y'Amajyaruguru, aho bagiye kumara iminsi bahugurwa mbere yo gusubizwa mu buzima busanzwe, nka bamwe mu bahoze mu mitwe yitwara gisirikare.

    Abari bafunzwe muri dosiye imwe na Rusesabagina bashinjwaga ibyaha by'iterabwoba n'ubugizi bwa nabi, byakozwe n'umutwe wa MRCD-FLN babarizwagamo, wagabye ibitero bitandukanye ku Rwanda bigahitana ubuzima bw'abaturage.

    Mu kiganiro bamwe bahaye IGIHE dukesha iyi nkuru ,ubwo cyabasuraga aho bajyanwe I Mutobo , bose bagaragaje ko bishimiye bikomeye imbazi bahawe na Perezida ku byaha bakoze bakiri mu mitwe yitwaje intwaro yashakaga guhungabanya umutekano w'u Rwanda.

    Nsabimana Callixte uzwi nka Sankara wahoze ari Umuvugizi wa FLN ntabwo yari yakagejejwe i Mutobo aho bagenzi be bari.

    Nsengimana Herman wasimbuye Sankara ku buvugizi bwa FLN yavuze ko yishimiye imbabazi yahawe kuko zaje zitunguranye.

    Uyu musore wari wakatiwe igifungo cy'imyaka irindwi, itangazo ry'imbabazi za Perezida ryasomwe ku mugoroba wo ku wa Gatanu tariki 24 Werurwe ari kumva Radio Rwanda.

    Ati 'Amakuru twayumvise kuri radiyo mu makuru ya saa moya za nijoro turi i Mageragere. Mu by'ukuri twabaye nk'abatunguwe turishima.'

    Nsengimana yaherukaga mu Rwanda mu 2014, arugarukamo ubwo yatabwaga muri yombi mu mashyamba ya Congo.

    Avuga ko yataye umwanya munini ari mu bitubaka igihugu ari naho ahera asaba abakiri mu mitwe irwanya u Rwanda kubivamo.

    Ati 'Ibintu umuntu yagiye anyuramo ni ibintu bibi kandi bihagije, babishaka bashyira intwaro hasi bakaza bakakirwa nk'abandi, bagafatanya n'abandi kubaka igihugu.'

    Ndagijimana Jean Chrétien w'imyaka 26 ni we muto wari mu itsinda ry'abaregwa hamwe na Rusesabagina. Ni umwana wa Gen Irategeka Wilson wayoboraga CNRD-Ubwiyunge yiyomoye kuri FDLR, ari na wo mutwe w'ingabo waje guhinduka FLN.

    Ndagijimana yafatiwe i Goma yaje kubikuza amafaranga se yari yamutumye yo gukoresha mu bikorwa byo guhungabanya umutekano w'u Rwanda, amafaranga yoherezwaga n'abaterankunga b'uwo mutwe baba mu mahanga.

    Ati 'Ubutumwa naha abakiri mu mashyamba, bakora amahitamo meza bakitandukanya n'iyo mitwe bakaza mu rwababyaye.'

    Yari yakatiwe imyaka itatu y'igifungo ikaba yaburaga amezi make ngo yuzure. Nyuma yo kurekurwa ku mbabazi, Ndagijimana avuga ko yabishimiye.

    Ati 'Hari ku wa Gatanu numva itangazo kuri radiyo ko Nyakubahwa Perezida wa Repubulika yaduhaye imbabazi. Nabyakiriye neza. Muri gereza nari mpamaze imyaka ibiri n'igice. Isomo nabonye mu buzima ni ukwirinda gukora ibyaha kuko hariya hantu twari turi ntabwo ari ahantu heza.'

    Ntaramenya aho azagana cyangwa icyo azakora nasoza amahugurwa i Mutobo, dore ko adaheruka amakuru y'umuryango we kuko wasigaye mu mashyamba ya Congo.
    Mukashyaka Saverina w'imyaka 60 na we ari mu barekuwe ku wa Gatanu ku mbabazi za Perezida, nyuma y'imyaka icyenda yari amaze afunzwe mu myaka 20 yari yarakatiwe.

    Uyu mugore ukomoka mu Karere ka Rubavu, avuga ko yafunzwe nyuma yo guhamywa imikoranire n'umutwe w FDLR, agasiga abana be mu bukode i Rubavu.
    Yabwiye IGIHE ko icyamutunguye ari uburyo Leta y'u Rwanda yitaye ku bana be, ikabarihira amashuri kugeza muri Kaminuza.

    Ati 'Abana banjye nari nabasize nta muntu mbasigiye uzabafasha mu mashuri ariko barabakurikiranye, umukuru bamurihira amashuri yisumbuye, aza kujya muri Kaminuza.Ntabwo nari nzi ko bazamurihira kandi icyaha nakoze naragikoreye Leta y'u Rwanda. Umwana wanjye yaje kubona akazi keza, nkarya icyo nshaka, nta kibazo nongeye guhura nacyo.'

    Yavuze ko nyuma yo gufungurwa agiye kwegera umuryango we, ubuzima bwe akabumara yigisha abandi uburere mboneragihugu.

    Umuyobozi Mukuru wa Komisiyo y'Igihugu yo gusubiza mu buzima busanzwe abahoze ari Abasirikare, Nyirahabineza Valerie, yasabye abatangiye amahugurwa kuba intumwa nziza z'u Rwanda, bakavuga ibyo babonye byose nta kubeshya.

    Ati 'Uwo muzahura wese muzamubwire muti 'u Rwanda ni rwiza' kubera ko ruyobowe neza, ntabwo twari tuzi ko byashoboka ariko Perezida wa Repubulika yabahaye imbabazi za kibyeyi […] ni igihango kidapfa gutangwa n'uwo ari we wese, gitangwa n'ufite imbabazi za kibyeyi. Mukiri mu ishyamba bababwiraga nabi u Rwanda ariko mwiboneye ukuri, mujye mushima Imana kandi Imana ikorera mu bantu.'

    Aba bantu biteganyijwe ko i Mutobo bahamara amezi make ari hagati y'atatu n'amezi atandatu, basobanurirwa amateka y'u Rwanda, uburere mboneragihugu, imyuga n'ibindi bizabafasha kwisanga mu muryango nyarwanda.

    Source : https://umuryango.rw/amakuru/mu-mahanga/article/imbamutima-zabamwe-bari-bafunganwe-na-rusesabagina-nyuma-yo-guhabwa-imbabazi

  • Uganda: Imodoka ya Volcano yakoze impanuka ikomeye hakomereka benshi #rwanda #RwOT

    Mu gitondo cyo kuri uyu wa Gatatu i saa munani n'iminota 20, Imodoka ya Sosiyete itwara abagenzi ya Volcano Express , yakoreye impanuka hafi y'i Ntungano iri kujya i Kampala muri Uganda ubwo yagonganaga n'indi ya Trinity yari iri kujya i Kigali.

    Bivugwa ko abantu umunani mu bari mu modoka ya Volcano bakomeretse mu gihe mu ya Trinity hakomeretse abandi 21.

    Ntabwo impamvu yateye iyi mpanuka iramenyekana gusa bivugwa ko ishobora kuba yetewe n'umuvuduko mwinshi cyangwa se kubura feri kuko imodoka ya Trinity yarenze umuhanda ikagwa mu mukingo.

    Volcano yaherukaga gukora impanuka mu mpera z'umwaka ushize ubwo yari iturutse i Kampala igana i Kigali ikagongana n'indi itwara abagenzi mu muhanda Ntungamo-Kabale ku musozi wa Rwahi, batandatu barimo Abanyarwanda bakitaba bitaba Imana.

    Source : https://umuryango.rw/amakuru/mu-mahanga/article/uganda-imodoka-itwara-abagenzi-yarije-i-kigali-yakoze-impanuka-ikomeye

  • #rwanda #RwOT

    Source : https://umuryango.rw/amakuru/mu-rwanda/umutekano/article/bisi-ya-volcano-express-yerekezaga-i-kampala-yakoze-impanuka-benshi

  • Bostwana: Leta yahakanye kwica Khama wari Perezida #rwanda #RwOT

    Leta ya Botswana yahakanye ibivugwa ko ifite umugambi wo guta muri yombi no kwica Ian Khama wahoze ari perezida wayo wahunze mu gihe azaba agarutse mu gihugu.

    Mu kiganiro mu cyumweru gishize, Khama yabwiye ibiro ntaramakuru AFP ko afite amakuru ku mugambi wo kumufunga no kumuroga akigera mu gihugu avuye muri Africa y'Epfo, aho ari mu buhungiro kuva mu 2021.

    Khama yavuze ko leta ya Botswana itinya imbaraga ze mu matora rusange azaba umwaka utaha.

    Ariko mu itangazo ryo kuwa kabiri, William Sentshebeng ushinzwe itangazamakuru muri leta yahakanye ibivugwa na Khama abyita 'ibiteye umujinya kandi bibabaje'.

    The post Bostwana: Leta yahakanye kwica Khama wari Perezida appeared first on FLASH RADIO&TV.

    Source : https://flash.rw/2023/03/29/bostwana-leta-yahakanye-kwica-khama-wari-perezida/?utm_source=rss&utm_medium=rss&utm_campaign=bostwana-leta-yahakanye-kwica-khama-wari-perezida

  • Ubutumwa bwa Haruna Niyonzima ku Mavubi n’Abanyarwanda mbere yo kwesurana na Benin #rwanda #RwOT

    Kapiteni w’ikipe y’igihugu Amavubi ariko utarahamagawe kuri iyi nshuro, Haruna Niyonzima yasabye Abanyarwanda kuyishyigikira na we akaba yizeye ko Imana iri bubafashe bakarara bishimye.

    Ku isaha ya saa 15h00′ zo kuri uyu wa Gatatu tariki ya 29 Werurwe 2023, kuri Kigali Pelé Stadium Amavubi arakira Benin mu mukino w’umunsi wa 4 w’itsinda L mu gushaka itike y’igikombe cy’Afurika cya 2023.

    Nyuma yo kunganyiriza muri Benin 1-1, Amavubi arakina uyu mukino nta bafana kuko Stade iri bwakire uyu mukino itari ku rwego CAF yifuza.

    Mbere y’uyu mukino, kapiteni w’ikipe y’igihugu Amavubi, Haruna Niyonzima ubu ukina muri Libya mu ikipe ya Al Ta’awon utarahamagawe, yifurije intsinzi bagenzi be ndetse avuga ko ku giti cye abona intsinzi ari iy’u Rwanda.

    Ati “Ndifuriza ikipe y’igihugu Amavubi, ikipe y’abanyarwanda kugira umukino mwiza, ndabizi ko ari umukino utoroshye, ni umukino buri wese yifuza gutsinda yaba ku Rwanda cyangwa kuri Benin ariko ku bwanjye amahirwe nyahaye ikipe y’igihugu yanjye nanabasabira nabifuriza kugira umukino mwiza, ndabifuriza kubyuka neza kugira ngo babashe gushimisha abanyarwanda .”

    Yasabye n’Abanyarwanda muri rusange gushyigikira Amavubi ndetse akaba yizeye ko n’Uwiteka ari ku ruhande rw’u Rwanda.

    Ati “Ndasaba abanyarwanda ko twaba hafi y’ikipe yacu, twashyigikira ikipe yacu kandi nanizera ko abasore babishoboye kandi Uwiteka aradufasha turare twishimye, amahirwe masa, amahirwe ku banyarwanda, amahirwe ku Mavubi. “

    Uko mu itsinda L bihagaze, Senegal ni iya mbere n’amanota 12 aho yo yamaze no kubona itike ya CAN, Mozambique ifite 4, Amavubi 2 n’aho Benin ikagira 1.

    Haruna Niyonzima yifurije Amavubi intsinzi

    Source : http://isimbi.rw/siporo/article/ubutumwa-bwa-haruna-niyonzima-ku-mavubi-n-abanyarwanda-mbere-yo-kwesurana-na-benin

  • Hari indimi bivugira! Perezida Kagame yakebuy… – #rwanda #RwOT

    Umukuru w'Igihugu yabigarutseho kuri uyu wa Mbere tariki 28 Werurwe 2023, ubwo yasozaga Itorero rya ba 'Rushingwangerero' ry'Abanyamabanga Nshingwabikorwa b’utugali dusaga 200 basoje amasomo n’ibiganiro by’Itorero ry’igihugu.

    Mu mbwirwaruhame, Perezida Kagame akunze kugaruka ku gusigasira ururimi rw'Ikinyarwanda, akanatanga ingero z'amagambo abantu bakoresha kandi adakwiye.

    Hari amagambo agoretse yagiye avugwa n'abantu bazwi (Abasitari) mu bihe bitandukanye, agakwira ku buryo bwihuse ku mbuga nkoranyambaga, bigira ingaruka nyinshi ku mivugire y'Ikinyarwanda.

    Binyuze mu ndirimbo, muri filime n'ahandi abasitari bafitemo ijambo rinini. Hari amagambo menshi wumva ko yavuzwe bitewe n'ibyo nyirayo yari agamije.

    Yewe hari n'imvugo zamamajwe cyane n'ibyamamare, inzego za Leta ziherutse gusaba urubyiruko kureka gukoresha.

    Ushingiye ku bibazo n'ibitekerezo abayobozi b'utugari bagejeje ku mukuru w'Igihugu bakoresheje ururimi rw'Ikinyarwanda, Perezida Kagame yavuze ko 'ugereranyije bavuga neza ururimi rw’Ikinyarwanda'.

    Kagame yavuze ko hari abafite ikibazo cyo kutavuga neza Ikinyarwanda, badashaka no gushyira imbaraga mu kwiga ururimi. Banagaragaza ko badakeneye kumenya ururimi rw’Ikinyarwanda byisumbuyeho. Avuga ko bazakomeza kwibutswa. Ati “Turaza kubafasha guhora tubibutsa.”

    Umukuru w'Igihugu yavuze ko atari umwihariko w'Ikinyarwanda gusa, kuko mu rurumi rwose habamo abantu baruhindura ku mpamvu runaka cyangwa se inyungu zabo.

    Akomeza ati '…Ururimi rwose hari abantu bagera aho bagahindura ururimi kubera ko hari ibyahanze biriho bijyanye no kuba bijyanye na arts [ubuhanzi] no kuba ‘artistic’ no kuba [Abasitari], hari indimi bivugira gusa zijyanye n’uko bishakiye ubwo ni abasitari ku rugero rwacu, bakarugoreka, bijyanye n’icyo bashaka kugeraho. Ibyo biremewe rimwe ngirango niko nkeka…”.

    Kagame yavuze ko mu ndimi zose harimo n’icyongereza, hari uburyo abantu bazivugamo bijyanye n’uko bishakiye cyangwa ‘bitereye mu buzima bwabo’. cyo kimwe no mu Gifaransa, ugasanga abantu barakivuga uko bishakiye bijyanye n’uko bo babishaka.

    Umukuru w’Igihugu yashishikarije buri wese gushyira imbaraga mu kwiga Ikinyarwanda. Yatanze ingero z’amagambo akoreshwa kandi atabaho mu Kinyarwanda, ndetse ko akunze no kubibona mu mabaruwa yakira agasanga harimo amagambo adakwiye.

    Yavuze ko ijambo ‘Ntago’ ritabaho ahubwo habaho ‘Ntabwo’, ‘yampereje inka’ ni ‘Yampayinka Inka’, ntabwo ari amanama ni ‘inama, ‘amashi’ ni amashyi, 'utuzi' ni akazi….

    Umuhanzi Ruti Joel wubakiye umuziki we kuri gakondo y'Abanyarwanda, yanditse kuri Twitter ashima Umukuru w'Igihugu, avuga ko yemeye gutanga umusanzu we mu kwigisha Ikinyarwanda.

    Ati 'Nejejwe n'uko muri #MeetThePresident y'uyu munsi ubwo Nyakubahwa Perezida yahuraga na ba Rushingwangerero, yongeye kwibutsa abantu gukunda ururimi rwacu. Nemeye kubigisha ikinyarwanda no gukomeza kubakundisha umuco uko nshoboye, ariko Ikinyarwanda cyacu cyeme bitarabaho cyane.'

    Perezida Kagame yasabye ko kwigisha Ikinyarwanda binyuze mu bitangazamakuru bishyirwamo imbaraga:

    Mu bihe bitandukanye cyane cyane mu bitangazamakuru bya Leta humvikanaga ibiganiro bigaruka ku kwigisha abakiri bato uburyo bwo kuvuga no kwandika Ikinyarwanda. Ariko ntibicyumvikana.

    Umukuru w'Igihugu yabajije kuri iyi gahunda yari mu bitangazamakuru. Ati 'Abangiza Ikinyarwanda babarushije imbaraga babivanaho, kugira ngo dukomeze twivugire ibyo dushatse?'

    Minisitiri w’Ubumwe bw’Abanyarwanda n’Inshingano Mboneragihugu, Hon. Bizimana Jean Damascene yijeje Umukuru w’Igihugu ko hagiye kurebwa uburyo bwo kongera kwigisha Ikinyarwanda abana bagakura bazi ‘ntibavuga’ ‘Bavuga’.

    Bizimana yavuze ko iyo ururimi rupfuye bigorana kugira ngo Igihugu cyubakire ku nkingi zacyo. Yavuze ko hari gutekerezwa uburyo amashuri ya Kaminuza ku munsi wa Gatatu w’icyumweru bajya bigishwa Ikinyarwanda, kandi amasomo ajyanye n’umuco agashyirwamo imbaraga.

    Senateri Havugimana Emmanuel aherutse gutabariza Ikinyarwanda:

    Muri Kanama 2022, Minisitiri w'Intebe, Dr Edouard Ngirente yagejeje ku Inteko Ishinga Amategeko ibikorwa bya Guverinoma y'u Rwanda mu rwego rw'uburezi.

    Ubwo Minisitiri Ngirente yari atanze umwanya ku bagize Inteko Ishinga Amategeko kugira ngo babaze ibibazo, Senateri Havugimana yavuze ko ururimi rw'Ikinyarwanda rukwiye kubungabungwa, kuko ruvugwa mu buryo budakwiye.

    Ati “Njya numva abanyamakuru bacu ukuntu bakivuga, kandi ni abantu baba barabaye intangarugero, ukumva ururimi bavuga si Ikinyarwanda.”

    “Byari bikwiye ko ruhabwa umwanya rukigishwa uhereye ku banyamakuru natwe abanyepolitiki, twese tukivuge kimwe. Icyo kintu Minisiteri igihe agaciro, abana bamenye Ikinyarwanda.”

    Inkuru bifitanye isano: Ibyo bigira aho birangirira – Perezida Kagame ku bavuga nabi Ikinyarwanda bitwaje amateka


    Perezida Paul Kagame yasabye buri wese kwihatira kumenya Ikinyarwanda, asaba gushyira imbaraga muri gahunda zifasha abantu kumenya Ikinyarwanda 

    Kuri uyu wa Kabiri, nibwo Perezida Paul Kagame yasoje Itorero rya ba Rushingwangerero, ry’abanyamabanga nshingwabikorwa b’Utugali dusaga 2000 

    Perezida Paul Kagame (Hagati), Minisitiri w'Intebe, Dr Edouard Ngirente (Ibumoso) na Minisitiri w'Ubutegetsi bw'Igihugu, Musabyimana Jean Claude (Iburyo)












    KANDA HANO UREBE UBWO PEREZIDA KAGAME YASOZAGA ITORERO RY’ABAYOBOZI B’UTUGARI

    “>

    Kanda hano urebe amafoto menshi

    Source : https://inyarwanda.com/inkuru/127548/hari-indimi-bivugira-perezida-kagame-yakebuye-abasitari-bagoreka-ikinyarwanda-127548.html

  • Wyre, Daddy Andre na Levixone bageze mu Rwand… – #rwanda #RwOT

    Ni igitaramo kizaba ku wa 31 Werurwe 2023. Bazahuriramo n’umuhanzikazi Aline Shengero Sano [Alyn Sano]. Kizabera muri Camp Kigali. 

    Aba bahanzi bose uko ari batatu baturutse hanze y’u Rwanda bagereye i Kigali amasaha amwe kuko bahageze saa yine zirengaho iminota. 

    Icyo bahurijeho ni uko abazitabira igitaramo bagiye guhuriramo bakwitega kuzatahana ibyishimo bisendereye.

    Daddy Andre ni ubwa mbere akandagiye mu Rwanda aje kuharirimbira, mu gihe Levixone na Wyre atari ku nshuro ya mbere.

    Wyre uri mu batumiwe muri Kigali Jazz Junction amenyerewe mu muziki wa R&B yiganjemo Reggae muri Kenya, yatangiye gukora umuziki ahagana 1999. Yakuriye mu itsinda rya Necessary Noize na East African Bashment Crew.

    Nyuma yo kuva muri aya matsinda, Wyre yakomeje gukora umuziki ku giti cye, ubu amaze gukora album ebyiri zirimo iyo yise “Definition of a Lovechild” yakoze mu 2006 na 'Ten Years Wiser' yamuritse mu 2010, igaruka ku rugendo rwe rwa muzika mu myaka 10.

    Yamenyekanye mu ndirimbo zirimo 'Sina Makosa', 'Fire Anthem' yakoze akiri mu itsinda rya East African Bashment Crew, 'Nakupenda Pia', 'Mimi naye', 'Dancehall Party' 'She say dat' yakoranye na Cecile wo muri Jamaica.

    Daddy Andre nawe ni umuhanzi ukomeye muri Uganda, uretse kuririmba atunganya indirimbo.

    Yavutse mu 1980, ku babyeyi Marget Nekesa ndetse na Jackson Ojambo.

    Yavutse yitwa Andrew Ojambo ahitamo kwitwa Daddy Andre nk'izina ry'ubuhanzi. Yakuriye cyane mu gace ka Nsambya mu Mujyi wa Kampala.

    Ubwo yari afite imyaka itandatu nibwo Nyina, Nekesa yitabye Imana. Nyuma, ubwo yari agejeje imyaka 13 y'amavuko, Se Jackson yitaba Imana.

    Uyu muririmbyi uzwi cyane mu ndirimbo zirimo nka 'Sikikukweeka', 'Tugende Mu Church' n'izindi, yigeze kuvuga ko nyuma y'uko ababyeyi be bitabye Imana, yanyuze mu bihe bigoye n'abavandimwe be batanu kuko babayeho ubuzima bw'impfubyi, bimenyera buri kimwe- imyaka irahita.

    Daddy Andre yize amashuri abanza ahitwa Modern, akomereza ayisumbuye kuri Old Kampala. Yigeze kubwira bimwe mu binyamakuru ko atakomeje kwiga Kaminuza, kubera ko 'ahanini bitari mu byo nifuza cyane mu buzima'.

    Imyaka icyenda ya mbere y'urugendo rwe rw'umuziki, yashyize imbaraga cyane mu gutunganya indirimbo (Production), kwandika indirimbo ndetse no kumenya kuririmba neza.

    Kuva ku myaka 13, imbaraga nyinshi yazishyize mu kwiga cyane uburyo injyana zitandukanye bazikora kandi bazaririmba. Yagerageje kandi kwiga no gukora neza injyana nka Dancehall, RnB, Hi Hop, Afrobeat n'izindi zamwaguye mu rugendo rwe rw'umuziki.

    Bimwe mu binyamakuru byo muri Uganda, mu 2022 byatangaje ko indirimbo 'Tugende Mu Church' y'uyu muhanzi yatumye izina rye ryigwizaho igikundiro.

    Uyu mugabo yamaze imyaka 10 akorera indirimbo abahanzi banyuranye. Yarambitse ikiganza ku ndirimbo 'Sweet Love' ya John Blaq, 'Weekend' ya Sheebah na Runtwon bakoreye mu Rwanda, 'Easy' ya Bebe Cool n'izindi.

    Ijwi rye kandi ryumvikana mu ndirimbo nka 'Don't Stop' yakoranye na John Blaq, 'Now' na Spice Diana, 'You and Me' yakoranye na Lydia Jazmine n'izindi.

    Levixone ufite mama we ukomoka mu Rwanda na se w’Umugande, nawe ategerejwe muri Kigali Jazz Junction.

    Levixone uzwi mu ndirimbo nka 'Turn the replay' aheruka i Kigali mu giterane gikomeye 'Revival Conference', cyabereye mu nyubako y'imyidagaduro ya BK Arena.

    Ubwo yari i Kigali, yanditse kuri konti ye ya Instagram agaragaza ko yishimiye gutaramira abarenga ibihumbi n'ibihumbi, bari muri iki giterane cy'ububyutse.

    Levixone yubakiye umuziki ku njyana ya R&B, Soul ndetse na Reggae. Uyu musore yavutse ku wa 7 Ukuboza 1992, avuka mu muryango w'abana icumi.

    Mu 2012 yavuye mu rugo iwabo, nyuma yo kumenya ko uwo yitaga Se atari we. Yigeze kubwira ibitangazamakuru byo muri Uganda, ko uyu mugabo yitaga Se yamutotezaga cyane akamukubita, igihe kiragera yumva aramuzinutswe

    Uyu musore yavuze ko benshi mu bana bari mu kigero cy'imyaka nk'iye bajyaga ku ishuri we agasigara, byanatumye acikiriza amashuri aza kuyakomeza nyuma.

    Nyuma yo kuva mu rugo, yabaye umwana wo ku muhanda mu bice bya Kosovo, atangira gukora akazi gasanzwe ashakisha imibereho.

    Mu bihe bitandukanye yagiye ajya mu bikundi by'abasore bakoraga urugomo bagafatwa.

    Yasubije inyuma amaso ava muri ako gakundi, nyuma y'uko umwe mu nshuti ze yiciwe muri ibi bikorwa byo gushakira amaramuko ku muhanda.

    Nyuma yo kuva ku muhanda, Levixone yagiye gusura Pasiteri Imelda Namutebi mu rusengero ashaka ko bamuha umwanya akabyina ariko bakamwishyura, atungurwa n'uko abakiristu hafi ya bose bamusabye kubaririmbira no kubyina.

    Nta gitekerezo na kimwe yari afite kubijyanye n'indirimbo, ariko muri we yaremye amagambo mashya ubundi aririmbira abakristu barabikunda.

    Uyu musore afite impano yo gukina umupira w'amaguru yanamufashije kubona umuterankunga bituma asubira mu ishuri, arangiza ayisumbuye kuri Grace High School mu kace ka Gayaza, ari nabwo yamenye ko afite impano yo kuririmba.

    Avuga ko yinjiye mu muziki biturutse kuri Mac Elvis, kandi ku myaka 13 y'amavuko nibwo yakoze indirimbo ye ya mbere. Yakoze indirimbo nka Chikibombe, Turn The Replay, Jungle, Niwewe, Hope, Edoboozi n'izindi nyinshi.

    Umuhanzikazu Alyn sano uzahurira mu gitaramo n’aba bageze mu Rwanda yatangiye umuziki mu buryo bw'umwuga mu 2016. Yamenyekanye cyane mu myaka yo mu 2018 mu ndirimbo zitandukanye zirimo iyo yise 'Naremewe Wowe' n'izindi.

    Avuka ari uwa gatatu mu muryango w'abana batanu. Ahuza amateka n'abandi bahanzi bo mu Rwanda n'ahandi ku Isi barereye impano yo kuririmba muri korali zo mu nsengero bigakomeza inganzo yabo.

    Iki gitaramo aba bahanzi bose bagiye guhuriramo kizaba kuri uyu wa Gatanu tariki 31 Werurwe 2023.

    Kwinjira ahasanzwe ni 10 000 Frw, 15 000 Frw muri VIP  , 35 000 Frw  muri VIP naho ameza ya VVIP y’abantu umunani ni 250  000 Frw.Wyre ubwo yageraga mu Rwanda Wyre agera i Kigali Daddy Andre ni ubwa ageze mu Rwanda Daddy Andre mu modoka yamutwaye kuri hoteli yarayemo Levixone agera I Kigali Levixone [ibumoso] na Daddy Andre wambaye jumper bagera I Kigali 

    KANDA HANO UREBE UBWO ABA BAHANZI BAGERA I KIGALI N’IBYO BATANGAJE

    “>

    Kanda hano urebe amafoto ubwo aba bahanzi bageraga i Kigali

    AMAFOTO: Ndayishimiye Nathanael-INYARWNADA.COM

    Source : https://inyarwanda.com/inkuru/127551/wyre-daddy-andre-na-levixone-bageze-mu-rwanda-bitabiriye-kigali-jazz-junction-amafoto-127551.html

  • Kanis.rw niryo soko rifite ibiciro byiza! Gur… – #rwanda #RwOT

    Uko iterambere ryiyongera, ni na ko ryongera ikoranabuhanga. Abantu benshi bamaze gusobanukirwa n'uburyo umuntu yahaha icyo akeneye, bitamusabye kugera ku isoko. Ni muri urwo rwego Kanis Retail Rwanda Ltd yihaye intego yo kunoza ubucuruzi bwabo, binyuze kuri murandasi.

    Kanis Retail Rwanda Ltd ni ikompanyi ikora ubucuruzi kuri murandasi, icuruza ibintu bitandukanye birimo ibikoresho bikenerwa mu gutunganya no kongera ubwiza 'Make up', by'umwihariko amavuta yo mu bwoko bwa ‘Cream’ afasha uruhu gucya no guhorana itoto.

    Aya mavuta ya Cream ari mu bwoko butandukanye kandi yose ari ku giciro gito, cyoroheye buri wese kuba yayagura nawe agasa neza. Muri aya mavuta harimo anoza uruhu akarurinda kuyaga, avura ibiheri byo mu maso bibangamira igitsinagore, ndetse akanarinda uruhu kwangirika kubera izuba.

    By'umwihariko aya mavuta ntabwo akoze mu miti yagira ingaruka ku ruhu, ahubwo ararurinda akanatuma ruhorana itoto nk’uko benshi mu bari n’abategarugori babyifuza. Niba nawe ushaka gusa neza bigezweho witindiganya, gana Kanis Retail Rwanda Ltd iguhe amavuta ajyanye n’uruhu rwawe hamwe n’ibirungo by’ubwiza bigezweho ku giciro gito.

    Mu birungo by’ubwiza Kanis ifite harimo ibyo kwisiga mu maso(uruhu), ibyo kwisiga ku munywa nka Lipsticks z’amabara atandukanye, ibyo kwisiga ku maso n’ahandi.

    Ushobora gusura Kanis ku rubuga rwayo  www.kanis.rw nawe ukabasha kugura aya mavuto ku giciro gito. Kanis Retail Rwanda Ltd yanorohereje abayigana mu buryo bwo kwishyura, kuko bashobora kwishyura bakoresheje Mobile money kandi ko bafite ubushobozi bwo kugeza ibicuruzwa byabo mu mujyi wa kigali hose.

    Basange aho bakorera ku Kicukiro mu Mujyi wa Kigali.

    Cyangwa ubahamagare kuri telefone: +250 782 799 120

    Ushobora no kubandikira kuri Email: [email protected]

    Dore amavuta meza yo mu bwoko bwa ”Cream’ Kanis Retail Rwanda Ltd ibafitiye:

    Ku giciro gito ushobora kugura amavuta yagufasha gukesha uruhu rwawe

    Kanis ibafitiye amavuta ya ‘Tea Tree & Salicylic Acid Face Serum’ yongerera itoto uruhu

    Inabafitiye amavuta akoze muri Vitamin C arinda uruhu kwangizwa n’izuba

    Source : https://inyarwanda.com/inkuru/127542/kanisrw-niryo-soko-rifite-ibiciro-byiza-gura-ibirungo-byubwiza-ku-mafaranga-macye-babigusa-127542.html

  • Kwinjira ni ibihumbi 40 Frw! Ruti Jol agiye… – #rwanda #RwOT

    Ni igitaramo avuga ko azakora ku wa 1 Mata 2023, aho kwinjira ari ibihumbi 40 Frw (40,000 Frw) kuri Hotel des Mille Collines.

    Ruti Joël yabwiye InyaRwanda ko iki gitaramo kigamije kumvikanisha urugendo rwe rwo kuba Intore.

    Ati 'Ni igitaramo nahisemo kwita ‘Intore cyane’ cyumvikanamo urugendo rwanjye rwo kuba intore. Mbese gusubira mu mizi y’ikinyarwanda, ibyo nzajya nganira n’abantu banjye bashaka kugira icyo bamenya ku butore no kubaganiriza uburyo njye nabigiyemo ariko nkoresheje indirimbo n’imbyino.'

    'Kubasobanurira ubutore […] Muri macye navuga ko ari ‘Back to the roots’ (Kugaruka ku isoko) yanjye. Tuzavuga cyane ku butore, ku rubyiruko, ubutore bwanjye na Ruti.  Ndatumira abantu, muzaze mubikurikire.”

    Uyu muhanzi uzwi cyane mu ndirimbo nka 'Igikobwa' yavuze ko muri iki gitaramo bizaba ari n’umwanya mwiza kuri we wo gushishikiriza urubyiruko gukunda Ikinyarwanda ariko ‘mbisobanura neza nkoresheje kuganira no kuririmba’.

    Avuga ko azava imuzi uburyo yabaye intore, uko yabikuranye n’urugendo rwe rwo kubyiga.

    Ubwo yashyiraga hanze Album ye 'Musomandera', Ruti yumvikanishije uburyo yatoye umuco w'intore, ndetse anabigaragaza ku mbuga nkoranyamba ze.

    Yifashishije ifoto ye imugaragaza ari mu ngamba nk'intore yavuze ikivugo cye, agira ati 'Ndi ruti mu ngeri baririmba rwamwaga mu ngabo iyogeye ingabo y'Inkotanyi umukogoto wa marere ngira ingoga sintinda ngira imbaraga simbashwa.'

    Ruti ni umusore w'urubavu ruto wakuriye iruhande rwa Massamba Intore na Jules Sentore bamuharuriye urugendo rw'umuziki we. Byasembuwe no kuba umwe mu bagize Gakondo Group n’itoreri Ibihame anywana n'umuco kuva ubwo.

    Ijwi ry'uyu musore ryumvikanye mu ndirimbo 'Diarabi' yakoranye na Jules Sentore ndetse na King Bayo witabye Imana. 

    Ni indirimbo nawe avuga ko yamwaguriye amarembo y'umuziki, abatari bamuzi batangira kubazanya ngo uwo musore ni nde w'ijwi ryiza!

    Muri Gashyantare 2019 yashyize hanze amashusho y'indirimbo 'La vie est belle' yasubiyemo y'umuhanzi w'umunyabigwi mu muziki Papa Wemba. Iyi ndirimbo yumvikana mu rurimi rw'Igifaransa n'Igishwahili.

    Uyu musore avuga ko gukurira muri Gakondo Group byamufashije kumenya kubyina no guhamiriza mu Ibihame Cultural Troupe yigiramo imibyinire gakondo n'ibindi.

    Urugendo rw'umuziki we yarushyigikiwemo na Masamba Intore wamuhaye album z'indirimbo ze azigiraho kuririmba ndetse ngo rimwe na rimwe bakoranaga imyitozo yo kuririmba. 

    Nyuma yo kumurika album ye 'Musomandera', Ruti Joël agiye gukora igitaramo cye cya mbere 

    Ruti yavuze ko muri iki gitaramo azakundisha urubyiruko umuco w'u Rwanda

    KANDA HANO WUMVE BIRAMBUYE 'MUSOMANDERA' YA RUTI JOEL


    Source : https://inyarwanda.com/inkuru/127547/kwinjira-ni-ibihumbi-40-frw-ruti-joel-agiye-gukora-igitaramo-azerekaniramo-urugendo-rwe-rw-127547.html