Abanshi mu bakoresha imbuga nkoranyambaga bababona uko bwije n'uko bukeye, ndavuga abakundana batwika kurusha abandi.
Muri iyi nkuru tugiye kukwereka couple 5 ziri gutwika mu myidagaduro yo mu Rwanda muri iyi minsi.
Mukunzi Yannick na Iribagiza Joy
Bahavu Jeanette na Fleury Legend
The Ben na Pamela
Meddy na Mimi
Muyango Cloudine na Kimenyi Yves
Abaturage 84 bo mu Murenge wa Murama mu Karere ka Kayonza biganjemo abo mu Itorero ry'Abadiventisiti b'Umunsi wa Karindwi, barwaye mu nda, abasaga 30 bajyanwa kwa muganga nyuma yo kunywa ku bushera bikekwa ko bwahumanyijwe.
Ibi byabaye ku Cyumweru, tariki ya 2 Mata 2023, ubwo Abadiventisiti bo mu Murenge wa Murama mu Kagari ka Murama bari bakoresheje ibirori byo kwishimira ko hari ababatijwe.
Ababyitabiriye basangiye ubushera bwenzwe n'umuturage umwe bari bahaye isoko, bukeye bwaho ababunyweyeho bose batangiye kuribwa mu nda kugeza ubwo bamwe bajyanywe kwa muganga maze umwana w'imyaka ibiri bamwohereza ku Bitaro bya Rwinkwavu.
Source : https://yegob.rw/kayonza-abantu-barenga-30-bajyanywe-mu-bitaro-kubera-kunywa-ubushera-mu-kirori/
Lionel Messi, rutahizamu w'ikipe ya Paris Saint Germain mu gihugu cy'u Bufaransa ,akazoza ke muri iyo kipe kamaze gusobanuka.
Lionel Messi umaze imyaka ibiri muri Paris Saint -Germain dore ko yayigezemo muri 2021 avuye muri FC Barcelona nyuma y'uko iyo kipe yari ihuye n'ibibazo by'amikoro ikananirwa kumwongerera amasezereno.
Kuri ubu Lionel Messi urikuzuza imyaka ibiri , i Paris ariko itaragenze neza cyane.
Ikinyamakuru L'Equipe cyatangaje ko , Lionel Messi atazakomeza gukina muri Paris Saint-Germain amasezerano ye narangira mu mpeshyi y'uyu mwaka, kuko impande zombi zananiwe kumvikana ku kuba yakongera amasezereno.
L'Equipe yanditse ko impamvu ebyiri nyamukuru zitumye Messi atandukana na PSG aruko bananiwe kumvikana umushahara bamuha, aho Paris Saint -Germain isaba Messi kugabanya umushahara kugeza kuri 30% , Messi we ntabyumve. Indi mpamvu izatuma Messi agenda ngo ni uko abafana ba PSG bamushinja kutabafasha gutwara Champions League kandi aricyo kintu cya mbere yaziye.
Kugeza ubu Messi amaze gutsinda ibitego 18 ndetse yanatanze imipira 17 ivamo ibitego muri Paris Saint-Germain. Lionel Messi amakuru menshi aramwemerekeza muri FC Barcelona, Inter Miami cyangwa muri Arabia Saudite.
Source : https://yegob.rw/ahazaza-ha-lionel-messi-muri-psg-hasobanutse/
Â
Umugore w'umukinnyi ukomeye cyane hano mu Rwanda Kimenyi Yves ashutse Mc Buryohe bakorana ku Isibo Tv maze ahamagara uyu mukinnyi amubwira ko akunda umugore we urukundo rutagira ingano ahita amukupa.
Mc Buryohe na Uwase Muyango bombi bokorana ku Isibo Tv ubwo bari mu kiganiro bageze mu mwanya bakina gemu(game) bageze mu mwanya wogukora ibikorwa ibizwi nka dare mu ndimi z'amahanga Muyango yasabye Buryohe guhamagara umugabo we Kimenyi Yves.
Buryohe yashatse kubyanga gusa Muyango amubera ibamba dore ko Buryohe yavuze ko nta mayinite afite ariko Muyango akayamugurira ndetse ahamagaye nimero ye yanga gucamo Muyango amubwira ko ariguhamagara iyo akoresha kuri Whats App.
Muyango yahaye Mc Buryohe nimero ya Kimenyi yitabiraho maze aramuhamagara aramusuhuza dore ko basanzwe baziranye kuko biganye mu mashuri nuko amubwira ko bari mu kazi gusa bageze mu mwanya wakaruhuko rero amuhamagaye kugira ngo amubwira ko yakunze umugore we cyane ndetse bikomereye umutima we ku buryo atari kubasha ku byihanganira.
Akimara kuvuga ayo magambo Kimenyi watangiye aganira neza ndetse banacishamo bagaseka yahise ahinduka ndetse ahita akupa telefone.
Mc Buryohe yahise avuga ko Muyango amukoreye ishyano ndetse ko kuzisobanura kuri Kimenyi amwumvisha ko yari game bakinaga atari akomeje bizamuvuna gusa Muyango nawe nubwo yasekaga yavuze ko nagera mu rugo ashobora kurya imigeri.
Source : https://yegob.rw/kabaye-muyango-ashutse-mc-buryohe-akora-ishyano/
Umukinnyi wa Arsenal Thomas Partey ukina hagati yatumye benshi bacika ururondogoro nyuma yo kwibasira Man United iheruka gutsindwa ibitego 2-0 na Newcastle ku cyumweru.
Uyu munya Ghana yahamagariye abafana kumufasha bakishimira gutsindwa kwa Man United ndetse ibi byashimishije abafana ba Arsenal ariko birakaza aba United bakiri mu gahinda
Partey yasabwe n'umunyamakuru w'Umunya Ghana,Nana Aba Anamoah, baganiraga ndetse banasangira kugira ubutumwa aha abafana ba Arsenal arangije abasaba kumufasha kwishimira gutsindwa kwa United.
Uyu byari byitezwe ko abasaba gushyigikira ikipe yabo ariko yagize ati 'Mwifatanye mu kwishimira gutsindwa kwa Man United.'.
Uyu munyamakuru yatunguwe n'iki gisubizo cya Thomas Partey wagaragaje imbaraga zidasanzwe muri uyu mwaka w'imikino
Â
Umuhanzi Humble Jizzo wamenyekanye cyane mu itsinda rya Urban Boys yasekeje abantu benshi bamukurikira kuri Instagram ubwo yatangazaga ko hari imigani ikwiriye kuvugururwa.
Humble Jizzo usigaye utuye mu gihugu cyo muri Leta Zunze Ubumwe za Amerika aho yasanzeyo umugore we w'umuzungu babana yanditse amagambo asekeje ku rubuga rwa Instagram.
Yagize ati :' Njye mbona hari imigani ikwiriye kuba updated kugira ngo abato bayisobanukirwe! Urugero' ifuni ibagara ubucuti nakarenge' kubera technology ubona wavuga ngo ni bandles'.
Aya magambo ya Humble Jizzo avuga ko hari imigani ikwiriye kuvugururwa yasekeje benshi ubwo yatanga igitekerezo ku mugani uvuga ko ifuni ibagara ubucuti ari akarenge ngo kuri we abona bitewe n'ibihe aho bigeze bagakwiriye kuvuga ngo ifuni ibagara ubucuti ni bandles zikoreshwa kuri interineti.
Gusa umuhanzi Humble ashobora kuba avuga ukuri kuko ugereranyije ibihe turimo aho ikoranabuhanga ryateye imbere abantu bose bahuriraho bakaganira buri kimwe nkaho bari kumwe imbona nkubone bitandukanye na kera ubwo wavuganaga n'umuntu ari uko ushiritse ubute ukajya ku mureba.
Iyi niyo mpamvu yatumye umuhanzi Humble Jizzo umaze iminsi adakora indirimbo avuga ko hari imigani ikwiriye guhindurwa.
Source : https://yegob.rw/umuhanzi-humble-jizzo-yasekeje-abantu-benshi/
Umusobanuzi wa 'film' Rocky Kirabiranya ubwo yari ari ku Isimbi tv, bamusabye gusoza ikiganiro abasengera.
Ari 'serie' cyane, yabanje gusobanura icyo isengesho rivuze, aho yaryise umubano wihariye w'umuntu n'Imana. Yahise akuramo indorerwamo z'amaso agira ati 'reka nkuremo ibi 'birineti' imbere y'Imana ntabwo bitwika', ubundi aterura isengesho rye ati:
'Duce bugufi dusenge.
Mana wakoze, kuturinda. Wakoze kubw'uyu mwanya wose tumaze hano turi kuganiriza abantu, hari ibyagenze neza wenda n'ibyo utishimiye, n'ibindi byose dukora. ukomeze kuturinda uduhe ibyo dukeneye bya buri munsi, n'abandi bose ubafashe n'Igihugu cyacu ugifashe'.
Byatangiye kuba urwenya ubwo yakomezaga ati: 'ikindi, Mana kora 'kata' zawe n'uburyo ukoramo ibintu byawe, bano bantu badukurikiye ubibumvishe neza ko iriya 'film' bagomba kuyigura ibihumbi bitanu kuri (yavuze urubuga ayigurishaho umunyamakuru atangira guseka) 'Amen'.
Yasoje isengesho asubizamo indorerwamo z'amaso ze adaseka, ubundi Kadaff bari bari kumwe avuga atebya ati 'ubwo Imana uyihaye Link', baraseka.
Source : https://yegob.rw/isengesho-rya-rocky-kirabiranya-ryajemo-urwenya-soma-wisekere/
Komisiyo y’Ubujurire yafashe umwanzuro ko umukino wa 1/8 wo kwishyura ugomba guhuza Intare FC na Rayon Sports mu gikombecy’Amahoro ugomba kuba.
Ni nyuma y’imvururu zari zimaze iminsi umukino ugenda wimurwa kugeza aho Intare ifashe umwanzuro ko itazawukina ahubwo yakomeje muri 1/4 ikazakina na Police FC kuko Rayon Sports itubahirije ibisabwa ari ugutanga ikibuga ku masaha yasabwe ikagerekaho kwikura mu irushanwa.
Ejo nibwo Komisiyo y’Ubujurire ya FERWAFA yaburanishije impande zombi aho Rayon Sports yavuze ko ibyo Intare FC ishingiraho nta shingiro kuko bavuye mu gikombe cy’Amahoro kuko hari ibyo batari bishimiye bikemutse baragaruka cyane ko amategeko y’igikombe cy’Amahoro atagena uburyo uwasezeye agarukamo.
Komisiyo yasabye kubaha umwanya bakiherera bakaza kubagezaho umwanzuro.
Amakuru avuga ko ku mugoroba w’ejo hashize umwanzuro wari wamaze gufatwa ari uwo gusezerera Rayon Sports mu irushanwa kuko yishe amategeko, gusa bivugwa ko perezida wa FERWAFA, Nizeyimana Olivier yabasabye kudatangaza uyu mwanzuro bakabanza bagakorana inama kuri uyu wa Kabiri tariki ya 4 Mata 2023.
Inama yabaye ndetse birangira iyi Komisiyo yisubiyeho yemeza ko umukino wa 1/4 ugomba kuba. Umukino ubanza Rayon yatsinze 2-1.
Itangazo rya FERWAFA yasohoye yagize iti “Komisiyo y’Ubujurire muri FERWAFA yemeje ko icyemezo cyafashwe na Komisiyo ishinzwe amarushanwa cyo ku wa 20/03/2023 kidahindutse, Rayon Sports na Intare FC zizakina, umukino wo kwishyura wa 1/8 w’Igikombe cy’Amahoro, itariki uzakinirwaho bakazayimenyeshwa na FERWAFA.”
Uko byatangiye
izwe tariki ya 8 Werurwe kuri Stade Muhang, waje kwimurwa habura amasaha 24 (kuko iyo tariki hagombaga kubera ibirori byo kwizihiza umunsi w’abagore) ugashyirwa i Bugesera maze Intare na zo zirabyanga zivuga ko amasaha arimo atari ahagije kugira ngo umukino wimurwe.
Ku wa Gatatu (tariki ya 8 Werurwe) Rayon Sports yitegura kujya ku kibuga ni bwo yandikiwe na FERWAFA iyimenyesha ko umukino washyizwe ku wa Gatanu tariki ya 10 Werurwe kubera ko hari kubera imikino 2 kandi bishoboka ko bari kugera mu minota y’inyongera hakanaterwa penaliti kandi iki kibuga nta matara gifite. Rayon Sports na yo ihita yandika isezera mu irushanwa.
Nyuma yo kuganira na FERWAFA, Rayon Sports yatangaje ko ibyari bibabangamiye byakemutse yemeye kugaruka mu irushanwa.
Ku wa Gatandatu w’icyumweru gishize tariki ya 25 Werurwe 2023, FERWAFA yatangaje ko uyu mukino uzaba ku wa Mbere tariki ya 27 Werurwe 2023 mu Bugesera saa 15h00′.
Intare zikaba zarateye utwatsi iki cyemezo zafashe nk’agasuzuguro, zandikira FERWAFA ziyimenyesha ko mu gihe cyose zitamenyeshejwe impamvu uyu mukino utabaye itariki yari iteganyijwe, zititeguye kuwukina ahubwo FERWAFA yazaba ari yo ikina na Rayon Sports.
Iti “Twasanze iby’umukino uteganyijwe mu ibaruwa no137/FERWAFA/2023 twe bitatureba, kuko inama zose zijyanye na wo nta n’imwe twatumiwemo, impande zitabiriye zikaba ari zo zizawukina.”
FERWAFA yahise ikuraho uyu mukino maze ikibazo igishyira muri Komisiyo y’Ubujurire ari na yo irimo kugikurikirana.
Perezida Kagame na mugenzi we William Ruto wasuye u Rwanda mu ruzinduko rw'iminsi ibiri bavuze ko mu mezi 3 ashize ibibazo byo muri RDC byagiye bigabanuka ku buryo ngo bagiye gukomeza gushaka ibisubizo birambye.
Mu kiganiro n'abanyamakuru aba baperezida bombi bakoze,bavuze ko mu mezi make ashize ibintu byari bitangiye kuba byiza.
Perezida Ruto yagize ati:”Mu kwezi gushize,hagaragaye impinduka nziza nyinshi ku byerekeye ibibazo bya Repubulika ya Demokarasi ya Kongo.
Ubu dufite ingabo za Kenya ziriyo mu mezi 6 ashize, u Burundi bwagezeyo, Uganda iriyo, n'ingabo za Angola na zo zagiye gushyigikira ibyo bikorwa, no gukora ibishoboka ngo abagirwaho n'ingaruka, kugira ngo duhangane n'ibibazo by'umutekano bihitana ubuzima bw'abantu, ihohotera rishingiye ku gitsina, n'ibindi bibazo by'abana batabasha kwiga, n'abantu bataye ibyabo baba mu nkambi.'
Perezida Ruto yavuze ko EAC yafashe umwanzuro wo gukemura iki kibazo cy'umunyamuryango wayo.
Yagize ati 'Umuryango wa EAC wafashe umwanzuro ko ugomba gufata iya mbere mu gukemura ibibazo by'uburasirazuba bwa Congo, by'umwihariko nyuma y'uko Congo ibaye umunyamuryango wa EAC….Twizeye ko uku kumvikana no guhuza imbaraga,ndashimira abakuru b'ibihugu bya EAC,mu gufasha kugarura amahoro mu gace.
Turi gukorana kugira ngo duhe umutekano agace [Uburasirazuba bwa RDC] kugira ngo RDC izakore amatora mu mutekano.”
Perezida Kagame nawe kuri iki kibazo yavuze ko mu byumweru bike mutekano wari utangiye kuboneka ariko icy'ingenzi ari ugukomeza gushaka uko ikibazo cyakemuka burundu.
Ati 'Nizere ko twabona igisubizo, abo hanze bakaza gushyigikira ibyo abayobozi ba Africa bakora, bagafasha aho kwivanga mu byo bakeka ko byaba ibisubizo.
Ni byiza gushyigikira ibisubizo byagenwe n'abayobozi ba Africa, ikibazo kirahari, hari inzira zo kugikermura, ariko reka tubihe igihe, vuba twakora ibyo dukwiye gukora, ubwo tuzagera ku muti abantu bategereje.'
Yakomeje avuga ko hari byinshi byo gukora kugira ngo haboneke igisubizo kirambye ku kibazo cy'umutekano muke muri kariya gace.
Perezida Ruto yatangaje ko mu biganiro yagiranye n'Umukuru w'Igihugu, Paul Kagame, bagarutse ku buryo bwo gushyiraho umuyoboro w'itumanaho uzafasha ibihugu byombi ndetse n'ibyo mu Karere koroshya ubuhahirane.
Perezida William Ruto yashimiye Perezida Kagame n'Abanyarwanda muri rusange bamwakiranye urugwiro we n'abamuherekeje. Yagaragaje ko uru ruzinduko rudashingiye ku ngingo zirebana n'umubano w'ibihugu byombi gusa ahubwo runareba ku ngingo zigaruka ku Mugabane wa Afurika muri rusange
Perezida Kagame yatangaje ko umubano w'u Rwanda na Kenya ari uwa kera, ukaba wongeye gushimangirwa n'uru ruzinduko rwa Perezida Ruto.
Bombi bakurikiye isinywa ry'amasezerano hagati y'ibihugu byombi, arimo ajyanye n'ikoranabuhanga, ubuzima, uburezi, guteza imbere urubyiruko n'ubuhinzi.
Ibi bikoresho byiganjemo ibyo kwa muganga byashyikirijwe ubuyobozi bw'Ibitaro bya Masaka ku wa Mbere, tariki ya 3 Mata 2023.
Mu bikoresho byatanzwe harimo igitanda kigezweho cyifashishwa mu kubaga abarwayi, ibikoresho byifashishwa mu buvuzi bw'amenyo n'ibindi.
U Bushinwa busanzwe ari umuterankunga mukuru w'Ibitaro bya Masaka n'ibya Kibungo mu Rwanda, aho buri mwaka byohererezwa inzobere z'abaganga bo mu Bushinwa, bakajya kuhavurira abarwayi indwara zitandukanye ku buntu.
Umujyanama ushinzwe Ubukungu muri Ambasade y'u Bushinwa mu Rwanda, Wang Jiaxin, yavuze ko igihugu cye gifite intego yo gukomeza gufasha ibihugu bya Afurika mu guteza imbere ubuvuzi, bityo bizeye ko ibikoresho bashyikirije ibitaro bya Masaka bizafasha mu kurushaho gutanga ubuvuzi bunoze.
Umuyobozi w'Itsinda ry'Inzobere mu Buvuzi z'Abashinwa ziri mu Bitaro bya Masaka, Dr. Zhao Shangjun, yavuze ko mbere yo gutanga ibyo bikoresho babanje kureba ibikenewe cyane mu Bitaro bya Masaka, bakaba bizeye ko bizifashishwa mu gutanga serivisi aho byari bigoranye.
Umuyobozi Mukuru w'Ibitaro bya Masaka, Hanyurwimfura Damascène, yashimiye Guverinoma y'u Bushinwa ku bikoresho yabageneye, avuga ko bije gutanga umusanzu ukomeye mu buvuzi bubitangirwamo.
Ibitaro bya Masaka byubatswe mu 2013, ku nkunga ya Leta y'u Bushinwa.
