Author: webrwanda

Ku Cyumweru, tariki ya 2 Mata 2023, ni bwo Abadiventisiti bo mu Murenge wa Murama mu Kagari ka Murama bakoresheje ibirori byo kwishimira ko hari ababatijwe. Ababyitabiriye basangiye ubushera bwenzwe n'umuturage umwe bari bahaye isoko, bukeye bwaho ababunyweyeho bose batangiye kuribwa mu nda kugeza ubwo bamwe bajyanywe kwa muganga maze umwana w'imyaka ibiri bamwohereza ku Bitaro bya Rwinkwavu.

Umunyamabanga Nshingwabikorwa w'Umurenge wa Murama, Mutuyimana Pauline, yabwiye IGIHE ko bamaze kubarura abaturage 84 banyweye ubwo bushera bakarwara mu nda.

Yagize ati 'Ku Cyumweru bari bafite umunsi mukuru w'abantu bari babatijwe bategurira hamwe ubushera kugira ngo bishimire icyo gikorwa. Ababunyweyeho bose bahise batangira kurwara mu nda. Ubu tumaze kubarura 34 bagiye kwa muganga mu gihe ababunyweyeho bose ubu tubarura 84 bose bakaba barwaye mu nda, abandi basigaye nabo twabasabye kujya kwa muganga.'

Mutuyimana yavuze ko abaturage bitabiriye ibi birori bose atari Abadiventisiti b'Umunsi wa Karindwi, abasaba kwitondera ibyo banywa n'uburyo bitegurwa.

Ati 'Turabasaba kujya bagira isuku bakamenya ko ibyo kunywa biba bikeneye isuku nyinshi kuko ibyagaragaye ntabwo ubushera banyweye bwari bufite isuku ihagije.'

Kuri ubu ngo abanyweye kuri ubu bushera batari bajya kwa muganga barasabwa kujyayo kugira ngo bahabwe imiti. Umwana umwe mu banyweye ubushera ni we wakomerejwe kugera ubwo anajyanywe mu Bitaro bya Rwinkwavu.

Abarenga 30 bajyanywe mu bitaro kubera kunywa ubushera buhumanye mu Karere ka Kayonza

---

Source : http://igihe.com/amakuru/u-rwanda/article/kayonza-abarenga-30-bajyanywe-mu-bitaro-kubera-kunywa-ubushera-buhumanye

Ni amasezerano yasinywe mu ruzinduko Perezida William Ruto wa Kenya yagiriye mu Rwanda, rwa mbere kuva yatorerwa kuyobora igihugu cye mu mwaka ushize.

Amasezerano yasinywe ari mu ngeri zirimo ubufatanye mu bijyanye n'amagororero, ajyanye n'amahugurwa mu bya dipolomasi, ajyanye n'ikoranabuhanga, ajyanye n'ubuzima, ajyanye n'urubyiruko n'ayo guteza imbere amakoperative.

Yasinywe na ba Minisitiri b'Ububanyi n'Amahanga, uw'u Rwanda Dr Vincent Biruta n'uwa Kenya, Dr Alfred Nganga Mutua.

Minisitiri w'Uburezi mu Rwanda, Dr Uwamariya Valentine na mugenzi we wa Kenya, Ezekiel Machogu Ombaki basinyanye amasezerano y'imikoranire mu burezi mu gihe Minisitiri w'Ubuhinzi, Dr Ildephonse Musafili hamwe na mugenzi we wa Kenya, Franklin Mithika Linturi, basinye amasezerano mu bijyanye n'ubuhinzi.

Minisitiri w'Uburinganire n'Iterambere ry'Umuryango, Prof Jeannette Bayisenge na mugenzi we wa Kenya, Aisha Jumwa Karisa Katana, basinye ajyanye no guteza imbere uburinganire.

Perezida Kagame yavuze ko mu myaka myinshi ishize, u Rwanda na Kenya byubatse umubano ukomeye, ndetse uruzinduko rw'uyu munsi, rushimangira ubwo bushuti.

Ati 'Tumaze gukurikira isinywa ry'amasezerano mu ngeri z'ingenzi nk'ikoranabuhanga, ubuzima, uburezi, urubyiruko n'ubuhinzi. Izi ngeri nshya z'ubufatanye zizatuma turushaho gukorana. Twishimiye ko u Rwanda ari mu rugo ku muryango mugari w'abanyakenya. Dushima umusanzu wabo ku iterambere ryacu.'

Perezida Kagame yavuze ko yizeye ubufatanye buri hagati y'ibihugu byombi, bushobora gutuma urubyiruko rubasha kunguka ubumenyi, rugahanga ibishya kandi rukabasha guhatana ku isoko.

Perezida Ruto yashimye mugenzi we w'u Rwanda wamutumiye ngo asure u Rwanda, avuga ko bagiranye ibiganiro birenga ibihugu byombi, akarere ahubwo biri mu nyungu z'umugabane muri rusange.

Ruto yavuze ko amasezerano yasinywe azatuma ibihugu byombi bisangira ubunararibonye, ku buryo nko mu bijyanye n'ikoranabuhanga hashobora kubakwa irishobora gutuma hatangwa inguzanyo n'ibindi.

Yatanze urugero ku masezerano mu bijyanye n'ubuzima, avuga ko akubiyemo ubufatanye hagati y'ibitaro bikuru byo mu Rwanda n'ibyo muri Kenya.

Ati 'Hazabaho ubufatanye hagati y'ibitaro byacu bibiri by'icyitegererezo. Ibitaro binini by'icyitegererezo mu Rwanda hamwe n'ibyo muri Kenya, ku buryo habaho guhanahana ubunararibonye, ubushobozi aho biri ngombwa.'

Perezida Kagame yavuze ko hari izindi ngeri nyinshi ibihugu byombi bizakomeza gufatanyamo, bihanahana ubunararibonye.

Yaboneyeho gushimira Abanya-Kenya baba mu Rwanda ku bw'umusanzu wabo mu iterambere ry'igihugu. Ati 'Twishimiye ko bari hano, hari ibintu byinshi bari gukora, kandi ibyo bakora ku giti cyabo ni ingirakamaro ku Rwanda n'Abanyarwanda.'

Yavuze ko bamwe muri bo ari Abarimu, urwego igihugu gifitemo ubushobozi buke yaba mu mubare no mu byo abarukoraho batanga nk'umusaruro. Yashimye abakora mu nzego z'ubuzima n'iz'ubukerarugendo.

Ati 'Bazibye icyuho mu nzego zacu, kubera aho twavuye…bamaze igihe hano, batangiye kuza hano mu myaka ya 2000 cyangwa se mbere yaho gato, icyo gihe nta bushobozi twari dufite mu nzego izo arizo zose, rero Abanya-Kenya cyane cyane n'abandi baturage bo muri EAC, baje hano gukora ibyo bazi, babyungukiramo natwe tubyungukiramo. Ni byo rero bikubiye muri aya masezerano n'umubano uri hagati y'ibihugu byombi.'

Kenya ifite ishoramari ryinshi mu Rwanda mu ngeri zitandukanye. Nko mu burezi, ifite Kaminuza ya Mount Kenya, mu itangazamakuru hari ibigo bikomeye nk'ibinyamakuru nka Rwanda Today, The East African, Royal FM na Kiss FM.

Mu rwego rw'amabanki, Banki y'Abaturage isigaye iri mu maboko y'Abanyakenya nyuma yo kugurwa na KCB, hari kandi na Equity Bank, GT Bank, I&M Bank n'izindi.

Hari ibindi bigo nka Britam bitanga serivisi z'ubwishingizi ndetse mbere y'uko UAP igurwa na Old Mutual nayo yari ishoramari ry'Abanyakenya mu Rwanda.

Mu bigo by'ubukerarugendo hari Serena Hotel n'ibindi.

---

Source : http://igihe.com/amakuru/u-rwanda/article/u-rwanda-rwasinyanye-na-kenya-amasezerano-10-y-ubufatanye

Perezida wa Kenya William Ruto, yasuye Urwibutso rwa Jenoside yakorewe Abatutsi rwa Kigali, yunamira inzirakarengane ziharuhukiye kuri uyu wa Kabiri tariki 04 Mata 2023.

Kuva kuri uyu wa Kabiri Perezida Ruto ari mu Rwanda mu ruzinduko rw'akazi rw'iminsi ibiri.

Mu butumwa yatanze mu gitabo cy'abashyitsi, yihanganishije imiryango yabuze ababo ndetse anashimira intambwe u Rwanda rwateye rwikura mu icuraburindi rwanyuzemo, ubu rukaba ari igihugu cyateye imbere.

Amafoto: Igihe.com

The post <strong>Perezida Ruto yasuye Urwibutso rwa Jenoside rwa Kigali</strong> appeared first on FLASH RADIO&TV.

Source : https://flash.rw/2023/04/04/perezida-ruto-yasuye-urwibutso-rwa-jenoside-rwa-kigali/?utm_source=rss&utm_medium=rss&utm_campaign=perezida-ruto-yasuye-urwibutso-rwa-jenoside-rwa-kigali

Igice cy'imyidagaduro mu gihugu cyacu cy'u Rwanda cyateye imbere ndetse usanga abenshi bavugwamo baba barabaye nk'ijisho ryarubanda kubera ibikorwa bitandukanye. Hari umubare wabakundana(Couples ) munini kubu ndetse bamwe m'urubyiruko cyagwa mungo zitandukanye bafatiraho icyitegererezo mubikorwa byabo bitandukanye.

Ikinyamakuru UMURYANGO cyabateguriye couple zikunzwe cyane mu gisate cy'Imyidagaduro muri iyi minsi , cyane cyane ku imbuga koranyambaga.

1.The Ben na Pamella

2.Meddy na Mimi

3.Bahavu Jannet na Fleury Legend

4.. Miss Uwase Hirwa Honorine (Igisabo) n'umukunzi we

5.Umunyamakuru Nadia na Malik Shaffy

6.Grace Bahati Na Murekezi Pacifique.

7.Kimenyi Yve na Miss Uwase Muyango

8.Yannick Mukunzi na Joy Iribagiza

9.Brucemelodie n'umugore we

Source : https://umuryango.rw/imyidagaduro/article/urutonde-rwa-couple-zigezweho-mu-myidagaduro-nyarwanda-amafoto

Abakinnyi babiri ba La Jeunesse barimo Imena Yves,Salomom Okello na Nshimiye Saidi bahagaritswe amezi atandatu batagera mu kibuga ndetse bagatanga ihazabu y'ibihumbi 50 FRW.

Aba barashinjwa guhohotera umusifuzi wa kane bikamuviramo no kuva mu kibuga arandaswe kubera ko batishimiye ibyavuye mu mukino batsinzwemo na AS Muhanga igitego 1-0.

Umutoza wungirije Ndayisenga Kassim we yahagaritswe umwaka wose atagera ku bibuga byose byo mu Rwanda n'amande y'ibihumbi 100 FRW.

Ku wa Gatanu, tariki 3 Werurwe 2023 kuri stade ya Muhanga, hakinwaga umukino w'umunsi wa 15 wa shampiyona y'icyiciro cya kabiri mu itsinda B, warangiye AS Muhanga itsinze La Jeunesse igitego 1-0.

Uyu mukino wasojwe n'imvururu zikomeye zakubitiwemo umusifuzi wa kane wari waje gukiza mugenzi we w'igitambaro wari wazengurutswe n'abakinnyi benshi bamubaza impamvu yanze igitego bari batsinze, avuga ko habayeho kurarira.

Abakinnyi babiri ba La Jeunesse FC bahise bafungirwa kuri sitasiyo ya Polisi ya Muhanga, nyuma y'izi mvururu zakubitiwemo umusifuzi kugeza ubwo asohowe mu kibuga arandaswe.

FERWAFA kandi yafashe ibindi bihano bitandukanye ku makipe n'abafana bitwaye nabi nkuko itangazo ryabo ryabigaragaje.

Source : https://umuryango.rw/imyidagaduro/imikino/article/ferwafa-yahaye-ibihano-bikarishye-abakinnyi-ba-la-jeunesse-bakubise-umusifuzi

Umukinnyi Thomas Partey ukina hagati mu ikipe ya Arsenal yatumye benshi bacika ururondogoro nyuma yo kwibasira Man United iheruka gutsindwa ibitego 2-0 na Newcastle ku cyumweru.

Uyu munya Ghana yahamagariye abafana kumufasha bakishimira gutsindwa kwa Man United ndetse ibi byashimishije abafana ba Arsenal ariko birakaza aba United bakiri mu gahinda.

Arsenal imaze imikino irindwi yikurikiranya itsinda muri Premier League ndetse ikomeje kurinda ikinyuranyo cy'amanota 8 irusha Man City bahanganiye igikombe.

Partey yasabwe n'umunyamakuru w'Umunya Ghana,Nana Aba Anamoah, baganiraga ndetse banasangira kugira ubutumwa aha abafana ba Arsenal arangije abasaba kumufasha kwishimira gutsindwa kwa United.

Uyu byari byitezwe ko abasaba gushyigikira ikipe yabo ariko yagize ati “Mwifatanye mu kwishimira gutsindwa kwa Man United.”

Uyu munyamakuru yatunguwe n'iki gisubizo cya Thomas Partey wagaragaje imbaraga zidasanzwe muri uyu mwaka w'imikino

Arsenal ifite akazi gakomeye ku Cyumweru kuko aribwo izasura Liverpool itajya iyorohera iyo bahuriye ku kibuga Anfield.

Ku rundi ruhande Man United iri mu rugamba rwo gushaka uko yabona umwanya wo kuzakina Champions League umwaka utaha kuko ihanganye na Newcastle ya gatatu na Tottenham.

Source : https://umuryango.rw/imyidagaduro/imikino/article/thomas-partey-yahaye-urw-amenyo-ikipe-ya-manchester-united

Menya uko wakitwara mu gihe usanze uwo ukunda akunda abandi bikagufasha gukomeza kubaho ubuzima bwiza kandi wishimye.

1. Emera ibyo udashobora guhindura

Burya akenshi usanga twe nk'abantu dukunze kugira kamere yo kutemera guheba ibyadusize, ariko burya uburyo bwiza bwagufasha igihe ubona nta kintu uri buhindure ku kintu cyangwa se ku muntu, wowe hindura inzira hanyuma na wa muntu umusige mu nzira ye, nzi neza ko uzagera ku yindi ntambwe n'ubwo biba bigoranye. Iga kwakira ibintu kuko ugomba kubyakira kandi kuko ubona ko ari byo bishoboka, ibinyuranye nabyo bikaba ari uguta igihe cyawe.

2.Gusohokana n'inshuti byagufasha kwiyibagiza byinshi

Imwe mu nzira zo kugira umunezero haba imbere mu mutima ndetse no mu buzima bwawe busanzwe burya ni ukuba wafata umwanya ukajyana n'inshuti zawe nk'ahantu babyina cyane mu masaha ya nimugoroba, hanyuma mukagenda mukabyina icyo gihe ndakwizeza ko utahana akanyamuneza kandi ni n'uburyo bworoshye bwo kuba wabona indi nshuti ukikuramo uwo wundi wararikiraga.

3. Menya impamvu uwo muntu ari we umutima wawe ushaka

Akenshi burya ngo icyo umutima ushaka amata aguranwa itabi, n'ubwo bamwe batemeranya n'iyo mvugo ariko burya ibyiyumviro by'umutima twe nk'abantu biragora kubitsinda ariko wowe nubona umutima wawe uguhata gukunda umuntu kandi uzi neza ko uwo muntu yafashwe, gerageza umenye impamvu ukunda uwo muntu hanyuma wowe bizagufasha gushaka abandi bantu benshi bafite ibyo wakundiraga uwo nguwo bityo ube wamwikuramo kuko ibyo umukundira n'abandi uzaba wamenye ko babifite.

4. Shaka ubwoko bw'imikino inezeza umubiri

Aha akenshi iyo umuntu avuze ibinezeza cyangwa se 'hobbies' mu ndimi z'amahanga, bivuze ko ari wa mwanya wawe ujya ufata haba mu masaha atari ay'akazi cyangwa igihe cyo kuruhuka ukaba wakina imikino itandukanye, nibwo rero umuntu aba akeneye uwo kuba hafi ye cyangwa se uwo bafatanya kwidagadura ndetse no kuruhuka. Muri iki gihe rero uramutse ufite umuntu wakunze kandi ubona nta buryo ufite bwo kumwigarurira, mu gihe ubonye umwanya wo kumutekerezaho ako kanya icyo ukora ni ugushaka uburyo wahura n'izindi nshuti zawe mukaba mwajya mu mikino itandukanye kuburyo bituma udatekereza cyane wa muntu umutima wawe ukubaza buri munsi.

5. Vugana cyane n'inshuti ze za hafi

Aha wenda bamwe mwakwibaza muti nigute waba ubona umuntu ukunda byararangiye udashobora kumugeraho warangiza ukajya kwiyegereza inshuti ze ? Ukuri ukwiye kumenya ni uko za nshuti ze uzajya uzibaza uti se uyu muntu ateye ate ? Imico ye imeze gute ?.. Kuburyo bizagufasha kumumenya neza kuko akenshi ushobora kuzasanga wamuntu koko adakwiriye kugukurura kuko wenda imico ye utayikunze.

Source : https://umuryango.rw/imyidagaduro/article/menya-uko-wakitwara-mu-gihe-usanze-uwo-ukunda-akunda-abandi

Perezida wa Repubulika y'u Rwanda, Paul Kagame, na mugenzi we wa Kenya William Ruto, baratangaza ko mu gihe gito gishize hari ibimenyetso by'agahenge mu burasirazuba bwa Repubulika ya      Demokarasi ya Congo, agace kamaze igihe kugarijwe n'umutekano muke.

Ibi abakuru b'ibihugu byombi babigarutseho kuri uyu wa kabiri tariki 04 Mata 2023, mu kiganiro n'abanyamakuru cyabereye mu biro bya Perezida Kagame Village Urugwiro.

Perezida wa Kenya William Ruto akaba ari mu ruzinduko rw'akazi rw'iminsi 2 mu Rwanda ku butumire bwa Mugenzi we Perezida Kagame.

Ahagana mu ma saa sita n'iminota ku manywa yo kuri uyu wa kabiri, nibwo Perezida wa Repubulika ya Kenya yageze mu Rwanda yakirwa na Minisitiri w'Ububanyi n'Amahanga Dr Vincent Biruta, yahise yerekeza mu biro bya mugenzi we Village Urugwiro maze yakirwa na Perezida Kagame, ahabwa icyubahiro cya gisirikare kigenerwa abashyitsi bakomeye, mbere yo kugirana ibighaniro byo mu muhezo na Perezida Kagame.

Mbere yo kugirana ikiganiro n'itangazamakuru abakuru b'ibihugu byombi, bayoboye umuhango wo gushyira umukono ku masezerano y'imikoranire hagati y'ibihugu byombi, mu nzego zirimo Uburezi, Ubuzima, Ikoranabuhanga, Diplomasi, n'Uburinganire n'izindi.

Mu kiganiro Perezida Kagame na mugenzi we Ruto bagiranye n'itangazamakuru, bombi batangaje ko mu burasirazuba bwa Repubulika ya Demokarasi ya Congo hashize igihe gito hatangiye kugaragara agahenge, nyuma y'imirwano ihuza ingabo za leta ya Kinshasa n'umutwe wa M23.

Perezida William Ruto, yavuze ko gukemura ikibazo cy'umutekano muke mu burasirazuba bwa RDC, bisaba ubufatanye bw'akarere kandi ko abakuru b'ibihugu bagifatiye umwanzuro.

 Gusa Perezida Ruto yavuze ko hari icyizere cy'uko ibintu biri kuba byiza muri ako gace.

Ati 'Iki ni ikibazo kitureba twese nk'akarere, abakuru b'ibihugu bafashe umwanzuro ko umuryango w'Afurika y'Iburasirazuba ugomba gufata iya mbere mu gukemura ibibazo biri mu burasirazuba bwa RDC, by'umwihariko nyuma y'aho RDC igiriye muri uyu muryango.'

Perezida Ruto yunzemo agira ati  'Amakuru meza, amakuru atanga icyizere  ni uko kuva mu kwezi gushize twabonye impinduka nyinshi zitanga icyizere, ku birebana n'ibibazo by'umutekano muke mu burasirazuba bwa RDC.'

Perezida Kagame nawe yemeranya na mugenzi we Ruto, ko mu bihe bya vuba  hari kugaragara impinduka nziza ku bibazo by'umutekano muke mu burasirazuba bwa RDC.

 Icyakora Perezida Kagame, asanga ikibazo kigomba gukemurwa giherewe mu mizi, kuko ari bwo cyaba gikemuwe ubutazagaruka.

Ati 'Mbere na mbere ndemeranya n'ibyo Perezida amaze kuvuga ,nanjye ndatekereza mu byumweru bike bishize twabonye impinduka, ariko haracyari n'ibindi bibazo byo gukemura ariko hari impinduka. Tugomba gukora ibirenzeho, tugatera izindi ntambwe ziganisha ku kubona igisubizo, ariko amateka y'uburasirazuba bwa Congo ni ikintu utakemurira hano byatwara igihe kinini.'

Umukuru w'igihugu yongeyeho ko 'Ibibazo byagiye biza bigenda byongera bigaruka, ariko hari icyenda gusa n'icyo perezida yavuze. Mu myaka myinshi abantu bitaye cyane mu kugerageza kunenga uruhande rumwe, ni nde uri mukuri? ni nde ufite amakosa? Niko byakozwe buri gihe, bivuze ko hari ibitagenda neza muri ubwo buryo mu gukemura ikibazo. Ndatekereza uburyo bwiza bwo gukemura ikibazo ni ugukora inyigo, kumva neza no kugikemura uhereye mu mizi.'

Kugeza ubu Kenya iri mu bahuza b'ingenzi mu bibazo by'umutekano muke bishingiye ku mirwano ihuza RDC n'umutwe wa M23, ndetse Kenya yabaye iya mbere mu bihugu byohereje ingabo kugarura amahoro mu burazirasuba bwa Congo.

Ni mugihe u Rwanda rwo rushinjwa na RDC gufasha M23 ariko rukabihakana.

Tito DUSABIREMA

The post <strong>Perezida Kagame na Ruto bafite icyizere ku mutekano mu burasirazuba bwa RDC</strong> appeared first on FLASH RADIO&TV.

Source : https://flash.rw/2023/04/04/perezida-kagame-na-ruto-bafite-icyizere-ku-mutekano-mu-burasirazuba-bwa-rdc/?utm_source=rss&utm_medium=rss&utm_campaign=perezida-kagame-na-ruto-bafite-icyizere-ku-mutekano-mu-burasirazuba-bwa-rdc

Umuherwe Elon Musk ukuriye urubuga rwa Twitter yafashe icyemezo cy'uko inyoni yari isanzwe ikoreshwa nk'ikirango cy'uru rubuga nkoranyambaga isimbuzwa imbwa.

Ibi byabaye ku wa 3 Mata mu 2022 ndetse aho uyu muherwe yahise avuga ko yakoze ibyo mu rwego rwo guha agaciro icyifuzo cy'umuntu.

Iki kirango gishya cya Twitter kiri kugaragara ku bantu bakoresha mudasobwa mu gihe abakoresha telefoni bo hakigaragara icy'inyoni.

Ntiharamenyekana impamvu uyu mugabo yahinduye icyo kiranga agakoresha icy'imbwa gisanzwe kinakoreshwa ku ifaranga ry'ikoranabuhanga rizwi nka 'Dogecoin'.

Source : https://yegob.rw/urubuga-rwa-twitter-ruhagarariwe-nimbwa-muri-aka-kanya/

Umwana w'umukobwa witwa Tiffah umuhanzi Diamond yabyaranye na Zari yatunguranye cyane ubwo yasabaga nyina kwirukana umukozi ubakorera mu rugo.

Uyu mwana yasabye nyina kwirukana umukozi wo mu rugo amushinja guhamagara izina rye nabi.

Uyu mwana yabwiye nyina ko umukozi ahamagara izina rye nabi ndetse amukanga, kandi we aba yumva yajya amuhamagara mu ijwi rituje.

 

Source : https://yegob.rw/umukobwa-wa-diamond-yatunguranye-cyane-ubwo-yasabaga-nyina-gukorera-umukozi-ikintu-kitari-kiza/