Imana ikunda abasore pe! Amafoto y'umukobwa ukurura abasore cyane akomeje kubica ku mbuga nkoranyambaga
Ku mbuga nkoranyambaga hakomeje gukwirakwira amafoto y'abakobwa benshi beza bakomoka mu bihugu bitandukanye.
Kuri uyu muntsi twifuje kubereka umwe mu bakobwa beza ba banyafurika bakurura abasore cyane bitewe n'imiterere yabo.
Uyu mukobwa akomoka mu Tanzania ndetse akaba nta mugabo afite.
Â
Bamwe mu banyapolitiki batandukanye mu Rwanda bagiye bavuga imbwirwaruhame zasigaye mu mitima ya benshi ndetse bamwe batangira kuzikoresha mu buzima busanzwe.
Izi mbwirwaruhame zagumye mu mitwe ya benshi ziganjemo iza Perezida Kagame,aburira abashaka guhungabanya umutekano w'u Rwanda n'abakora ibinyuranye n'amategeko ariko akanagira inama abantu uko batera imbere.
Imbwirwaruhame ya mbere yakoze ku mitima ya benshi na nubu bamwe mu banyarwanda bakoresha ni iyo Perezida Kagame yaburiye abahunze u Rwanda akabita ibigarasha.
“…. ni ibigarasha”
Perezida Kagame yigeze kuvuga ati 'Muzi umukino w'amakarita? Habamo ibigarasha. Ba Rusesabagina, ba Kayumba, ba Karegeya, ba Theogene, ba Gahima… ni ibigarasha. Bahoze ari ibigarasha, ni ibigarasha, mu gihe kiri imbere bizaba ibiganasha bicitse.
Ni na bake cyane nta n'ubwo wababara ku ntoki, ariko n'urushinge, iyo barukujombye, rubabaza kurusha uko rungana. Urwo rushinge ntarwo dushaka.'
Indi mbwirwaruhame ya Perezida Kagame niyo yavugiye mu nama y'Umushyikirano wa 2010,Ati “Ntawe ushobora kuguha agaciro,agaciro urakiha'.
…Ingengabitekerezo ya Jenoside tuyirandurane n'imizi yayo yose
Ijambo ryamamaye cyane kandi ni iya Boniface Rucagu akiyobora intara y'Amajyaruguru [Ruhengeri] aho yigishije abaturage icyivugo[slogan] ati ” Baturage b'intara y'amajyaruguru mu gire amahoro, aha inyikirizo yabaga ngo 'ubworoherane, ubumwe n'ubwiyunge, 'ingengabitekerezo ya jenoside tuyirandurane n'imizi yayo yose ishye ikongoke.'
Nta we uzagambanira u Rwanda ngo abikire
Ubwo yari mu masengesho yo gusabira igihugu ku wa 12 Mutarama 2014, Perezida Kagame yihanije abari bakomeje guhungabanya umutekano w'u Rwanda, avuga ko bizabagaruka.
Yagize ati 'Uhemukira u Rwanda, uwo ari we wese, ntabwo yabikira. Biramugaruka.'
Yakomeje ati 'Igitangaje ni kubona abantu bashobora kugambana, bakagambanira igihugu, igihugu cyabagize icyo baje kwiratisha baricyo. Abo bose ntacyo bari kuba baricyo iyo bitaka uru Rwanda, rwabagize icyo biratana, u Rwana rwabagize icyo baje gutuka, njyewe nta dipolomasi [â¦].
Gutatira igihango cy'u Rwanda, urabizira. Gutenguha igihugu, kwifuriza abantu inabi, birakugaruka. Ibisigaye ni uburyo, bikugaruka bite ? Uburyo ni bwnshi, mwahitamo ubwo ari bwo.'
Ukuri kw'Imana kuba muri Bibiliya
Ubwo yari mu kiganiro muri studio ya BBC muri 2003,Uwari Minisitiri w'Ububanyi n'Amahanga,Charles Murigande yabajijwe n'Umunyamakuru niba ingabo z'u Rwanda zitari zikiri muri RDC.
Uyu yahakaniye umunyamakuru ko nta ngabo z'u Rwanda ziri muri Ituri ko n'izari muri Congo zavuyeyo ku mugaragaro.
Uyu munyamakuru yaramubajije ati “uko n'ukuri kw'Imana? Murigande yahise amusubiza ati “uko ni ukuri kw'impamo,ukuri kw'Imana kuba muri Bibiliya.”
“Birangira akazi kabaye gusimbuka imitego ukayoberwa igihe tuzakorera akazi'
Mu nama Nkuru ya 14 y'Umuryango wa FPR Inkotanyi, yateraniye i Rusororo mu Karere ka Gasabo, mu nzu ya Intare Arena kuwa 21 Ukuboza 2019,Bamporiki Edouard,yaregeye Perezida Kagame abanyamuryango b'iri shyaka batega abandi imitego babishaka.
Ati 'Maze imyaka itandatu mpawe akazi n'Umuryango guhera mu Nteko Ishinga Amategeko, mu itorero ry'igihugu, ubu mukaba mwarangiriye icyizere mukangira Umunyamabanga wa Leta. Hari ibintu nabonye ko byasigara mu 2019, ntabwo abanyamuryango dukundana.
Abanyamuryango bari hano buri wese afashe indangururamajwi, akavuga mugenzi we wamuteze imitego abishaka, wamubeshyeye abishaka ha handi umuntu ahimba inkuru ikagera ku Munyamabanga Mukuru [SG] w'Umuryango akaguhamagara akakubaza ikintu utigeze urota, utigeze utekereza, utanarota n'iwanyu batarota.
Ni ukuvuga ngo kwa kubaha amahame n'ibyemezo by'umuryango, n'icyemezo cyanyu nyakubahwa Chairman, iyo mugiriye icyizere umuntu mukamuha inshingano, umunyamuryango wese ugambiriye kumutega umutego, yibwira ko ari guhemukira uwo ateze umutego ariko namwe aba abahemukira.'
'Nshobora kugira intege nke zo gukora ibyo mwanshinze ariko noneho iyo hiyongereyeho ko buri munsi ngomba kujya nsimbuka imitego nk'itanu mbere yo gukora akazi mwampaye, birangira akazi kabaye gusimbuka imitego ukayoberwa igihe tuzakorera akazi.'
“Uwiha kurwanya Perezida Kagame ndamubabarira”
Ku wa 7 Werurwe 2019, Ubwo Gen Kabarebe yari yitabiriye ibiganiro byateguwe na Minisiteri y'urubyiruko, byiswe 'Rubyiruko Menya Amateka Yawe', byahabwaga urubyiruko ruturutse mu Ntara zitandukanye z'igihugu, mu kigo cy'urubyiruko cya Kimisagara.
Yagarutse ku butwari bwa Perezida Paul Kagame kuva urugamba rwo kubohora u Rwanda rwatangira, avuga ko mu buzima bwe yaranzwe no kurwana urugamba kandi ntatsindwe. Yavuze ko mu buzima bwe, mu gihe yabaga ari ku rugamba n'abo yabaga ayoboye, ijambo gutsindwa ritabagamo.
Ati “Ibintu byo kurwana intambara, mu mateka ye, Perezida Kagame nta mateka yo gutsindwa urugamba afite, mu myumvire ye gutsindwa ntabwo bijya bibamo, nta kintu cyitwa gutsindwa kiba mu myumvire ye, tunarebe no mu zindi ntambara, buri gihe yarateguraga, akagupangira intambara, akaguha gahunda kandi akaba azi ko ugomba gutsinda.”
“Ibyo gutsindwa ntibijya biba mu myumvire ye, ntabwo yemera gutsindwa, n'aba bose mujya mwumva ko barwanya u Rwanda hirya no hino, uwakwiha kumurwanya ndamubabarira kuko njye mbizi, kuvuga ngo yatsindwa ni ukwibeshya, nta na hamwe yatsindwa.”
“Nkatwe abasirikare yayoboye tuba tuzi ko bidashoboka, n'aba birirwa bakoresha za YouTube, ni umunwa gusa, ni urusaku gusa, ariko iby'intambara byo babyibagirwe, intambara zigira ba nyirazo.”
Babandi bababeshya ⦠ngo bazabanza bakureho Kagame
Reka dusoreze ku mbwirwaruhame ya Perezida Kagame yakunzwe cyane ubwo yaburiraga abatera inkunga abashaka guhungabanya umutekano w'u Rwanda,babuza abanyarwanda gutaha ngo bazahirika ubutegetsi.
Yagize ati”Naho niwoherereza amafaranga interahamwe,nitugufata tuzaku [akora ikimenyetso cyo kuvuna].Babandi baba hanze aha bababeshya,n'ushatse gutaha bakamubuza ngo buretse ngo ntutahe,ibintu biri hafi gutungana.
Ngo bazabanza bavaneho Kagame,ryari se?ryari?….byanyuze mu yihe nzira se?,iya demokarasi se?,iy'intambara se?,iyihe?.Barabashuka.”
Hari izindi mbwirwaruhame nyinshi zanyuze benshi ndetse tuzakomeza kuzibagezaho mu nkuru zitaha.
Komisiyo y'Ubujurire muri FERWAFA yanzuye ko Rayon Sports na Intare FC zigomba guhura mu mukino wo kwishyura wa 1/8 cy'Igikombe cy'Amahoro ndetse igihe uzakinirwa kizatangazwa.
Iki cyemezo cyatangajwe kuri uyu wa Kabiri, tariki ya 4 Mata 2023, nyuma y'inama yahuje ubuyobozi bwa FERWAFA na Komisiyo y'Ubujurire amakipe yombi yitabye ku wa Mbere.
Mu itangazo FERWAFA yashyize ku mbuga nkoranyambaga zayo, yagize iti “Komisiyo y'Ubujurire muri FERWAFA yemeje ko icyemezo cyafashwe na Komisiyo ishinzwe amarushanwa cyo ku wa 20/03/2023 kidahindutse, Rayon Sports na Intare FC zizakina, umukino wo kwishyura wa 1/8 w'igikombe cy'amahoro, itariki uzakinirwaho bakazayimenyeshwa na FERWAFA.”
Uyu mukino wa 1/8 wemejwe mu gihe indi ibanza ya 1/4 yose iteganyijwe ku wa Gatatu, tariki ya 5 Mata.
Â
Ikipe ya Kiyovu Sports ifitanye umukino n'ikipe ya Rwamagana City mu gikombe cy'Amahoro yakoze imyitozo yanyuma ikakaye bigaragaza ko ishaka amanota atatu.
Imikino ya 1/4 y'igikombe cy'Amahoro ikipe ya Kiyovu Sports yatomboye ikipe ya Rwamagana City iri ku mwanya wa 13 muri shampiyona aho ikipe ya Kiyovu Sports iri ku mwanya wa 2 ku rutonde rwa shampiyona hano mu Rwanda.
Abakinnyi b'ikipe ya Kiyovu Sports kuri uyu wa 04 Mata 2023 bakoze imyitozo ikakaye igaragaza ko badafite gahunda yo gutakaza uyu mukino dore ko bafite gahunda yo gutwara iki gikombe ndetse na shampiyona kandi biragaragara ko bafite amahirwe yo kubyegukana byombi.
Umukino uzahuza izi kipe tariki 05 Mata 2023 saa 15h:00 gusa nubwo ikipe ya Kiyovu Sports abakinnyi bayo bameze neza aba Rwamagana City bo ntago ariko bimeze dore ko bamaze amezi atatu yose badahembwa.
Source : https://yegob.rw/kiyovu-sports-yatanze-ubutumwa-bukomeye-ku-ikipe-ya-rwamagana-city/
Mu mafoto meza n'aka 'video' gato, Bulldog yagaragaje ibimenyetso bitagishwa impaka ko ubuvandimwe bwa 'Tuff Gang' bugiye kongera komora imitima y'abakunzi b'injyana ya 'Hip-Hop' cyane cyane abimariyemo 'old school'.
Ku nkuta nyinshi za 'instagram' z'aba bagabo bo muri 'TG' ndetse n'iz'abakunzi babo, hari kugaragara amafoto n'a 'video' birimo Bulldog, Fireman, P Fla na 'producer' Davydenko bari muri 'studio' bakora indirimbo wumva ari 'old school' ishobora kuba igaruka ku mateka yabo nk'uko imirongo mike yumvikana muri 'video' ibivuga.
Nubwo bwose Jay Polly atakiriho, abenshi bishimiye iyi mikoranire baboneraho n'umwanya wo kumwifuriza kuruhukira mu mahoro.
Ese iyi ndirimbo izasohoka? Niba aribyo ni ryari? Reka tubitege amaso.
Source : https://yegob.rw/tough-gang-mwakunze-bagarukanye-indirimbo-nshya-bulldog-fireman-p-fla/
Komisiyo y'Ubujurire muri FERWAFA yemeje ko icyemezo cyafashwe na Komisiyo ishinzwe amarushanwa cyo ku wa 20/03/2023 kidahindutse, Rayon Sports na Intare FC zizakina, umukino wo kwishyura wa 1/8 w'igikombe cy'amahoro.
Ibi byatangajwe mu itangazo ishyirahamwe ry'umupira w'amaguru mu Rwanda Ferwafa ryashyize kuri Twitter.
Iri tangazo risoza bavuga ko itariki uzakinirwaho uwo mukino wo kwishyura bakazayimenyeshwa na FERWAFA mu minsi iri imbere.
Source : https://yegob.rw/inkuru-nziza-isohotse-aka-kanya-ku-ikipe-ya-rayon-sports-ikaba-mbi-ku-intare-fc/
Akingeneye avuga ko nubwo hari abantu batinya kumwegera kubera isura ye, yemeye kwiyakira uko ari, ubu akaba ageze mu mwaka wa gatatu wa Kaminuza aho yiga itangazamakuru n'itumanaho afatanya no gucuruza ibirungo by'ubwiza (Make Up).
Uyu mukobwa w'imyaka 23 ashimira ababyeyi be batumye atinyuka kujya aho abandi bana bari kuva akiri muto, nubwo bamutinyaga kubera uburyo yari apfutse umutwe wose uretse amaso.
Ibi ni bimwe mu byo Akingeneye yagarutseho mu buhamya yatangiye mu ihuriro rya Story Telling Night ryabaga ku nshuro ya kabiri ritegurwa na Interact Rwanda.
Akingeneye avuga ko nubwo yahuye n'ikibazo akiri muto ariko ubu yumva ko ari mwiza ndetse hari umugambi Imana imufiteho.
Yagize Ati 'Bambwira ko ubwo nari muto mfite imyaka itatu ndwaye malaria numvise mfite imbeho njya mu gikoni aho bari batetse ngiye kota mpageze ngira isereri ngwa mu nkono y'ibishyimbo iri ku ziko.'
Ubu bushye bwatumye amara imyaka itatu ari mu bitaro aho yavuye ajya gutangira ishuri ariko abana bakamutinya bakamuhunga nyamara we yumvaga yabasanga bagakina.
Ati 'Njya gutangira kwiga byari bikomeye cyane, nari nkifite ibipfuko , abana bantinya, nanjye ndwana no kwihisha izuba ariko numvaga nabegera tugakina.'
'Ibyo nabinyuzemo mbifashijwemo n 'umuryango wanjye , navuye ku myaka itatu ubu ngeze kuri 23 ndabizi ko ndi umukobwa mwiza nubwo mutabimbwira ariko niyiziho ko ndi mwiza, nkunda guseka cyane mba numva nahora nishimye.'
Umubyeyi wa Akingeneye yamwigishije uko yakegera abantu akabaganiriza agira inama imiryango ifite abana bafite ubumuga kutabahisha mu nzu ahubwo ko bakwiriye kubigisha uko babaho muri sosiyete.
Yagize ati 'Imiryango myinshi ifite abana bafite ubumuga babahisha mu nzu, ibyo sibyo ntimukabyemere, njye buriya nahoraga ku muryango nakira abaza mu rugo.'
Yakomeje avuga ko n'iyo mu rugo iwabo habaga hari abana bari gukina hanze akajya mu cyumba umubyeyi we atabyishimiraga agahita amusangayo akamusohora ngo ajye gukina n'abandi bana.
Ati 'Ubwo bwari uburyo bwo kuntinyura ngo mbone uko nabashaka kubana n'abandi bana. Ubu umutima wanjye unyemerera kujya aho abantu bari, ubushye bwanjye ntabwo bwatuma ntakora, mureke tubwirane inkuru zacu kugira ngo tubohorane imitima tuvuge inkuru z'ubuzima bwacu Kandi hari benshi zafasha.'
Uyu mukobwa ari kwiga itangazamakuru muri kaminuza ya Mount Kenya aho yagiye kubyiga azi neza ko hari abantu bazavuga ibijyanye n'isura ye ariko ibyo ntibyamuciye intege yemeza ko n'akazi azakabona kandi keza.
Ngarambe yari amaze imyaka irenga 20 ku bunyamabanga bukuru bw'Umuryango wa FPR Inkotanyi. Mu matora yabaye mu mpera z'icyumweru gishize muri Kongere ya 35 y'uyu muryango, yasimbuwe na Gasamagera Wellars.
Igikorwa cy'ihererekanya bubasha cyabereye ku cyicaro gikuru cy'Umuryango FPR Inkotanyi giherereye i Rusororo cyitabirwa n'abandi banyamuryango batowe barimo Visi Chairman w'uyu muryango Uwimana Consolée n'uwo yasimbuye kuri uyu mwanya Bazivamo Christophe n'abandi.
Gasamagera yagiye kuri uyu mwanya nyuma yo guhigika Depite Bakundufite Christine, kuko yatowe agize amajwi 1899 bingana na 90,3% naho Bakundufite atorwa n'abanyamuryango 183 bingana na 8,8% mu gihe imfabusa zabonetse ari 20.
Umukuru w'Igihugu, Perezida Paul Kagame nawe wongeye gutorerwa kuba Chairman w'umuryango, yashimye abari basanzwe mu mirimo yo kuyobora FPR Inkotanyi ndetse n'akazi bakoranye.
Yashimiye Ngarambe François wari Umunyamabanga Mukuru na Bazivamo Christophe wari Vice Chairman, ku muhate bakoranye akazi ndetse ashimangira ko iyo bashaka kongera kwiyamamaza 'bari gutorwa'.
Yashimye icyizere abanyamuryango bakomeje kumugirira ndetse yizeza ko asa n'aho afite umwenda kuri bo mu kuzuza inshingano zijyanye n'icyizere agirirwa.
Yagize ati 'Iyo mwanshyizemo icyizere nk'iki buri gihe, kandi bimaze igihe kirekire, harimo ibintu bibiri, harimo kwishimira icyizere, hakaza n'ikindi gitandukanye n'icyo. Numva mfite umwenda, hari ikikibuze ngomba guhora nshakisha uburyo bwo gukemura.'
Ngarambe nawe yashimye cyane Umukuru w'Igihugu wamugiriye icyizere mu myaka yose yari amaze kuri uwo mwanya, ashimira n'abo bakoranye muri iyo myaka yose bijyanye n'ibyo umuryango wagezeho.
Yagaragaje ko nubwo hakozwe byinshi ariko urugendo rugikomeje, asaba abagiye kumukorera mu ngata gukomeza gukorana bya hafi n'ubuyobozi bushya, kugera kuri byinshi mu guharanira impinduka z'iterambere ry'igihugu.
Gasamagera n'abandi batorewe kuyobora uyu muryango manda yabo izamara imyaka itanu.
Abakuru b'ibihugu byombi babigarutseho mu kiganiro bagiranye n'itangazamakuru mu ruzinduko William Ruto yagiriye mu Rwanda ku butumire bwa mugenzi we Paul Kagame.
Muri uru ruzinduko hasinywe amasezerano 10 agamije gushimangira ubufatanye mu ngeri zitandukanye zirimo uburezi, ubuzima, ubuhinzi, ikoranabuhanga n'izindi.
Perezida William Ruto yavuze ko hari impinduka zagaragaye mu kwezi gushize mu Burasirazuba bwa Congo, ku buryo ubu hari ibyo kwishimira.
Ati 'Amakuru meza ahari ni uko mu kwezi gushize, twabonye impinduka nziza nyinshi zigendanye n'ibibazo by'umutekano mu Burasirazuba bwa RDC. Ubu dufite izindi ngabo zasanze iza Kenya zari zimaze amezi arenga atandatu, iz'u Burundi zagezeyo, iz'u Burundi, izo muri Angola nazo zagiyeyo mu gutanga umusanzu kugira ngo ituze riboneke.'
Ruto yavuze ko imitwe yitwaje intwaro nayo yasabwe gushyira intwaro hasi, ahubwo ikubahiriza ibikubiye mu masezerano yo kugarura amahoro mu karere, zikemera kujya mu duce twagenwe.
Ruto avuze ibi mu gihe abarwanyi b'umutwe wa M23 bakomeje kuva mu bice bitandukanye bari barigaruriye harimo Bunagana, Sake, Mshaki, Neenero, Kilorirwe n'ahandi.
Perezida Kagame nawe yashimangiye ko hari impinduka ziri kugaragara mu Burasirazuba bwa Congo guhera mu byumweru bike bishize.
Ati 'Dukeneye gukora byinshi byisumbuyeho kugira ngo impinduka zikomeze kugaragara'.
Umukuru w'Igihugu yavuze ko ibibazo byo mu Burasirazuba bwa Congo byagiye bikemurwa nyuma bikagaruka, ndetse ko mu myaka ishize ikibazo cyakemuwe nabi, hagashyirwa imbere imvugo zo kwitana ba mwana.
Ati 'Ndatekereza ko uburyo bwiza bwo gukemura ikibazo ari ukwiga, gusobanukirwa n'umuzi wacyo cyangwa se ikindi kibazo icyo aricyo cyose ahandi. Iyo utarebye umuzi w'ikibazo, wisanga utanze igisubizo kitaboneye hanyuma ikibazo kikagaruka.'
Perezida Kagame yavuze ko iki kibazo cyo mu Burasirazuba bwa Congo kigaragaza uburyo amahanga atigira ku byabaye, ngo agire uruhare mu gukemura ikibazo rimwe na rizima.
Ati 'Mu Isi tubamo, nta masomo dukuramo, ni yo mpamvu ubona ibibazo hirya no hino, kimwe ku kindi. Mu gihe twaba twabyigiyemo, tugashyira mu bikorwa ibyo twize, ndatekereza ko twashoboraga kugira ibibazo bike.'
'Ni kimwe n'ibibazo byo mu Burasirazuba bwa Congo, bifitanye isano n'ibibazo twagize hano mu Rwanda n'ibindi byo muri Congo, hanyuma bikivanga. Ibyo muri Congo n'ibyo mu Rwanda mu gihe byivanze, ntubikemure mu buryo buboneye, uba ushobora kwisanga mu bibazo nk'ibi bitarangira.'
Umukuru w'Igihugu yavuze ko ibyo Umuryango wa Afurika y'Iburasirazuba uri gukora, ari ukwishakira ibisubizo, ndetse ko yizeye ko bizaboneka ku buryo amahanga nayo yazashyigikira ibyo abayobozi b'Abanyafurika bo ubwabo bari gukora.
Ati ' Aho kwivanga bagaragaza ibyo bumva ko bikwiriye kuba ibisubizo. Ni byiza gushyigikira imyanzuro yatanzwe n'abayobozi ba Afurika. Ikibazo kirahari, uburyo bwo kugikemura bwashyizweho, nibwira ko twabiha umwanya, bitari cyera dushobora gukora ibyo tugomba gukora tukagera ku bisubizo abaturage bakeneye.'
Abakuru b'ibihugu bavuze ibi mu gihe n'umuhuza mu bibazo bya Congo, Uhuru Kenyatta, yashyize hanze itangazo rigaragaza ko hari intambwe ifatika imaze guterwa mu kugarura amahoro mu Burasirazuba bwa Congo.
Kenyatta yavuze ko muri Kivu y'Amajyepfo hatangiye kugaragara amahoro bitewe n'ibikorwa bibangamira ubuzima bw'abaturage byagabanutse kuva ibiganiro biganisha ku mahoro byatangira.
Yavuze ko ikibazo kikigaragara muri Kivu y'Amajyaruguru nubwo naho harii intambwe yatewe.
Itangazo rya Uhuru ryagiye hanze yikurikira ingabo za Sudani y'Epfo nazo zamaze kugera mu Burasirazuba bwa Congo.
Iki gikorwa cy’ubukangurambaga ni igikorwa cyatangiye ku wa Mbere w’icyumweru gishize, tariki 27 Werurwe 2023, kikaba ari igikorwa kimaze igihe ariko cyari kigamije kwibutsa nk'uko twabitangarijwe na Beatha Akimpaye, Umuyobozi Ushinzwe Ishami rikurikirana iyubahirizwa ry'amategeko arengera ibidukikije.
Kugira ngo ibyo bikoresho bifatwe, hakorwa ubugenzuzi buhoraho, aho REMA igenda igenzura mu maguriro manini n’abacuruzi banini, hagamijwe gushakisha isooko y’ibyo bikoresho bikigaragara ku masoko hirya no hino. Mu magenzura aherutse, REMA yabonye ububiko bw’ibyo bikoresho mu mujyi wa Kigali burimo ibigera kuri toni eshanu, nk’uko yabigaragarije itangazamakuru kuri uyu wa Kabiri tariki 4 Mata 2023.
Maniraguha Alexandre, umwe mubo basanganye ibi bikoresho byafatiriwe, yadutangarije ko Rema yabitwaye abimaranye hafi imyaka 3 biri muri ‘stock’.
Yagize ati: “Rema yaje kumenya amakuru ko hari stock iri hano, iyo stock ikaba yari imaze hafi imyaka 3 hano ifunze kuko bakimara kuduhagarika, imyaka ibiri baduhaye yari mikeya. Twarabifashe, twanga kubisubiza ku isoko, tubicungira hano muri contineri.”
Uyu mucuruzi wemera ko habayeho ibiganiro mbere y’uko baza kumufungira, yavuze ko ajya kurangura yari yaranguye ibizamara imyaka icumi, bityo ko byamuteje igihombo kuko babahaye gusa imyaka ibiri yo kubicuruza ngo babe babimaze.
Yifuza ko aho kubitwara bari bakwiriye kubongerera igihe, kuko byabateje igihombo. Yadutangarije ko stock ye yafatiriwe ihagaze muri miliyoni 5 z’amafaranga y’u Rwanda, ariko ko muri rusange abara ko bizamutera igihombo kiri hagati ya miliyoni 30 na 25.
Maniraguha Alexandre wafatanywe ibikoresho bya pulasitiki bikoreshwa rimwe avuga ko yahombyeÂ
Ati: “Twifuza ko batwereka indi nzira yo gukora, turi abashoramari ntabwo tuzarekeraho gukorera igihugu cyacu, batwereke indi nzira nziza, umurongo mwiza tugenderaho kuko turi abashoramari, dukeneye ko igihugu cyacu tugikorera, tugisorera… Ibi bisigaye muri kontineri ni nka miliyoni 5. Igihombo cyo twarakigize cyane, kuko niba w'imporse ibintu uzacuruza mu myaka 10 ukabicuruza mu myaka ibiri nabwo ubyirukansa cyane, igihombo cyo twarakigize…Nteganya igihombo hagati ya miliyoni 30 na 25.”
Ku ruhande rwa REMA, ivuga ko abacuruzi n’abandi bashoramari batatunguwe n’ibi byemezo biri gufatwa.
Madamu Beatha Akimpaye, Umuyobozi ushinzwe Ishami rikurikirana iyubahirizwa ry’amategeko arengera Ibidukikije, yavuze ko itegeko ribuza amasashi ryashyizweho cyera mu mwaka wa 2008, rikaza kuvugururwa ubwo Leta y’u Rwanda yabonaga ko n’ibikoresho bikozwe muri pulasitiki bikoreshwa rimwe nabyo byangiza ibidukikije.
Asobanura ko hanabayeho ubukangurambaga, kwigisha, inama ndetse n’ibindi bigamije gukangurira abantu kumva akamaro k’iri tegeko n’ubwo hari ababirengaho.
Ati: “Abantu ntabwo bahita bahindukira rimwe. REMA ifite inshingano zo gukurikirana buri munsi ko iryo tegeko rishyirwa mu bikorwa, ko hatagira abarirengaho, ni inshingano ifite nk'uko n'ubundi ikurikirana n'andi mategeko yubahiriza Ibidukikije. Muri uko rero kubishyira mu bikorwa, REMA binyuze muri rya shami, REMA ikora ubugenzuzi ikajya ahantu hatandukanye, ikajya mu masoko, muma alimentations, mu mabutike atandukanye kugira ngo irebe ko hatari abarimo kurenga kuri rya tegeko.
Niyo mpamvu mwabonye ibi bikoresho, ni ibigenda bifatwa muri ubwo bugenzuzi â¦byanyuze muri ubwo bugenzuzi REMA imazemo iminsi, guhera kuwa Mbere w'icyumweru gishize kugeza uyu munsi. Akaba ari ubugenzuzi bukomeza, akaba ari n'ubugenzuzi dukora buri munsi.”
Madamu Beatha yakomeje avuga ko impamvu bidashira ku isoko ari uko hari abantu banyura inyuma bakabizana mu buryo bwa magendu cyangwa no mu buryo bw’amayeri bakoresha, bakabyitirira ibindi bikoresho bityo abashinzwe ubugenzuzi rimwe na rimwe bikaba byabaca mu rihumye.
Asaba abaturage gufatanya n’inzego bireba zose bagatanga amakuru kuko akenshi baba bazi ababikora.
Yemeza kandi ko abasanganywe ibyo byafatiriwe, bahawe igihe gihagije cyo kugira ngo babe babikuye muri stock babigurishije, ndetse abafite inganda zibikora mu Rwanda bahabwa imyaka ibiri. Avuga ko bari babizi ko bibujijwe, mbese ko batatunguwe kuko “Abo mwabonye abenshi turahorana, turigana, â¦aho ngaho haba habayeho kwirengagiza amategeko.”
“Nk'uko za magendu zinjira mu gihugu,…umva kanyanga yaraciwe ariko tukaba tukizibona mu gihugu n'ibyo bikoresho bimwe biza muri ubwo buryo. Ubundi hakaba igihe wenda abantu baje babihishe babyita ibindi bikoresho…”
Hari izindi nzego za Leta zifatanya na REMA “inshingano zo gukora ubuvugizi kuri ibi; hari inzego z'ibanze, hari Rwanda Revenue, hari RICA, hari Rwanda National Police, hari inzego zitandukanye zikorera kuri za gasutamo,…' gusa abacuruzi bamwe babirengaho.
Madame Beatha Akimpaye asaba abashoramari kureka kwihombya no guhombya Leta
Agira inama abashoramari n’abacuruzi kubahiriza itegeko ryo kubungabunga ibidukikije, kuko bizabarinda ibihombo binabirinde igihugu cyacu, anongeraho ko ubukangurambaga buzakomeza.
Ku rundi ruhande rwa bimwe mu bikoresho bikigaragara nyamara ari amasashi cyangwa se bikozwe muri pulasitiki ikoreshwa rimwe, nko kwa muganga n’ahandi, yavuze ko 'mu gihe umuntu afite ibyo akora cyangwa se product bigaragara ko mu Rwanda cyangwa se ku ruhando mpuzamahanga hataraboneka igikoresho gisimbura pulaistiki (ikoreshwa rimwe) cyangwa isashi, uwo muntu asaba uruhusa mu nyandiko ku rwego rubifitiye ububasha arirwo REMA, hakarebwa neza niba ibyo avuga aribyo uwo muntu ashobora guhabwa uruhusa rumwemerera kuba yakoresha ibyo bikoresho. Ni muri urwo rwego nshyiramo ibikoresho byo kwa muganga.'
Itegeko N° 17/2019 ryo ku wa 10/08/2019 ryerekeye kubuza ikorwa, itumizwa mu mahanga, ikoreshwa n’icuruzwa ry’amasashe n’ibikoresho bikozwe muri pulasitiki bikoreshwa inshuro imwe; riteganya ibihano ku barirenzeho mu ngingo yaryo ya 9, 10,11 na 12.
Ibyo bihano birimo gufungirwa ibikorwa, kwamburwa ayo masashe n’ibyo bikoresho ndetse no kwishyura ihazabu yo mu rwego rw’ubutegetsi ingana na 10,000,000 Rwf; kwishyura ihazabu ingana n’inshuro icumi z’agaciro k’ayo masashe n’ibyo bikoresho; ihazabu ya 700.000 FRW n’ihazabu ya 300.000 FRW kandi ayo masashe n'ibyo bikoresho akabyamburwa (ibihano bikurikirana uko ingingo zikurikirana).
Kontineri y'ibikoresho bya pulasitiki bikoreshwa rimwe byafatanywe Maniraguha Alexandre
Bimwe mu biooresho bya pulasitiki bikoreshwa rimwe biri kuri REMA byafatanywe abacuruzi n'abashoramari
Ibi nabyo byafatiwe muri 'stock' y'umucuruzi, mu mujyi wa KigaliÂ
Harimo n'udukombe twifashishwa mu kunywa ibintu
