Author: webrwanda

Kizigenza Erling Haaland ari mu byishimo byo kwitwara neza mu mwaka we wa mbere muri Premier League kuko yaciye agahigo ko gutsinda ibitego byinshi mu mwaka we wa mbere ayikina.

Ariko uyu rutahizamu wa Manchester City w'imyaka, 22,yagize amahirwe no hanze y'ikibuga.

Haaland yagaragaye mu gace kitwa West End mu mujyi wa London mu ntangiriro z'iki cyumweru ari kumwe n'umukunzi we Isabel Haugseng Johansen.

Aba bombi ntibakunze kugaragara hamwe – ariko hariho impamvu nziza yabyo.

Isabel, w'imyaka 19, nawe akina umupira w'amaguru.

Mu byukuri,birasa nk'aho ariwo wabahuje.

Haaland yinjiye mu ikipe yo mu gace k'iwabo ya Bryne ubwo yari afite imyaka itanu gusa.

Yamaze imyaka irenga icumi muri iyi kipe yo muri Norway mbere yo kwerekeza muri Molde.

Haaland wavukiye mu mujyi wa Leeds yaje gusinyira RB Salzburg, Borussia Dortmund na Man City.

Ariko i Bryne niho Haaland yahuriye na Isabel – nawe wakora amasaha make mu iduka ry'imyenda.

Bombi bakuriye hamwe mu ishuri ry'iyi kipe kandi byemezwa ko batangiye gukundana igihe yari muri Dortmund.

Uwahaye amakuru The Sun yagize ati: '[Umubano wabo] urasa naho ukomeye.

“Isabel yagiye mu Budage no mu Bwongereza kureba Erling none ari kumwe na we [mu biruhuko].

Ati: 'Isabel azwiho ubwiza muri Bryne. Baraziranye. '

Source : https://umuryango.rw/imyidagaduro/imikino/article/reba-uburanga-bw-umukinnyi-uvugwa-mu-rukundo-na-erling-haaland

Umukuru w'intara ya Muyinga mu majyaruguru ashyira uburasirazuba bw'u Burundi yahagaritse icyemezo cy'imwe muri komine zaho ya Butihinda cyo kwirukana ikubagahu muri iyo komine umugore witwa MUKESHIMANA Aniella,bagenzi be bashinja ko abatwarira abagabo.

Ku mbuga nkoranyambaga ibaruwa iriho umukono wa Gilbert Ndikumasabo, umukuru wa Komine Butihinda, yahererekanyijwe cyane kuva mu gitondo cya none kuwa kane.

Iyi baruwa itegeka umukuru w'umutumba wa Kamaramagambo aho abo bagore batuye, kubahiriza icyemezo cyo kwirukana uwo mugore, uvuka mu ntara ya Karusi ituranye na Muyinga, akava muri iyi komine bitarenze ejo kuwa gatanu.

Ndikumasabo avuga ko iki cyemezo cyafashwe nyuma y'uko aregewe n'abandi bagore bo kuri uwo mutumba ko uwo bashinja 'abatwara abagabo', uyu mutegetsi akavuga ko basanze uwo mugore 'afite intego yo gusenya ingo z'abubakanye.

Umukuru w'intara ya Muyinga mu majyaruguru ashyira uburasirazuba bw'u Burundi yahagaritse icyemezo cy'imwe muri komine zaho ya Butihinda cyo kwirukana ikubagahu muri iyo komine umugore abandi bashinja ko abatwarira abagabo.

Ku mbuga nkoranyambaga ibaruwa iriho umukono wa Gilbert Ndikumasabo, umukuru wa Komine Butihinda, yahererekanyijwe cyane kuva mu gitondo cya none kuwa kane.

Iyi baruwa itegeka umukuru w'umutumba wa Kamaramagambo aho abo bagore batuye, kubahiriza icyemezo cyo kwirukana uwo mugore, uvuka mu ntara ya Karusi ituranye na Muyinga, akava muri iyi komine bitarenze ejo kuwa gatanu.

Ndikumasabo avuga ko iki cyemezo cyafashwe nyuma y'uko aregewe n'abandi bagore bo kuri uwo mutumba ko uwo bashinja 'abatwara abagabo', uyu mutegetsi akavuga ko basanze uwo mugore 'afite intego yo gusenya ingo z'abubakanye.

BBC

Source : https://umuryango.rw/amakuru/mu-mahanga/umutekano/article/burundi-birukanye-muri-komini-umugore-bamushinja-kubatwarira-abagabo

Source : http://isimbi.rw/siporo/article/kylian-mbappe-yihanganishije-romelu-lukaku-wahuye-n-uruva-gusenya

Mu mezi atatu ashize, abantu 340 barimo Abagabo n'Abagore nibo bafatiwe mu bikorwa bitandukanye bihungabanya umutekano. Ibyo birimo; Ubuzererezi, Urugomo, Ubujura no gukoresha ibiyobyabwenge. Muri abo bose, ku bufatanye bw'inzego zitandukanye, bamwe barigishijwe bemera kwisubiraho bagahinduka urugero rw'abagendera kure ikibi. Ku munsi w'ejo bamwe basubijwe mu miryango, abandi baracyafashwa mu kigo kiyurwamo by'igihe gito.

Kayitare Jacqueline, Umuyobozi w'Akarere ka Muhanga aganira na intyoza.com yavuze ko abafatiwe muri ibyo bikorwa byose bihungabanya umutekano w'abaturage bari mu kigero cy'imyaka hagati ya 18-45. Asaba abaturage muri rusange kwitwararika, bagaharanira gukora ibikwiye bibafasha kwiteza imbere, biha buri wese umutekano.

Muri 340 bari bafatiwe mu bikorwa byavuzwe bihungabanya umutekano w'abaturage, mu gihe cy'amezi 3 ashize, bamwe barigishijwe barumva, bagaragaza ubushake bwo guhinduka no gufasha abandi gukora ibyiza, nta kubangamira abaturage. Abagabo( igitsina Gabo) 256 n'Abagore 16( igitsina Gore) nibo basigaye, aho barimo kwitabwaho hagamijwe kubafasha guhindura imyumvire no kubaremamo abaturage bakora ibitabangamiye abandi.

Meya Kayitare, mu butumwa bwe, agira ati' Turasaba abaturage kutishora mubikorwa bihungabanya umudendezo w'abandi'. Akomeza asaba buri wese ubufatanye mu kurwanya ibi bikorwa bibi batangira amakuru ku gihe kugira ngo hakumirwe ibikorwa nk'ibyo bitari byiza.

Yibutsa kandi Ababyeyi kutibagirwa inshingano zabo mu kurera abana, kurinda umuryango ikibi, gutanga amakuru aho bafite intege nke bagafashwa gukumira icyahungabanya umuryango, aho cyanagira ingaruka ku muryango nyarwanda muri rusange.

Soma hano inkuru bisa;Muhanga: Abantu 340 bafatiwe mu bikorwa bihungabanya umutekano

Muhanga, ni kamwe mu turere 8 tugize Intara y'Amajyepfo tumaze iminsi twumvikanamo ibikorwa bihungabanya umutekano n'umudendezo by'abaturage, ariko kandi ni na kamwe abayobozi bahagurukiye abo bose bagaragara mu bikorwa bibi byavuzwe. Ubuyobozi, buvuga ko bufatanije n'abaturage biteguye kudaha amahwemo uwo ariwe wese ugitekereza gukora ibikorwa bibangamiye abandi.

Munyaneza Theogene

Source : https://www.intyoza.com/2023/04/06/muhanga-abagabo-256-abagore-16-mu-bafatiwe-mu-bikorwa-bihungabanya-umutekano-bari-kwigishwa/

Ishyirahamwe ry'Umupira w'amaguru mu Rwanda,FERWAFA,ryemeje ko umukino wa 1/8 wo kwishyura uzahuza ikipe ya Rayon Sports na Intare mu gikombe cy'Amahoro uzakinwa ku tariki ya 19 Mata 2023.

FERWAFA ibinyujije ku mbuga nkoranyambaga zayo yemeje ko uyu mukino wateje impaka nyinshi uzaba kuwa 19 Mata 2023.Uyu mukino uzabera kuri stade ya Bugesera i saa 15:00.

Ku mugoroba wo ku wa Kabiri tariki ya 4 Mata,nibwo Komisiyo y'Ubujurire ya FERWAFA yafashe umwanzuro ku mukino wa 1/8 mu Gikombe cy'Amahoro hagati ya Intare FC na Rayon Sports, itangaza ko amakipe yombi azahura mu mukino wo kwishyura.

Ni nyuma y'aho Intare FC yari yanze gukina uyu mukino ivuga ko Rayon Sports igomba guterwa mpaga kuko yikuye mu irushanwa ku bushake.

Rayon Sports yari yarandikiye FERWAFA isezera mu Gikombe cy'Amahoro, tariki 8 Werurwe 2023, nyuma iza kugarurwa ku bwumvikane na FERWAFA.

Perezida wa Intare FC,Gatibito Byabuze, yagiye yumvikana kenshi atsemba ko batazakina na Rayon Sports kuko yikuye mu irushanwa ikaza kugarurwamo mu buryo butavuzweho rumwe.

Uyu yavuze ko niyo wamufatiraho imbunda atabura kuvuga ibyo yemera ndetse ko umukino wabo na Rayon Sports utazabaho.

Icyakora nta cyizere ko uyu mukino uzaba kuko Umunyamabanga wa Intare FC, Hagengimana Philbert, yabwiye IGIHE ko bitumvikana uburyo hirengagijwe amategeko hagafatwa umwanzuro ugamije gushimisha abayarenzeho.

Yagize ati “Turumva bari kwirengagiza ukuri kandi byarakozwe nkana, ubwo na twe nk'ubuyobozi tugiye kwicara turebe icyo twakora, sinavuga ngo tuzakina cyangwa ntituzakina, tugiye kwicara dushake igikwiye tugiye gukora.”

Umukino ubanza Rayon Sports yari yatsinze Intare FC ibitego 2-1.

Indi mikino yose ya 1/4 ibanza yakinwe kuri uyu wa Gatatu, tariki ya 5 Mata 2023.

Source : https://umuryango.rw/imyidagaduro/imikino/article/ferwafa-yatangaje-igihe-umukino-wa-rayon-sports-n-intare-fc-uzakinirwa

Abakinnyi ba Rwamagana City banditse banasinya ku ibaruwa yagenewe ubuyobozi bw'ikipe n'akarere ka Rwamagana ko bakeneye kwishyurwa imishahara ya Gashyantare na Werurwe 2023 ndetse banibutsa ko hari abatarishyurwa amafaranga baguzwe binjira mu ikipe (Recruitment fees).

Aba bakinnyi bari kwitwara neza uko bashoboye batitaye ku mishahara bateguje ko batazakina umukino ukurikiraho wa shampiyona bazahura na Musanze FC kuwa 15 Mata 2023.

Mu ibaruwa aba bakinnyi basabye ibintu bitatu birimo:kubishyura imishahara y'ukwezi kwa Kabiri n'ukwa gatatu,guhabwa amafaranga yo kugurwa [recrutement] no guhabwa imishahara y'ukwezi kwa munani kubo bakiyibereyemo.

Abakinnyi bose basinye kuri uru rwandiko ndetse baha umukoro akarere kari kabishyuye ukwezi kwa mbere bakemera gukina na Kiyovu Sports mu mukino ubanza w'igikombe cy'Amahoro bayitsinzemo ibitego 3-2 kuri uyu wa 05 Mata 2023.

Source : https://umuryango.rw/imyidagaduro/imikino/article/abakinnyi-ba-rwamagana-city-bigaragambije-kubera-ubukene

Dore ibintu bike by'ibanze ukwiye kugira kugira ngo igitsina gore kikubahe

Guhorana ibyishimo

Ukwiye guhora burigihe umwenyura kabone n'ubwo ubuzima ubamo bwaba butabikwemerera, ntugakomeze ibintu. Abantu bishimye kandi basetsa usanga banakurura abandi bagahora bashaka kubegera. Niba uhuye n'umkobwa cyangwa umugore bwambere, muganirize utuntu dusekeje kandi wifitiye ikizere ariko wirinde kubigira birebire

Ubu ni uburyo bwiza bwo gufungura amarangamutima y'umugore cyangwa umukobwa muhuye bwambere kuko bituma ahorana amatsiko yo kurushaho kukumenya

Igirire ikizere kandi uhore wisanzuye

Abagore benshi banezezwa no kubona umugabo wihagazeho kandi wifitiye ikizere n'ubwo bamwe muri bo bigira nk'aho bitabafashe ho.
Gukunda abagabo bigirira ikizere binaba muri kamere y'abagore kuko bazi ko abagabo nk'aba baboneka hake. Gusa ntukihingemo kwigirira ikizere ahubwo uge ureka bibe ibiri muri wowe ubwawe.

Iga kandi kumva wisanzuye igihe uri kumwe n'umugore kuko nawe ashobora kukugerageza kugira ngo arebe ko koko wihagazeho cyangwa ari ibyo uri kwihingamo.

Nasanga koko uri umugabo uhamye, azishimira kukubona ndetse aniyumvemo ko ari wowe yashakaga.

Ibitekerezo byagutse

Abagabo bamwe usanga batinya kurwana intambara yo kwigarurira umugore nyamara iyo umaze kwigarurira umutima w'umugore nta n'ikindi utabasha kwigarurira. Ntu gakererezwe no kwibaza ngo ese ubu ndamubwira iki kuko bizaguca intege bitume unatinya. Gerageza kwegera abagore muganire ndetse hari n'ubwo bamwe usanga bakwitwara ho nabi, ibyo ntibikakubuze gukomeza buke buke uzagera k'uwo ushaka.

Ambara neza

Iga kwambara neza kandi uberwe, ntukifate nk'aho utiyitayeho. Ntukabereho gushimisha cyangwa kunezeza. Kwambara neza si ukwambara ibihenze gusa ahubwo kumesa imyenda yawe, iterwa ipasi ukayitera kandi ntiwambare nk'abasore b'inkundarubyino byatuma abakobwa bataguca amazi.

Abagabo bamwe cyangwa abasore bakunda kwishushanya akaba yanakora ibyo adashoboye ngo akunde anezeze umugore cyangwa umukobwa.
Ba uwo uriwe w'umwimerere. Wibaho ubuzima bwawe ngo ugire uwo unezeza, baho wisanzuye igihe ubona ntawe bishyira mu bibazo. Uwo ku gukunda azgukundira icyo.

Source : https://umuryango.rw/ubuzima-115/udushya/article/ibi-nibyo-by-ibanze-ukwiye-kugira-kugira-ngo-igitsina-gore-kikubahe-70481

Twagukoreye urutonde rw'abakobwa bavugisha benshi kubera amafoto yabo basangiza ababakurikira yuje uburanga n'ikimero bivugisha benshi.

1. Yolo The Qween

Yolo The Qween n'umwe mu bakobwa bafite ubwiza n'ikimero bivugisha benshi haba mu Rwanda ndetse no hanze yarwo dore ko bivugwa ko ubu yaba ari mu rukundo n'umuhanzi ukomoka mu Leta z'unze ubumwe z'Amerika Drake wahoze ari umukunzi wa Rihanna.

2. Uwicyeza Pamella

Uwicyeza Pamella ni umukobwa wamenyekanye cyane ubwo yitabiraga irushanwa rya Miss Rwanda mu mwaka wa 2019 avugwaho na benshi kubera uburanga budasanzwe n'imiterere bikivugisha benshi, kugeza ubu Pamella ari mu rukundo n'umuhanzi The Ben bamaze gusezerana imbere y'amategeko kubana nk'umugore n'umugabo.

3. Miss Mutesi Jolly

Miss Jolly n'umwe mu bakobwa ugira amafoto akundwa hano mu Rwanda ndetse nawe kuva yatorwa yagiye agaragara mu bikorwa bitandukanye cyane mu bitegura amarushanwa y'ubwiza haba mu Rwanda ndetse no muri Africa.

4. Uwase Muyango Claudine

Miss Muyango yitabiriye irushanwa rya Miss Rwanda mu mwaka wa 2019 ndetse aza no kwegukana ikamba ry'umukobwa wahize abandi mu kugira amafoto meza, kugeza ubu n'umubyeyi w'umwana w'umuhungu yabyaranye n'umukinnyi w'umupira uzwi nka Kimenyi Yves kuri ubu babana nk'umugore n'umugabo nubwo batigeze basezerana haba imbere y'amategeko ndetse n'imbere y'Imana.

5. Shaddyboo

Mbabazi Shadia(Shaddyboo) ni umwe mu banyamideri bamamaye hano mu Rwanda ndetse n'umwe mu Banyarwanda bakurikirwa n'abantu benshi ku imbugankoranyambaga, akunze kugaragara yagiranye urugwiro n'ibyamamare muri muzika hano muri Afrika nka Diamond, Davido ndetse n'abandi.

6. Dabijou

Umunyarwandakazi uzwi ku izina rya Dabijou ku mbugankoranyambaga ni umwe mu bavugisha benshi kubera uburanga n'ikimero.

Mu minsi ishize inkuru zabaye nyinshi kuri uyu munyarwandakazi ubwo byavugwaga ko ari murukundo na Harmonize icyakora nyuma biza kumenyekana ko ari inshuti bisanzwe ntawundi mubano wihariye bafitanye.

7.Muligande Lauryn

Lauryn ni umwe mu bakobwa bafite ubwiza butangarirwa na benshi bamubonye ku mbugankoranyambaga, uretse kuba yishimirwa cyane ku mbugankoranyambaga agaragara nk'umuntu utuje ndetse ntanubwo akunze kugaragara mu bikorwa byinshi by'imyidagaduro.

8. Kate Bashabe

Kate nawe ni umwe mu bakobwa bazwi cyane bitewe n'uburanga bwe n'ikimero bivugisha benshi akarusho agakunda kugaragara mu bikorwa byinshi byo gufasha bituma arushaho kwigarurira imitima ya benshi.

9.Sacha Kate

Sacha Kate n'izina rimaze kumenyekana cyane kubura amafoto asangiza abamukurikira yishimirwa na benshi kubera uburanga n'ikimero bimuranga.

Source : https://umuryango.rw/imyidagaduro/article/mu-mafoto-reba-inkumi-z-ikimero-zivugisha-benshi-ku-mbugankoranyambaga-i-kigali

Umwongereza Frank James Lampard agiye guhabwa akazi ko gutoza Chelsea mu gihe cy'amezi abiri asigaye kugira ngo shampiyona ya 2022/2023 irangire.

Mu ijoro ryo kuri uyu wa 05 Mata 2023 nibwo byatangajwe ko Chelsea iri kuvugana n'umunyabigwi wayo Frank Lampard kugira ngo ayitoza imikino isigaye ya shampiyona.

Uyu munsi tariki ya 06 Mata 2023 nibwo uyu munyabigwi arasinya amasezerano ndetse n'ikipe ikamwerekana ku mugaragaro.

Uyu mutoza waherukaga kwirukanwa na Everton yagaragaye ku kibuga stamford Bridge kuwa Kabiri ubwo Chelsea yanganyaga 0-0 na Liverpool muri shampiyona.

FRANK LAMPARD NI MUNTU KI?

Frank James Lampard yabonye izuba tariki 20 Kamena 1978, avukira Romford, i London, mu murwa mukuru w'igihugu cy'u Bwongereza. Uyu mugabo utuye i Surrey na London, afite abana bane.

Lampard yaje gushakana na Christine Bleakley tariki 20 Ukuboza 2015. Muri Gicurasi 2018, baje gutangaza ko babyaranye umwana wabo wa mbere. Muri 2021 babyarana uwa kabiri w'umuhungu.

Nk'umukinnyi, Lampard yakinaga mu kibuga hagati, akaba areshya na metero 1 na 84. Mama we, Pat yapfuye mu 2008 afite imyaka 58, azize indwara y'Umusonga.

INZIRA YANYUZEMO NK'UMUKINNYI KUGEZA ABAYE UMUTOZA WA CHELSEA

Lampard yatangiriye umwuga wo gukina umupira w'amaguru mu ikipe ya y'abakiri bato ya West Ham United (1994), ari nayo kipe se, Frank Lampard Sr. yahoze akinira, icyo gihe yari umutoza wungurije.Mu mwaka wakurikiyeho (1995), yabonye amasezerano nk'uwabigize umwuga.

Mu Kwakira 1995, yaje gutizwa umwaka umwe muri Swansea City (1995-1996), yari mu kiciro cya kabiri. Yabashije kuyikinira imikino 9 ndetse ayitsindira igitego 1, ni mbere y'uko agaruka muri West Ham United muri Mutarama 1996.

Mu 1996-1997, Lampard yakinnye umukino wa mbere tariki 17 Kanama 1996, batsindwa na Arsenal ibitego 2-0, maze asoza umwaka w'imikino ayikiniye imikino igera kuri 16.

Lampard yaje kubona umwanya wo gukina mu ikipe ya mbere mu mwaka w'imikino wa 1997-1998, maze abasha kugaragara mu kibuga inshuro 42 mu marushanwa yose.

Mu mwaka wakurikiyeho (1998-1999), yafashije West Ham United gusoreza ku mwanya wa 5 muri shampiyona y'u Bwongereza, ari nawo mwanya mwiza iyi kipe yabashije kugira muri Premier League. Aha kandi, West Ham United yahise ibona itike yo kuzakina irushanwa rya UEFA Intertoto Cup.

Mu 1999-2000, mbere y'uko uyu mwaka utangira Lampard yongereye amasezerano yari kuzamugeza mu 2005. West Ham yaje kwegukana igikombe k'irushanwa rya UEFA Intertoto Cup, babona n'itike yo kuzakina UEFA Cup (1999-2000).

Mu 2000-2001, West Ham yahuye n'ibibazo byo kuba mu bihe bibi, kuko nyuma yo gusoza ku mwanya wa 5 mu mwaka wari wabanje yaje kumara igihe iri mu makipe ya nyuma gusa yaje kurangiza uwo mwaka w'imikino iri ku mwanya wa 15. Lampard yabashije gutsinda ibitego 9 mu mikino 37.

Mu gihe yabaye muri West Ham United, Lampard yayikiniye imikino igera 148 abasha kuyitsindira ibitego 24.

Muri Gicurasi 2001, nyirarume, Harry Redknapp yaje gutandukana na West Ham ku bwumvikane nyuma y'imyaka igera kuri 7 ayitoza. Se, Frank nawe yaje kwigendera arebye n'ukuntu uwo mubyeyi we atari afashwe neza, afata umwanzuro kuba yakerekeza mu yindi kipe.

Muri Kamena 2001, Lampard yasinye muri mukeba, Chelsea imutanzeho miliyoni 11 z'amapawundi, nyamara mbere y'aho,West Ham yari yabanje kwanga miliyoni 15 z'amapawundi zatanzwe na Aston Villa kuri Lampard na Frédéric Kanouté.

Mu 2003, Lampard yahawe igihembo cy'umukinnyi mwiza w'ukwezi kwa 9 ndetse ahabwa n'igihembo gitangwa n'abafana cy'ukwezi kwa 10.

Mu 2003-2004, Chelsea yarangije ku mwanya wa 2 muri shampiyona inyuma ya Arsenal yatwaye igikombe idatsinzwe ndetse Lampard atorwa mu ikipe y'umwaka.
Mu 2004-2005, yatwaranye na Chelsea igikombe cya shampiyona y'u Bwongereza.

Yakinnye imikino 38 mu mwaka wa 3 wikurikiranya, atsinda ibitego 13 19 mu marushanwa yose,anatanga imipira 16 yavuyemo ibitego muri shampiyona]. Yaje no gutorwa nk'umukinnyi w'umwaka ndetse ahabwa igihembo cy'umukinnyi w'umwaka.

Mu 2005, Lampard yahawe igihembo cya FWA Footballer of the Year ndetse aba uwa 2 inyuma ya Ronaldinho mu guhatanira igihembo cy'uwahize abandi gitangwa n'Ishyirahamwe ry'umupira w'amaguru ku Isi 'FIFA World Player of the Year' ndetse na Ballon d'Or itangwa na France Football.

Muri uwo mwaka Chelsea yegukanye igikombe cya shampiyona ku nshuro ya kabiri, aba n'uwatsinze ibitego byinshi (16).

Mu 2008-2009, yatowe nk'umukinnyi w'ukwezi k'ukwakira, byari ku nshuro ya 3. Yongeye kugirwa umukinnyi mwiza w'umwaka muri Chelsea ku nshuro ya 3.

Mu 2009-2010, yatowe mu bakinnyi bahatanira igihembo cy'umukinnyi wahize abandi ku nshuro ya 6 yikurikiranya. Yatwaranye na Chelsea igikombe cya shampiyona anatsinda ibitego 27 muri uwo mwaka w'imikino.

Mu 2011-2012, yayoboye Chelsea itwara igikombe cya Champions League itsinze Bayern Munich kuri penaliti 4-3. Yarangije uyu mwaka w'imikino atsinze ibitego byinshi (16), atanga n'imipira yavuyemo ibitego 10.

Mu 2014, yaje kurekurwa na Chelsea nyuma y'imyaka 13 ayikinira, maze yerekeza muri New York City asinya amasezeranyo y'imyaka ibiri, yagombaga gutangira mu 2015, gusa mbere y'uko atangira gukinira iyi kipe yo muri shampiyona y'Amerika, yabanje gukinira Manchester City.

Yayikiniye mu gihe kingana n'umwaka umwe (2014-2015), aho yakinnye imikino 32 atsinda ibitego 6.

Tariki 14 Ugushyingo 2016, New York City FC yatangaje ko Lampard yashoboraga kuva muri iyi kipe amasezerano atarangiye. Yahagaritse gukina tariki 2 Gashyantare 2017, asezera ku mupira ndetse atangaza ko ashaka kujya mu bijyanye no gutoza.

Mu ikipe y'igihugu, Lampard yatangiye gukina mu batarengeje imyaka 21 (1997-2000), ayikinira imikino 19 ayitsinda ibitego 9. Mu 1998, yakiniye ikipe y'igihugu ya kabiri 'England B'. Yatangiye gukinira ikipe y'igihugu nkuru mu 1999 ageza mu 2014.Yabashije kuyikinira imikino 106 atsinda ibitego 29.

FRANK LAMPARD MU BUTOZA

Kuwa 31 Gicurasi 2018, Lampard yagizwe umutoza w'ikipe yo mu cyiciro cya kabiri [Championship],Derby County,ahabwa amasezerano y'imyaka 3.

Umukino we wa mbere yarawutsinze kuwa 03 Kanama,ubwo yatsindaga ibitego 2-1 ikipe ya Reading, umukinnyi we Tom Lawrence yatsinze igitego cy'intsinzi.

Yatsinzwe umukino we wa mbere nk'umutoza, kuwa 11 Kanama ibitego a 4—1 na Leeds United,wari umukino wa kabiri atoje.

Mu mwaka we wa mbere mu kazi,Lampard yafashije Derby gukina imikino ya kamarampaka nyuma yo kurangiza ku mwanya wa 6 muri championship 2018/2019.

Ntabwo yabashije kuzamura Derby County muri Premier League,kuko yatsindiwe ku mukino wa nyuma wa kamarampaka yatsinzwe na Aston Villa ibitego 2-1.

FRANK LAMPARD NK'UMUTOZA WA CHELSEA BWA MBERE

Tariki 04 Nyakanga 2019, ni bwo ikipe ya Chelsea yemeje Frank Lampard nk'umutoza wayo mushya asimbuye Maurizio Sarri wasubiye mu Butaliyani gutoza Juventus.

Lampard wari uvuye muri Derby County yo mu kiciro cya kabiri, yasinye amasezerano y'imyaka 3 muri Chelsea yakiniye mu gihe k'imyaka 13.

Yahawe gutoza iyi Chelsea imaze gufatirwa ibihano n'Ishyirahamwe ry'umupira w'amaguru ku Isi 'FIFA', byo kutagura abakinnyi mu masoko abiri y'uwo mwaka w'imikino 2019/2020.

Lampard yabaye umutoza wa 10 watoje Chelsea nyuma yo kugurwa na Roman Abramovich mu 2003,

Icyo gihe,Frankie nkuko bamwita] yatangaje ko yishimiye kugaruka mu ikipe ya Chelsea yagiriyemo amateka akomeye, avuga ko yiteguye gukora cyane akayigeza ku byiza bishoboka.

Yagize ati' Biranejeje cyane kandi ntewe ishema no kugaruka muri Chelsea nk'umutoza mukuru. Buri wese azi urukundo mfitiye iyi kipe ndetse n'amateka dusangiye. Umutima wange uri ku kazi, ngiye gutegura umwaka w'imikino uri imbere. Nje gukora cyane kugira ngo tuzagire ibihe byiza, niteguye gutangira.'

Umukino we wa mbere muri Chelsea, Lampard ntibyagenze neza kuko yatsinzwe ibitego 4—0 na Manchester United ku mukino ufungura Premier League 2019—20.

Kuwa 24 Kanama 2019, Lampard yabonye intsinzi ya mbere muri Premier League nk'umutoza wa Chelsea,batsinze Norwich City ibitego 2—3 hanze.

Lampard yatsindiye igihembo cy'umutoza w'ukwezi k'Ukwakira 2019 kubera kwitwara neza muri Premier League.

Mu mwaka we wa mbere,Lampard yafashije Chelsea kuba iya kane muri Premier League,anayigeza ku mukino wa nyuma wa FA Cup aho yatsinzwe na Arsenal ibitego 2-1.

Mu mwaka wakurikiyeho Chelsea yaguze abakinnyi benshi barimo Hakim Ziyech, Timo Werner, Ben Chilwell, Kai Havertz na Édouard Mendy.

Yitwaye neza muri uwo mwaka wa 2020,iyobora itsinda rya Champions League na Premier League kugeza mu ntangiriro z'Ukuboza.

Ariko iyi kipe yaje kubura umusaruro itsinda imikino ibiri mu mikino umunani,Chelsea imanuka ku rutonde rwa shampiyona iba iya cyenda byatumye kuwa 25 Mutarama 2021,umutoza Frank Lampard yirukanwa.

Kuwa 22 Mutarama 2022 nibwo Frank Lampard yabonye akandi kazi ko gutoza ikipe ya Everton yari imerewe nabi ndetse imaze kwirukana Rafael Benitez.

Yasanze iyi kipe ku mwanya wa 16 ndetse iri gutsindwa umusubirizo irusha iri mu murongo utukura amanota 4 gusa.

Lampard yabashije kuzura iyi kipe ayifasha kuguma mu cyiciro cya mbere atsinze umukino udasanzwe ikipe ya Crystal Palace yari yamutsinze ibitego 2-0 mu gice cya mbere hanyuma akayitsinda bitatu mu cya kabiri.

Muri uyu mwaka,ikipe ya Everton ntiyitwaye neza byatumye kuwa 23 Mutarama 2023,iyi kipe yirukana Lampard nyuma yo gutsindwa ibitego 2—0 na West Ham.

Chelsea igiye kugarura Lampard mu gihe cy'amezi abiri kugira ngo ayifashe kuba yagaruka mu makipe meza kuko ubu iri ku mwanya wa 11 n'amanota 3 ikaba irushwa amanota 14 n'iya kane ariyo Man United.

Chelsea iheruka kwirukana umutoza Graham Potter ntabwo izagumana na Frank Lampard nyuma y'amezi abiri kuko iri kuvugana na Luis Enrique ndetse na Julian Nagelsmann.

Uyu mugabo wakiniye Chelsea yabashije gutwarana nayo ibikombe 13 mu mikino 648 yayikiniye.

Yabaye umukinnyi mwiza w'umwaka inshuro 3, niwe watsindiye iyi kipe ibitego byinshi (211) mu mateka yayo.

Ni umwe mu bakinnyi 7 bakina mu kibuga hagati, batsinze ibitego 150 muri shampiyona y'u Bwongereza.

Ni umukinnyi wa 4 watanze imipira myinshi yavuyemo ibitego byinshi muri shampiyona y'u Bwongereza (102).

Frank Lampard umunyabigwi wa Chelsea

Source : https://umuryango.rw/imyidagaduro/imikino/article/amateka-ya-frank-lampard-wongeye-guhabwa-akazi-ko-gutoza-chelsea-fc

Source : https://umuryango.rw/amakuru/urukundo/article/dore-bimwe-mu-bibazo-bishobora-gutera-umuntu-kurwara-indwara-yo-gukunda