Author: webrwanda

Ku wa 25 Werurwe 2026, Inteko Rusange y'Umuryango w'Abibumbye yatoye umwanzuro A/80/L.48 wemeza ko icuruzwa ry'Abanyafurika bambuwe uburenganzira bwabo no kubashyira mu bucakara bwishingikirije ku ivanguramoko ari 'icyaha gikomeye kurusha ibindi cyakorewe inyokomuntu.'

Uwo mwanzuro watowe n'amajwi 123 y'ibihugu byawushyigikiye, ibihugu bitatu birawanga naho 52 birifata. Mu bihugu byawushyigikiye harimo n'u Rwanda.

Ghana ni yo yayoboye iki gikorwa, ishyigikiwe n'Umuryango w'Ubumwe bwa Afurika (AU), mu rwego rwo gusaba ko amateka y'ubucakara atareberwa gusa nk'ikintu cyabaye kera, ahubwo hakabaho n'ibikorwa byo gukemura ibibazo byasizwe n'ayo mateka.

Iyi gahunda ya Ghana yakomeje kugarura impaka ku ndishyi, gusaba imbabazi no gutanga ubutabera ku bakomoka ku bantu bacurujwe.

Mu nama yabereye i Accra muri Kamena 2026 yahuje abayobozi, abahanga mu mateka, abaharanira uburenganzira bwa muntu n'abahagarariye Abanyafurika baba mu mahanga, hasabwe ko hategurwa gahunda ikubiyemo ibijyanye no kuriha ibyangijwe n'ubucakara.

Buri mwaka ku wa 23 Kanama, Isi yizihiza Umunsi Mpuzamahanga wo kwibuka ubucuruzi bw'abacakara n'iseswa ryabwo.

Uyu munsi washyizweho na UNESCO mu rwego rwo kwibuka ijoro ryo ku wa 22 rishyira ku wa 23 Kanama 1791, ubwo habaga imvururu muri Saint-Domingue, ahazwi uyu munsi nka Haiti, zakuruwe n'abacakara bari barambiwe igitutu cy'Abafaransa. Izi mvururu zafashwe nk'intandaro y'umuhate ukomeye wagize uruhare mu kurwanya ubucakara bwambukiranya inyanja ya Atlantique.

UNESCO ivuga ko uyu munsi ugamije gufasha abantu bose ku Isi gusigasira urwibutso rw'aya mateka, gusuzuma impamvu zatumye ubucakara bubaho, uburyo bwakoreshejwe n'ingaruka bwagize ku migabane ya Afurika, u Burayi, Amerika na Caraibes.

Ubucakara bwatangiye bute?

Ubucakara ntabwo bwatangijwe n'ubucuruzi bwambukiranya Atlantique gusa. Mu bice bitandukanye bya Afurika, ubucakara bwari busanzweho mbere y'uko Abarabu, Ababerberi n'Abanyaburayi bahagera. Hari abantu babaga abacakara kubera gutsindwa mu ntambara, imyenda batishyuye cyangwa abandi bagatangwa n'imiryango yabo.

Ariko nyuma y'ivumburwa rya Amerika, ubucakara bwahinduye isura. Abanyaburayi batangiye gushaka abakozi benshi bo gukoresha mu bucukuzi bw'amabuye y'agaciro no mu mirima minini yo muri Amerika. Abanyafurika batangiye gufatwa, bakajyanwa ku ngufu hakoreshejwe inzira zizwi nka Transatlantic Slave Trade.

Ubushakashatsi bugaragaza ko hagati y'ikinyejana cya 16 n'icya 19, Abanyafurika bari hagati ya miliyoni 10 na 12 bajyanywe ku ngufu muri Amerika banyujijwe mu nyanja ya Atlantique.

Ubucuruzi bw'abacakara bwagize ingaruka zikomeye ku bice byinshi bya Afurika, cyane cyane mu Buregerazuba, muri Afurika yo Hagati no mu Burasirazuba bw'umugabane.

Mu bihugu byibasiwe cyane harimo Sénégal, Gambie, Guinée, Sierra Leone, Libéria, Côte d'Ivoire, Ghana, Togo, Bénin na Nigeria, aho abantu benshi bafatwaga ku ngufu bakajyanwa muri Amerika gukora imirimo y'agahato mu mirima no mu nganda.

Mu gice cya Afurika yo Hagati, ibihugu nka Repubulika Iharanira Demokarasi ya Congo, Angola na Gabon na byo byagize uruhare n'ingaruka zikomeye muri ubwo bucuruzi. Mu Burasirazuba bwa Afurika, Tanzanie, Mozambique, Kenya na Somalie byabaye inzira zikomeye z'ubucuruzi bw'abacakara bwakorerwaga ku Nyanja y'Abahinde, aho abantu bajyanwaga mu bihugu byo mu Burasirazuba bwo Hagati, mu Buhinde no mu tundi turere.

Ubu bucuruzi bwari igice cy'ubucuruzi mpuzamahanga bwari bushingiye ku guhanahana ibicuruzwa: ibikoresho n'imyenda byavaga i Burayi bikajya muri Afurika, abantu bagafatwa bakajyanwa muri Amerika, naho isukari, ikawa n'ibindi bikomoka muri Amerika bigasubira i Burayi.

Abantu bajyanwaga muri ubwo bucakara babaga mu buzima bukomeye cyane. Benshi bapfiraga mu nzira kubera indwara, inzara n'imibereho mibi byo mu mato yabatwaraga, ku buryo amato amwe yitwaga 'imva zireremba.'

Kurwanya ubucakara byagiye bigaragara mu bihugu bitandukanye mu kinyejana cya 18 n'icya 19. Imyigaragambyo y'abacakara, ibikorwa by'abaharanira uburenganzira bwa muntu ndetse n'impinduka za politiki byagize uruhare mu kubuhagarika.

Imwe mu mpinduka zikomeye yabaye imyivumbagatanyo yabereye i Saint-Domingue mu 1791, yaje gutuma Haiti ibona ubwigenge mu 1804 kandi igira uruhare mu kongera imbaraga mu kurwanya ubucakara.

Mu myaka yakurikiyeho, ibihugu bitandukanye byatangiye kubuhagarika. Ubucuruzi bw'abacakara bwahagaritswe n'u Bwongereza mu 1807, naho ubucakara ubwabwo burandurwa mu bice byinshi by'Ubwami bw'u Bwongereza mu 1834. Leta Zunze Ubumwe za Amerika zabukuyeho mu 1865 nyuma y'Intambara y'abenegihugu.

Kuki u Rwanda rutabaye igicumbi cy'ubucuruzi bw'abacakara?

Mu gihe ibice byinshi bya Afurika byahuye n'ingaruka zikomeye z'ubucakara, u Rwanda rwo rwabaye igihugu cyihariye kubera imiterere yarwo n'imyanzuro y'ubuyobozi bwarwo.

Amateka agaragaza ko u Rwanda rwari igihugu gisa n'ikirinzwe mbere y'uko abakoloni bahagera, ku buryo kwinjira kw'abanyamahanga byari bigoye.

Abashakashatsi bagaragaza ko bitandukanye n'ibihugu byari ku nkombe z'inyanja nka Tanzania, aho abacuruzi b'Abarabu bari barashinze ibirindiro kuva mu kinyejana cya 19.

Ku ngoma ya Kigeli IV Rwabugili mu myaka ya 1870, u Rwanda rwafashe ingamba zo kurwanya abacuruzi b'abacakara banyuraga mu karere. Yashyizeho ingabo zagombaga guhangana n'abafataga abantu bakabajyana ku ngufu.

Amateka avuga ko ubwo abacuruzi bageragezaga gusaba Umwami Rwabugili kubaha Abanyarwanda ngo babagurishe, yabasubije ko abaturage atari abe ku buryo yabagurisha, ahubwo ko na we ari uwabo.

Impuguke mu mateka Innocent Nizeyimana yigeze kubwira IGIHE ko Abanyarwanda bari bafite imyumvire yo kubaha agaciro k'ikiremwamuntu, ari yo mpamvu ubuyobozi bw'igihugu bwamaganye icuruzwa ry'abantu.

Icyakora, amateka y'u Rwanda kuri iyi ngingo aracyaganirwaho n'abanyamateka. Hari abagaragaza ko nta bucuruzi bunini bw'abacakara bwabaye mu Rwanda nk'ubwabaye muri Tanzania, Congo cyangwa Afurika y'Iburengerazuba, ariko hari n'ubushakashatsi bugaragaza ko ubucakara bwabaye mu bice bimwe by'u Rwanda, cyane cyane mu buryo bwo gufata abana, abagore n'abandi bantu bakagurishwa cyangwa bagakoreshwa imirimo y'agahato.

Icyatandukanyije u Rwanda n'ahandi ni uko rutigeze ruba igicumbi gikomeye cy'ubucuruzi mpuzamahanga bw'abacakara, cyane cyane kubera imiterere y'igihugu, kuba rutari ku nyanja ndetse n'ingamba z'ubwami bwo kubuza abacuruza abantu gukorera ku butaka bwarwo.

Ubu bwanikiro bufite ubushobozi bwo kwakira toni enye ku munsi, bukagira ububiko bufite ubushobozi bwo kubika toni 100 z'ibitunguru.

Bufite kandi ubushobozi bwo kumisha ibitunguru bikamara amezi atandatu bibitswe bitarangirika.

Ni ubwanikiro bwubatswe ku buso bwa metero kare 3.331, bwuzuye mu Murenge wa Kanzenze, Akagari ka Nyamirango.

Nubwo ari ubw'abahinzi bo muri Koperative KOBATU buzafasha abahinzi bo mu mirenge ya Mudende, Cyanzarwe, Kanzenze, Busasamana, Bugeshi na Nyakiliba.

Eng. Rutaremara Tito wayoboye imirimo yo kubaka ubu b mu kiganiro na IGIHE yavuze ko imirimo yose y'ubwubatsi yarangiye ndetse bamaze kwandika basaba ko ubwanikiro bwakwakirwa.

Ati 'Twe imirimo yo kubaka twarayisoje kuko tugeze kuri 97%, twatangiye gusaba ihererekanya bubasha ry'ibanze, isaha n'isaba buzatangira gukoreshwa.'

Imirimo yo kubaka ubu bwanikiro yatangiye muri Werurwe 2025, aho byari biteganyijwe ko bwuzura muri Nyakanga 2025, icyakora abubatsi bavuze ko bagowe n'imiterere y'ubutaka, basaba kongererwa igihe.

Umushinga wose uzatwara miliyari 2 Frw. Harimo azagenda ku nyubako, ubwiherero bw'imbere n'ubwo hanze, moteri yunganira amashanyarazi, ibiro by'abayobozi, parking, imashini zitwara umusaruro mu bwanikiro imbere n'inzu ibungabunga ubushyuhe bw'ibyumishijwe.

Umuyobozi w'Akarere ka Rubavu, Mulindwa Prosper, yavuze ko ubu bwanikiro buzafasha kubika neza umusaruro wangirikaga mu gihe ibiciro byamanutse, ukazagurishwa byongeye kuzamuka.

Ati “Tumaze imyaka dufite ikibazo cy'ibitunguru byera ari byinshi mu bihe bimwe na bimwe, ku isoko ibiciro hakaba ubwo bigabanyuka, ubuhinzi ukaba wasaga n'umwuga wugarijwe n'uruhuri rw'ibibazo. Ubu bwanikiro buri kubakwa, bugiye kuba igisubizo ku musaruro wangirikaga.”

Akomeza avuga ko muri aka karere habarurwa abahinzi b'ibitunguru barenga 2000 ku buryo igihe umusaruro uzajya uba mwinshi isoko ritameze neza bazajya bawubikirwa ku buryo ni amezi atandatu yashira harindiwe ko isoko rimera neza, kuko buje muri gahunda yo kumishwa no kongererwa agaciro.

Ubu bukwe bwabaye ku wa Gatanu tariki ya 21 Kanama 2026, bubera mu Murenge wa Bugarama, aho umuryango w'umukobwa utuye. Aba bombi basanzwe ari Abakirisitu bo mu Itorero rya ADEPR.

Mu gihe cyo gusezerana kwa Mugisha Princesse na Iradukunda Eric, bamwe mu bari bitabiriye bari bafite amatsiko yo kumenya uko aba bombi bari buvuge indahiro zisanzwe zikoreshwa mu rusengero, dore ko bombi batumva kandi batavuga.

Gusa umuryango wari warateguye umusemuzi w'amarenga, wasemuriraga aba bombi ibyo Pasiteri yabaga avuze, na bo bakabigaragaza mu marenga cyangwa bagashyira mu bikorwa ibyo basabwe.

Umwe mu bari muri ubu bukwe yavuze ko byamushimishije kuko atari yiteze ko aba bombi bashobora gukora ubukwe nk'abandi.

'Ubundi ubu bukwe burashimishije kuko ntabwo twakekaga ko bashobora gushyingirwa. Umukobwa ntavuga, umusore na we ni uko kandi bombi bafite ubumuga bwo kutumva no kutavuga.'

Undi ati 'Twibazaga uko bari bubashe kumvikana na Pasiteri ariko rwose byagenze neza.'

Hakizimana Noheli, umubyeyi wa Mugisha Princesse, yavuze ko umuntu ufite ubumuga adakwiye gufatwa nk'udashoboye.

'Umuntu wese ufata umuntu ufite ubumuga nk'udashoboye cyangwa udashobotse aba yibeshya. Mu bukwe bwabo nta mbogamizi zidasanzwe twahuye na zo. Twabonye ari nk'ubwabandi, nta tandukaniro rwose.'

Bahuriye mu ishuri ry'amarenga

Uyu musore n'umukobwa bahuriye mu ishuri ry'amarenga, aho bigaga ndetse bakaza gukundana no kwemeranya kurushinga.

Umuyobozi w'Itorero rya ADEPR Bugarama, Gad, yavuze ko ubukwe bwabo bwitabiriwe n'abantu benshi, ugereranyije n'ubundi bwabaye muri aka gace mu myaka ibiri ishize.

Ati 'Urebye mu myaka ibiri ishize, ubu ni bwo bukwe bwitabiriwe n'abantu benshi cyane. Abageni bari bafite ubabasemurira maze bakagaragaza amarangamutima yabo. Ubona ko rwose bishimishije.'

Yavuze ko kuba aba bageni bafite ubumuga bwo kutumva no kutavuga bitabujije ko bagaragaza ibyishimo byabo ndetse bakagira uruhare rusesuye mu muhango wabo w'ubukwe.

Umuyobozi w'Itorero rya ADEPR Bugarama yavuze ko ubu bukwe bwagaragaje ko hakenewe ingamba zatuma abantu bafite ubumuga bwo kutumva no kutavuga babasha kubona ubutumwa bwigishirizwa mu nsengero nk'abandi bakirisitu.

Ati 'Urebye ubu bukwe bwadusigiye umukoro nk'abayobozi b'amadini n'amatorero, kuko hari ikintu ubona gikenewe cyane. Nk'ubu aba bantu basemurirwaga n'umwarimu wabo. Hakenewe rero ko insengero nibura zigira umusemuzi w'ururimi rw'amarenga, kuko ubona ko hari abaza gusenga bafite ibibazo by'ubumuga, na bo baba bakeneye kumva ibyo bigishirizwamo.'

Uyu muyobozi yavuze ko ubwo barangaga aba bageni mu rusengero, basemuriwe n'Umubikira wari wabaherekeje, akaba ari na we wari umwe mu babigishije ururimi rw'amarenga.

Nsengiyumva yavuze ko avuga ko no mu gihe cyo kubigisha inyigisho zijyanye n'ubuzima bw'abashakanye bitari byoroshye, bitewe no kuba nta musemuzi uhagije w'amarenga wari uhari.

Ati 'No mu kubigisha inyigisho zirebana n'uko bazabana nk'abashakanye, byabagoye kubera ko nta musemuzi w'amarenga uhari. Ni yo mpamvu tubona ko insengero zikwiye gutekereza ku buryo bwo kugira abasemuzi, kugira ngo n'abafite ubu bumuga babashe gusenga no gukurikira inyigisho nk'abandi.'

Umukoro w'abafite ubumuga mu iterambere ry'umuryango

Imibare y'Ibarura Rusange ry'Abaturage n'Imiturire rya 2022 igaragaza ko mu Rwanda hari abantu 391.775 bafite ubumuga bafite imyaka itanu kuzamura, bangana na 3.4% by'abaturage bari muri iyo myaka.

Leta yashyizeho Inama y'Igihugu y'Abantu bafite Ubumuga (NCPD), ifite inshingano zo kubakorera ubuvugizi, guteza imbere uburenganzira bwabo no kubafasha kugira uruhare mu iterambere ry'igihugu.

U Rwanda kandi rufite Politiki y'Igihugu y'Abantu bafite Ubumuga n'izindi gahunda zigamije gukuraho inzitizi zibabuza kubona serivisi no kugira uruhare mu buzima bw'igihugu.

Ubukwe bwa Mugisha Princesse na Iradukunda Eric bwagaragaje ko ubumuga bwo kutumva no kutavuga butabujije umuntu gukundana, kubaka urugo no kugira uruhare mu muryango nyarwanda, ariko kandi busiga ikibazo cy'uko hakwiye kurushaho kuboneka abasemuzi b'ururimi rw'amarenga, cyane cyane ahahurira abantu benshi nko mu nsengero.

Ibisazi by'imbwa ni indwara iri mu zashyizwe ku rutonde nk'indwara zishobora guteza ibibazo ku baturage. Ifata inyamaswa zo mu gasozi zikanduza imbwa zibana n'abantu, na zo zikanduza abantu iyo zibarumye.

Imibare ya RBC igaragaza ko mu mwaka ushize wa 2025 mu Rwanda abantu barumwe n'imbwa bari n'ibihumbi 3,227, aho batanu banduye iyo ndwara, ariko nta we yahitanye kuko bahawe ubuvuzi gusa myaka yashize hari abo yahitanaga.

Nubwo imibare kuri iyi ndwara itari hejuru cyane, u Rwanda rwiyemeje kuyica burundu mu 2030, ahanini binyuze mu gukingira imbwa n'injangwe kuko na zo zishobora kuyandura.

Umuyobozi w'Agateganyo w'Agashami k'Indwara Zititaweho uko Bikwiye muri RBC, Nshimiyimana Ladislas, yavuze ko ibikorwa byo gukingira imbwa byatangiye ariko hakavuka ikibazo cy'uko hari abatandikisha imbwa zabo bityo bikagorana kumenya izikeneye gukingirwa nk'uko The New Times yabitangaje.

Ati 'Tugomba kongera gusuzuma igipimo cy'imbwa zakingiwe kuko hari imbwa nyinshi zitandikishijwe. Byatumye bigorana kumenya neza icyo gipimo cy'aho tugeze dukingira, bityo dufata umwanzuro wo kubanza kwandika imbwa. Turizera ko ibi bizakorwa muri uyu mwaka, kuko dufite intego yo kurandura indwara y'ibisazi byazo bitarenze mu 2030.'

Yasabye kandi abantu bafite imbwa kwitabira kuzandikisha ku buryo uyu mwaka warangira barabikoze, kugira ngo ikibazo cy'imibare kidakomeza kubangamira gahunda yo gukumira ibisazi byazo.

Kwandikisha imbwa bikorerwa ku midugudu abaturage batuyemo, maze imibare yazo ikagenda izamuka igahuzwa, ku buryo hamenyekana umubare w'inkingo zikenewe ndetse no kuzikingira bikorwa buri mwaka.

Nshimiyimana yavuze ko mu Rwanda abantu bagera ku 3.000 barumwa n'imbwa buri mwaka, biganjemo abo mu turere twa Nyagatare, Musanze na Huye.

Abana bari munsi y'imyaka 15 bari mu bakunze kurumwa n'imbwa kenshi bitewe no kuzishotora bakazitera amabuye.

Yasobanuye ko kuba hari Akarere kagaragaramo abantu benshi barumwa n'imbwa bidahita bisobanura ko ari ho hari imbwa nyinshi, ahubwo bishobora guterwa n'uko imbwa zaho zizerera cyangwa zimara igihe zitari hafi ya ba nyirazo.

Nshimiyimana yagaragaje ko kurumwa n'imbwa bitavuga ko umuntu ahita arwara ibisazi, ariko iyo imbwa irumye umuntu ifite virusi yabyo, ishobora kumwanduza.

Yagiriye abantu inama yo kwivuza bitarenze amasaha 48 nyuma yo kurumwa n'imbwa, kugira ngo bigabanye ibyago byo kuba bakwandura ibisazi.

Ati 'Iyo umuntu arumwe n'imbwa itarakingiwe, ibyago byo kwandura biba biri hejuru. Agomba kwihutira kwivuza kandi akuzuza inkingo zose yandikiwe. Iyo bamubwiye ko agomba gufata inkingo eshatu, ntakwiye kureka na rumwe. Hari igihe abarwayi bafata urukingo rwa mbere ntibagaruke gufata izisigaye.'

Yongeyeho ko abantu bakwiye kwirinda gusagarira imbwa batazi ba nyirazo no kuzegera, kuko byagaragaye ko hari abo ziruma ari bo baba babigizemo uruhare.

Ibi yabivugiye mu kiganiro cyaciye kuri KP Media, ku wa 22 Kanama 2026.

Nyuma ya Jenoside yakorewe abatutsi muri Mata 1994 mu Rwanda, Pasteur Bizimungu yabaye Perezida w'Inzibacyuho w'u Rwanda, kugeza mu 2000 ubwo yeguraga.

Nyuma yaho habaye amatora y'Umukuru w'igihugu, aho mu bakandida hari harimo Paul Kagame ari na we wari Visi Perezida na Charles Murigande.

Umunyamakuru yabajije Senateri Murigande niba byari byoroshye guhatanira umwanya na Paul Kagame, wari Visi Perezida kandi wayoboye urugamba rwo kubohora igihugu.

Yasubije ko muri biro Politiki y'ishyaka rya FPR yatoye Murigande Charles wari Umunyamabanga Mukuru wayo na Paul Kagame ngo babe ari bo batorwamo uwaba Perezida.

Ati ' Icyo gihe, itegeko shingiro twagenderagaho, ryateganyaga ko Perezida w'inzibacyuho uriho aramutse agize impamvu zituma adashobora gukomeza kuba Perezida…, umutwe wa politiki aturukamo ugomba guhita utora abantu babiri bakagezwa ku nteko ihuriyemo Abadepite n'aba Minisitiri , hanyuma ikabatoramo uwaba Perezida.'

Senateri Charles Murigande, avuga ko yagiye kubera ko hari hakenewe abakandida babiri, naho ubundi yabonaga ko Paul Kagame ari we wari ukwiye kuba umukandida.

Yagize ati' Iyo itegeko rivuga ngo umutwe wa Politiki Perezida w'inzibacyuho aturukamo utanga umuntu umwe, twari gutanga Perezida wacu, …none wagombaga gutanga babiri.'

Ibigo birebwa n'ubu bugenzuzi mu gihugu hose birenga 600 byashinzwe n'abikorera kandi bisanzwe bikora nta byangombwa.

Umuyobozi w'Ishami rishinzwe Ubugenzuzi muri NESA, Kavutse Vianney Augustin, yabwiye IGIHE ko ibigo biri gukorwaho ubugenzuzi birimo ingeri zinyuranye, harimo ibyari byarafunguwe n'ikigo cyahoze ari WDA ariko bigaragara ko aho bikorera ubu hatujuje ibisabwa.

Harimo kandi ibyo abantu bagiye bashinga ku giti cyabo byigisha abana bake ariko bikorerwa ahantu hatujuje ibisabwa.

Ati 'Hari aho umuntu yagiye afata nk'inzu yo guturamo, igice kimwe akakigira ishuri. Nka Kinyinya hari aho twasanze barafashe inzu y'inkiko bayihindura ishuri ry'abana.'

Andi mashuri arebwa n'ubu bugenzuzi by'umwihariko ni amarerero ahabwa ibyangombwa n'inzego z'ibanze n'Ikigo gishinzwe Imikurire no Kurengera Umwana (NCDA) ariko ugasanga harimo abana biga kugeza mu mashuri abanza.
Uyu muyobozi yaboneyeho gushyira umucyo ku mashuri arenga 30 yahagaritswe mu Murenge wa Kinyinya mu Karere ka Gasabo muri Nyakanga 2026, agaragaza ko basanze hamwe amarerero yarahinduwe amashuri.

Ati 'Aho twagiye dufunga ayo mashuri, abana tukabajyana ahandi hari ikigo cy'amashuri abanza noneho irerero rigakomeza kuba irerero. Turacyakorana na NCDA kugira ngo dutandukanye amarerero n'amashuri asanzwe.'

Ubu bugenzuzi bugamije gukuraho ikibazo cy'amashuri yagiye yitangiza mu gihugu hose, ayo bikabije cyane agahagarikwa, andi agasabwa gushaka ibyangombwa kandi rizakomeza kugeza yose ahawe ibyangombwa andi ahagaritswe.

Amashuri ashobora kwihanangirizwa muri ayo ni aho usanga babura nk'ubwiherero buhagije, ibigega bifata amazi n'ibindi byashakwa nyuma amasomo adahagaze ariko nk'aho abana bigira ho nta kibazo hafite.

Umunyamabanga wa Leta Ushinzwe Uburezi, Irere Claudette, aherutse kuvuga ko kuba hari amashuri yahagaritswe bidakwiye gutera impungenge ababyeyi kuko abana batazabura aho biga hemewe, ndetse ko ayahagaritswe ashobora kongera gufungurwa.

Ati 'Ba nyiri aya mashuri agihagarikwa hari hakiri umwanya wo gukosora, ariko ubu dufite ibyumweru bibiri aho bashobora gukorana na NESA, ibyo bitujuje bakabikora byarangira ku itariki ya 7 Nzeri 2026, bakazatangira bikongera kwigirwamo nta kibazo.'

Yagaragaje ko mu by'ukuri guhagarika ibigo by'amashuri atari ibintu bidasanzwe, gusa yemera ko haba harabayeho kudohoka kw'inzego bigatuma hari ibigo byemererwa gukora kandi bitujuje ibisabwa.

Yongeyeho ko Leta yishimira ko abikorera bafatanya na yo mu kongera ibigo by'amashuri, ariko ko nanone bigakorwa mu buryo budasubiza inyuma ireme ry'uburezi cyangwa bwateza ibindi bibazo.

Ibi yabigarutseho, kuri uyu wa gatandatu, tariki 22 Kanama 2026, ubwo yatangizaga ku mugaragaro imurikagurisha ry'abikorera bo muri iyi ntara, riri kubera mu Karere ka Musanze.

Iyi Expo yitabiriwe n'abamurika 146. Yatangiye tariki ya 19 Kanama ikazarangira tariki ya 2 Nzeri 2026.

Ati 'Ubukire tubugeraho tubukoreye, atari uko mwazindukiye mu biyobyabwenge, kuko umuntu wazindukiye mu kunywa ibyuma imitekerereze n'ubushobozi bwo gutekereza biragabanyuka cyangwa bigashiraho burundu, byiyongera ku bizera imikino y'amahirwe 'Aviator' n'ibindi bindi ntabwo umuntu akwiriye kuvuga ngo azakira ari uko akijijwe ni amahirwe.'

'Mubivemo, muvane amaboko mu mifuka mukore, ibisindisha n'ibiyobyabwenge n'izindi ngeso mbi muzivemo, mushake ibyo mukora mwiteze imbere, kandi nkurikije ibyo nabonye mu imurikabikorwa hari byinshi byabafasha gutegura Igihugu cyiza n'ejo heza habo hazaza.'

U Rwanda rumaze iminsi ruciye inzoga zitujuje ubuzirangenge zagize ingaruka ku buzima bw'abaturage barimo abarenga 500 bajyanywe kwa muganga kubera ibibazo bifitanye isano no kunywa izo nzoga. Muri bo, abarenga 50 barapfuye, mu gihe hafi 100 bahumye burundu.

Umuyobozi w'Urugaga rw'Abikorera mu ntara y'Amajyaruguru, Tugengwenayo Theonas, yabwiye IGIHE ko muri uyu mwaka abamurika uyu mwaka barimo abanyamahanga 6 bakomoka mu bihugu bihana imbibe n'u Rwanda, ndetse ko ari umwanya mwiza wo kwigiranaho.

Ati 'Imurikabikorwa, ni umwanya mwiza wo ku murika ibyo dukora bishingiye ku bukungu bw'Intara yacu, tugahura n'abandi tukigiranaho, mu ngeri zitandukanye biturutse ku dushya dutandukanye twa buri muntu umurika, kandi twabonyemo byinshi bigenda bigira uruhare mu gusubiza ibibazo by'abaturage.'

Ni umushinga kuri ubu wamaze gutangwaho ibitekerezo mu buryo bw'ibanze ku rwego rw'ibihugu byose kuva ku itariki 17-21 Kanama 2026.

Muri buri gihugu, inzego zose zigize uruherekane mu gutanga serivisi z'ubuvuzi, kuva ku bakora imiti, inzego zifata ibyemezo, izikora ubugenzuzi bw'ubuvuzi, kaminzua, abari mu bucuruzi bw'imiti n'abandi bahuriye hamwe bakusanya ingingo zikwiye kujya muri iri tegeko.

Nyuma zizoherezwa muri EALA zitangire guhuzwa, hakurikireho n'izindi ntambwe zo gutora itegeko kugeza rishyizweho umukono n'ibihugu binyamuryango.

Nyuma y'ibiganiro byo mu Rwanda byabaye kuva ku itariki 20-21 Kanama 2026, Depite Rutazana yavuze ko uyu mushinga w'itegeko yatangije mu izina ry'u Rwanda numara kuba itegeko, rizafasha mu guhuza imikorere y'inzego zishinzwe iby'ubuvuzi zikagira umurongo umwe.

Yatanze urugero ku bigo bishinzwe ubugenzuzi bw'ibiribwa n'imiti (FDAs), aho usanga muri EAC hamwe bishinzwe vuba ahandi bikiri gutekerezwa, ahandi bimaze kuba ubukombe, ku buryo kuba byabasha kubaka ubugenzuzi buhuriweho nta murongo uhari bitashobokaga.

Ahandi ryazafasha ni ku bakora imiti muri EAC n'ibikoresho byo kwa muganga bakenera kugira ireme ry'ibyo bakora riri ku rwego rumwe.

Ati 'Abakora imiti bakeneye urubuga bahuriramo kuko ireme ry'ibyo bakora ridahuje byagira ingaruka kubasha gucuruza mu bihugu byose. Ikindi ni uguhuza ireme ry'ibyo bakora n'amahame y'ubuziranenge, ku buryo niba uruganda rukorera mu gihugu kimwe rwemerwa gucuruza mu bindi nta bundi bugenzuzi bubayeho nk'uko ubu bigenda.'

Ibi bizafasha mu kuzamura isoko ry'imiti muri EAC, nk'igihe hari imiti ikorerwa mu Karere ikenewe ntijye gukurwa mu mahanga, ahubwo ijye igurwa hafi, binateze imbere Abanyafurika y'Iburasirazuba idatumijwe iyo mu mahanga iba inahenze.

Biteganyijwe ko ntagihindutse uyu mushinga w'itegeko uzarangirana n'Ukuboza 2026 ku rwego rwa EALA noneho mu 2027 uzagezwe ku bakuru b'ibihugu, nibahita barisinya rihite riba itegeko ritangire gukurikizwa muri EAC.

Umuyobozi w'Ikigo cy'Icyitegererezo mu Kwigisha Gukora Imiti n'Inkingo no Kugenzura Uburyo Igezwa ku Bayikeneye mu Karere ka Afurika y'Iburasirazuba (EAC RCE-VIHSCM), Mwesigye John Patrick, yabwiye IGIHE ko iri tegeko riri mu nzira zo gutorwa rizaziba ibyuho byinshi.

By'umwihariko, yagaragaje ko ubu imikoranire mu by'ubuvuzi muri EAC ishingiye ku mabwiriza y'ingeri zinyuranye, ariko kuko aba ataremereye nk'uko itegeko rimeze bikaba byaba imbogamizi.

Ati 'Iri tegeko rizaha imbaraga amabwiriza ahari. Na yo azakomeza kuba ahari ariko afite itegeko riyarengeye ku buryo mu gihe habaye igituma hakoreshwa itegeko ribe ari ryo rikoreshwa. Wasanganaga niba habaye nk'ikibazo mu by'imiti nta tegeko rihari rirengera uyigura cyangwa uyigurisha.'

Mu gihe iri tegeko rizaba ritowe, rizashyiraho uburyo buhuriweho umuti uzajya wemerewa kwinjira mu bihugu bya EAC, yaba iyabikorewemo cyangwa ivuye hanze yayo, n'uburyo bwo korohereza inganda z'imiti gucuruza ku buryo zihangana n'izindi zo mu mahanga ku isoko.

Yongeyeho ati 'Abagenzuzi mu bihugu byacu bazajya bakomeza kugenzura inganda zikora imiti ku buryo zikora ibyujuje ubuziranenge. Ibyo bizajya bituma icuruzwa imbere mu gihugu ikorerwamo, niba ari nka hano iwacu Rwanda Medical Supply ibe iyifite mu yo ikwirakwiza, kandi no mu bindi bihugu icuruzwe nta nkomyi.'

Ubu bugenzuzi kandi buzajyana no kuba hafatwa ibyemezo byo gukura umuti ku isoko mu bihugu byose mu gihe basanze harimo ikibazo, kandi ni ko bizajya bigenda no ku muti uvuye hanze ya EAC bigaragaye ko ufite ikibazo.

Mwesigye yagaragaje ko kugeza ubu mu bihugu umunani bya EAC harimo inganda 119 zikora imiti y'abantu, harimo zirindwi zo mu Rwanda, 30 zo muri Kenya, ebyiri zo mu Burundi, 34 zo muri RDC, 15 zo muri Tanzania, 38 zo muri Uganda, Somalia ifite uruganda rumwe mu gihe muri Sudani y'Epfo nta ruhari.

Izi nganda zitanga hafi 30% by'imiti ikoreshwa muri uyu muryango, ariko ntibivuze ko muri buri gihugu ari uko bimeze, kuko harimo bimwe iri janisha riri munsi ya 1% gusa ngo hari izindi 50 ziri mu nzira zo gushingwa.

Ikindi kidatanga igisubizo cyane kuri iki kigero hafi cya 30% ni uko ushobora nko gusanga mu gihugu inganda zirimo zikora nk'amoko 20 y'imiti kandi hakenewe amoko 4.000, bigatuma ukwihaza gukomeza kuba hasi.

Ati 'N'izi nganda zashinzwe n'izikomeje gushingwa ziyongereye ya mabwiriza amaze kujyaho ni bwo yatangiye kureshya abashoramari baza gushora muri EAC. Mu gihe tuzaba dufite itegeko bizaba akarusho kurusha uko byari bimeze.'

Umuryango wa Afurika yunze Ubumwe wiyemeje ko kugeza mu 2040 uyu Mugabane uzaba wihagije ku nkingo ku kigero cya 60%, uvuye ku kitarenze 1% uriho ubu, kandi urugendo rwo kongera ishoramari n'imikoranire mu gukora imiti ni imwe mu nkingi zizabigezaho.

Mu gicuku cyo ku wa 20 Kanama 2026 ni bwo uyu mugore w'imyaka 25 y'amavuko witwa Mukandekwe Clementine yasanzwe mu nzu amanitse, yapfuye.

Abaturage bahageze mbere bavuga ko uyu mugore yari mu nzu, umugabo we usanzwe atwara imodoka akinguye, asanga umugore amanitse mu mishumi y'inkweto.

Bavuga ko bumvise umugabo atabaza, bagiye kureba basanga umugore yamaze gupfa. Bahamya ariko ko bombi batari babanye neza.

Umukozi ushinzwe imari n'ubutegetsi mu Murenge wa Busasamana, Bisengimana Joseph, yabwiye IGIHE ko bakimenya amakuru bihutiye kujya gutabara.

Yagize ati “Ni byo. Twagezeyo dusanga yapfuye. RIB yatangiye iperereza”

Umurambo wa Mukandekwe wajyanywe mu bitaro bya Nyanza gukorerwa isuzuma kugira ngo hamenyekane impamvu idashidikanywaho y'urupfu rwe.

Umugabo we n'umuhungu we bafungiwe kuri sitasiyo ya Polisi ya Busasamana mu gihe iperereza rikomeje.