Umuhanzi David Adedeji Adeleke uzwi ku mazina ya Davido akaba yaravukiye muri Amerika agakurira mu gihugu cya Nigeria ndetse akaza no kuba icyamamare abikesha kuririmba, ari mu Rwanda aho yitegura gutaramira abanyawanda mu birori byo gusoza iserukiramuco rya Giants of Africa riri kubera mu Rwanda hizihizwa isabukuru y’imyaka 20 ishize ribayeho.
Kuba ari mu Rwanda ndetse no kuba yarishimiye kugaruka mu Rwanda si inkuru kuko ku munsi w’ejo ubwo yari akigera mu Rwanda yahise ajya ku rubuga rwa Twitter ye agaragaza ko yishimiye kuba ari mu Rwanda aho yaherukaga mu mwaka wa 2018 mu kwezi kwa Werurwe ubwo yari mu bitaramo by’uruhererekane byitwaga 30 Billion Africa Tour 2018.
Nk’uko tubikesha ikinyamakuru Forbes kizwiho kumenya akayabo ibyamamare bitunze, kivuga ko uyu muhanzi wavukiye Atlanta muri Leta Zunze ubumwe za Amerika atunze arenga Miliyoni 27$ mu mwaka wa 2022.
Uyu muhanzi akoresha amafaranga ye mu kurimba ndetse no kwambara ibintu bihenze cyane ndetse agakunda kugaragara mu ruhame yambaye ibintu by’agaciro akunze kugura cyane nk’uko n’abandi bahanzi bagerageza gusa neza mu bushobozi bwabo.
Ubwo Davido yageraga mu Rwanda kuri uyu wa Kane, yaje yambaye umukufi aheruka gutangaza ko yaguze Miliyoni 644,777,322 Frw mu rwego rwo kwishimira ibyo yagezeho harimo na album ye nshya ‘Timeless ‘aherutse gushyira hanze.
Aya mafaranga yaguzemo uyu mukufi, waguramo imodoka 8 zo mu bwoko bwa V8, inzu 3 zigeretse mu mujyi wa Kigali, havamo kandi moto zirenga 400, inzu zo guturamo zisanzwe zirenga 150, yatunga umuryango w’abantu batanu urya kabiri ku munsi mu gihe cy’imyaka 176 mu gihe baba barya amafranga ibihumbi 10 ku munsi.
Turetse iby’imibereho y’ibntu byo mu buzima busanzwe, ku muntu ukunda agacupa yaguramo amakaziye 40,298 ya Petit Mutzing mu gihe ikaziye imwe yaba igura amafaranga 16,000 Rwf.
Ku myaka 30 akaba arimo kwidagadura mu mafaranga bigeze aha, ubaye uri umunyarwanda ushaka gukorera ayo mafaranga yaguze uwo mukufi byagusaba gukora imyaka 100 buri mwaka ukorera miliyoni 6,447,773 Frw ku kwezi ukorera arenga 537,300 Frw.
Mu rwego rwo guhabwa agaciro akwiye, Davido ari kurara muri Hotel yishyura Miliyoni zirenga eshanu ku ijoro rimwe mu gihe ayo mafaranga umusore ubayeho mu buzima busanzwe ashobora kuyarya mu myaka igera muri itanu ku munsi arya amafaranga ibihumbi 2,700.
Aya mafaranga arimo kwishyurwa Hotel Davido arimo kubamo, ijoro rimwe yagura ikibanza i Gahanga aho bamwe mu baherwe barimo bitabira gutura cyane.
Nk’uko tubikesha ikinyamakuru Yourstrul, cyatangaje ko Davido ari ku mwanya wa Gatatu mu bahanzi bahenze, kumutumira mu gitaramo aho kugira ngo aririmbe mu gitaramo cyabereye muri Nigeria, yishyurwa 40,000,000 Naira.
Mu gihe hari umuhanzi wakwifuza gukorana nawe indirimbo, iyo amwemereye amwishyura Miliyoni 100 z’amafaranga y’u Rwanda hanyuma bakabona gukorana indirimbo uko yaba imeze kose kandi hatabariwemo ibizakoreshwa mu gutunga iyo ndirimbo.(Ayo 100,000,000 Frw ni ayo kukwemerera gukorana nawe indirimbo gusa).
Kuri uyu wa Kane  nibwo Davido yageze i KigaliÂ
Davido azaririmbira muri BK Arena ,ejo ku wa Gatandatu tariki 18 Kanama 2023, hasozwa iserukiramuco rya Giants of Africa ryahuriranye no kwizihiza isabukuru y'imyaka 20, rimaze ritangijwe na Masai Ujiri, usanzwe ari Perezida w'Ikipe ya Toronto Raptors yo muri Canada, ikina muri Shampiyona ya Basketball ya Amerika (NBA).
Umukufi Davido yazanye mu Rwanda ukozwe muri zahabu gusa.
Uyu mukufi upima 1.5Kg
Uyu mukufi ukoranye ubuhanga buhanitse ku buryo uko uyegera ugenda ubona ibindi bintu byinshi utapfa kubona utashishoje.
Davido yambaye umukufi yaguze miliyoni zirenga magana atandatu.
Ni umunyezamu wa mbere w’ikipe ya Amagaju FC. Uyu munyezamu, agurwa ntabwo byavuzwe cyane bigendanye n’abanyezamu bari binjiye mu gihugu.
Onyeabor Franklin Chukwuebuka w’imyaka 23 akomoka muri Nigeria yasinyiye Sunrise FC imyaka ibiri avuye muri Nigeria Air Force FC y’iwabo.Akina mu mutima wa ba Myugariro. Bigendanye n’ubuhanga yagaragaje, uyu musore ashobora kuzakinana na Shyaka Clever inyuma.
Nimero 6 wa Rayon Sports, akaba aherutse kubona ibyangombwa bimwemerera gukinira iyi kipe. Uyu musore uvuka muri DR Congo agakinira ikipe y’igihugu y’u Burundi, ni umwe mu bakinnyi bo kwitega bigendanye n’uko yigaragaje. Aruna, yavuye mu ikipe ya Bumamuru FC amaze kuyihesha igikombe cya shampiyona, ndetse akaba abanza mu kibuga mu ikipe y’igihugu y’u Burundi. 
Ni umukinnyi mushya wa Bugesera FC wayisinyiye imyaka ibiri avuye mu Burundi. Uyu mukinnyi ukina nka nimero 10, niwe watsindiye Bugesera FC ibitego byinshi mu mikino ya gicuti itegura Shampiyona.
Afatwa nk’umukinnyi mushya nyuma y’uko atijwe mu ikipe ikipe ya Mukura Victory Sports. Uyu musore wagaragaje ubuhanga bwe mu ikipe ya Rayon Sports ndetse na APR FC yemeza ko uyu mwaka aribwo agiye gukina umupira w’amaguru ku kigero atigeze akinaho mbere. Azaba ari nimero 10 mu ikipe ya Mukura, akaba ariwe umaze gutanga imipira myinshi ivamo ibitego muri Shampiyona y’u Rwanda ku bakinnyi bazayikinamo uyu mwaka.
Mudeyi Akbar ni rutahizamu wa Gasogi United. Ni umwe mu bakinnyi beza bavuye mu Burundi uyu mwaka baje mu Rwanda ndetse bagaragaza ubuhanga buri hejuru. Mudeyi Akbar wakiniraga ikipe ya Le Messager De Ngozi, yigaragaje mu mikino ya gicuti ndetse mu Burundi akaba yari umwe mu bakinnyi bagezweho.
Ni umwe mubakinnyi batangiye umwaka w’imikino 2021-22 ndetse agaragaza ubuhanga buhambaye, gusa byarangiye avuye muri Rayon Sports ateretse abanyarwanda ibyo yari ashoboye byose.
Shaiboub ukina mu kibuga hagati mu ikipe ya APR FC, niwe mukinnyi umaze kwemeza abafana b’iyi kipe mu bakinnyi bose baguzwe.
Rutahizamu w’u Burundi ukinira ikipe ya Kiyovu Sports. Richard ni umwe mu bakinnyi bahamagawe mu ikipe y’igihugu y’u Burundi, ndetse mu bakinnyi iyi kipe yaguze, akaba ari umwe mu bakinnyi bahagaze neza.
Umunyezamu mukuru wa APR FC. Ni umwe mu bakinnyi bashya APR FC yinjije muri uyu mwaka w’imikino, akaba ari umwe mu banyamahanga baguzwe mbere. Pavelh Ndzila ni umwe mu bakinnyi bitezwe cyane muri uyu mwaka w’imikino.
