Author: webrwanda

Byabaye kuri uyu wa Gatanu tariki 18 Kanama 2023 muri Village Urugwiro. Davido yari kumwe na Masai Ujiri washinze Umuryango Giants of Africa, uteza imbere impano mu rubyiruko rwiyumvamo umukino wa Basketball mu bihugu bitandukanye byo muri Afurika.

Mu 2014 Davido yataramiye i Kigali ndetse no mu 2018 atanga ibyishimo ku banya-Kigali. Ni ku nshuro ya gatatu agiye gutaramira i Kigali.

Mu 2022, Davido yavuze uburyo yiyumvise ubwo yabonaga Perezida Paul Kagame amwakira ku kibuga cy’indege mpuzamahanga cya Kigali, mu 2014, ubwo yasesekaraga Kigali mu gitaramo cyo Kwibohora cyiswe ‘Niwowe’.

Uyu munyamuziki ugezweho muri iki gihe mu ndirimbo ‘Unavailable’ yavuze ko afitanye umubano na ba Perezida benshi batandukanye. 

Yavugaga ku bintu byaranze umwuga we, mu kiganiro n'ikinyamakuru cyo mu Bufaransa gikunda gukora amakuru ku mideli n’ubuhanzi, ‘French Fashion Magazine’.

Davido yavuze ko umwuga we wamuhiriye akaba yaragiye atungurwa na byinshi, nko guhura na ba Perezida batandukanye, ariko akagaruka ku rwibutso rwe ubwo yahurana na Perezida w’u Rwanda, Paul Kagame muri 2014.

Davido yagize ati: “Ni ibintu biba bidasanzwe kugera mu gihugu no kubona ikaze rya Perezida. Ndibuka ko nageze mu Rwanda  ari ibintu byiza cyane, Perezida yaje kuntora/kumfata ku kibuga cy’indege ubwe'.

Akomeza avuga ko ari ibintu by’agaciro kuri we k’iteka. Ati “Ibintu nk’ibi bituma numva meze neza kuri njye, kandi nkishimira ibyo niyemeje.”

“Kumenya ko nshobora kubona Perezida nkashobora kuvugana na we.  muri iki gihe, vuba aha nahuye na benshi mvugana n’abo imbona nkubone.”

“Niyo mpamvu nkomeza kwibwira no gutekereza ko nazinjira muri Politiki, biba ari byiza nkazicara kuri iyo ntebe ibintu bigahinduka'.

Davido yageze i Kigali mu gitondo cyo ku wa Kane ari mu ndege ya RwandAir ahita yerekeza kuri Marrioot Hotel.

Mu masaha y'umugoroba yatunguye abakinnyi bitabiriye imikino ya 'Giants of Africa' arabasura, kandi bagirana ibiganiro anabaririmbira agace gato k'indirimbo ye 'Unavailable'.

Uyu muhanzi ategerejwe mu gitaramo kizaherekeza iserukiramuco 'Giants of Africa' kizaba kuri uyu wa Gatandatu tariki 19 Kanama 2022 muri BK Arena. Azahurira ku rubyiniro na Bruce Melodie, Tyla ndetse na Tiwa Savage.

Mu 2016 Davido yasinye amasezerano mu inzu ifasha abahanzi ya muzika ya Sony Music. Nyuma y'amezi make yatangaje ko yafunguye Label ye yise 'Davido Music Worldwide' ibarizwamo abahanzi nka Dremo, Yonda ndetse na Peruzzi.

Mu 2019, Davido yasohoye album ye ya kabiri yise 'A Good Time' nyuma y'indirimbo nka “If”, “Fall”, “Assurance”, “Blow My Mind” na “Risky”.

Muri uriya mwaka kandi, ikinyamakuru New African Magazine cyamushyize ku rutonde rw'abanyafurika 100 bavuga rikijyana.

Ku wa 13 Ukwakira 2020 yasohoye album ye ya Gatatu yise 'A Better Time'. Ku wa 31 Werurwe 2023, yasohoye album ye ya kane yise 'Timeless'. Ni umwe mu bahanzi bo muri Afurika bakurikirwa cyane ku rubuga rwa Instagram na Twitter.   

Perezida Kagame yakiriye muri Village Urugwiro, umunyamuziki Davido

Mu 2022, Davido yatangaje ko yakozwe ku mutima n’ukuntu Perezida Kagame yamwakiriye ku kibuga cy’indege- Aha yamwakiriye muri Village Urugwiro

Masai Ujiri washinze Giants of Africa [Uri uburyo] yari kumwe na Davido muri Vilage Urugwiro 

Mu 2014, Perezida Kagame ari kumwe n’umuryango we bakiriye ku kibuga cy’indege Davido

“>KANDA HANO UREBE AMASHUSHO Y’INDIRIMBO ‘UNAVAILABLE’

“>

Iyi ndirimbo yamuritswe mu muhango wo kwizihiza ubuzima bwa Buravan umaze umwaka umwe yitabye Imana. Wabaye ku mugoroba wo kuri uyu wa Kane tariki 17 Kanama 2023 ubera ku ishuri “Twaje Cultural Academy” ryigamo abanyeshuri 20.

Iyi ndirimbo Buravan yakoreye ababyeyi be yatunganyijwe na YB Foundation igaragaramo Ngarambe François Xavier n'umugore we Kagoyire Yvonne Solange n'abandi barimo Se.

Mu gitero cya kabiri, uyu muhanzi aririmba agira ati 'Wowe utonesha umutware utwarana ineza. Ugira iyo uva ugenda nka so sogokuru. Imfura y'I Rwanda karuhorane papa. Nseko nziza. Uwukunda niwe Ikunda. Wowe ndwara nkaremba. Nakwishima ukizihirwa mama nakwitura iki?”

Uyu muhango wo kwizihiza ubuzima bwe witabiriwe n’abahanzi barimo Tom Close, Aline Gahongayire, Nel Ngabo, Ruti Joel, Ibihame by’Imana, Michael Makembe, Massamba Intore, Producer Clement, Bukuru Christian, Sharon, Angel&Pamella, Uwitonze Clementine [Tonzi], Ben Kayiranga n’umufasha we, Muheto Divine wabaye Miss Rwanda 2022, Ngarambe Francois n’umugore we n’abandi.

Kwizihiza ubuzima bwe byahuriranye no gutaha ishuri ryigisha abakiri bato umuco. Mutoni Raissa, mushiki wa Buravan wavuze mu izina ry’umuryango yavuze ko iri shuri rigamije “gukuraho icyuho kiri hagati y’abantu bakuru cyane bazi umuco cyane natwe turiho dukura, twifuza kuwumenya kugirango uwo murage dukomeze tuwuhabwe natwe tuzawuhe abandi bazadukurikira.’ Ati “Icyo ni nacyo Yvan yifuzaga’.

Mutoni Raissa yavuze ko kuva umuvandimwe we yakwitahira kwa Jambo yakomeje kumutekerezaho, asanga ‘ntabwo yari amuzi neza’. Ati “Nari nziko muzi, ariko nasanze ntari muzi neza.”

Yavuze ko musaza we yari umuntu warangwaga n’urukundo rwinshi, ku buryo atari yarigeze abibona neza. Avuga ko yarangwaga n’umunezero, ku buryo nk’iyo umuryango wateranye, babona ko yasize icyuho cy’ibyishimo batakibona.  

Mutoni yavuze ko basubije inyuma amaso basanga ntawigeze ahitiramo Buravan icyo azakora. Kuko ubwana bwe bwaranzwe no gukunda umuziki, kugeza ubwo yari afite imyaka 14 yitabiriye irushanwa ry’umuziki ryamuhesheje igihembo cya Miliyoni 1.5 Frw.

Yavuze ko ubuzima bwa Buravan bumuha amasomo menshi. Kuko yisobanukiwe akiri muto. Ngo ubwo yari afite imyaka 14, yababwiye ko azakora umuziki mu buryo bw’umwuga, kandi ababwira ko adashaka kuwukora mu buryo bwo kwishimisha.

Ubwo yari asoje amashuri yisumbuye ku myaka 18, Buravan yagiye mu itorero yiga kubyina, agejeje imyaka 20 atangaza ko yinjiye mu muziki mu buryo bweruye.

Mutoni avuga ko Musaza we Mukuru we ariwe wafashije Buravan gutangira umuziki. Kandi ko ubwo yiteguraga kwinjira mu muziki yakoresheje ibirori byo gutangira urugendo rwe rw’umuziki.

Uyu mubyeyi avuga ko Buravan yari afite intego zo gukora umuziki, ariko kandi akubakira ku gukorana n’abandi kugeza umuziki w'u Rwanda ku rwego mpuzamahanga.

Yavuze ko bitewe n’intego yari afite ‘ibintu bye byarihutaga’. Asobanura musaza we nk’umuntu ‘wabaniraga neza abandi ‘kugeza n’uyu munsi mukaba mukitubanira’.

Raissa anavuga ko ubwo musaza we yahatanaga muri Prix Découvertes RFI 2018, yavugaga ko azayegukana. Ati “Koko nk’uko yabivugaga arayitwara.”

Buravan akimara kwegukana kiriya gihembo, nibwo yagize igitekerezo cyo gutangira umuziki ufite umwimerere nyarwanda, bituma yinjira muri gakondo ‘kugirango azabone ibyo yereka Isi’. Ati “Urugendo yararutangiye koko, arabikora.”

Mutoni avuga ko ubwo musaza we yatangiraga urugendo rwa gakondo, benshi batabyumvaga ariko yarashikamye kugeza agaragaje icyo ashoboye.

Buravan aho yagiye aririmba hose, yakoraga uko ashoboye ‘Band’ imucurangira igatangiza 'Rwanda Nziza' indirimbo yubahiriza u Rwanda.

Igihe cyarageza Buravan atangira kuvanga umuziki wo hambere ndetse n’umuziki ugezweho kugirango ajyanishe n’ibyo urubyiruko rwiyumvamo.

Ibi byatumye atanga umushinga wahembwe na Imbuto Foundation, kubera uruhare wari ufite mu guteza imbere umuco.

Mutoni Raissa yavuze ko Buravan yagize igitekerezo cyo gushinga ishuri ryigisha umuco ‘kubera uburyo yabonaga ko abakiri bato batari kuvuga cyane ikinyarwanda’.

Mike Kayihura yaririmbye indirimbo ‘Zuba’, avuga ko Buravan yayikundaga cyane

Itorero Ibihame by’Imana, Yvan Buravan yaryigiyemo guhamiriza ryamutaramiye biratinda

Umuhanzi Ben Kayiranga ari kumwe na Mutoni Raissa, mushiki wa Buravan

Umuhanzikazi Bukuru Christian yaririmbye muri uyu muhango-Avuga ko hari byinshi yigira kuri Buravan

Abarimo Angel na Pamella bitabiriye kwibuka Buravan umaze umwaka umwe yitabye Imana

Umuhanzi Tizzo wo mu itsinda rya Active ari mu bitabiriye uyu muhango wabereye ku ishuri ryitiriwe Buravan

Umunyamakuru wa Kiss Fm, Sandrine Butera Isheja ari kumwe n’umugabo we Peter Kagame

Massamba Intore wizihiza imyaka 40 ari mu muziki yitabiriye uyu muhango wo kwibuka Buravan, umuhanzi yigishije igihe kinini

Massamba ari kumwe na Peter Kagame, umugabo wa Sandrine Isheja

Mutoni Raissa yashimye imiryango, inshuti n’abandi bababaye hafi cyane muri iki gihe

Umubyeyi wa Buravan [Uwa kabiri uvuye ibumoso] agaragara mu ndirimbo umuhungu we yamukoreye

Mutoni Raissa ari kumwe na Ngarambe n’umugore we Solange bagaragara mu ndirimbo ‘Ituro’

Uwimana Basile wari umusangiza w’amagambo muri uyu muhango wo kwibuka Buravan

Producer Ishimwe Clement ari kumwe na Nel Ngabo bitegereza bimwe mu bikorerwa mu ishuri ryitiriwe Buravan

Umuhanzi Ruti Joel yaririmbye muri uyu muhango nyinshi mu ndirimbo za Buravan, babanye igihe kinini

KANDA HANO UREBE AMASHUSHO Y’INDIRIMBO ‘ITURO’ BURAVAN YAHIMBIYE ABABYEYI BE

“>

Rayon Sports yatangiye shampiyona neza ubwo yatsindaga Gasogi United 2-1 mu mukino w’umunsi wa mbere wabaye kuri uyu wa Gatanu.

Uyu munsi nibwo Shampiyona y’icyiciro cya mbere mu Rwanda umwaka w’imikino wa 2023-24 yatangiye Gasogi United yakira Rayon Sports kuri Kigali Pelé Stadium.

Ni nabwo bwa mbere iyi Shampiyona yari igiye gukinwa yitwa ‘League’ nyuma y’uko FERWAFA iyirekuye ikajya mu maboko y’amakipe akaba ari yo ayitegurira.

Rayon Sports yabonye amahirwe ya mbere ku munota wa 6 ubwo Ojera yahinduraga umupira imbere y’izamu ariko hakabura uwushyiramo.

Rayon Sports yari mu mukino neza, Charles Baale yatsindiye iyi kipe igitego cya mbere ku makosa ya myugariro Henok wataye umupira akawuhusha.

Nyuma yo guhererekanya neza abakinnyi ba Rayon Sports binjiranye ubwugarizi bwa Gasogi wabonaga buhuzagurika maze Ojera atera ishoti mu izamu umunyezamu awukuramo maze Youssef Rharb ahita awushyira mu nshundura yongera guhagurutsa abafana ba Rayon Sports ku munota wa 18.

Rayon Sports yakomeje gushyira igitutu kuri Gasogi United ariko ubusatirizi mu minota yakurikiyeho bugorwa no kubyaza umusaruro amahirwe babonye harimo nk’umupira ukomeye wa Luvumbu wo ku munota wa 45 umunyezamu yakuyemo.

Gasogi United yagiye igerageza amahirwe ariko nta mahirwe afatika yabonye maze amakipe ajya kuruhuka ari 2-0.

Iminota 5 ya mbere y’igice cya kabiri wabonaga Gasogi United ikinira cyane mu kibuga cya Rayon Sports ariko n’ubundi ikagorwa no kureba mu izamu ryari ririnzwe na Hategekimana Bonheur.

Ku munota wa 51, Charles Baale yateye ishoti rikomeye ariko umunyezamu awukuramo.

Rayon Sports yakoze impinduka za mbere ku munota wa 62, Youssef Rharb yahaye umwanya Iraguha Hadji ni mu gihe Gasogi United yari yakoze impinduka za kabiri aho Ishimwe Kevin yari yahaye umwanya Hakim. Mu gice cya mbere Jean de Dieu yasimbuwe na Mugabe.

Bitandukanye n’igice cya mbere, Gasogi United mu gice cya kabiri yageragezaga gusatira ariko ikagorwa no gutera mu izamu.

Ku munota wa 75, Kalisa Rashid na Ngendahimana Eric binjiye mu kibuga basimbura Luvumbu na Aruna Moussa Madjaliwa.

Ku munota wa 87, Rayon Sports yakoze impinduka za nyuma ubwo Rudasingwa Prince na Bavakure Ndekwe Felix binjiye mu kibuga basimbura Joackiam Ojera na Mvuyekure Emmanuel.

Gasogi United yaje kubona igitego cy’impozamarira ku munota wa 90 kuri penaliti yatsinzwe na Malipangu ku ikosa yari akorewe na Serumogo Ali.

Amakipe yombi yakomeje gushakisha igitego ariko biranga umukino urangira ari 2-1.

Indi mikino y’umunsi wa mbere izaba ku Cyumweru no ku wa Mbere kubera ko ejo ku wa Gatandatu APR FC izakina na Gaadiika muri CAF Champions League.

Miss Nacre Africa ishishakariza abakobwa kwitinyuka bakimenyereza ibijyanye n'imiyoborere ndetse no kugira uruhare mu gufata ibyemezo bigira uruhare mu iterambere ry'igihugu. Frida Uwingeneye, Umuyobozi wa Miss Nacre Africa yabwiye InyaRwanda ko 'Umunsi nk'uyu turahura nk'urubyiruko rwiga muri za Kaminuza tukishimira ibyakozwe na bagenzi bacu ariko tukaniyemeza kugira ibyo tuzakora kuko kubungabunga ibidukikije, kurinda ibihumanya ikirere ni inshingano z'abakiri bato'.

 Yasabye abakobwa kuzana impinduka mu muryango nyarwanda bagira uruhare mu miyoborere no gufata ibyemezo bitandukanye.

 

Ni umuhango wabereye muri African Leadership University witabirwa n'abanyeshuri bo muri Kaminuza  y'u Rwanda'UR', abo muri Kaminuza ya Kigali'UK', abo muri AUCA,Kepler na UNILAK.

 

REBA AMAFOTO YEREKANA IGIKORWA

Frida Uwingeneye uyobora Miss Nacre Africa asaba urubyiruko kugira impinduka mu kubungabunga ibidukikije

Urubyiruko rwasabwe kugira impinduka bakora imishinga igamije kurwanya ibihumanya ikirere

AMAFOTO: SERGE

Josh Ishimwe umaze igihe gito mu muziki, mu kiganiro n’itangazamakuru cyabaye kuri uyu wa Kane tariki 17 Kanama, kuri Park Inn, yatangaje ko imyiteguro yose iri kugenda neza, amakorali ariteguye ndetse n’ibindi bisabwa ngo igitaramo kizagende neza bigeze kure byitabwaho.

Uyu musore w’imyaka 22 watangiye gukora uyu mwuga mu mpera za 2020, yatangaje ko bishoboka ko iki gitaramo cye cya mbere agiye gukora yise “Ibisingizo bya Nyiribiremwa” cyaba ngarukamwaka hamwe no gusenga.

Ati: “Kuba iki gitaramo cyagaruka buri mwaka kuri iri zina ry’Ibisingizo bya Nyiribiremwa, ntabwo nabihakana kandi nta nubwo nabyemeza ijana ku ijana. Ndasenga nkayoboza Imana mu bintu byose. Ninemererwa n’Imana iri muri njyewe ko bizakomeza, kuki ntabikora? Bizakomeza rwose ibisingizo bisakare cyane kuko iri ni izina ryiza rijyanye na content nkoraho iri muri gakondo.”

Josh Ishimwe n’itsinda bafatanije gutegura igitaramo batangaje ko imyiteguro irimbanije kandi nta mpungenge izo arizo zose abantu bakwiye kugira haba mu mitegurire y’igitaramo nyirizina na nyuma yaho

Ku bijyanye n’uko hari abavuga ko akoze igitaramo kare ugereranyije n’igihe amaze mu muziki, Josh yavuze kuri we no ku Mana ari cyo gihe. Ati: “Kuri bamwe ni kare, ku bandi nicyo gihe kandi iyo utinze hari igihe usanga ibintu byabaye bibi. Rero ku Mana nicyo gihe.

Kirazira ko nakora ikintu ntabanje kwemeranya n’Imana kandi nta nubwo turi kubikora kuko hari izindi nyungu tugamije zirenze, tubikora ku bw’umurimo w’Imana no ku bw’igihe cy’Imana kigeze ngo tubikore. Kuba hari abatinda kandi bamaze igihe kinini mu muziki ni uko baba bategereje uruhushya rw’Imana, iyo baruhawe barabikora baba batararuhabwa urabyumva ntabwo babihubukira”.

Josh yakomeje avuga ko bitamugora kuririmba indirimbo z’amadini atandukanye nubwo we asanzwe ari umurokore (asengera muri ADEPR) kuko atari umunyedini. Yavuze ko akora byose uko Imana imutegetse kuko abona iyo umuntu akorera idini aba adakorera Imana.

Umutaramyi Josh kandi yavuze ko yishimira ubufasha ahabwa n’abakiriho asubiriramo indirimbo ndetse anateguza abazitabira igitaramo ko bazabona bamwe muri bo.

Yavuze ko yiyemeje guhuza Gospel n’Umuco kuko asanzwe akunda u Rwanda n’umuco nyarwanda, ariko kandi akaba yaranabonye ko muri Gospel ikozwe mu njyana ya gakondo harimo icyuho, niko kuganira n’abasanzwe bamufasha babona ari ho akwiye gushyira imbaraga, abitangira atyo.

Ati: “Imana yaduhaye umuco nk’abanyarwanda dukunda, umuntu utawukunda yaba afite ikibazo ariko dufite umuco mwiza cyane. Dufite ukuntu dutega amaboko, tugacinya akadiho mu buryo bwiza cyane. Rero nta kintu cyiza nko kubona kuri iriya tariki 20 Kanama abantu bazaba babikora basingiza Imana, baramya Imana ariko mu muco wacu nk’abanyarwanda. Mubitegerezanye amatsiko bizaba ari byiza cyane.”

Mu mvugo isa n’izimije, Josh yumvikanishije ko bishoboka ko haba hari abandi bashyitsi bakomeye bazagaragara batunguranye mu gitaramo

Abajijwe niba hari abandi bakwiye kwitegwa mu gitaramo batari Christus Regnat na Alarm Ministries, Josh yahishuye ko ako ari agaseke gapfundikiye kazapfundurwa ku munsi nyirizina w’igitaramo “Ibisingizo bya Nyiribiremwa” giteganyijwe kuri iki Cyumweru muri Camp Kigali.

Ati: “By’umwihariko kuri njyewe ni abantu b’ikitegererezo muri uyu muziki. Alarm yatangiye umuziki kera cyane nkiri muto, ndetse na Christus Regnat ni korali yatangiye kera cyane, ni abantu bafite ibigwi. Rero nabatekerejeho kuko nababonagamo ababyeyi, nkababona nk’abantu bamfata ukuboko kandi bakanshyigikira, ariko hari n’abandi kugeza ubu navuga ko ari agaseke gapfundikiye.”

Josh yavuze ko iki ari igikorwa amaze igihe ategura hamwe n’Imana, ndetse ko na nyuma y’igitaramo azakomeza guha abakunzi b’umuziki we ibindi bihanano byinshi byiganjemo ibye bwite. Yanatangaje ko kubera ko abazitabira igitaramo cye atari ko bose bakunda gakondo, ariyo mpamvu atifashishije abasanzwe baririmba mu njyana nk’iye ya gakondo.

Ati: “Umuziki wanjye ni byo ni gakondo, ariko hari n’abandi bazaza bakunda n’izindi njyana. Si byiza ko wenda nakora mu njyana imwe gusa hari injyana nziza Alarm ikora nanjye nkunda cyane, ariko ‘content’ ni imwe ni ugusingiza Imana. Gusingiza Imana ntabwo bigira umupaka, amahanga yose azasingiza Imana mu njyana zayo.”

Mu magambo ye, ntiyashatse kwerura ngo yemeze cyangwa ahakane niba Nyakubahwa Jeanette Kagame azitabira igitaramo cye yise “Ibisingizo bya Nyiribiremwa “

Josh Ishimwe uheruka gutaramira abarimo Nyakubahwa Jeannette Kagame, yavuze ko ari umubyeyi mwiza ukunda Imana, ahishura ko kuba yakwitabira igitaramo cye kugeza aka kanya bikiri ibanga.

Yagize ati: “First Lady ndamushimira cyane aho ari kuko ni umubyeyi mwiza kandi ufasha benshi cyane cyane urubyiruko. Naho ibijyanye no kuba naramutumiye, ni ibanga murahishiwe. Gusa, ndamushimira ni umubyeyi wizihirwa ukunda Imana, uhaguruka agafatikanya n’abandi gusingiza Imana, ni umugisha ukomeye cyane.”

Josh kandi yakuyeho impungenge zirimo izo kutubahiriza amasaha, no kuba yatenguhwa na bamwe mu bo bagomba kuzafatanya mu gitaramo cy’Ibisingizo bya Nyiribiremwa cyane ko ari ibintu biri kubaho muri iyi minsi, yizeza abantu ko abo yifashishije ari abana b’Imana ndetse asanzwe afata nk’ikitegererezo cye mu rugendo rwa muzika.

Ati: “Kuba abo tuzafatanya bantenguha bakaba badahari, ibyo ntimubigireho impungenge. Biri no mu bintu byatumye mfata abantu mfata nk’ikitegererezo muri uyu muziki bamazemo igihe ari korali twese tuzi. Icyo nabizeza ni uko bazaboneka.”

Yavuze ko kuva yatangira uru rugendo nta ngorane nyinshi arahura nazo usibye gusa kuba bamwe batarumva neza injyana y’abantu bakuru akoramo ya gakondo, nubwo we abifata nk’intambwe idasanzwe yateye kandi ngo bayanatumye ashyiramo imbaraga ze zose abifashijwemo n’Uwiteka.

Yatangaje ko kandi icyigamijwe muri iki gitaramo ari uko umuntu uzaza mu gitaramo ababaye, aremerewe, azumva Imana mu gitaramo cy’Ibisingizo bya Nyiribiremwa, akongera agahembuka.

Uwari uyoboye gahunda yo gutanga ibusobanuro birambuye ku gitaramo cya Josh kitezweho guhembura benshi

Josh Ishimwe usanzwe ari umukristu wa ADEPR yatangaje ko muri Bibiliya, usibye Yesu hari n’abandi afata nk’icyitegererezo barangajwe imbere na Aburahamu.

Ati: “Muri Bibiliya ab’ikitegererezo mfite ni benshi. Mu isezerano rya kera harimo uwitwa se w’abizera, ni umugabo nkunda cyane witwa Aburahamu wabashije kumva ijwi ry’Imana akava mu byo yari arimo, akava mu muryango akareka byose, akagenda ku bwo kumva ijwi ry’Imana, ndamukunda cyane kuko niwe kitegererezo cyiza cy’abizera Imana.

Mu isezerano rishya nkunda umugabo witwa Pawulo. Pawulo ni umuntu wasakaje ubutumwa bwiza adashingiye ko ari umuyuda, niwe wari warasohoje isezerano Yesu yari yarasize avuze ryo kugera ku mpera z’isi. Nubwo yagiyeyo bakamurwanya ariko we yarabikoze aharanira ko ubutumwa bwiza bugera no ku banyamahanga.”

Ku ruhande rw’itsinda rifasha Josh, uwaje arihagarariye witw Mandela Ndahiriwe yavuze ko bari gufatanya uko bashoboye kose ngo igitaramo kizagende neza banamara impungenge abatekereza ko nabo baba nk’ab’iki gihe bagatererana Josh Ishimwe

Ndahiriwe yagize ati: “Ku bijyanye na Management team ye, reka mbamare impungenge kuko abantu bose bari mu itsinda rifasha Josh ni abakristu kandi ntibabikora ku bw’inyungu zindi ahubwo babikora kubera ko ari umuhamagaro bahamagariwe.

Nta n’umwe ugamije ikindi usibye kuba bashishikajwe n’uko ubutumwa bwiza Imana yashyize muri Josh binyuze mu njyana gakondo bwamenyekana abantu bose bakamenya Kristo. Impamvu mubona nta baterankunga benshi bagaragara kuri affiche si uko badahari ahubwo abenshi muri bo ni inshuti za Josh zitashimye kumenyekana.”

Ndahiriwe Mandela wari uhagarariye itsinda riri gufasha Josh Ishimwe muri iki gitaramo

Gakunzi David, Umunyamabanga wa Alarm Ministries, imwe muri korali zizafatanya na Josh mu gitaramo cy’Ibisingizo bya Nyiribiremwa, yahumurije abanyarwanda by’umwihariko abazitabira iki gitaramo, avuga ko badashobora gutenguha Josh ndetse bageze kure imyiteguro yose ikenewe.

Ati: “Josh tumufata nk’umuntu uca bugufi ndetse uri kuzamuka mu muziki wa gospel kandi twishimiye igikorwa cyiza yatekereje gukora. Natwe nka Alarm twishimiye kumufasha mu bikorwa byose yitegura gukora, ntabwo dushobora kumutenguha kuko nta nubwo turabikora.

Ubikora hari indangagaciro za gikristu aba adafite, ariko nka Alarm tutitabiriye ubutumire bwa Josh ndizera ko n’ijuru abantu bataribona. Uretse gusa no guhemukira umuntu ku isi n’Imana twaba tuyihemukiye. Turiteguye, repetition turi kuzikora neza, turimo turamusengera mu buryo ubwo ari bwo bwose bifatika kugirango Imana uzabane nawe muri kiriya gitaramo.

Twiteguye kumufasha mu buryo bwose azatwiyambaza kugira ngo abashe kuzamuka nawe kandi hamwe no guca bugufi twamubonyemo turizera neza ko hari icyo Imana izabikoraho kugira ngo agere ku rugero rwiza Imana ishaka, natwe turamushyigikiye mu buryo bwose.”

Umunyamabanga wa Alarm Ministries, David Gakunzi, yavuze ko baramutse bahemukiye Josh baba banahemukiye Imana

Josh ntiyashatse gutangaza byinshi ku hazaza h’umuziki we avuga ko ibyo akora byose abanza kubisengera, akagisha inama Imana akabona kubikora yabiherewe uruhushya

Josh Ishimwe umaze imyaka itatu akora umuziki wa gospel ukoze mu njyana gakondo, yatangaje ko mu gitaramo cye cya mbere afite kuri iki Cyumweru yise Ibisingizo bya Nyiribiremwa, azaririmbamo n’izindi ndirimbo zidasanzwe zinafatirwa amajwi n’amashusho bizatunganwa neza nyuma y’igitaramo bikajya hanze bikarushaho guhembura imitima ya benshi.

Josh Ishimwe umaze imyaka itatu akora umuziki wa gospel ukoze mu njyana gakondo, yatangaje ko mu gitaramo cye cya mbere afite kuri iki Cyumweru yise Ibisingizo bya Nyiribiremwa, azaririmbamo n’izindi ndirimbo zidasanzwe zinafatirwa amajwi n’amashusho bizatunganwa neza nyuma y’igitaramo bikajya hanze bikarushaho guhembura imitima ya benshi.

Kwinjira muri iki gitaramo Josh Ishimwe yise “Ibisingizo bya Nyiribiremwa”, ni 5,000 Frw mu myanya isanzwe, 10,000 Frw mu myanya yo hagati, 15,000 Frw muri VIP ndetse na 20,000 Frw muri VVIP. Ameza y’abantu batanu ni 250,000 Frw, bivuze ko umuntu umwe ari 50,000 Frw.

Amatike ari kuboneka ku Isomero rya Regina Pacis, Zion Temple Gatenga, Bethesda Holy Church Gisozi, Sainte Famille, EAR Remera, Camelia (CHIC). Kuri Momo ni *182*8*1*604473#. Ushobora no kugura itike kuri interineti unyuze kuri www.eventixr.com. Kanda HANO ugure itike. Ukeneye ko bayikugezaho aho uri wahamagara nimero: 0782051627.

Josh Ishimwe yateguje igitaramo cy’uburyohe kuri iki Cyumweru muri Camp Kigali

Reba hano andi mafoto yafatiwe mu nama Josh yagiranye n’itangazamakuru

Abanyamakuru babajije Josh Ishimwe ibibazo bitandukanye ku gitaramo cy’amateka agiye gukora kuri iki cyumweru

REBA AMASHUSHO UBWO JOSH ISHIMWE YAGANIRAGA N’ABANYAMAKURU

AMAFOTO & VIDEO: Freddy Rwigema – InyaRwanda.com

‘Zahabu’ ntabwo iri mu ndirimbo zigize album ya Karindwi, Gahongayire yakoreye muri Kina Music, kandi izasohoka muri uyu mwaka. Ni kimwe n’indirimbo azasohora mu minsi iri imbere ku itariki imwe n’iyo umwana we w’imfura yapfiriyeho.

Gahongayire yabwiye InyaRwanda ko ibihe bigoye birushya umutima yanyuzemo, ari byo byashibutsemo iyi ndirimbo. Avuga ko atari ibintu yisangije, kuko Imana inyuza buri wese mu bihe nk’ibi by’intambara igamije kumwigisha urugamba.

Uyu muhanzikazi avuga ko nyuma yo kunyura muri biriya byose, ‘Imana iguhindura zahabu’ ukaba uw’igiciro kinini ‘ku buryo nta ntambara utinya’.

Yavuze ko ‘narwanye intambara nyinshi, ndavugwa, mfata igihe cyo kwegerana n’Imana, ngira umutima ukomeye, numva ko Imana ariyo ihuza ibihe byiza n’ibibi’. Ati “Ubu navuga ko Imana yampinduye zahabu y’ubwiza butagereranywa’.

‘Zahabu’ ibaye indirimbo irenze imwe, Gahongayire asohoye yagizwemo uruhare mu myandikire na Niyo Bosco. Aba bahanzi bombi banafitanye indirimbo bise ‘Izindi Mbaraga’ yakunzwe mu buryo bukomeye

Uyu muhanzikazi yasohoye iyi ndirimbo mu gihe ari kwitegura kujya gutaramira mu Mujyi wa Dubai muri Leta Zunze Ubumwe z’Abarabu mu iserukiramuco yatumiwemo azahuriramo n’abandi.

Ni ubwa mbere iri serukiramuco ryubakiye ku ndirimbo zihimbaza Imana, ubucuruzi n’ubukerarugendo rigiye kubera muri uyu Mujyi mu murongo wo guhuza abanyafurika bo mu bihugu bitandukanye.

Ryatumiwemo Christine Shusho wo muri Tanzania, Jimmy D Psalmis wo muri Nigeria, Mike Flor wo muri Repubulika Iharanira Demokarasi ya Congo (RDC), Mercy Masika wo muri Kenya, Takie Ndou wo muri Afurika y’Epfo, Jocktant wo mu Bufaransa, Chorale Internationale yo muri RDC n'abandi.

Iri serukiramuco ryanatumiye abakozi b’Imana bakomeye barimo Prohete Neema Sikatenda wo muri RDC Congo, Bishop Brundio Nkwim wo mu Mujyi wa Paris.

Rizaba umwanya mwiza wo guhura kw’abantu bakora ubushabitsi mu ngeri zinyuranye, guhura kw’imiryango inyuranye, gutemberera mu bice bitandukanye nyaburanga by’uyu mujyi n’ibindi.

Gahongayire amaze imyaka irenga 18 mu muziki. Kandi arazwi mu ndirimbo zirimo nka ‘Ndanyuzwe’ imaze imyaka ine isohotse, ‘Ntabanga’, n’izindi.

Gahongayire yasohoye amashusho y’indirimbo ye nshya yise ‘Zahabu’

Gahongayire avuga ko iyi ndirimbo yashibutse mu bihe bikomeretsa umutimayanyuzemo

Gahongayire ari kwitegura kujya kuririmba mu iserukiramuco rizabera mu Mujyi wa Dubai

KANDA HANO UREBE AMASHUSHO Y’INDIRIMBO ‘ZAHABU’ YA ALINE GAHONGAYIRE

“>