Author: webrwanda

Zari Hassan, umuherwekazi ukomoka muri Uganda uba Afurika y’Epfo, yahaye imfura ye, Pinto Tlale impano y’imodoka amwifuriza isabukuru nziza.

Pinto wujuje imyaka 20, yashimiwe na nyina wamuhaye impano y’imodoka nshya igezweho yo mu bwoko bwa Mercedes Benz.

Zari kandi yamugeneye ubutumwa bugira buti “Isabukuru nziza Pinto Tlale. Umeze nk’aho udakunda amafoto ya wenyine… Ndagukunda kibondo.”

Si ubwa mbere ahaye umwana we impano ihenze kuko mu mpera za 2022 yari yamuhaye iPhone 14 Pro Max.

Pinto ni imfura ye yabyaranye n’uwahoze ari umugabo we, Ivan Ssemwanga witabye Imana ariko bari baratandukanye.

Mu nama y’umuryango yabaye muri 2020 yemeje ko Pinto ari we uzazungura se, imitungo ye yose ari we uyifiteho uburenganzira.

Muri 2022 kandi Zari yagize Pinto umuyobozi muto w’ishuri rye riri muri Afurika y’Epfo rya “Brooklyn City Collage”.

Impano Pinto yahawe

Zari yifurije isabukuru umuhungu we

Source : http://isimbi.rw/imyidagaduro/article/zari-yahaye-impano-y-imodoka-ihenze-umuhungu-we-ku-isabukuru-ye

Umukuru w'abatavuga rumwe n'ubutegetsi muri Kenya bwana Raila Odinga, yifatiye mu gahanga Ambasaderi wa Leta Zunze Ubumwe za Amerika muri iki gihugu, wavuze ko amatora aheruka yagenze neza ndetse cyane.

Aya matora yegukanwe na William Ruto uyu munyamerika kazi yashimye, kugera ubu Raila Odinga ntarayemera avuga ko bamwibye

Ikinyamakuru The East African cyanditse ko bwana Odinga yabwiye madame  Meg Whitman gufunga umunwa we akareka kwivanga mu bibazo bya Kenya

Iki kinyamakuru gisubiramo amagambo ya Raila Odinga agira ati 'Ndashaka kwihaniza iyo mburamukoro y'umwambasaderi iceceke ifunge umunwa. Ibibazo bya Kenya ntibikureba.'

Akongera ati 'Niba imyigaragambyo yaratumye habaho ibiganiro urumva wayinganya iki?'

Mu gushimangira ukudashimishwa n'ibyatangajwe na Ambasaderi Witman, bigaragaza ko ahengamiye kuri William Ruto, bwana Raila Odinga amwibutsa ko adafunze umunwa ashobora gusabirwa kwirukanwa mu gihugu kuko Kenya atari ubukonde cyangwa se umukoroni wa Amerika.

Amagambo ya Ambasaderi wa Amerika muri Kenya, abatavga rumwe n'ubutegetsi bayafashe nko gutera icumu mu gisebe kikiri kibisi kuko n'ubu batarashirwa kuko bahora basaba ko amajwi asubirwamo akabarwa bushya.

Ibi bisa n'ibitazakunda kuko umwaka ugiye gushira Perezida William Ruto ari kubutegetsi.

Abarebera hafi ibintu bakavuga ko Raila Odinga asa n'uhomera iyonkeje, cyane ko byaba atari ubwa mbere bibaye muri iki gihgu

Umutegetsi mukuru ariko nawe afite umutego agomba gusimbuka kuko abahafi ye bamaze iminsi basaba ko manda ya Perezida yava ku myaka 5 ikaba 10, kuko itanu ngo ni mike umuntu aba ataranashyitsa akabuno neza mu ntebe iruta izindi mu gihugu, agahita ajya mu myiteguro ya manda itaha adakoze.

Umwaka ushize Ruto yarabyamaganye ariko kuri iyi nshuro ntacyo aravuga, niba yemera ko umutegetsi wa Kenya yajya atwara imyaka 20 nta garuke.

Hagati aho ariko igihugu cya Kenya kigomba gusubiza abanyamerika miliyoni 375 z'amadorali kubaguze imyenda y'abana yakorewe muri Kenya, yagera muri Amerika bagasanga itujuje ubuziranenge.

Ikigo gishinzwe kugenzura ubuziranenge muri iki gihugu kitarukije iki kibazo k'iyi myenda Washington ivuga ko ari ibicupuri, kivuga ko nta bugenzuzi bwacyo bwakozwe.

Iyi myenda irabarirwa mu bihumbi 100 yagurishijwe abacuruzi muri Amerika, ibagezeho basanga ni ibicupuri none bagomba gusubizwa akavagari k'amafaranga yabo.

The post Odinga yifatiye ku gahanga Ambasaderi wa Amerika muri Kenya appeared first on FLASH RADIO&TV.

Source : https://flash.rw/2023/08/18/odinga-yifatiye-ku-gahanga-ambasaderi-wa-amerika-muri-kenya/?utm_source=rss&utm_medium=rss&utm_campaign=odinga-yifatiye-ku-gahanga-ambasaderi-wa-amerika-muri-kenya

Abakinnyi 3 ba Rayon Sports Gasogi United igomba kwitondera ndetse n'aba 3 barimo gutuma KNC yigamba gutsinda Gikundiro ayinyagiye

Kuri uyu wa gatanu tariki 18 Kanama 2023, ikipe ya Rayon Sports irambikana na Gasogi United mu mukino ufungura Shampiyona sezo 2023/2024 igiye gutangira gukinwa mu buryo bwa League.

Uyu mukino wakaniwe cyane n'impande zombi bijyanye n'amagambo Perezida wa Gasogi United yatangaje avuga ko azatsinda Rayon Sports ibitego 4-2 nubwo kuva yazamuka mu cyiciro cya mbere yayitsinze umukino umwe gusa mu mikino 10 bamaze gukina.

Abakinnyi ikipe ya Rayon Sports ifite hafi ya bose abantu bemeza ko ari beza ariko KNC mu byo yatangaje yavuze ko ntamukinnyi afite unganya ubushobozi n'abakinnyi be nubwo yafashwe nk'uwuri kwikinira kubera ko asanzwe atangaza ibintu ntibibe.

Abakinnyi 3 Gasogi United ifite ubona ko bateye ubwoba kurusha abandi ndetse n'ikipe ya Rayon Sports igomba kwitondera bitewe ni uko ntawushidikanya ku bushobozi bwabo, barimo Muder Akbar, Lisombe liselle ndetse na Malipangu Theodore Christian.

Nubwo Gasogi United ari yo iraba yakiriye uyu mukino ntabwo wavuga ko ari yo ifite abakinnyi bo kwitondera gusa ahubwo ikipe ya Rayon Sports nayo abakinnyi barimo Joachiam Ojera, Aruna Moussa Madjaliwa ndetse na Hertier Luvumbu Nzinga bari mu bo kurebwaho cyane n'umutoza wa Gasogi United kubera ubushobozi bafite bwo kuba bakitsindira ikipe yose bahuye.

 

 

Source : https://yegob.rw/abakinnyi-3-ba-rayon-sports-gasogi-united-igomba-kwitondera-ndetse-naba-3-barimo-gutuma-knc-yigamba-gutsinda-gikundiro-ayinyagiye/

Umugore yagiye mu murima we maze acukura umwobo ashyiramo amazi ni uko maze ahamagara umuryango we bajya kwidumbaguza gusa ariko ukuntu bavuyemo basa byatumye bahabwa urw'amenyo.

Umugore wo mugihugu cya Kenya, yatunguye abantu kubera ibyo yakoze avugako ashakira abana be ibyishimo no kwimara agahinda gakabije yatewe n'umugabo we.

Uyu mugore wagarutsweho cyane na benshi mubakoresha imbuga nkoranyambaga, azwi ku izina rya Mercy

Mercy yagiye mu murima we uhinzemo urutoki ibigori n'ibishyimbo afata isuka n'igitiyo acukuramo icyobo yise 'pisine'

Muri iyi pisine uyu mugore yiyubakiye yashyizemo amazi menshi cyane kubera ibitaka byinshi amazi yahise ahinduka urwondo.

Uyu mugore n'abana be bagiye mucyondo barivuruguta karahava bameze nk'aboga muri pisine, ibi akaba ari nabyo byatangaje cyane ababonye aya mafoto.Uyu mugore yavuzeko yakoze ibi agamije gushimisha abana be ndetse ahamyako yabikoze murwego rwo kwimara agahinda gakabije yatewe n'umugabo we.

Uyu mugore yanasabye umugabo we nawe kuba yaza bakifatanya bagasangira ibi byishimo.

AMAFOTO

Source : https://yegob.rw/umugore-yagiye-mu-murima-we-maze-acukura-umwobo-ashyiramo-amazi-ni-uko-maze-ahamagara-umuryango-we-bajya-kwidumbaguza-gusa-ariko-ukuntu-bavuyemo-basa-byatumye-bahabwa-urwamenyo-amafoto/

Genda Rayon ntawutazakwiba! Rutahizamu mushya wa Rayon Sports yavuze ko afite imyaka 20 igihugu cyose cyirakangarana kuko yatangiye gukina nk'uwabigize umwuga muri 2009.

Ikipe ya Rayon Sports yabyutse itangaza ko yakiriye rutahizamu uturuka muri Cote D'Ivoire witwa Gnamien Mohaye Yvan.

Mu kiganiro yatanze yavuze ko afite imyaka 20 ndetse ko agifite inzozi zo gukinira ikipe ye y'igihugu.

Mu byukuri ntabwo uyu mukinnyi afite imyaka 20 kuko yatangiye gukina umupira w'amaguru nkuwabigize umwuga muri 2009 ahereye mu ikipe yiwabo yitwa SPORTING CLUB DE GAGNOA ndetse binavugwa ko muri za 2006 yakinaga mu makipe y'abatarabigize umwuga

Muri 2013, uyu rutahizamu yaje gukina mu ikipe yitwa Academy de Foot Amadou Diallo nayo yiwabo muri Cote D'Ivoire akinana n'Umurundi nawe wanyuze muri Rayon Sports, Kwizera Pierro batozwa na Lionnel Soccoia.

Uramutse ubaze neza ndetse ukareba no kubyangombwa by'inzira bya rutahizamu wa Rayon Sports, Gnamien Mohaye Yvan afite imyaka 36 aho kuba 20.

Uyu mukinnyi natangira gukinira Rayon Sports niwe uzaba ushaje kurusha abandi muri shampiyona y'ikiciro cyambere mu Rwanda.

Source : https://yegob.rw/genda-rayon-ntawutazakwiba-rutahizamu-mushya-wa-rayon-sports-yavuze-ko-afite-imyaka-20-igihugu-cyose-cyirakangarana-kuko-yatangiye-gukina-nkuwabigize-umwuga-muri-2009/

Stade AMAHORO i Remera, imirimo yo kuyubaka irimo kugera ku musozo nyuma y'imyaka irenga 3 itangiye kuvugururwa.

Imirimo yo kubaka Stade AMAHORO ijya gutangira abahawe imirimo yo kuyubaka, abanya-Turukia batangaje ko bizagera mu mwaka wa 2024 yarangiye ariko iyo urebye aho imirimo igeze ubona ko ntagihe kigera ku meze 6 ifite itaratahwa kumugaragaro.

Mu mafoto YEGOB twafashe ubwo twajyaga gusura ndetse no kureba aho imirimo igeze ya Stade, twabujijwe kwinjira ariko tubwirwa ko imbere muri stade naho hatangiye gushyirwamo intebe zo kwicaramo, naho inyuma ubona ko batangiye gushyiraho ibyuma byo gusakariraho ndetse no gushyiraho imigongo kuri Stade birimo kugenda neza.

 

 

Source : https://yegob.rw/stade-amahoro-imirimo-yo-kuyubaka-irimo-kugera-ku-musozo-vuba-iratangira-gukoreshwa-amafoto/

The post Perezida Kagame Paul yitabiriye imyitozo y'Ingabo isanzwe izwi nka Exercise Hard Punch appeared first on RUSHYASHYA.

Source : https://rushyashya.net/perezida-kagame-paul-yitabiriye-imyitozo-yingabo-isanzwe-izwi-nka-exercise-hard-punch/?utm_source=rss&utm_medium=rss&utm_campaign=perezida-kagame-paul-yitabiriye-imyitozo-yingabo-isanzwe-izwi-nka-exercise-hard-punch

Source : http://www.ukwezi.rw/Store/article/Inzu-ifite-ubuso-bunini-cyane-iragurishwa-bugesera

Sendeka z'abakozi mu Karere ka Nyagatare, zirasaba abikorera bo muri aka karere guha abakozi amasezerano y'akazi, kuko byafasha mu kongera umusaruro wabo bikanagabanya ikigero cy'ubushomeri mu Karere.

Ubushakashatsi bwa minisiteri y'abakozi ba leta n'umurimo bwa 2022, bugaragaza ko akarere ka nyagatare ubushomeri ku kigero cya 19.3% bigashyira ku mwanya wa 23 mu turere 30.

Umuyobozi w'Akarere wungirije ushinwe iterambere ry'ubukungu, Bwana Matsiko Gonzague, avuga ko iyi ari intambwe yo kwishimira nubwo bidahagije.

Uyu muyobozi avuga, mu rwego rwo gukomeza imihigo, hari imishinga mu ngeri zitandukanya cyane cyane mu buhinzi n'inganda nk'Akarere, bitezeho ko izatanga imirimo myinshi ku baturage ba Nyagatare.

Ati 'Ku ufatanye n'abikorera hari imishinga itandukanye turimo tuvugana nabo igiye kuza. Ibyo byose bizaba biri muri gahunda z gutanga akazi, twizera ko mu mwaka utaha ndetse n'indi iri imbere tuzaba turi ku kigero cyiza cy'abaturage bacu bafite akazi.'

Icyakora Akarere ka Nyagatare kaza mu turere 14 twa mbere, tukigaragaramo umubare munini w'urubyiruko rutari mu ishuri, mu mirimo cyangwa amahugurwa atandukanye.

 Mu mpamvu zigaragazwa,zirimo n'abasezeye mu kazi.

Aha niho Bwanda Andre Mutsindashyaka, umunyamuryango w'Impuzamasendeka y'Abakozi mu Rwanda, CESTRAR, ahera agaragaza ko ibi biterwa ahanini n'abakoresha badaha abakozi amasezerano y'akazi, n'abayatanze batanga ay'igihe gito atagirira umumaro uyahawe.

Ati 'Dusaba abakoresha rwose pee badatanga amasezerano y'akazi yanditse cyane ko biteganywa n'itegeko ry'umurimo. Kandi tugasaba ko amsezerano y'akazi atangwa ataba ay'ukwezi kumwe, ataba ay'amezi atatu kuko ayo masezerano n'ubundi ntabwo umukozi abasha kuyajyana muri Banki ngo babashe kumuha inguzanyo.'

Yakomeje agira ati 'Ahubwo bamuhe amasezerano y'igihe kitazwi cyangwa niba ari nay'igihe kizwi abe ari nk'ay'imyaka ibiri, imyaka itatu, banki ku buryo koko wa mukozi  iyo abashije kuyigana ibasha kumuha inguzanyo akabasha kugira umushinga akora. Uwo mushinga akoze ubasha gutanga akazi ku muntu mushyashya, uwo nawe akabasha guteza imbere umuryango we.'

Bwana Mugume Amon, umuhuzabikorwa w'Urugaga rw'Abikorera muri Nyagatare, avuga ko nk'ubuyobozi bw'urugaga bafite gahunda mu kwezi gutaha kwa Nzeri  yo kwegera abanyamuryango no kugenzura imikorere yabo, bityo ko iyi ngingo baziyerabaho byimbitse.

Ati 'Barimo baravugana nabo kugira ngo basuzume koko ese ikibazo cyo kudatanga amasezerano arambye y'abakozi yaba koko ari byo? Ariko ndizera neza ko ibyo nabyo mubyo tugiye gutangira gukora muri uku kwezi kwa Cyenda guhera tariki ya Mbere, ibyo byose bizasuzumwa tukareba koko niba aribyo kandi turizera ko bizakorwa neza kurushaho.'

Muri rusange, intara y'amajyepfo  niyo iza ku mwanya wa mbere mu ntara zugarijwe n'ubushomeri, aho ifite ijanisha rya21.5%, igakurikirwa n'umujyi wa Kigali ufite 20.9%, uburengerazuba bukagira 20.8%, amajyaruguru afite 20.4%, mu gihe intara y'uburasirazuba ariyo yugarijwe n'ubushomeri kuruta izindi zose kuko ifite ijanisha rya 19.1%.

CYUBAHIRO GASABIRA GAD

The post Abikorera barasabwa guha amasezerano y'akazi abo bakoresha appeared first on FLASH RADIO&TV.

Source : https://flash.rw/2023/08/18/abikorera-barasabwa-guha-amasezerano-yakazi-abo-bakoresha/?utm_source=rss&utm_medium=rss&utm_campaign=abikorera-barasabwa-guha-amasezerano-yakazi-abo-bakoresha

Ni igikorwa ngarukamwaka kimaze kumenyerwa kuva mu mwaka wa 1980 aho ikinyamakuru kabuhariwe Forbes gikora urutonde rw’abagore b’indashyikirwa. Uru rutonde rukaba ruzwi ku izina rya ‘World’s 100 Most Powerful Women List’ bivuze abagore 100 bakomeye bavuga rikijyana ku Isi. Ibyamamarekazi by’abirabura bigera ku 10 bikaba byabashije kuza ku isonga kuri uru rutonde ngaruka mwaka.

Forbes Magazine yatangaje ko buri mwaka usanga habaye impinduka aho usanga abiraburakazi aribo bake  mu bagore 100, gusa uyu mwaka  babashije kugera mu icumi mu gihe wasangaga mu bagore 100 harimo 5 cyangwa 6 b’abirabura.

Ingero z’ahafi ni nko mu 2019 harimo abiraburakazi 3, mu 2020 hazaho 5, mu 2021 na 2022 hazaho abiraburakazi 6. Uyu mwaka wa 2023 abagore 10 b’abiraburakazi babashije kuza mu myanya y’imbere. Aba bagore kandi usanga harimo abari basanzwe bakunze kugaragara kuri uru rutonde bitewe n’imirimo yabo.

Dore abiraburakazi 10 bayoboye ku rutonde rw’abagore 100 bavuga rikijyana ku isi:

1.Kamala Harris

Visi Perezida wa Leta Zunze Ubumwe za Amerika yaje ku isonga nk’umugore uyoboye abandi muri politiki ndetse akaba ari we waciye agahigo ko kuba umwiraburakazi wa mbere utorewe kuba Visi Perezida w’igihugu cy’igihangange ku Isi.

2. Michelle Obama

Umugore wa Barack Obama wabaye  Perezida wa 44 wa Leta Zunze Ubumwe za Amerika nawe yaje ku mwanya wa kabiri mu bagore bavuga rikijyana ku Isi mu 2023. Michelle Obama umuhanga mu by’amategeko ari ku isonga mu bikorwa bye byatumye aza kuri uyu mwanya, birimo kwandika ibitabo, gushinga imiryango yita ku bana b’abakobwa bataye amashuri mu bihugu bikennye birimo ibyo muri Afurika na Aziya.

3.Oprah Winfrey

Umushoramari Oprah Winfrey akaba n’umuherwekazi yaje ku rutonde rw’abagore 100 bakomeye ku Isi nk’umwe mu bafite ikiganiro gikunzwe cyane kimaze imyaka 27 agikora ndetse ,akaba yaranashinze televiziyo ye yise ‘OWN’ aho uyu mwaka yasinye amasezerano na Apple TV ndetse aca agahigo kuba uyu mwaka ari we wakoresheje ibiganiro n’ibyamamare bikavugwa hose ku Isi. Mu biganiro bikomeye Oprah yakoze harimo icya Prince Harry n’umugore we Meghan Markle, icya Lady Gaga hamwe na Adele.

4. Beyonce

Umuhanzikazi w’icyamamare, Beyonce akaba umugore w’umuherwe Jay Z, yaje ku rutonde rw’abagore 100 bavuga rikijyana ku Isi nk’umwe mu bahanzikazi bayoboye abandi mu kwinjiza amafaranga menshi muri 2023. Beyonce kugeza ubu akaba ntawundi muhanzikazi urabasha gukora ibitaramo bizenguruka Isi nkawe dore ko ‘On The Run Tour 1& 2 ‘ aribyo bitaramo by’amateka biyoboye mu muziki. Beyonce akaba ariwe muhanzikazi wa mbere umaze guhabwa ibikombe byinshi ku Isi  bya ‘Grammy Awards’ kurenza bandi bahanzikazi.

Forbes Magazine yamwise ko ariwe Michael Jackson w’abahanzikazi mu bijyanye n’imibyinire ye ituma benshi bitabira ibitaramo bye. Iki kinyamakuru kandi cyatangaje ko Beyonce uri gukora ibitaramo bizenguruka Isi yise ‘Renaissance World Tour’ amaze kubyinjizamo miliyoni 500 z’amadolari bityo bikamugira umuhanzikazi winjiye amafaranga menshi mu bitaramo mu gihe cy’amezi abiri gusa.

5.Serena Williams

Umukinnyi kabuhariwe wa Tennis, Serena Williams yaje ku rutonde rw’abagore 100 bavuga rikijyana ku Isi nk’umwe mu bagore bari ku isonga muri siporo muri Leta zunze ubumwe za Amerika, Serena Williams kandi uyu mwaka akaba yarabashije gusangiza abantu inkuru y’ubuzima bwe n’umuvandimwe we Venus Williams babicishije muri filime ‘King Richard’ yakinnywe na Will Smith ikaba imaze kwibikaho ibihembo 3 birimo nicya Oscars nka filime nziza ishingiye ku nkuru impamo.

6. Rihanna

Icyamamarekazi Rihanna yaje ku rutonde rw’abagore 100 bavuga rikijyana ku Isi nyuma y’uko amaze imyaka 2 ariwe muhanzikazi wa mbere ku Isi ukize aho atunze arenga miliyari 2 z’idolari. Rihanna kandi uruganda rwe ‘Fenty Beauty’ rukora ibirungo by’abagore rukomeje kuyobora ku isoko ry’ubwiza.

7. Meghan Markle

Umugore w’Igikomangoma cy’u Bwongereza, Harry, nawe ari mu biraburakazi bavuga rikijyana ku Isi. Kuva mu 2022 kugeza ubu Meghan Markle ari mu byamamarekazi byavuzwe cyane bitewe na filime ‘Harry & Meghan’ yanyuze kuri Netflix ikubiyemo ubuzima bwe n’umugabo we kuva bakundana kugeza barushinze.

Forbes Magazine yatangaje ko benshi batangariye umurava wa Meghan Markle kuba yaratinyutse guhangara umuryango w’i Bwami akerekana ibibi bamukoreye ndetse ntanatinye gushyira ukuri hanze. Ibi byatumye Markle ashyirwa mu bagore berekanye umurava akabera abandi urugero.

8. Ava DuVernay

Ava DuVernay umuhanga mu gukora no kwandika filime akanaziyobora, yaje ku rutonde rw’abagore 100 bakomeye ku Isi nk’umwiraburakazi wa mbere ku Isi ufite filime zaciye ibintu kuri Netflix .Muri filime Ava yakoze zikomeje guca ibintu  harimo Queen Sugar, A Wrinkle in Time, When They See Us n’izindi nyinshi zatumye amenyekana mu ruhando rw’abatunganya filime bakoresha ubuhanga ndetse bakanibanda kuri filime zishingiye ku bintu byabayeho.

Kuri ubu Ava DuVernay ari gutunganya filime ishingiye ku buzima bw’icyamamare Nipsey Hussle wishwe arashwe mu 2019. Iyi filime izagaragaza uko uyu muraperi yazamutse, uko yashinze uruganda rw’imyenda, urukundo rwe n’umukinnyi wa filime Lauren London. Iyi filime yashowemo ifaranga n’abarimo Barack Obama na Jay Z yahawe izina rya ‘The Marathon Continues: Life Of Nipsey Hussle’.

9. Isabel dos Santos

Umugore w’umuherwekazi Isabel dos Santos ukomoka muri Angola, niwe mugore umwe rukumbi wo muri Afurika waje ku rutonde rw’abagore bavuga rikijyana ku Isi. Kugeza ubu Isabel niwe mugore utunze amafaranga menshi muri Afurika aho afite asaga miliyari 3.5 z’amadolari. 

10. Shonda Rhimes

Umwanditsi n’umuyobozi wa filime kabuhariwe akaba anafite inzu (Studio) itunganya filime ,ari mu bagore bakomeye mu ruhando rwa sinema. Shonda Rhimes akaba azwiho kuba akunze gukoresha abakinnyi ba filime b’abirabura ndetse akanatunganya filime zishingiye ku buzima bugoye abirabura babamo muri Amerika.

Muri filime zamenyekanye cyane Shonda Rhimes yakoze harimo iyitwa ‘Scandal’ ishingiye kuri politiki, ‘Grey’s Anatomy’ ishingiye ku baganga hamwe na ‘Inventing Anna’ ishingiye ku buzima bw’umugore w’umutekamutwe wayogoje umujyi wa New York witwa Anna Delvey.

Aba akaba aribo birabura bonyine babashije kuza ku rutonde rw’abagore 100 bakomeye ku Isi mu gihe abandi 90 basigaye ari abazungu barimo Melinda Gates, Theresa May,Angela Merkel,Ellen Degeneres,Taylor Swift,Reese Witherspoon hamwe n’abandi benshi.

Source : https://inyarwanda.com/inkuru/133320/abiraburakazi-10-bayoboye-urutonde-rwabagore-bavuga-rikijyana-ku-isi-amafoto-133320.html