Author: webrwanda

Urukiko Rukuru rwakatiye Ishimwe Dieudonné uzwi nka Prince Kid, igifungo cy'imyaka itanu rumuhamije ibyaha byo gukoresha undi imibonano mpuzabitsina ku gahato no gusaba cyangwa gukora ishimishamubiri rishingiye ku gitsina.

 

Aba baririmbyi bavuga ko impamvu nyamukuru bateguye iki gitaramo ku bufatanye bw’amakorali abiri kandi akomeye, “ni uko Vuzimpanda ari yo Injili Bora, mu magambo make dufitanye ubucuti butari ubwa none, tumaranye igihe kirere tuziranyeho byinshi kandi turi n’abo mu itorero rimwe”.

Iki gitaramo “Urukundo Live Concert” kizabera muri Kigali – Kimironko, ku rusengero rwitwa Wells Salvation Church. Kizaba ku cyumweru tariki 5 Ugushyingo 2023. Kizaririmbamo Vuzimpanda choir, Injili Bora choir, Rehoboth Choir n’abandi batari batangazwa.

Mu kiganiro na inyaRwanda, Hakizimana Jean Damascene, umuyobozi wa Vuzimpanda choir izwi mu ndirimbo “Igira neza” akaba n’umuhuzabikorwa w’iki gitaramo “Urukundo Live Concert”, yavuze ko umusaruro wa mbere w’iki gitaramo kidasanzwe “ni uko imitima ya benshi izahembuka”.

Ntibikunze kubaho kubona amakorali ahuza imbaraga agafatanya gutegura igitaramo. Ahubwo usanga korali yo mu itorero runaka itegura igitaramo igatumiramo undi mutwe w’abaririmbyi wo mu rindi torero, ni bacye usanga batumira abo basengana kubera ahanini baba bari mu cyo wakwita ihangana. Vuzimpanda na Injili Bora, bo banditse amateka y’ubufatanye budasanzwe.

Hakizimana yavuze kandi ko kuba barateguye iki gitaramo ari amakorali abiri yishyize hamwe kandi yo mu Itorero rimwe, “bizabera urugero andi makorali nk’ikimenyetso cy’ubufatanye n’urukundo”. Yongeyeho ko bazaba bari gukusanya inkunga izafasha Injili Bora mu rugendo rw’ivugabutumwa ifite muri Kenya muri uyu mwaka.

Twamubajije uko EPR ikorana n’abaririmbyi bayo, avuga ko “EPR ni itorero ryiza rifatanya n’abaririmbyi baryo, muri rusange ibikorwa byose byateguwe tubimenyesha inama zibishinzwe”. Yavuze ko iri torero rishyigikira amakorali yaryo “hakurikijwe igenamigambi buri korali itanga buri mwaka, buri Paruwasi iba ifite ingengo y’imari igenera korali”.

Asobanura imbarutso yo guhuza imbaraga hagati ya Vuzimpanda na Injili Bora, yagize ati “Icya mbere twashingiyeho ni ibyifuzo by’abaririmbyi ku mpande zombi bakomeje kubidusaba kubera ubufatanye dufitanye. Ni ugushakisha uburyo twashyigikira urugendo rw’ivugabutumwa inshuti zacu ziri kwitegura kujyamo muri Kenya kuwa 8/12/2023.

Korali Vuzimpanda ikorera umurimo w’Imana muri EPR Kamuhoza. Yavutse kuwa 15/2/1997, ikaba ifite abaririmbyi 64. Intego yabo y’ibanze ni ukuvuga ubutumwa bwiza bwa Yesu Kristo, kugeza abantu ku Mana no gukiza imitima yihebye. Umwihariko wabo ni uko abana babyawe n’abaririmbyi babo, nabo bahita baba abaririmbyi muri Vuzimpanda.

Muri Vuzimpanda, barasabana cyane, nta muntu mukuru cyangwa umuto, “twese turangana kuko duhuriye ku murimo w’Imana”. Bakora kandi imirimo itandukanye nko kubakira abatishoboye. Babanje kwitwa Korali ya Nyabugogo, nyuma baza kwitwa Vuzimpanda. Igitekerezo cyo gushinga Korali cyatanzwe n’umubyeyi witwaga Kantarama Bonitirida’.

Injili Bora ni imwe mu makorari akomeye mu Rwanda kubera imiririmbire itangaje kandi yihariye yayo. Ibarizwa mu itorero EPR (Eglise Presbyterienne au Rwanda) Paruwase ya Gikondo. Yamamaye mu ndirimbo zitandukanye zirimo “Shimwa” yatumbagije ubwamamare bwabo n’izindi. 

Mu 2019 bakoze igitaramo gikomeye bise “Nzakambakamba Live Concert” bitiriye indirimbo yabo ‘Nzakambakamba’, cyabereye kuri Bethesda Holy Church. Ni igitaramo iyi korari yatumiyemo andi matsinda nka Gisubizo Ministries, True Promises na Healing worship Team.

Injili Bora ya EPR Gikondo igiye kubanza guhurira mu gitaramo na Vuzimpanda mbre yo kwerekeza muri Kenya

Injili Bora yamamaye mu ndirimbo “Shimwa” iterwa na Jesca Mucyowera

Vuzimpanda choir ya EPR Kamuhoza ifite umwihariko w’ubumwe n’urukundo rutangaje hagati y’abaririmbyi bayo

Vuzimpanda yakoreye agashya Injili Bora yifatanya nayo mu gitaramo kizakusanyirizwmo inkunga yo gufasha injili Bora igiye kwerekeza muri Kenya muri gahunda y’ivugabutumwa

REBA HANO INDIRIMBO “IGIRA NEZA” YA VUZIMPANDA CHOIR

“>

REBA INDIRIMBO “SHIMWA” YA INJILI BORA

Titi Brown amaze imyaka 2 aburana ku cyaha cyo gusambanya umwana

Umunyamategeko wunganira umuryango w'umukobwa yasabye ko urubanza rwabera mu muhezo mu kurinda umutekano w'umukobwa bivugwa ko yasambanyijwe.

Titi Brown yasabye ko urubanza rwabera mu ruhame bitewe nuko kuva mu ntangiriro rwabereye mu ruhame. Yanongeyeho ko Abanyarwanda bakwiriye kumenya uko urubanza rumeze bityo hatazabaho kurengana.

Maitre Mbonyimpaye Elias umwunganira yibukije inteko iburanisha ko nta mpamvu yo gutinza urubanza hazamo ibyo kuregera indishyi bityo ko urubanza rwo kuregera indishyi rugamije gutinza urubanza kuko ibyo uregera indishyi ari gushingira ku marangamutima. Ati:'Uregera indishyi yaje urubanza rwaramaze gupfundikirwa rero agamije gutinza urubanza'.

Umuryango w'umukobwa wifuza ko umwana wabo ahabwa indishyi y'akababaro bitewe nuko yasebejwe mu itangazamakuru igihe amazina ye yatangazwaga kandi bitemewe n'amategeko.

Titi Brown ahakana icyaha aregwa

Inteko iburanisha yemeje ko ubusabe bwo kuburanisha mu muhezo bw'umunyamategeko uregera indishyi nta shingiro bufite. Perezida uyoboye inteko iburanisha yapfunduye urubanza akomereza ku kimenyetso cyongewe muri dosiye. Yavuze ko aho kuvuga amazina y'uwasambanyijwe hemejwe gukoresha MJ bihagarariye impine y'amazina ye.

9:50: Ubushinjacyaha bwahawe umwanya

Ubushinjacyaha bwari buhagarariwe n'abashinjacyaha 2. Basobanuye ko umwana yahohotewe kandi bagaragaza ko umukobwa yamusuye akinjira iwe 'kwa Titi Brown'. Ubushinjacyaha bwasobanuye ko MJ yinjiye mu nzu. Ikindi kandi uhereye mu nzego z'iperereza uyu mwana yagiye asobanura ko yinjiye mu nzu.

Ubushinjacyaha bwavuze ko amashusho yongewe muri dosiye yerekana ko yafatiwe mu ruganiriro'salo'. Amashusho, Ubushinjacyaha bwavuze ko yafashwe ku itariki 14 Kanama 2021 ari nabwo yasambanyijwe. Ubushinjacyaha bwanahishuye ko hari raporo yakozwe n'abahanga mu by'imitekerereze bemeza ko yahungabanye kubera yasambanyijwe. Ubushinjacyaha bwavuze ko kugeza ubu MJ afite ihungabana riturutse ku kuba yarasambanyijwe.

Titi Brown akigera muri sale yabereyemo urubanza

9:57: Titi Brown yahawe umwanya avuga ko iriya raporo nta kintu yayivugaho ahubwo umwunganizi we abe ari we ugira icyo avuga kuri raporo yakozwe kuri 21 Nzeri 2023. Yavuze ko umuhanga mu by'imitekerereze yakoze raporo nyuma y'imyaka 2 ari amaburakindi kuko ari uguhimba bigamije gutinza urubanza.

Umwunganira ati'Ibi bintu bigaragaza ko Ubushinjacyaha bugamije guhimba ibimenyetso bidafitanye isano n'icyaha umukiriya wanjye aregwa”.

Yibukije ko muganga yari gupima niba MJ yari gutangwa na muganga aho gusabwa n'ubushinjacyaha.

Titi Brown yahakanye ko amashusho yafashwe atari iwe mu rugo

Maitre Mbonyimpaye Elias yibukije ko agahinda katasuzumwe n'umuganga wamukuyemo inda katari gupimwa bisabwe n'ubushinjacyaha. Yibukije inteko iburanisha ko MJ yavuze mbere mu ibazwa rye ko atigeze ata ubwenge.

Uyu munyamategeko yibukije inteko iburanisha ko icyaha umukiriya we aregwa cyamuhama ari uko hashingiwe ku bimenyetso bya gihanga kandi byose nta kimenyetso na kimwe byabonetse bivuze ko Ubushinjacyaha bufite ibimenyetso bivuguruzanya. Yavuze ko raporo ya DNA ari ubushinjacyaha bwayizanye ndetse na raporo y'umuhanga mu by'imitekerereze ko hari aho raporo yerekana ko MJ ari muzima nta kibazo afite hakaba n'aho hasi herekana ko ngo yagize agahinda nyamara ibyo byose ni ukwivuguruza. Urubanza rurakomeje….

Titi Brown yasabye Ubushinjacyaha gusobanura uwatanze uburenganzira bwo gufata amashusho babyina

Maitre Mbonyimpaye Elias yasobanuye ko kuzana ikirego cy’indishyi z’akababaro hagamijwe gutinza urubanza

Maitre Mbonyimpaye Elias na Titi Brown

Titi Brown na Maitre Mbonyimpaye Elias bahakanye iby’amashusho yongewe muri dosiye

Titi Brown yahakanye ko amashusho atafatiwe iwe mu rugo kandi ko ayo mashusho ntaho ahuriye n’icyaha ashinjwa cyo gusambanya umwana

Titi Brown yasabye inteko iburanisha kumuha ubutabera

Titi Brown yasobanuye ko amashusho yafashwe nta muntu ubifitiye uburenganzira

Urubanza rwajemo kuregera indishyi z’akababaro

Titi Brown yahakanye icyaha aregwa cyo gusambanya umwana nyuma y’uko habuze ibimenyetso bya gihanga

Titi Brown yavuze ko umukobwa”MJ” atamusambanyije

Urubanza rwa Titi Brown rumaze imyaka 2 ruburanishwa

Amashusho yongewe muri dosiye yari guhabwa uburenganzira n’umushinjacyaha mukuru

Maitre Mbonyimpaye Elias na Titi Brown basabye ko amashusho atahabwa ishingiro

Titi Brown kuva yatangira kuburana yahakanye ko atasambanyije MJ

Umwanzuro ukaba uzasomwa tariki 10 Ugushyingo 2023 Saa Munani.

AMAFOTO: Ngabo Serge- InyaRwanda.com

Ni ubwa mbere Zuchu na Jux bagiye gutaramira i Kigali. Ni mu gihe Diamond ahaheruka mu gitaramo cyaherekeje iserukiramuco rya Giants of Africa ryahurije i Kigali urubyiruko rwo mu bihugu 16 byo muri Afurika mu rugendo rwo guteza imbere umukino wa Basketball.

Kuri uyu wa Gatanu tariki 14 Ukwakira 2024, ni bwo Trace Africa yemeje ko Diamond, Zuchu na Jux bazaba bari i Kigali mu birori byo gutanga ibi bihembo bizaba ku wa 21 Ukwakira 2023 mu nyubako y'imyidagaduro ya BK Arena.

Diamond yaje yiyongera ku rutonde rw'abanyamuziki barenga 50 bazaririmba muri ibi birori. Agiye gutaramira i Kigali nyuma y'uko mu minsi ishize yasohoye indirimbo 'Enjoy' yakoranye na Jux' iri mu zikunzwe muri iki gihe. Iyi ndirimbo yageze hanze ku wa 7 Nzeri 2023 imaze kurebwa n'abantu barenga Miliyoni 25 ku rubuga rwa Youtube.

Iyi ndirimbo muri rusange ishingiye ku gukangurira abantu kwishima no kwishimira ubuzima. Inagaruka ku gusaba buri wese kugira amahitamo meza mu guhitamo umukunzi, kuko hari igihe uhitamo ukwiye cyangwa se ugahitamo ugutera agahinda.

Agiye guhurira ku rubyiniro n'umuhanzikazi asanzwe afasha binyuze mu inzu y'umuziki wa WCB Wasafi yashinze, Zuhura Othman [Zuchu]. Bafitanye indirimbo 'Cheche' basohotse ku wa 14 Nzeri 2020 imaze kurebwa n'abarenga 35, banafitanye indirimbo 'Litawachoma' yasohotse ku wa 18 Nzeri 2020.

Uyu mukobwa amaze igihe avugwa mu rukundo na Diamond, kandi bombi ntibakunze guhisha ibyiyumviro by'abo imbere y'itangazamakuru.

Muri ibi bihembo Diamond ahatanye mu cyiciro cy'umuhanzi w'umugabo wa East Africa, mu cyiciro cy’umuhanzi w’umugabo [Best Male], n’icyiciro cy’indirimbo ifite amashusho meza [Best Music Video].

Azahurira ku rubyiniro n'abahanzi bafite amazina akomeye nka Yemi Alade (Nigeria, Mr Eazi (Nigeria), Azawi (Uganda), BNXN (Nigeria), Camidoh (Ghana), Danni Gatto (Cape Verde), DJ Illans (Reunion), Donovan BTS (Mauritius), Emma'a (Gabon);

Fireboy DML (Nigeria), GAEI (Madagascar), Gerilson Insrael (Angola), Ghetto Kids (Uganda), Goulam (The Comores), Juls (Ghana), Kader Japonais (Algeria), Kalash (Martinique), Krys M (Cameroon), KO (South Africa);

Hari kandi KS Bloom (Ivory Coast), Levixone (Uganda), Locko (Cameroon), MIKL (Réunion), Moses Bliss (Nigeria), Musa Keys (South Africa) Nadia Mukami (Kenya), Olamide (Nigeria), Pabi Cooper (South Africa), Segael (Réunion) ndetse na Show dem Camp wo muri Nigeria.

Kuri uru rutonde kandi harimo Mr Eazi, umunyamuziki w'inshuti y'u Rwanda wanashoye imari mu bikorwa bitandukanye. Yaherukaga kuririmbira i Kigali mu bitaramo bya Chop Life, kandi azahurira ku rubyiniro n'umuhanzi wo mu Rwanda, Chriss Eazy.

Chriss wamenyekanye cyane mu ndirimbo zirimo 'Inana' ari no ku rutonde rw'abahanzi bo mu Rwanda bahatanye muri ibi bihembo aho ahatanye na Bruce Melodie, Ariel Wayz, Bwiza ndetse na Kenny Sol.

Kwinjira mu muhango wo gutanga ibi bihembo bizasaba kwishyura ibihumbi 20 Frw.

Urutonde rwa mbere rw'abahanzi bari batangajwe ruriho Davido (Nigeria), Asake (Nigeria), Bamby (French Guiana), Benjamin Dube (South Africa), Black Sherif (Ghana), Blxckie (South Africa), Bruce Melodie (Rwanda), Bwiza (Rwanda), Didi B (Ivory Coast), Dystinct (Morocco), Janet Otieno (Kenya), Josey (Ivory Coast), Kizz Daniel (Nigeria);

Lisandro Cuxi (Cape Verde), Locko (Cameroon), Mikl (Reunion), Perola (Angola), Plutonio (Mozambique), Princess Lover (Martinique), Ronisia (France), Rutshelle Guillaume (Haïti), Soraia Ramos (Cape Verde), Tayc (France), Terrell Elymoor (Mayotte), The Compozers (Ghana) ndetse na Viviane Chidid wo muri Senegal.

Ibi bihembo bigiye gutangwa Trace Africa yizihiza imyaka 20 ishize igira uruhare mu guteza imbere abanyamuziki bo muri Afurika binyuze mu kubafasha gusakaza ibihangano by'abo.

Umuyobozi wa Trace Africa, Olivier Laouchez, aherutse kuvuga ko byatekerejweho mu rwego rwo kurenga inzitizi zibangamira iterambere ry'umuziki, biri mu ntego iyi Televiziyo ayoboye ishyize imbere kuva yatangira gukora ku mugaragaro.

Ibi bihembo ni mpuzamahanga, kandi bigamije guteza imbere abanyamuziki bafite impano zinyuranye by’umwihariko abubakiye inganzo y’abo ku muziki wa Afrobeat.

U Rwanda nirwo ruzakira umuhango wo gutanga ibi bihembo. Byatumye hongerwamo icyiciro cy’abahanzi bo mu Rwanda cyiswe ‘Best Rwandan Artist’ gihatanyemo Bruce Melodie, Kenny Sol, Ariel Wayz, Bwiza na Chriss Eazy.

Diamond agiye kongera gutaramira i Kigali nyuma yo gutanga ibyishimo muri Giants of Africa
Zuchu w'imyaka 29 agiye gutaramira i Kigali ku nshuro ye ya mbere nyuma y'imyaka itatu ishize ari mu muziki. Yamamaye mu ndirimbo zirimo nka “Yalah”, “Nyumba ndogo”, “Sukari” n'izindi

Juma Mussa Mkambala [Jux] w'imyaka 34 y'amavuko ategerejwe muri Trace Awards. Uyu musore akora cyane indirimbo zubakiye kuri RnB, Bongo Flava na Afrobeats. Yamamaye mu ndirimbo nka NitasubirI, Sugua, Juu n'izindi

KANDA HANO UREBE AMASHUSHO Y’INDIRIMBO ‘ENJOY’ YA DIAMOND NA JUX

“>

Urikiko Rukuru rwakatiye Ishimwe Dieudonne [Prince Kid] gufungwa imyaka 5 n’ihazabu y’amafaranga y’u Rwanda miliyoni 2, nyuma yo guhamwa n’ibyaha 2; Gukora ishimishamubiri rishingiye ku gitsina, gusaba no gukoresha undi ishimishamubiri rishingiye ku gitsina.

Prince Kid kuva muri Werurwe 2023, yaburanaga mu Bujurire bwatanzwe n’Ubushinjacyaha ku byaha bitatu; bitatu ari byo aregwa gukoresha undi imibonano mpuzabitsina ku gahato, gusaba cyangwa gukora ishimishamubiri rishingiye ku gitsina no guhoza undi ku nkeke bifitanye isano n’imibonano mpuzabitsina yakoreye abakobwa bitabiriye Miss Rwanda mu bihe bitandukanye, yategurwaga na Rwanda Inspiration Backup abereye umuyobozi.

Ni nyuma y’uko tariki ya 2 Ukuboza 2023 nibwo Urukiko Rwisumbuye rwagize Prince Kid umwere kuri ibi byaha uko ari bitatu.

APR FC iri mu ihurizo rishobora gutuma ifata icyemezo gikomeye cyo kuba yatandukana n’umutoza wayo Thierry Froger mu n’ibya Adil bitarakemuka.

Ubuyobozi bwa APR FC ntabwo bwishimiye umusaruro w’ikipe yabo, uretse gutsinda bigoranye n’imikinire y’umutoza Thierry Froger ntabwo buyishimiye.

Kuba barasezerewe na Pyramids FC ntibagere mu matsinda y’imikino Nyafurika ya CAF Champions League kandi yari intego nyamukuru, bwabibabariye umutoza, gusa kwihanganira gutsindwa muri shampiyona ntabwo babyiteguye.

Muri shampiyona ya 2023-24, iyi kipe imaze gukina imikino 5, yatsinzemo 3 ya Police FC batsinze 1-0, Etoile del’Est 1-0 na Musanze FC 2-1, banganyije na Marines FC 2-2 ndetse na Bugesera FC 1-1.

Uku gutsinda hamana no kunganya aho bitari ngombwa, ni kimwe mu bibabangamiye kubera ko bemeye kuva kuri gahunda ya Kanyarwanda bajya mu banyamahanga kandi baguze abo babona ko bashoboye.

Amakuru avuga ko baba barafashe umwanzuro wo gusezerera uyu mutoza ariko batinya ko ashobora kubatwara muri FIFA kandi bagifiteyo n’urundi rubanza rwa Adil Erradi Mohammed wahoze atoza iyi kipe rutararangira aho basabwe gutanga ibisobanuro kubera yareze iyi kipe kumwirukana binyuranyije n’amategeko.

Ubuyobozi bw’iyi kipe nyuma yo kunganya na Bugesera FC ku wa Kabiri w’iki Cyumweru, bwakoze inama burimo kureba uburyo bwatandukana n’uyu mutoza w’Umufaransa.

Amakuru avuga ko bwihaye umukino umwe gusa wo bari bukinemo na Mukura VS kuri uyu wa Gatanu tariki tariki ya 13 Ukwakira 2023, atawutsinda bakicarana na we bakaba batandukana ikipe igashaka undi mutoza.

Umubyinnyi Ishimwe Thierry [Titi Brown] yahakanye amashusho mashya yatanzwe n’Ubushinjacyaha ari kumwe n’umwana w’umukobwa bamurega gusambanya bavuga ko bari iwe mu rugo, avuga ko atayazi kandi atafatiwe iwe.

Nyuma yo gusubikwa inshuro 6, uyu munsi nibwo Urubanza Titi Brown aregwamo gusambanyanya umwana utujuje imyaka y’ubukure, akanamutera inda yaje gukurwamo, rwakomeje.

Inshuro ya nyuma rwasubitswe hari tariki ya 22 Nzeri 2023 ubwo hagombaga gusomwa umwanzuro ku Bujurire bwa Titi Brown bw’iminsi 30 y’agateganyo yari yakatiwe muri Kuboza 2022.

Tariki ya 22 Nzeri 2023 Urukiko rwavuze ko umwanzuro utari busomwe kuko Ubushinjacyaha bwari bwabonye ibimenyetso bishya uruhande rwa Titi Brown rugomba kwisobanuraho.

Uruhande rwa Titi Brown rwari rwasabye ko uyu musore yarekurwa kuko n’ibizami bya DNA byafahswe bitagaragaje ko uyu mubyinnyi ari we se w’umwana wakuwemo.

Mu gitondo cyo kuri uyu wa Gatanu tariki ya 13 Ukwakira 2023, Ishimwe Thierry (Titi Brown) yagarutse imbere y’Urukiko Rwisumbuye rwa Nyarugenge kwisobanura kuri ibyo bimenyetso bishya.

Mbere y’uko iburanishwa ritangira nibwo byagaragajwe muri iki kirego hiyongereyemo ikindi cy’indishyi y’akababaro cyaburanwaga na Me Safari.

Uyu munyamategeko yasabye ko iburanisha ryabera mu muhezo mu rwego rwo kubunyabunga ubuzima bwite bw’umwana, imyirodoro itakomeza kuzenguruka mu itangazamakuru hakiyongeraho n’indishyi umuryango w’uyu mwana uregera.

Titi Brown we yavuze ko nta mpamvu yo kuburanishwa mu muhezo kuko n’ubundi rwatangiye ari mu ruhame kandi n’iyo myirondoro bavuga yamaze kujya mu itangazamakuru.

Uwunganira Titi Brown, Me Mbonyimpaye yavuze ko ikirego cyiyongereyemo cyo kuregera indishyi kitahabwa agaciro kuko cyaje nyuma urubanza rwaramaze gupfundikirwa, akaba abona byarakozwe mu rwego rwo gutinza urubanza.

Urukiko rwafashe umwanzuro ko urubanza rukomeza kuburanishwa mu ruhame kuko ubusabe bwa Me Safari nta shingiro bufite.

Ubushinjacyaha bwahawe umwanya bugaragaza ibimenyetso bishya. Bwazanye ikimenyetso gishya aho bwavuze ko mu ibazwa rye Titi Brown yahakanye ko umwana atigeze yinjira mu nzu iwe ahubwo yaje akaherebera hanze agahita agenda kuko nta mwanya wari uhari.

Bahaye Urukiko amashusho agaragaza ari muri Salon kwa Titi Brown bari kumwe, ari nabwo nyuma ngo yaje kumusambanya.

Ubushinjacyaha kandi bwagaragaje ko iri hohoterwa yakorewe ryamuhungabanyije bikomeye nk’uko byagaragajwe na raporo y’umuganga wo mu mutwe yakozwe muri Nzeri uyu mwaka.

Kuri iyi raporo, Titi Brown yagize ati “iyo raporo nyakubahwa perezida w’u Rukiko ntacyo nayivugaho kuko guhungabana kwe nta ruhare nabigizemo.”

Uwunganira Titi Brown yavuze ko iyo raporo yakozwe kugira ngo batinze urubanza, kuko batumva uburyo uyu mukobwa wasambanyijwe tariki 11/8/2021 ariko raporo igakorwa muri Nzeri 2023, nyuma y’imyaka ibiri ntabwo bumva ko ari bwo yagize iryo hungabana.

Ikindi yaharagaje ko harimo kwivuguruza kuko iyi raporo mu ntangiriro ivuga ko umwana ameze neza nta kibazo afite ariko mu kuyisoza bakavuga ko uyu mwana w’umukobwa ababaye.

Ku kimenyetso cya kabiri cy’amashusho Ubushinjacyaha bwagaragaje, Titi Brown yabiteye utwatsi avuga ko aho itari iwe.

Titi Brown abajijwe niba ari we uri mu mashusho, yagize ati “umuntu urimo arasa nanjye.” Abajijwe niba umukobwa urimo ari we bamushinja, ati “na we ndabona basa.”

Yakomeje avuga ko akazi akora ari ukubyina, abyina ahantu hatandukanye aba yarahuye n’abantu benshi bagafatana amashusho arimo kubyaba yaba abafana cyangwa n’abandi. Yasabye ko uwafashe ayo mashusho yagaragazwa ndetse akagaragaza niba yari abifitiye uburenganzira.

Ubushinjacyaha bwavuze ko ayo mashusho yafashwe na telefoni ya iPhone ya Titi, bayishyize ku idirishya barayifata ndetse bushimangira ko ari muri Salon ya Titi Brown cyane ko harimo n’ifoto ye imanitse ku rukuta. Ayo mashusho ngo yohererejwe umukobwa na Titi Brown kuri Instagram.

Titi Brown yabiteye utwatsi avuga ko ayo mashusho ibyo kuvuga ngo yayohereje kuri Instagram atari byo kuko atayazi cyane ko atari we wayafashe, ikindi yongeye gushimangira ko atari iwe. N’aho ku kijyanye n’ifoto ye imanitse yavuze ko uretse ko itagaragara neza ko ari we, ariko na none ntibyaba igitangaza kuko ni umuntu uzwi (star). Yongeyeho ko ashobora kuba ari n’amashusho yahinduwe (videoshop).

Uwunganira Titi Brown, Me Mbonyimpaye na we yavuze ko aya mashusho atahabwa agaciro mu gihe hatagaragara uwayafashe kuko ibivugwa ko yohererejwe kuri Instagram, muri iyi minsi abantu biyitirira abandi ari benshi rero nabyo bishoboka.

Byongeye kandi yavuze ko Isi irimo kugenda itera imbere mu ikoranabuhanga, byoroshye cyane kuba bafata umuntu bakamwambika isura (mask) ya Titi undi bakwamwambika iy’umukobwa, rero bishoboka kuba ari amashusho yahinduwe.

Urukiko rwabajije Ubushinjacyaha niba telefoni yafashe amashusho bayifite, buvuga ko telefoni ntayo bafite kuko ari telefoni ya Titi kandi bakaba ubu ntayo bafite, bo icyo bagaragaje ari ikimenyetso kandi akaba ari amashusho y’ukuri niba uruhande rwa Titi rubihakana bakwiye kuzana umuhanga akagaragaza ko ayo mashusho yahinduwe bityo bakaba batakwivuguruza ku kimenyetso batanze. Basabye Titi n’umwunganira kubigaragaza n’ibimenyetso atari mu magambo gusa.

Uwunganira Titi Brown yongeye gushimangira ko ayo mashusho batayemera kuko “aho yahafatiwe ntihazwi, uwayifashe ntazwi nta nubwo igaragaza niba ari Ishimwe Thierry ari kumwe na MG(umwirundoro wahawe umukobwa mu Rukiko)”.

Ku kirego cy’indishyi, Me Safari yavuze ko baregeye indishyi ya miliyoni 20. Bishingiye kuri raporo ya muganga yagaragaje ingaruka byamuteye harimo agahinda gahoraho, kubura ibitotsi aterwa n’ihohoterwa yakorewe kongeraho n’amafaranga yatanzwe ajya kwa muganga bamuvuza.

Umunyamategeko wunganira Titi yavuze ko bashingiye ku kuba uregera indishyi aba agomba kugaragaza ibimenyetso bifatika kandi bakaba ntabyo bigeze bagaragaza, akaba yanananiwe kubisobanura, bumva bitagahawe ishingiro.

Yahise asaba Urukiko ko mu gihe Titi Brown yagirwa umwere yazishyurwa miliyoni 53 nk’indishyi y’akababaro, harimo miliyoni 48 z’umushahara we w’imyaka 2 amaze afunzwe kuko yakoreraga miliyoni 2 ku kwezi, kongeraho igihembo cy’umwunganira mu mategeko na we yishyuye.

Perezida w’Urukiko yavuze ko umwanzuro kuri uru rubanza uzasomwa ku wa Gatanu tariki ya 10 Ugushyingo 2023 saa 13h00.’

Ku munsi w’ejo kuwa Kane ni mugoroba, tariki ya 12 Ukwakira, ni bwo i Abidjan muri Cote D’Ivoire haberaga tombola y'Igikombe cya Afurika cya 2023, kizaba hagati ya tariki ya 13 Mutarama n'iya 11 Gashyantare 2024.

Iyi tombora yasize hamenyekane uko ibihugu bigabanyije mu matsinda maze ikipe y’igihugu ya Senegal ifite igikombe giheruka yisanga ahakomeye kuko iri kumwe na Cameroon ndetse na Cote D’Ivoire izaba iri mu rugo yisanga iri kumwe na Nigeria.

Uko tombora yose yagenze :

Mu itsinda A harimo : Côte d'Ivoire, Nigeria, Guinée Equatoriale na Guinée Bissau.

Itsinda B: Misiri, Ghana, Cap-Vert na Mozambique.

Itsinda C: Sénégal, Cameroun, Guinée na Gambia.

Itsinda D: Algerie, Burkina Faso, Mauritania na Angola.

Itsinda E: Tunisia, Mali, Afurika y'Epfo na Namibia.

Itsinda F: Maroc, Repubulika Iharanira Demokarasi ya Congo, Zambia na Tanzania.

Iyi tombora yari yitabiriwe n’abakomeye barimo abakanyujijeho mu mupira w’amaguru ndetse n’abayobozi bagiye batandukanye. 

Bamwe mu bakinnyi bari bahari barimo Abafaransa 2, Lilian Thuram na Jean Tigana. Umunya-Cameroon Didier Drogba,Umunya-Nigeria John Obi Mikel, Umunya-Maroc Achraf Hakimi, Umunya-Sénégal, Sadio Mané n'Umunya-Côte d'Ivoire Didier Drogba.

Uko amakipe y’ibihugu yisanze mu matsinda 6

Uyu muhanzi uherutse gusohora indirimbo 'Ngwino Mama' atangaje ibi mu gihe we na Marina ku wa 3 Ukuboza 2022 bakoreye igitaramo mu Mujyi wa Dubai muri Leta Zunze Ubumwe z'Abarabu.

Mu kiganiro na InyaRwanda, Yvan Muziki yavuze ko mu Ukuboza 2023 azafungura ku mugaragaro inzu y'umuziki 'Label' yashinze 'Muziki Entertainment' anagaragaze abahanzi banyuranye batangiye gukorana ibikorwa by'umuziki.

Yavuze ati 'Ndiguteganya ko mu Ukuboza 2023 nzamurika ku mugaragaro 'Label' yanjye ariko nabwo nzagaragaza abo tuzajya mu bikorwa by'umuziki. Ni 'Label' nitezeho kumfasha njyewe nk'umuhanzi ariko kandi ikanazamura bagenzi banjye.'

Nubwo uyu munyamuziki aterura ngo abikomozeho, ariko bigaragara ko yatangiye gufasha mu muziki Marina bavuzwe mu rukundo mu bihe bitandukanye.

Yvan Muziki avuga ko ibi bitaramo bashobora kuzabikorera i Burayi mu ntangiriro z'umwaka wa 2024, kandi ko bazagera mu bihugu bitandukanye bigize uriya mugabane.

Ati 'Navuga ko natangiye ibiganiro n'abantu banyuranye basanzwe bategura ibitaramo hano, ari nayo mpamvu nagiye mu Bufaransa kugirango ntegura gahunda yose, ariko mu mezi ari imbere tuzaba twangaje gahunda irambuye.'

Marina na Yvan Muziki basanzwe bafitanye ubushuti bukomeye dore ko bombi bakoranye indirimbo ebyiri zirimo 'Urugo Ruhire' ndetse na 'Intare Batinya'.

Mu myaka itanu ishize nibwo Yvan Muziki yatangiye kumvikana mu muziki yinjiriye mu ndirimbo zirimo nka ‘Kabakaba’, ‘Kayenga Yenge’, ‘Feeling’ yakoranye na Bruce Melodie, ‘Kadanse’ yahuriyemo na Uncle Austin n’izindi.

Muri muzika, Marina aherutse gusohora indirimbo yise “Oh! Nanana” yabanjirijwe n’indirimbo zirimo ‘Vanilla’, ‘Shawe’ n’izindi. 

Yvan Muziki yamaze kugera mu Bufaransa mu rugendo rwo gutegura ibitaramo azahuriramo na Marina

Yvan Muziki avuga ko mu Ukuboza 2023 azamurika ku mugaragaro 'Label' ye

Marina amaze iminsi acuditse na Yvan Muziki byagejeje ku gukorana indirimbo ebyiri 

KANDA HANO UREBE AMASHUSHO Y'INDIRIMBO 'OH! NANANA' YA MARINA

“>

KANDA HANO UREBE AMASHUSHO Y'INDIRIMBO 'NGWINO MAMA' YA YVAN MUZIKI

“>

Shalom choir yasangije abakunzi bayo n’abakunda umuziki wa Gospel muri rusange, amashusho y’indirimbo yabo bise “Rirarema”. Ni indirimbo iri kuri Album yabo ya gatatu yitwa “Uravuga Bikaba”. Ikubiyemo ubutumwa buhumuriza abari guca mu bihe by’inzitane binyuranye, ikabibutsa ko “Ijambo ry’Imana rirarema”.  

Aba baririmbyi b’i Nyarugenge baterura bagira bati “Ijambo ry’Imana rirema ibitariho bikabaho. Mu kimbo cy’umwijima ribasha kurema umucyo, mu kimbo cyo kwicwa n’inzara ribasha gutanga ibyo kurya, mu kimbo cyo kubura urubyaro, iyo Mana iradufasha tugaheka, niyo yakuye abisirayeli muri Egiputa, iyo Mana yacu ibambutsa inyanja;

Niyo yabahaye manu bari mu butayu, bararya barahaga. Yakoresheje ijambo ryayo gusa, irema manu mu butayu ntibicwa n’inzara, yaciye inzira mu nyanja itukuru, abisirayeli bahaca bemye. Iryo jambo ni ryo ridutsindishiriza, iyo tunaniwe ni ryo ridutsindishiriza, twemera ko ari ryo rizatujyana no muri bwa bwami”.

Umuyobozi Wungirije wa Shalom Choir, Jean Luc Rukundo, yabwiye inyaRwanda ko bakoze iyi ndirimbo bagamije kubwira abantu ko Imana ijambo ry’Imana rirema ibitariho bikabaho. Ati “Ni ryo ridutsindishiriza iyo tunaniwe. Mu ijambo tubaho mu buryo bw’Umwuka n’umubiri kuko rivuga ko yatanze manu mu butayu butagira amazi”.

Shalom choir iherutse guhamya ko ariyo korali ya mbere muri ADEPR magingo aya nyuma yo kwandika amateka atazibagirana aho yakoze igitaramo na n’ubu kikirahirwa. Ni igitaramo cyasoje iserukiramuco Shalom Gospel Festival rizajya riba buri mwaka.

Cyabereye mu Mujyi wa Kigali muri BK Arena kuwa 17 Nzeri 2023, cyitabirwa n’abarenga ibihumbi 10 barimo Umushumba Mukuru wa ADEPR, Rev Isaie Ndayizeye. Iki gitaramo cyasize inkuru kuko BK Arena yarakubise iruzura, abarenga 1000 basubirayo babuze imyamya kandi kibonekamo iminyago y’abarenga 90 bakiriye agakiza. 

Shalom choir yamamaye mu ndirimbo “Uravuga Bikaba”, “Nyabihanga” n’izindi, yakoze iki gitaramo mu kwizihiza imyaka 40 imaze ifasha abantu kwegerana n'Imana. Kuri uwo munsi yanatangije igikorwa cy’ubugiraneza yise 'Shalom Charity' mu gufasha abatishoboye mu bihe bitandukanye.

Umuyobozi Wungirije wa Shalom Choir, Rukundo Jean Luc, yavuze ko 'nyuma yo kubwira abantu agakiza tugomba no kububaka mu buryo bw'ubuzima. Yavuze ko iki gikorwa bazajya bagikora gatatu mu gihembwe, kandi buri wese ashobora kunyuza ubufasha bwe kuri 182#8#1#717599#.

REBA AMASHUSHO Y’INDIRIMBO “RIRAREMA” YA SHALOM CHOIR

Igitaramo cya Shalom choir cyaciye agahigo mu muziki wa Gospel

Shalom choir yabwiye abatuye isi ko Ijambo ry’Imana rirema ibitari biriho bikabaho