Author: webrwanda

Iri soko ni ngaruka mwaka. Kuri iyi nshuro ryitezwe guhuriza hamwe abarenga 2000 bo mu bihugu bitandukanye byo ku Isi, kandi rizaba ku wa 28 Ugushyingo kugeza ku wa 30 Ugushyingo 2023 muri Kigali Conference and Exhibition Village ahazwi nka Camp Kigali.

Mashariki yatangiye mu 2005 ifite intego yo gufasha filime zikorerwa mu Rwanda kubasha kugera ku rwego mpuzamahanga rya Cinema. Ryatangiye benshi mu bakoraga filime batarabasha kubona amahirwe yo guserukira u Rwanda mu mahanga.

Nyuma y'uko ritangijwe ryafunguye amarembo, abakora filime batangira kwisanga mu mahanga. Ibi ariko ntibyasubije ibibazo bikigaragara muri cinema, birimo nko kuba abakora filime n'abandika filime batabasha kubigeza ku isoko nk'uko bikwiye.

Ariko mu rugendo rwo kwishakamo ibisubizo, bamwe batangiye kuzicururiza kuri Youtube, zimwe muri Televiziyo zikorera mu Rwanda zitangira kugura filime zo mu Rwanda, ariko ntabyo ntibihagije mu gushakira isoko abakora bakanatunganya filime.

Umuyobozi wa Mashariki African Film Festival, Nsenga Tressor yabwiye itangazamakuru kuri uyu wa Kane tariki 12 Ukwakira 2023, ko mu rwego rwo kwishakamo ibisubizo batekereje gutegura igikorwa bagereranya n'isoko bise 'Masharket' aho rizahuriza hamwe abatunganya filime n'abazigura.

Asobanura ko ari 'isoko ry'abakora filime, abagurisha, abagura, abakora muri uyu mwuga bose kugeza ku bahagarariye za Televiziyo'.

Iri soko rya filime ritangijwe mu gihe muri Afurika hari amasoko abiri gusa ya filime, arimo iryo muri Afurika y'Epfo n'iryo muri Burkina Faso.

Muri rusange abahurira mu isoko rya filime ni abari mu mwuga wa cinema, abacuruza ibihangano, abakoze filime, abafite ibitekerezo, abafite inkuru banditse n'abandi.

Nsenga Tresor yavuze ko kuri iyi nshuro abarenga 2000 aribo bazitabira bari mu ngeri zitandukanye z'ubuhanzi muri cinema. Yavuze ko mu gutangiza iri soko bari mu biganiro na bamwe mu bantu bakora mu rubuga rwa Youtube, Amazon na Netflix ku buryo bashobora kwitabira.

Ni ibiganiro avuga ko bitanga icyizere kandi bigeze nibura kuri 50%. Ati 'Turacyari mu biganiro nk'abantu bo muri Netflix na Amazon, Youtube ko bashobora kwitabira iri soko rizabera mu Rwanda ariko ntibiremezwa. Turacyari mu biganiro turebe ko n'abo baza.'

Uyu muyobozi avuga ko benshi mu bakora filime bagihura n'imbogamizi zo gukora filime ariko ntibabona aho kuzigaragariza, akavuga ko iri soko rije kuba igisubizo.

Akomeza ati 'Mu isoko nkiri haza umuntu ufite amafaranga ariko udafite igitekerezo (ku bijyanye n'ikorwa rya filime) agashaka umuntu ufite igitekerezo runaka akavuga ngo nganiriza ku mushinga wawe, yakumva ari umushinga wunguka mugakorana.'

Yavuze ko gutumira ibigo nka Netflix, Youtube na Amazon biri mu rwego rwo kugirango uzabona amahirwe ibihangano bye bizanyuzwe kuri izi mbuga zikomeye ku Isi. Kuri iyi nshuro ya mbere, iri soko ry'iminsi itatu ritabirwa n'ibihugu 67 bitandukanye byo ku Isi.

Yavuze ko muri uyu mwaka biteze abantu 2000 bazava hanze y'u Rwanda, ariko bafite intego y'uko umwaka utaha iri soko rizitabirwa n'abantu ibihumbi 10.

Umuyobozi ushinzwe gutegura gahunda ya Masharket, Kayitare Lionel asobanura ko Masharket yatekerejweho mu rwego rwo kwagura aho abantu bacururiza filime. Ati 'Ni isoko rizatanga amahirwe kuri benshi. Kuko noneho n'abaguzi bo hanze turababazanira bagahura ukagerageza kuganira n'abo.'

Yavuze ko na nyuma y'iri soko bazakomeza gukurikirana abaryitabiriye mu rwego rwo kureba no gutanga inama ku byo biyemeje.

Kayitare asobanura ko mu minsi ishize bagiye muri Berlin mu isoko rya filime aho bahuririye n'abantu barenga ibihumbi 300 bitegereza uburyo hari amahirwe menshi biyemeza kubigeza no mu Rwanda mu rwego rwo gufasha abakora filime.

  

Yavuze ko iri soko rya filime ryitezweho kuzamura umubare w'abantu bakora filime mu Rwanda, kuko mu busanzwe umubare utari munini cyane. Ati 'Buriya iyo harimo guhigana bituma n'abantu bakora ibintu bifite ireme. Ibyo byose turateganya kubona Masharket ibigiramo uruhare.'

Kayitare yavuze ko iri soko rya filime rigiye kubera bwa mbere mu Rwanda ryihariye, kuko andi masoko yo mu bihugu bitandukanye usanga hari isoko ry'abavuga igifaransa, isoko ry'abavuga Icyongereza ariko ko mu Rwanda rihurije hamwe abavuga indimi zose.

Imibare igaragaza ko abantu Miliyari 1 na Miliyoni 200 bagerageza kugera ku isoko rya filime muri Afurika, kandi hashorwamo agera kuri madorali Miliyoni 400.

Kwinjira muri iri soko ni ukwishyura amadorali 450 ku bafite ibyo bazamurika, 250$ ku bantu bazitabira, amadorali 100 ku munyeshuri na 50$ ku bashaka kuzamurika ibihangano bw'abo hifashishijwe internete.

Iri soko rizanahuzwa no kuganira ku ngingo zinyuranye zirimo ibigisubiza inyuma cinema yo muri Afurika, icyakorwa, kumenyakanisha ibyiza bitatse u Rwanda n'ibindi.

Umuyobozi wa Mashariki African Film Festival, Tresor Nsenga yavuze ko 'Masharket' igiye gufasha abafite ibihangano bya filime guhura n'abaguzi

 

Umuyobozi wa Masharket, Kayitare Lionel yavuze ko hari inyungu nyinshi ku baguzi n'abacuruzi bazitabira 'Masharket'

 

Wamamaye nka Dj Emery yavuze ko mu gihe cy'iminsi itatu bazaba bacuranga umuziki ufasha bantu kuzisanga muri 'Masharket' 

Kanda hano urebe amafoto menshi mu gutangiza ‘Masharket’

AMAFOTO: Ngabo Serge-InyaRwanda.com

Rutahizamu wa Rayon Sports, Musa Esenu yavuze ko kimwe mu bintu yifuza kubona ari ukubona yahuriye mu kibuga na bagenzi be bose bakomoka muri Uganda.

Ubu Rayon Sports ifite abakinnyi 4 bakomoka muri Uganda, Musa Esenu na Ojera Joackiam bari bahasanzwe ndetse n’umunyezamu Simon Tamale na rutahizamu Charles Baale.

Aba bakinnyi uko ari bane ntabwo barahurira mu kibuga, cyane cyane mu mukino w’irushanwa.

Mu kiganiro yagiranye n’ikinyamakuru ISIMBI, Musa Esenu yavuze ko ntako bisa gukinana n’abantu mukomoka mu gihugu kimwe, gusa ngo afite inzozi zo kubona bose bahuriye mu kibuga.

Ati “Birumvikana mba numva meze neza, abakinnyi bacu bose barahari tuva mu gihugu kimwe, turahatana ni ibyishimo mu by’ukuri ni inzozi zanjye kuzabona na Baale (Charles) ari mu kibuga dukinana twese turi bane, bizanshimisha cyane.”

Byatangiye umunyezamu Simon Tamale ari we utabona umwanya, na Musa Esenu yazaga asimbuye, rimwe na rimwe akaba yarasimburaga Charles Baale.

Mu mukino uheruka wa shampiyona batsinzemo Etoile del’Est 2-1, bahuriye mu kibuga ari 3, mu izamu harimo Simon Tamale, Ojera Joackiam na Musa Esenu watsinze ibitego bya Rayon Sports.

Muri aba bakinnyi uko ari 4, Joackiam Ojera akaba ari we wenyine uba wizeye umwanya wo kubanzamo, bityo ko izi nzozi za Esenu nubwo zishoboka ariko na none zigoye.

Yari amaze imyaka 3 amwambitse impeta y’urukundo

Charles Baale ni rutahizamu mushya muri Rayon Sports, Esenu afite inzozi zo kubabona bose mu kibuga

Tamale ni umunyezamu mushya muri Rayon Sports ukishakisha

Umunyezamu w’ikipe y’igihugu Amavubi na AS Kigali, Kimenyi Yves na Uwase Muyango Claudine ukorera ISIBO TV, bagiye gukora ubukwe nyuma y’imyaka hafi 3 amwambitse impeta ya Fiançailles.

Tariki ya 28 Gashyantare 2021 nibwo Kimenyi Yves yafashe icyemezo yambika impeta y’urukundo, Uwase Muyango Claudine wegukanye ikamba rya Nyampinga uzi kwifotoza kurusha abandi muri 2019 “Miss Photogenic 2019” maze amusaba ko yazamubera umugore undi arabyemera.

Ni umuhango wabereye mu Busitani bwa Centerpiece hafi ya Kaminuza ya ULK, mu Karere ka Gasabo mu murenge wa Gisozi.

Ntabwo byahise bikunda ko bakora ubukwe ariko baribaniye nk’umugore n’umugabo ubu bakaba bafitanye n’umwana w’umuhungu, Kimenyi Miguel Yannis.

Amakuru ISIMBI yamenye ni uko ubu imyiteguro y’ubukwe bwabo irimbanyije aho buzaba mu Kuboza 2023.

Ni ubukwe barimo gutegura mu ibanga ariko inshuti zabo n’imiryango bakaba bazi neza ibijyanye n’ubu bukwe.

Bagiye gukora ubukwe nyuma y’imyaka hafi 5 y’uburyohe bw’urukundo. Mu Kuboza 2019 ubwo yaganiraga n’ikinyamakuru ISIMBI, Kimenyi Yves yavuze ko nubwo abantu bamenye urukundo rwabo muri Kanama 2019 ariko bari bamaze nk’amezi abiri bakundana ariko bari baramenyanye mbere.

Yagize ati'hari hashize igihe gito, hari igihe ikintu kiba gito ariko kigahita kikuzamo vuba vuba, ntabwo byatinze kumenyekana cyane kuko kugira ngo bijye hanze byari bimaze nk’ukwezi n’igice cyangwa 2, ni ukuvuga ko kuri twebwe hari intambwe byari bimaze gufata. Twari dusanzwe tuvugana ariko guhura twahuriye mu isabukuru (anniversaire) y’umushuti we ariko njye ni we nari ngiye kureba mpita nikomereza.'

Aba bombi bahura bwa mbere bahuriye mu isabukuru y’umukobwa wari inshuti yabo bombi batangira kugenda bavugana biza kuvamo urukundo.

Kimenyi na Muyango bagiye gukora ubukwe

Yari amaze imyaka 3 amwambitse impeta y’urukundo

Mu 2024 abategura iri serukiramuco bazaba bizihiza imyaka 10 ishize mu rugendo rw'amavugurura n'iterambere bahanze amasomo mu guteza imbere cinema Nyarwanda ikagera ku rwego Mpuzamahanga nk'imwe mu nkingi itanga umusaruro.

Mu kiganiro n'itangazamakuru kuri uyu wa Kane tariki 12 Ukwakira 2023, Umuyobozi wa Mashariki African Film Festival, Senga Tresor, yavuze ko kuri iyi nshuro iri serukiramuco rizaba ku wa 25 Ugushyingo 2023 kugeza kuya 1 Ukuboza 2023.

Avuga ko muri uyu mwaka bafite umwihariko wo kuzerekana filime zitarerekanwa ahandi muri Afurika, kandi zizaba zihataniye n'ibihembo. Ati 'Muri uyu mwaka dufite umwihariko wo kuzerekana gusa filime zo muri Afurika, filime zitarerekanwa ahandi muri Afurika ku buryo wazisanga muri Mashariki, zizaza mu irushanwa.'

Iri serukiramuco risanzwe ribera kuri Kigali City Tour, Canal Olympia na Kigali Convention Center n'ahandi rizitabirwa n'ibyamamare mu ngeri zinyuranye, abafite filime bakoze bashaka ko zizerekanwa muri iri serukiramuco, abafatanyabikorwa banyuranye n'abandi.

Yavuze ko muri uyu mwaka bakiriye filime 2,103, aho Akanama Nkemurampaka kagomba kuzicara kagahitamo filime 100 gusa zizerekanwa mu gihe cy'iminsi itandatu. Zigizwe na filime ngufi, filime mbarankuru, filime ndende, filime z'uruhererekane za Televiziyo n'izindi.

Filime itsinze muri buri cyiciro ihabwa igikombe. Tressor Nsenga avuga ko muri uyu mwaka bahisemo ko filime izajya yerekanwa na nyirayo ahari, nyuma agasobanurira abitabiriye umuhango impamvu yayihisemo n'ubutumwa bukubiyemo.

Iri serukiramuco ryatangiye kubera mu Rwanda mu 2015. Nsenga ati 'Muri uyu mwaka icyo turi gushyiramo imbaraga n'uko byibuze ntabwo byari bisanzwe bibaho, kuri iyi nshuro tuzajya twerekana filime na nyirayo ahari kugirango ku munsi ukurikiyeho habeho ibiganiro byagutse, adusobanurire impamvu y'iyo filime, uko yayikoze, ingorane yahuye nazo mu kuyitunganya, amafaranga yayishoyemo n'ibindi.

Uyu muyobozi yavuze ko filime bazahitamo igomba kuba ishingiye cyane ku mateka, ku buryo filime bahisemo bazerekana ku munsi wo gufungura ku mugaragaro iri serukiramuco izaba igaragaza uko abimukira bo muri Afurika banyura mu nyanjya kugeza bageze mu bihugu bitandukanye by'i Burayi.

Iyi filime yegukanye ibikombe bikomeye ku buryo yitezweho kuzakundwa ubwo uzaba yerekanwa i Kigali.

Mashariki African Film Festival ni iserukiramuco ngaruka mwaka rigamije kumenyekanisha filime Nyafurika ndetse n'izo mu Rwanda no kuzikundisha Abanyafurika n'Isi yose muri rusange.

Hategerejwe abantu barenga 2 000 bazitabira iri serukiramuco barimo abakora mu itangazamakuru, abakinnyi bafilime, abazitunganya n'abandi benshi bafite aho bahuriye n'uruganda rwa sinema.

 

Umuyobozi wa Mashariki African Film Festival, Senga Tresor yatangaje ko kuri iyi nshuro ya cyenda bakiriye filime zirenga 2000 zizavamo 100 zizerekanwa

Iserukiramuco 'Mashariki' rizaba kuwa 25 Ugushyingo kugeza kuya 1 Ukuboza 2023

Umunyezamu w’ikipe y’igihugu Amavubi na AS Kigali, Kimenyi Yves na Uwase Muyango Claudine ukorera ISIBO TV, bagiye gukora ubukwe nyuma y’imyaka hafi 3 amwambitse impeta ya Fiançailles.

Tariki ya 28 Gashyantare 2021 nibwo Kimenyi Yves yafashe icyemezo yambika impeta y’urukundo, Uwase Muyango Claudine wegukanye ikamba rya Nyampinga uzi kwifotoza kurusha abandi muri 2019 “Miss Photogenic 2019” maze amusaba ko yazamubera umugore undi arabyemera.

Ni umuhango wabereye mu Busitani bwa Centerpiece hafi ya Kaminuza ya ULK, mu Karere ka Gasabo mu murenge wa Gisozi.

Ntabwo byahise bikunda ko bakora ubukwe ariko baribaniye nk’umugore n’umugabo ubu bakaba bafitanye n’umwana w’umuhungu, Kimenyi Miguel Yannis.

Amakuru ISIMBI yamenye ni uko ubu imyiteguro y’ubukwe bwabo irimbanyije aho buzaba mu Kuboza 2023.

Ni ubukwe barimo gutegura mu ibanga ariko inshuti zabo n’imiryango bakaba bazi neza ibijyanye n’ubu bukwe.

Bagiye gukora ubukwe nyuma y’imyaka hafi 5 y’uburyohe bw’urukundo. Mu Kuboza 2019 ubwo yaganiraga n’ikinyamakuru ISIMBI, Kimenyi Yves yavuze ko nubwo abantu bamenye urukundo rwabo muri Kanama 2019 ariko bari bamaze nk’amezi abiri bakundana ariko bari baramenyanye mbere.

Yagize ati'hari hashize igihe gito, hari igihe ikintu kiba gito ariko kigahita kikuzamo vuba vuba, ntabwo byatinze kumenyekana cyane kuko kugira ngo bijye hanze byari bimaze nk’ukwezi n’igice cyangwa 2, ni ukuvuga ko kuri twebwe hari intambwe byari bimaze gufata. Twari dusanzwe tuvugana ariko guhura twahuriye mu isabukuru (anniversaire) y’umushuti we ariko njye ni we nari ngiye kureba mpita nikomereza.'

Aba bombi bahura bwa mbere bahuriye mu isabukuru y’umukobwa wari inshuti yabo bombi batangira kugenda bavugana biza kuvamo urukundo.

Kimenyi na Muyango bagiye gukora ubukwe

Yari amaze imyaka 3 amwambitse impeta y’urukundo

Niba ukurikiranira hafi umuziki benshi bakomeye muri wo usanga baratangiye bahatana mu marushanwa nubwo baba batayegukanye gusa byabazamuriraga izina no gukomeza kugira inyota yo gukora ibirenze ari nako biyungura ubumenyi.

Urugendo rwo gukuza impano binyuze mu buryo bw’amarushanwa Genius Records ikaba irukatajemo aho nyuma yo guhatana mu buryo  bw’ikoranabuhanga batatu bahize abandi mu majwi bahise babona itike ya nyuma y’irushanwa. 

Mu gihe abandi 15 bo bagikomeje guhatana aho ku wa 20 Ukwakira 2023 bazahatana mu buryo bw’imbonankubone ndetse guhera kuri iyo tariki kugera kuri 31 Ukwakira 2023 bakazahatana mu buryo bw’ikoranabuhanga hifashishijwe urubuga rwa noneho.com.

Muri 7 bakaba aribo bazasoza bagiye gucakirana na bagenzi babo bandi 3 bamaze gukatisha tike ya nyuma umunsi wo gusoza ukazaba ku wa 04 Ugushyingo 2023 hamenyekana abegukanye ibihembo.

Ibihembo bikaba bizahabwa batatu biyongeraho umukobwa umwe mu rwego gufasha abari n’abategarugori bakiri bacye mu muziki.

Urutonde rwabagiye guhatana muri 1/2 

1.Ishimwe Sylvie 

2.Mugisha Prince 

3.Pamela Tumukunde 

4.Shyaka Jean Pierre 

5.Mutangana Ronel 

6.Sicha 

7.Ucishamake 

8.Assuman Mubiru

9.Kevin Onell 

10.2kevin

11.Teta Alicia 

12.Utamuriza Judith

13.Khali One 

14.Wally 

15.Kīdbebe

Batatu bamaze gukatisha itike ya nyuma

1.Kenny Kennedy 

2.Muhirwa Jean Remmy

3.Umutoni Carine

UKO ABAHATANA BAHAGAZE MU MAJWI

Hari ibintu 8 ukwiriye kumenya mbere yo gutemberera i Bujumbura:

1. Kwitwaza amadolali biguhesha amahirwe yo kubona amafaranga menshi y'u Burundi kuko aba akenewe ku isoko

Ufite amadolali asamirwa hejuru

Ibiciro byo muri hoteli bibarirwa mu madolali

Mu Bujumbura amafaranga afite agaciro kandi yabuze ku isoko ni amadolali. Ukigera mu mujyi hagati ku biro by'ivunjisha, usanga ufite amafaranga y'amanyarwanda nta muntu uyashamadukira. Ni kimwe n'andi mafaranga yose ntabwo afite isoko. Iyo ufite umuntu uvunja akumenera ibanga ko nuzana amadolali aza kukuvunjira neza.

Urugero witwaje amadoali 200 y'amerika uhabwa amafaranga y'amarundi ibihumbi 860. Birumvikana ko ushaka kujya kurya ubuzima ugatembera ku kiyaga cya Tanganyika ukaba wazenguruka umujyi wose ushobora kwitwaza amadolali 300 ni amafaranga y'amarundi asaga 1,290,000 Fbu. 

Mu gihe witwaje amafaranga y'u Rwanda uhabwa atangana nk'ay'uwajyanye amadolali. Urugero niba witwaje amanyarwanda ibihumbi 200 bakuvunjiye wahabwa amafaranga y'u Burundi angana 660,000 Fbu. Biragaragara ko amafaranga y'u Rwanda kuyitwaza ari igihombo nubwo nayo kuyavunja ngo uhabwe amadolali ari ikindi kiguzi kuko ukeneye amadolali $200 wishyura amanyarwanda 251,800 Frws (1$=1259 Frws). 

Niyo uganiriye n'umuvunjayi akubwira ko amanyarwanda biza kugorana kubona uyagura kandi ko amadolali aho waba uri hose aza kukwirebera. Muri make henshi mu hahurira abafite amafaranga menshi ifaranga rikoreshwa mu kwishyura ni amadolali. Muri hoteli usanga batemera amafaranga y'amarundi ahubwo bashyira imbere amadolali ndetse n'ibiciro biba biri mu madolali.

2. Kugura simakadi ya telefoni ukigerayo

Lumitel niyo ifite murandasi yihuta ikoresha 4G

Ukinjira mu mujyi ni ngombwa kugura simcard ya sosiyete zitanga serivisi z'ikoranabuhanga imbere mu gihugu kugira ngo ubashe kuvugana n'abo wasize iwanyu ariko ukoresheje WhatsApp kuko guhamagara bihenze kurusha kugura ibiryo. 

Urugero ushaka guhamagara umuntu wasize mu Rwanda ugashyiramo airtime ya 3000 Fbu muvugana amasegonda atarenze 7. Urumva ukeneye ko muvugana umunota wakoresha ari hejuru ya 15,000 Fbu. Nyamara Brochette nini yokeje neza igura 3500 Fbu birumvikana ko kurya bihendutse kurusha guhamagara hanze y'u Burundi. 

Niyo mpamvu uzasanga abenshi bahamagara bakoresheje WhatsApp kubera ko baba baguze murandasi kandi guhamagaza amafaranga asanzwe byagusigira ubukene. Biba byiza kwitwaza Pasiporo kuko Laisser Passer ntabwo bayikubaruraho simcard keretse ubonye umunyagihugu ugutiza simcard ukazayimusubiza utashye. Ku bijyanye na murandasi iracyari hasi cyane ku buryo i Burundi amakuru yaho uyasanga kuri Facebook kurusha izindi mbuga nkoranyambaga.

3. Aho ujya hose utega Tax, nta moto iba i Bujumbura

Iyo ikirori kirangiye udafite imodoka agenda n’amaguru

Udafite amikoro ahagije ukaba waramenyereye kujya mu bice bitandukanye bya Kigali ukoresheje moto, ugeze i Bujumbura wagorwa n'uburyo bwo kugenda. Bitewe n'amateka yaranze u Burundi mu 2015 ubwo hadukaga imvururu za politiki zashakaga guhirika ku butegetsi nyakwigendera Pierre Nkurunziza benshi mu bateraga ibisasu bagendaga kuri moto.

Akurira moto agiye guturitsa inyubako runaka cyangwa se kurasa abantu benshi bari hamwe. Kuva ubwo rero moto zaciwe mu mujyi ku buryo hakoreshwa Tax Voiture aho waba ugiye hose. 

Nk'uko i Kigali moto ubona ari nyinshi ni nako Taxi i Bujumbura ziba ari nyinshi kandi kuzitega agaciro kazo kenda kungana nka moto nuko haba ibibazo by'ibikomoka kuri peteroli ku buryo udatungurwa no kubona imodoka zitonze umurongo kuri sitasiyo zicuruza Essence na Mazout. 

Nibura amafaranga make ukoresha ufashe Tax ni 5000 Fbu ugiye ahantu wagereranya n'ahagendwa na 500 Frws hano i Kigali. 

Biba byiza kuba uri kumwe n'umurundi aho ujya hose kuko iyo ufashe Tax bakumva uri umunyarwanda bongera ibiciro. Niba wari kwishyura 10,000Fbu bongeraho 5000 Fbu kuko baba bazi ko ufite agatubutse. 

Icyakora aho kugurira ibyo kurya no kunywa ibiciro ni bimwe ntabwo baguhenda. Ubaye witwaje imodoka yawe byaba byiza kugenda wujuje Essence kuko mu masaha y'ijoro station zirafunga, ikindi kugura essence biragoye kuko mu gihugu bafite ikibazo cy'ibikomoka kuri peteroli.

4. Mu mujyi wose nijoro bazimya amatara

Uhereye ku mupaka wa Nemba, Gasekebuye, Douane werekeza i Bujumbura utungurwa no kubona ugenda mu muhanda utagira amatara. Ahari amatara naho usanga azimije. Ibi si inkuru ku basazwe bagenda n'abatuye i Burundi kuko no mu mujyi hagati amatara barayazimya. Ibi barabimenyereye ko amatara iyo bwije bayazimya.

Bujumbura ya Nijoro ntabwo iba yaka

Amata ku muhanda ntabwo aba yaka

Imodoka yawe idafite amatara wacanganyikirwa

Bujumbura ya nijoro kubona ahaka itara ni ‘Mana mfasha’

5. Aho gufatira amafunguro henshi kurwana n'isazi ntabwo bitangaje!

Kuri iriya hene hari huzuyeho isazi

Brochette igura 3500 Fbu, ni 1000 Frws

Ziriya ni isazi zafashe ku ihene ibaze

Hoteli zifite inyenyeri haba isuku kuko bakira abanyamahanga. Hano ni muri Olivia Hotel yacumbikiye The Ben. Ifite inyenyeri 5

Usibye mu mahoteli akomeye ubundi ahandi kuba wakenera aho ujya kurira ka mushikake ntabwo utungurwa no gusanga kwihungura isazi nka kumwe inka yihungura umubu. Henshi mu ho Inyarwanda yagiye ishaka amakuru atandukanye wasangaga aho bafatira amafunguro huzuye isazi kabone nubwo haba ari ahantu hazwi cyane mu mujyi hose. 

Hamwe ubaza umuntu aho wafatira amafunguro akakurangira, ugatega tax nayo ikakujyana aho benshi bazi usanga aho akujyanye imbere aho bicara ari isazi, ku muryango ari isazi zituma. Ibi rero ku banyagihugu barabimenyereye ku buryo ubaye ufite umushinga wo kurwanya aya masazi wenda nk'umuti wayica cyangwa ubundi buryo byaba igitekerezo kiza cyo kurokora ubuzima bw'abagenda Bujumbura. Icyokora ahantu henshi ku kiyaga cya Tanganyika haba hari isuku kuko biragoye kurwana n'isazi.

6. Bujumbura ntibaryama

I Bujumbura mu mpera za Weeekend bahora mu birori

Mu gihe i Kigali hari amasaha yo kuba utemerewe kuba uri gufata icyo kunywa siko bimeze i Bujumbura. Amasaha yose uba uri kurya amafaranga yawe nta muntu uguhagaze hejuru. Umutekano ni wose kuko polisi iba izenguruka ireba ko nta gihungabanya umutekano. 

Usanga mu minsi isoza Weekend abanyarwanda ari benshi mu tubari n'utubyiniro tw'I Bujumbura dore ko hari imodoka zikora Tax zitwara abagenzi bava n'abajya i Bujumbura buri munsi. Umushoferi twaganiriye yabwiye InyaRwanda ko akora amasaha 24 kandi ari 80,000 Fbu angana na 25,000 Frws ku muntu uva i Kigali werekeza i Bujumbura cyangwa se uva i Bujumbura uza i Kigali.

7. Bariyeri zihagarika abagenzi

Uvuye ku mupaka ukaba ari ubwa mbere ugiye i Bujumbura byagucaga cyane. Muri buri ntara haba hari bariyeri 2. Imwe winjira mu ntara indi ugiye kuyisohokamo. Kuri buri bariyeri ubazwa ibyangombwa, imodoka ukavuga ibyo itwaye bikaba akarusho kwitwaza amafaranga avunje y'inoti za 5000 Fbu yo kugenda utanga kuri buri bariyeri kugira ngo udakererwa usobanura byinshi cyangwa se basaka imodoka yawe. 

Iyo uri mu modoka ya V8 ntabwo polisi ikubaza byinshi ahubwo baguterera amasari bakeka ko uri Umuyobozi cyangwa se Umukire. I Burundi, Umukire n'Umuyobozi bahabwa umutekano ungana. Kurya ruswa ntabwo i Burundi ari inkuru kuko yihutisha serivisi ukeneye utiriwe ukererwa mu nzira.

8. Abarundi bakirana urugwiro Abanyarwanda

Kubera ibibazo byagiye birangwa hagati y'ibihugu byombi usanga abaturage bo bafite urugwiro rwo kwakira Abanyarwanda ku buryo utungurwa n'ukuntu wakiriwe. Benshi mu banyarwanda batarajya i Burundi baracyakeka ko hari umutekano muke, nyamara ibintu byarahindutse bafite amatsiko yo kwakira buri wese ubagana.

Mu mujyi hagati i Bujumbura utubyiniro, utubari turakesha kandi ntabwo haba ikibazo cy'amasaha cyangwa se umutekano. Usanga Tax zigenda amasaha yose, ariko aho gufatira amafunguro atari mu tubari byakugora. Ukeneye gutemberera Tanganyika n'ahandi hantu hose heza baragutembereza bakagusobanurira byose uba wibaza ugataha washize amatsiko. 

Ufite inshuti yawe iba i Bujumbura ifite imodoka kumuteguza akaza kugufata akagutembereza ntabwo ari ibintu bishya kuko bagira urukundo rwo kwakira abashyitsi. Ntabwo yajya gufata amafunguro ngo agusige aho agiye hose arakujyana akakwereka inshuti ze. Iyo ugiye gutaha ubona atabishaka. Baracyafite urukundo rutarimo uburyarya.

TEMBERA BUJUMBURA YAHOZE ARI UMURWA MUKURU MBERE YA 2018

TEMBERA TANGANYIKA IKORA KURI BUJUMBURA

Ugiye i Bujumbura ugataha utageze kuri Tanganyika nta nkuru wazabona ubara ku bo wasize

AMAFOTO: DIEUDONNE MURENZI

Thierry Froger utoza APR FC yaraye mu ijoro ritari ryiza, nyuma y’uko atakarije amanota 2 ku mukino yahuyemo na Bugesera FC. Ibi byateye ikindi gihunga ku buyobozi buri kwibaza niba uyu mutoza yahambirizwa cyangwa se akaba yahabwa imikino.

Abafana nabo basa naho babivuyemo bavuga ko umutoza ari gutoza nabi ndetse imisimburize ye n’imikinishirize y’abakinnyi aribyo biri gutuma itakaza amanota. Kuva mu mwaka w’imikino 2009-2010 ubwo InyaRwanda yatangiraga kubara, ntabwo aribwo bwa mbere APR FC yatangira shampiyona bidashamaje, bikarangira yegukanye igikombe. Tugiye kurebera hamwe uko APR FC yitwara mu mikino 5 ya mbere ya shampiyona kuva 2009.

Imyaka ine y’imikino, nibwo APR FC yashoje imikino 5 yashampiyona itarengeje amanota 10. Muri iyo myaka APR FC yegukanye kandi igikombe cya shampiyona nubwo twavuga ko iba yatangiye nabi. Imyaka 3 gusa y’imikino nibwo APR FC yashoje imikino 5 idatakaje inota narimwe, aho ni 2010-11, 2018-19, 2020-21.

Ku bijyanye no kwinjiza ibitego, iyi ni inshuro ya Gatatu APR ishoje imikino 5 ya mbere ya shampiyona itsinze ibitego bike, (7) aho byabaye 2010-11 na 2016-17 aho iyo myaka yose yari yatsinze ibitego 7.

APR FC uyu mwaka ntiratsindwa umukino, ndetse bikaba bibaye ku nshuro ya 10 mu myaka 15. APR FC imaze kunganya imikino ibiri mu mikino 5 imaze gukina, ikaba ariyo mikino myinshi inganyije mu ntangiriro za Shampiyona.

Tugiye mu mibare yo mu kibuga, twavuga ko APR FC nta gikuba cyacitse, ariko bigedanye n’uburyo iri gukinamo n’uko itakaza amanota byaba impamvu yo kwirukana umutoza.

Thierry Froger yicariye intebe ishyushye nyuma yo kunganya na Bugesera FC ku maherere