Author: webrwanda

Ruboneka Bosco ukina mu kibuga hagati muri APR FC, avuga ko kuvamo mu mikino Nyafurika na shampiyona ikomeye ari kimwe mu byabakomye mu nkokora bituma batangira shampiyona nabi ariko bakaba barimo kugenda babizamo neza.

Uwavuga ko APR FC yaba yatangiye shampiyona nabi ntiyaba abenshye kuko yagiye itakaza imikino imwe n’imwe bitari ngombwa.

Nyuma yo gutsinda bigoranye Mukura VS ku munota wa nyuma mu mukino w’umunsi wa 7 wa shampiyona waraye urangiye ari 1-0 cya Victor Mbaoma, Ruboneka yabwiye ISIMBI ko ikintu cyabagoye muri uyu mukino ari uko iyi kipe yo mu Magepfo yakiniraga inyuma cyane.

Ati “nta kintu cyatugoye ni uko twaje twishyizemo gutsinda, twashyizemo imbaraga ni uko Mukura VS yakiniraga inyuma cyane niyo mpamvu kuyimeneramo byatugoye.”

Ku kijyanye no kuba baratangiye shampiyona nabi, yavuze ko no kuba barasezerewe mu mikino Nyafurika byabigizemo uruhare hakiyongeraho no kuba shampiyona ikomeye.

Ati “ntabwo ari ukutugora ni shampiyona ikomeye, ni shampiyona ikomeye, urebye urugendo twagize rwo muri Champions League urumva mu kuvayo gutyo hari ibitaragenze neza, ariko turimo kugenda tugaruka ariko na shampiyona irakomeye.”

APR FC mu mikino 6 ya shampiyona shampiyona yatsinzemo 4 inganya ibiri ya Marines FC na Bugesera FC. Ubu niyo ya mbere n’amanota 14 irusha inota rimwe Misanze FC ya mbere.

Isomwa ry’urubanza rw’Abakozi batatu ba APR FC bafungiwe ibyaha birimo amarozi ryimuriwe tariki ya 3 Ugushyingo 2023.

Aba basabiwe n’Ubushinjacyaha bwa Gisirikare gufungwa imyaka 3, bagombaga gusomerwa ejo hashize ku wa Gatanu tariki ya 13 Ukwakira ariko birasubikwa.

Muri Gicurasi 2023 nibwo haje amakuru y’uko abakozi batatu ba APR FC, Mupenzi Eto’o wari ushinzwe kugurira iyi kipe abakinnyi, Maj. Uwanyirimpuhwe Jean Paul wari ushinzwe ubuzima bwa buri munsi bw’ikipe (Team Manager) na Maj. Nahayo Ernest wari umuganga bafunzwe.

Mu kiganiro n’abanyamakuru cyabaye ku wa 13 Nzeri 2023, Umuyobozi w’iyi kipe, Lt Col Richard Karasira, yavuze ko ibyo aba bakozi batatu bakurikiranyweho bifitanye isano n’ibyo Perezida Kagame aheruka kugarukaho by’ikoreshwa ry’amarozi.

Ati 'Ibijyanye n’abafunzwe, itangazo ry’ikipe muvuga ngo tutakoze, no kubafunga ni ikigaragaza ko hari icyo twabikozeho. Muravuga ngo ubuyobozi bwa APR FC ntibwabafunze, ni gute se butabafunze? Ibindi twareka ubutabera bugakora akazi kabwo. Barafunze kandi ibyo bazira biri mu byo Perezida wa Repubulika yavuze birimo amarozi. Iby’ibyo kurya, ibyo ntabyo nzi.”

Tariki ya 15 Nzeri 2023 nibwo batangiye kuburanishwa mu mizi uko ari batatu maze bemera ibyaha baregwa ariko bahakana inyito y’icyaha baregwa.

Basabiwe gufungwa imyaka 3 n’Ubushinjacyaha maze Urukiko rwanzura ko ruzasomwa tariki ya 13 Ukwakira 2023 n’ihazabu y’ibihumbi 500 by’amafaranga y’u Rwanda.

Aba bagabo bakurikiranyweho n’Ubushinjacyaha bwa Gisirikare gucurua umuambo wo guha abakinnyi ba Kiyovu Sports ibintu bibaca intege mu mukino wo kwishyuro kwishyura wa 1/2 cy’igikombe cy’Amahoro warangiye APR FC itsinze 2-1 ihita igera ku mukino wa nyuma ku giteranyo cy’ibitego 3-2.

Isuzuma ryakozwe ku wa 5 Kamena 2023 aho ryakorewe mu Ishami rishinzwe gusuzuma Ibiyobyabwenge n’Ibinyabutabire [Drug and Chemistry Unit].

Mu gusuzuma ibinyabutabire biri mu macupa (atatu ya jus) bikekwa ko harimo ibyahumanya umubiri w’umuntu cyangwa ibyatera urupfu, hifashishijwe imashini ya Gas Chromatography Mass Spectrometry [GC-MS].

Raporo yerekanye ko muri ibyo bisukika harimo imiti yo mu bwoko bwa Phenothiazines witwa Promethazine, ukoreshwa cyane mu kurinda isesemi, kuruka ndetse rimwe na rimwe ukoreshwa mu gihe umuntu yabuze ibitotsi kugira ngo asinzire.

Umunyamategeko wunganira umuryango w'umukobwa yasabye ko urubanza rwabera mu muhezo mu kurinda umutekano w'umukobwa bivugwa ko yasambanyijwe. Impamvu bivugwa nuko habuze ibimenyetso bifatika byemeza ko yasambanyijwe.

 

Titi Brown yasabye ko urubanza rwabera mu ruhame bitewe nuko kuva mu ntangiriro rwabereye mu ruhame. Yanongeyeho ko Abanyarwanda bakwiriye kumenya uko urubanza rumeze bityo hatazabaho kurengana. 

Maitre Mbonyimpaye Elias yibukije inteko iburanisha ko nta mpamvu yo gutinza urubanza hazamo ibyo kuregera indishyi. Umunyamategeko wunganira urubanza yabwiye inteko iburanisha ko urubanza rwo kuregera indishyi rugamije gutinza urubanza kuko ibyo uregera indishyi ari gushingira ku marangamutima. 

Ati:'Uregera indishyi yaje urubanza rwaramaze gupfundikira rero agamije gutinza urubanza'. Umuryango w'umukobwa wifuza ko umwana wabo ahabwa indishyi y'akababaro bitewe nuko umukobwa wabo yasebejwe mu itangazamakuru igihe amazina ye yatangazwaga kandi bitemewe n'amategeko.

 

Inteko iburanisha yemeje ko ubusabe bwo kuburanisha mu muhezo bw'umunyamategeko uregera indishyi nta shingiro bufite. Perezida uyoboye inteko iburanisha yapfunduye urubanza akomereza ku kimenyetso cyongewe muri dosiye. Yavuze ko aho kuvuga amazina y'uwasambanyijwe hemejwe gukoresha MJ bihagarariye impine y'amazina ye.

 Ubushinjacyaha bwari buhagarariwe n'abashinjacyaha  babiri . Basobanuye ko umwana yahohotewe kandi bagaragaza ko umukobwa yamusuye akinjira iwe 'kwa Titi Brown'. Ubushinjacyaha bwasobanuye ko MJ yinjiye mu nzu. Ikindi kandi uhereye mu nzego z'iperereza uyu mwana yagiye asobanura ko yinjiye mu nzu.

Ubushinjacyaha bwavuze ko amashusho yongewe muri dosiye yerekana ko yafatiwe mu ruganiriro. Amashusho, Ubushinjacyaha bwavuze ko yafashwe ku itariki 14 Kanama 2021 ari nabwo yasambanyijwe. Ubushinjacyaha bwanahishuye ko hari raporo yakozwe n'abahanga mu by'imitekerereze bemeza ko yahungabanye kubera yasambanyijwe. Ubushinjacyaha bwavuze ko kugeza ubu MJ afite ihungabana riturutse ku kuba yarasambanyijwe.

 

Titi Brown yahawe umwanya avuga ko iriya raporo nta kintu yayivugaho ahubwo umwunganizi we abe ari we ugira icyo avuga kuri raporo yakozwe kuri 21 Nzeri 2023.

Umwunganira yavuze ko umuhanga mu by'imitekerereze yakoze raporo nyuma y'imyaka 2 ari amaburakindi kuko ari uguhimba bigamije gutinza urubanza. Ati:'Ibi bintu bigaragaza ko Ubushinjacyaha bugamije guhimba ibimenyetso bidafitanye isano n'icyaha umukiriya wanjye aregwa ”.

Yibukije ko muganga yari gupima niba MJ yari gutangwa na muganga aho gusabwa n'ubushinjacyaha.

 

Maitre Mbonyimpaye Elias yibukije ko agahinda katasuzumwe n'umuganga wamukuyemo inda katari gupimwa bisabwe n'ubushinjacyaha. Yibukije inteko iburanisha ko MJ yavuze mbere mu ibazwa rye ko atigeze ata ubwenge. Uyu munyamategeko yibukije inteko iburanisha ko icyaha umukiriya we aregwa cyamuhama ari uko hashingiwe ku bimenyetso bya gihanga kandi byose nta kimenyetso na kimwe byabonetse bivuze ko Ubushinjacyaha bufite ibimenyetso bivuguruzanya. 

Yavuze ko raporo ya DNA ari ubushinjacyaha bwayizanye ndetse na raporo y'umuhanga mu by'imitekerereze ko hari aho raporo yerekana ko MJ ari muzima nta kibazo afite hakaba n'aho hasi herekana ko ngo yagize agahinda nyamara ibyo byose ni ukwivuguruza. Urubanza rurakomeje….

 

 

Umunyamategeko  w’umukobwa ahawe umwanya yatangiye gusobanura impamvu aregera indishyi ariko Maitre Mbonyimpaye Elias abwira inteko iburanisha ko iby'indishyi byaba bigiye ku ruhande bakabanza kuburana ku bimenyetso by'amashusho na raporo ya muganga igaragaza ko umwana yagize ihungabana.

 

Ibisabirwa uruhushya ni ibyaha bya ruswa, umutekano w'igihugu ariko ku bindi byaha ibimenyetso bishingira ku mpamvu zose. Ingingo ya 119 igaragaza ko mu manza z'inshinjabyaha ibimenyetso byose bishingirwaho ariko ababuranyi bagahabwa umwanya wo kubiburanaho. Ubushinjacyaha bwahakanye ko nta photo shop yabayeho kandi ko ariya mashusho agamije kwerekana ko MJ yageze kwa Titi Brown.

Ubushinjacyaha bwavuze ko ihungabana rimara imyaka myinshi bivuze ko nta gihe ntarengwa cyo kugaragaza ihungabana. Bwavuze ko umuhanga yakoze ibiri mu nshingano ze kandi bikwiriye guhabwa agaciro.

Maitre Mbonyimpaye Elias  wunganira Tity Brown yavuze ko ariya mashusho batazi aho yafatiwe n'uwayafashe. Yanibukije ko Ubushinjacyaha buzana ibimenyetso noneho umunyamategeko akabiburanaho.Yibukije ko hagomba kwerekana ibimenyetso bifitanye isano n'ikiburanwa.

Umunyamategeko uregera indishyi yahawe umwanya avuga ko Titi Brown akwiriye gusobanura ahandi hantu yaba yarahuriye na MJ. 

Titi Brown yahawe umwanya avuga ko yabyinanaga n'ahantu henshi kandi ko adakwiriye kubazwa iby'amashusho kubera ko ari photoshop yakozwe. Perezida uyoboye inteko iburanisha yabajije Titi Brown ahari telefone ze avuga ko ubwo RIB yamufataga yamwatse telefoni ze zose ku buryo kugeza ubu  atazi aho ziherereye.

Maitre Mbonyimpaye Elias yabwiye urukiko ko ibimenyetso byose, ubushinjacyaha bwatanze byivuguruza kandi ko iyo ibimenyetso byivuguruza uregwa aba umwere.

Uwunganira MJ yavuze ko asaba indishyi ya miliyoni 20 Frw. Yavuze ko bashingiye kuri raporo ya muganga igaragaza ingaruka uwakorewe icyaha yahuye nazo kandi ko zikomeye. Harimo agahinda gahoraho, kubura ibitotsi kandi ko izi ngaruka zigaruka kenshi.

 Uyu munyamategeko yavuze ko izi ndishyi ari nkeya kuko ntabwo wabona agaciro kishyuza ibyo yakorewe kubera ingaruka byamugizeho. Perezida w'inteko iburanisha yabajije umunyamategeko aho akura Miliyoni 20 Frw z'indishyi avuga ko ashingira ku kuba abura ibitotsi kandi azakomeza kwitabwaho ajya kwivuza. Uyu munyamategeko yasabye urukiko kugira ubushishozi bugaha agaciro izi ndishyi.

 

Maitre Mbonyimpaye yibukije ko uregera indishyi akurikiza amategeko. Avuga ko ingingo ya 12 yerekeye imanza z'ubucuruzi, imbonezamubona bagomba kwerekana ibimenyetso bishimangira impamvu baregera indishyi aho kugereranya. Maitre Mbonyimpaye Elias yavuze ko mu myaka 2 Titi Brow yakabaye aregera indishyi za miliyoni 42 Frw  kuko buri kwezi yinjizaga miliyoni 2 Frw avuye mu kubyina. 

Maitre Mbonyimpaye Elias yahishuye ko uru rubanza yahawe Miliyoni 5 Frw. Akaba asaba ko urukiko ko byazahabwa agaciro umukiriya we agahabwa ubutabera.

 

Ubushinjacyaha bwasabye ko Titi Brown yahamwa n'icyaha cyo gusambanya umwana akaba yakatirwa imyaka 25. Ni mu gihe umunyamategeko w'umuryango wa MJ yasabye ko bahabwa indishyi ya miliyoni 20 Frw.

Maitre Mbonyimpaye Elias yasabye ko uwo yunganira yahabwa ubutabera kuko habuze ibimenyetso bya gihanga bifatika yaba DNA basanze yerekana ko Titi Brown atateye inda MJ. Ikindi kandi nta raporo ya muganga yerekana ko MJ yasambanyijwe.

 Agahera aha asaba ko Titi Brown yahabwa ubutabera aho gukomeza gushaka ibimenyetso bidafitanye isano n'icyaha umukiriya we ashinjwa. Maitre Mbonyimpaye yanabwiye urukiko ko indishyi zaje muri uru rubanza zigamije kurutinza nkuko rumaze imyaka 2 rwabuze gica.

 

Urubanza rwapfundikiwe, umwanzuro uzasomwa ku itariki 10 Ugushyingo 2023 saa munani.

Igitego kimwe rukumbi cya Victor Mbaoma cyahesheje itsinzi APR FC imbere ya Mukura VS.

Wari umukino ubanziriza indi y’umunsi wa 7 wa shampiyona y’icyiciro cya mbere mu Rwanda umwaka w’imikino 2023-24, APR FC yari yakiriye Mukura VS kuri Kigali Pelé Stadium saa 18h00′ kuri uyu wa Gatanu.

Umutoza wa APR FC umeze nk’aho atarabona 11 be, n’uyu munsi yari yabahinduye mu bwugarizi yakuyemo Yunusu, Clement na Christian bari bamaze iminsi bakina, azana Buregeya Prince, Salomon Banga Bindjeme na Niyomugabo Claude.

Yari yakuyemo kandi Bacca na Gilbert azana Apam Assongue na Ndikumana Danny wakinaga umukino we wa mbere w’irushanwa muri APR FC.

Iminota 10 ya mbere y’umukino, umukino wihutaga uva ku izamu rimwe ujya ariko nta mahirwe akomeye yigeze aremwa.

APR FC yakomeje kwiharira umupira maze ku munota wa 24 ibona amahirwe ku mupira Mbaoma yacomekeye Omborenga ariko awuteye unyura hanze y’izamu.

Ku munota wa 27, Soteri yatanze umupira mugufi ashaka kuwuha umunyezamu Ssebwato, Mbaoma yawukurikiye ariko umunyezamu arawumutanga.

Ku munota wa 29, Mukura VS yabonye koruneri yatewe neza maze Balotelli ashyizeho umutwe unyura hejuru gato y’izamu.

Ku munota wa 43, Elie Tatu yagerageje ishoti yatereye inyuma y’urubuga rw’amahina ariko umunyezamu Pavelh Ndzila. Amakipe yagiye kuruhuka ari 0-0.

APR FC ku munota wa 51 yabonye amahirwe ku mupira wacomekewe Mbaoma yajya guha Apam wifatirwa n’ubwugarizi bwa Mukura VS.

APR FC yakoze impinduka 2 ku munota wa 59, Apam na Danny bavuyemo hinjiramo Gilbert Mugisha na Kwitonda Alain Bacca.

APR FC yongeye kotsa igitutu Mukura VS maze ku munota wa 63 Mbaoma acomekera Gilbert washatse kumusubiza ariko umunyezamu Ssebwato arawufata.

Ku munota wa 68, Mugisha Gilbert yongeye kubona amahirwe mu rubuga rw’amahina ariko ateye umupira unyura hejuru y’izamu.

Ku munota wa 70, Niyibizi Ramadhan yagerageje ishoti rikomeye yatereye inyuma y’urubuga rw’amahina ariko umupira Ssebwato arawufata.

Aya mahirwe yakurikiwe n’andi yo ku munota wa 72 ubwo Omborenga yahinduraga umupira mwiza imbere y’izamu ariko awutanga ubusatirizi bwa APR FC.

Gerard yagerageje ishoti rikomeye ku munota wa 81 ariko Pavelh Ndzila awohereza muri koruneri itagize icyo itanga.

Pavelh Ndzila yongeye kurokora APR FC ku munota wa 83 ubwo nabwo yoherezaga umupira wari uhinduwe imbere y’izamu.

Ku munota wa 85 Elie Iradukunda wa Mukunda yateye ishoti rikomeye ariko na none Pavelh Ndzila yongeye kuwushyira muri koruneri.

Ku munota wa nyuma w’umukino, Victor Mbaoma yatsindiye APR FC igitego kimwe rukumbi cyabonetse muri uyu mukino, ni ku mupira wari uhinduwe na Omborenga Fitina.

Buri gihugu gifite umuco n’ikindi umuco wacyo ku buryo hari abafata igihe ntarengwa cyo kuba bavuye iwabo mu rugo ku myaka runaka bagatangira kwihahira no kwishakishiriza.

Urugero nko mu Rwanda, bisa nk’aho nta rubyiruko rugera ku myaka 25 bakiba iwabo basangira byose haba amavuta, ibyo kurya cyangwa isabune kuko kuri iyo myaka nutari yabasha kubona aho ajya, akenshi usanga yimenya muri byose.

Nyamara n’ubwo twe bimeze gutyo, hari ibihugu byinshi ku isi bifite abantu bamara imyaka myinshi iwabo kandi nta kibazo babibonamo dore ko hari n’ahandi abana bava iwabo ku myaka micye cyane.

Dore ibihugu bifite urubyiruko ruva iwabo rugeze mu izabukuru;

 Croatia: 33.4

Mu gihugu cya Croatia kwigondera inzu ibona umugabo igasiba undi akaba ariyo mpamvu urubyiruko rujya kuva iwabo Ku myaka iri hejuru ya 30. Muri iki gihugu cya Croatia usanga umuryango ugizwe n’imiryango myinshi kuko umusore ashobora kurongorera iwabo ndetse akanabyarira iwabo.

 Montenegro: 33.3

Ni igihugu cyegeranye na Croatia aho kuva mu rugo ukuze cyangwa se ugashakira iwanyu nta kibazo kiba kibirimo aho kujya kwibana cyangwa se guhangayikishwa no gushaka aho kuba.

 North Macedonia: 32.1

Ibi bice byose biri mu gace k’amajyaruguru ya Afurika bikaba mu magepfo y’uburayi byose bikaba bisangiye umuco umwe wo kutihutira kuva ku rugo mu gihe nta bushobozi bwo kubaka urugo rukomeye.

 Serbia: 31.4

Ikinyamakuru Journalift cyatangaje ko impamvu urubyiruko mu gihugu cya Serbia batinda kuva iwabo ni uko akazi muri iki gihugu kabona umugabo kagasiba undi, igiciro cyo kubaho kiri hejuru aho 60% by’urubyiruko rwavuye iwabo babana n’abakunzi babo bakana mu nzu z’inkodeshanyo, naho 15 bakaba mu nzu yagabiwe n’ababo. Abasigaye ni bo babashije kwiyubakira.

 Slovakia: 30.8

Mu gihugu cya Slovakia urubyiruko byibuze bava iwabo bagashinga ingo zabo ku myaka 30 hafi 31 akaba aricyo kigereranyo bitabujije ko hari n’abava iwabo ku myaka 40 cyangwa bagasazira iwabo.

Nyamara n’ubwo hari abo bava iwabo bakuze cyane, hari abandi bava iwabo ku myaka micye cyane aho muri USA ikigereranyo cy’imyaka ari 19 naho Russia ari imyaka 19 isatira 20.

Mu mibare iheruka kugaragara, Croatia niyo iyoboye mu kugira urubyiruko rusazira iwabo naho ihugu nka USA, Russia ndetse na Sweden akaba aribyo bicutsa urubyiruko mu myaka micye cyane.

Umwanzuro w’Urukiko Rukuru wemeje ko Prince Kid ahamwa n’ibyaha bibiri, rumukatira gufungwa imyaka 5 no gutanga ihazabu ya Miliyoni 2 Frw. Ibyamuhamye ni ugukoresha undi imibonano mpuzabitsina ku gahato, gusaba cyangwa gukoresha undi ishimishamubiri rishingiye ku gitsina.

Icyaha kitamuhanye ni uguhoza ku nkeke bifitanye isano n’imibonano mpuzabitsina. Umwanzuro wasomwe, ntabwo wagizwe itegeko bivuze ko agifite iminsi 30 yo gutanga ubujurire mu rukiko rukemura akarengane.

Iyi minsi 30 nishira adatanze ikirego mu Rukiko “Court Of Appeal” aho azagaragaza ko yarenganyijwe n’Urukiko Rukuru, azafatwa afungwe iriya myaka 5 anatange ihazabu ya miliyoni 2 Frw.

Imiterere y’urubanza

Kuva mu 2019 hatangiye kumenyekana amakuru y’ihohotera ryakorerwaga abakobwa bitabiraga irushanwa rya Miss Rwanda. Iperereza ryakozwe ryerekanye ko Ishimwe Dieudonné yasambanyije abakobwa abizeza gutera imbere abandi akabaseseranya amakamba.

VMF, VBF na VKF ni abakobwa batanze ubuhamya. Ubushinjacyaha basobanuye ko Ishimwe Dieudonné yabanje guha umukobwa witwa VKF ibiyobyabwenge aramusambanya anamwizeza kumuha ibyo kurya no kuzamuha ikamba muri Miss Rwanda.

Mu iburanisha rya mbere, Ishimwe Dieudonné yunganiwe na Maitre Nyembo Emelyne na Kayijuka bahakanye ko ibyo aregwa byose ari ibinyoma bityo urukiko rukwiriye kubitesha agaciro.

Urukiko rwasuzumye inyandiko zatanzwe n’abatangabuhamya

Hasuzumwe kandi ibimenyetso byatanzwe ku byaha byose noneho urukiko rusanga icyaha cyo gukoresha undi imibonano mpuzabitsina ku gahato rwasanze impaka zishingiye ku kumenya agaciro k’inyandiko zatanzwe mu bugenzacyaha.

VKF we ubwe yavuze ko atigeze ahohoterwa kandi Ubushinjacyaha ntabwo bwagaragaje impamvu zatumye VKF na VBF bajya kwivuguruza mu rukiko. Urukiko rusanga umutangabuhamya wivuguruje hagomba kurebwa izo mvugo zirimo gushidikanya.

Isomwa ry’umwanzuro ku bujurire wabereye mu rukiko rukuru ruri i Nyamirambo mu Karere ka Nyarugenge kuri uyu wa Gatanu tariki 13 Ukwakira 2023. Ni inyubako ikoreramo urukiko rw’ubucuruzi, urukiko rw’ubujurire n’urukiko rukuru. 

Uru rubanza rwajuririwe n’ubushinjacyaha nyuma y’uko Prince Kid agizwe umwere n’Urukiko Rwisumbuye rwa Nyarugenge. Kuri uyu wa Gatanu Urukiko Rukuru rwamuhamje ibyaha bibiri, rwanzura ko afungwa imyaka 5 no gutanga ihazabu ya Miliyoni 2 Frw. 

Urubanza rwasomwe saa 13:30, rupfundikirwa saa 14:20. Salle yari yuzuye inshuti umuryango wa Prince Kid na Miss Iradukunda Elsa baherutse guseserana kubana nk’umugore n’umugabo.

Ibyaha bibiri ni byo byahamye Prince Kid. Ibyo byaha ni gukoresha undi imibonano mpuzabitsina ku gahato, gusaba cyangwa gukoresha undi ishimishamubiri rishingiye ku gitsina. Icyaha kitamuhamye ni icyo guhoza ku nkeke bifitanye isano n’imibonano mpuzabitsina.

Ku wa 25 Mata 2022 ni bwo Urwego rw’Igihugu rw’Ubugenzacyaha (RIB) rwataye muri yombi Ishimwe Dieudonné (Prince Kid) wateguraga irushanwa rya Miss Rwanda, bisobanuye ko hashize umwaka umwe, amezi atanu (5) n’iminsi 20 akurikiranwa n’ubutabera.

Prince Kid yahamijwe gufungwa imyaka 5 nyuma yo guhamwa n’ibyaha bibiri

Umuyobozi Ushinzwe ibikorwa muri Kikac, Uhujimfura Claude, yabwiye InyaRwanda ko Kikac isanzwe ifitanye amasezerano y'ubufatanye n'Ishyirahamwe ry'Umukino w'amagare mu Rwanda (FERWACY) ajyanye no gutegura ibitaramo biherekeje uyu mukino ukundwa na benshi mu rwego rwo gufasha abakunzi b'umuziki n'umukino w'amagare.

Yavuze ati 'Dusanzwe dufitanye amasezerano na Ferwacy ajyanye no gutegura igitaramo muri buri gace abasiganwa basorezamo. Ni mu rwego rwo gufasha abakunzi b'uyu mukino gususuruka no gufasha abakunzi b'umuziki bari mu Ntara kureba abahanzi batandukanye bakunda.'

Uhujimfura avuga ko bakiri mu biganiro n'abahanzi bazaririmba muri ibi bitaramo bitanu byamaze gutangazwa. Kandi ko mbere y'uko umunsi nyirizina wa Tour du Rwanda ugera bazaba baramaze gutangaza abahanzi bose bazaririmba muri ibi bitaramo.

Mu bihe bitandukanye abahanzi bo mu Rwanda bagiye bahabwa akazi ko kuririmba baherekeza Tour du Rwanda. Umwaka ushize ibitaramo nk'ibi byaririmbyemo abahanzi barimo Senderi Hit, Chris Eazy, Bwiza, Marina, Platini, Mico The Best, Niyo Bosco ndetse na Kenny Sol.

Iri rushanwa rya Tour du Rwanda rikunze kuba mu ntangiriro z’umwaka, aho kuri iyi nshuro rizaba mu cyumweru cyo kuva tariki 18, kugera tariki 25 Gashyantare.

Iri siganwa ryitabirwa n’abakinnyi bavuye mu bihugu bitandukanye byo ku Isi, aho rimara icyumweru rizenguruka ibice byose by’u Rwanda.

Mu 2023, Umunya-Eritrea ukinira Green Project, Henok Mulubrhan ni we wegukanye Tour du Rwanda 2023 mu birori byasojwe na Perezida Paul Kagame, ku musozi wa Rebero mu mujyi wa Kigali.

Uyu musore yatwaye Tour du Rwanda nyuma yo guhiga abandi mu gace ka nyuma ka munani kari kagizwe n'intera ya kilometero 75.3, aho abasiganwa bazengurutse muri imwe mu mihanda y'Umujyi wa Kigali.

Mu duce 8 twari tugize Tour du Rwanda, Henok Mulubrhan yegukanyemo kandi agace ka gatatu (Agace kari gafite ibirometero byinshi 199.5 kuva Huye kugera I Musanze).

Mu bakinnyi 93 baritangiye hari hasigayemo 65. Iri siganwa ryabaga ku nshuro ya 5 kuva rigiye ku rwego rwa 2.1 no ku nshuro ya 15 kuva ribaye mpuzamahanga.

Nyuma y'uko yegukanye Tour du Rwanda, Henok yashimye abakinnyi bagenzi be, Mu magambo ye yagize ati 'Gutsinda Tour du Rwanda ni iby'agaciro kuri jye, ikipe yanjye n'igihugu cyanjye, kuko ni irushanwa rikomeye kandi rigoye cyane''-

Yongeraho ati: “Ni intsinzi imfunguriye inzira yo guhatana mu marushanwa yandi ari imbere''

Umunya-Eritrea ukinira Green Project, Henok Mulubrhan ni we wegukanye isiganwa rya Tour du Rwanda 2023

Ibihumbi by'abantu bitabira Tour du Rwanda 2023 baba baniteze ibitaramo by'abahanzi banyuranye

17:15″ Amakipe yinjiye mu kibuga agiye kwishyushya

Nta guhagarara nyuma y’umunsi wa gatandatu wa shampiyona, umunsi wa 7 wanzitse kuri uyu wa gatanu, aho APR FC yakiriye Mukura Victory Sports mu mukino wo gupfa no gukira.

Ni umukino ugiye kuba Abatoza ba APR FC bicariye inkono ishyushye, aho bagomba gutsinda Mukura cyangwa bakirikanwa.

APR FC iherutse kunganya na Bugesera mu mukino w’umunsi wa gatandatu igitego kimwe kuri kimwe, naho Mukura itsinda Sunrise FC igitego kimwe ku busa cyabonetse mu minota ya nyuma.

APR FC niyo iheruka kwakira Mukura Victory Sports, aho yariki 29 Mata 2023, APR FC yakiriye Mukura mu mukino wa shampiyona, birangira amakipe yombi anganyije igitego kimwe kuri kimwe. 

Mukura iheruka gutsindira APR FC i Kigali tariki 1 Gashyantare 2022, igitego 1-0, mu mukino wabaye iminsi ibiri, akaba ariwo wakuyeho agahigo k’imikino 50 APR FC yamaze idatsindwa.

Mu mikino 27 imaze guhuza aya makipe kuva InyaRwanda yatangira kuba (2009), APR FC yatsinzemo imikino 15, Mukura itsinda 7 banganya 5.

Umubyinnyi Ishimwe Thierry [Titi Brown] yahakanye amashusho mashya yatanzwe n’Ubushinjacyaha ari kumwe n’umwana w’umukobwa bamurega gusambanya bavuga ko bari iwe mu rugo, avuga ko atayazi kandi atafatiwe iwe.

Nyuma yo gusubikwa inshuro 6, uyu munsi nibwo Urubanza Titi Brown aregwamo gusambanyanya umwana utujuje imyaka y’ubukure, akanamutera inda yaje gukurwamo, rwakomeje.

Inshuro ya nyuma rwasubitswe hari tariki ya 22 Nzeri 2023 ubwo hagombaga gusomwa umwanzuro ku Bujurire bwa Titi Brown bw’iminsi 30 y’agateganyo yari yakatiwe muri Kuboza 2022.

Tariki ya 22 Nzeri 2023 Urukiko rwavuze ko umwanzuro utari busomwe kuko Ubushinjacyaha bwari bwabonye ibimenyetso bishya uruhande rwa Titi Brown rugomba kwisobanuraho.

Uruhande rwa Titi Brown rwari rwasabye ko uyu musore yarekurwa kuko n’ibizami bya DNA byafahswe bitagaragaje ko uyu mubyinnyi ari we se w’umwana wakuwemo.

Mu gitondo cyo kuri uyu wa Gatanu tariki ya 13 Ukwakira 2023, Ishimwe Thierry (Titi Brown) yagarutse imbere y’Urukiko Rwisumbuye rwa Nyarugenge kwisobanura kuri ibyo bimenyetso bishya.

Mbere y’uko iburanishwa ritangira nibwo byagaragajwe muri iki kirego hiyongereyemo ikindi cy’indishyi y’akababaro cyaburanwaga na Me Safari.

Uyu munyamategeko yasabye ko iburanisha ryabera mu muhezo mu rwego rwo kubunyabunga ubuzima bwite bw’umwana, imyirodoro itakomeza kuzenguruka mu itangazamakuru hakiyongeraho n’indishyi umuryango w’uyu mwana uregera.

Titi Brown we yavuze ko nta mpamvu yo kuburanishwa mu muhezo kuko n’ubundi rwatangiye ari mu ruhame kandi n’iyo myirondoro bavuga yamaze kujya mu itangazamakuru.

Uwunganira Titi Brown, Me Mbonyimpaye yavuze ko ikirego cyiyongereyemo cyo kuregera indishyi kitahabwa agaciro kuko cyaje nyuma urubanza rwaramaze gupfundikirwa, akaba abona byarakozwe mu rwego rwo gutinza urubanza.

Urukiko rwafashe umwanzuro ko urubanza rukomeza kuburanishwa mu ruhame kuko ubusabe bwa Me Safari nta shingiro bufite.

Ubushinjacyaha bwahawe umwanya bugaragaza ibimenyetso bishya. Bwazanye ikimenyetso gishya aho bwavuze ko mu ibazwa rye Titi Brown yahakanye ko umwana atigeze yinjira mu nzu iwe ahubwo yaje akaherebera hanze agahita agenda kuko nta mwanya wari uhari.

Bahaye Urukiko amashusho agaragaza ari muri Salon kwa Titi Brown bari kumwe, ari nabwo nyuma ngo yaje kumusambanya.

Ubushinjacyaha kandi bwagaragaje ko iri hohoterwa yakorewe ryamuhungabanyije bikomeye nk’uko byagaragajwe na raporo y’umuganga wo mu mutwe yakozwe muri Nzeri uyu mwaka.

Kuri iyi raporo, Titi Brown yagize ati “iyo raporo nyakubahwa perezida w’u Rukiko ntacyo nayivugaho kuko guhungabana kwe nta ruhare nabigizemo.”

Uwunganira Titi Brown yavuze ko iyo raporo yakozwe kugira ngo batinze urubanza, kuko batumva uburyo uyu mukobwa wasambanyijwe tariki 11/8/2021 ariko raporo igakorwa muri Nzeri 2023, nyuma y’imyaka ibiri ntabwo bumva ko ari bwo yagize iryo hungabana.

Ikindi yaharagaje ko harimo kwivuguruza kuko iyi raporo mu ntangiriro ivuga ko umwana ameze neza nta kibazo afite ariko mu kuyisoza bakavuga ko uyu mwana w’umukobwa ababaye.

Ku kimenyetso cya kabiri cy’amashusho Ubushinjacyaha bwagaragaje, Titi Brown yabiteye utwatsi avuga ko aho itari iwe.

Titi Brown abajijwe niba ari we uri mu mashusho, yagize ati “umuntu urimo arasa nanjye.” Abajijwe niba umukobwa urimo ari we bamushinja, ati “na we ndabona basa.”

Yakomeje avuga ko akazi akora ari ukubyina, abyina ahantu hatandukanye aba yarahuye n’abantu benshi bagafatana amashusho arimo kubyaba yaba abafana cyangwa n’abandi. Yasabye ko uwafashe ayo mashusho yagaragazwa ndetse akagaragaza niba yari abifitiye uburenganzira.

Ubushinjacyaha bwavuze ko ayo mashusho yafashwe na telefoni ya iPhone ya Titi, bayishyize ku idirishya barayifata ndetse bushimangira ko ari muri Salon ya Titi Brown cyane ko harimo n’ifoto ye imanitse ku rukuta. Ayo mashusho ngo yohererejwe umukobwa na Titi Brown kuri Instagram.

Titi Brown yabiteye utwatsi avuga ko ayo mashusho ibyo kuvuga ngo yayohereje kuri Instagram atari byo kuko atayazi cyane ko atari we wayafashe, ikindi yongeye gushimangira ko atari iwe. N’aho ku kijyanye n’ifoto ye imanitse yavuze ko uretse ko itagaragara neza ko ari we, ariko na none ntibyaba igitangaza kuko ni umuntu uzwi (star). Yongeyeho ko ashobora kuba ari n’amashusho yahinduwe (videoshop).

Uwunganira Titi Brown, Me Mbonyimpaye na we yavuze ko aya mashusho atahabwa agaciro mu gihe hatagaragara uwayafashe kuko ibivugwa ko yohererejwe kuri Instagram, muri iyi minsi abantu biyitirira abandi ari benshi rero nabyo bishoboka.

Byongeye kandi yavuze ko Isi irimo kugenda itera imbere mu ikoranabuhanga, byoroshye cyane kuba bafata umuntu bakamwambika isura (mask) ya Titi undi bakwamwambika iy’umukobwa, rero bishoboka kuba ari amashusho yahinduwe.

Urukiko rwabajije Ubushinjacyaha niba telefoni yafashe amashusho bayifite, buvuga ko telefoni ntayo bafite kuko ari telefoni ya Titi kandi bakaba ubu ntayo bafite, bo icyo bagaragaje ari ikimenyetso kandi akaba ari amashusho y’ukuri niba uruhande rwa Titi rubihakana bakwiye kuzana umuhanga akagaragaza ko ayo mashusho yahinduwe bityo bakaba batakwivuguruza ku kimenyetso batanze. Basabye Titi n’umwunganira kubigaragaza n’ibimenyetso atari mu magambo gusa.

Uwunganira Titi Brown yongeye gushimangira ko ayo mashusho batayemera kuko “aho yahafatiwe ntihazwi, uwayifashe ntazwi nta nubwo igaragaza niba ari Ishimwe Thierry ari kumwe na MG(umwirundoro wahawe umukobwa mu Rukiko)”.

Ku kirego cy’indishyi, Me Safari yavuze ko baregeye indishyi ya miliyoni 20. Bishingiye kuri raporo ya muganga yagaragaje ingaruka byamuteye harimo agahinda gahoraho, kubura ibitotsi aterwa n’ihohoterwa yakorewe kongeraho n’amafaranga yatanzwe ajya kwa muganga bamuvuza.

Umunyamategeko wunganira Titi yavuze ko bashingiye ku kuba uregera indishyi aba agomba kugaragaza ibimenyetso bifatika kandi bakaba ntabyo bigeze bagaragaza, akaba yanananiwe kubisobanura, bumva bitagahawe ishingiro.

Yahise asaba Urukiko ko mu gihe Titi Brown yagirwa umwere yazishyurwa miliyoni 53 nk’indishyi y’akababaro, harimo miliyoni 48 z’umushahara we w’imyaka 2 amaze afunzwe kuko yakoreraga miliyoni 2 ku kwezi, kongeraho igihembo cy’umwunganira mu mategeko na we yishyuye.

Perezida w’Urukiko yavuze ko umwanzuro kuri uru rubanza uzasomwa ku wa Gatanu tariki ya 10 Ugushyingo 2023 saa 13h00.’