Author: webrwanda

Mukakamanzi Beatha wamamaye muri filime y’uruhererekane ya City Maid nka Mama Nick, yamaze kubagwa nyuma y’uburwayi yakuye ku mpanuka yakoze mu ntangiriro z’uyu mwaka.

Mama Nick akaba yarabazwe ku munsi w’ejo hashize ku wa Gatatu tariki ya 20 Ukwakira 2023, akaba yarabagiwe mu Bitaro by’Inkuru Nziza i Gikondo.

Uyu mubyeyi akaba yaragize ikibazo cy’igupfwa ryiyomoye ku rindi bamushyiriramo insimburaningo, ni nyuma y’uko yari yarabazwe igupfwa ryo mu itako ryari ryacitse n’aho bamushyiriyemo uri rugingo.

Tariki ya 17 Werurwe uyu mwaka nibwo Mama Nick yakoze impanuka, yagonzwe n’igare ubwo yari imbere yo mu rugo iwe mu Rwampara.

Yahise ajyanwa ku bitaro bya Nyarugenge, bamunyujije mu cyuma basanga ugupfa ryo mu itako ryacitse ari nabwo ibi bitaro byahitaga bimwohereza ku Bitaro by’Inkuru Nziza biri i Gikondo.

Yarabazwe bamushyiriramo urundi rugingo rufata igupfa, bamusaba kujya akora “Kinetherapy”, yarayikoze ariko uko iminsi ishira akumva ababara mu rukenyerero.

Yasubiye kwa muganga kunyura mu cyuma basanga hari igupfa ryiyomoye ku rindi ndetse bamubwira ko agomba kubagwa bakanamushyiriramo urundi rugingo.

Kugira ngo bikorwe akaba yaraciwe agera muri miliyoni 8 z’amafaranga y’u Rwanda, akaba amaze kubona miliyoni 5.

Mama Nick yabazwe

Mu mpera z’iki cyumweru nibwo hazakinwa umunsi wa 3 ari na wo wa nyuma w’irushanwa ryo Koga ry’ababigize umwuga rya “Mako Sharks Swimming League 2023” ritegurwa n’ikipe ya Mako Sharks SC.

Ni irushanwa riteganyijwe ku wa Gatandatu no ku Cyumweru tariki ya 21 na 22 Ukwakira 2023 rizabera muri Pisine y’ishuri rya Green Hills Academy.

Uyu munsi wa nyuma w’iri rushanwa uzitabirwa n’amakipe 7 harimo 4 yo mu Rwanda ndetse n’atatu yo hanze y’u Rwanda muri Uganda.

Gusa aya makipe yo hanze y’u Rwanda yo nubwo azarushanwa ntabwo ari mu makipe azaba ahatanira ibihembo.

Nyuma y’umunsi wa nyuma bazateranya amanota amakipe n’abakinnyi bagize kuyo umunsi wa mbere n’uwa kabiri maze aba mbere bahembwe.

Umunsi wa mbere wabaye tariki ya 26 Werurwe 2023 naho uwa kabiri ukinwa tariki ya 1 Nyakanga 2023 izo nshuro zose yitabiriwe n’amakipe yo mu Rwanda gusa.

Hagiye gukinwa umunsi wa nyuma wa Mako Sharks Swimming League

FERRWAFA ivuga ko mu gihe cyose itaratangaza ko hari impinduka zabaye ku ngengabihe ya shampiyona, abantu badakwiye kugendera ku ibaruwa y’Umujyi wa Kigali ivuga ko Stade itazaboneka.

Mu ibaruwa Umujyi wa Kigali yandikiye Ishyirahamwe ry’Umupira w’Amaguru mu Rwanda barimenyesha ko kuva tariki ya 23 kugeza 29 Ukwakira 2023 ikibuga cya Kigali Pelé Stadium kitazaboneka kubera ko hazaba harimo hakorwa imirimo yasigaye ubwo bayivugururaga.

Muri iyi baruwa Umujyi wa Kigali wagize uti 'dushingiye ku ngengabie y’ikigo Real Constructors LTD cyubaka Kigali Pelé Stadium cyamenyesheje Umujyi wa Kigali ko kuva tariki ya 23 Ukwakira 2023 kugeza tariki ya 29 Ukwakira 2023 icyo kigo kizasubukura ibikorwa by’ubwubatsi byari bisigaye gukorwa kuri Kigali Pelé Stadium.'

'Kubera iyo mpamvu turabamenyesha ko imikino yose yari iteganyijwe kubera kuri Kigali Pelé Stadium kuva tariki ya 23 Ukwakira kugera tariki ya 29 Ukwakira 2023 yakwimurirwa ikindi gihe.'

Bivuze ko hazabera imikino y’umunsi wa 8 iteganyijwe mu mpera z’iki cyumweru mu gihe imikino y’umunsi wa 9 itazahabera ari nabwo hazaba umukino wa APR FC na Rayon Sports tariki ya 29 Ukwakira 2023.

Kigali Pelé Stadium yakirirwagaho n’amakipe yose abarizwa mu Mujyi wa Kigali arimo APR FC, Rayon Sports, Kiyovu Sports, AS Kigali, Police FC, Gasogi United na Gorilla FC.

Ubwo yari abajijwe aho aya makipe azakinira imikino y’umunsi wa 9 cyangwa niba uzaba ikirarane, umuvugizi wungirije wa FERWAFA, Jules Karangwa yabwiye ISIMBI ko nta mpinduka ziraba ndetse ko abantu bashatse bareka gukomeza guhindura ingengabihe ya shampiyona kuko nihaba impinduka bazabimenyeshwa.

Ati 'Kuki mukomeza kuduhindurira ingengabihe ya shampiyona? Kugeza ubu nta mpinduka ziraba. Itangazo mwararibonye natwe baratwandikiye hari ibyo twabandikiye tubasobanurira, nibyanga nibwo natwe tuzandika tubamenyesha tuti bitewe n’impamvu izi n’izi imikino y’umunsi wa 9 habayemo impinduka, n’aho ubundi nimukomeza kuduhinduria imikino biraba ikibazo. Mutegereze nihagira impinduka ziba muzabimenyeshwa rwose.'

Bivugwa ko nyuma y’uko Umujyi wa Kigali wandikiye FERWAFA bayimenyesha ko hagati ya tariki ya 23 na 29 Ukwakira iyi Stade itazaboneka, FERWAFA nayo yahise ibandikira ibasaba ko basaba iyi Sosiyete akazatangira kuyivugurura mu Gushyingo ubwo ikipe y’igihugu izaba irimo yitegura ijonjora ry’Igikombe cy’Isi Amavubi afitanye na Zimbabwe na Afurika y’Epfo kuko Shampiyona izaba itarimo ndetse Amavubi azaba arimo akorera imyitozo i Huye.

Stade Regional yatangiye kuvugururwa muri Mutarama 2023 kugira ngo ishyirwe ku rwego mpuzamahanga, ku wa 15 Werurwe, yatashywe ku mugaragaro na Perezida Paul Kagame ari kumwe na Perezida wa FIFA, Gianni Infantino banayihindurira izina yitirirwa umunyabigwi w’Umunya-Brésil, Edson Arantes do Nascimento “Pelé'.

Kigali Pele Stadium igiye kongera kuvugururwa

Ikipe ya Gasogi United y’umuherwe Kakooza Nkuriza Charles [KNC] yahaye ikaze Iranzi Cendric wagaragaje ko yanyanganyijwe umwanya we mu irero rya Bayern Munich yafunguye mu Rwanda.

Ku wa Kabiri w’iki cyumweru tariki ya 17 Ukwakira 2023 nibwo Iranzi Cedric binyuze muri Fine FM yagaragaje akarangane yakorewe bituma abura umwanya we.

Iranzi yavuze ko yari mu bana 100 bakoze igeragezwa rya nyuma ryo kujya mu irerero rya Bayern Munich, yagize amahirwe aza muri 43 bagomba guhita bajya muri iri rerero baniga.

Bagenzi be barahamagawe ndetse banatangira amashuri n’imyitozo ariko we ntiyahamagarwa, yagiye kubaza abwirwa ko basanze mu kigo cy’igihugu cy’Indangamuntu (NIDA) afitemo imyirondoro ibiri itandukanye.

Bamubwiye ko basanze hamwe bavuga ko yavutse 2009 ahandi 2011, gusa we yemeza ko yavutse muri 2011 aho abifashijwemo na mushiki we babana w’imyaka 18 ari na we umurera, batuye Bumbogo muri Gasabo, bagiye kuri NIDA bahabwa icyangombwa cy’uko yavutse muri 2011 gusa kigaragaza ko cyatangiwe mu Karere ka Bugesera mu Murenge wa Mareba, akijyanye kuri FERWAFA nabwo baracyanga.

Nyuma yo kumva agahinda ke, KNC yahise avuga ko uwo mwana amuhaye ikaze mu irerero rya Gasogi United, yaza agasanga abandi ndetse na we akajya mu ishuri akiga nk’abandi.

Ejo hashize ku wa Gatatu tariki ya 18 Ukwakira 2023, kumugaragaro nibwo KNC yakiriye uyu mwana ukina mu izamu, akaba yari kumwe n’umutoza w’abanyezamu ba Gasogi United Maniraguha Jean Claude na Khan Uwineza ukuriye siporo mu kigo cya APAER aho abana bo mu irerero rya Gasogi United biga na Cedric akaba ari ho aziga.

Uyu munsi Perezida wa @gasogi_united #KNC @imfurayiwacu yakiriye #IRANZI Cedric,amuha ibikoresho by’ibanze by’imyotozo.
Yakiriwe muri Gasogi kandi n’Umutoza mukuru w’abanyezamu J Claude MANIRAGUHA ndetse n’uhagarariye Sport muri Apaer Khan Uwineza.Uyu mwana yahise anjya ku ishuli pic.twitter.com/gfLgjYJqCo

— Gasogi United FC (@gasogi_united) October 18, 2023

KNC yamwikiriye mu irerero rye

Maniraguha utoza abanyezamu ba Gasogi United

Khan ukuriye Siporo muri APAER, bari kumwe na mushiki wa Cedric

Imana yumvise amarira yasutse

InyaRwanda ifite amakuru yizewe avuga ko Davido yageze i Kigali kuri uyu wa Gatatu tariki 18 Ukwakira 2023. Ni mu gihe umunyamuziki Jux ugezweho muri iki gihe binyuze mu ndirimbo 'Enjoy' yakoranye na Diamond yageze i Kigali saa kumi n'imwe z'igitondo cyo kuri uyu wa Kane tariki 19 Ukwakira 2023.

Umuhanzikazi Nomcebo wamamaye mu ndirimbo 'Jerusalema' yakoranye na Master KG wo muri Afurika y'Epfo, nawe yageze i Kigali kuri uyu wa Gatatu.

Nomcebo yifashishije konti ye ya Instagram yagaragaje amashusho ari muri BK Arena, ari mu myitozo asubiramo zimwe mu ndirimbo ze. Ni imyiteguro yahuriyemo n'umuhanzikazi Viviane Chidid ugezweho muri iki gihe mu ndirimbo ziirmo nka 'Par Force', 'K.P.C' n'izindi.

Umunyamideli wo muri Angola, Maria Borges uzafatanya na D'Banj kuyobora ibirori byo gutanga ibi bihembo, nawe yageze i Kigali ku wa Gatatu, kandi yatangiye ibikorwa bijyanye no kwitegura kuyobora ibi birori.

Uyu mukobwa yavukiye kandi akurira mu Mujyi wa Luanda muri Angola. Impano ye yigaragaje cyane kuva mu mwaka wa 2010 ubwo yegukanaga umwanya wa kabiri mu birori by'imideli bya Elite Model Look byabereye muri Angola.

Mu 2012 yasinye mu inzu ifasha abanyamideli ya Supreme Agency, nyuma y'icyumweru kimwe ategura ibirori by'imideli yakoranyemo n'abanyamideli 17.

Umuhanzikazi Saraï D’hologne wo muri Côte d’Ivoire nawe yageze i Kigali. Mu mashusho yasohoye, yagaragaje ibice bitandukanye by'Umujyi wa Kigali yanyuzemo, agaragaza ko yanogewe no kuba ari mu Rwanda.

Abandi bahanzi bamaze kugera mu Rwanda barimo kandi Goulam, Sega’el ndetse Mikl. Mu kiganiro yahaye Kiss Fm, Sega’El ukomoka muri Réunion yavuze ko anejejwe no kuba ari umwe mu bahataniye ibihembo bya Trace Awards. Yumvikanisha ko afite inzozi z'uko umuziki wo mu gihugu cy'iwabo uzagera ku rwego Mpuzamahanga.

Trace Africa ivuga ko itangwa ry'ibihembo bya Trace Awards bizaririmbamo abahanzi 50 barimo Yemi Alade (Nigeria, Mr Eazi (Nigeria), Azawi (Uganda), BNXN (Nigeria), Camidoh (Ghana), Danni Gatto (Cape Verde), DJ Illans (Reunion), Donovan BTS (Mauritius), Emma'a (Gabon);

Fireboy DML (Nigeria), GAEI (Madagascar), Gerilson Insrael (Angola), Ghetto Kids (Uganda), Goulam (The Comores), Juls (Ghana), Kader Japonais (Algeria), Kalash (Martinique), Krys M (Cameroon), KO (South Africa);

Hari kandi KS Bloom (Ivory Coast), Levixone (Uganda), Locko (Cameroon), MIKL (Réunion), Moses Bliss (Nigeria), Musa Keys (South Africa) Nadia Mukami (Kenya), Olamide (Nigeria), Pabi Cooper (South Africa), Segael (Réunion) ndetse na Show dem Camp wo muri Nigeria.

Kuri uru rutonde kandi harimo Mr Eazi, umunyamuziki w'inshuti y'u Rwanda wanashoye imari mu bikorwa bitandukanye. Yaherukaga kuririmbira i Kigali mu bitaramo bya Chop Life, kandi azahurira ku rubyiniro n'umuhanzi wo mu Rwanda, Chriss Eazy.

Chriss wamenyekanye cyane mu ndirimbo zirimo 'Inana' ari no ku rutonde rw'abahanzi bo mu Rwanda bahatanye muri ibi bihembo aho ahatanye na Bruce Melodie, Ariel Wayz, Bwiza ndetse na Kenny Sol.

Kwinjira mu muhango wo gutanga ibi bihembo bizasaba kwishyura ibihumbi 20 Frw, kandi ibi bihembo bizabera mu nyubako y'imyidagaduro ya BK Arena, ku wa 20 Ukwakira 2023.

Urutonde rwa mbere rw'abahanzi bari batangajwe ruriho Davido (Nigeria), Asake (Nigeria), Bamby (French Guiana), Benjamin Dube (South Africa), Black Sherif (Ghana), Blxckie (South Africa), Bruce Melodie (Rwanda), Bwiza (Rwanda), Didi B (Ivory Coast), Dystinct (Morocco), Janet Otieno (Kenya), Josey (Ivory Coast), Kizz Daniel (Nigeria);

Lisandro Cuxi (Cape Verde), Locko (Cameroon), Mikl (Reunion), Perola (Angola), Plutonio (Mozambique), Princess Lover (Martinique), Ronisia (France), Rutshelle Guillaume (Haïti), Soraia Ramos (Cape Verde), Tayc (France), Terrell Elymoor (Mayotte), The Compozers (Ghana) ndetse na Viviane Chidid wo muri Senegal. 

Ibi bihembo bigiye gutangwa Trace Africa yizihiza imyaka 20 ishize igira uruhare mu guteza imbere abanyamuziki bo muri Afurika binyuze mu kubafasha gusakaza ibihangano by'abo.

Umunyamuziki Davido yageze i Kigali kuri uyu wa Gatatu. Yaherukaga mu birori by'iserukiramuco rya Giants of Africa

Umuhanzikazi Nomcebo yamaze kugera i Kigali, kandi yatangiye imyiteguro irimo gusubiramo indirimbo 'Jerusalum' yamamaye 

Jux ukukirikirwa n'abantu barenga Miliyoni 6.3 kuri Instagram yageze i Kigali ahagana saa kumi n'imwe z'igitondo cyo kuri uyu wa Kane 

Umunyamideli Maria Borges uzayobora ibirori bya Trace Awards yamaze kugera i Kigali

Goulam, Sega’el na Mikl bamaze kugera i Kigali

Penaliti 2 za Mamelodi Sundowns umunyezamu w’Umunyarwanda, Ntwari Fiacre yakuyemo, zagejeje ikipe ye ya TS Galaxy muri 1/4 cya ‘Carling Knockout Cup’ muri Afurika y’Epfo.

Mu ijoro ryakeye TS Galaxy yari yakiriye Mamelodi Sundowns zishakamo ikipe igera muri 1/4 cya Carling Knockout Cup.

TS Galaxy yari yagiriye icyizere Umunyarwanda Ntwari Fiacre kubanza mu izamu ryayo, yaje no kubabera intwari abageza muri 1/4.

TS Galaxy yatangiye neza cyane kuko ku munota wa 13, Sphiwe Mahlangu yayitsindiye igitego cya mbere ni mu gihe ku munota wa 16, Mlungisi Mbunjana yayitsindiye igitego cya kabiri.

Mamelodi yagowe no kwishyura ibi bitego kugeza ku munota wa 56 ubwo Marcelo Allende yayitsindiraga icya mbere.

Ku munota wa nyuma w’inyongera w’umukino, Gaston Sirino yayitsindiye igitego cya kabiri. Umukino warangiye ari 2-2 bahita bitabaza iminota 30 y’inyongera itagize icyo ihindura.

Bahise bajya muri penaliti maze Ntwari Fiacre arigaragaza. TS Galaxy niyo yateye iya mbere irayinjiza.

Ntwari Fiacre yagaruye ikipe ye mu mukino ubwo yakuragamo penaliti ya mbere ya Mamelodi Sundowns yatewe na Brian Onyango.

Vladimir Siladi wa TS Galaxy na we yayishushije, yari penaliti ya 4. Penaliti 5 zarangiye buri kipe ifite 4 bajya mu nyongezo.

Samir Nurković yateye penaliti ya 6 ya TS Galaxy arayinjiza maze Lesiba Nku wateye iya 6 ya Mamelodi Sundowns, Ntwari Fiacre ayikuramo afasha ikipe kugera muri 1/4 cya Carling Knockout Cup kuri penaliti 5-4.

Ntwari Fiacre yitwaye neza ageza ikipe muri 1/4 cya Carling Knockout Cup

Bahise bamwuzuraho bamushimira

Inzego zishinzwe iperereza zatangiye gushakisha umuntu wataye mu bwiherero bwa Resitora  imbunda yo bwoko bwa ‘Pistol’. Iyo mbunda yabonetse kuwa Kabiri Tariki ya 17 Ukwakira 2023.

Iyo mbunda yabonetse mu bwiherero bw’abagabo niyo mu bwoko bwa Pistol yabonetse mu gace kilimani mu mujyi wa Nairobi muri Resitora iri hafi ya sitasiyo icuruza ibikomoka Kuri petoroli. Ni imbunda iri mu bwoko bwa pistolet ya Steyr C9-A2 MF.

Nyuma y’uko iyo mbunda ibonetse muri resitora, Polisi y’Igihugu cya Kenya yahise iyoherereza abapolisi bayijyana kuri sitasiyo yabo. Iyo mbunda yabonetse ni iyo mu bwoko bwa Pistolet ya Steyr C9-A2 MF, ikaba yari irimo amasasu 16.

Amakuru avuga ko hatangiye gukorwa iperereza mu rwego rwo gushakisha uwaba yaribagiriwe imbunda mu bwiherero bwa Resitora. Bivugwa ko iyo mbuga uwayitaye ashobora kuba ari umusivili wari uyitunze.

Mu mabwiriza agenga abahawe impushya za gutunga imbunda, avuga ko imbunda igomba kuba iri ahantu nyirayo aba ari bityo ntawemerewe kuyishyira ahantu ahabonetse hose.

Ivomo: The Star.co.ke 

Ku mugoroba wo kuri uyu wa Gatatu tariki 18 Ukwakira 2023, The Ben usanzwe ari umufana we bahuriye i Musanze mu kigo cyita ku ngagi cya Elen De Genres.

Mu butumwa bwo kuri Instagram, The Ben yagaragaje ko yanogewe no guhura n'uyu muhanzi wamamaye mu ndirimbo zirimo 'Señorita' yakoranye na Camila Cabello nawe uheruka mu Rwanda.

The Ben yanditse avuga ko ari umufana w'uyu musore w'imyaka 25 y'amavuko kuva cyera, kandi amushimira umwanya yamuhaye bakaganira. Mu mashusho, Shawn yumvikana asuhuza Uwicyeza Pamella, umukunzi wa The Ben bitegura kurushinga.

Shawn yavutse ku wa 8 Nzeri 1998. Ni umunya-Canada w'umwanditsi w'indirimbo, wagiye agira uruhare muri filime zitandukanye.

Izina rye ryatangiye guhangwa amaso mu mwaka wa 2013 ubwo yashyiraga ku rubuga rwa Youtube amashusho y'iminota 10 aririmba uruhererekane rw'indirimbo zitandukanye kandi z'abahanzi banyuranye mu cyo yise 'Vine'.

Ni umuhanzi w'umuhanga ugerageza injyana zinyuranye, kandi asubiramo indirimbo z'abahanzi benshi barimo abakomeye ku Isi nka Justin Bieber, Ed Sheeran n'abandi.

Akimara gusubiramo ziriya ndirimbo, Andrew Gertler usanzwe ari umujyanama w'abahanzi baraganiriye amwinjiza mu inzu ifasha abahanzi ya Island Records

Mu 2014, uyu musore yasohoye EP ye ya mbere, nyuma mu 2015 asohora album. Indirimbo ze zagiye zica uduhigo kenshi zikaboneka ku rutonde rwa Billboard.

Yigeze kuba umwe mu bahanzi batanu bashya baciye agahigo kuri Billboard bari munsi y'imyaka 18 y'amavuko. Indirimbo ye yise 'Stitches' iba iya mbere ku rutonde rw'indirimbo zari zikunzwe mu Bwongereza, Amerika ndetse na Canada.

Album ye ya kabiri yise 'Illuminate' yasohoye mu 2016 yabaye iya mbere yumviswe cyane muri Leta Zunze Ubumwe za Amerika. Iriho indirimbo nka “Treat You Better”, “There’s Nothing Holdin’ Me Back” n'izindi.

Mu 2018 yasohoye album ye ya gatatu iriho indirimbo yakunzwe yise 'In My Blood', byatumye aba umuhanzi wa gatatu ukiri muto wumviswe cyane muri Amerika.

Mu 2019 yahinduye umuvuno mu muziki akora indirimbo nka “If I Can’t Have You” ndetse na “Señorita” yakoranye na Camila Cabello, kuva ubwo ashinga imiziki mu muziki we. 

Mu 2020 yasohoye album ye ya kane, bituma aba umuhanzi muto ubashije kubigeraho mu mateka y'umuziki kandi wumviswe cyane kuri Billboard 200.

Shawn Mendes avuka kuri Nyina Karen ufite inkomoko mu Bwongereza na Se Manuel Mendes wo muri Portugal

Shawn Mendes yigeze kuvuga ko yamenye gucuranga gitari yifashishije urubuga rwa Youtube ubwo yari afite imyaka 13 mu 2012

Nyuma y'uko mu 2017, asohoye album 'Illuminate' yakoreye ibitaramo mu Mujyi itandukanye nka Los Angeles, I London muri O2 Arena, hose amatike yabaga yashize

Muri Nyakanga 2019, Mendes yavuzwe mu rukundo na Camila Cabello baje gukorana indirimbo bise Señorita

KANDA HANO UREBE AMASHUSHO Y'INDIRIMBO SENORITA

“>

KANDA HANO UREBE AMASHUSHO Y'INDIRIMBO 'THER'S NOTHING HOLDIN' ME BACK

“>

Ni byinshi bitavugwa rimwe na rimwe mu muziki nyarwanda ndetse bikarenzwa ingohe  bitewe n'abawureberera.

Kuri iyi nshuro reka tugaruke ku makuru ari kuvugisha abantu ku muhanzi Meddy binavugwa ko yazinutswe umuziki usanzwe  akigira mu wo  guhimbaza Imana.

Mu mwaka wa 2019 ubwo habaga ibitaramo biherekeza Kwita Izina muri Arena, hari hatumiwemo icyamamare mu muziki Ne-yo ndetse na Meddy.

Meddy wari waturutse muri Amerika akigera ku rubyiniro, yahise arukurwaho ataramara n'iminota ibiri.

Meddy yazinutswe umuziki w'Isi

Ku mpamvu Meddy yarukuweho ngo ni uko icyamamare Ne-yo yari agiye kuririmba umwanya munini ndetse agahabwa n'umwanya w'abacuranzi be bagacomeka ibyuma.

Kuri Meddy wagiye adataramiye abantu nyuma y'urugendo rwose yaririye mu Rwambariro yicuza impamvu yaje.

Si uko kurira gusa kuko byanamuteye igihombo kinini kuko atabonetse i Burundi aho yagombaga kujya gutaramira ndetse n'indirimbo yakoranye ba Sat B amashusho yayo ntiyakorwa. Hagashyirwa mu majwi RDB.