Webrwanda Backend

Author: webrwanda

  • CAF yinjiye mu masezerano n’u Rwanda, TP Mazembe ngo ntibyumva neza #rwanda #RwOT

    Bidasubirwaho ‘Visit Rwanda’ na ‘RwandAir’ bazaba ari abafanyabikorwa rw’irushanwa rya ‘African Football League’ rigiye kuba bwa mbere rikabera Uwanja wa Mkapa muri Tanzania.

    Impuzamashyirahamwe y’Umupira w’Amaguru murui Afurika (CAF) yagiranye amasezerano y’ubufatanye na Guverinoma y’u Rwanda, ibinyujije mu Kigo cy’Igihugu cy’Iterambere (RDB), Minisiteri ya Siporo ndetse na Sosiyete y’Ubwikorezi bwo mu kirere ya RwandaAir.

    Ubufatanye bugamije guteza imbere Umupira w’Amaguru n’Ubukerarugendo muri Afurika binyuze muri Shampiyona y’Umupira w’Amaguru ya “African Footaball” (AFL) igiye gukinwa ku nshuro ya mbere izagaragaramo amakipe y’umupira w’amaguru meza ku mugabane wa Afurika.

    Ni irushanwa rizaba rigizwe n’amakipe aturutse mu turere twose twa Afurika (regions) aho azaba ahatanira igikombe buri mwaka guhera kuri 20 Ukwakira 2023 i Dar-es-Salaam, muri Tanzania.

    CAF ikaba yayisanyanye amasezerano n’u Rwanda binyuze muri RDB yo kwamamaza Ubukerarugendo bw’u Rwanda binyuze muri “Visit Rwanda” aho amakipe azajya yambara imyenda iriho iri jambo rya “Visit Rwanda”, muri Stade mu gihe cy’umukino no mu mahugurwa y’abafatanyabikorwa.

    RwandAir imaze kwandika izina mu ngendo zo mu kirere z’indege, niyo izatwara aya makipe yaba kujya ahabera irushanwa cyangwa se kubacyura mu gihe irushanwa rirangiye. Ikazatwara amakipe asanzwe ari mu mirongo isanzwe ikoreramo.

    Umunyabanga wa CAF, Véron Mosengo-Omba yavuze ko bishimiye kugirana ubufatanye n’u Rwanda binyuze muri Visit Rwanda.

    Ati 'Ubufatanye na ‘Visit Rwanda’ ni intambwe ikomeye. Nejejwe no gutangaza ko twagiranye ubufatanye bushimishije n’igihugu kigaragaza umwuka w’iterambere ry’umupira w’amaguru muri Afurika.”

    Francis Gatare, Umuyobozi mukuru wa RDB, Ikigo gishinzwe iterambere mu Rwanda we yagize ati 'Twishimiye gutangaza ubundi bufatanye mu guteza imbere igihugu no kuzamura siporo mu Rwanda. Ibi bihuye n’intego zacu zo gutanga umusanzu mu guteza imbere impano Nyafurika no gukoresha umupira w’amaguru mu guteza imbere ubukungu ku Mugabane wacu. Binyuze muri ubwo bufatanye, dufite intego yo kwereka u Rwanda rushya abantu barenga miliyari imwe bazareba iyi shampiyona ngarukamwaka.”

    Amakipe ahatanira iki gikombe uyu mwaka uko ari 8 ni; Al Ahly ikomoka mu Misiri, Wydad AC ikomoka muri Maroc, Espérance Sportive de Tunis yo muri Tunisia, TP Mazembe yo muri DR Congo, Enyimba yo muri Nigeria, Mamelodi Sundowns yo muri Afurika y’Epfo, Club Petro Atletico de Luanda yo muri Angola na Simba SC yo muri Tanzania.

    Gusa amakuru aturuka muri DR Congo, bimwe mu binyamakuru byaho bivuga ko ikipe ya TP Mazembe idakozwa ibyo kwambara Visit Rwanda ndetse no kuba yagendera mu ndege ya Rwandair ntibikozwa.

    Source : http://isimbi.rw/siporo/CAF-yinjiye-mu-masezerano-n-u-Rwanda-TP-Mazembe-ngo-ntibyumva-neza

  • JENOSIDE: Twahirwa wahakanye ko ntaho ahuriye n'interahamwe, yanyomojwe n'uwari umugore we #rwanda #RwOT

    Kuri uyu wa 17 Ukwakira 2023 mu rukiko rwa Rubanda i Buruseli mu Gihugu cy'u Bubiligi, ku munsi wa Gatandatu w'Urubanza ruregwamo Abanyarwanda babiri; Basabose Pierre na Twahirwa Séraphin ku byaha bya Jenoside yakorewe Abatutsi mu Rwanda, itsinda ry'abantu 5 ryoherejwe n'u Bubiligi mu Rwanda gukora iperereza kuri aba baregwa, ryagaragarije urukiko ko mu gihe Twahirwa Séraphin yavuze ko ntaho ahuriye n'Interahamwe ko atazibayemo, uwari umugore we yahamije ko yabanaga nazo, yazindukaga ajyana nazo ndetse agataha yigamba ibyo biriwemo.

    Abagize iri tsinda, babwiye inteko iburanisha ko ubwo Twahirwa yabazwaga n'abakoraga iperereza ku byaha akurikiranyweho yavuze ko yabaye mu ishyaka rya MRND, ko kandi yahisemo kurijyamo bitewe n'ubuyobozi bwiza bwa Perezida Juvenal Habyalimana, rikaba kandi ryari ishyaka rifite intego nziza arizo' unite,paix et progres'( Ubumwe, Amahoro, Amajyambere). Gusa yahakanye ko ntaho ahuriye n'Interahamwe, ko ndetse atazibayemo.

    Ubwo yabazwaga ku bijyanye n'Interahamwe kandi, yavuze ko nta bayobozi bazo yari yarahuye nabo, ko yumvaga amazina yazo gusa. Ahamya ko Interahamwe yabonye n'amaso ye ngo ni iyitwa Karambizi wari umuyobozi w'interahamwe muri segiteri Gikondo.

    Mu gihe Twahirwa Séraphin ahakana ko ntaho ahuriye n'Interahamwe, ko ndetse atigeze azijyamo, uwari umugore we babanaga ubwo yabazwaga n'aba bakoraga iperereza, yavuze ko umugabo we ( Twahirwa Séraphin) ubwo Jenoside yatangiraga, 'Twahirwa yagendaga mu gitondo ari kumwe n'interahamwe, bakagaruka bigamba Abatutsi bishe ndetse n'ibyo basahuye'. Akomeza avuga kandi ko uyu mugabo we yigambaga gufata ku ngufu abakobwa bo muri quartier( Karitsiye), ibyo ngo akaba yarabivugaga nta kwicuza agaragaza ahubwo avuga ko ibyo akora bimugira'champion'.

    Uretse uyu wari umugore we uhamya ko yakoranaga ndetse akagendana n'Interahamwe bagiye kwica Abatutsi ndetse agataha yigamba abo yishe, ibyasahuwe ndetse n'abakobwa yafashe ku ngufu, hari uwitwa Ephraim Nkezabera abagize iri tsinda bavuga ko ari umwe mu nterahamwe wemeye uruhare yagize muri Jenoside yakorewe Abatutsi mu Rwanda, akaba yaraburanishijwe ndetse agakatitwa n'inkiko zo mu Bubiligi igihano cy'Igifungo cy'imyaka 30. Uyu avuga ko uyu Twahirwa Séraphin yari Interahamwe ndetse y'izina rikomeye.

    Abagize iri tsinda bavuga ko uyu Ephraim Nkezabera ubwo bamubazaga yahamije neza ko 'yibuka Twahirwa Séraphin nk'Interahamwe ikomeye yagize uruhare mu bwicanyi bw'Abatutsi benshi'. Uyu yakomeje abwira abagize iri tsinda ko Twahirwa Séraphin yari afite Izina rikomeye mu gihe cya Jenoside, ko yazengurukaga uko ashatse mu mujyi wa kigali.

    Bimwe mu bikubiye muri dossier(Dosiye) ya Twahirwa Séraphin mbere y'1994 harimo; Gutoza interahamwe ndetse no kuziha intwaro, aho ibikorwa byo kuziha imyitozo ya gisirikari byaberaga I Gabiro, Remera na Kimihurura, Seraphin Twahirwa akaba ngo ari umwe mu bari bashinzwe gutoranya interahamwe zijyayo.

    Mu gihe cya Jenoside yakorewe Abatutsi, ubwicanyi bukomeye Twahirwa Séraphin yagizemo uruhare bwabereye I Gikondo, ETO-Kicukiro, OCIR-Cafe ndetse no kw'irimbi rya Gatenga. Mu gihe cya Jenoside yakorewe Abatutsi kandi ngo urugo rwa Twahirwa Séraphin rwahindutse indiri y'abasirikare n'interahamwe aho basangiraga inzoga, itabi ndetse n'ibiyobyabwenge. Muri iki gihe ngo yahise aba Perezida w'interahamwe ku rwego rw'umujyi wa Kigali asimbuye Robert Kajuga.

    Munyaneza Theogene

    Source : https://www.intyoza.com/2023/10/18/jenoside-twahirwa-wahakanye-ko-ntaho-ahuriye-ninterahamwe-yanyomojwe-nuwari-umugore-we/

  • Ni iki u Rwanda ruzungukira kwakira Trace Awards? #rwanda #RwOT

    Ikigo cy'Igihugu cy'Iterambere ( RDB) kirasaba buri munyarwanda guterwa ishema no guhora yiteguye kwakira ibikorwa mpuzamahanga, kuko bitanga inyungu ku byiciro bitandukanye by'ubuzima bw'igihugu no kumurika u Rwanda ku ruhando mpuzamahanga.

    Kompanyi y'Igihugu y'ubwikorezi bwo mu kirere, RwandAir, n'Urwego rw'Igihugu rw'Iterambere (RDB), bagaragaje ko uretse gushyigikira uruganda rw'imyidagaduro mu gihugu, hari n'izindi inyungu nyinshi u Rwanda ruzabona nirwakira ibihembo bya Trace Awards 2023.

    Ni ibihembo bigiye gutangirwa mu Rwanda ku nshuro ya mbere mu myaka 20 bimaze bitangwa ku bahanzi nyafurika. Bizatangwa ku itariki ya 21 Ukwakira 2023 muri BK Arena, ariko bizabanzirizwa n'iserukiramuco ry'iminsi ibiri ryo rizabera muri KCEV yahoze ari Camp Kigali.

    Mu kiganiro n'itaganzamakuru cyabereye muri BK Arena kuri uyu wa 17 Ukwakira 2023, RDB yagaragaje ko uretse uruganda rw'imyidagaduro, kwakira iri tangwa ry'ibihembo bizafasha mu kumenyekanisha ubukerugendo bugana mu Rwanda, harimo n'ubushingiye ku kwakira inama n'ibindi birori.

    Umuyobozi w'Ishami ry'Ubukerarugendo no Kubungabunga Pariki z'Igihugu muri RDB, Ariella Kageruka yagize ati 'Kwakira iki gikorwa ni ikintu ntagereranywa kuri Afurika ariko no ku Rwanda, kandi turishimira ko baduhisemo ngo twakire iki gikorwa cy'ingirakamaro. Twe n'abafatanyabikorwa bose duhuje intego yo kugira u Rwanda ahantu heza ho kwakira inama n'ibindi birori, ibyo bikoroshya ubukerugendo n'ishoramari'.

    Yakomeje ati 'Ni yo mpamvu ubu u Rwanda rugamije kuba ahantu heza ho kubera inama n'ibindi birori, ubu Kigali iri ku mwanya wa kabiri muri Afurika, kandi ibyo ntabwo byikoze, twarabikoreye dushoramo imari. Uruganda rw'ubuhanzi rukorana bya hafi n'ubukerugendo. Ntabwo ubukerugendo bwakunda hatabayeho ibitaramo nk'ibi bizana abantu bavuye mu bihugu bitandukanye'.

    Kageruka yongeyeho ko kwakira iki gikorwa bizaha urubuga abahanzi nyarwanda, bakagura ibikorwa byabo ndetse bikanashimangira gahunda u Rwanda rufite yo guhuza Abanyafurika batandukanye, mu kuganira ku iterambere ry'uyu mugabane.

    Umuyobozi ushinzwe Itumanaho no gushaka amasoko muri RwandAir, Habba Adijah Kamwesiga yagize ati 'Birumvikana turimo kubikoreramo amafaranga menshi, ariko imikoranire yacu n'abatanga ibi bihembo irenze kwinjiza amafaranga. Tugamije kuzamura izina rya RwandAir nka kompanyi y'ubwikorezi bwo mu kirere mu gihugu. Ibyo birenze kwinjiza amafaranga kuko bikomeza no mu gihe kizaza'.

    Yakomeje ati 'Nko muri Kamena twakoranye n'abatanga ibihembo bya Trace ubwo twatangizaga ingendo zerekeza i Paris. Icyo gihe twakoreye amafaranga menshi, ingendo zinjya i Paris ubu zihagaze neza. Turashimira Trace kuko ntibyari koroha kubigeraho tudafatanyije. Nk'ikompanyi y'ubwikorezi bwo mu kirere byadufashije kugira umwanya mwiza mu kujya mu bihugu bya Afurika n'i Burayi. Ibyo biratuzamura nka kompanyi ariko n'Igihugu muri rusange'.

    Olivier Laouchez uyobora Trace akanaba umwe mu bayishinze, yavuze ko ibi birori bimaze gutumirwamo abahanzi barenga 60 bazasusurutsa abazabyitabira. Bamwe mu bo bamaze kwemeranya harimo Abanyarwanda nka Bruce Melody, Chris Eazy na Bwiza. Hari n'abafite izina rikomeye muri Afurika nka Davido, Diamond Platnumz, Yemi Alade, Mr Eazi n'abandi benshi bakora umuziki nyafurika.

    Abahanzi nyarwanda bari mu bahataniye ibi bihembo harimo Bruce Melodie, Bwiza, Chriss Eazy, Kenny Sol na Ariel Wayz.

    Iri rushanwa, kimwe n'andi mpuzamahanga akomeye ntiritanga amafaranga ku batsindiye ibihembo gusa, abaritegura bavuga ko bazatanga agahimbazamusyi ku bazaryitabira bose.

    Biteganyijwe ko ibi birori bizitabirwa n'ababarirwa hagati ya 7,000 na 10,000 barimo ibyamamare ku migabane itandukanye yose ku Isi. Ibi bihembo bitegurwa n'igitangazamakuru cya Trace cyibanda ku muziki Nyafurika, ari na wo abahatana muri ibi bihembo baba bakora.

    Uyu mwaka abahanzi bahatanyemo bakomoka mu bihugu birenga 30 byiganjemo iby'Afurika. Bibera mu bihugu bitandukanye ku Isi, iby'uyu mwaka bikaba bizabera i Kigali ariko binakurikiwe n'abantu Miliyoni 500 bo mu bihugu 190 mu buryo bw'iyakure biciye kuri Televiziyo za Trace.

    Uyu mwaka bigiye kubera mu Rwanda binyuze mu bufatanye bwa Visit Rwanda ya RDB na Trace Group itegura ibi bihembo. Itike zo kwinjira muri ibi birori zigura amafaranga y'u Rwanda ibihumbi 20, 25 na 30 kuzageza saa kumi n'ebyiri z'umugoroba w'itariki ibihembo bizatangwaho.

    The post Ni iki u Rwanda ruzungukira kwakira Trace Awards? appeared first on FLASH RADIO&TV.

    Source : https://flash.rw/2023/10/18/ni-iki-u-rwanda-ruzungukira-kwakira-trace-awards/?utm_source=rss&utm_medium=rss&utm_campaign=ni-iki-u-rwanda-ruzungukira-kwakira-trace-awards

  • MTN yamuritse Internet ya 5G – #rwanda #RwOT

    Ku munsi wa mbere w’inama ya Mobile World Congress (MWC), MTN Rwandacell PLC (MTN Rwanda) yabaye ikigo cya mbere cyamuritse Ikoranabuhanga mu itumanaho  rya 5G  mu Rwanda.

    Ibi bigaragaza  ubushake, ubwitange n’uruhare MTN Rwanda mu kuguma ku isonga mu iterambere ry’ikoranabuhanga muri  gihugu ndetse no mu buryo bwo gukemura ibibazo byihuse.

    Umuyobozi wa MTN Rwanda, Mapula Bodibe yagize ati “5G ihagarariye ibirenze kuba inyaruka. Izazana impinduka nyinshi mu nzego zitandukanye haba mu buzima, uburezi, ubuhinzi ndetse n’izindi nzego zitandukanye.”

    Yakomeje agira ati “Kumurika iri koranabuhanga rishya ntabwo ari ukuguma ku isonga mu guhanga udushya gusa ahubwo ni ugushakisha uburyo bushya bwo kuzamura imibereho ya buri munsi y’abanyarwanda no gushyira igihugu ku isonga mu ikoranabuhanga ku Mugabane wa Afurika”.

    Internet ya  5G yitezweho kuzamura imiterere y’u Rwanda mu buryo bw’itumanaho no guhanga udushya twinshi. Uretse ibyo kandi, izazamura uburyo bwiza bwo kugera kuri serivisi za Interinet mu buryo bwihuse cyane ku buryo bizafasha guhanga udushya. Internet ya  5G izazamura kandi ubukungu no kurushaho guteza imbere gahunda za Leta.

    Kumurika Internet ya  5G ryerekana ibihe bishya byo guhuza Interineti mu Rwanda kandi bigaragaza ubushake bwa MTN  Rwanda mu guhanga udushya no kwitanga mu kuzamura imibereho y'abanyarwanda hamwe n'ibisubizo byabo.

    MTN Rwanda yabaye ikigo cy’itumanaho cya mbere kimuritse Internet  ya 5G mu Rwanda

    Source : https://inyarwanda.com/inkuru/135529/mtn-yamuritse-internet-ya-5g-135529.html

  • Pitchou wa APR FC nyuma y’igihe kitari gito yatangiye imyitozo (AMAFOTO) #rwanda #RwOT

    Nshimirimana Ismaïl Pitchou ukina mu kibuga hagati muri APR FC, yatangiye imyitozo yorohereje nyuma y’ukwezi agize imvune.

    Uyu mukinnyi w’Umurundi yagize imvune tariki ya 23 Nzeri 2023 mu mukino w’ikirarane cy’umunsi wa mbere wa shampiyona wo APR FC yanganyijemo na Marines FC 2-2.

    Kuva icyo gihe yari akirimo kwitabwaho n’abaganga bamukurikirana umunsi ku munsi kugira ngo barebe ko yagaruka vuba.

    Pitchou yagize ikibazo cy’imvune y’akagombambari ari nayo yatumye atagaragara mu mikino APR FC iheruka gukina.

    Akaba yatangiye gukora imyitozo yorohereje aho arimo gukorera ku ruhande wenyine akoreshwa n’umutoza ushinzwe kongerera ingufu abakinnyi ba APR FC.

    Nshimirimana Ismaïl Pitchou yinjiye muri APR FC mbere y’uko umwaka w’imikino wa 2023-24 utangira avuye muri Kiyovu Sports, yayisinyiye amasezerano y’imyaka ibiri.

    Pitchou yatangiye imyitozo yoroheje

    Amaze iminsi afite imvune

    Arimo gukorana imyitozo n’umutoza ushinzwe kongerera ingufu abakinnyi ba APR FC

    Source : http://isimbi.rw/siporo/article/pitchou-wa-apr-fc-nyuma-y-igihe-kitari-gito-yatangiye-imyitozo-amafoto

  • Ngomba kugira ikipe yanjye ku kabi n’akeza – Mvukiyehe Juvenal wahoze uyobora Kiyovu Sports #rwanda #RwOT

    Umunyemari Mvukiyehe Juvenal wahoze ayobora ikipe ya Kiyovu Sports, yavuze ko ibyo kugura Rugende FC bitararangira ariko ko agomba kugira ikipe ye bwite uko byagenda kose.

    Ni nyuma y’uko mu kwezi gushize kwa Nzeri 2023, ubuyobozi bw’Umuryango wa Kiyovu Sports bwamwambuye ikipe yayoboraga kuko yakuwe muri Kiyovu Sports Company LTD yari abereye umuyobozi isubizwa gucungirwa mu muryango wa Rayon Sports.

    Yahise atekereza uburyo yagira ikipe ye bwite atangira gushaka uko yayigura.

    Nibwo yahise ajya mu biganiro n’ikipe ya Rugende FC isanzwe ikina icyiciro cya kabiri mu bagabo.

    Amakuru avuga ko ku mugoroba wo kuri uyu wa Kabiri ari bwo ibiganiro byarangiye maze uyu mugabo yegukana Rugende FC ya Hunde Rubegasa Walter.

    Mu kiganiro yahaye ikinyamakuru ISIMBI, yavuze ko bitararangira neza ariko na none bigeze kuri 80%, gusa yemeje ko agomba kugira ikipe ye uko byagenda kosa.

    Ati “biracyari mu mishinga ariko ntabwo birarangira. Ngomba kugira ikipe yanjye ku kabi n’akeza. Urumva impamvu mvuga ko bitararangira iyo ibintu bikiri mu ihererekanya (transfer) biba bitararangira, ubibara mwamaze gusinya byose byarangiye, gusa biri mu murongo mwiza kuko biri kuri 80%.”

    Nubwo atemera ko byarangiye gusa amakuru avuga ko ku mugoroba wo kuri uyu wa Kabiri yasuye iyi kipe aganira n’abakinnyi aho yababwiye ko ari we muyobozi mushya wabo kandi ko bagomba kuzamuka mu cyiciro cya mbere umwaka w’imikino utaha.

    Mvukiyehe Juvenal yavuze ko agomba kugira ikipe ye uko byagenda kose

    Source : http://isimbi.rw/siporo/article/ngomba-kugira-ikipe-yanjye-ku-kabi-n-akeza-mvukiyehe-juvenal-wahoze-uyobora-kiyovu-sports

  • Mvukiyehe Juvenal yaguze ikipe nshya – #rwanda #RwOT

    Ku mugoroba wo kuri uyu wa Kabiri tariki 17 Ukwakira, ni bwo Mvukiyehe Juvenal yasoje gahunda yo kugura ikipe ya Rugende FC imaze igihe ikina icyiciro cya kabiri.

    Ibi bibaye nyuma Mvukiyehe Juvenal Kiyovu Sports aherutse kuva muri Kiyovu Sports, ariyo kipe ya mbere yayoboye mu Rwanda.

    Nyuma yo kugura iyi kipe, Mvukiyehe Juvenal yahise asura abakinnyi mu myitozo ndetse abimbwira birambuye, abamenyesha ko bataje gutinda mu cyiciro cya kabiri, ashaka ko umwaka utaha izahita izamuka.

    Iyi kipe isanzwe ikinira imikino yayo mu Karere ka Gasabo ahazwi nka Rugende, ni imwe mu makipe azwiho kugira abakinnyi b’abana bakiri bato. 

    Mvukiyehe Juvenal abaye umwe mu bashoramari bagize ikipe yabo, aho asanze abarimo KNC wa Gasogi United na Mudaheranwa Hadji wa Gorilla FC 

    Source : https://inyarwanda.com/inkuru/135527/mvukiyehe-juvenal-yaguze-ikipe-nshya-135527.html

  • Bruno Fernandes yashimagije Cristiano Ronaldo #rwanda #RwOT

    Umunya-Portugal, Bruno Fernandes yavuze ko ari abanyamugisha kuba barabyirutse babona Critsiano Ronaldo akina ndetse bamwe bakagira amahirwe yo gukinana na we kubera ko yazanye igitinyiro ku ikipe y’igihugu ya Portugal.

    Cristiano Ronaldo ukinira Al Nassr muri Saudi Arabia ni umwe mu bakinnyi bafatwa nk’umwe mu beza Isi ifite cyangwa yagize, yashyizeho uduhigo akuraho utundi.

    Bruno Fernandes ukinira Manchester United ndetse akaba yaranakinanye na Cristiano muri Manchester ndetse ubu bakaba bari kumwe mu ikipe y’igihugu ya Portugal, yavuze ko batakwirengagiza uruhare yagize kugira ngo benshi mu bakinnyi ba Portugal babe bari aho bari uyu munsi.

    Ati “twese twemera imbaraga Cristiano afite, imbaraga n’impinduka Ronaldo yagize ku hazaza ha benshi muri twe abakinnyi ba Portugal, amahirwe yaremye ku hazaza h’abakinnyi, uburyo abandi batangiye gufatamo Portugal.”

    Yakomeje avuga ko Cristiano yatumye ikipe y’igihugu ya Portugal itangira kubahwa, batangira no kuyitinya.

    Ati “batangiye kutwubaha, ariko buri kimwe Cristaiano yagezeho byatumaga izina ryacu ritinywa kurushaho, turishimira kuba turi muri iki kiragano kubera ko ni iby’agaciro kubona Cristiano akina ndetse nkaba naranagize amahirwe yo gukinana na we kimwe n’abandi bakinnyi bagenzi banjye.”

    Benshi bari bazi ko nyuma y’igikombe cy’Isi cya 2024, Cristiano Ronaldo azahita asezera umupira w’amaguru, gusa yaciye amarenga ko n’Igikombe cy’Isi cya 2026 nacyo azagikina.

    Bruno Fernandes yashimagije Cristiano avuga ko yatumye Portugal yubahwa

    Source : http://isimbi.rw/siporo/article/bruno-fernandes-yashimagije-cristiano-ronaldo

  • RDB yagaragaje uko Trace Awards izazamura urw… – #rwanda #RwOT

    Kageruka yabigarutseho kuri uyu wa Kabiri tariki 17 Ukwakira 2023 mu kiganiro n’itangazamakuru cyabereye kuri BK Arena, yahuriyemo n'Umuyobozi Mukuru wa Trace Group, Olivier Laouchez; Umuyobozi Mukuru wa BK Arena, Umuyobozi Ushinzwe imenyekanishabikorwa muri RwandAir, Haba Adijah Kamwesiga ndetse n'Umuyobozi w'ikigo Q&A Solutions, Kyle Schofield.

    Kageruka avuga ko ushingiye aho umuziki ugeze, abahanzi b’abanyafurika bamaze kugera ku rwego mpuzamahanga, bityo ibyo bakora bitarebwa gusa n’abatuye Afurika, ahubwo byarenze imipaka.

    Yasobanuye ko kuba abahanzi nyarwanda nabo bari ku rwego mpuzamahanga atari igitangaza, kuko ‘tuzi ko abahanzi bacu barashoboye’.

    Kageruka yavuze ko buri uko u Rwanda rugize amahirwe yo kwakira ibikorwa nka Trace Awards n’ibindi, nk’Ikigo cy’Igihugu cy’Iterambere (RDB), bakora uko bashoboye inyungu ikagera ku banyarwanda.

    Ati “Amahirwe u Rwanda ruzana buri gihe habaye ibikorwa nk’ibi ngibi cyangwa se ibitaramo nk’ibi tugiramo uruhare mu kuzana mu Rwanda bigomba kugirira  akamaro mbere na mbere abanyarwanda.”

    Yavuze ko mu ntangiriro yo kwemeza ko ibi bihembo bizatangirwa mu Rwanda, abahanzi nyarwanda baganirijwe harebwa icyo bifuza. Biri mu byatumye Trace Africa ikora uko ishoboye kugirango abanyarwanda bazagaragare mu itangwa ry’ibi bihembo birimo no gushyiraho icyiciro cyihariye ku bahanzi nyarwanda gusa.

    Kageruka avuga ko uruganda rw’ubuhanzi rukorana cyane bya hafi n’ubukerarugendo, bigatuma umubare w’abakerarugendo uzamuka. Ati “Ntabwo ubukerarugendo bwakunda habateho ibitaramo bizana abantu batandukanye bavuye mu bihugu bitandukanye.” 

    Yatanze urugero avuga ko kuba ibihumbi by’abantu mu bihugu bitandukanye byo ku Isi barimo abahanzi barenga 60 bagiye kwitabira Trace Awards baremeje kuzaba bari i Kigali ari ‘ibintu by’ingirakamaro’ ku gihugu.

    Ati “Aho niho ubukerarugendo bwungukira. Iyo abantu baza mu Rwanda […] Tubonereho n’umwanya wo kugirango dushimire Abanyarwanda ndetse n’abikorera ku giti cyabo, byumwihariko no kubategura ko buri gihe u Rwanda ruzajya rwakira ibi bikorwa mpuzamahanga.”

    Kageruka yavuze ko abanyarwanda bakwiye guhora biteguye kwakira ibikorwa mpuzamahanga, bitanga inyungu ku byiciro bitandukanye by’ubuzima, yaba afite za hoteli, abahanzi, ibigo by’ubucuruzi, mu ngendo n’abandi.

    Yagaragaje ko uruganda rw’inganda ndangamuco mu Rwanda ruzisanga muri ibi bihembo, yaba mu gihe cyo kubitanga, iserukiramuco rizabiherekeza n'ibindi.

    Ati “Iki ni ikintu cy’ingirakamaro, abantu bikorera mu nganda ndangamuco bazabasha kubona amahirwe y’ubucuruzi.”

    Kageruka yavuze ko  iyo u Rwanda rwakiriye inama Mpuzamahanga inyungu ya mbere atari amafaranga, ahubwo kumenya ku rwego rw’Isi ariyo ntambwe baba bashaka gutegura.

    Yavuze ati “Kumenyekana ku rwego rw’Isi ko twakira, dufite BK Arena, dufite indege, dufite Abanyarwanda bashoboye ku rwego rw’Isi ko babimenya ni ibintu udashobora kugura amafaranga wabona…Ibyo ni ibintu udashobora kugura ahubwo ubona kubera ko hari ibikorwa wakoze byivugira

    Kageruka yasabye Abanyarwanda guhanira iryo shema, kandi bagaharanira ko buri mushoramari wese ahora yifuza kugaruka mu Rwanda.

    Kuri uyu wa Kane tariki 21 Nzeri 2023, Trace Africa yasohoye urutonde rwa nyuma rw'abahanzi bazaririmba muri ibi bihembo bigamije guteza imbere abakorera umuziki muri Afurika mu kurushaho gusakaza ibihangano byabo hifashishijwe inyakiramashusho zitandukanye z'iri Televiziyo.

    Ni urutonde rugaragaraho amazina y'abahanzi bakomeye bagiye gutaramira i Kigali ku nshuro  ya mbere , nka Yemi Alade (Nigeria, Mr Eazi (Nigeria), Azawi (Uganda), BNXN (Nigeria), Camidoh (Ghana), Danni Gatto (Cape Verde), DJ Illans (Reunion), Donovan BTS (Mauritius), Emma'a (Gabon);

    Fireboy DML (Nigeria), GAEI (Madagascar), Gerilson Insrael (Angola), Ghetto Kids (Uganda), Goulam (The Comores), Juls (Ghana), Kader Japonais (Algeria), Kalash (Martinique), Krys M (Cameroon), KO (South Africa);

    Hari kandi KS Bloom (Ivory Coast), Levixone (Uganda), Locko (Cameroon), MIKL (Réunion), Moses Bliss (Nigeria), Musa Keys (South Africa) Nadia Mukami (Kenya), Olamide (Nigeria), Pabi Cooper (South Africa), Segael (Réunion) ndetse na Show dem Camp wo muri Nigeria.

    Kuri uru rutonde kandi harimo Mr Eazi, umunyamuziki w'inshuti y'u Rwanda wanashoye imari mu bikorwa bitandukanye. Yaherukaga kuririmbira i Kigali mu bitaramo bya Chop Life, kandi azahurira ku rubyiniro n'umuhanzi wo mu Rwanda, Chriss Eazy.

    Chriss wamenyekanye cyane mu ndirimbo zirimo 'Inana' ari no ku rutonde rw'abahanzi bo mu Rwanda bahatanye muri ibi bihembo aho ahatanye na Bruce Melodie, Ariel Wayz, Bwiza ndetse na Kenny Sol.

    Kwinjira mu muhango wo gutanga ibi bihembo bizasaba kwishyura ibihumbi 20 Frw, kandi ibi bihembo bizabera mu nyubako y'imyidagaduro ya BK Arena, ku wa 20 Ukwakira 2023.

    Urutonde rwa mbere rw'abahanzi bari batangajwe ruriho Davido (Nigeria), Asake (Nigeria), Bamby (French Guiana), Benjamin Dube (South Africa), Black Sherif (Ghana), Blxckie (South Africa), Bruce Melodie (Rwanda), Bwiza (Rwanda), Didi B (Ivory Coast), Dystinct (Morocco), Janet Otieno (Kenya), Josey (Ivory Coast), Kizz Daniel (Nigeria);

    Lisandro Cuxi (Cape Verde), Locko (Cameroon), Mikl (Reunion), Perola (Angola), Plutonio (Mozambique), Princess Lover (Martinique), Ronisia (France), Rutshelle Guillaume (Haïti), Soraia Ramos (Cape Verde), Tayc (France), Terrell Elymoor (Mayotte), The Compozers (Ghana) ndetse na Viviane Chidid wo muri Senegal. 

    Umuyobozi mukuru w’ishami ry’ubukerarugendo no kubungabunga za Pariki muri RDB, Kageruka Ariella yavuze ko abahanzi nyarwanda bakwiye kubyaza amahirwe ibi bihembo

    Umuyobozi Mukuru wa Trace Group, Olivier Laouchez yavuze ko imyaka ibiri yari ishize bakorana na RDB umunsi ku munsi mu gutegura itangwa ry'ibi bihembo

    Umuyobozi Ushinzwe imenyekanishabikorwa muri RwandAir, Haba Adijah Kamwesiga, yavuze ko biyemeje gukorana Trace Group kubera ko ari ikigo kimaze imyaka myinshi mu guteza imbere abatuye Afurika 

    Umuyobozi w'ikigo Q&A Solutions, Kyle Schofield, yagaragaje ko ari iby'igiciro kinini kuba ibihembo bya Trace Awards bigiye gutangirwa mu Rwanda 

    Kanda hano urebe amafoto menshi ku myiteguro ya Trace Awards

    AMAFOTO: Murenzi Dieudonne-InyaRwanda.com

    Source : https://inyarwanda.com/inkuru/135518/rdb-yagaragaje-uko-trace-awards-izazamura-urwego-rwubukerarugendo-135518.html

  • Riderman yacyeje MTN Iwacu Muzika Festival an… – #rwanda #RwOT

    Umwe mu baraperi bakomeye mu Rwanda, Riderman umaze iminsi ataramira abantu mu bitaramo biri kugana ku musozo bya MTN Iwacu Muzika Festival. Mu kiganiro yagiranye na InyaRwanda Tv, Riderman yavuze ko iyi 'Festival' muri rusange yagenze neza kuko abantu bari bakumbuye ibitaramo binini nka biriya.

    Yasobanuye ko kimwe mu bigaragaza ko aho bigeze bimeze neza ari ubwitabire buri hejuru bukomeje kugaragara mu bitaramo, hatirengagijwe ko byamamajwe mu gihe gito cyane kitageze no ku kwezi. Yatanze urugero ku Karere ka Ngomba, avuga ko abantu buzuye ahari hateganijwe bakagera no mu muhanda.

    Akomoza ku mbogamizi yabonye zabangamiye ibi bitaramo, yagize ati: ''Muri rusange byagenze neza, gusa amasaha yo gusorezaho yatumaga performances tuzikora abashinzwe umutekano baduhagaze iruhande badusaba gufunga kare.''

    Uyu muraperi wongeye kwishimirwa ku rwego rwo hejuru, yashimiye inzego z'umutekano zabanye nabo, zigatuma ibitaramo byose by'iyi festival bimaze kuba biba mu mutekano wuzuye. Yaboneyeho no kubasaba ko bishobotse, babongerera amasaha bakajya basoza kuririmba saa tatu z'ijoro.

    Riderman yavuze ko byari ibyishimo bikomeye kongera guhura n'abafana babo, cyane cyane ko hari hashize imyaka isaga ine badakora ibitaramo binini mu ntara kubera Covid-19.

    Avuga ko icyamushimishije cyane ari ukubona abafana baririmbana nawe ijambo ku rindi indirimbo za Hip Hop. Ati: ''Nishimiye kubona abafana baririmbana natwe indirimbo za hip hop nyamara usanga akenshi ziba zidakinwa ku maradiyo bumva nk’izindi njyana. 

    Bigaragaza ko ukuri n’iyo wagufungirana gute, ko kwishakira inzira kukagera hanze. Muri ibi bitaramo RAP yongeye kugaragaza imbaraga zayo.''

    Kuwa Gatatu tariki 20 Nzeri 2023 ni bwo ibi bitaramo byatewe inkunga na MTN byatangiriye mu Majyaruguru mu Karere ka Burera, aho abahanzi batanu aribo: Bushali, Chriss Easy, Bwiza, Afrique na Niyo Bosco bataramiraga imbaga y'abantu yari ihateraniye. 

    Ku wa 23 Nzeri 2023 nibwo abarimo Riderman, Bruce Melodie, Chriss Eazy, Bwiza, Alyn Sano, Niyo Bosco, Bushali na Afrique bakomereje i Musanze. Nyuma ya Musanze kuri 30 Nzeri 2023, aba bahanzi bose uko ari umunani bataramiye i Huye muri Kaminuza y'u Rwanda. 

    Tariki 07 Ukwakira, aba bahanzi basigiye ibyishimo bisendereye abaturage b'i Ngoma. Ku ya 14 Ukwakira, ab'i Rubavu nibo bari batahiwe gususurutwa n'abahanzi 8 bahawe akazi mu bitaramo bya Iwacu Muzika.

    Ibi bitaramo byari bimaze igihe bitaba kubera ingaruka z'icyorezo cya Covid-19, bitegenijwe ko bizasorezwa i Kigali muri BK Arena kuwa 25 Ugushyingo 2023.


    Umuraperi Riderman ahamya ko ibitaramo bya MTN Iwacu Muzika Festival byaje bikumbuwe na benshi


    Yavuze ko ibi bitaramo byongeye kugaragaza imbaraga za Rap

    Kanda hano urebe uko Riderman yiyambaje Karigombe maze bagasusurutsa ab’i Rubavu

    “>

      

    Source : https://inyarwanda.com/inkuru/135515/riderman-yacyeje-mtn-iwacu-muzika-festival-anahishura-icyamushimishije-cyane-video-135515.html