Author: webrwanda

Amateka agiye kwandikwa: Byiringiro Lague na Mukunzi Yannick bagiye gukura ikipe yabo mu cyiciro cya gatatu.

Abanyarwanda babiri Byiringiro Lague na Mukunzi Yannick bakina mu ikipe ya Sandvikens yo mu cyiciro cya gatatu mu gihugu cya Sweden bagiye kwandika amateka yo kuba abanyarwanda bagiye kuzamura ikipe yo hanze bayikura mu cyiciro kimwe bashyira mu kindi.

Ibi biravugwa kubera ko ikipe ya Sandvikens ariyo iyoboye urutonde rw'agateganyo rwa shampiyona y'igihugu cya Sweden kandi ikaba isabwa byibuze kunganya umukino ifite muri iki cyumweru maze igahita yegukana igikombe cya shampiyona ndetse igahita inakatisha itike yo kujya mu cyiciro cya kabiri.

Sandviken iyoboye shampiyona y'icyiciro cya gatutu muri Sweden n'amanoto 62 mu gihe ikipe ya United Nordic iyikurikiye ifite amanota 59 hakaba habura umukino umwe gusa ngo iyi shampiyona irangire.

Uko urutonde rw'agateganyo rwa shampiyona y'igihugu ya Sweden ruhagaze:

Source : https://yegob.rw/amateka-agiye-kwandikwa-byiringiro-lague-na-mukunzi-yannick-bagiye-gukura-ikipe-yabo-mu-cyiciro-cya-gatatu/

Umubare w'abatuye u Rwanda wiyongera umunsi ku wundi ari na ko ubuzima burushaho guhenda, bityo amaso asigaye ahanzwe abashoboye kugera ku ntebe y'ishuri ngo bazane impinduka mu mu bukungu bushingiye ku bumenyi igihugu gishyize imbere.

Abakuru bazi neza ko umurage umwana yakuraga ku babyeyi bo hambere wari isambu, inka n'indi mitungo ifatika. Mu kinyejana cya 21 ibintu byarahindutse ku buryo umubyeyi iyo amaze kwishyurira umwana we ishuri, ubwo umurage we uba ari uwo.

Ibarura rusange rya 2022 ryerekanye ko ubucucike mu Rwanda buri hejuru ugereranyije n'ibindi bihugu byo mu karere, ibi bikaba biterwa n'ubwiyongere bw'Abanyarwanda. Kuri kilometero kare imwe hatuye Abanyarwanda 503 bakazagera kuri 894 mu 2052.

Imibare igaragaza ko Abanyarwanda barengeje imyaka itatu ari 11.999.691. Aba barimo 16,7% batakandagiye mu ishuri, 2,7% bize amashuri y'incuke na ho 59,5% bize amashuri abanza.

Abize icyiciro rusange cy'amashuri yisumbuye [Tronc Commun] ni 9,6%, abasoje ayisumbuye bagera kuri 7,1% mu gihe abize kaminuza ari 3,6%.

Iyi mibare igaragaza ko uko amashuri agenda yigira hejuru ari ko abayitabira barushaho kuba bake kandi bikaba mu bice bitandukanye by'igihugu.

Gusa mu turere tw'imijyi bakomeza kugira umwihariko kuko ari ho higanje abarangije amashuri yisumbuye ugereranyije no mu turere tw'ibyaro.

Akarere ka Nyarugenge gafite abaturage benshi basoje amashuiri yisumbuye. Muri Nyarugenge hari abaturage 344.878 bafite kuva ku myaka itatu kuzamura, bakabamo abarenga 15.4% bize amashuri yisumbuye mu gihe 9% bize kaminuza.

Akarere ka Kicukiro kwagwa mu ntege Nyarugenge n'abaturage basoje amashuri yisumbuye bagera kuri 15.3%, mu gihe abaturage bari hejuru y'imyaka itatu y'amavuko ari 453.368. Abize kaminuza muri aka karere bo ni 16.6%.

Uturere tubiri two mu Mujyi wa Kigali dukurikirwa na Gasabo ifite abaturage 805.159 bari hejuru y'imyaka itatu y'amavuko, barimo 13.1% basoje amashuri yisumbuye mu gihe abarenga 10,7% bize amasomo ya kaminuza.

Ku mwanya wa kane hari Akarere ka Musanze gafite abaturage 9.2% bize amashuri yisumbuye, mu baturage 437.445 barengeje imyaka itatu bahabarizwa muri rusange. Abize kaminuza i Musanze ni 4,9%.

Uvuye i Musanze werekeza mu Burengerazuba bw'Igihugu, ni ho wongera guhurira n'abantu biganjemo abize ayisumbuye. Aha ni mu Karere ka Rubavu habarizwa 8.2% bize amashuri yisumbuye mu baturage 497.934 barengeje imyaka itatu y'amavuko. Abize kaminuza muri aka Karere ni 4%.

Uko uturere mu Rwanda turushanwa kugira abize amashuri yisumbuye benshi

Uvuye mu i Rubavu bigusaba kugenda amasaha agera kuri atanu ngo ugere mu Karere ka Rwamagana aho bafite abaturage 7.8% bize amashuri yisumbuye mu baturage 442,056 bafite kuva ku myaka itatu kuzamura. Muri bo abize kaminuza ni 3,3%.

Ukiri mu cyerekezo cy'i Burasirazuba, mu Karere ka Bugesera ni ho hongera kuboneka umubare munini w'abize amashuri yisumbuye, aho bafite 7.3% mu baturage 495.930 bafite kuva ku myaka itatu kuzamura. Abize kaminuza muri aka karere ni 3,4%.

Akarere kari ku mwanya wa munani ni Nyanza ifite abaturage 7.1% bize amashuri yisumbuye, mu bantu 332.117 bafite imyaka kuva kuri itatu y'amavuko kuzamura. Muri Nyanza abize kaminuza bagera kuri 3,6%.

Mu rugendo ruto wakora uvuye i Nyanza usubira i Kigali, hari akarere ka Muhanga ari na ko gafite 6.8% bize amashuri yisumbuye mu baturage 326.624 barengeje imyaka itatu. Abize kaminuza muri bo ni 3.5%.

Akarere kari ku mwanya wa cumi mu turere dufite abantu benshi basoje amashuri yisumbuye, ni Huye ifite abaturege 6.8 % bize ayisumbuye mu baturage 343.338 barengeje imyaka itatu. Abize kaminuza bari muri aka karere kanabarizwamo igicumbi cy'uburezi bagera kuri 3.9%.

Muri rusange utu turere uko dutondetse turi mu dufite amashuri menshi nubwo hari n'aho ushobora gusanga amashuri ari menshi yo mu cyiciro cy'abanza, ndetse abize ayisumbuye bakaba mbarwa.

Source : https://yegob.rw/ntiwabonamo-ruhango-uturere-10-twa-mbere-mu-rwanda-dufite-abantu-benshi-bize-amashuri-yisumbuye-secondary/

Yvonne Anuli Orji,ni umukinnyi wa filime akaba n’umunyarwenya uvuka muri Nigeria, akaba yibera muri Leta Zunze Ubumwe z’Amerika ari naho yabereye icyamamare biturutse kuri filime zitandukanye yakinnye zazamuye izina rye ku ruhando mpuzamahanga zirimo nka filime y’uruhererekane yitwa ‘Insecure’ yakinnye kuva mu 2016 kugeza mu 2021.

Uyu mukinnyikazi wa filime Yvonne Orji, yabaye iciro ry’imigani ku mbuga nkoranyambaga, nyuma yaho hashyizwe hanze amashusho y’ikiganiro yagiranye n’umunyarwenya Chelsea Handler, aho yagaragaye avuga ko atewe ishema no kuba ageze ku myaka 39 y’amavuko akiri isugi.

Umukinnyi wa filime Yvonne Orji yavuze ko akiri isugi ku myaka 39

Mu kiganiro kinyura kuri murandasi (Podcast) cyitwa ‘Dear Chelsea’ cya Chelsea Handler yatumiyemo Yvonne Orji niho yagize ati: ”Yego rwose ibyo mwumvise nibyo, ndi isugi ku myaka 39 kandi numva ari ibintu nkwiye kwirata kuko binteye ishema. Ndabizi abantu baranseka ariko njyewe ntabwo mbifata nkaho ari ikibazo kuko mbifata nk’ikintu gikomeye. Ese ubwo ni bangahe bafite imyaka nkiyanjye babashije kwifata?”.

Yvonne Orji umunya-nigeriya wahiriwe no gukina filime yakomeje agira ati: ”Ntegereje ko nzakora ubukwe. Umugabo uzanshaka niwe tuzaryamana bwa mbere. Sinzi niba azabyishimira ko nkiri isugi kuko hari benshi twabipfuye bikanatuma umubano wacu urangira kuko nababwiye ko ntazakora imibonano mpuzabitsina kugeza nkoze ubukwe”.

Yvonne Orji avuga ko azakomeza kwifata kugeza akoze ubukwe

Mu rwenya rwinshi Yvonne Orji uherutse gukina igice cya kabiri cya ‘Vacations Friends’ hamwe na John Cena, yagize ati: “Ndumva ahubwo abantu bansengera nkabona umugabo vuba kugirango ntakomeza gutegereza cyane kuko ni ibintu binkomerera. Ntekereza ko kuba narabashije kwifata kugeza ubu bifite aho bihuriye n’imyemerere yanjye”.

Yvonne Orji yahishuye ko kwifata abikesha imyemerere ye

People Magazine yatangaje ko kuva iki kiganiro cyasohoka Yvonne yahawe inkwenene na benshi ku mbuga nkoranyambaga bahinduye urwenya Yvonne Orji bamuseka, mu gihe bamwe bavuga ko ibyo yavuze ari ikinyoma ndetse ko yabikoze kugirango akunde avugwe. Mu gihe ibinyamakuru nka TMZ na Hollywood Life byatangaje ko Yvonne Orji yatangaje ibi kugirango ahubwo abone umugabo mu buryo bwihuse.

Umwe mubakoresha imbuga nkoranyambaga yagize ati: ‘Buri mwaka Yvonne Orji avuga ko ari isugi. Mukobwa, ntabwo duteze kuguha umudali’

Source : https://inyarwanda.com/inkuru/136255/yvonne-orji-yahawe-inkwenene-nyuma-yo-kuvuga-ko-akiri-isugi-ku-myaka-39-136255.html

Umutoza w’Umunyarwanda wari ushinzwe kongerera imbaraga abakinnyi b’ikipe ya Simba SC muri Tanzania, Hategekimana Corneille yirukananywe na Robertinho wari umutoza mukuru muri iyi kipe.

Aba bombi basezerewe na Simba SC nyuma y’uko mu mpera z’icyumweru gishize banyagiwe na mukeba Yanga ibitego 5-1.

Simba SC mu gitondo cyo kuri uyu wa Kabiri tariki ya 7 Ugushyingo 2023 yasohoye itangazo rivuga ko yamaze kumvikana gutandukana n’aba batoza, babashimira ibyo babagejejeho mu gihe bamaranye.

Muri Mutarama 2023 ni bwo ikipe ya Simba SC yatangaje umunya-Brazil watozaga Vipers muri Uganda, Robertinho nk’umutoza mushya wa yo.

Ubwo yari ageze muri iyi kipe, muri Nyakanga 2023 ni bwo yahise azana Hategekimana Corneille bakoranye muri Rayon Sports ngo aze kongera ingufu abakinnyi ba Simba SC.

Corneille na Robertinho birukanywe muri Simba SC

Source : http://isimbi.rw/siporo/article/umutoza-w-umunyarwanda-yirukanywe-muri-simba-sc

Niba ukunda gukurikirana amakuru avuga ku byamamare byo mu gihugu cya Tanzania, uyu mugore ugombe kuba umuzi. Yitwa Fahyvanny akaba umwe mu bagore bamamaye cyane hariya mu gihugu cya Tanzania ndetse no muri Afurika yose muri rusange by'umwhariko nyuma yo kwisuza Rayvanny amwambuye Paula Kajala.

 

 

Uyu mugore yamamaye cyane ubwo yabyaranaga umwana na rurangirwa muri Muzika ya Tanzania Rayvanny ndetse babyaranye bari bamaze igihe bakundana. Uyu mugore yaje gutandukana n'uyu muhanzi gusa mu mezi macye ubwo uyu muhanzi Rayvanny yatandukanaga na Paula Kajala, yahise yongera asubirana n'uyu Fahyvanny ndetse akanaba mama w'umwana we.

 

Ubusanzwe uyu mugore ni umucuruzi wabigize umwuga ndetse ajya mu mashusho y'indirimbo z'abahanzi, uretse ibyo yerekana imideli cyane ko afite ubwiza bukuru abagabo benshi cyane ku mafoto anyuza ku mbugankoranyambaga ze cyane urubuga rwa Instagram.

 

 

Abinyujije ku rukuta rwe rwa Instagram [Story] maze ashyiraho amagambo akomeye ndetse amagambo yatangaje abatari bacye hirya no hino ku mbugankoranyambaga ndetse bakomeje kwibaza icyamuteye kwandika ibyo bintu.

 

 

 

Uyu mugore ubusanzwe yifashisha urubuga rwa Instagram asangiza abamukurikira ubuzima bwe bwite bwa buri munsi. Icyakora amagambo yashize ku rubuga rwa Instagram yatumye abamukurikira Bose basigara bamugirira impuhwe.

 

Abinyujije ku rukuta rwe rwa Instagram yanditse ati'Ninjye muntu utishimye(Depressed ) kurusha abandi ku Isi' yashyizeho udupupe twinshimye avuga ko ariko aba ameze hanze, ariko muri we aba yigunze afite agahinda gakomeye yagereranyije n'udupupe twarakaye.

 

 

Abantu benshi bakoresha urubuga rwa Instagram bakomeje kugirira impuhwe uyu mugore ndetse bamusabira ko yakishima mu buzima.

 

Umwanditsi: Byukuri Dominique

The post Umugore wa Rayvanny Fahyvanny yatangaje ko abana n'agahinda gakabije muri we appeared first on The Custom Reports.

Source : https://thecustomreports.com/umugore-wa-rayvanny-fahyvanny-yatangaje-ko-abana-nagahinda-gakabije-muri-we/

Abantu bagize agahinda gakomeye nyuma yo kumenya inkuru y'umugore waguye mu mibonano mpuzabitsina kubera uwo bagateranaga.

 

Aba bombi ngo bari baryamaniye mu nzu zicumbikira abantu zizwi nka 'Lodge' nk'uko Thechoice babitangaje.Nyuma y'uru rupfu rw'uyu mugore abantu bacitse ururondogoro baravuga , bibaza uburyo byagenze kugira ngo umugore apfe batera akabariro.

 

Iri shyano ryabereye ahitwa Temideri mu gihugu cya Nigeria.Amakuru avuga ko uyu mugabo wari wanyoye imiti yongera imbaraga mu gihe cyo gutera akabariro ngo asanzwe akora akazi ko kogosha.Ibi bikavugwa ko yari yabikoze kugira ngo yemeze uwo mugore bari bari kumwe.

 

Amakuru yemeza ko impamvu yo gupfa kwa nyakwigendera ari umunaniro ngo na cyane ko uwo mugabo yari yakoresheje imbaraga nyinshi cyane.

 

Umuyobozi wa Police yo muri aka Gace amahano yabereyemo , yavuze koi bi byabaye koko , gusa ashimangira ko uwo mugabo yamaze gutabwa muri yombi.

The post Yashatse gukora udukoryo mu mibonano mpuzabitsina umugore abigwamo appeared first on The Custom Reports.

Source : https://thecustomreports.com/yashatse-gukora-udukoryo-mu-mibonano-mpuzabitsina-umugore-abigwamo/

Ibiganiro bigeze kure hagati y’abakinnyi babiri b’abanyamahanga na Rayon Sports kuba batandukana amasezerano ya bo atarangiye.

Abo bakinnyi ni umunya-Maroc, Youssef Rharb ukina asatira anyura ku mpande ndetse n’umunya-Sudani, Eid Mugadam Mugadam.

Amakuru ISIMBI yamenye ni uko umunya-Maroc Youssef Rharb wageze muri Rayon Sports muri Nyakanga 2023 akayisinyira umwaka umwe, ntabwo ubu yishimye muri iyi kipe kubera ko atabona umwanya uhagije wo gukina.

Mbere y’uko Rayon Sports itandukana n’umutoza w’umunya-Tunisia, Yamen Zelfani mu Kwakira 2023 ni bwo Youssef yatangiye kugaragaza ko atishimye kubera kudahabwa umwanya wo gukina uhagije bitewe n’uko imikinire ye umutoza yamubwiye ko atari wo mupira atoza.

Ibi byakomereje ku ngoma y’umutoza w’umusigire Mohammed Wade na we utaramuhaye umwanya wo gukina.

Youssef Rharb nyuma yo kubona ko nta mwanya wo gukina abona, yahise asaba Rayon Sports kuba batandukana, bakaba barimo baganira ku kuba basesa amasezerano.

Ku ruhande rwa Eid Mugadam, Rayon Sports imushinja umusaruro muke ndetse akaba no kuza kwe byaragizwemo uruhare n’uwari umutoza wa yo, Yamen Zelfani wari wamwifuje ariko ubuyobozi bwa Rayon Sports butabyumva neza.

Nyuma yo kubona ari ku rwego rwo hasi kuruta abakinnyi iyi kipe ifite ni yo mpamvu bahise bashaka uburyo basesa amasezerano na bo.

Amakuru avuga ko bataramara gufata umwanzuro neza wo gusesa amasezerano ariko amahirwe menshi ni uko aba bakinnyi bombi bari basinye umwaka bagomba gusohoka muri Rayon Sports badasoje amasezerano.

Youssef mu nzira zitandukana na Rayon Sports

Muadam Eid na we agomba kurekurwa na Rayon Sports

Source : http://isimbi.rw/siporo/article/eid-mugadam-na-youssef-utishimye-muri-rayon-sports-bagiye-gutandukana-n-iyi-kipe

Ni inkuru ishimishije cyane, aho umupira wakorewe mu Rwanda wagurishijwe arenga gato miliyoni imwe y'amafaranga y'u Rwanda.

Ikigo Women's Opportunity Center kibarizwamo abagore n'abakobwa barokotse Jenoside yakorewe Abatutsi, ni cyo cyakoze uyu mupira.

Ubwo muri Werurwe uyu mwaka, Perezida wa FIFA, Gianni Ifantino yayoboraga inama ya FIFA yabereye mu Rwanda, imbere ye hari umupira wo gukina.

Ubwo yafataga ijambo, Perezida wa FIFA yasabye abantu bari aho kugura uwo mupira ku giciro cya $1000 arenga gato miliyoni imwe y'amafaranga y'u Rwanda.

Uyu mupira waje kugurwa aho ari kimwe mu byateye imbaraga abakora iyo mipira bo mu kigo cya Women's Opportunity Center.

Source : https://yegob.rw/mu-rwanda-hakorewe-umupira-wo-gukina-ballon-ugurishwa-arenga-miliyoni-imwe-yamafaranga-yu-rwanda/

Ikipe ya Addax SC yamaze kwibikaho Nyirinkindi Saleh ukina afasha ba rutahizamu nk'umukinnyi wayo mushya.

Uyu musore ukina aca ku mpande asatira, yakiniye amakipe nka Marine FC, APR FC,Mukura VS, Kiyovu Sports.

Source : https://yegob.rw/juvenal-yatangiye-gushora-amamiliyoni-ye-ikipe-ya-addax-sc-ya-mvukiyehe-juvenal-yaguze-rutahizamu-wakinaga-mu-cyiciro-cya-mbere/

Mu gihe u Rwanda rukataje mu iterambere, igihugu gihanganye n'ikibazo cy'uko urubyiruko rwinshi rutagishishikajwe no kwiga umuco nyarwanda ahubwo rukomeje kwirukira kwigana uw'ahandi rimwe na rimwe ukanarugiraho ingaruka zitari nziza.

Nubwo bimeze bityo ariko, mu Rwanda havutse amaraso nashya mu busizi, aho iyi nganzo  igenda  ikura  uko bwije n'uko bukeye. 

Kuri ubu  mu Rwanda habarurwa umubare w'abasizi n'abasizikazi utari munini, ariko muri abo hari abigaragaje cyane  muri uyu mwaka, ndetse harimo n'ababiherewe ibihembo.

1.     Junior Rumaga

Junior Rumaga, ni umwe mu bayoboye igisekuru gishya mu busizi bw'u Rwanda. Mu bisigo by'uyu musore byose, humvikanamo ubuhanga buhanitse, akarusho noneho bikisangwamo n'ingero zombi, abato n'abakuru. 

Usibye gukora cyane kandi agakora ibisigo biryoheye amatwi y'ubyumva wese, Rumaga ni umuhanga cyane mu gutegura ibikorwa bye.

Kuri ubu afite igisigo cyitwa 'Rudahinyuka' yahuriyemo n'umusizikazi nawe w'umuhanga cyane, Bahali Ruth. Uretse ibindi bisigo byose yakoze, iki ni igisigo yabanje gutegurira amayira ku buryo kimaze kurebwa n'abarenga ibihumbi 173  mu gihe kitageze ku  masaha 48  gisohotse. 

Rumaga wagize uruhare rukomeye mu kuzahura inganzo y'ubusizi mu Rwanda, uretse Rudahinyuka, yakoze n'ibindi byinshi muri uyu mwaka nirimo, icyitwa 'Narakubabariye' yafashijwemo na Bruce Melody, Mawe, Ivanjili yahuriyemo na Alpha Rwirangira, Igisabisho yafatanije na Saranda, Inyana y'Inyange Imaragahinda, ndetse n'ibindi

2.     Umusizikazi Murekatete

Ubusanzwe yitwa Murekatete Claudine, akaba umusizikazi wabigize umwuga. Uyu mukobwa bigaragara ko akiri muto, kunze kwibazwaho n'abatari bake kubera amagambo yuje ubwenge avuga ndetse n'imyambarire ye itandukanye cyane n'iy'urubyiruko rw'iyi minsi.

Uyu musizikazi, nawe ai mu bakoze mu buryo bugaragarira buri wese muri uyu mwaka, kuko yakoze ibisigo byakunzwe ku rwego rwo hejuru aribyo 'Urweze' ndetse n'icyitwa 'Mpindutse Nte.'

Murekatete nawe avuga ko yatangiye ubusizi akiri umwana, ariko yiyemeza kubukora nk'umwuga amaze gukura. Umusizi Murekatete ari mu banyempano 60 batsinze ku rwego rw'Igihugu, muri Art Rwanda Ubuhanzi muri uyu mwaka.

Aya mahirwe, yamugize umwe bafashwa kwagura ubuhanzi bwabo binyuze mu kubaha ubumenyi bubafasha ku isoko ry'umurimo ndetse no kunoza neza ibyo bakora.

3.     Dinah Poetess

Kampire Dinah Elizabeth umaze kumenyekana nka Dinah Poetess, ni umwe mu bakobwa bigaragaje cyane muri uyu mwaka wa 2023 uri kugana ku musozo. Uyu musizikazi yavuze ko yakuranye iyi mpano, abitangira akigera mu mwaka wa mbre w'ayisumbuye.

Muri uyu mwaka, Dinah yakoze ibisigo byinshi kandi byiza birimo icyo yise 'Umugabo Si Umuntu,' Abakene, Ndatsinzwe n'ibindi.

4.     Umusizi Tuyisenge

Tuyisenge Olivier [Umusizi Tuyisenge], ni umwe mu basizi bahagaze neza muri  iyi nganzo  u Rwanda rufite. Uyu musore ubimazemo imyaka irenga ibiri, yamenyekanye mu bisigo bitandukanye birimo icyo yise 'Imana ya Gisimenti’ n'ibindi. 

Kuva uyu mwaka watangira, Tuyisenge ari mu basizi bazamuye urwego rwabo n'urw'ubusizi nyarwanda muri rusange. Muri uyu mwaka, yakoze ibisigo birimo 'Umuruho' yakoranye na Ikibasumba Confiance, Urusaro, Akabarwa, Agasugi n'ibindi byinshi.

5.     Kibasumba Confiance

Kibasumba Confiance, umwana w'umukobwa wavutse muri 2002, ni umwe mu bibitseho ibisigo byuje ubuhanga butangaza benshi.

Ku myaka ye mike, Confy abasha kuvuga ikinyarwanda cy'umwimerere, ibintu avuga ko yakomoye ku makenga yagize kuva akiri muto yo gushaka kumenya no gusesengura buri jambo rishya yumvise mu matwi ye.

Muri uyu mwaka gusa, uyu musizikazi yabashije gushyira hanze ibisigo bitatu byanakunzwe cyane birimo icyitwa 'Masisi,' Ndaje ndetse n'icyo yise 'Impano.'

“>

Source : https://inyarwanda.com/inkuru/136234/rumaga-ku-isonga-abasizi-nyarwanda-5-bigaragaje-cyane-mu-2023-136234.html