Author: webrwanda

Umucamanza yavuze ko Nkundineza Jean Paul ashinjwa ibyaha birimo ; Icyaha cyo gutangaza amakuru y'ibihuha, Icyaha cyo guhohotera uwatanze amakuru , Icyaha cyo gukoresha ibikangisho , n'Icyaha cyo gutukana mu ruhame.

 

 

Ubushinjacyaha bwasabye ko umunyamakuru Nkundineza Jean Paul afungwa iminsi 30 y'agateganyo ,kuko ibyaha akurikiranyweho urukiko ruramutse rubimuhamije yakatirwa igihano cy'igifungo cy'imyaka 2.Umucamanza yavuze ko ibyaha akekwaho harimo Icyaha cyo gutangaza amakuru y'ibihuha, Icyaha cyo guhohotera uwatanze amakuru , Icyaha cyo gukoresha ibikangisho , n'Icyaha cyo gutukana mu ruhame.

 

UKO ISOMWA RYAGENZE.

Ubushinjacyaha buvuga ko mu nkuru shusho , yavuze ko Miss Mutesi Jolly ari Mafia,  ahandi atangaza ko  ngo yatanze ubuhamya ngo ahindure imvugo.Ikindi kandi ngo muri ziriya nkuru , byavuzwe ko Miss Mutesi Jolly yafashije Kaliza Hope gukuramo inda.

 

Nkundineza Jean Paul kandi hari inkuru yatambutse kuri 3D TV Plus aho yavuze ko 'Umutego mutindi ushibukana nyirawo, tumuguhe umurye,,'.

 

 

Ikindi kandi ngo yagiye atangaza amazina y'abatangabuhamya kandi bitemewe.Ubushinjacyaha busaba ko yaba afunzwe by'agateganyo iminsi 30.Ikindi bwatangaje ko aramutse afunguwe byabangamira iperereza kandi akaba yatoroka iperereza ariyo mpamvu akwiriye gufungwa iriya minsi 30 y'agateganyo.

 

NKUNDINEZA JEAN PAUL YARIREGUYE.

Kubyaha byose akurikiranyweho yavuze ko ari amakosa y'akazi ku imvugo y'umugani yavuze ko ntakindi yari agamije , kuko yatangazaga amakuru.Jean Paul kandi yavuze ko yafungurwa kuko nta mpamvu ihari yo kumufunga.Yanavuzeko afite umuryango umukesha amaramuko  kuburyo akwiriye gufungurwa akita ku muryango.

 

 

URUKIKO RWASUZUMYE DOSIYE HAREBWA NIBA JEAN PAUL AFUNGWA IMINSI 30 Y'AGATEGANYO.

Urukiko rwavuze ko umuntu wese wifashisha urusobe rwa mudasobwa agatangaza amakuru y'ibihuha, ahanishwa igifungo cy'imyaka 2 ariko kitarenze imyaka 3.

 

Jean Paul Nkundineza, yakoze ibiganiro atangaza ibihuha.Yavuze ko ibyaha byakozwe na Miss Mutesi Jolly yabisimbutse ahubwo biregwa Prince Kid.Jean Paul ngo yari azi neza ko ibyo atangaje ari ibihuha. Jean Paul yanavuze ko  Mutesi Jolly yakoze ubukangurambaga kubakobwa bitabiriye Miss Rwanda mu bihe bitandukanye ngo bashinje Prince Kid.

 

 

Mu butumwa bwatanzwe na Miss Mutesi Jolly avuga ko biriya byose byatangajwe na Jean Paul byamutesheje agaciro muri Sosiyete.Me Ibambe Jean Paul yabwiye Urukiko ko biriya byose byakozwe na Jean Paul ari amakosa y'umwuga kandi ntahantu Ubushinjacyaha bwagaragaje ko ibyatangajwe na Jean Paul ari ibihuha.Ubushinjacyaha buvuga ko uwahohotewe yagannye inzego zibishinzwe kuko ibyo yakoze bigize icyaha.Ikindi kandi ngo hari aho Jean Paul yasabye Miss Mutesi Jolly kujya kumurega.Muri icyo kiganiro hari aho yavuze ati:'Mutesi Jolly nushaka ujye kundega'.

 

 

Nkundineza Jean Paul ngo ntabwo yahakanye ko yatangaje inkuru z'ibihuha bivuze ko yakoraga ibyo azi.Urwego rw'abanyamakuru rw'igenzura si Urukiko arriyo mpamvu kuba umunyamakuru yakora ibigize icyaha agomba kubiryozwa.

 

Urukiko rwavuzeko Urwego rw'abanyamakuru rw'igenzura babwiye Jean Paul kugana inkiko igihe ahohotwe kuko abanyarwanda bose barangana.Urukiko rero rusanga ibyagezweho bigize icyaha kuko byatesheje agaciro Miss Mutesi Jolly wabaye umutangabuhamya mu rubanza rwa Prince Kid.

 

 

Ubushinjacyaha bwavuze ko Nkundineza Jean Paul yatangaje amazina y'abatangabuhamya mu rubanza rwa Ishimwe Dieudonne.Nkundineza Jean Paul ngo yavuze kuri Miss Mutesi Jolly arimo 'Akagome, Mafia, impolie, baguhe Prince Kid umurye',Aya magambo yose  ngo agize guhohotera umutangabuhamya. Kugeza ubu Nkundineza Jean Paul , avuga ko nta mutangabuhamya wavuze ko yahohotewe, ariko ngo izi mpamvu zizasuzumwa mu  rubanza mu mizi.

 

 

Nkundineza Jean Paul wavuze ko umutego mutindi ushibukana nyirawo ngo wabaye intandaro yo gukoresha ibikangisho agamije kugirira nabi umutangabuhamya.Uyu mugani rero urukiko rusanga bigoye kumenya neza niba hano yaragamije ibikangisho.Urukiko rero rusanga nta mpamvu zihari zo gukekwaho ibikangisho , ariko rusanga hari impamvu yo gukekwaho gutanga amakuru y'ibihuha no kubangamira abatangabuhamya n'icyaha cyo gutukana mu ruhame.Rwemeje ko afungwa iminsi 30 y'agateganyo muri Gereza.Rwibukije ko icyemezo kijuririrwa mu gihe cy'iminsi 5.Umwanzuro wasomwe none tariki ya 07 Ugushyingo 2023 sa Cyenda n'iminota 30.

 

Story by : Inyarwanda.com

Credit to Author : Peacemaker Pundit

The post Umunyamakuru Jean Paul Nkundineza ushinjwa ibyaha birimo no gutangaza amakuru y'ibihuha yakatiwe gufungwa iminsi 30 y'agateganyo appeared first on The Custom Reports.

Source : https://thecustomreports.com/umucamanza-yavuze-ko-nkundineza-jean-paul-ashinjwa-ibyaha-birimo-icyaha-cyo-gutangaza-amakuru-yibihuha-icyaha-cyo-guhohotera-uwatanze-amakuru-icyaha-cyo-gukoresha-ibikangisho-n/

Wagira ngo n'indege ariko igendera kubutaka: Ikipe ikinamo Abanyarwanda yaguze imodoka imeze nk'indege igendera kubutaka.

Ikipe ya Gormahia FC yo mu gihugu cya Kenya ikinamo Abanyarwanda babiri aribo Bayisenge Emery na Sibomana Patrick basanzwe bakinira n'ikipe y'igihugu y'u Rwanda Amavubi yaguze imodoka nshya nziza cyane benshi bagiye bagereranya nk'indege igendera kubutaka.

Amafoto:

Source : https://yegob.rw/wagira-ngo-nindege-ariko-igendera-kubutaka-ikipe-ikinamo-abanyarwanda-yaguze-imodoka-imeze-nkindege-igendera-kubutaka-amafoto/

Ikipe y'Igihugu Amavubi ikomeje imyitozo, Umudage Torsten Frank Spittler wagizwe umutoza mushya wayo yigisha abakinnyi guhanga udushya mu mikinire yabo.

Uyu mutoza yagaragaye arimo abigisha gucenga mu buryo bumenyerewe kuri Kizigenza Cristiano Ronaldo.

Lorenzo Christian wa RBA, nyuma yo kubona aya mashusho yagize ati 'Gutoza AMAVUBI ntabwo ari akazi koroshye pee! Reka abatoza baduhende! Barigisha no gucenga? Ubundi aya ni amasomo yo muri grassroots.'

Frank the coach: Let's try this.

Players: say no more, reka tubikurikirane.#Amavubi #WCQ2026 pic.twitter.com/8dEf0iE5sx

— Rwanda FA (@FERWAFA) November 7, 2023

Source : https://yegob.rw/gutoza-amavubi-ntabwo-ari-akazi-koroshye-pe-amashusho-agaragaza-umutoza-mushya-wikipe-yigihugu-amavubi-yigisha-abakinnyi-be-amacenga-nkaya-cristiano-ronaldo-yavugishije-abakunzi-ba-ruh/

Abandi bakinnyi 3 byamaze kwemezwa ko batazakomezanya na Rayon Sports nyuma y'amabaruwa yamaze guhabwa Yousef Rharb na Mugadam Abakar Mugadam

Hashize iminsi tubatangarije ko ubuyobozi ba Rayon sports bwamaze kumenyesha abarimo Yousef Rharb ndetse na Mugadam ko batazakomezanya. Byamaze no kwemezwa ko Hategekimana Bonheur, Kanamugire Roger ndetse na Prince Rudasingwa werekeje hanze y'u Rwanda atazakomezanya n'iyi kipe.

Ikipe ya Rayon sports nubwo abandi bagiye mu mwiherero w'ikipe y'igihugu y'u Rwanda Amavubi kugeza ubu baracyakora imyitozo nubwo ku munsi w'ejo bazahabwa ikiruhuko cy'umunsi umwe gusa.

 

Source : https://yegob.rw/abandi-bakinnyi-3-byamaze-kwemezwa-ko-batazakomezanya-na-rayon-sports-nyuma-yamabaruwa-yamaze-guhabwa-yousef-rharb-na-mugadam-abakar-mugadam/

Umutoza w'Umunyarwanda wari ushinzwe kongerera imbaraga abakinnyi b'ikipe ya Simba SC muri Tanzania, Hategekimana Corneille yirukananywe na Robertinho wari umutoza mukuru muri iyi kipe.

Aba bombi basezerewe na Simba SC nyuma y'uko mu mpera z'icyumweru gishize banyagiwe na mukeba Yanga ibitego 5-1.

Source : https://yegob.rw/umutoza-wumunyarwanda-hategekimana-corneille-yeretswe-amarembo-amusohora-muri-simba-sc/

Ubushinjacyaha bumukurikiranyeho icyaha cyo kwihesha ikintu cy'undi hakoreshejwe uburiganya. Apotre Yongwe yatawe muri yombi ku itariki 01 Ukwakira 2023. 

Ikirego cyatanzwe nyuma y'uko afunzwe ku itariki 06 Ukwakira 2023 nk’uko byavuzwe n'Ubushinjacyaha. Ku itariki 26 Ukwakira 2023 ni bwo hasomwe umwanzuro ku rubanza rwa Apotre Yongwe. 

Icyo gihe yahise ajyanwa gufungirwa mu igororero rya Nyarugenge riri i Mageragere. Uhereye kuri iriya tariki kugeza ubu amaze iminsi 12 m igororero rya Nyarugenge.

Ubushinjacyaha bwasabiye Apotre Yongwe gufungwa iminsi 30 y'agateganyo bushingiye ku kuba icyaha akurikiranyweho aramutse agihamijwe n'Urukiko ahaniswa igifungo kitari mu nsi y'imyaka ibiri ariko kitarenze imyaka itatu n'ihazabu y'amafaranga y'u Rwanda atari mu nsi ya miliyoni eshatu ariko atarenze miliyoni 5. 

Apotre Yongwe yiregura mu rukiko yavuze ko kuva mu 2013 yakwimikwa yatunzwe n'amaturo kandi imyemerere ye ibiteganya. Yamenyekanye cyane nk'umuvugabutumwa ubwo yayoboraga icyumba cy'amasengesho cyo mu Itorero rya ADEPR Nyarugenge.

Nyuma yaje gushinga itorero rye riza guhagarikwa mu bihe bya Guma mu rugo. Yatawe muri yombi amaze iminsi afite gahunda yo gusubukura ibikorwa by'itorero rye dore ko yigeze kubwira InyaRwanda ko yamaze kubona ibyangombwa bimwemerera gufungura itorero rye.

Apotre Yongwe amaze iminsi 12 muri gereza ya Nyarugenge iri i Mageragere

Apotre Yongwe amaze imyaka 10 atunzwe n’amaturo

INKURU Z’URUBANZA RWA APOTRE YONGWE

UBUSHINJACYAHA BWAVUZE KO APOTRE YONGWE YAFUNZWE NTA WATANZE IKIREGO

URUBANZA RWA APOTRE YONGWE

Source : https://inyarwanda.com/inkuru/136262/apotre-yongwe-yajuririye-icyemezo-cyo-gufungwa-iminsi-30-yagateganyo-136262.html

Mu ijoro rya tariki 4 Ugushyingo, nibwo umutoza w’ikipe y’igihugu Amavubi Torsten Spittler Frank yahamagaye abakinnyi 30 bagomba kwitabira umwiherero utegura imikino y’amajonjora yo gushaka itike y’igikombe cy’Isi kizaba 2026.

Byari ku nshuro ya mbere Amavubi ahamagawe, amakipe hafi yayose ari gukoresha abakinnyi b’abanyamahanga nyuma y’imyaka isaga 10 iyi gahunda itabaho. Mu bakinnyi bahamagawe harimo abakinnyi 5 bashya mu ikipe y’igihugu 2 muri bo akaba ari abanyezamu.

Nzeyurwanda Djihad ni umunyezamu wa Kiyovu Sports uyimazemo igihe

Nzeyurwanda Djihad yakiniye ikipe z’igihugu mu byiciro bitandukanye, uhereye mu batarengeje imyaka 15 kugera ku batarengeje imyaka 20, ariko gutekereza gukinira Amavubi makuru nti byari ibya hafi kuriwe nubwo yabyifuzaga. Nzeyurwanda Djihad amaze imyaka isaga 7 muri Kiyovu Sports ariko kenshi yagiye abura umwanya ubanza mu kibuga kubera abanyezamu bakuru be bamuganzaga.

Nzeyurwanda Djihad yakiniye amakipe hafi yayose y’abato akaba yari ategereje umuhamagaro w’ikipe y’igihugu nkuru 

Uyu mwaka w’imikino n’ubundi bisa naho byatangiye bigoye kuri uyu musore w’i Musanze kuko yatangiye shampiyona ari ku gatebe Kalumba Bryan wari uvuye Uganda ariwe ubanza mu kibuga.

Kuva ku munsi wa 4 wa shampiyona abatoza ba Kiyovu Sports bafashe umwanzuro wo gushyira mu izamu Nzeyurwanda Djihad ndetse afasha iyi kipe kwitwara neza  mu kwezi ku Ukwakira kuko yafashije ikipe gutsindwa umukino umwe muri itanu yakinnye gusa.

Ku rundi ruhande, i Musanze naho ntabwo byoroshye, kuko hari umusore ushinguye Muhawenayo Gad uri mu bihe bye mu izamu. Muhawenayo Gad yatangiye shampiyona ari umwe mu banyezamu bari mu mazi abira, kuko yari agiye guhanganira izamu n’umunyezamu w’ikipe y’igihugu ya Gambia wari uherutse mu gikombe cya Afurika.

Ubwo InyaRwanda yitabiraga imyitozo ya mbere ya Musanze FC muri uyu mwaka w’imikino, Gad yaje ku kibuga ubona ari umunyezamu utuje ijambo rimwe yavuze yemeje ko yiteguye shampiyona kandi icyo gihe yari yamenye amakuru ko ikipe ye yazanye umunyezamu mpuzamahanga.

Muhawenayo Gad ni umwe mu banyezamu bambutse nyabarongo baje kubira ibyuya birengera i Gihugu

Ubwo shampiyona yatangira ibyari byitezwe byaricuritse, kuko Muhawenayo Gad kuva shampiyona yatangira amaze gukinira Musanze FC imikino 9, umukino umwe ariwo atakinnye ubwo Musanze FC yatsindwaga na APR FC.

Muhawenayo Gad ni umwe mu bakinnyi bafatiye runini ikipe ya Musanze FC ndetse aba ari kuyifashe kuyobora urutonde rwa shampiyona.

Ese ibi ikinnyoteri kiri kwaka kigaragaza ko abanyarwanda bageze muri shampiyona?

Amakipe nka Police FC APR FC na Marine FC zitaragaruka kuri gahunda y’abanyamahanga byari bigoye kuba wabona Nzeyurwanda Djihad cyangwa se undi munyezamu aturuka mu ntara akaza mu ikipe y’igihugu.

Akenshi ikipe ya Rayon Sports na APR zagiye zisimburana mu guhererekanya abanyezamu mu ikipe y’igihugu nubwo amakipe nka As Kigali na Kiyovu Sports nazo zanyuzagamo zigahagararirwa.

Ntwari Fiacre ukina muri Afurika y’Epfo, byitezweko ko ariwe uzaba mu izamu nk’uko amaze igihe abikora 

Dufashe nk’imyaka 15 ishize, ni ubwa mbere hahamagarwa ikipe y’igihugu APR FC idafitemo umunyezamu, ndetse  kuri Rayon Sports byagiye biba gake. Nyuma yaho  APR FC izaniye umunyezamu w’ikipe y’igihugu ya Congo Brazzaville Pavelh Ndzila, umunyezamu Ishimwe Pierre wari umaze igihe yica agakiza, yahise yakira agatebe, dore ko atarabona amahirwe yo gukina umukino wa shampiyona muri uyu mwaka w’imikino.

Muri Rayon Sports ifite abanyezamu babiri b’abanyarwanda barimo Hategekimana Bonheur na Hakizimana Adolphe ariko bose izamu baritereye hejuru. Aba banyezamu bose bagize amahirwe yo guhabwa umwanya muri shampiyona ariko babifata uko biboneye, birangira umunyezamu w’Umugande Simon Tamale afashe izamu ntawe umuhagaze hejuru.

Ishimwe Pierre kubura umwanya ubanzamo muri APR FC byatumye atakaza umwanya mu Mavubi 

Tujye muri Police FC. Iyo byabaga byanze, Police FC nayo yanyuzagamo igatanga umunyezamu mu ikipe y’igihugu, ariko kuri ubu byangiye rimwe. Nyuma yaho Police FC nayo igarutse kuri gahunda y’abanyamahanga, yahise igura umunyezamu w’ikipe y’igihugu y’u Burundi Rukundo Onésime.

Uyu munyezamu kuva yagera muri Police FC afite umwanya uhoraho ndetse na Kwizera Janvier wari umunyezamu mwiza umwaka ushize ubu yamaze kwiyakira bisaba ko Rukundo yagira imvune cyangwa bakamuha ikarita itukura, kugira ngo akandagira mu kibuga.

Hakizimana Adolphe yatakaje umwanya mu ikipe y’igihugu nyuma yo gutsindwa ihangana

Aba banyezamu bageze mu ikipe y’igihugu bwa mbere imibare igaragaza ko barwanye intambara yo kwicaza abanyamahanga bari babaguriyeho, byafatwa nk’igihembo cy’umusaruro bamaze kugaragaza muri uyu mwaka w’imikino.

Ikipe y’igihugu Amavubi irimbanyije imyitozo, ku wa Gatatu w’Icyumweru gitaha, izakina na Zimbabwe mu mukino ubanza mu gihe umukino wa Kabiri bazakinamo na Afurika y’Epfo uzaba mu Cyumweru kizakurikira, iyi mikino yose ikazabera kuri sitade mpuzamahanga y’Akarere ka Huye. 

Nzeyurwanda na Muhawenayo bari gukora imyitozo ari 2, bakaba bategereje Ntwari Fiacre

Nzeyurwanda Djihad mu makipe y’abato aho yari kumwe na ba Manishimwe Djabel na Muhire Kevin 

Source : https://inyarwanda.com/inkuru/136256/ni-umwotso-wabanyamahanga-uko-abanyezamu-2-bashya-bisanze-mu-mavubi-136256.html

Bazayihesha ibikombe: Abazamu babiri bakina mu ikipe imwe yo mucyaro hano mu Rwanda bahamagariwe icyarimwe mu makipe y'ibihugu byabo.

Abazamu babiri b'ikipe ya Musanze FC iyoboye urutonde rw'agateganyo rwa shampiyona y'u Rwanda bahamagawe mu makipe y'ibihugu byabo kugira ngo bajye gutanga umusanzu wabo, ibi ntibisanzwe kumva ikipe yo mu Rwanda ifite abazamu babiri bakina mu ikipe imwe bahamagarirwa icyarimwe mu makipe y'ibihugu byabo.

Abo bazamu ni umunya Gambia Modou Jobe n'umuzamu w'umunyaRwanda Muhawenayo Gad wamaze guhamagarwa mu ikipe y'igihugu y'u Rwanda Amavubi.

Amafoto:

Source : https://yegob.rw/bazayihesha-ibikombe-abazamu-babiri-bakina-mu-ikipe-imwe-yo-mucyaro-hano-mu-rwanda-bahamagariwe-icyarimwe-mu-makipe-yibihugu-byabo-amafoto/

Robertinho wanyuze muri Rayon Sports, yirukanwe muri Tanzania nyuma yo kunyagirwa 5 na mucyeba.

Ikipe ya SIMBA yasheshe amasezerano na Robertinho na Corneille.

Simba SC yatangaje ko yatandukanye na Roberto Oliveira Goncalves de Carmo 'Robertinho', wari umutoza wayo mukuru ndetse na Hategekimana Corneille, Umunyarwanda wari ushinzwe kongera ingufu z'abakinnyi.

Aba batoza batandukanye n'iyi kipe nyuma yo gutsindwa na Mucyeba wayo Yanga SC 5-1.

Source : https://yegob.rw/robertinho-wanyuze-muri-rayon-sports-yirukanwe-muri-tanzania-nyuma-yo-kunyagirwa-5-na-mucyeba/

Kuri uyu wa Gatandatu tariki 11 Ugushyingo 2023 Byiringiro Lague na Yannick Mukunzi  barakina umukino wa nyuma wa Shampiyona y'icyiciro cya Gatatu muri Sweden.

Ikipe yabo Sandviken IF iri ku mwanya wa mbere. Irasabwa kunganya igatwara igikombe igahita inazamuka mu cyiciro cya kabiri.

Ikurikiwe na United Nordic irushwa amanota 3 n'ibitego 22. Ikipe izaba iya kabiri izanyura mu mikino ya PlayOffs ishaka itike yo kuzamuka.

Source : https://yegob.rw/yannick-mukunzi-na-byiringiro-lague-barabura-umukino-umwe-gusa-bagakora-amateka-mu-ikipe-yabo/