Author: webrwanda

Ubuyobozi bwa Police FC burahakana ibyatangajwe n’uwahoze ari rutahizamu w’iyi kipe, Danny Usengimana ko iyi kipe yamwimye urupapuro rumurekura (release letter) kugira ngo ajye gukora igeragezwa muri Nantes FC mu cyiciro cya mbere mu Bufaransa.

Abinyujije ku mbuga nkoranyambaga ze, Danny Usengimana yashyizeho ubutumire yohererejwe na Nantes FC tariki ya 18 Nzeri 2023 ariko akavuga ko Police FC yamwangiye kandi nta n’amasezerano yari akiyifitiye.

Uyu rutahizamu usigaye wibera muri Canada aho yasanze umugore we muri Nyakanga 2023, yavuze ko atumva uburyo ikipe idafite gahunda yo kukongerera amasezerano kandi ayo ufite akaba yararangiye ikamuvutsa amahirwe nk’ayo akomeye ikamwima urupapuro rumurekura.

Mu kiganiro umunyamabanga wa Police FC, CIP Claudette Umutoni yahaye ikinyamakuru ISIMBI yavuze ko ibyo Danny Usengimana yavuze atari byo kuko bamusabye kubandikira kuri Email mu buryo bwemewe (official) ariko ntiyabikora.

Ati 'Oya ntabwo ari byo. Yanyandikiye kuri whatsapp ayinsaba mubwira ko yanyandikira kuri email kuri kuko yabwiraga ko atari mu Rwanda, mubwira ko niba atari mu Rwanda yatwandikira kuri email mu buryo buri 'official’ ayisaba natwe tukamusubiza, rero ntabyo yigeze akora.'

Ku kuba barayimwimye kubera ko hari imyenda yo hanze y’ikipe (relax kits) afite bamusabye gutanga, yavuze ko ari byo agifite iyo myenda ariko atari yo mpamvu kuko bamusabye kwandika ayisaba ariko ntabikore.

Ati 'Yari azifite ariko ntabwo ari zo zatumye atayibona, urumva ntabwo yari mu Rwanda, twamubwiye kutwandikira mu buryo bwemewe (official) natwe tukamusubiza ariko ntabwo yigeze abikora.'

Danny Usengimana yakiniye amakipe atandukanye arimo Isonga yakuriyemo ayivamo ajya muri Police FC 2015, 2017 yaje gusohoka ajya gukina hanze y’u Rwanda aho yikojeje muri Tanzania mu ikipe ya Singida United atatinze ahita ajya mu Misiri mu ikipe ya Tersana SC ari bwo muri 2018 yahitaga agaruka mu Rwanda muri APR FC yakiniye kugeza 2021 ajya muri Police FC.

Uyu musore ubwo yari yakiriwe n’itangazamakuru ku kibuga cy’indege mpuzamahanga i Kanombe, abajijwe uko ku ruhande rwe afata ‘Battle’, niba aramutse ayikoze n’umuhanzi mugenzi we byaba ari ukumusenya koko.

Yagize ati:” Battle biterwa n’ikintu igamije kandi bikanaterwa n’ukuntu yanavuzwe, ariko kuri njyewe nzi ko Battle zisanzwe ziba kandi zikaba zanakwinjiza amafaranga, ahubwo mu buryo butarimo inzangano, izo battle zibe ubundi zikorerwemo amafaranga kuko ntabwo mbibaramo nko guhangana cyane ko dusanzwe tuzibona mu bihugu bitandukanye nka Amerika n’ahandi hatandukanye kandi bigakorwa nta rwango ahubwo hagamijwe kuzamura muzika no gukorera amafaranga, ahubwo biterwa n’ikintu iyo battle bashatse kuyita”.

Ihanganisha hagati y’abahanzi Bruce Melodie ndetse na The Ben riri gukura umunsi ku munsi. Abantu benshi bakomeje kugaragaza ko byaba byiza hateguwe igitaramo gihuza aba bahanzi babiri hanyuma bagakosorana, buri wese akerekana ubudahangarwa bwe akoreshehe ijwi rye ry’umwimerere.

Bijya  gutangira  Muyoboke Alex ufatwa nk’umunyabigwi muri uru ruganda rw’imyidagaduro nyarwanda, aherutse kuvuga ko  hakenewe ‘Battle’ hagati ya The Ben  na Bruce Melodie ndetse bikaba byaba ari na bumwe mu buryo bwo guteza imbere imyidagaduro nyarwanda yaba kubona amafaranga n’ibindi nk’uko mu bihugu nka Uganda na Amerika babigenza.

Melodie nawe icyo gihe nyuma yaje yungamo avuga ko nibashaka kuzana ibya ‘Battle’ hagati ye na The Ben, nta kibazo rwose yiteguye neza kuzerekana ubudahangarwa bwe ndetse byanarimba agakubita The Ben akanyafu ku nda ubundi agahita yimanukira.

Babikojeje The Ben, yabiteye ishoti  avuga ko ibintu byo kuvuga ijambo Battle atari byiza  kuko bisenya abahanzi. Yagize ati” Ubundi hateguwe igitaramo abafana ba The Ben na ba Bruce Melodie tukabashimisha byaba byiza. Ijambo Battle muryirinde kuko amateka y’igihugu cyacu yerekana ko ihangana ricamo abantu ibyiciro atari ryiza. Bitewe n’amateka y’igihugu cyacu nta Battle dukeneye”.

Melodie bongeye kubimukoza, yagize ati “Ubwo niba The Ben atabishaka nta kundi”.Ariko njyewe ubundi nkorera umuziki amafaranga; ibyo kuvuga ngo habayeho guhangana, ngo gutinya, ngo gutsindwa, icyo nzicyo iyo iza kuba, uko byari kugenda kose nari kuyikuramo amafaranga naho ubundi bitarimo amafaranga mutware kure rwose”.

Reba ikiganiro Kenny Sol yagiranye na Inyarwanda

“>

Reba indirimbo ‘Enough’ ya Kenny Sol

“>

Kenny Sol avuye muri Canada mu gihe kigera ku mezi abiri

Kenny abona ko ‘Battle’ nta kintu itwaye

Kenny Sol ubwo yakirwaga ku kibuga cy’Indege i Kanombe

Ibi Melodie yabitangaje ubwo yari mu kiganiro Kidd Nation gica kuri Radiyo Kiss Fm iherereye muri Leta Zunze Ubumwe za Amerika, aho yavuze ko ubwo  mu mwaka wa 2008 akiri umusore wari ukiri kwishakisha mu muziki ibintu bitaracamo akirwana n’ayo kurya, Shaggy yaje gutaramira i Kigali ariko icyo gihe ntabwo yari afite amafaranga yo kwishyura tike ngo yinjire mu gitaramo nk’abandi  ngo ajye kureba umuhanzi yakuze afana.

Nk’umuntu wese uba afite amatsiko  yo guhura n’umuntu w’igitangaza kuri we, yakoze uko ashoboye kose kugira ngo ajye kumureba kabone nubwo nta mafaranga yari afite amwinjizayo. Icyo gihe tike ihendura  yari ibihumbi icumi by’amafaranga y’u Rwanda 10,000 Frw.

Melodie avuga ko icyo gihe yarwanye inkundura hanyuma birangira aseseye mu bantu arinjira areba Shaggy yari yarihebeye ndetse yanakuze afana kugeza igitaramo kirangiye. 

Umunsi Shaggy yazaga gutaramira mu Rwanda, hari tariki ya 13 Ukuboza 2008. Icyo gihe muri iyo myaka uyu muhanzi Shaggy yari ku rwego rwo hejuru,afite indirimbo zatwaye imitima y’abatari bake ku Isi.

Icyo gihe aza gutaramira mu Rwanda, yari yatumiwe na sosiyete y'itumanaho ya MTN Rwanda. Icyo gitaramo cyabereye muri Parikingi ya Petit Stade cyitabirwa n’abantu.

Kuri ubu, Melodie ari muri Amerika aho agiye gutaramana n’uyu muhanzi yakuze afana baherutse gukorana indirimbo ‘When She’s Around’ ndetse ikaba ari nayo yabaye ikiraro kimwambutsa kikamukandagiza muri Amerika bwa mbere.

Bruce Melodie  yahuye imbona nkubone na Shaggy bwa mbere , ibintu avuga ko ari inzozi ze zabaye impamo.

Reba indirimbo ‘When She’s Around’ ya Melodie na Shaggy

“>

Mu mwaka wa 2008 ubwo Shaggy yazaga kuririmbira mu Rwanda

Abantu bari bakubise buzuye

Ibyishimo byari byose ku banya Kigali

Shaggy i Kigali muri 2008

Melodie yavuze ko ubwo Shaggy yazaga i Kigali muri 2008, yabuze amafaranga yo kwishyura tike imwinjiza  mu gitaramo

Shaggy ni umwe mu bahanzi bakomeye  ku Isi

Buri gihe iyo Chorale de Kigali itangaje igitaramo, bikurikirwa no gushyira ku isoko amatike yo kwinjira mu gitaramo n’izindi gahunda zijyana n’imyiteguro.

Bikurikirwa kandi no gufungura urubuga aho bashyiraho uburyo abakunzi bayo  bahitamo indirimbo bashaka ko bazabaririmba mu gitaramo.

Amajwi yafashwe mu gitondo cyo kuri uyu wa Gatatu tariki 29 Ugushyingo 2023, agaragaza ko indirimbo yubahiriza amakipe yabaye aya mbere iwayo ku Mugabane w’u Burayi, UEFA Champions League, iri imbere mu zamaze gutoranywa n’abakunzi b'iyi korali bifuza ko bazabaririmbira

Iyi ndirimbo imaze kugira amajwi 62 ifite abakunzi benshi, ku buryo bigoye ko Chorale de Kigali yakora igitaramo nk’iki ngo isoze itayiririmbye.

Mu bihe bitandukanye, byagiye bibaho ko abakunzi b’iyi korali bandika udupapuro bari mu gitaramo bagasaba ko iyi korali y’ubukombe yongera kubaririmbira iyi ndirimbo.

Iyi ndirimbo y'irushanwa rihuza amakipe yabaye aya mbere iwayo ku mugabane w'i Burayi, UEFA Champions League, iririmbwa mu ndimi eshatu arizo Igifaransa, Icyongereza n'Ikidage.

Yanditswe na Tony Britten mu 1992, iririmbwa na Orchestre 'Royal Philharmonic' yo mu Bwongereza.

Ku mwanya wa kabiri w’indirimbo zimaze gutoranywa, hariho indirimbo ‘Chiquitita’ ifite amanota 60, ku mwanya wa Gatatu hariho indirimbo ‘Bound for the promised Land’ ifite amajwi 59, ‘Ndarata Umwami’ iri ku mwanya wa kane n’amajwi 31.

Ku mwanya wa Gatanu hariho indirimbo ‘Mushumba Ushagawe’ ifite amanota 19 naho ku mwanya wa Gatandatu hariho indirimbo ya Noheli yitwa ‘Ab’Ijuru baririmba’ ifite amanota 18.

Urutonde rw’indirimbo Chorale de Kigali izashingiraho iririmba muri iki gitaramo, runagaragaraho indirimbo zirimo ‘Imihigo yacu’, ‘Ca fait rire les oiseaux’, ‘Uri isugi’, ‘Inkuru nziza’, Turate Rwanda’, ‘Ubugenga bwawe’, ‘Ibisingo byose’, ‘Ijuru n’isi nibirangurure’, ‘Indabo za Mariya’ n’izindi.

Iyi Korali yabaye ubukombe mu muziki cyane cyane uw'indirimbo zihimbaza Imana zanditse mu buryo bw'amanota aririmbwa n'abahanga gusa.

Mu gitaramo 'The Christmas Carols Concert' baririmba cyane indirimbo zo kwizihiza Umunsi wa Mukuru wa Noheli, indirimbo zanditswe n'abanyamuziki banyuranye yaba Abanyaburabyi n'Abanyamerika, indirimbo zakunzwe cyane zo mu buzima busanzwe n'izindi.

'Christmas Carols Concert” ni kimwe mu bitaramo bikomeye biba bitegerejwe n'Abakristu benshi cyane cyane abo muri Kiliziya Gatolika mu mpera z'umwaka, biturutse ku kuba abaririmbyi b'iyi korali bafasha abantu gusoza neza umwaka begerana n'Imana.

Perezida wa Chorale de Kigali, Hodari Jean Claude, aherutse kubwira InyaRwanda ko bagiye gukora iki gitaramo bishimira imyaka 10 ishize bahuriza hamwe Abanyarwanda n'abandi mu busabane n'Imana, kandi avuga ko buri mwaka wabaga ufite umwihariko wawo mu mitegurire n'imiririmbire.

Yavuze ko nubwo Isi yahuye n'amakuba arimo n'icyorezo cya Covid-19, ariko bishimira ko nta mwaka n'umwe bigeze basimbuka mu gukora iki gitaramo kuva mu 2013.

Hodari ati 'Kuba tutarigeze dusimbuka umwaka n’umwe tudakoze Christmas Carols Concert kuva 2013 no mu bihe bya Covid-19 bigakunda; ni ibyo kwishimira.'

Akomeza ati 'Kuba buri mwaka byarabaga byiza kurusha umwaka wabanje haba mu mitegurire no mu buhanga bwo kuririmba, kandi ababyitabira bagakomeza kwiyongera,nabyo ni ibyo kwishimira.'

Hodari Jean Claude avuga ko bafite ishimwe rikomeye ku muterankunga Mukuru, Sanlam bagendanye urugendo rukomeye kuva mu 2013 bahuriza abakristu mu byishimo bya Noheli buri mwaka.

Akomez ati 'Kuba umuterankunga witwa Sanlam twaratangiranye muri 2013 akaba atarasibye kubana natwe n’umwaka n’umwe no mu gihe cya Covid-19 kandi ubu abaterankunga bakaba batarahwemye kwiyongera.'

Uyu muyobozi avuga ko iki gitaramo bategura buri mwaka cyatinyuye andi makorali abona ko bishoboka gutegura ibitaramo nk'ibi byagutse birenze kuba baririmba mu rusengero.

Yavuze ati 'Kuba hari ayandi makorali aririmba neza yaboneyeho gutinyuka gutegura ibitaramo bya buri mwaka bigafasha igihugu muri rusange gususuruka mu mpera za buri mwaka (nabyo ni ibyo kwishimira).'

Hodari yavuze ko muri iki gitaramo bazakora ku wa 17 Ukuboza 2023, abazakitabira bakwiye kwitega kuzabona imbuto z'imyaka 10 bamaze bakora 'ibi bitaramo harimo ubuhanga mu kuririmba no gucuranga bwiyongereye'.

Kandi avuga ko bazahitamo indirimbo bazaririmba bashingiye 'ku byo twabonye bikenewe n’abantu benshi harimo n’indirimbo nshya'.

Uyu muyobozi yavuze ko bahisemo gukorera igitaramo muri BK Arena mu rwego gufasha abantu kubona ahantu hagari ho gushimira Imana, kandi mu biciro biboneye buri wese. Yungamo ati 'Ibindi bisigaye ni agaseke gapfundikiye ntitwabivuga byose.'

Chorale de Kigali yashinzwe mu 1966 imaze kuba ikimenyabose mu Rwanda ndetse no mu mahanga kubera indirimbo zihimbanywe kandi zikaririmbanwa ubuhanga igenda igeza ku bakunzi bayo haba mu bitaramo, muri gahunda zitandukanye iririmbamo ndeste n'izo ibagezaho kuri shene yabo ya Youtube.

Intego yabo nyamukuru (RGB), ni uguteza imbere umuziki wanditse ku rwego mpuzamahanga.

Chorale de Kigali yagiye ikora ibitaramo byinshi mu Rwanda no hanze, harimo Misa zisanzwe, amasengesho ndetse n'ibindi birori byinshi by'umuco mu gihugu.

Iyi korali yamye ifite umubare munini w'abatunganya n’abahimbyi b’umuziki wa chorale mu Rwanda. Abamenyekanye cyane muri bo ni Saulve Iyamuremye, Apollinaire Habyarimana Dr. Jean Claude Byiringiro, Dr. Alfred Ngirababyeyi, Pacifique Tunezerwe n'abandi.

Chorale de Kigali yakunze gutanga ibyishimo binyuze mu ndirimbo zirimo 'Ijuru n'Isi nibirangurure', Comme un enfant, Fernando, Tubifurije Noheli Nziza, Ma Vie c'est le Christ, Indabo za Mariya, 'Reçois l'adoration', Adeste Fideles, 'Ab'ijuru baririmba', Kleinzac, n'izindi.

Kugeza ubu amatike yo kwinjira muri iki gitaramo yashyizwe ku isoko, aho mu myanya isanzwe ari ukwishyura 5,000 Frw, 10,000 Frw mu myanya ya Premium, 25,000 Frw mu myanya ya VIP na 50,000 Frw mu myanya ya VVIP. Ni amatike ushobora kubona unyuze ku rubuga rwa www.ticqet.rw 

Kanda hano ukomeze kugira uruhare mu gutora indirimbo wifuza ko iyi korali izaririmba mu gitaramo

Chorale de Kigali yatangaje ko igiye gukora igitaramo cyo kwizihiza imyaka 10 ishize bakora ‘Christmas Carols Live Concert'

Ubuyobozi bw'iyi korali, buvuga ko iki gitaramo kizaba umwanya mwiza wo kwishimira ibyagezweho mu rugendo rw'imyaka 10 ishize

Iyi Korali imaze kuba ubukombe mu muziki w'indirimbo zihimbaza Imana zanditse mu buryo bw'amanota aririmbwa n'abahanga gusa

 

Indirimbo ya UEAFA iri ku mwanya wa mbere mu ndirimbo ziri gutorwa ku rubuga rwa Chorale de Kigali

KANDA HANO UREBE UBWO CHORALE DE KIGALI YARIRIMBAGA INDIRIMBO YUBAHIRIZA UEFA

“>