Author: webrwanda

Igitego kimwe rukumbi cya Victor Mbaoma cyafashije APR FC gufata umwanya wa mbere ku rutonde rwa shampiyona itsinze Sunrise FC mu mukino w’ikirarane.

Sunrise FC yari yakiriye APR FC mu mukino w’ikirarane cy’umunsi wa 5 wa shampiyona kitakiniwe igihe kubera ko APR FC yari mu mikino Nyafurika ya CAF Champions League.

Uyu mukino ukaba wabaye kuri uyu wa Gatatu tariki ya 29 Ugushyingo 2023 kuri Golgotha Stadium ku isaha ya saa 15h.

Igice cya mbere cy’umukino cyarangiye nta kipe ibashije kureba mu izamu ry’indi, bajya kuruhuka ari 0-0.

Sunrise FC yakomeje kwihagaraho imbere y’bakunzi ba yo kugeza ku munota wa 82 ubwo Victor Mbaoma yatsindiraga APR FC igitego cy’intsinzi kuri penaliti nyuma y’ikosa ryari rikorewe Mugisha Gilbert mu rubuga rw’amahina.

Nyuma yo gutsinda uyu mukino APR FC yahise ifata umwanya wa mbere n’amanota 25, Musanze FC ya kabiri ifite 23, Police FC ifite 22 mu gihe Rayon Sports ifite 20.

Mbaoma yatsindiye APR FC ifata umwanya wa mbere

Agaruka ku kibazo cya Erenest Kalisa  wamenyekanye nka Samusure ,yavuze ko indi mbogamizi ikomeye benshi mu bakinnyi ba filime bahura nayo ari uko abantu bumvako umusitari adasanzwe, bakanamutekereza mu buryo budakwiye. Yavuze ko yababajwe  n’amagambo mabi yavuzwe na bamwe nyuma y’uko  mugenzi we  atakambye asaba ubufasha.

Ngenzi yatangaje ko bidakwiye guseka umuntu wese usaba ubufasha, kuko nta yandi mahitamo aba asigaranye ahubwo ko baba bakwiye kumwumva bakamuba hafi. Yibukije abantu bifuza guseka Samusure watse ubufasha ko bamufasha bakamuseka nyuma.

Ati ' Niba waramukunze koko ukaba ufite umutima wa kimuntu, mufashe wenda nyuma wiherere umuseke ariko wagaragaje uruhare rwawe mu gufasha'.

Inkuru za Kalisa Ernest uzwi nka Samusure zimaze iminsi zicicikana ku mbuga nkoranyambaga, zivuga ko uyu mugabo wamamaye muri filime nyarwanda yahuye n'ikibazo cyo kunanirwa kwishyura amadeni yafashe, bikamuviramo guhungira mu Gihugu cya Mozambique.

Ngenzi yavuze ko kuba bamwe baratunguwe no kuba umunyabigwi Samusure yakwaka ubufasha, ari kimwe mu bimenyetso bigaragaza ko abakinnyi ba filime bagifatwa mu buryo badakwiye gufatwamo.

Yatangaje ko ubuzima bw'abakinnyi ba filime bumeze nk'ubw’abandi, ndetse bagira ibibazo bitandukanye kandi nabo bagakenera amaboko abafasha.

 Umukinnyi wa filime Ngenzi yasabye abanyarwanda n'abandi bakunze impano za Samusure ko bamufasha bakamuseka nyuma.

Samusure yatangarije Inyarwanda ko ku nkunga yari akeneye kugirango hishyurwe amadeni yamujyanye mu bugungiro, habura agera kuri 2,501,690 Frw.

Harabura arenga Miriyoni 2 Samusure akabona inyishyu y’amadeni yamuteye guhunga u Rwanda

Kalisa Ernest wamenyekanye nka Samusure yakinnye muri filime zirimo “Seburikoko”

Mu kiganiro na Inyarwanda, Ngenzi yabajijwe niba kwaka ubufasha kwa Samusure atari ikimenyetso simusiga ko ubukene buvugwa muri sinema nyarwanda buhari, abihakanira kure.

Ati ' Filime nyarwanda ni imwe mu myuga itunze benshi nanjye ndimo, kandi uretse na sinema, no mu yindi myuga benshi babamo, bahura n'ibibazo bitandukanye bakaba bakenera ubufasha. Rero kuba Samusure yahura n'ikibazo cy'amadeni nta mugabo utagira ideni, ahubwo mugabo mbwa aseka imbohe'.

Uyu munyabigwi Daniel Gaga yatangaje ko kuva yakwinjira mu mwuga wa sinema nta kindi arakora kandi ko yanyuzwe n'inyungu ziva muri aka kazi ke ka buri munsi, gusa atangariza abifuza kuyijyamo kugira intego zifatika no kumenya uburyo bwiza bwo kwizigamira.

Yakinnye Filime zakunzwe na benshi 

Rayon Sports ikomeje gushaka ba rutahizamu basimbura Musa Esenu utarigeze yemerwa na bamwe mu bafana, kuva yagera mu ikipe yabo.

Tariki 26 Mutarama 2022, nibwo Musa Esenu yasinyiye ikipe ya Rayon Sports amasezerano y’imyaka ibiri ayitangira. Uyu musore wari uvuye mu gihugu cya Uganda mu ikipe ya Bul FC, ni nawe wari uyoboye urutonde rw’abakinnyi bafite ibitego byinshi muri icyo gihugu, aho yari asize afite ibitego 8 mu mikino ibanza ya shampiyona.

Musa Esenu ubwo yageraga muri Rayon Sports ntabwo yatinze gukina kuko ikibuga yarakibonye ariko abafana ndetse n’ubuyobozi bw’ikipe butangira kuvuga ko ari umukinnyi uhusha cyane, ababaza abakunzi b’ikipe. Musa Esenu yakomeje gukina ntiyacika intege, ariko atsinda bimwe mu bitego byarokoraga ikipe.

Umwaka wa mbere wa Musa Esenu dore ko yanakinnye imikino mike yo kwishyura, yatsinzemo ibitego 5 bya shampiyona, ndetse n’ibitego 3 by’Igikombe cy’Amahoro.

Musa Esenu ni umwe muri barutahizamu bakundwa n’abatoza bahuye nawe kuko usibye no gutsinda, ni umwe mu bakinnyi bazi kugarira cyane mu gihe ikipe yugarijwe n’imipira yo hejuru 

Umwaka w’imikino wa kabiri ari nawo uyu musore w’imyaka 27 yatangiye, yatsinzemo ibitego 8 bya shampiyona ndetse n’ibitego 5 by’Igikombe cy’Amahoro. Ikipe ya Rayon Sports yakomeje kubona ko nubwo uyu musore akunze guhusha ibitego, ariko umusaruro rusange, aba ari mu bakinnyi beza b’ikipe.

Muri uyu mwaka w’imikino, Rayon Sports yafashe umwanzuro wo kugura rutahizamu Charles Bbaale avuye muri Uganda wari uje gusimbura Musa Esenu.

Uyu musore ntabwo byagenze neza kuko kwicaza Musa byanze kugera n’aho batangiye kumuhengeka ngo barebe ko yakina. Kuri ubu aho shampiyona igeze, Musa Esenu afite ibitego 3 bya shampiyona, ndetse akaba ari mu bayoboye ibitego muri Rayon Sports.

Mu myaka 2 Musa Esenu agiye kumara muri Rayon Sports amaze gutsinda ibitego 16 bya Shampiyona ndetse n’ibitego 8 by’Igikimbe cy’Amahoro, ubwo bivuzeko ari ibitego 24, bimwemerera kuba umukinnyi wa kabiri inyuma ya Onana muri Rayon Sports ufite ibitego byinshi mu myaka ibiri itambutse.

Rayon Sports isa naho idashaka kongerera amasezerano Musa Esenu gusa kubona umusimbura we biracyagoranye tugendeye ku buryo byagiye binakorwa mbere, ndetse n’igihe Musa Esenu yazagendera kuko shampiyona izaba igeze ahakomeye.

Nyuma y’amezi make Rayon Sports isinyishije Esenu, iyi kipe yaje kugura Camara ngo amusimbure, ariko bidatinze yatandukanye n’iyi kipe ayitsindiye ibitego 2 gusa 

Bbaale ni umukinnyi waguzwe mu ntangiriro z’uyu mwaka, ariko kwemeza abamuguze biracyamugoye cyane 

Musa Esenu niwe wafunguye amazamu mu mukino baraye batsinzemo Police FC ibitego 2-1

Musa Esenu, ashobora kutongererwa amasezerano bigendanye n’imibare ikipe ya Rayon Sports irimo muri ibi bihe 

Camara Agogo, ni rutahizamu Rayon Sports iheruka kuzana, aho ashobora kuzasimbura Musa Esenu

Aba bahanzi bombi bataramiye abasaga ibihumbi 14 mu gitaramo cyabereye mu Mujyi wa Texas cyafunguye ibindi bizaba mu rwego rwo gufasha abatuye Amerika no kuyindi migabane kurangiza umwaka wa 2023 bari mu byishimo ari nako batangira umwaka wa 2024.

Ni ubwa mbere Bruce Melodie ataramiye muri Leta Zunze Ubumwe za Amerika. Nawe yumvikanisha ko abigezeho binyuze mu kwagura umuziki we akawushyira ku rwego Mpuzamahanga kugeza ubwo yanabashije gukorana indirimbo na Shaggy wamamaye muri Jamaica.

Ubwo yashyiraga hanze iriya ndirimbo, Bruce yavuze ko gukorana na Shaggy ari inzozi zabaye impano, kuko kuva akiri muto yinjira mu muziki yakundaga Shaggy.

Mu muhango wo gutanga ibihembo bya Trace Awards muri Kanama 2023, Bruce yaririmbye iyi ndirimbo ayifatanya na Shaggy hifashishijwe uburyo bw'ikoranabuhanga.

Mu ijoro ryo ku wa Mbere tariki 27 Ugushyingo 2023, yabashije guhura 'bwa mbere' na Shaggy barakaganira, ndetse mu ijoro ryo kuri uyu wa Kabiri bitabiriye ikiganiro cya Radio Kiss Fm yo muri Amerika bagaruka ku rugendo rwo gukora iyi ndirimbo.

Mu gitaramo cyabereye mu Mujyi wa Texas, Bruce Melodie yasanganiye Shaggy ku rubyiniro baririmbana 'When she's around'. Uyu muhanzi wavukiye i Kanombe yari yizihiwe, kandi yaserutse afite ibendera ry'u Rwanda mu kugaragaza inkomoko ye.

Shaggy nawe yari afite idarapo rya Jamaica. Uyu muhanzi avuga ko asanzwe akora ibi bitaramo buri mwaka, mu rwego rwo gufasha abantu kwizihiza iminsi Mikuru.

Basoje kuririmbana iyi ndirimbo, Shaggy yafashe umwanya abwira abitabiriye iki gitaramo ko Bruce Melodie ari uwo mu Rwanda, kandi ko ari inshuti ye.

Bruce Melodie yavuze ko afite urwibutso rudasaza kuri Shaggy, kuko mu 2008 yataramiye mu Rwanda mu gitaramo cya MTN nta bushobozi afite bwo kwitabira igitaramo cye'.

Bruce Melodie yavuze ko yakuze ari umufana ukomeye wa Shaggy, ku buryo kuba atarabashije kwitabira igitaramo cya Shaggy Kigali abifata nk'igihombo gikomeye.

Yavuze ati 'Byari mu 2008! Eehhh uribuka n’igihe byabereye [Shaggy abwira Bruce].  Nari umusore muto cyane ugerageza kwinjira mu muziki, nyuma numva ko Shaggy agiye kuza i Kigali nagombaga kujyayo ariko sinari mfite amafaranga yo kwishyura kugirango ninjire.” Akomeza ati “Ubu ndashimira Imana ko ndi kumwe na Shaggy. Ibi ni byiza cyane.”

Itahiwacu Bruce uzwi nka Bruce Melodie yavuze ko muri 2008 akirimo kwishakisha mu muziki yabuze amafaranga yo kugura itike yo kwinjira muri iki gitaramo biba ngombwa ko asesera akinjira.

Ibi Bruce Melodie yabitangaje mu kiganiro Kidd Nation gica kuri Radiyo Kiss FM yo muri Leta Zunze Ubumwe za Amerika yahuriyemo na Shaggy aho bagarukaga ku ndirimbo aba bombi bakoranye “She’s Around”.

Melodie yavuze ko yakoze ibishoboka byose ngo arebe ko yabona amafaranga yo kwinjira muri iki gitaramo ariko biranga kuko no kubona ayo kurya byari ingume, gusa yaje kurwana inkundura asesera mu bantu birangira yinjiye.

Ati “byari 2008. Nari nkiri wa muhungu muto ukirimo kwishakisha mu muziki numva ko Shaggy agiye kuza i Kigali, icyo gihe nta mafaranga yo kwishyura itike nari mfite, naraseseye ndinjira. Ndashima Imana ko uyu munsi ndi kumwe na Shaggy.”

Icyo gihe kwinjira mu gitaramo cya Shaggy cyabaye mu myaka 15 ishize, amafaranga make yari ibihumbi 10 by’amafaranga y’u Rwanda.

Melodie akaba ari muri USA aho yitabiriye ibitaramo bya ‘iHeartRadio Jingle Ball Tour’ bitegurwa na iHeart Radio ku bufatanye n’Ikigo cy’Imari cyitwa Capital One, na Shaggy arimo.

Bruce Melodie na Shaggy bakaba baraye bataramiye mu Mujyi wa Dallas muri Dickies Arena, bazagaruka ku rubyiniro tariki ya 16 Ukuboza 2023 mu Mujyi wa Miami muri Amerant Bank Arena.

Melodie yavuze ko bwa mbere ajya kureba Shaggy mu gitaramo byasabye gusesera