Webrwanda Backend

Author: webrwanda

  • Liverpool yananiwe gukomeza kuyobora urutonde rwa Shampiyona y’u Bwongereza. – YEGOB #rwanda #RwOT

    Mu mukino w'umunsi wa 17 wa Shampiyona y'u Bwongereza hakinwaga umukino waruri guhuza amakipe abari y'Amateka ariyo Liverpool FC na Manchester United.

    umukino uhuza Manchester united na Liverpool FC ni umukino uba ikomeye cyane kuva cyera, ni umukino kandi impande zombi yaba Liverpool FC yashakaga kuguma iyoboye urutonde rwa Shampiyona y'u Bwongereza (Premier league), Manchester united yarikeneye amanota kuko imaze igihe itameze neza haba muri 'Champion's league' yakuwemo na Bayern Munich ndetse isoza itsinda yaririmo ari iyanyuma bituma ititabira na 'Europa league'.

    Uyu mukino kandi ikindi cyagomba kuwukomeza nuko ikipe ya Liverpool FC yaherukaga kunyagira ikipe ya Manchester united ibitego 7 kuri 0 , mu kwezi kwa 3 uyu mwaka wa 2023.

    Liverpool FC yari yakiriye Manchester united kuri Anfield, ni umukino watangiye ikipe ya Liverpool FC yataka ishakisha igitego ariko ntiyaza kucyibona.

    ikipe ya Manchester united yacungiraga ku mipira bamburara ikipe ya Liverpool FC mu gihe yabaga yabatatse maze bakagerageza gushaka igitego ariko nayo ntiyabasha kucyibona.

    uyu mukino warangiye banganyije ubusa ku busa ariko kuruhande rw'ikipe ya Manchester united haje kuboneka ikarita itukura kuri Diogo Dakota.

    Amanota Abakinjyi babonye mu mukino.

    Liverpool FC : Alisson (7), Alexander-Arnold (6), Konate (7), Van Dijk (7), Tsimikas (6), Endo (6), Szoboszlai (5), Gravenberch (6), Salah (6), Nunez (5), Diaz (6).

    Abasimbuye Liverpool FC: Gomez (6), Gakpo (6), Elliott (6), Jones (6).

    Man Utd: Onana (7), Dalot (7), Varane (8), Evans (7), Shaw (7), Mainoo (7), Amrabat (5), McTominay (5), Antony (6), Hojlund (5), Garnacho (5).

    Abasimbuye Man united : Rashford (6), Pellistri (6) Mejbri (6).

    umukinnyi w'umukino : Raphael Varane

    Source : https://yegob.rw/liverpool-yananiwe-gukomeza-kuyobora-urutonde-rwa-shampiyona-yu-bwongereza/

  • Umunyezamu Ntwari Fiacre yageze ku gikombe aho kugiterura ahubwo agikozaho imitwe y’intoki – YEGOB #rwanda #RwOT

    Ntwari Fiacre n'ikipe ye TS Galaxy FC yo muri Afurika y'Epfo babuze igikombe cya Knockout ni nyuma yo gutsindirwa ku mukino wa nyuma na Stellenbosch FC.

    TS Galaxy FC yatsindiwe kuri penaliti 5-4 amakipe yombi yari yanganyije 1-1, bageze muri penaliti Ntwari Fiacre akuramo penaliti ya mbere ya Stellenbosch ariko bagenzi be baza guhusha izindi 2 babura igikombe gutyo.

    Source : https://yegob.rw/umunyezamu-ntwari-fiacre-yageze-ku-gikombe-aho-kugiterura-ahubwo-agikozaho-imitwe-yintoki/

  • Umuhanzi Wizkid yakubise umufana urushyi Davido aratabara #rwanda #RwOT

    Ubwo Davido na Wizkid bari basohokanye bagaragara basa n'abishimanye cyane, hari amashusho yafashwe Wizkid ari gukubita umufana urushyi , Davido agatabara.

     

    Amakuru akomeje kuvugwa cyane mu bitangazamakuru byo muri Nigeria no ku Isi, ni ikwirakwira ry'amashusho ya WizKid na Dvaido bari  mu gitaramo cy'uwitwa DJ SKYLA Tyla, cyaberaga kumucanga mu Mujyi wa Lagos muri Nigeria.

     

    Muri uko gusohoka mbere y'aho hari hasohotse amashusho y'aba bahanzi bombi bishimanye , barikuririmbira hamwe bigaragaza ubumwe n'urukundo bombi bari bafitanye.Muri iki gitaramo kandi nibwo Wizkid yaje gukubita umufana urushyi.

     

    Nyuma yo gusa n'uwihaniye kwa Wizkid, Davido yagiye guhosha, abuza mugenzi we gukomeza kugaragaza imico itari myiza afasha n'uwakibiswe urushyi gutuza akihangana.

     

    Benshi batewe urujijo n'iyi myifatire ya Wizkid waherukaga gutangaza ko abaye ahagaritse umuziki ubundi akita ku buzima bwe asohokana n'abandi bantu ariko akita cyane kuri Siporo.

    The post Umuhanzi Wizkid yakubise umufana urushyi Davido aratabara appeared first on The Custom Reports.

    Source : https://thecustomreports.com/umuhanzi-wizkid-yakubise-umufana-urushyi-davido-aratabara/

  • Zabron Ndikumukiza yahaye Noheli abakunzi ba… – #rwanda #RwOT

    Mbere y’uko Noheli na Bonane biba, umuhanzi mu muziki wo kuramya no guhimbaza Imana, Zabron Ndikumukiza utuye muri Leta Zunze Ubumwe za Amerika, yakoze mu nganzo, yitsa ku maraso ya Yesu Kristo. Yavuze ko Imana “niyo yanshoboje kwandika indirimbo ivuga amaraso y'umwana wayo Yesu Kristo”.

    Ikindi cyamushoboje gukora iyi ndirimbo ikomeje kuryohera benshi, ni ugusoma Ibyanditswe Byera muri Efeso 2: 12-13, hagira hati: “Mwibuke ko icyo gihe mwari mudafite Kristo mutandukanijwe n’Ubwisirayeli, muri abashyitsi ku masezerano y’ibyasezeranijwe, ari nta byiringiro mufite by’ibizaba, ahubwo mwari mu isi mudafite Imana Rurema.Ariko none kuko muri muri Kristo Yesu, mwebwe abāri kure kera, mwigijwe hafi n’amaraso ya Kristo.”

    Zabron Ndikumukiza ukunze kuririmba ineza y’Imana n’urukundo rwa Yesu Kristo, yabwiye inyaRwanda ko ubutumwa buri muri iki gihangano yise “Amaraso” ni ukuzirikana agaciro gakomeye k'amaraso y'umwana w'Imana utagira inenge yamenetse agatanga ubugingo kubamwizera bose.

    Nk’impano ye ya Noheli ku bakristo, yagize ati “Ubutumwa naha abakunzi ba Gospel n uko Yesu aza vuba; kandi ibyerekana kuza kwe birihuta kuboneka; azahagarara kubicu aje gutwara itorero; hahiriwe abamesera ibishura byabo mumaraso ye; kuko aribo bazumva impanda ya Malayika ukomeye w'Imana maze basanganire umwami Yesu mukirere”.

    Zabron Ndikumukiza azwi mu itsinda ahuriyemo n’umugore we ariryo Zabron & Deborah, ariko akanyuzamo agakora n’indirimbo ze bwite. Indirimbo yakoze ku giti cye harimo “Amaraso”, “Warakoze”, “Urukundo ruhebuje”, “Ubuntu bw’Imana” na “Ntuhinduka”. Ni mu gihe Zabron & Deborah bazwi mu ndirimbo “Umugisha”, “Kwizera Yesu” n’izindi.

    Zabron amaze imyaka ibiri gusa mu muziki nk’umuhanzi wigenga, akaba yaramenyekanye cyane muri korari Nyota ya Alfagili, Agakiza Worship team no muri New Melody Rwanda. Yatangiriye ku ndirimbo ‘Ntuhinduka’, nyuma akora izindi nyinshi kandi zerekwa urukundo rwinshi.

    Icyemezo cyo kwinjira mu muziki uhimbaza Imana yagifashe nyuma y'igihe kinini aganira n'Imana anasenga ngo imwemere gutangira uyu murimo. Yakuranye impano yo kuririmba, igihe kigeze atangira gushyira hanze ubutumwa Imana yamuhaye, akaba abikora binyuze mu ndirimbo.

    Zabron Ndikumukiza yakoze indirimbo yo gushimira Yesu wacunguje abari mu Isi amaraso y’igiciro cyinshi

    Mu myaka 2 amaze mu muziki amaze gukora ibihangano byahembuye imitima ya benshi

    Zabron asanzwe aririmbana n’umugore we mu itsinda ryitwa Zabron & Deborah

    REBA INDIRIMBO NSHYA “AMARASO” YA ZABRON NDIKUMUKIZA

    Source : https://inyarwanda.com/inkuru/137694/zabron-ndikumukiza-yahaye-noheli-abakunzi-ba-gospel-abasaba-kuzirikana-agaciro-kamaraso-ya-137694.html

  • Umwe yahawe igihembo! Uko Abakinnyi b’Abanyar… – #rwanda #RwOT

    Duhereye muri Kenya ku munsi w’ejo ku Cyumweru ikipe ya Gormahia ikinamo abakinnyi babiri b’abanyarwanda yatsindaga FC Talanta ibitego 2-0.

    Sibomana Patrick muri uyu mukino yabanje mu kibuga naho Emery Bayisenge yinjira mu kibuga asimbuye,kuri ubu Gormahia FC niyo iyoboye urutonde rwa shampiyona n’amanota 37 ikaba izagaruka mu kibuga kuwa Kane ikina na Bandari FC.

    Muri Tanzania ikipe ya Singida Fountains Gate FC,kuwa Gatanu yatsindaga Arusha City FC muri shampiyona ibitego 3-0. Rutahizamu w’umunyarwanda ukina muri iyi kipe,Kagere Meddie ntabwo yabanje mu kibuga gusa yinjiyemo asimbuye.

    Singida Fountains Gate FC iri ku mwanya wa 4 muri shampiyona n’amanota 20 ikazasubira mu kibuga ku wa Kane ikina na Geita Gold.

    Mu gihugu cya Morocco mu ikipe ya AS Far Rabat nayo ku munsi w’ejo ku Cyumweru yabonaga amanota 3 itsinze HUSA ibitego 2-1.

    Myugariro w’ikipe y’igihugu y’u Rwanda, Amavubi ukina muri AS Far Rabat yabanje mu kibuga ndetse arangiza iminota 90 adasimbujwe.Ku rutonde rwa shampiyona Iyi kipe iri kumwanya wa mbere n’amanota 26.

    Muri Libya Al Ahly Tripoli nayo ku munsi w’ejo ku cyumweru yatsindaga Al Khums ibitego 3-0,Manzi Thierry ukina muri iyi kipe yabanje mu kibuga ndetse akina umukino wose ntiyasimbuzwa.

    Al Ahly Tripoli niyo iyoboye urutonde rwa shampiyona mu itsinda irimo, ikaba zasubira mu kibuga kuwa Gatandatu bakina na Asaroa.

    Ku ikipe ya TS Galaxy yo muri Afurika y’Epfo ikinamo Ntwari Fiacre ntabwo ibintu byayigendekeye neza ku wa Gatandatu bitewe nuko yatsindiwe ku mukino wa nyuma mu irushanwa rya Carling Knockout .

    Iminota 90 y’umukino yarangiye amakipe anganya igitego 1-1 maze hitabazwa penaliti ikipe ya Stellenbosch FC bakinaga ihita ibatsinda 5-4.Uyu munyezamu w’ikipe y’igihugu y’u Rwanda Amavubi niwe wari wifashishijwe kuri uyu mukino.

    Tuvuye ku mugabane w’Afurika tukerekeza i Burayi, mu gihugu cy’u Bubiligi muri shampiyona y’icyiciro cya Kabiri, ikipe ya SL 16 Football Campus FC ikinamo Hakim Sahabo ku munsi w’ejo ku Cyumweru nayo ntabwo ibintu byagenze neza dore ko yatsinzwe na Deinze ibitego 2-1.

    Uyu mukinnyi w’Umunyarwanda yari yabanje mu kibuga gusa aza gusimbuzwa ku munota wa 82. SL 16 Football Campus FC iri kumwanya wa 14 muri shampiyona ikazasubira mu kibuga tariiki 13 z’ukwezi gutaha Kwa Mbere.

    Muri shampiyona y’icyiciro cya Kabiri mu Buhorandi, ikipe ya FC Groningen ikinamo umukinnyi w’umunyarwanda, Noam Emeran ku wa Gatanu yanganyaga na MVV Maastricht igitego 1-1.Uyu mukinnyi Noam Emeran ariko ntabwo yigeze akandagira mu kibuga.

    FC Groningen iri kumwanya wa 9 ku rutonde rwa shampiyona ikaba izasubira mu kibuga ku munsi w’ejo kuwa Kabiri bakina na Willem II.

    Uyu munsi hateganyijwe umukino ikipe ya Al Kawkab yo mu cyiciro cya kabiri muri Araba Saudite ikinamo Kwizera Olivier iri bukine na Mudhar Saa munani.

    Kuri Kapiteni w’Amavubi, Bizimana Djihad mu ikipe ye ya FC Kryvbas Kryvyi Rih bari mu kirihuko, imikino ibanza ya shampiyona barayirangije gusa ku wa Gatandatu yegukanye igihembo cy’umukinnyi mwiza w’ukwezi kwa 12.

    Imanishimwe Emmanuel Manguende waraye afashije ikipe ye ya AS Far Rabat kubona intsinzi

    Ntwari Fiacre ntabwo byagenze neza kuko ikipe ye ya TS Galaxy yatsindiwe ku mukino wa nyuma 

    Source : https://inyarwanda.com/inkuru/137691/umwe-yahawe-igihembo-uko-abakinnyi-babanyarwanda-bakina-hanze-bitwaye-mu-cyumweru-gishize-137691.html

  • Menya uko wahagarika gukomeza gutekereza kuhahise h'uwo mukundana #rwanda #RwOT

    Ubusanzwe abantu bakundana hari ubwo bahura umwe muri bo afitanye amateka n'abandi bantu.Ibi bikaba byatuma bibera umuzigo ukomeye umukunzi mushya.Ese niba uremererwa nabyo , ni iki wakora ? Iyi nkuru uyisome witonze.

     

    Birashoboka ko ushobora kubangamirwa cyane n'ahahise  h'umukunzi wawe, ndetse ukababazwa naho kubyikuramo bikakunanira ukajya uhora ubitekereza.Ibi bikaba cyane mu gihe utamwizera cyangwa utekereza ko ashobora kuba aguca inyuma cyangwa warigeze kumufata bwa rimwe.

     

    Ikintu cya mbere ukwiriye kumenya ni uko ibyo biri kukwiruka mu mutwe atari amateka ya nonaha y'umukunzi wawe.Yego, birashobokako yakoze amakosa mu mateka ye akijandika mu mico itari myiza, kandi burya niho yigiye.Ni bibi cyane kuri wowe gukomeza kubyibuka.

     

    Abakundana bagirwa inama yo gusiga ahahise h'abo bakundana bakabaho uwo mwanya gusa, badatekereza cyane ku mateka y'uwo bakundana.Ikintu ukwiriye kwibuka ni uko nawe ubwawe uri umuntu kandi ko ufite amakosa.Ntabwo bisobanuye ko uwo mubana cyangwa mukundana azongera kuguca inyuma kubera ko hari abo babikoranye.Ntabwo azongera kukubeshya.

     

    Niba nta muntu wari wabiganirizaho rero, ukaba ubana n'icyo gikomere, ganira n'iyi nkuru.Nuramuka ushaka gukomeza ko tukugira inama, utwandikire kuri Email yacu , [email protected].

     

    INAMA: ESE NI GUTE WAKWIVANAMO INTEKEREZO Z'AHAHISE H'UWO MUKUNDANA ?

    Kutabyibagirwa bishyira mukaga urukundo rwanyu ndetse n'urugo rwanyu rukabigenderamo.

    1.Ibukako ahahise atariho hasobanura uwo mukundana.

    Kumenya neza ko ahahise he atariho hamusobanura bizagufasha kumenya neza ko udakwiriye gukomeza kumufata muri iyo shusho.Nufata umwanya , ukita kuhahise byanga bikunze uzibuka ikintu kitari cyiza.

     

    Ibuka ko mutari bukundana cyangwa ngo mubane, iyo ataza kunyura mubyo yanyuzemo.Wituma umukunzi wawe aba impamvu yo kubabara , kugira agahinda n'ibibazo runaka.

    2.Menya impamvu ahahise he, hagira ingaruka kuri wowe.

    Ahahise h'umukunzi wawe hashobora kuba imbarutso yo kubaho nabi kwawe, ukaba wanarwara indwara zitandukanye zirimo; Trauma n'izindi'.Ushobora kunanirwa kumubabarira kubera ko utekereza ko yaguhemukiye muri icyo gihe.

     

    Birashobokako ushobora kutanyurwa ugakomeza utekereza ko hari ibyo atakubwiye cyangwa aho agiye hose ugatekereza ko hari abo bahuye nabo.

     

    3.Rekeraho gukurikirana cyane imbuga z'abo bakundanye.

    Ingenzure , ushobora kuba uhora kumbuga ureba abo bakundanye , ucunga niba bongeye guhura nabo cyane.Ushobora kubikora kubw'amahirwe mabi ugashiduka wakanze ku ifoto yabo wayikunze.

     

    4.Ganira n'umukunzi wawe iby'impungenge n'ubwoba bwawe.

    Ba umunyakuri, uganire n'umukunzi waw , umubwire ko uterwa agahinda , umujinya cyangwa ubwoba n'ahahise he.Ibi bizatuma agufasha kumera neza niba koko agukunda ariko niba atagunda azatangira kugutonganya.Muri uko kutagutonganya niho uzakirira.

     

    5.Imbaraga zawe zishyire mu kubaka urukundo rwanyu no kurukomeza.

    Urukundo rubamo ibyiza n'ibibi, ibisitaza n'ibinezeza.Hitamo kwita kubyiza gusa.

    6.Shaka umuhanga mu mibanire.

    Shaka umuntu wizeye [Muganga], umuganirire kubyo ubuzima bwawe bw'urukundo, muganire.

    The post Menya uko wahagarika gukomeza gutekereza kuhahise h'uwo mukundana appeared first on The Custom Reports.

    Source : https://thecustomreports.com/menya-uko-wahagarika-gukomeza-gutekereza-kuhahise-huwo-mukundana/

  • Umusore w’imyaka 23 yujuje inzu iwabo mu cyaro maze baza kuyimusangamo amanitse – YEGOB #rwanda #RwOT

    Mu karere ka Nyanza mu Murenge wa Mukingo, abaturage batunguwe n'umurambo w'umusore w'imyaka 23 y'amavuko basanze umanitse.

    Uyu musore yasanzwe amanitse mu nzu yari amaze iminsi mike yujuje.

    Turakwamamariza kuri macye ashoboka. Uko yaba angana kose.

    Ni ibintu byababaje abaturage bari benshi ubwo bazaga kureba uyu musore wari umanitse mu nzu ye.

    Mu byababaje ni ukuntu yari amaze iminsi mike yujuje inzu akazi no guhita ayiyahuriramo.

    Turakwamamariza kuri macye ashoboka. Uko yaba angana kose.

    Inzego z'umutekano zaje gukora iperereza kugira ngo harebwe icyishe uyu musore bivugwa ko yaba yiyahuye.

    Source : https://yegob.rw/umusore-wimyaka-23-yujuje-inzu-iwabo-mu-cyaro-maze-baza-kuyimusangamo-amanitse/

  • Ntwari Fiacre yabuze igikombe agikozaho imitwe y’intoki, ikipe ya Samuel Gueulette iranyagira – Uko abanyarwanda bitwaye mu mpera z’icyumweru #rwanda #RwOT

    Nyuma yo gufasha ikipe ye ya TS Galaxy kugera ku mukino wa nyuma wa Knockout Cup, ntabwo Ntwari Fiacre yahiriwe kuko baje gutwarwa igikombe batsindiwe kuri penaliti.

    Muri iyi nkuru tugiye kurebera hamwe uko abakinnyi b’abanyarwanda bitwaye mu mpera z’icyumweru gishize.

    Meddie Kagere – Singida Fountain Gate

    Rutahizamu w’umunyarwanda, Meddie Kagere yinjiye mu kibuga asimbura ku wa Gatanu tariki ya 15 Ukuboza 2023 mu mukino wa Azam Sports Federation Cup ikipe ye ya Singida Fountain Gate yatsinzemo Arusha City 3-0.

    Imanishimwe Emmanuel – FAR Rabat

    Myugariro w’umunyarwanda, Imanishimwe Emmanuel Mangwende yari mu kibuga akina iminota 90 mu mukino ikipe ye yaraye itsinzemo Hassania Agadir 2-1 mu mukino wa shampiyona y’icyiciro cya mbere muri Maroc. Iyi kipe ni iya mbere n’amanota 26.

    Manishimwe Djabel – USM Khenchela

    Impera z’icyumweru ntabwo zagenze neza ku ikipe ya Mansishimwe Djabel mu cyiciro cya mbere muri Algeria aho ku wa Gatandatu w’icyumweru gishize, USM Khenchela ye yatsinzwe 3-0 na USM Alger mu mukino w’umunsi wa 10. Djabel yabanje ku ntebe y’abasimbura. Nyuma y’umunsi wa 10 iyi kipe ni iya 11 n’amanota 13 ku rutonde ruyobowe na MC Alger n’amanota 27.

    Sibomana Patrick Papy & Emery Bayisenge – Gor Mahia

    Gor Mahia ya Sibomana Patrick Papy na Emery Bayisenge muri Kenya, yakomeje gushimangira umwanya wa mbere n’amanota 31 nyuma y’uko ejo hashize ku Cyumweru tariki ya 17 Ukuboza 2023 yatsinze Talanta FC 2-0.

    Ntwari Fiacre – TS Galaxy

    Ntwari Fiacre na TS Galaxy FC muri Afurika y’Epfo babuze igikombe cya Knockout ni nyuma yo gutsindirwa ku mukino wa nyuma na Stellenbosch FC kuri penaliti 5-4. Amakipe yombi yari yanganyije 1-1, bageze muri penaliti Ntwari Fiacre akuramo penaliti ya mbere ya Stellenbosch ariko bagenzi be baza guhusha izindi 2 babura igikombe gutyo.

    Hakim Sahabo – Standard Liege

    Hakim Sahabo ukinira Standard de Liège y’abato, ntabwo impera z’icyumweru zagenze neza aho batsinzwe na KMSK Deinze 2-1. Ubu bari ku mwanya wa 13 n’amanota 15 ku rutonde ruyobowe na Zulte Waregem na 32.

    Maxime Wenssens – Royale Union Saint-Gilloise

    Ntabwo umunyezamu w’umunyarwanda, Maxime Wenssens yari muri 18 baraye bifashishijwe n’ikipe ya Union Saint-Gilloise mu mukino w’icyiciro cya mbere mu Bubiligi iyi kipe yaraye itsinzemo Mechelen 1-0. Iyi kipe iyoboye urutonde n’amanota 44 nyuma y’umunsi wa 18.

    Samuel Gueulette- RAAL La Louvière

    Samuel Gueulette ku wa Gatandatu yari yabanje mu kibuga akina iminota 60 ubwo ikipe ye ya RAAL La Louvière yanyagiraga Union Namur 8-1 mu mukino w’umunsi wa 17 wa shampiyona y’icyiciro cya 3 mu Bubiligi. Iyi kipe ni iya 2 n’amanota 41 ku rutonde ruyobowe na Lokemen-Temse na 47.

    Salomon Nirisarike – Tienen FC

    Ntabwo Nirisarike Salomon yagaragaye mu mukino w’umunsi wa 17 wa shampiyona y’icyiciro cya 3 mu Bubiligi ikipe ya Tienen yaraye iteinzwemo na Knokke 2-1. Ubu iyi kipe ni iya 17 mu makipe 18 n’amanota 15 ku rutonde ruyobowe na Lokeren-Temse n’amanota 47.

    Manzi Thierry – Al Ahli Tripoli

    Manzi Thierry na Al Ahli Tripoli bakomeje kuyobora shampiyona y’icyiciro cya mbere muri Libya itsinda B n’amanota 17, ni nyuma y’uko baraye batsinze Al Khmes 2-0.

    Emeran Noam – Groningen FC

    Ntabwo Emeran Noam yagaragaye mu bakinnyi bakoreshejwe na Groningen inganya 1-1 na MVV ku wa Gatanu w’icyumweru gishize mu mukino w’umunsi wa 19 wa shampiyona y’icyiciro cya kabiri mu Buholandi. Iyi kipe iri ku mwanya wa 9 n’amanota 29 ku rutonde ruyobowe na Willem II na 42.

    Haruna Niyonzima – Al Ta’awon

    Ntabwo Haruna Niyonzima yari mu mukino mu mukino ikipe ye Al Ta’awon muri Libya yatsinzemo 1-0 Al-Akhdar kubera ko uyu mukinnyi aheruka kubagwa uburwayi yari afite. Mu itsinda A ry’icyiciro cya mbere muri Libya, ubu bari ku mwanya wa 5 n’amanota 9 ku rutonde ruyobowe na Al Nasr n’amanota 12.

    Mangwende yitwaye neza

    Ikipe ya Samuel Gueulette yanyagiye 8

    Source : http://isimbi.rw/siporo/article/ntwari-fiacre-yabuze-igikombe-agikozaho-imitwe-y-intoki-ikipe-ya-samuel-gueulette-iranyagira-uko-abanyarwanda-bitwaye-mu-mpera-z-icyumweru

  • NKORE IKI: Umukobwa dukundana akunda kwambara impenure kandi sinzikunda naramubujije aranga #rwanda #RwOT

    Umusore uri mu kigeri cy'imyaka 25 yaratwandikiye atugisha inama. Ese ni iyihe nama wowe wamuha ?

    Urukundo ntacyo rutihanganira gusa umusore uvuga ko ari uwo mu Itorero rya Pantekote yagishije inama ku rukundo rwe kubera imyambaro y'umukunzi we ikunda ku mucumuza.

    Yagize ati:' Muraho neza, mungire inama nabonye muzigira abandi.Ndi umusore w'imyaka 25 y'amavuko.Nakuze nsengera mu Itorero ry'Abarokore, ntabwo nigeze mbona abantu bambara amajipo ageze mu mavi no hejuru yayo.

    Iwacu bashiki banjye bambara neza, bakikwiza no mu rusengero batubwira kwambara tukikwiza.Niyo mpamvu rero numvaga ko nzashaka umugore wambara neza.

    Umukobwa twaburiye mu rusengero mbona yambara neza asa neza, muri byose.Namusabye ko twakundana aremera, musaba kumbera umugore nabyo arabyemera ariko nyuma y'aho yahise atangira kwambara nabi, yambara imyambaro igeze mu ntege.

    Nakoze uko nshoboye ngo mbimuceho yaranze.None mu ngire inama. Ese mureke cyangwa muteze abantu ndebe ko yakosora ?'.

    Niba nawe ushaka kutugisha inama , twandikire kuri Email yacu ; [email protected]

    The post NKORE IKI: Umukobwa dukundana akunda kwambara impenure kandi sinzikunda naramubujije aranga appeared first on The Custom Reports.

    Source : https://thecustomreports.com/nkore-iki-umukobwa-dukundana-akunda-kwambara-impenure-kandi-sinzikunda-naramubujije-aranga/

  • Umunyamakuru Yago yakoze amateka yo kwegukana ikindi gihembo #rwanda #RwOT

    Yago yegukanye ibihembo 2 mu mwaka umwe

    Umunyamakuru Yago yongeye kwegukana igihembo mu bitangwa na Isango na Muzika nyuma y'icya Karisimbi.

    Ubwo hatangwaga ibihembo bya Karisimbi Awards 2023, Yago yegukanye igihembo cy'umuhanzi mushya w'umwaka.

     

    The post Umunyamakuru Yago yakoze amateka yo kwegukana ikindi gihembo appeared first on The Custom Reports.

    Source : https://thecustomreports.com/umunyamakuru-yago-yakoze-amateka-yo-kwegukana-ikindi-gihembo/