Author: webrwanda

Bruce Melodie uri hanze y'u Rwanda yavuze ku ndirimbo yitwa 'sesa' Rosskana, agaragaza ko ari indirimbo izaba ari nziza cyane.

 

Ubwo Bruce Melodie yakoraga ikiganiro mu buryo bwa Live kuri Instagram, aganira n'abakunzi be , yagarutse ku ndirimbo ya The Ben yaraye igiye hanze, avuga ko mu byo agomba kwamamaza itarimo  ngo na cyane ko The Ben atajya amufasha mu bye.

 

Bruce Melodie aganira na Ddumba  yagize ati:'Umva ikintu ndimo kuvuga, The Ben yasohoye indirimbo nziza byahatari kandi nanjye ndabikunda bya byahatari.Ariko muri gahunda mfite zo kwamamaza, ibintu mfite nibyinshi harimo ; Tecno , Harimo Primus , n'umuziki wanjye iyo ngiyo ntabwo irimo nawe ayiyamamarize nk'uko nanjye ndwana n'izanjye nawe ntamfashe'

 

Ubwo uyu muhanzi yagarukaga ku mishinga ya Ross yagaragaje ko hari indirimbo uyu muhanzi agiye gushyira hanze. Ati:'Hari indirimbo ya Rosskana igiye gusohoka yitwa Sesa, iyo ngoma narayibashimiye ubundi mutari mwana yumva, nayibatamo muzayikunda'.

The post Bruce Melodie yikomye The Ben ahita atangaza indirimbo ya Rosskana igiye kujya hanze appeared first on The Custom Reports.

Source : https://thecustomreports.com/bruce-melodie-yikomye-the-ben-ahita-atangaza-indirimbo-ya-rosskana-igiye-kujya-hanze/

Gushyingiranwa bizana impindika ku mpande zombi umugabo ndetse n'umugore, ni ngombwa ko umenyera ndetse ukamenya neza imico akazi n'imigirire ya buri umwe mbese mwese mukamenyana cyane.

Ese bigenda gute iyo ufite umugabo w'umusirikare!?
.

Dore ibyo ukwiye kuzirikana mbere yo gushyingiranwa n'umugabo w'umusirikare;

1.Akazi ke cyangwa inshingano ze ziza imbere y'umuryango

Ubusanzwe ubundi iyo umugabo afite umuryango iteka umuryango we niwo ashyira imbere, ariko ku musirikare ho siko bigenda ahubwo umusirikare inshingano ze ziza imbere y'umuryango, icyo ni ikintu ukwiye kumenya mbere yo gushakana n'umugabo w'umusirikare.

2 Itegure kujya mwimuka cyane: Bitewe n'inshingano umusirikare ahabwa Hari ubwo ahora yimuka cyane ndetse icyo ni ikindi kintu ukwiye kumenya mbere yo gushyingiranwa n'umugabo w'umusirikare.

3.Bizakugora gukora akazi kamwe gahoraho

Ikindi kubera ko umugabo wawe yaba Ari umusirikare, mushobora kuzajya mwimuka cyane rero kugira akazi kamwe ahantu hamwe gahoraho ntago bizagukundira neza pe, nabyo ukwiye kubimenya.

 

4.Muzishimana agahe Gato

Nkuko indi miryango yishima, ku muryango urimo umusirikare siko bigenda kuko umwanya wo kwishimana mwembi biba gacye kubere inshingano nyinshi aba afite bityo akaburira umwanya umuryango we.

 

5.Kugira igihunga

Kubera ko ahora mu kazi uhorana igihunga ko ashobora gukomereka cyangwa agapfira mu nshingano ze, ibyo nabyo ubizirikane mbere yo gushakana n'umugabo w'umusirikare.

6.Aguhisha amabanga menshi

Urumva kuko afite inshingano zo kurinda igihugu cye, ni byinshi aguhisha kuko ariko akazi ke kamutegeka kubigira ibanga.

 

7.Itegure gukundana cg kubana urukundo rwa kure

Bimwe bita long-distance relationship, mbese muba muzabana we adahari kuko Kenshi ahora mu ngendo zo gukora inshingano ze nk'umusirikare.

8.Amategeko menshi

Urugo rw'umusirikare ni urugo rugira amategeko ndetse n'amahame rugenderaho, rero ni ngombwa ko ibyo ubizirikana mbere yo gushyingiranwa n'umugabo w'umusirikare.

Source: lovedevani.com

The post Menya ibintu ukwiye kumenya mbere yo gushakana n'umugabo w'umusirikare appeared first on The Custom Reports.

Source : https://thecustomreports.com/menya-ibintu-ukwiye-kumenya-mbere-yo-gushakana-numugabo-wumusirikare/

Umuhesha w'inkiko w'umwuga, Me Niyomugabo Kwibuka Norbert yashyize hanze inyandiko imenyesha bwana Mbanzabugabo Clément udafite aho abarizwa hazwi imikirize y'urubanza; RC 00557/2022/TGI/GSBO rwaciwe n'urukiko rwisumbuye rwa Gasabo ku wa 29/11/2023 haburana Niyonsenga Glorien na Mbanzabugabo Clément.

intyoza

Source : https://www.intyoza.com/2023/12/17/itangazo-kumenyesha-mbanzabugabo-clement-udafite-aho-abarizwa-hazwi-imikirize-yurubanza/

Yambitswe iri kamba ry'igiciro kinini mu birori binogeye ijisho byabaye mu ijoro ryo kuri uyu wa Gatandatu tariki 16 Ukuboza 2023 byayobowe na Jean-Pierre Foucault [Wahoze ayobora iri rushanwa] afatanyije na Cindy Fabre, kandi byatambukaga imbona nkubone kuri TF1.

Yahigitse abakobwa 29 bageranye mu cyiciro cya nyuma, mu birori byabereye mu nyubako y'imyidagaduro ya Zénith de Dijon.

Eve yagaragiwe n'ibisonga bitandatu barimo Audrey Ho-Wen-Tsaï (Guiana) wabaye igisonga cya mbere, Adélina Blanc (Provence) wabaye igisonga cya kabiri, Jalylane Maës (Guadeloupe) yabaye igisonga cya gatatu, Maxime Teissier (Languedoc) wabaye igisonga cya kane, Wissem Morel (Normandy) wabaye igisonga cya Gatanu na Ravahere Silloux (Tahiti) wabaye igisonga cya gatandatu.

Uyu mukobwa ari kugarukwaho cyane n'ibinyamakuru bikomeye ku Isi, nyuma y'uko ahigitse bagenzi be bageranye mu cyiciro cya nyuma akabasha kwegukana iri kamba.

Akimara gutangazwa ko yegukanye ikamba, yavuze ko atabasha kwiyumvisha ibyari bimubayeho. Ati 'Ntabwo numva ko ndi Miss w'u Bufaransa. Sinzi aho ndi, sinzi ibimbaho, mu by'ukuri ni umwanya udasanzwe.'

Nyuma yo kwegukana ikamba, uyu mukobwa yagiranye ikiganiro n'itangazamakuru, asobanura itsinzi ye nk 'impinduramatwara'. Yanagarutse ku musatsi we mugufi wamwongereye ubwiza.

Eve w'imyaka 20 y'amavuko yabwiye bagenzi be 'ko nta muntu ukwiye ku guhitiramo uwo ushaka kuba we'. Yavuze ko yahisemo guhatana muri iri rushanwa afite umusatsi mucye mu rwego rwo kugaragaza itandukaniro rye n'abandi bakobwa bakunze kwitabira amarushanwa y'ubwiza. Ati 'Umugore aratandukanye, ariko twese turi bamwe.'

Uyu mukobwa wo mu gace ka Dunkirk mu Majyaruguru y'u Bufaransa yatowe imbere y'abafana bari bitabiriye uyu muhango barenga ibihumbi 5000. Akanama Nkemurampaka kifashishijwe kari kagizwe n'abagore barindwi.

Gilles yambitswe ikamba nyuma y'icyumweru cyari gishize, Urukiko rutegetse Televiziyo y'Abafaransa gutanga indishyi ku bakobwa babiri bari bahatanye muri iri rushanwa, bafashwe amashusho agaragaza amabere y'abo mu buryo batari bazi.

Ikinyamakuru Le Monde kivuga ko urukiko rwavuze ko ariya mashusho yafatiwe mu cyumba, ubwo bariya bakobwa barimo bahindura imyambaro mu buryo 'batamenyeshejwe'.

Umuyobozi Mukuru w'iri rushanwa, Alexia Laroce-Joubert yireguye avuga ko iri rushanwa ari ikimenyetso cy'intsinzi, ku bakobwa barinyuramo, nyuma bagakora imirimo inyuranye irimo nk'ubucuruzi, gukora za filime n'ibindi binyuranye.

Yavuze ko ibipimo ngenderwaho by'iri rushanwa 'byavuguruwe', kandi ko nta myaka igisabwa ku mukobwa ushaka kwitabira, yaba yarashyingiwe cyangwa se yarihinduje igitsina. 

Eve Gilles (Miss Nord-Pas-de-Calais 2023) yatorewe kuba Miss France 2024 ahitwa Zénith i Dijon, ku ya 16 Ukuboza 2023 

Miss Nord-Pas-de-Calais 2023 (Eve Gilles) na Miss Guyana 2023 imbonankubone mu gihe cyo gutora Miss France 2024, ku ya 16 Ukuboza 2023 kuri Zénith de Dijon

Source : https://inyarwanda.com/inkuru/137672/eve-gilles-yambitswe-ikamba-rya-nyampinga-wu-bufaransa-nyuma-yinkumi-zitabaje-inkiko-amafo-137672.html

Itsinda The Same ryegukanye igihembo cy'umuhanzi w'umugabo witwaye neza mu mwaka wa 2023 mu bihembo bya 'Bugoyi Side TV 2023'.

 

Mu ijoro ryakeye tariki 16 Ukuboza 2023, kuri El Classico Beach iherereye mu Karere ka Rubavu , mu Murenge wa Nyamyumba hafi y'uruganda rwa Bralirwa rwenga inzoga n'ibinyobwa bidasembuye, niho habereye umuhango wo gutanga ibihembo bya Bugoyi Side TV byatanzwe ku nshuro ya 2.

 

Ubwo The Same bari bamaze kwakira igihembo cy'umuhanzi  witwaye neza mu mwaka wa 2023, bagaragaje amarangamutima yabo , bashimira cyane El Classico Beach [Chez West], bashimira Umuryango mugari wa Gisenyi Hits babarizwamo ,Abiru nk'abafana babo n'abandi bose bagize uruhare mu itegurwa rya Bugoyi Side TV Awards.

 

Jay Farry umwe muri Babiri bagize iri tsinda [ Jay Farry na Jay Luv ], yagize ati:'Turacyashimira rero, kuko turashimira cyane abantu bose bagize uruhare muri ibi bikorwa , tugashimira El Classico Beach, tugashimira Gisenyi Hits nk'itsinda ridufasha rikatuba hafi, Tugashimira Abiru muri rusange, Abiru ni umuryango wa The Same.Abantu bose bashyigikiye iterambere rya The Same, aho muri mwese turabashimiye'.

 

Nyuma yo kwegukana iki gihembo iri tsinda rya taramiye abana baryo mu ndirimbo zakunzwe bakoze.The Same yaherukaga indirimbo 'Warayobye' yasohotse muri uyu mwaka.

The post Itsinda rya The Same yegukanye igihembo cy'umwaka appeared first on The Custom Reports.

Source : https://thecustomreports.com/itsinda-rya-the-same-yegukanye-igihembo-cyumwaka/

Mowzey Radio wari mu itsinda rya Goodlife yapfuye tariki ya 1 Gashyantare 2018 aguye i Kampala muri Uganda.

 

Konshens umuhanzi ukomeye muri Jamaica by'umwihariko munjyana ya Dancehall , yifatanyije n'abaturage bo muri Uganda by'umwihariko abakunzi b'umuziki waho kubw'igihombo bagize cyo kubura Mowzey Radio wari umaze guteza imbere umuziki w'iki gihugu.

 

Konshens uri muri Uganda kubera igitaramo cya Blankets and Wine azitabira yahaye icyubahiro nyakwigendera Mowzey Radio wapfuye.Konshens yasuye aho Mowzey ashyinguye muri Kagga — Nakawuka mu Karere ka Wakiso amuha icyubahiro.

 

N'ubwo yasuye igituro cya Mowzey , benshi bamunenze ko atazanye amafaranga yo gufashisha umubyeyi wa nyakwigendera, banamurega kudatmira Weasel waririmbanaga na Mowzey mu itsinda rimwe.

 

Ubwo yaganiraga n'itangazamakuru , Konshens yavuze ko atari aziko akwiriye gutwara amafaranga yo gufasha umubyeyi  avuga ko atariwe yateguye icyo gikorwa.Yagize ati:'Sinjye wateguye icyo gikorwa cyo kumusura.Gusa numviye kuri Radio ko ntatanze amafaranga ku muryango nta nubwo nziko wenda ari ibintu bisanzwe bikorwa muri Uganda.

 

Cyangwa ngo abe ari umuco wa hano muri Uganda ariko ntabwo ariko iwacu bikorwa si umuco wacu.Ibyanjye kwari ukujya gutanga icyubahiro kuri Nyakwigendera.Niba atari kuriya nari bubikore.Mumbabarire'.

 

Mowzeye yapfuye tariki 1 Gashyantare 2018 aguye mu Bitaro mu Mujyi wa Kampala , muri Uganda.

The post Umuhanzi wo muri Jamaica Konshens yahaye icyubahiro Mowzey Radio appeared first on The Custom Reports.

Source : https://thecustomreports.com/umuhanzi-wo-muri-jamaica-konshens-yahaye-icyubahiro-mowzey-radio/

Zari Hassan yasibye amafoto y'ubukwe yakoranye na Shakib Lutaaya avuga ko atifuza kuvanga iby'urugo rwe n'akazi ke gasanzwe [Brand].Uyu mugore yagaragaje ko kuba yayasibye bidasobanuye ko urugo rwe ruri mukaga.

 

Nk'uko bitangazwa n'ibitangazamakuru byo muri Kenya, uramutse usuye imbuga nkoranyambaga za Zari Hassan ntabwo usangaho ifoto n'imwe igaragaza ubukwe bwabo we na Shakib Lutaaya icyakora usangaho amafoto asanzwe yashyizeho arimo ayo kwifuriza isabukuru umugabo we n'andi adafite icyo avuze ku rushako rwabo.

 

Mu magambo ye zari wakoze igitaramo yise ' All White Party' yagize ati:'Ndimo gutunganya imbuga nkoranyambaga zanjye kugira ngo nkomeze mbe, 'Zari The Brand'. Ntabwo nifuza ko ubuzima bwanjye busanzwe bukomeza kwivanga n'akazi kanjye [Brand yanjye].Njye ndi ibintu byinshi; Ndi umugore , Ndi umubyeyi , ndi umucuruzi ndi n'icyamamare kumbuga nkoranyambaga'.

 

 

Zari yakomeje avuga ko we n'umugabo we bameranye neza, ntakibazo bafitanye.Ati:'Ndi kumwe nawe, gusa ndimo kureba uko nakwita kumbuga nkoranyambaga zanjye n'izina ryanjye ntarivanze cyane n'ubuzima bwanjye bwite'.

 

Mu Kwezi kwa Ukwakira 2023, Zari Hassan na Shakib bakoze ubukwe mu ibanga rikomeye bubera muri Afurika y'Epfo bwitabirwa n'imiryango yombi n'abna ba Zari na Diamond Platnumz.

 

Mu gitaramo cya Zari Hassan cya All White Party hagaragayemo abo bakorana mu kigganiro 'Young Famous African Reality Show' gitambuka kuri Netflix.

 

The post Zari watandukanye na Diamond Platnumz yasibye amafoto yose y'ubukwe yakoranye n'umugabo we mushya appeared first on The Custom Reports.

Source : https://thecustomreports.com/zari-watandukanye-na-diamond-platnumz-yasibye-amafoto-yose-yubukwe-yakoranye-numugabo-we-mushya/

Harabura iminsi mike ngo hizihizwe iminsi mikuru ya Noheli n’Ubunani,ni muri Urwo rwego ku munsi w’ejo ku wa Gatandatu, tariki 16 Ukuboza 2023 Madamu Jeannette Kagame yakiriye abana barenga 300 muri Village Urugwiro asabana na bo binyuze mu mikino itandukanye banasangira ibyishimo bya Noheli ndetse n'Umwaka Mushya Muhire.

Mu mafoto yagiye hanze wabonaga aba bana ibyishimo byabarenze, berekana impano zitandukanye gusa icyanyuze benshi kurushaho ni amashusho ya Madamu Jeannette Kagame ari gukina imipira mitoya n’aba bana.

Benshi bagiye bayashyira ku mbuga nkoranyambaga zabo bavuga ko ari ibintu bushimishije.

Umwe muribo ni Umunyamakuru w’imikino ku kigo cy’igihugu kitangazamakuru(RBA) ,Rolenzo Musangamfura  ndetse n’abandi bantu batandukanye dore ko abarenga 265 bamaze kuyashyira kuri X  zabo bayakuye kuri konte ya Madamu Jeannette Kagame.

Muri iki gikorwa kandi hari hari n’abandi bayobozi batandukanye barimo Minisitiri w'Uburinganire n'Iterambere ry'Umuryango, Dr Uwamariya Valentine ndetse n'Umunyamabanga wa Leta muri Minisiteri y'Ubutegetsi bw'Igihugu, Kayisire Marie Solange.

https://twitter.com/FirstLadyRwanda/status/1736071510932988358?t=spg1zCD0dlrqDES3Kew5fw&s=19

Benshi bagiye bashyira amafoto ndetse n’amashusho ya Madamu Jeannette Kagame ari gukina n’abana 

Ibyishimo byari byose ku bana basangiye na Madamu Jeannette Kagame 

Source : https://inyarwanda.com/inkuru/137669/amashusho-ya-madamu-jeannette-kagame-akina-nabana-akomeje-kunyura-benshi-137669.html

Mu ijoro ryo kuri uyu wa Gatandatu tariki 16 Ukuboza 2023, i Nyamirambo ahazwi nko kuri The B Lounge, hari hateraniye ibyamamare bibarizwa mu byiciro binyuranye bihataniye ibihembo bya Isango na Muzika mu gikorwa cya 'Isango na Muzika 2023 Meet and Greet.'

Buri cyamamare cyose cyitabiriye, mbere yo gushyika mu byicaro byari byateguwe, yabanzaga guca ku itapi itukura agafatwa ifoto maze agahabwa icyo kunywa ubundi akajya kuganira na bagenzi be

Muri ibi byamamare byashoboye kwitabira, harimo abahanzi nka Juno Kizigenza, Tom Close wahamaze igihe gito, Yago, Malani Manzi, Dany Nanone, amatorero nk'Inyamibwa, Inganzongari n'abandi bagiye baza uko amasaha yagiye akura.

Ni mu gihe mu bitabiriye kandi, harimo n'aba-producers bakomeye mu gihugu cy'u Rwanda bahataniye ibihembo muri IMA 2023. Muri abo twavuga nka Producer Element, Kooze, Prince Kiiz na Santana.

Nubwo bimeze bityo, hari abandi benshi b'ibyamamare batabashije kuboneka muri iki gikorwa cyiswe 'Isango na Muzika Awards 2023 Meet and Greet' kubera impamvu zitandukanye.

Icyari kigamijwe muri iki gikorwa ni ukugira ngo abahataniye ibihembo muri IMA 2023 bahure basangire ndetse baganire n'abaterankunda b'ibi bihembo ndetse n'abafana babo muri rusange.

Si ibi gusa ariko, kuko ibyo biganiro bagendaga bagirana hagati yabo byabunguye ubumenyi ku bijyanye n'uko ibi bihembo bitegurwa, uko abahatanye babona amajwi, niba hari ibindi bigenderwaho bitari amajwi kugira ngo umuntu abashe kwegukana igihembo, n'ibindi byinshi bigamije gukuraho urujijo mbere y'uko umunsi nyirizina wo gutanga ibi bihembo ugera. 

Abateguye ibi bihembo kandi bavuze ko imwe mu mpamvu zatumye bategura iki gikorwa cya 'IMA 2023 Meet and Greet,' ari ukugira ngo bongere bagirane ubusabane n'abahanzi batoranijwe mu bihembo bya Isango na Muzika by'uyu mwaka, kandi babibutse ko ari ab'agaciro.

Umuhango wo gutanga ibihembo bya Isango na Muzika 2023, uteganijwe uyu munsi ku Cyumweru tariki 17 Ukuboza 2023 kuri Park Inn Hotel mu Mujyi wa Kigali. 

Reba hano amafoto y’ibyamamare byitabiriye ‘IMA 2023 Meet and Greet’

Juno Kizigenza yitabiriye umwanya muto IMA 2023 Meet and Greet

Yago Pondat yitabiriye

Producer akaba n’umuhanzi Element  yari ahari

MC Tessy nuko yaserutse

Malani Manzi yaserutse atyo ku itapi itukura

Danny Nanone mu Isango na Muzika 2023 Meet and Greet

Abitabiriye basangire, baraganira maze barasabana

Reba hano amafoto menshi y’abitabiriye IMA 2023 Meet and Greet  

Source : https://inyarwanda.com/inkuru/137671/ibyamamare-bihataniye-ibihembo-bya-isango-na-muzika-byahuye-nabafana-amafoto-137671.html

Nyuma yo kwikoma Kenya ngo icumbikiye abatavuga rumwe n'ubutegetsi bwe, ku gicamusi cyo kuri uyu wa gatandatu, tariki 16 Ukuboza 2023, Perezida Tshisekedi yatumije igitaraganya Ambasaderi John Nyakeru Kalunga wari uhagarariye Kongo i Nairobi, kuva muri Gicurasi 2022.

Iki ngo ni ikimenyetso cy'uburakari Tshisekedi afitiye mugenzi we wa Kenya, William Ruto, ngo kuko yemeye ko mu gihugu cye habera umuhango wo gushinga' Alliance Congo River/Alliance Fleuve Congo', ihuriro ry'abashaka kugarura amahoro muri Kongo.

Biratangaje kuba Tshisekedi nawe yinubira abacumbikiye abamurwanya, mu gihe we adacumbikiye gusa abajenosideri ba FDLR, ahubwo anabafasha mu mugambi wabo wo kugaruka kumena amaraso mu Rwanda.

Kuwa gatanu tariki 15 Ukuboza 2023, nibwo 'Alliance Flruve Congo' yatangijwe ku mugaragaro na Cornelle Nangaa, wahoze ari Perezida wa Komisiyo y'amatora muri Kongo, mbere y'uko hagati muri uyu mwaka ahungira i Nairobi muri Kenya, kubera impamvu z'umutekano we.

Mbere yo kuva mu gihugu cye, Corneille Nangaa yakomeje gushinja ubutegetsi bwa Tshisekedi ubushobozi buke mu kuyobora Kongo, ndetse anahishura ko habaye ubujura bw'amajwi mu matora yo mu mwaka wa 2018, yashyize Tshisekedi ku butegetsi.

Corneille Nangaa kandi ni umwe mu Banyekongo Leta Zunze Ubumwe z'Amerika zafatiye ibihano kubera ruswa ikabije, cyane cyane ariko kubera uburiganya bwabaye muri ayo matora.

Kugeza ubu ihuriro 'Alliance Fleuve Congo' ryamaze kubona abanyamuryango benshi, barimo umutwe wa M23, amashyaka ya politiki, imiryango ya sosiyete sivile, n'abantu ku giti cyabo.

Umwuka mubi hagati ya Kenya na Kongo umaze igihe ututumba. Kenya niyo yari ikuriye ingabo z'Umuryango w'Afrika y'Uburasirazuba zagiye kubungabunga unutekano muri Kongo, Perezida Tshisekedi akaza kwirukana izo ngabo, azishinja kubogamira ku mutwe wa M23.

Abakuru b'Ibihugu bigize uwo Muryango basobanuye kenshi ko amasezerano yohereza ingabo muri Kongo-Kinshasa, atateganyaga kurwanya M23, ko ahubwo zari zahawe inshingano zo guhagarara hagati y'impande zihanganye, igisirikari cya Leta n'umutwe wa M23, kugirango ibiganiro by'amahoro bishoboke.
Ibyo gushyikirana Leta ya Kongo yarabyanze, ihitamo inzira y'intambara yifashishije abajenosideri ba FDLR, abacanshuro n'indi mitwe yitwaje intwaro.

Kuva ingabo za Kongo zakubura imirwano zimaze gutakaza ibirindiro byinshi cyane muri teritwari za Nyiragongo, Masisi na Rutshuru.

Perezida wa Kenya, William Ruto, aherutse kubwira itangazamakuru ko ingabo z'Umuryango w'Afrika y'Uburasirazuba zakoze akazi gakomeye muri Kivu y'Amajyaruguru, ngo kuko iyo zitajyayo ibintu byari kurushaho gukomerera ubutegetsi, dore ko zageze muri Kongo abarwanyi ba M23 basigaje ibilometero 6 gusa ngo bigarurire umujyi wa Goma.

Perezida Tshisekedi n'ibyegera bye bo siko babibona, ahubwo bashinja ubugambanyi cyane cyane Kenya yari ikuriye izo ngabo.

The post Umwuka mubi hagati ya Kongo- Kinshasa na Kenya wafashe indi ntera. appeared first on RUSHYASHYA.

Source : https://rushyashya.net/umwuka-mubi-hagati-ya-kongo-kinshasa-na-kenya-wafashe-indi-ntera/?utm_source=rss&utm_medium=rss&utm_campaign=umwuka-mubi-hagati-ya-kongo-kinshasa-na-kenya-wafashe-indi-ntera