Author: webrwanda

Umuryango wa AERG washinzwe nyuma ya Jenoside yakorewe Abatutsi mu 1994, hagamijwe gusigasira ubudaheranwa bw'abanyarwanda no komora ibikomere basigiwe na Jenoside yakorewe Abatutsi, wizihije imyaka 27 ushinzwe haba ubusabane bwo kwishimira ibyagezweho, baratarama.

Ni igitaramo cyabaye ku mugoroba wo ku wa 17 Ukuboza 2023 cyitabirwa n'inzego zitandukanye z'ubuyobozi bwa Leta, abashinze uyu muryango, abo wareze, abana bato bawubarizwamo, ababyeyi inshuti n'abandi.

Hakaswe umutsima “Cake” bishimira isabukuru y’imyaka 27 hashinzwe uyu muryango

Iki gitaramno cyabaye hagamijwe kwishimira ibyagezweho mu myaka 27 birimo kwiyubaka nyuma y'amateka mabi yaranze Igihugu cy'u Rwanda. Cyitabiriwe n'abahanzi batandukanye barimo Bonhomme, Nyirikindi, Ikobe Band, Alouette n’Itorero Inyamibwa, bibanda ku bihangano bitaka ibigwi by’Inkotanyi zabohoye Igihugu.

Mu buhamya bwatanzwe n'abantu batandukanye, bagarutse ku bihe by'icuraburindi bya kera byaranzwe n'amacukubiri, agahembera Jenoside yakorewe Abatutsi, yatwaye ubuzima bw’abatutsi brenga miliyoni, bakicwa urubozo. 

Bagarutse kandi no ku budaheranwa ndetse n'icyizere bongeye kugira binyuze mu muryango wa AERG wababereye ubuhungiro bakiyumva nk’abari mu rugo.

Batangaje ko AERG yabahaye byinshi birimo urukundo, ikinyabupfura, amashuri, abavandimwe, ikabaha no kwimenyereza kugira inshingano nubwo bamwe bari bato.

Gaju Aillen umwana muto ubarizwa mu ‘Uruhongore’ yavuze kuri byinshi yakuye muri AERG birimo no gufasha benshi kuva mu bwigunge, bagafatanya n'abandi bana, agahabwa inshingano zo kurera benshi bakongera kumurikirwa n'umucyo.

Abana bato babarizwa mu muryango wa AERG bafasha bagenzi babo kwishima

Yagize ati 'Umuryango wa AERG wampaye urukundo, kwirinda ibibi, umpa gutinyuka no kwakira inshingano nkiri muto, nkabasha kumenya ibibazo by'abana ndeberera, ndetse duhinduka umuryango mugari”.

Uyu mwana w'umukobwa yavuze ko bigishijwe amateka yaranze igihugu basobanukirwa n'ibyateye amacakubiri yahembereye urwango rwabyaye Jenoside yakorewe Abatutsi mu1994, bigishwa no kuyamaganira kure kugira ngo itazagaruka ukundi.

Maj Gen Emmy Ruvusha yagarutse ku busobanuro bwa AERG avuga ko ari umuryango w'icyomoro cy'ibikomere. Yavuze ko uyu muryango watanze byinshi birimo urukundo, kwiyubaka no kugera ku iterambere rirambye, ndetse ukabera benshi umubyeyi.

Bamwe bagarutse ku bihe byabagoye byo kubura ababo, nyuma bakaza kwisuganya bagasanga barenga 300 ubwo bari mu yahoze ari Kaminuza Nkuru y’u Rwanda i Butare, bagakora umuryango kuko bari basigaye ku gasozi ntawe basanga. Batangiye kuganira kuri Jenoside n'uburyo babuze ababo, birabakomeza, biga ku ngamba zabafasha kwiyubaka bundi bushya.

Ati “AERG yatubereye umuryango yaduhaye umuvandimwe iduha urukundo. Kwihuza nk’abarokotse byatumye twunguka umuryango mugari binyuze muri AERG”.

Umuyobozi Mukuru w’Umuryango uharanira inyunyu z’abacitse ku icumu mu Rwanda (IBUKA), Dr. Gakwenzire Philbert yagarutse ku butwari bw'Inkotanyi mu kubaka Igihugu no kugarura amahoro, agaruka no kubudaherwa bw'Abarokotse Jenoside bakiyomora ibikomere batewe nayo.

Minisitiri w’Ubumwe bw’Abanyarwanda n’Inshingano Mboneragihugu (MINUBUMWE), Dr Bizimana Jean Damascene, yashimiye abagize uruhare rukomeye rwo kuba hafi abarokotse Jenoside yakorewe Abatutsi, ashimira Leta y'u Rwanda yagaruye ubumwe bw'abanyarwanda.

Ati 'Mbifurije isabukuru nziza y’imyaka 27, ndetse ndabashimira ibikorwa by’indashyikirwa byagezweho mugatsinda ibikomere'.

Yashimiye abaterankunga babaye hafi abana b’imfubyi za Jenoside bakabona byinshi birimo no kubona aho baba. Yatangaje ko abishyurirwa na MINUBUMWE bagenda bagabanuka, nka kimwe kigaragaza iterambere ry'abana, kuko basoza amashuri yabo bakajya mu mirimo. Yatangaje ko mu nzego zirandukanye zirimo n’ubuvuzi, uburezi n'izindi, abarokotse bakomeje kwitabwaho

Ati “Umuryango usobanuye byinshi! Umuryango wa AERG warabyaye urarera kandi urakuza ndetse wuzuza inshingano basabwaga, kugirango benshi bave mu bwigunge”.

Yatanze inama ku rubyiruko ko bakwiga bibanda ku bintu byaborohereza kubona akazi byihuse ntibahure n’ubushomeri. Abagira inama yo kudahitamo ibyoroshye ariko bidafite akamaro ku isoko ry’ umurimo. Ati “Twigire ku mateka kandi twiyubakire Igihugu kizira umwaga”.

Abiganjemo urubyiruko babyinnye intsinzi bishimira ibyiza byatanzwe nk’Inkotanyi

Abana bato bari mu mashuri bibukijwe ko bagomba gushyira imbaraga mu masomo yabo bubaka Igihugu

Byagorana kuba warakunze umupira w’amaguru udafite umuntu ufana hagati ya Cristiano Ronaldo na Lionel Messi bitewe n’ibyishimo bagiye batanga bafasha amakipe yabo kwegukana ibikombe bitandukanye ndetse nabo ku giti cyabo begukana ibihembo birimo Ballon d’Or bihariye imyaka 10 aribo bayitwara gusa.

Kuba bose baravuye ku mugabane w’Iburayi ni ikimenyetso ko ikiragano cyabo gisa nk’ikiri kugana ku musozo bityo abakunzi babo bakwiye gushaka abandi bakinnyi bo gufana kugira ngo umupira uzarusheho kubaryohera. Ni nayo mpamvu ubundi umwaka wa 2023 udakwiye kuzava mu mitwe y’abakunzi b’aba bagabo 2 dore ko n’inkuru z’igenda ryabo ari zimwe mu zagarutsweho cyane.

Byatangiye mu mpera z’umwaka ushize wa 2022 aserera n’umutoza wa Manchester United, Erik Ten Hag n’abayobozi b’ikipe ya Manchester United bitewe n’amagambo yari yatangaje mu kiganiro yagiranye n’inshuti ye y’umunyamakuru w’Umwongereza, Piers Morgan. 

Uwo nta wundi ni Cristiano Ronaldo. Hahise hafatwa umwanzuro ko agomba no gutandukana na Manchester United hasheshwe amasezerano gusa nta n’umwe wari uzi aho azerekeza bitewe n’amakipe menshi yavugwagamo arimo na Real Madrid.

Byaje gutangazwa ko yerekeje muri Al Nassr yo muri Arabia Saudite asinye amasezerano y’imyaka 2 ndetse taliki 4 Mutarama 2023 ahita yerekanwa imbere y’abafana barenga ibihumbi 25.

Mu kiganiro n’itangazamakuru, yavuze ko yerekeje muri Arabia Saudite kubera ko akazi ke i Burayi yakarangije. Yagize ati “Akazi kanjye i Burayi kararangiye kuko nakiniye amakipe yaho yose akomeye. Hari ayo muri Brésil, Portugal, Leta Zunze Ubumwe za Amerika na Australia yanyifuzaga ariko ijambo ryanjye narihaye Al Nassr”.

Cristiano Ronaldo yerekanywe mu ikipe ya Al Nassr imbere y’abafana barenga ibihumbi 25

Cristiano Ronaldo yatangiye uru rugendo rushya rw’umupira w’amaguru nta wabitekerezaga, gusa nta yandi mahitamo yari afite bijyanye n’ibifurumba by’amafaranga yahabwaga aho ahembwa agera kuri miliyoni 3.4 z’amapawundi ku Cyumweru.

Umukino wa mbere muri Al Nassr yawukinnye taliki 23 Mutarama bakina na Ettifaq birangira banayitsinze igitego 1-0. Kugeza ubu muri rusange amaze kuhakina imikino 37 akaba yaratsinzemo ibitego 23.

Cristiano Ronaldo akimara kuva ku mugabane w’Iburayi benshi batekereje ko umukeba we Lionel Messi ari cyo gihe agiye gukora cyane akanakuraho uduhigo dutandukanye bari bahanganye turimo nko kuba umukinnyi watsinze ibitego byinshi muri Champions League.

Ibyo si ko byagenze kubera ko amezi 6 yarahagije kugira ngo uyu munya-Argentine nawe afate umwanzuro wo kuva ku mugabane w’Iburayi yerekeze muri Leta zunze ubumwe z’Amerika.

Na we byatangiye bitameze neza muri Paris Saint-Germain atukwa n’abafana nyuma yuko basezerewe muri UEFA Champions League batsindwa na FC Bayern Munich muri 1/8.

Lionel Messi wari uri mu mwaka we wa nyuma w’amasezerano, yahise afata umwanzuro ko atazongera amasezerano muri Paris Saint-Germain maze atangira kuvugwa mu makipe menshi arimo na FC Barcelona yakuriyemo.

Byaje kurangira taliki 15 Nyakanga ikipe ya Inter Miami yo muri Leta Zunze Ubumwe z’Amerika yerekanye uyu munya-Argentine nk’umukinnyi wayo mushya. 

Nyuma yo gutangazwa mu ikipe nshya, Lionel Messi mu magambo ye yagize ati: “Nishimiye gutangira urugendo rwanjye rushya rwo gukina muri Inter Miami no muri Leta Zunze Ubumwe za Amerika.”

“Uyu ni umwanya mwiza, kandi dufatanyije tuzakomeza kubaka uyu mushinga mwiza. Igitekerezo ni ugukorera hamwe kugira ngo tugere ku ntego twihaye. Niteguye gutangira gufasha hano mu rugo rwanjye rushya”.

Lionel Messi yerekanwa muri Inter Miami byari ibyishimo ku bafana bari muri sitade 

Nyuma yaho taliki 17 yahise yerekanwa imbere y’abafana ibihumbi maze taliki 22 akina Umukino we wa mbere anatangira atsinda igitego imbere y’ibyamamare birimo Kim Kardashian, umukinnyi wa Basketball muri NBA, Lebron James ndetse na Selena Williams.

Kugeza ubu Messi amaze gukinira Inter Miami imikino 13 akaba yatsinzemo ibitego 11 anatanga imipira 5 yavuyemo ibitego.

Kuba aba bakinnyi babayeho bahanganye mu mateka y’umupira w’amaguru bose baravuye ku mugabane w’Iburayi, ni kimwe mu bitazibagirana muri uyu mwaka wa 2023 dore ko ari nabwo bwa mbere hakinwe imikino ya UEFA Champions League batarimo mu myaka 20 iheruka.

Kuba kandi Cristiano Ronaldo wegukanye Ballon d’Or 5 na Lionel Messi ufite Ballon d’Or 8 baravuye ku mugabane w’Iburayi, byatumye hasigarayo umukinnyi umwe ufite iki gihembo ari we Luka Modric ukinira Real Madrid dore ko na Karim Benzema ufite Ballon d’Or 1 ya 2021-2022 nawe mu mpeshyi y’uyu mwaka yafashe umwanzuro wo kwerekeza muri Al Ittihad yo muri Arabia Saudite.

Karim Benzema yerekanwa mu ikipe ya Al Ittihad imbere y’abafana yerekanye na Ballon d’Or yatwaye mu mwaka ushize 

Kuba Karim Benzema nawe yaravuye ku mugabane w’Iburayi byatumye hasigarayo Ballon d’Or 1

Kimwe mu bintu bitazibagirana muri uyu mwaka ni igenda rya Lionel Messi ava ku mugabane w’Iburayi agahitamo kwigira muri Leta Zunze Ubumwe z’Amerika mu ikipe ya Inter Miami

Kuba Cristiano Ronaldo yatangiye urugendo rushya mu ikipe ya Al Nassr yo muri Arabia Saudite ku mugabane wa Asia ni kimwe mu bintu bitazibagirana muri uyu mwaka wa 2023 turi gusoza

Amakipe y’igihugu 4 ya Volleyball ikinirwa ku mucanga “Beach Volleyball” (abiri y’abagabo n’abiri y’abagore), yerekeje muri Kenya gushaka Itike y’Imikino Olempike ya 2024 (Olympics Ganes 2024).

Ni nyuma y’ibyumweru 2 bari mu mwiherero i Rubavu aho bagiye ari amakipe 6, 4 akaba ari yo yitwaye neza atsindira kujya muri iri jonjora.

Biteganyijwe ko irushanwa rizabera muri Kenya guhera ku wa Gatatu w’iki cyumweru tariki ya 20 Ukuboza 2023 kugeza ku wa 23 Ukuboza 2023.

Bakaba bagiye gushaka itike y’Imikino Olempike 2024 izabera mu Bufaransa muri Kanama 2024 ndetse na All Africans Games izabera muri Ghana hagati ya taliki 8-23 Werurwe 2024.

Amakipe azaba 3 ya mbere muri buri cyiciro azabona itike yo kwerekeza mu cyiciro gikurikira ku rwego rw’Umugabane (Continental).

Ayo makipe 3 kandi azaba abaonye itike bidasubirwaho yo gukina imikino ya ‘All Africans Games’ izabera Accra muri Ghana.

Amakipe ane yahagurutse, ni abiri y’abakobwa agizwe na Munezero Valentine na Mukandayisenga Benitha ndetse n’iya Uwiringiyimana Albetine na Tuyishime Aloyisie ni mu gihe umutoza wa bo ari Mudahinyuka Christophe.

Ay’abagabo ni; Ntagengwa Olivier na Gatsinzi Venuste ndetse na Niyonkuru Gloire na Akumuntu Kavalo Patrick ni mu gihe umutoza wa bo ari Masumbuko Jean de Dieu.

Umuryango ufatwa nk'icyitegererezo cya benshi mu bijyanye no kugira umuryango mwiza, wa Ngarambe Francois Xavier na Ngarambe Yvonne Solange ni umwe mu miryango yari yatumiwe ngo iganirize abitabiriye gahunda ya 'Kigali Family Night' ubwo yatangizwaga ku nshuro yayo ya mbere.

Mu gutangiza iyi gahunda haganirwaga ku nsanganyamatsiko y'umuryango, hareberwa hamwe ibikwiye kuranga umuryango mwiza ndetse n'ibibazo biwugarije.

Ngarambe Francois asobanura icyo umuryango ari wo, yahisemo kwifashisha ubuhamya bwe bukubiyemo igikomere yagize mu buzima n'isomo cyamusigiye ryavuyemo umuryango w'intangarugero afite uyu munsi.

Yatangiye asobanura umuryango aho yagize ati: 'Umuryango ni ikirango cy'urukundo, ni ikirango cy'ubumwe, ndetse ni n'ishuri ryabyo. Igihe rero ibyo bintu bibuze birakomeretsa cyane.'

Ngarambe yatanze ubuhamya avuga ukuntu yari yagize amahirwe yo kubyarwa n'ababyeyi beza ariko bakaza gutandukana gutandukana afite imyaka icumi gusa y'amavuko.

Ati: 'Nagize amahirwe yo kugira ababyeyi beza ariko ngira ibyago by'uko batanye mfite imyaka 10. Njyana na Mama muri Congo, Papa aguma mu Rwanda. Ariko niba hari igikomere nagize mu buzima ni icyo kutabona ababyeyi banjye babana. Birankomeretsa cyane, nicyo cya mbere nagize ariko ni nacyo gikomeye nagize.

Ariko ku bw'Imana uko nagendaga nkura, amahirwe nagize nuko hose nahagendaga kandi hose bakankunda.'

Yakomeje avuga ko icyo gikomere yagize cyaje kumuviramo imbaraga zo gufata icyemezo cyo kuzubaka urugo rutazigera rutandukana (rushwanyagurika), abikurana nk'intego y'ubuzima bwe.

Ngarambe yavuze ko yavutse ari ikinege iwabo bityo ko ntawundi yashoboraga kugisha inama atari Imana ku bijyanye n'uko yakongera agasubiranya ababyeyi be bari baratandukanye.

Yavuze ko amahirwe yagize mu kurwana urugamba rwo kubasubiranya nta n'umwe muri bo wari warashatse, avuga ko 'bari barubahirije isezerano ryabo mu bundi buryo.'

Ku bw'amahirwe, ababyeyi ba Ngarambe Francois bari baratandukanye mu 1972 baje gusubirana mu 1992. Ngarambe yavuze ko icyo kibtu cyamuhaye ibyiringiro n'amizero bivuga ko nubwo abantu batandukana ariko ku bw'Imana bashobora kongera gusubirana.

Yagize ati: 'Bimpa rero n'amizero y'uko natwe tugize ikibazo dushobora kugikemura tugakomeza urugendo, kuko ya ntego yo kudatandukana iracyahari.'

Umunyarwanda yaciye umugani ngo 'Akaryoshye ntigahora mu itama!' Nyuma y'imyaka ibiri ababyeyi ba Ngarambe basubiranye, bahise bicwa muri Jenocide yakorewe Abatutsi mu 1994.

Nubwo Ngarambe yashenguwe bikomeye no kubura ababyeyi be, ariko ahamya ko icyo gikomere cyomowe n'uko bashoje urugendo rwabo neza bubahirije isezerano bagiranye ryo kuzatandukanwa n'urupfu.

Ati: 'N'ubu rero mbyubakiraho amizero y'ingo nziza, nkanabashimira cyane ko bambereye imfura.'

Kuri ubu, uyu mugabo aritegura kwizihiza isabukuru y'imyaka 30 amaze abanye n'umugore we, Ngarambe Yvonne Solange, ndetse n'imfura yabo Rwego Ngarambe aritegura kurushinga mu mpeshyi y'umwaka utaha.

Ngarambe yahishuye igikomere yahuye nacyo mu buzima

Yavuze ko yashenguwe n’uko ababyeyi be batandukanye akiri muto

Ngarambe Francois yavuze nubwo afite igikomere ariko cyamuhaye imbaraga zo kubaka umuryango mwiza afite uyu munsi

Inzozi za Ngarambe byarangiye zibaye impamo kuko afite umuryango w’intangarugero kuri benshi

Ni umwe mu miryango inezerewe

Bazuza imyaka 30 barushinze mu ntangiriro z’umwaka utaha

“>Reba hano ikiganiro cyose Ngarambe Francois n’umudamu we bagejeje ku bifabiriye ‘Kigali Family Night Edition I’

“>