Author: webrwanda

Itangazo rya FERWAFA ku makipe yose yo mu Rwanda havuyemo Rayon Sports yariye umwenda ikaba itari yawishyura.

Ishyirahamwe ry'Umupira w'Amaguru mu Rwanda, Fewafa, ryamenyesheje amakipe yo mu cyiciro cya mbere mu byiciro byombi, ko yemerewe kongera abakinnyi guhera muri uku kwezi kugeza muri Mutarama 2024.

Mu gihe imikino ibanza muri shampiyona y'icyiciro cya mbere mu bagabo n'abagore yarangiye, amakipe akomeje gushaka abakinnyi bazaza kongera imbaraga mu mikino yo kwishyura.

Ferwafa nk'urwego ruyobora umupira w'amaguru mu Rwanda, yamenyesheje amakipe bireba igihe ntarengwa cyo kuzandikisha abakinnyi yifuza kongeramo n'icyo bisaba.

Iri shyirahamwe ryabamenyesheje ko amakipe y'abagabo y'ababigize umwuga yemerewe kwandikisha abakinnyi guhera tariki ya 26 Ukuboza 2023 kugeza tariki 27 Mutarama 2024. Amakipe y'abagore yo yemerewe kubandikisha guhera tariki ya 26 Ukuboza 2023 kugeza tariki 26 Mutarama 2024.

Amakipe y'abatarabigize umwuga, yamenyeshejwe ko yemerewe kongeramo abakinnyi guhera tariki ya 8 Mutarama 2024 kugeza tariki ya 8 Gashyantare 2024. Ferwafa yamenyesheje kandi aya makipe ko yemerewe kongeramo umubare w'abakinnyi bangana n'imyanya yasize kugira ngo yuzuze 30 bagomba kwifashishwa muri uyu mwaka.

Source : https://yegob.rw/rayon-sports-ntirimo-itangazo-rya-ferwafa-ku-makipe-yose-yo-mu-rwanda-havuyemo-rayon-sports-yariye-umwenda-ikaba-itari-yawishyura/

Umuyobozi wa APR FC, Afande Richard Karasira yazamuwe mu ntera ava ku ipeti rya Lieutenant Colonel (Lt Col) ahabwa irya Colonel (Col).

Perezida wa Repubulika y'u Rwanda akaba n'Umugaba Mukuru w'Ikirenga w'Ingabo z'u Rwanda, Paul Kagame yazamuye mu ntera abasirikare 710.

Muri abo basirikare, abasirikare 83 barimo n'umuyobozi wa APR FC, Afande Richard Karasira ni bo bahawe ipeti rya Colonel bavuye kuri Lieutenant Colonel.

Col Richard Karasira yagizwe umuyobozi wa APR FC muri Kamena 2023 aho yari asimbuye Umugaba mukuru w'Ingabo z'u Rwanda, Lt Gen Mubarakh Muganga.

Ni umwaka we wa mbere nk'umuyobozi wa APR FC, muri shampiyona ya 2023-24 aho amakipe ari mu karuhuko k'imikino ibanza ya shampiyona, APR FC ni yo iyoboye urutonde n'amanota 33.

Source : https://yegob.rw/chairman-wikipe-ya-apr-fc-richard-karasira-yazamuwe-mu-ntera/

Ikamyo yatereraga umusozi yatunguranye ubwo icy'inyuma cyayo gihetse kontineri cyacomokaga, maze gisubira inyuma kigonga imodoka yari inyuma irimo abantu babiri bahise bakomereka.

Byabaye ku wa 18 Ukuboza 2023, ubwo iyo kamyo yavaga mu Mujyi wa Kigali yerekeza i Muhanga igacomoka igeze mu Murenge wa Cyeza, Akagari ka kivumu mu Mudugudu wa Musengo.

Umuvugizi wa Polisi mu Ntara y'Amajyepfo SP Habiyaremye Emmanuel, yavuze ko iyo modoka ikimara gucomoka icy'inyuma cyasubiranye inyuma umuvuduko gihusha ivatiri maze kigonga indi modoka yo mu bwoko bwa Prado yari inyuma yayo.

Abakomeretse bahise bajyanwa mu Bitaro Bikuru bya Kabgayi aho bakomeje kwitabwaho n'abaganga.

SP Habiyaremye yasabye abatwara ibinyabiziga kubanza kugenzura imodoka zabo.

Yagize ati: 'Mu makuru twabashije kumenya ni uko izi modoka zagendanaga ziva i Kigali maze igice cy'imodoka y'ikamyo yavaga i Kigali, icikaho igice cy'inyuma yakururaga gisubira inyuma gihusha ivatiri yari inyuma ikurikiyeho maze gifata imodoka yo mu bwoko bwa Prado yari itwaye abantu babiri bakomeretse bajyanwa ku bitaro bya Kabgayi kigira ngo bitwabweho.'

Umuvugizi wa Polisi mu Ntara y'Amajyepfo asaba abakoresha umuhanda uva i Kigali werekeza mu majyepfo ko bakwiye kuwitondera kandi bagakurikizwa ibimenyetso bibaburira, bakagabanya umuvuduko.

Yasabye nanone abatwara amakamyo kwirinda gukoresha umuvuduko ukabije mu muhanda kuko ukoreshwa na benshi harimo n'abafite ibinyamitende bibiri ndetse n'abarenza imitende 4 nk'imodoka bitewe n'ingano yazo.

Ababonye iyo mpanuka bavuga ko kuba itagize uwo ihitana ari Imana yonyine yatabaye, kuko igice cy'inyuma cy'iyi kamyo cyasubiye inyuma gifit umuvuduko mwinshi kandi cyari kinikoreye ku buryo n'iyo haba hari imodoka nyinshi cyari kuzigonga zose.

Source : https://yegob.rw/ikamyo-yavaga-i-kigali-yaje-gucomoka-igeze-ku-musozi-isubira-inyuma-igonga-indi-modoka-iyita-muri-rigori/

Ni gake aba bahanzi bombi bagiye baboneka bari kumwe. Byasembuwe ahanini no kuba bombi basigaye batuye cyangwa se babarizwa muri Leta Zunze Ubumwe za Amerika.

Serge Iyamuremye wamamaye mu ndirimbo zirimo 'Biramvura' yagiye kuba muri kiriya gihugu mu mwaka ushize kubera impamvu z'umuryango we, ni mu gihe Meddy amaze imyaka irenga 10 abarizwa muri Amerika ari naho yahuriye n'umugore barwubatse muri iki gihe.

Ibitekerezo byakurikiye aya mafoto byiganjemo iby'abakunzi b'aba bombi, banditse babasaba guhuza imbaraga bagakorana indirimbo. Hirwa Nathan yanditse agira ati 'Dukeneye indirimbo muri kumwe.'

InyaRwanda yabonye amakuru yizewe avuga ko aba bahanzi bombi mu biganiro bagiranye harimo no gukorana indirimbo mu gihe kitarambiranye.

'Nabyo birashoboka cyane! Mu byo bifuza bombi harimo no gukorana indirimbo, rero izakorwa mu gihe kiri imbere.'

Meddy na Serge Iyamuremye bahuriye muri Leta ya Arizona muri Leta Zunze Ubumwe za Amerika, mu mpera z'icyumweru gishize.

Serge amaze iminsi atangiye urugendo rwo gushyira hanze indrimbo zigaruka ku gukizwa kwe n'izindi zibanza ku guhimbaza Imana.

Meddy aherutse gutangaza ko yiyeguriye urugendo rw'indirimbo zihimbaza Imana. Kandi yagaragaje ko mu ndirimbo ya vuba yitegura gushyira hanze harimo n'indirimbo yakoranye na Adrien Misigaro, izaba ibaye indirimbo ya kabiri bombi bakoranye nyuma ya 'Ntacyo nzaba'.

Meddy amaze igihe agaragaza ku mbuga nkoranyambaga ze ko yamenye Yesu utanga ubugingo, kandi arangamiye gukorera Ijuru no kwamamaza ingoma y'Imana. 

Mu bihe bitandukanye yifashisha amagambo yo mu Bibiliya ndetse n'aye bwite akagaragaza ko gukorera Imana nta gihombo kirimo. Kandi akabwira buri wese gusenga Imana yaba ari mu bihe byiza cyangwa se mu iby'imiraba.

Ku wa 29 Ugushyingo 2023, The Ben yabwiye itangazamakuru ko icyemezo Meddy yafashe cyo gukora 'Gospel' gikomeye, ariko amuzi nk'umuhanzi ukorera Imana kuva na kera, kurusha mu ndirimbo zisanzwe zizwi nka 'Secullar'.

Ati “Ni ibintu bishimishije! Icyemezo nka kiriya ni icyemezo gikomeye. Akantu ntemeranya na Meddy ni uko Meddy yahoze ari ‘Gospel’, Meddy yahoze ari umuhanzi wa Gospel na mbere y’uko abivuga ko agiye gukora Gospel.”

Akomeza ati “Meddy arabizi, namwigiyeho ibintu byinshi by’ubumana ndetse ni wa muntu umpamagara akambwira ati ese wakurikiye iyi video…'

Ashimangira ko mu myaka yose amaranye na Meddy amuzi nk’umuntu ukunda Imana, kandi mu bihe bitandukanye yamufashije nawe kuyiyegereza. 

Mu mpera z'iki cyumweru gishize nibwo Meddy yahuye na Serge Iyamuremye

Serge Iyamuremye yagaragaje ko yishimiye guhura no gusangira na Meddy

KANDA HANO UREBE AMASHUSHO Y'INDIRIMBO 'GRATEFUL' YA MEDDY

“>

KANDA HANO UREBE AMASHUSHO Y'INDIRIMBO 'MY GOD IS GOOD'YA SERGE IYAMUREMYE

“>

Source : https://inyarwanda.com/inkuru/137725/serge-iyamuremye-mu-mushinga-windirimbo-na-meddy-amafoto-137725.html

Mu gihe habura iminsi 13 gusa ngo umwaka wa 2023 ushyirweho akadomo, urubuga rwa Google rwamaze gushyira hanze ibintu hamwe n’abantu bashakishijwe cyane muri buri byiciro yaba mu muziki, mu mideli, muri sinema n’ahandi.

Mu gisata cy’umuziki, hasohotse urutonde rw’abahanzi 10 mpuzamahanga bashakishijwe cyane kuri Google higanjemo abasanzwe bafite amazina akomeye n’abandi batabarutse bigatuma bagarukwaho cyane. Dore urutonde rwaba bahanzi:

1. Shakira

Icyamamarekazi mu muziki, Shakira ukomoka muri Colombia niwe waje ku mwanya wa mbere mu bahanzi mpuzamahanga bashakishijwe cyane kuri Google mu 2023. Impamvu Shakira yaje kuri uyu mwanya ni uko yakunze kuvugwa cyane nyuma yo gutandukana na Gerard Pique bari bamaranye imyaka 12 banafitanye abana babiri.

Google yatangaje ko ibibazo by’abantu benshi bayibazaga kuri uyu muhanzikazi ibyinshi byagiraga biti: ‘Shakira yapfuye iki na Pique?’ ‘Shakira arusha umutungo Pique?’, ‘Umukunzi mushya wa Shakira ninde?’, ‘Shakira yahuye n’umukunzi mushya wa Pique?’.

2. Jason Aldean

Umuhanzi w’icyamamare mu njyana ya ‘Country’ witwa Jason Aldean ukomoka muri Amerika, niwe waje ku mwanya wa Kabiri mu bahanzi mpuzamahanga bashakishijwe cyane kuri Google mu 2023. Uyu mugabo w’imyaka 46 watangiye umuziki mu 2005 agatungurana asohora album iriho indirimbo 40, uyu mwaka yagarutsweho cyane ndetse na benshi bashakisha byinshi ku buzima bwe kuri Google nyuma yo gusohora indirimbo yise ‘Try That In A Small Town’.

3. Joe Jonas

Umuhanzi akaba n’umukinnyi wa filime Joseph Adam Jonas ubarizwa mu itsinda rya ‘The Jonas Brothers’ ahuriyemo n’abavandimwe be. Joe Jonas akaba yaragarutsweho cyane nyuma yaho yatse gatanya umukinnyi wa filime Sophie Turner bari bamaranye imyaka 4 barushinze. Ibibazo byabajijwe kuri Google bigaruka kuri uyu muhanzi ibyinshi byabazaga biti ‘Joe Jonas yahanye gatanya na Sophie?’, ‘Ni iki cyatandukanije Joe Jonas n’umugore we?’ hamwe n’ibindi bijyanye n’ibyo.

4. Smash Mouth

Itsinda rya ‘Smash Mouth’ rikora ijyana ya Rock riri mu mastinda yanditse amateka mu muziki wa Amerika. Iri tsinda ry’abahanzi 4 ryashinzwe mu 1994, ryagarutsweho cyane nyuma y’uko umwe mu barigize witwa Steve Harwell yitabye Imana ku itariki 4 Nzeri 2023 azize indwara y’impyiko. Urupfu rwa Steve Harwell wapfuye afite imyaka 64 rwatumye benshi babaza Google ibibazo byinshi kuri iri tsinda yabagamo rya Smash Mouth.

5. Peppino Di Capri

Umuhanzi akaba n’umucuranzi wa Piano w’umuhanga, Peppino Di Capri ukomoka mu Butaliyani niwe waje  mu bahanzi bashakishijwe cyane kuri Google mu 2023. Peppino Di Capri w’imyaka 84 yagarutsweho cyane kuri Google nyuma y’uko muri Werurwe hasohotse inkuru zivugako yapfuye nyamara akiri muzima. Benshi bifashishije Google mu kumenya neza amakuru nyayo yavugwaga kuri Peppino Di Capri.

6. Tom Kaulitz

Umucuranzi wa gitari akaba n’umuhanzi Tom Kaulitz ukomoka mu gihugu cy’u Budage, nawe ari mu bahanzi mpuzamahanga bashakishijwe cyane kuri Google mu 2023. Tom Kaulitz yagarutsweho cyane nyuma y’uko byavugwaga ko yatandukanye n’umugore we w’umunyamideli Heidi Klum uzwi cyane mu kanama nkemurampaka mu marushanwa ya ‘American Got Talents’.

7. Gino Paoli

Umusaza kabuhariwe mu kwandika indirimbo no kuziririmba,Gino Paoli w’imyaka 89 ukomoka mu Butaliyani, yagarutsweho cyane kuri Google muri Kamena nyuma y’uko nawe bamuvuzeho gupfa nyamara akiri muzima. Aha ngo ibibazo Google yabazwaga bijyanye nawe byose byabazaga niba akiri muzima, icya mwishe  n’ibini bijyanye nabyo.

8. Kellie Pickler

Umukinnyi wa filime akaba n’umuhanzikazi umenyerewe mu njyana ya ‘Country Music’, Kellie Pickler, yagarutsweho cyane kuri Google bitewe n’uko umugabo we Kyle Jacobs nawe w’umuhanzi yitabye Imana yihahuye ku itariki 17 Gashyantare 2023. Ibibazo byinshi byabajijwe kuri Google bijyanye na Kyle Jacobs byabazaga niba Kellie Pickler ariwe waba waramuteye kwiyahura, mu gihe ibindi byabazaga niba Kellie Pickler yaragurishije inzu umugabo we yiyahuriyemo.

9. José Luis Perales

Umuhanzi José Luis Perales ukomoka mu gihugu cya Espagne  nawe ari ku rutonde rw’abahanzi 10 mpuzamahanga bashakishijwe cyane kuri Google mu 2023. Uyu muhanzi w’imyaka 78 yagarutsweho cyane nyuma y’uko  ashinjwe kwiba indirimbo ye yitwa ‘Te Quiero’ yakoze mu 1981 ari nayo yamugize icyamamare.

10. Anna Oxa

Umuhanzikazi akaba n’umunyamakuru, Anna Oxa ukomoka mu Butaliyani niwe uza ku mwanya wa cumi mu bahanzi mpuzamahanga bashakishijwe cyane kuri Google mu 2023. Anna Oxa w’imyaka 62 yagarutsweho cyane biturutse ku makuru yakunze gusohora agendanye n’uburyo yazamutse mu muziki birimo nko kuba yaryamanaga  n’uwamurebereraga inyungu (Manager).

Source : https://inyarwanda.com/inkuru/137732/shakira-arayoboye-urutonde-rwabahanzi-10-bashakishijwe-cyane-kuri-google-mu-2023-amafoto-137732.html

Nyuma yo gupimwa agasangwamo indwara yitwa 'Stiffy Person Syndrom' ngo kugeza ubu ntabwo ashobora kugira icyo akora kuri bimwe mu bice bye by'umubiri nk'uko byatangajwe n'umuvandimwe we Claudette Dion.

 

Uyu mugore uvukana na Celine Dion yagize ati:'Ubu ntabwo ashobora kuyobora imitsi y'umubiri we'.Aganira na 7Jours, Claudette Dion , yakomeje agira ati:'Ikimbabaza ni uko yahoze yigengesera cyane, agira ikinyabupfura.Yari umugore ukora cyane.Umubyeyi wacu iteka yaramubwira ati 'Uzabicamo neza, uzabyitwaramo neza'.

 

Yakomeje agira ati:'Ni ukuri rwose, mu nzozi zacu twese kwari ugusubira ku rubyiniro.Gusa aho bigeze ubu , sinzi pe'.

 

Mu kwezi kwa Kane , nibwo Celine Dion yahagaritse ibitaramo byagombaga kuzenguruka Isi, kubera indwara y'imitsi  yamuteraga uburibwe bukomeye cyane.

 

Muri icyo gihe Celine Dion w'imyaka 55 yagize ati:'Mumbabarire mwese kubera ko mbatengushye.Kugeza ubu ntabwo mfite imbaraga, gusa murabizi ko kuzenguruka Isi bigoye kabone niyo waba uri muzika 100%.Ntabwo ari byiza kuri mwe ko mpora nsubika ibitaramo kandi nanjye birikunshengura.Rero reka tubihagarike ubu kugeza igihe nzongera kugarukira imbere yanyu'.

 

Claudette yavuze ko undi muvandimwe wabo witwa Linda, ari we wagumanye na Celine Dion muri Las Vegas, aho yitabwagaho n'umuganga uzobereye indwara ya Stiffy Person Syndrome yari arwaye.

 

Celine Dion yaherukaga kugaragara muruhame ari kumwe n'abana be b'abahungu yabyaranye n'umugabo we witwaga Rene Angelil wapfuye.

The post Umuhanzikazi Celine Dion akomerewe n'ubuzima appeared first on The Custom Reports.

Source : https://thecustomreports.com/umuhanzikazi-celine-dion-akomerewe-nubuzima/

Ifoto ya Perezida KAGAME ari mu modoka rusange [Busi] ikomeje gukwirakwizwa kumbuga nkoranyambaga aho aba asa n'uganira na Akinwumi Adesina , uyobora Banki ya Nyafurika Itsura Amajyambere.

 

Iyi foto yafashwe ku wa Mbere tariki 18 Ukuboza 2023, ubwo habaga umuhango wo  kureba aho umushinga wo kubaka mu Rwanda , Ishami ry'Uruganda rwa BioNtech ruzobereye mu gukora inkingo ugeze,no gutaha igice cyawo cya Mbere cyamaze kuzura.

 

Kimwe mu byagaragariye amaso ya Buri wese ni uko Abayobozi bose bitabiriye uyu muhango bakoresheje imodoka rusange aho bamwe bazanaga imodoka zabo bwite cyangwa iz'akazi zikabageza kuri Kigali Convention Center ubundi bakinjira muri Busi zabaga zateganyijwe.

 

Iyi gahunda kandi yanubahirijwe n'abayobozi bakuru bari muri uyu muhango barimo ; Perezida Paul Kagame, Perezida wa Senegal Macky Sall , Uwa Ghana , Nana Akufo — Addo, Minisitiri w'Intebe wa Barbados , Mia Mottley, Perezida wa Komisiyo y'Umuryango w'Ubumwe  bw'Uburayi, Ursula Von Der  Leyen n'Umuyobozi wa Banki Nyafurika  Itsura Amajyambere , Akinwumi.

 

Aba bayobozi bakuru bageze i Masoro mu Karere ka Gasabo ahabereye uyu muhango bari mu modoka imwe.Ibintu byatumye benshi batangara kuko bitamenyerewe cyane mu Rwanda ko Abayobozi b'ibihugu bashobora kugenda mu modoka rusange.

The post H.E Paul Kagame yagaragaye mu modoka rusange appeared first on The Custom Reports.

Source : https://thecustomreports.com/h-e-paul-kagame-yagaragaye-mu-modoka-rusange/

Iri tangazo rikomeza rivuga ko abasirikare 17 bari bafite ipeti rya Colonel bo bazamuwe mu ntera bagirwa ba Brigadier General, na ho ba Lieutenant Colonel 83 bagirwa ba Colonel.

Abandi bazamuwe mu ntera  ni  ba Major 98  bagizwe  ba Lieutenant Colonel, ba Captain 295 abagira ba Major

Umukuru w'Igihugu kandi yazamuye mu ntera  ba Lieutenant bane bagirwa ba Captain mu gihe basirikare 226 bo bagizwe ba Sous-Lieutenant nyuma yo kuvanwa mu cyiciro cy'abasirikare bato.

Iri tangazo rivuga ko izi mpinduka zigomba guhita zishyirwa mu bikorwa nubwo  nta mazina y'abazamuwe mu ntera yigeze atangazwa.

Source : https://inyarwanda.com/inkuru/137724/perezida-kagame-yazamuye-mu-ntera-abasirikare-barimo-ba-brig-gen-137724.html

Umuyobozi wa APR FC, Afande Richard Karasira yazamuwe mu ntera ava ku ipeti rya Lieutenant Colonel (Lt Col) ahabwa irya Colonel (Col).

Perezida wa Repubulika y’u Rwanda akaba n’Umugaba Mukuru w’Ikirenga w’Ingabo z’u Rwanda, Paul Kagame yazamuye mu ntera abasirikare 710.

Muri abo basirikare, abasirikare 83 barimo n’umuyobozi wa APR FC, Afande Richard Karasira ni bo bahawe ipeti rya Colonel bavuye kuri Lieutenant Colonel.

Col Richard Karasira yagizwe umuyobozi wa APR FC muri Kamena 2023 aho yari asimbuye Umugaba mukuru w’Ingabo z’u Rwanda, Lt Gen Mubarakh Muganga.

Ni umwaka we wa mbere nk’umuyobozi wa APR FC, muri shampiyona ya 2023-24 aho amakipe ari mu karuhuko k’imikino ibanza ya shampiyona, APR FC ni yo iyoboye urutonde n’amanota 33.

Chairmanwa APR FC yazamuwe mu ntera

Source : http://isimbi.rw/siporo/Chairman-wa-APR-FC-yazamuwe-mu-ntera

Hari ubwo abantu batandukanye barota inzozi ariko ntibabashe kumenya icyo zishatse kuvuga.Muri iyi nkuru tugiye kubasobanurira iz'ingenzi.Niba nawe hari izo warose ntusobanukirwe , uzitwandikire ahatangirwa ibitekerezo.

 

Inzozi ni kimwe mu bice bigize ijoro kuri buri wese.Iyo ubyutse kenshi hari ubwo uratira uwo mu ryamye hamwe ko waroze wuriye indege cyangwa wageze ku bindi bintu byiza, akagusaba kubisengera na cyane ko biba biri mubyo uhora utekereza kuzageraho.

 

Uretse kurota neza kandi hari ubwo urota waguye mu byago, ukarotorera uwo muri kumwe akakubwira ko ntabyo azi ariko aguhumuriza.Abahanga bavuga ko ubusobanuro bw'inzozi zimwe na zimwe , bufite umubare ku % ku buryo uwaroze aramutse amenye icyo bisobanuye ashobora kugira icyizere cyangwa akabihuza n'ibimaze agahe gato bimubayeho ari nayo mpamvu tugiye kugaruka kuri zimwe mu nzozi n'icyo zisobanuye.

 

1.Kurota bari kukwirukaho.

Kurota urimo kwirukangwaho n'umuntu / abantu , uzi cyangwa utazi bitera ubwoba cyane kandi benshi bakunze kubirota cyane.Ikinyamakuru cyitwa Timesnownews gitangaza ko izi nzozi zisobanuye ko hari ikintu runaka uba urimo gushaka guhunga mu buzima bwawe.Uwitwa 'Tony Crisp'  wanditse inkoranyamagambo yitwa Dream Dictionary, yavuze ko kurota bari kukwirukaho bishatse gusobanura ko hari ibiguteye ubwoba uri guhunga cyangwa ibyo udashaka gukora.

 

Bavuga ko niba ari inyamaswa irimo ku kwirukaho munzozi , bisobanuye ko hari umujinya ufite ariko udashaka ko ugutwara , uri guhunga impano yawe, cyangwa andi marangamutima ushobora kuba udashaka kwerekana.Mu gihe uri ku kwirukaho utamuzi, nabyo bishatse kuvuga ko hari ibyo mu bwana bwawe uri guhunga cyangwa ukaba warigeze kurwara 'Trauma' kubera ibya kubayeho.Kurota bari ku kwirukaho bisobanuye ko urimo gutinya urukundo.

 

2.Kurota wambaye ubusa mu bantu.

Ese wigeze urota ubu bwoko bw'inzozi uri mu bantu haba ku ishuri , mu isoko ,mu birori by'isabukuru n'ahandi ariko wambaye ubusa ?. Kurota wambaye ubusa birababaza ndetse biba biteye ubwoba kuko uba utekereza ko abantu babonye uko uteye.Abahanga bavuga ko kurota wambaye ubusa bisobanuye ko urimo kugerageza guhisha ibibi wakoze [Ubusambanyi], cyangwa ukaba ugerageza kwerekanako uri intungane.

 

3.Kurota uri gupfa / wapfuye.

Benshi barota bo bapfuye cyangwa abo bakunda bapfuye.Izi nzozi ngo ziterwa n'umunaniro wa nyiri kuzirota.Kurota uwo muziranye yapfuye cyangwa wowe wapfuye , abahanga bemeza ko bisobanuye urugendo rutunguranye uzakora cyangwa we azakora.

 

4.Kurota uri guhanuka.

Kurota uri guhanuka mu kirere byo birasanzwe cyane.Ibi bishatse gusobanura ko utinya ubuzima cyane cyangwa ibyo ukora bikaba biri kwanga.Hari abavuga ko [Myth], kurota uri kungwa ugahanuka ukikubita hasi, bisobanuye ko ushobora gupfa mu gihe cya vuba.Kurota uri guhanuka kenshi byakunze gusobanurwa nko hari ibitari kugenda neza muri wowe.

 

5.Kurota uri kuguruka.

Kurota uri kuguruka bishobora gusobanura ko uri mu bihe byawe byo kwigenga,wiyobora cyangwa bikaba bisobanuye ko uri gushaka guhunga ukuri guhari.

6.Kurota uwo mukundana ari kuguca inyuma.

Izi nzozi zirababaza cyane.Benshi batekereza ko ari ukuri ariko nyamara ntabwo biba ari byo.Kurota uwo mwashakanye cyangwa uwo mukundana ari kuguca inyuma , bisobanuye ko ufite ikibazo cyo kwizera uwo mubana cyangwa mukundana.

 

7.Kurota uri gukuka amenyo /Iryinyo.

Kurota uri gukuka amenyo , bisobanuye ko ushobora kuba uri kurwana no kwiyitaho ugira ngo abantu bakubone neza cyane.

 

8.Kurota utwite.

Abahanga bemeza ko kurota utwite bisobanuye ko ushobora kuba utiteguye kubyara kuko uba ubona igihe kitaragera.

The post Dore inzozi zikunda kurotwa n'abantu cyane n'icyo zisobanuye appeared first on The Custom Reports.

Source : https://thecustomreports.com/dore-inzozi-zikunda-kurotwa-nabantu-cyane-nicyo-zisobanuye/