Author: webrwanda

Uyu mugabo wavuze mu rurimi rw'Igifaransa, yavuze ko asanzwe ari inshuti ya The Ben, biri mu byatumye ava muri Congo akaza kwitabira ubukwe bwe bwabaye mu ijoro ryo kuri uyu wa Gatandatu tariki 23 Ukuboza 2023 muri Kigali Convention Center.

Yatanze impano ye mu ba nyuma ari kumwe n'umusore wari umucungiye umutekano. Prophet Joshua yageze mu Rwanda kuva ku wa kane w'iki Cyumweru.

Uyu mugabo yabanje kwifashisha Noopja washinze Country Records, ashyira mu Kinyarwanda ibyo yavugaga mu rurimi rw'Igifaransa.

Muri rusange, ijambo rye ryikije cyane ku rugendo rwe na The Ben, kandi avuga ko muri Congo, iyo bishimiye umuntu babigaragaraza bamunyanyagizaho amafaranga.

Uyu mugabo yasabye ko hacurangwa indirimbo ya Fally Ipupa, ubundi atangira igikorwa cyo kunyanyagiza amafaranga kuri The Ben arenga Miliyoni 1.5 Frw, asoje The Ben yamushimiye. Pamella yanyuzagamo agafata ku mafaranga akayashyira kuri The Ben.

Nyuma y'iki gikorwa, Isimbi Alliance wamamaye nka Amb.Alliah Cool yasabye umwanya maze nawe yifashishije isakosi ye yari yitwajemo arenga Miliyoni 1.5 Frw anyanyagiza kuri The Ben arenga ibihumbi 600 Frw nk'uko yabibwiye InyaRwanda.

Alliah Cool asoje iki gikorwa, yasuhuje The Ben amushimira ku bw'intambwe yateye. Mu ijwi rya Jimmy wabaye 'Parrain' wa The Ben, yanavuze ko Alliah Cool yahaye The Ben inka.

Alliah asanzwe uri mu bagore bafite amazu meza muri Kigali, afite ishyo ry'inka aho akamisha arenga Litro 150 ku munsi. Yatangiye afite inka eshatu yoreraga ku Gisozi mu Mujyi wa Kigali, none ubu ageze ku ifamu y'inka zirenga mirongo.

Muri rusange, The Ben yahawe inka umunani; zirimo inka ine yahawe n'imiryango yombi, Umutunzi witwa Eugene wo muri Nyagatare wamuhaye inka imwe, Godfather uzwi kuri Twitter wamuhaye inyana ebyiri ndetse n'inka yahawe na Alliah Cool.  

The Ben ku munsi udasanzwe mu buzima bwe

Prophet yavuze ko yishimiye intambwe yatewe na The Ben na Pamella

Umuraperi Green-P usanzwe abarizwa i Dubai muri Leta Zunze Ubumwe z’Abarabu yitabiriye ubukwe bw’umuvandimwe we The Ben 

Umuraperi M-Izzle ari kumwe na Olvis mu itsinda rya Active

Propher Joshua yari yicaranye na Anitha Pendo mbere y’uko ajya gushimira The Ben    

Alliah Cool yavuze ko yahaye The Ben arenga ibihumbi 600 Frw mu bukwe bwe mu rwego rwo kwishimira intambwe yateye 

Abashinzwe umutekano wa The Ben bazanaga udufuka duto n’ibitambaro bagiye bashyiramo aya mafaranga  

Jimmy wabaye Parrain wa The Ben [Uri iburyo] yatangaje ko Alliah Cool yahaye inka The Ben

  

Umubyeyi wa The Ben [Uri hagati] ari kumwe n’umubyeyi wa Pamella [Uri iburyo] mu bukwe bw’abana babo 

Umuhanzi w’indirimbo zo kuramya no guhimbaza Imana, Israel Mbonyi yitabiriye ubu bukwe afite ishimwe ku mutima nyuma y’uko amatike yari yashize mu gitaramo azakora kuri uyu wa Mbere

 

Muyoboke Alex ari kumwe n’umuhungu we bitabiriye ubukwe bw’umuhanzi yabereye umujyanama

  

The Ben yakozwe ku mutima n’impano yahawe n’umusore ufite ubumuga 

Umuhanzi Niyo Bosco ari kumwe na Leandre Niyomugabo wabaye umunyamakuru wa Radio10/Tv10 

Producer Bob wagiye agira uruhare ku ndirimbo nyinshi za The Ben 

Danny Vumbi aherutse gushyira hanze album ye ya kane yari kumwe n’umugore we muri ubu bukwe  

KANDA HANO UREBE JOSHUA NA ALLIAH COOL BANYANYAGIZA AMAFARANGA KURI THE BEN

“>

Kanda hano urebe amafoto menshi yaranze ubukwe bwa The Ben na Pamella

Yashyikijwe iki gikombe n'ababyeyi batatu bari bahagarariye abandi mu birori byiza byaranze ubukwe bwa The Ben na Pamella bwabaye mu ijoro ryo kuri uyu wa Gatandatu tariki 23 Ukuboza 2023 muri Kigali Convention Center (KCC).

Byasabye ko hategurwa ameza arenga 300, aho buri imwe yari yicayeho abantu 10 kugirango abantu babashe kubona aho kwicara muri ubu bukwe.

Ameza yashize, bituma hari bamwe mu bantu cyane cyane abazwi mu ruganda rw'imyidagaduro batabashije kubona aho kwicara.

The Ben na Pamella bakoreye ubukwe muri 'Salle' enye za Kigali Convention Center ziteranyije, aho bivugwa ko nibura agace kamwe ku munsi gakodeshwa Miliyoni 6 Frw ku munsi.

Mbere y'uko ashyikirizwa iki gikombe, umubyeyi wa Pamella yafashe ijambo ryiganjemo gushimira ababatahiye ubukwe ndetse n'abana baberetse ibirori.

Ati 'Turanezerewe cyane ku bw'ibirori byiza Imana yaduhaye. Mbanje gushima Imana mbere ya byose, kuko Imana yakoze ibikomeye turanezerewe. Ndashima Imana ku byiza Imana ikoreye abana bacu uyu munsi…'

Yasabye Imana kurinda The Ben na Pamella batangiye ‘ubuzima bushya’. Abwira The Ben na Pamella kwiragiza Imana muri uru rugendo rushya batangiye.

Ati “Ndabashimiye rero uburyo mwitwaye neza, mukabasha kwigaragaza mu kereka imiryango yombi ibirori. Pamella ndagushimira cyane.”

Uyu mubyeyi yavuze ko yateguriye urugo rwa The Ben impano y’imbuto mu rwego rw’igisobanuro cyo kuzagira ubuzima bwiza, kubyara bagaheka.

Ati “Iyi mpano iriho imbuto zitandukanye. Izo mbuto mu rugo zirakenewe, imbuto zifite ubusobanuro bwiza, mbese icyo bakeneye cyose mu buzima bazakibone, mu rubyaro, mbese buri kimwe cyose Imana izabahe umugisha.” 

Ababyeyi bahagarariye abandi bahaye igikombe umubyeyi wa Pamella. Handitseho hati 'Imana iguhe umugisha. Turagukunda.'

Ukwibyara gutera ineza! Umubyeyi wa Pamella yamushimiye kwitwararika kugeza amweretse ibirori by’urwibutso mu buzima bwe 

Umubyeyi wa Pamella yashimye umukwe we The Ben, asabira urugo rw’abo umugisha  

Umunyamuziki Israel Mbonyi ari kumwe Mushyoma Joseph [Uri hagati] washinze East African Promoters (EAP)

Aristide Gahunzire ari kumwe n’umuhanzikazi Marina wo muri The Mane

Umunyemari Bad Rama ari kumwe na La Douce wo muri Kigali Boss Babes

Miss Igisabo yari mu bihumbi by’abantu batashye ubukwe bwa The Ben na Pamella

Umukinnyi wa filime akaba n’umushoramari, Amb. Alliah Cool yitabiriye ubukwe bwa The Ben na Pamella 

Umuhanzikazi Nirere Shanel ndetse na Aline Gahongayire bitabiriye ubukwe

 

KANDA HANO UREBE IJAMBO RYAVUZWE N'UMUBYEYI WA PAMELLA

 “>

Kanda hano urebe amafoto menshi yaranze ubukwe bwa TheBen na Pamella bwabereye muri KCC

AMAFOTO: Serge Ngabo-InyaRwanda.com

Bakuranye mu miziki nk'impanga! Ku buryo usanga umufana ukunda The Ben adakunda Meddy, ukunda Meddy adakunda The Ben mu muziki. Ni ibintu byikoze.

Ni bamwe mu banyamuziki bo mu Rwanda baza imbere cyane mu ishakiro rya Google kuva mu myaka irenga 18 bari mu muziki, byageze aho abafana biremamo amatsinda, buri tsinda rikagenda rigaragaza ko hari ibyo uwabo akora neza kurusha uw'abandi.

Inshuro ni nyinshi wabonye The Ben na Pamella mu ifoto imwe, mu mashusho amwe. Ndetse, The Ben yabashije gutaha ubukwe bwa Meddy na Mimi, banafatanya kuririmba indirimbo 'My Vow' yongereye igikundiro Meddy.

Hari amakuru yasohotse avuga ko The Ben ariwe wanditse indirimbo 'My Vow' ayiha Meddy nk'impano yifashishije ku munsi w'ubukwe bwe na Mimi wo muri Ethiopia.

Ubukwe bwa The Ben bwaravuzwe cyane kuva mu mezi ane ashize. Havuzwe abahanzi b'abanyamahanga bazabwitara benshi, ariko bwarangiye Ommy Dimpoz wo muri Tanzania ariwe wenyine ubashije kuhagera, kandi yamwemereye ubutaka muri Zanzibar.

Mbere y'ubukwe, havuzwe amazina y'abarimo Diamond wo muri Tanzania, Sauti Sol, umunyamafaranga Zari, Otile Brown ariko nta n'umwe wahageze.

Mu bahanzi bagarutsweho cyane mu itangazamakuru bashoboraga kwitabira ubukwe bwa The Ben harimo na Meddy, ariko ntiyahageze.

Byabanje kuvugwa ko yageze mu Rwanda, mu ijoro ryo ku wa Gatanu tariki 22 Ukuboza 2023, ubundi bivugwa ko yazindukiye i Kigali n'umuryango we mu gitondo cyo ku wa Gatandatu tariki 23 Ukuboza 2023, ariko abantu bategereje baraheba.

Mu ijoro ryo kuri uyu wa Gatandatu, ubwo The Ben yakoraga ubukwe na Uwicyeza Pamella, hari abakwije igihuha cy'uko Meddy yamaze kugera i Kigali, kandi ko yiteguye kuririmba mu bukwe bwa mugenzi 'mu buryo bwo kumutungura'.

Siko byagenze, kuko Meddy yagaragaye mu mashusho yahujwe y'abantu babanye na The Ben babarizwa muri Leta Zunze Ubumwe za Amerika, avuga ko atabashije kwitabira ubukwe bwa The Ben kubera impamvu z'umuryango we n'iz'ubuzima busanzwe.

Mu ijambo yavuze, Meddy yavuze ko azirikana neza ko itariki ya 23 Ukuboza 2023 ari ‘umunsi ukomeye mu buzima bwa The Ben na Pamella’ ndetse no ku miryango yombi.

Uyu mugabo yavuze ko azi neza ko ari umwe mu bantu babanye na The Ben ‘igihe kinini’. Ati “Ndatekereza ko mu bantu babanye na The Ben igihe kinini nshobora kuba ndimo, mbere yo kuba inshuti turi abavandimwe, umuntu witanga cyane, abamuzi bose, bamuzi nk’umuntu witanga witangira bagenzi be.”

Meddy yavuze ko afite icyizere cy’uko mu gihe kiri imbere azabasha kubonana na The Ben na Pamella, avuga ko atabashije kugera i Kigali kubera impamvu z’umuryango we n’ubuzima busanzwe.

Ati “Ubu ntabwo byabashije gukunda kubera gahunda nyinshi z’imiryango n’akazi n’ibintu bitandukanye. Gusa nishimiye, twese twishimye.”

Yabwiye The Ben na Pamella ko yishimiye byimazeyo intambwe bateye, abifuriza kubyara hungu na kobwa, kandi bagaheka. Yungamo ati “Urukundo ruzabe rwinshi mu rugo rwanyu n’abari hafi yanyu, mu miryango n’inshuti zanyu.”

Meddy yavuze ko atabashije kwitabira ubukwe bwa The Ben kubera impamvu z’umuryango n’akazi 

Ku munsi w’ubukwe bw’abo, The Ben yaririmbiye umugeni we indirimbo y’urukundo 

Abarimo Okkama, Chriss Eazy na Shemi bitabiriye ubukwe banaririmba The Ben zimwe mu ndirimbo ze 

Itorero Inganzo Ngari ryakiriye The Ben na Pamella ubwo binjiraga muri Kigali Convention Center

Meddy yabwiye The Ben na Pamella kuzarangwa n’urukundo mu rugendo rw’abo rw’urugo 

REBA BAMWE MU BYAMAMARE BABASHIJE KWITABIRA UBUKWE BWA THE BEN

“>

Kanda hano urebe amafoto menshi yaranze ubukwe bwa The Ben na Pamella

AMAFOTO: Serge Ngabo-Inyarwanda.com

VIDEO: Murenzi Dieudonne-Inyarwanda.com

Yabigarutseho mu ijoro ryo kuri uyu wa Gatandatu tariki 23 Ukuboza 2023, ubwo yari mu  bitabiriye ubukwe bwa The Ben na Pamella bwabereye muri Kigali Convention Center.

Ommy Dimpoz ari i Kigali kuva ku wa Kane w’iki Cyumweru, kandi aherutse kubwira itangazamakuru ko ashaka kugira ibihe byiza mu mpera z’uyu mwaka ari mu Rwanda.

Ubwo yari afashe ijambo, Dimpoz yavuze ko atewe ishema no kuba ari umwe mu bahamya b’urukundo rwa The Ben na Pamella rwagejeje ku kwiyemeza kurushinga.

Ati “Nishimiye kuba ndi hano ndetse no kuba umwe mu bahamya b’umunsi w’aya mateka, ku bwa Mukuru wanjye The Ben ndetse na Mushiki wanjye Pamella. Mbabwije ukuri, aba bombi ni inshuti zanjye, buri uko baje muri Tanzania ni njye ubakira.”

Ommy Dimpoz yavuze ko yahagaritse gahunda zose yari afite mu mpera z’Ukuboza 2023 birimo nk’akazi k’umuziki, akazi ke gasanzwe n’ibindi, kugirango ‘mbe mpari kuri uyu munsi w’abo’.

Dimpoz yabwiye The Ben na Pamella ko adashidikanya ku rukundo bafite Tanzania, ari nayo mpamvu yabageneye impano ya kimwe mu bibanza afite muri Zanzibar. Uyu musore yavuze ko asanzwe afite ubutaka bunini muri Zanzibar, avuga ko azaha The Ben ikibanza.

Akimara kuvuga iri jambo yahise agenda asuhuza The Ben, Pamella ndetse na ‘Parrain we’ Jimmy. Abwira The Ben ati “Ndizera ko nawe uzabikora nkanjye.”

Ommy Dimpoz aherutse kubwira Televiziyo Rwanda ko urugwiro yakiranwa iyo ari mu Rwanda, ahora aruganirira The Ben, umuhanzi w’inshuti ye ukunze kujya kenshi muri Tanzania.

Ati “Buri gihe mpora musaba ko twagurana Pasiporo, we akaza muri Tanzania nanjye nkaza mu Rwanda’.

Dimpoz yavuze ko The Ben akunze kumushyigikira iyo ari mu studio mu ikorwa ry’indirimbo. Kandi ko The Ben ari umuhanzi utangaje, w’umutima mwiza, uca bugufi.

Yavuze ko mu myaka itanu ishize, The Ben yamufashije kwandika indirimbo yitwa ‘Yanje’ yakoranye na Seyi Shay.

Ati “Yaramfashije kwandika iyi ndirimbo yitwa ‘Yanje’. Niwe wamfashije kwandika amagambo y'ikinyarwanda y’iriya ndirimbo.”

Dimpoz yavuze ko umwaka ushize ubwo yakoraga kuri album ye, nabwo yiyambaje The Ben bakoranaho indirimbo ‘I got you’. Ati “Nabwo yanyandikiye amwe mu magambo y’Ikinyarwanda [Yifashishije mu ndirimbo].'

Iyi album, Ommy Dimpoz yasohoye mu Ukwakira 2022 yayise ‘Dedication’ iriho n’izindi ndirimbo yakoranye n’abandi bahanzi barimo nka Blaq Diamond, Fally Ipupa, Dj Maphorisa wo muri Afurika y’Epfo, Nandy wo muri Tanzania n’abandi. Iriho indirimbo 15.     

Ommy Dimpoz yumvikanishije ko umubano we na The Ben ushingiye ku buvandimwe n’ubumuntu byatumye ahagarika gahunda zose yari afite mu Ukuboza 

Ommy yavuze ko mu bihe bitandukanye yakira The Ben na Pamella muri Tanzania, byatumye yiyemeza kubaha ubutaka afite muri Zanzibar 

Umubyeyi wa The Ben [Uri hagati] yashimye Imana yarinze umuryango we 

Ommy Dimpoz [Uri hagat] ari kumwe na Ishimwe Clement washinze Kina Music [Uri iburyo]ndetse na Tom Close [Uri ibumoso] wabaye Parrain wa The Ben mu rusengero 

The Ben na Pamella bakase umutsima (Cake) uri mu ishusho yihariye wahanzwe na House of Cake 

The Ben bahamije isezerano ry’imbere y’Imana n’abantu bahuriza ibihumbi by’abantu muri Kigali Convention Center 

KANDA HANO UREBE IJAMBO RYA OMMY DIMPOZ MU BUKWE BWA THE BEN

“>

Kanda hano urebe amafoto menshi yaranze ubukwe bwa The Ben na Pamella

AMAFOTO: Serge Ngabo-InyaRwanda.com

VIDEO: Murenzi Dieudonne-InyaRwanda.com

Ijambo yavuze mu ijoro ryo kuri uyu Gatandatu tariki 23 Ukuboza 2023 muri Kigali Convention Center ryumvikanishije ko 'The Ben ari umuhungu we mu yandi magambo.

Ni umwe mu nshuti za The Ben zitavuzwe cyane mu itangazamakuru. Kuko ari umwe mu bagiye bamutera inkunga inyuma y'amarido, akabikora mu rwego rwo gukomeza ubushuti no gufasha uyu muhanzi kwisanga ku ruhando mpuzamahanga-Niko inshuti z'aba bombi zivuga.

Hari n'abajya kure, bakavuga ko Jimmy wabaye 'Parrain' wa The Ben, ari umwe mu banyamafaranga b'abatunzi 'bihagazeho'.

Hari umwe mu baherutse kubwira InyaRwanda, ko mu minsi ishize Jimmy yitanze arenga Miliyari 1 Frw yifashishijwe mu kubaka urusengero asengeramo i Kigali.

Jimmy yagarutsweho cyane mu itangazamakuru, ubwo yagaragara ariwe 'Parrain' wa The Ben mu muhango wo gusaba no gukwa, wabaye ku wa 15 Ukuboza 2023, ubera mu busitani bwa Jalia mu Karere ka Gasabo.

Ubwo umuhango wo gutanga impano waganaga ku musozo mu ijoro ryo kuri uyu wa Gatandatu, uyu mugabo yafashe indangururamajwi, avuga ko yagendanye ubuzima bwiza n'ubukomeye na The Ben amushimira intambwe yateye mu buzima bwe.

Jimmy yavuze ko kuri we tariki 23 Ukuboza 2023 ari ‘umunsi ukomeye ku bavandimwe banjye The Ben na Pamella’. Yavuze ko asanzwe akorana na The Ben mu buzima busanzwe, kandi bamaranye imyaka itari mike.

Yisunze Bibiliya, yavuze ko urugo n’amatungo ubihabwa n’ababyeyi, ari nayo mpamvu nawe yiyemeje kubaka inzu mu kibanza yahawe na Ommy Dimpoz muri Zanzibar.

Ati “Hari umuvandimwe wamuhaye ahantu, nanjye nk’umubyeyi wawe nzahubaka. Nzahubaka inzu, kugirango aba bantu bazabeho neza, nzamubaha hafi. Imana nidufasha tukaba tukiriho ntacyo uzabura, ntacyo uzamburana.”

Nyuma yo kuvuga iri jambo, Jimmy yahamagaye abiganjemo ibyamamare n'abandi basanzwe bahurira muri Leta Zunze Ubumwe za Amerika.

Ommy Dimpoz yavuze ko yahaye The Ben ubutaka afite muri Zanzibar mu rwego rwo gushimangira ubushuti bafitanye.

Yavuze ko yahagaritse gahunda zose yari afite mu mpera z’Ukuboza 2023 birimo nk’akazi k’umuziki, akazi ke gasanzwe n’ibindi, kugirango ‘mbe mpari kuri uyu munsi w’abo’.

Dimpoz yabwiye The Ben na Pamella ko adashidikanya ku rukundo bafite Tanzania, ari nayo mpamvu yabageneye impano ya kimwe mu bibanza afite muri Zanzibar. Uyu musore yavuze ko asanzwe afite ubutaka bunini muri Zanzibar, avuga ko azaha The Ben ikibanza. 

Jimmy asanzwe ari inshuti y’akadasohoka, yamwinjije mu bushabitsi bwatumye uyu muhanzi aba mu batunzi 

The Ben yakunze kuvuga ko yakunze Pamella kuva ku munsi wa mbere bahuriyeho

Jimmy wabaye Parrain [Uri uburyo] ubwo yashimiraga Alliah Cool nyuma y’uko ahaye urugo rwa The Ben arenga ibihumbi 500 Frw 

Jimmy [Wegereye The Ben] yavuze ko yiteguye gushyigikira The Ben mu buzima bwose 

Jimmy [ubanza ibumoso] yatangaje ko azubakira The Ben inzu mu kibanza yahawe na Ommy Dimpoz muri Zanzibar

UMUBYEYI WA THE BEN YAMUHAYE IMPANO YIHARIYE MU BUZIMA BWE

“>

Kanda hano urebe amafoto menshi yaranze ubukwe bwa TheBen na Pamella

AMAFOTO: Serge Ngabo-InyaRwanda.com