Author: webrwanda

Ni umuhango wabaye kuri uyu wa Gatandatu tariki 23 Ukuboza 2023 muri Eglise Vivante ku i Rebero muri Kigali. Umubyeyi wa The Ben asanzwe asengera muri uri rusengero ruherereye ku musozi wa Rebero.

Bishop Gataha Straton wo muri iri torero, yavuze ko ‘uyu munsi ari ukwizihiza ibyo Imana yakoreye The Ben na Pamella’. Yabwiye Abakristu gufatanya n’uyu muryango mushya kwizihiza kwunga ubumwe binyuze mu Mana.

Abanyamuziki baririmbanye muri uyu muhango, bitaye cyane ku ndirimbo zitsa ku guhimbaza Imana, byageze ubwo banifashisha indirimbo ‘Umwami ni Mwiza’ James na Daniella bakoranye na True Promises.

The Ben yahamije isezerano rye ashyigikiwemo n’abiganjemo abanyamuziki barimo nka Andy Bumuntu, Christopher, Igor Mabano n’abandi.

Ni mu gihe ‘Best Man’ we ari Tom Close. Mu gihe cyo gusaba no gukwa kwe, ‘Best Man’ yari Jimmy, inshuti y’igihe kirekire yanamwinjije mu bushabitsi.

Umuyobozi wa Eglise Vivante mu Rwanda, Pastor Edmond Kivuye yigishije ijambo ryubakiye ku kubwira The Ben na Pamella kuba umwe mu rugo. 

Hari nk’aho yagize ati “Urukundo ntabwo ari ahantu tuza tukagenda nk’uko tubyishakiye. Reka dufashanye tubikore, bitugeze aho dupfukamira Imana. Urukundo ni amahoro hagati mu ntambara, nzakurwanira, ese nawe uzandwanira?”.

Edmond yavuze ko urugo rwatangijwe n’Imana, kandi ko buri wese akwiye kubaza azi neza uburyo akwiye kurwitwaramo.

Yisunze Zaburi ya 23: 5 hagira hati “Untunganiriza ameza mu maso y'abanzi banjye, Unsīze amavuta mu mutwe, Igikombe cyanjye kirasesekara…”

Yavuze ko kuba hari abakomeretse mu rukundo, bitavuze ko ‘urugo atari umugisha w’Imana’. 

Edmond yagaragaje ko abikuyemo urushako, ahanini bituruka ku binyoma bya Satani, kuko ‘urugo ari rwiza’. Ati ‘Urushako ni umugisha. Ariko Kugirango bigende neza, hadi imbaraga dukeneye, ni imbabazi z’Imana.”

Edmond yabwiye The Ben na Pamella ko buri wese ataramenya undi neza, bityo ko uko iminsi yicuma buri wese azamenya undi. Yavuze ko gukunda ari ibya buri wese atari ‘iby’abazungu gusa’.

Edmond yatuye umugisha ku rugo rwa The Ben na Pamella, abasaba kuzakundana mu nzira zose. Ati ‘Tubisenze mu Izina rya Yesu, umwami n’umukiza wacu.”

The Ben abajijwe niba ntacyatuma atarushinga n’umugore we Pamella, yavuze ati ‘ntacyo’. Isezerano rya Pamella ryubakiye ku kubwira The Ben ko azamukunda, kandi azamugandukira, akamugira n’inama.

Yamubwiye ko azamukunda ‘mu bihe n’ibyiza kugeza Yesu aje kutujyana’. Ati “Mbivuze mu Izina rya Data n’irya mwukawera”.

Yabwiye The Ben ko ari inshuti ye, kandi ko kuzabana nawe ubuzima bwe bwose ari icyifuzo cy’ubuzima bwe. Yamubwiye ko amakunda cyane ‘kandi nawe urabizi’.

Pamella yabwiye The Ben ko afite umutima wihariye, watumiye ‘ibihumbi by’abantu baza hano kudushyigikira’. Edmond ati “Ayo ni amagambo yabo, aho amubwira ko azamukunda kandi iteka ryose”.

Miss Uwicyeza Pamella ubwo yari agiye kurahirira imbere y’Imana kuba umugore wa The Ben

Pasiteri yasabiye umugisha The Ben na Pamella biyemeje kurushinga

Tom Close yambariye The Ben mu bukwe

Kuva ubu Pamella yabaye umugore wa The Ben imbere y’Imana

The Ben yaje mu modoka ya Akagera Motors

Sherrie Silver yitabiriye ubukwe bwa The Ben

Ababyeyi nabo bari baje mu isezerano ry’abana babo

Abaririmbiye The Ben na Pamella mu bukwe bwabo.

Ahabereye ubukwe bwa The Ben na Pamella.

KANDA HANO UREBE AMAFOTO

Nyuma y’umuhango wo gusaba no gukwa wabaye mu mpera z’icyumweru gishize, umuhanzi Nyarwanda, Mugisha Benjamin [The Ben] yasezeranye imbere y’Imana n’umugore we Uwicyeza Pamella.

Ni umuhango wabaye ku gicamunsi cyo kuri uyu wa Gatandatu tariki ya 23 Ukuboza 2023 ubera muri Eglise Vivante Rebero mu Mujyi wa Kigali.

The Ben akaba yari agaragiwe n’abarimo umuhanzi mugenzi we Tom Close wari wabaye Parrain we.

Yari yambariwe kandi n’abarimo Andy Bumuntu, Christopher, Igor Mabano n’abandi.

Nyuma y’uyu muhango abatumiwe bakaba bagomba kwakirirwa muri Convention Centre, ibirori bigomba kwitabirwa n’ibyamamare mpuzamahanga nk’umuhanzi wo muri Kenya, Otile Brown, Ommy Dimpoz wo muri Tanzania n’abandi.

Bakoze ubukwe nyuma y’uko tariki ya 15 Ukuboza 2023 ari bwo habaye imihango yo gusaba no gukwa, wabereye Jalia Hall & Garden Rusororo.

The Ben na Uwicyeza Pamela witabiriye Miss Rwanda 2019, bakoze ubukwe nyuma y’uko tariki ya 31 Kanama 2023 basezeranye imbere y’Amategeko mu muhango wabereye mu Murenge wa Kimihurura mu Karere ka Gasabo mu Mujyi wa Kigali.

Ni nyuma y’uko Mu Kwakira 2021, bari mu Kirwa cya Maldives giherereye mu Nyanja y’Abahinde mu gice cyo mu Magepfo ya Asia aho bari bagiye kuruhuka, The Ben yafashe umwanzuro asaba umukunzi we Uwicyeza Pamela ko yazamubera umugore maze igihe basigeje ku Isi cyose bakakimara bari kumwe, undi atazuyaje yaremeye maze The Ben amwambika impeta ya fiançailles.

Kuva muri 2020 ni bwo binyuze ku mbuga nkoranyambaga za bo The Ben na Pamela bagiye baca amarenga y’uko bakundana, ni nyuma y’uko byari byatangiye guhwihwiswa muri 2019 ariko bakirinda kuba bagira icyo babitangazaho.

Ku wa 31 Kanama 2022, nibwo umuhanzi Mugisha Benjamin wamamaye ku mazina ya The Ben yasezeranye mu mategeko n'umukunzi we Uwicyeza Pamella, mu muhango wabereye mu Murenge wa Kimihurura, mu Karere ka Gasabo.

Ku wa 15 Ukuboza 2023, ni bwo The Ben yasabye ndetse anakwa Uwicyeza Pamella ndetse imiryango yabo, inshuti n’abavandimwe bombi barabashyigikira mu muhango wabereye mu busitani bwa Jalia buherereye hafi ya Intare Arena.

None kuri uyu wa 23 Ukuboza 2023, Mugisha Benjamin na Uwicyeza Pamella bagiye gusezerana imbere y’Imana mu rusengero rwa Eglise Vivante ruherereye i Rebero.

Misa yo gusezeranya The Ben na Pamella iratangira saa munani z’amanywa dore ko mu aya masaha ya mu gitondo hari harimo kubera imirimo yo gusukura no gutaka uru rusengero rugiye kuberamo ubukwe butegerejwe n’abantu benshi.

Urusengero rugiye kuberamo ubukwe bwa The Ben na Pamella

Eglise Vivante urusengero rugiye kuberamo ubukwe bwa The Ben ruherereye i Rebero

Ubusitani bwa Eglise Vivante Rebero

The Ben na Pamella bagiye gusezerana imbere y’Imana

Miss Cadette yanyuze mu marushanwa y'ubwiza ya Miss Rwanda 2019 anagera mu bakobwa 15 bavuyemo Nyampinga. Avuga ko aya marushanwa yamugiriye umumamaro ukomeye.

Mu kiganiro cyihariye yagiranye na InyaRwanda, Miss Cadette yasobanuye ko yishimira ko uyu mwaka u Rwanda rwarushijeho kuba igicumbi cy'imyidagaduro.

Yagize ati: 'Twakiriye ibitaramo byinshi byajemo abahanzi benshi tutari tuzi ko bagera mu gihugu cyacu, urumva aba ari n'amahirwe ku bahanzi bacu guhura n'abandi bahanzi.'

Uyu mukobwa ufite YouTube yise 'Umukundwa Cadette' anyuzaho ibiganiro bitandukanye, yavuze ko binyuze muri 'Camu Knit Collection' bafite imyenda inyuranye ikoze mu budodo bateguriye abantu muri ibi bihe bya noheli kandi hari na poromisiyo y'iminsi mikuru.

Ageze ku bukwe bwa The Ben na Miss Pamella bahuriye muri Miss Rwanda, Cadette yagize ati: 'Ndakubitamo ikanzu n’agakweto.'

Yatangaje ko yiteguye kwitabira ubukwe bwa mugenzi we Miss Pamella bahuriye muri Miss Rwanda 2019

Ku ruhande rwo kuba amarushanwa y'ubwiza arimo n’iryo yanyuze atakiriho, yagize ati: 'Nagiye muri Miss Rwanda kubera ko hari igikorwa nakuze mbona, kuba itagihari bivuze ko hari undi mwana wabyifuzaga bakaba barayifunze atayigiyemo.'

Yongeraho ati: 'Kandi ikindi ryari irushanwa riduha amahirwe menshi ku bana bashaka kwimenyekanisha hanze kugira ngo bamenyekanishe impano zabo kubera iyo uvuye hariya amahirwe ahita aza yiruka kuruta.'

Yanavuze ibanga yakoresheje kugira ngo abe abashije gusoza umwaka yibitseho imodoka nshya y’abarirwa muri Miliyoni zisaga 20 Frw.

Ati'Ibanga rya mbere ni ugutangira umwaka ufite intego ushaka kugeraho n'imodoka yari irimo. Mu by'ukuri sinari nzi ahantu izaturuka kuko murabizi mwese gutunga imodoka hano ntabwo biba byoroshye.

Ariko iyo hari ikintu nshyize mu mutwe nkumva ndagishaka cyane sinshobora gusinzira icyo kintu ntakigezeho ariko nkanagisengera.'

Kugira intego y’umwaka yabigaragaje nka rimwe mu mabanga yamufashije gusozanya umwaka imodoka y’asaga Miliyoni 20Frw

Uko yakira abamuca intege cyane yagize ati: 'Urumva kugira ngo uze muri bino bintu bisaba kuba uzi kubikunda. Iyo ukunda ibintu rero wihanganira ibigeragezo byabyo, gusa kandi nkora ikintu nabanje gutekerezaho n'ifoto ndabanza nkayireba nkavuga ese iyi niyo sura nkwiye guha abantu.'

Kuba abanza gutekereza ku cyo abantu baza kuvuga, bijya kuza yarangije kwiyakira nk’uko abyivugira ati: 'Ikintu cya mbere ni ukuza muri ibi bintu ubikunze kandi ugakora n’ikintu wabanje gutekerezaho, ntupfe guhubuka kuko iyo uhubutse baguca intege na we ukazicika.'

Miss Cadette gutegura ibintu neza asanga aricyo kimufasha kwirinda abamuca intege

Ku birebana no kuba aterekana umukunzi we, Miss Cadette yagize ati: 'Njyewe ntecyereza ko urukundo ari urw'abantu babiri biba byiza, ese ejo nuza ukavuga nkunda narunaka mugashwana, ejo ukongera, abantu bazagera aho babone ko udashobotse. Rero mu rukundo ni byiza kubitwara gacye.' 

Agaragaza icyo bikurinda kugira ubuzima bw'urukundo bwawe ibanga at: i'Bikurinda amagambo y'abantu. Ikindi na we uba ureba ese ibi bintu bizagera ku bintu bifatika, ntabwo ari byiza buri muntu mutangiye gukundana ngo ubishyire hariya ejo mushwane ufate undi'.

Uyu mukobwa agaruka kuri Davido yagize ati: 'Ubundi Davido namukundaga kuva cyera niga mu mashuri yisumbuye, indirimbo ze narazikundaga cyane, sinzi impamvu hari abakundaga ba Wizkid, ba Tiwa Savage'.

Yongeraho ati: 'Davido bavuga ko ari umwana wakuriye mu bakire, uretse no kuba yarakuriye mu bakire akaba umusitari. Kuba ufite ibyo bintu byose ariko ugakomeza ugasabana uhora useka utifunga nk'abasitari, iyo mico ituma akomeza kuba umuhanzi nkunda.'

Ku kijyanye n'ishati abantu babonye bakavuga ko ari iyo Davido yamusigiye, Cadette yagize ati: 'Ishati abantu bayitinzeho ariko nari nishimiye ko nambaye ishati nk’iye, byarasaga ntabwo byari bivuze ko ari iye.'

Ageze ku ngingo yo kuba barahuye imbonankubone, uyu mukobwa yagize ati: 'Mubona, naravuze nti ‘ese ndimo ndarota’, narishimye. Ni umuhanzi nkunda, ndamukunda, ndamufana cyane.'

Yagaragaje ko yakunze Davido kuva yiga mu mashuri yisumbuye akaza no gushima imico ye Kuba yaba yarasigiwe ishati na Davido yabiteye utwatsi avuga ko ari uko zisa kandi kuba yayambara yumva ari ishema kubera urukundo akunda Davido Miss Cadette asozanije imodoka umwaka wa 2023 abikesha gutegura ibyo akora byose no gusenga

Kimwe mu bitaramo byari bikenewe mu mpera z'umwaka wa 2023, cyashyizweho akadomo mu masaha akuze y’uyu wa Gatanu tariki 22 Ukuboza 2023 muri Camp Kigali aho umuhanzi Yago yamuritse Album ye ya mbere yise “Suwejo”.

Imitegurirwe y’ahabereye iki gitaramo yari iri ku rwego rwo hejuru, aho abantu bakiranwaga urugwiro n'abasore n'inkumi bo muri 'Uno Protocol', bakakirwa kandi n'umuziki n'urumuri rw'amatara anyuranamo mu mabara atandukanye mu buryo bwateguwe na Gorilla Events Limited.

Nubwo iki gitaramo cyatangiye gitinze hagati ya saa mbiri na saa tatu n'igice z’ijoro, gusa abitabiriye banyuzwe cyane, yaba mu gice cyayobowe na Anita Pendo utabashije kuhatinda kuko yari afite akandi kazi kamutegereje n’ikindi gice cyayobowe na Phil Peter.

Abahanzi biyerekanye by'amahire imbera ya Minisitiri w'Urubyiruko n'Iterambere ry'Ubuhanzi, Dr Utumatwishima Abdallah, watangiranye n’iki gitaramo yari yazanyemo n'umuryango we.

Zeo Trap, Bushali na Niyo Bosco nibo baririmbye bwa mbere, hanyuramo hakurikiraho Yago wari wateguye urubyiniro neza rwariho ababyinnyi barimo n'abafite amazina azwi nka Divine Uwa na Jojo Breezy.

Abacuranzi bagize itsinda rya Symphony ni bo bafashije Yago waririmbaga mu buryo bwa Live, ibintu byashimishije abari baje kumushyigikira n'abakunzi b'umuziki nyarwanda muri rusange.

Nyuma ye, umuramyi Aline Gahongayire yataramye mu ndirimbo ze yavangaga n'iz’abandi bahanzi bazwi mu muziki wo kuramya no guhimbaza Imana. 

Umuhanzi Double Jay na Kirikou nabo bari baturutse mu Burundi biyeretse abanyarwanda. Phil Peter ni we wayoboye igice cya kabiri cy'igitaramo avanga umuziki akanashyushya abantu. 

Uko igitaramo cyagendaga kijya mbere hagaragaragamo amakosa amwe n’amwe arimo kuba hari abahanzi bahamagarwaga ku rubyiniro bagatinda kugeraho n'ibindi.

Icyakora ntibyabujije abishima kwishima no kujyana ubutumwa bw’uko Yago afite ubuhanzi muri we kandi atazuyaje yazagera kure.

Mu bahanzi bari bategerejwe gutaramana n'abakunzi batari bacye ba Yago, ariko bikarangira batabashije kuhagera ni Levixone wo muri Uganda ndetse na Chriss Eazy wo mu Rwanda.

Yago yaririmbye indirimbo ze zitandukanye afatanya na “Inyogo ye” mu ndirimbo yabo yashimishije benshi bise 'Ni Wane' anaboneraho gutangaza ko agiye gufasha “Inyogo ye” gukomeza gushyira hanze indirimbo mu buryo bwe bwihariye aho itaha izaba yitwa 'Mu mazi'.

Ibyamamare mu muziki byitabiriye iki gitaramo harimo Element, Alyn Sano, Bob Pro, Karigombe, Bahati Makaca. Mu myidagaduro na siporo muri rusange hari Noopja, David Bayingana, Miss Cadette, Bijou Dabijou, Junior Rumaga n'abandi batandukanye.

Minisitiri w’Urubyiruko n’Iterambere ry’Ubuhanzi, Dr Utumatwishima Abdallah n'umuryango we bari mu bitabiriye iki gitaramo cya Yago nubwo atahatinze ariko ababashije kumubona wabonaga banejejwe no kuba ari kumwe nabo.

“Suwejo”, umuzingo Yago yamuritse wariho indirimbo Suwejo, Rata, Si Swing, Umuhoza, Yahweh, Original Kopy, True Love, Alright, Naremeye yakoranye na Bushali, My Love, Vis a Vis, Yago Piano na ‘T’en Vas Pas”.

Aba 'Producers' bayikozeho ni Element, The Major, Iyzo Pro, Knox on the Beat, Bob Pro, Santana Sauce, Fanta Pro, Prince Kiiz, Pakkage, Chrisy Neat, Nessim, Logic Hit It na Flyest Music.

Igitaramo Yago yakoze kirashimangira ko urubyiruko rukwiriye gutinyuka rukabyaza impano zabo umusaruro rutitaye ku bica ntege kuko igihe kigera abantu bakemera ko ushoboye iyo udacitse intege.

Ni igitaramo gitanze kandi umukoro ku bandi bahanzi barimo n’abamaze ikinyacumi kirenga ariko batarakora igitaramo cyabo na kimwe kandi bahora babisunika nyamara birengagiza ko imyaka izana n’ibyayo.

Yago yamuritse umuzingo yise ‘Suwejo’ akaba ari no muri gahunda yo gutangira ibitaramo bizenguruka igihugu agenda asanga abakunzi be hafi yaboDJ Didiman ukorera ikigo cy’igihugu cy’itangazamakuru yari ahariIbyamamare byaje kumushyigikira ku bwinshiKarigombe, Alyn Sano na Junior Rumaga nabo bari baje gushyigikira YagoYago asuhuzanya na Bob Pro wamamaye mu kuyungurura umuziki [Mastering]Bob Pro yari ari kumwe na Bijou Dabijou inshuti y’akadasohoka ya YagoInyogoye n’umugore we, abantu b’ingenzi mu buzima bwa Yago nabo bari bahari ndetse banafatanije gususurutsa abakunzi baboMitsutsu na Sky 2 bari baje gushyigikira Yago Pon DatNoopja na David Bayingana nubwo bafite inshingano zitoroshye mu bukwe bwa The Ben baje kwifatanya na YagoByari umunezero mu bafana n’abakunzi ba Yago Pon Dat bananyuzagamo bakamuha amanyarwanda n’amadoraliMC Nario ari mu baje kwifatanya na Yago ku munsi we w’amatekaAbabyeyi ba Yago bari baje kumushyigikira Element na Junior Rumaga barimo baganira mu gitaramo cya YagoYago yazanye n’ababyinnyi barushijeho gutuma igitaramo kigira igisobanuroJojo Breezy na Divine Uwa batambukanye umucyo mu gitaramo cya YagoAnita Pendo ni we wayoboye igice cya mbere cy’igitaramo cya YagoPhil Peter yayoboye igice cya kabiri cy’igitaramo cya Yago

KANDA HANO UREBE AMAFOTO YOSE Y’IGITARAMO CYA YAGO

AMAFOTO: NGABO SERGE/INYARWANDA

Uko umuziki nyarwanda urushaho gutera imbere, ni nako abawufitemo impano mu buryo bumwe cyangwa ubundi bagenda bigaragaza. 

Muri iki gihe, u Rwanda rusigaye ruri mu bihugu bibarizwa muri Afurika bifite ababyinnyi b'abahanga, kandi bakora uko bashoboye bakagaragaza impano zabo cyane cyane bifashishije imbuga nkoranyambaga zitandukanye.

Muri mashusho y'indirimbo z'abahanzi nyarwanda batandukanye, hari ababyinnyi bakunze kwifashishwamo, bakagira uruhare mu gukundwa kw'izo ndirimbo no kumenyekanisha umuziki nyarwanda ku rwego mpuzamahanga.

Umwe muri aba babyinnyi uzwi cyane ku izina rya Jojo Breezy aganira na InyaRwanda yatangaje ko kuri we, uyu mwaka wa 2023 wabaye uwo gukora cyane bitewe n'ibikorwa bikomeye byabereye mu Rwanda.

Yagize ati: '2023 ni umwaka mbona wihuse cyane ariko na none wabayemo ibikorwa byinshi. Njyewe akenshi nkorana n'abahanzi, hari indirimbo nyinshi nagiye ngaragaramo zirimo iza ba Bruce Melody, Chris Easy, Marina n'abandi.

Twanabyinnye kuri stage zikomeye zabereye mu gihugu cyacu, uyu mwaka wabaye muto ariko wabayemo ibintu byinshi.'

Jojo Breezy yakomeje avuga ko muri uyu mwaka hari byinshi byiyongereye mu mwuga wabo, haba ku bijyanye no kubona akazi gahagije, kunguka ubumenyi ndetse no kubaka izina.

Yasobanuye ko nubwo hari imbogamizi bahgihura na zo bitakiri ku rwego rukomeye nka kera, kubera ko mbere wasangaga bigorana kumvisha abanyarwanda ko umwuga wo kubyina  watunga umuntu kandi akabaho neza. Yatangaje ko we abona imitekerereze imaze guhinduka, kubera ko abahanzi bamaze gusobanukirwa akamaro k'umubyinnyi mu kumenyekanisha ibihangano bye.

Ati: 'Uyu mwuga umaze kugera ahantu hashimishije, biri gutanga icyizere, kuko kurubu nta ndirimbo igisohoka itagaragayemo ababyinnyi, nta gitaramo gikomeye kikibera mu Rwanda kitarimo ababyinnyi, ibyo byose ni inyerekana ko kubyina bimaze kugera ku rundi rwego. Biratwereka kandi ko mu minsi iri imbere, ababyinnyi bagiye kujya banitabazwa ku rwego mpuzamahanga kuko natwe nk'ejobundi twari twagiye mu Burundi badutumiye, rero navuga ko hari icyizere.'

Jojo Breezey umaze imyaka irenga 10 abyina, yahamije ko uyu mwuga umutunze ndetse ko kugeza ubu nta kandi kazi akora ka buri munsi uretse kubyina gusa. Yatangaje ko muri uyu mwaka yungutse amafaranga menshi cyane bitewe n'ibikorwa biremereye yagiye agaragaramo, harimo n'ibizwi nka 'Challenges' yatangije ku mbuga nkoranyambaga.

Shakira Kay nawe uri mu babyinnyi bakomeje guhagararira neza u Rwanda mu bijyanye n'imibyinire, yaganiriye na InyaRwanda maze atangaza ko  uyu mwaka wabaye uw'umugisha kuri we ndetse n'umwuga we muri rusange.

Yagize ati: 'Uyu mwaka ni umwaka w'umugisha kuri njyewe, wanjyejeje kure mu mwuga wanjye kuko niwo mwaka nakozemo cyane nkagira n'amahirwe yo kubyina kuri stage zikomeye nka Giants of Africa, Trace Awards, Move Afrika n'izindi nyinshi. Ni umwaka nakozemo cyane kandi nkabonamo umusaruro ushimishije.'

Shakira yatangaje ko yagize igitekerezo cyo kuzaba umubyinnyi afite imyaka 7 gusa, kuko na nyirakuru yari umubyinnyi, ndetse akura n'ababyeyi be bamutera imbaraga bamubwira ko azi kubyina cyane.

Ati: 'Kugira ngo mbe uwo ndiwe mbikesha abanteye imbaraga bakambwira ko nshoboye bakanantinyura, barimo umuryango wanjye, inshuti n'abakunzi banyereka urukundo mu byo nkora. Ni impano kuko ntibyangoye kubimenya.'

Uyu mukobwa yasabye abagifite imyumvire mibi kuri uyu mwuga kuyikuramo, kuko usanga aribo badindiza bakanaca intege abifuza kuba ababyinnyi kandi mu by'ukuri ari akazi nk'akandi gatunga ukitwayemo neza. Shakira, yanaboneyeho gusaba abanyarwanda gukomeza kubashyigikira mu bikorwa byabo bya buri munsi mu rwego rwo kuzamura uyu mwuga n'abawukora.

Muri uyu mwaka, mu babyinnyi bamaze kubigira umwuga bigaragaje cyane harimo General Benda, Jojo Breezey, Shakira Kay, Divine Uwa, Uwase Bianca, Saddie Vybez, Cc.djamilaaa, Guy Young King, n'abandi.

Divine Uwa, ni umwe mu babyinnyi bigaragaje cyane muri 2023

General Benda ari mu babyinnyi basoje umwaka bayoboye ku mbuga bkoranyambaga   

Shakira Kay, ari mu babyiniye ibikomerezwa byaje gutaramira i Kigali muri uyu mwaka

Yagize inzozi zo kuzaba umubyinnyi ku myaka 7 gusa

Jojo Breezey umaze imyaka irenga 10 mu mwuga wo kubyina

Kuri ubu, atunzwe no kubyina gusa

Saddie Vybes ari mu bagaragaye kuri ‘Stage’ zikomeye mu 2023

Cc.djamillaaa ukomeje kuzamuka neza muri uyu mwuga

Musa Esenu harabura iminsi mbarwa amasezerano ye muri Rayon Sports akarangira, mu minsi ya vuba avuye mu biruhuko ni bwo azatangira kuvugana n’iyi kipe ngo abe yayongerera amasezerano.

Muri Mutarama 2022 ni bwo Musa Esenu yasinyiye Rayon Sports amasezerano y’umwaka n’igice avuye iwabo muri Uganda, akaba mu minsi mike azaba asoje amasezerano ye.

Amakuru avuga ko Musa Esenu mu Kwakira ubwo hari hashize iminsi mike shampiyona ya 2023-24 itangiye yabajije Rayon Sports ahazaza he ndetse niba batatangira kuganira ku kuba bamwongerera amasezerano.

Icyo gihe ubuyobozi bwa Rayon Sports bwamubwiye ko yakwihangana amasezerano ye akarangira muri Mutarama 2024 bakabona kuganira.

Amakuru avuga ko mu ntangiriro z’uku kwezi nyuma yo kubona ko rutahizamu ukomoka muri Guinea, Alseny Camara yari yazanye urwego rwe ruri hasi, yifuje gutangira ibiganiro na Musa Esenu warimo yitwara neza.

Uyu rutahizamu wari watangiye gushakisha indi kipe hanze y’u Rwanda ndetse abona ko binashoboka, yasabye Rayon Sports ko nk’uko yabimusabye yakwihangana agasoza amasezerano ye muri Mutarama 2024 ubundi bakabona gutangira ibiganiro.

Ubwo igice kibanza cya shampiyona cyari kirangiye, Musa Esenu yahise ajya mu kiruhuko iwabo muri Uganda. Bivugwa ko impande zombi zizatangira ibiganiro byo kongera amasezerano.

Nyuma y’uko Alseny Camara ukomoka muri Guinea wari waguzwe yagize imvune ndetse na rutahizamu mushya ukomoka muri Senegal, Alon Paul Gomis na we akaba atizewe neza, Rayon Sports yifuza guha Musa Esenu amasezerano y’amezi 6 azarangirana n’umwaka w’imikino wa 2023-24.

Nyuma y’uko amakuru agiye hanze ko ubuyobozi bwa Rayon Sports bushobora kureka umunya-Mauritania, Mohamed Wade agasoza shampiyona, bwagiriwe inama ko butakora iryo kuko bashobora kuzicuza.

Bivugwa ko Umuyazeu Jean Fidele usanzwe uyobora Rayon Sports, bamwe mu bajyanama be bamubwiye ko nubwo ikipe nta bushobozi ifite ariko na none Wade atari uwo gutoza Rayon Sports kuko izahita iva mu rugamba rw’igikombe hakiri kare.

Bivugwa ko bahise basubukura gahunda zo gushaka umutoza mushya uzaza gutoza Rayon Sports mu mikino yo kwishyura ya 2023-24 izatangira tariki ya 13 Mutarama 2024.

Umutoza wifuzwa ni umutoza uzi shampiyona y’u Rwanda ariko na none akaba adahenze kubijyanye n’umushahara yahembwa, aho iyi kipe yumva ibonye uri hagati y’1500 na 2000 by’amadorali byaba ari byiza kurushaho.

Umwe mu batoza barimo kuvugwa muri iyi kipe, ni Hitimana Thierry aho ubu atoza mu irerero rya Bayern Munich.

Gusa uyu mutoza bivugwa hari bamwe muri komite ya Rayon Sports barimo n’umunyamabanga w’iyi kipe, Patrick Namenye batabona ko ari we mahitamo meza.

Gusa ku rundi ruhande, amakuru avuga ko na Hitimana Thierry uheruka gusinya amasezerano y’imyaka 2 nk’umutoza mu irerero rya Bayern Munich nubwo yahuye n’ubuyobozi bwa Rayon Sports na we atarafata umwanzuro wo kuba yasezera akazi ke akajya muri Rayon Sports.

Hitimana yatoje amakipe nka Bugesera FC, Rayon Sports, Amavubi y’Abatarengeje imyaka 23 yanatoje kandi hanze y’u Rwanda amakipe yo muri Tanzania nka Namungo FC, Mtibwa Sugar, KMC na Simba SC.