Author: webrwanda

Umuramyi Bigirimana Fortran ukomoka i Burundi ariko akaba amaze imyaka 10 atuye mu gihugu cy'u Bufaransa hamwe n'umuryango we, yagarutse mu Rwanda gutaramira abanya-Kigali nyuma yo gukora igitaramo cyahesheje umugisha abanya-Canada.

Mu kiganiro Fortran yagiranye n'itangazamakuru kuri uyu wa Kane tariki 12 Mutarama 2024, yatangaje ko uyu mushinga yise 'Birakwumvira Live Recording Experience,' hashize imaze imyaka ibiri Imana iwushyize ku mutima we.

Mu gihe iki gitaramo kibura umunsi umwe gusa ngo kibe, uyu muramyi umaze imyaka 20 mu muziki yatangaje ko nta mpungenge abantu bakwiiye kugira batekereza ko yaba yaratinze kukimenyekanisha, kuko Imana yamutegetse kugikora ku giti cye bitabaye ngombwa ko hiyambazwa abaterankunga nk'uko bisanzwe bimenyerewe.

Fortran kandi yahumurije abanyarwanda bose bahangayikishijwe n'uko azaririmba indirimbo z'Igifaransa gusa ntibibone mu gitaramo cye, avuga ko indirimbo zose azakora ziri mu ndimi bisangamo arizo Ikinyarwanda n'Ikirundi.

Yafashe umwanya avuga ku buzima bukomeye yaciyemo bwo kubura ababyeyi akiri muto cyane, ndetse n'imvune ikomeye yagize byamuviriyemo no kwisabira urupfu bitewe n'uko ubuzima bwari bumushaririye cyane. Avuga ko ubwo yari ari mu bitaro, ari bwo Imana yamusuye ikamuha umuhamagaro agenderaho uyu munsi.

Uyu muramyi ukunze gukoresha amagambo yuzuyemo ihumure, yasobanuye ko aba ashishikajwe no gusubizamo abantu ibyiringiro kuko yanyuze mu bihe bibi azi n'uko biryana.

Yaboneyeho no gusobanura ko kwinjira mu gitaramo cye yabigize ubuntu kuko adashaka ko kwishyura byaba imbogamizi kuri bamwe, atangaza ko yashyizeho itike y'ibihumbi 20Frw ku bantu bifuza gutera inkunga igitaramo cye yise 'Birakumvira.'

Uyu muramyi yiseguye ku banyarwanda kuko atashoboye kuzana n’umuryango we bitewe n’ingendo yari amazemo iminsi ndetse n’izindi gahunda z’ubuzima bafite mu Bufaransa.

Daniella wageze kuri Home Free Hotel ahaberaga ikiganiro n'itangazamakuru akerewe ku bw'impamvu z'umuryango, yavuze ko Fortran arenze kure umuvandimwe kuri bo, bityo ko biteguye kumushyigikira cyane mu gitaramo cye.

Fortran yavuze ko itsinda rya James na Daniella babaye inshuti ze cyane, ari nayo mpamvu aribo yahisemo gukorana nabo bitewe n'uko nawe yabafashije cyane mu bitaramo baherutse gukorera i Burayi bigatuma nabo bifuza kumushyigikira cyane.

Fortran Bigirimana azwi cyane mu ndirimbo nka ‘Azonyambika,’ ‘Ntaco Nzoba,’ ‘Birakumvira’ yafatanyije na Adrien Misigaro, ‘Amahoro’ n’izindi.

Biteganyijwe ko iki gitaramo kizabera Kicukiro kuri New Life Bible Church, kigatangira ku isaha y'i Saa Kumi n'imwe z’umugoroba. Ni igitaramo yatumiyemo Apotre Dr. Paul Gitwaza afata nk’inshuti ndetse n’umukozi w’Imana ko kubaha nk’uko yabihamirije inyaRwanda.com

Agiye gukora iki gitaramo mu ntangiriro za 2024 nyuma y'uko gisubitswe kuko cyagombaga kuba mu mpera z’umwaka ushize ku ya 10 Ukuboza 2023, kikaririmbwamo n'abahanzi batandukanye barimo Aime Uwimana, Gaby Kamanzi n'abandi.

Umuramyi Fortran agiye kongera gutaramira mu Rwanda nyuma y’imyaka 5

Ndayishimiye Christophe, ari gufasha Fortran mu mitegurire y’igitaramo by’umwihariko mu bijyanye n’umuziki

Edidia, niwe uri guhuza ibikorwa bijyanye n’igitaramo cya Fortran 

Yateguje abazitabira ko bazumva Imana

Daniella yasobanuye ko ibitaramo bakubutsemo i Burayi byagenze neza cyane

Yatangaje ko bagiye mu bihugu 9 ku mugabane w’u Burayi nubwo byose batabashije kubitaramiramo

Fortran yavuze ko yatumiye Apotre Gitwaza mu gitaramo cye kuko basanzwe ari inshuti cyane

Fortran yavuze birambuye ku gitaramo agiye gukorera mu Rwanda nyuma y’imyaka 5

Reba hano amafoto menshi yafatiwe mu kiganiro Bigirimana Fortran yagiranye n’itangazamakuru

REBA IKIGANIRO FORTRAN BIGIRIMANA YAGIRANYE N’ABANYAMAKURU

PHOTOS & VIDEO: Freddy RWIGEMA – InyaRwanda  

Ibihugu byibukije iyi ngingo Perezida Felix Tshisekedi, ni u Bubiligi n’u Bufaransa, mu matangazo yatanzwe na Guverinoma z’ibi Bihugu bwifuriza ishya n’ihirwe uyu mukuru wa RDC.

U Bufaransa bubinyujije muri Minisiteri y’Ububanyi n’Amahanga, bwagize buti 'Twifurije ishya n’ihirwe Perezida wongeye gutorwa ariko tunahamagarira impande zose za politiki ndetse na Sosiyete Sivile muri Congo, gufungura inzira z’ibiganiro, mu gucubya umwuka uri mu Gihugu.'

Nanone kandi iyi Minisiteri yavuze ko bitewe n’ibibazo by’umutekano mucye bikomeje kugaragara mu Burasirazuba bwa Congo, u Bufaransa bugishyigikiye inzira zashyizweho n’Abakuru b’Ibihugu byo mu karere, bemeje ko guverinoma ya Congo igomba kuganira n’imitwe yose.

Ku rundi ruhande, Guverinoma y’u Bubiligi na yo yavuze ko yishimiye kongera gutorwa kwa Felix Tshisekedi, ariko imusaba gukomeza kuyoboka inzira zose zigamije gushakira amahoro uburasirazuba bw’Igihugu cye.

Ibi Bihugu bikomeje kugaragaza ko byishimiye intsinzi ya Tshisekedi mu gihe abo bari bahanganye mu matora, batemera ibyayavuyemo, ndetse bamwe bakaba bagikomeje gusaba ko yazasubirwamo.

UKWEZI.RW

Ni urubanza rwaburanishijwe n’Urukiko rw’Ibanze rwa Gacurabwenge kuri uyu wa Kane tariki 11 Mutarama 2024.

Ni icyaha cyabaye tariki 19 Ukuboza 2023, ubwo abo bantu bazindutse mu gitondo bakajya gusenya igipangu cya Nzeyimana Jean utuye mu Mudugudu wa Nyabitare, Akagari ka Ruyenzi, Umurenge wa Runda.

Ni mu gihe icyo gipangu cyasenywe ari icy’uyu Nzeyimana yaguze mu cyamunara ya Banki izwi nka GT Bank.

Gusa ngo uyu Nzeyimana yaje guhura n’imbogamizi kuko abana b’uwari nyiri iki gipangu, bashatse kumusohoramo, bamurega no mu nkiko baburanye baratsindwa, ari nabwo bakoraga iki gikorwa cyo kumusenyera.

Ubushinjacyaha bwagaragaje ko ibyo aba bakoze bidakurikije amategeko bityo ko ari icyaha cyo gusenya inyubako itari iyawe no kwigomeka ku byemezo by’inkiko.

Abaregwa bahawe umwanya, bireguye bavuga ko basenyaga urukuta ruri mu butaka bwabo bufite UP1 406,ko butari mu butaka bwagurishijwe muri cyamunara kandi ko bari barabigaragarije inzego z’ubuyobozi.

Abunganira abaregwa nabo bavuga ko nta cyaha cyakozwe kuko basenyaga umutungo wabo bagamije kuhakorera ibindi bikorwa, bagasaba ko abafunze barekurwa, bagasanga imiryango yabo.

Umushinjacyaha yabajije abaregwa uko hagurishijwe umutungo w’inzu ariko igipangu cyayo cyigasigara.

Abaregwa bireguye bavuga ko ibyo batabibazwa kuko byari kuba byarakosojwe n’uwemeza ko ubutaka ari ubwe.

Abakoreshejwe mu gusenya inyubako uko ari abarindwi nabo bahawe umwanya, bireguye bavuga ko uyu Mukakarangwa Lea, yabahaye akazi maze nabo bakagakora.

Umwe muri bo uvugwa ko yahawe ikiraka agashaka abasenya, yavuze ko yahawe na Mukakarangwa Lea ikiraka, amwemerera amafaranga 80.000Frw ariko akaza guhabwa 50.000frw, maze nabo batangira akazi.

Urukiko rwababajije niba batari bazi ko bari kwijandika mu byaha, basubiza ko icyo bari bagamije kwari ugukora akazi, bagahembwa kuko bari bizeye uwakabahaye nabo basaba urukiko kubarekura.

Ubushinjacyaha bwashinje Mukakarangwa Lea na Eric Mutangana icyaha cyo gusenya inyubako itari iyabo no kwigomeka ku byemezo by’inkiko, bubasabira gufungwa imyaka itanu n’ihazabu ya miliyoni 5 Frw.

Ni mu gihe abahawe akazi uko ari barindwi bo bashinjwa ubufatanyacyaha mu gusenya inyubako itari iyabo, bubasabira gufungwa imyaka itatu n’ihazabu ya miliyoni 3 Frw.

Icyemezo cy’urukiko kizasomwa ku wa 16 Mutarama 2024 saa cyenda z’amanywa.

Mu cyumba cy’Urukiko Rwisumbuye rwa Nyarugenge hari abantu benshi bari baje kumva uru rubanza ruregwamo Kazungu wavugishije benshi, gusa bategereza ko ahagera baraheba.

Abamwunganira bo bageze ku cyicaro cy’Urukiko mu gitondo cyo kuri uyu wa Gatanu tariki 12 Mutarama 2024, mu gihe umukiliya wabo we yari ari ku Igororero rya Nyarugenge aho afungiye, aburana hifashishijwe ikoranabuhanga.

Uruhande rwa Kazungu ndetse n’ubwunganizi bwe, babwiye Urukiko ko batabonye umwanya wo kwicara ngo bategure bihagije urubanza, bityo ko bifuza igihe cyo kurutegura.

Kazungu wari uri ku ikoranabuhanga, yabwiye Urukiko ko yari yumvikanye n’umwunganizi we ko basaba ko urubanza rusubikwa kuko batabonye uko bategura urubanza.

Me Faustin Murangwa wunganira Kazungu Denis yabwiye Urukiko ko nubwo batabonye umwanya uhagije wo gutegura urubanza, ariko ko nyuma y’icyumweru biteguye kuba baburana.

Ni icyifuzo cyumviswe n’Urukiko, rwafashe icyemezo cyo gusubika urubanza, rurwimurira tairki 02 Gashyantare 2024.

UKWEZI.RW

Kapiteni wa Rayon Sports, Rwatubyaye Abdul yavuze ko abakinnyi babiri bakina bataha izamu iyi kipe yongeyemo ari abakinnyi beza ariko na none umukino w’uyu munsi ari wo uribwerekane niba koko batarabibeshyeho.

Mbere yo gutangira imikino yo kwishyura ya shampiyona, Rayon Sports yongeyemo abakinnyi batatu bayobowe na ba rutahizamu babiri; Alsény Camara ukomoka muri Guinea na Paul Gomis ukomoka muri Senegal ndetse n’umunyezamu ukomoka muri Senegal, Khadime Ndiaye.

Agaruka kuri aba bakinnyi bakina bataha izamu, kapiteni wa Rayon Sports, Rwatubyaye Abdul yavuze ko ari abakinnyi bagaragaje ko ari abakinnyi beza mu myitozo ariko bakaba bari bumenye niba bazabafasha ku mukino w’uyu munsi.

Ati 'Nkurije wenda imyitozo ntabwo umwataka ameze neza nk’uko ubyifuza cyangwa ubishaka ariko mu myitozo bameze neza cyane, bari hejuru uretse wenda ikintu cyo kubura imikino (match fitness) ntabwo twigeze dukina wenda imikino ya gicuti ariko ni abakinnyi bakuru, ni abakinnyi bafite ubunararibonye umusaruro bazatanga ku mukino wa Gasogi United ni ho tugomba guhera tuvuga ko bazadufasha cyangwa se dushobora kuba dufite icyuho.'

Rayon Sports uyu munsi irakina na Gasogi United saa 18hoo’ mu mukino w’umunsi wa 16 ari na wo ufungura imikino yo kwishyura ya shampiyona ya 2023-24, byitezwe ko aba bakinnyi bombi bari bugagaragare mu kibuga ndetse nta gihindutse bakaza no kukibanzamo.

Igitaramo cya Gen Z Comedy cyabatijwe Iseka Rusange, cyabaye mu Ijoro ryo kuri uyu wa Kane tariki 11 Mutarama 2024, muri Camp Kigali mu mujyi wa Kigali. Ni igitaramo kimaze kuba ubukombe dore ko cyitabirwa bikomeye kandi kigatanga ibyishimo bisendereye.

Iki gitaramo cyitabiriwe n’abarimo Minisitiri w’Urubyiruko n’Iterambere ry’Ubuhanzi, Utumatwishima Abdallah uri kugaragaza imbaraga mu gushyigikira cyane ibikorwa birimo ubuhanzi. Ni igitaramo cyanyuze benshi, batangira umwaka wa 2024 banezerewe.

Nyuma yo gutanga ibyishimo binyuze mu mbyino gakondo ku bitabiriye iki gitaramo gisanzwe kiba kabiri ku kwezi, bamwe mu bagize iri torero “Ibihame by’Imana” ari bo Cyogere na Kanyankore Mucyo, basobanuye inkomoko y’izina ryabo rifite amateka akomeye ku mitima yabo.

Mu gace kiswe “Meet Me Tonight” gatumirwamo abahanga mu buhanzi runaka, ababarizwa mu Itorero Ibihame by’Imana rigizwe n’abasore b’intore, bavuze ko iri zina ryatoranijwe kubera uburemere bwaryo, buganisha ku gukomera, bifuza gukora ibitazibagirana.

Bagize bati: “Twahisemo izina Ibihame kuko twumvaga iryo zina rikomeye, twakwisanisha naryo tugakomera mu buhanzi bwacu”. Ubwo bagarukaga ku ntego zabo bavuze ko bashinze iri torero bagamije gutanga ubutabazi no gusigasira umuco mu banyarwanda batanga ibyishimo.

Ku bijyanye n’inama iruta izindi ku rubyiruko n’abandi bose bitabiriye, Ibihame by’Imana basabye urubyiruko kubyaza umusaruro ibitekerezo byabo, kandi bakamenya ko impano zabo ari umutungo ukomeye bafite.

Iri torero ryavutse mu mwaka wa 2013, rikaba rigaragaramo ibyamamare mu muziki w’u Rwanda nka Ruti Joel. Rimaze kugera kuri byinshi no kwaguka mu gihe bamaze bakora, batanga ibyishimo ku banyarwanda n’abanyamahanga.

Aba babyinnyi b’intyoza, batarama mu muco w’u Rwanda, benshi bakizihirwa, bavuze ko intego yabo nyamukuru nk’Ibihame by’Imana ni “ugutoza abazatoza u Rwanda rw’ejo”.

Bagarutse ku gitaramo cyabo bwite bari gutegura cyitwa “Mutarama”, bavuga ko cyashyizwe mu ntangiriro z’umwaka, mu kwezi kwa Mutarama, bagatangira umwaka bataramira benshi bihebeye inyigisho zuzuye umuco, ziba mu bihangano byabo.

Bahisemo izina Ibihame by’Imana bifuza gukomera bagakora ibifasha abantu

Umunyamideri Franco Kabano yitabiriye igitaramo cy’urwenya benshi bagaruka ku ruhara rwe

Muyoboke yitabiriye iki gitaramo

Benshi bizihiwe mu gitaramo cy’urwenya

Minisitiri Utumatwishima Abdallah yitabiriye igitaramo cy’abanyarwenya

Ibihame by’Imana byataramiye abitabiriye iki gitaramo biganjemo urubyiruko

Benshi babuze aho bicara kubera ubwinshi bw’abantu

Benshi bizihiwe mu gitaramo cy’urwenya cya Gen Z Comedy cyabatijwe ‘Iseka Rusange’

AMAFOTO: Freddy Rwigema – InyaRwanda.com

Umutoza wa Rayon Sports, Mohamed Wade yavuze ko nta kibazo na kimwe afitanye n’abakinnyi b’Abagande bataragaruka muri iyi kipe kandi ko uretse na bo nta n’undi mukinnyi bafitanye ikibazo.

Ni nyuma y’uko iyi kipe imaze ibyumweru hafi 3 ikora imyitozo yitegura imikino yo kwishyura ya shampiyona ya 2023-24 igomba gutangira uyu munsi ku wa Gatanu, abakinnyi batatu b’Abagande bakinira iyi kipe batarayigaragaramo.

Ba rutahizamu Joackiam Ojera na Charles Baale ndetse n’umunyezamu Simon Tamale ntabwo baratangira imyitozo muri Rayon Sports aho bavuga ko babuze itike ibakura iwabo muri Uganda bagaruka mu Rwanda, bayisabye ubuyobozi bwa Rayon Sports bubabwaira ko bakwitegera bagaruka cyane ko bagiye nta ruhushya bikaba bitari no mu masezerano ya bo.

Umunya-Mauritania utoza Rayon Sports, Mohamed Wade abajijwe niba atari imbogamizi gutangira shampiyona adafite aba bakinnyi, yavuze ko kuri we abakinnyi bose bangana nta mukinnyi kamara mu ikipe, agomba kwita ku bo afite.

Ati 'Njye nta mukinnyi w’icyamamare (star) ngira, nta mukinnyi kamara ngira, abakinnyi bose barangana. Ngiye gukinisha abakinnyi mbona, ntabwo najya kwita ku bakinnyi ntarimo kubona, ngomba gukomeza kwita ku bakinnyi ndi kumwe na bo, ngomba gukomeza kwita ku ikipe yanjye, nibagaruka mu kazi bazakina.'

Abajijwe niba hari ikibazo yaba afitanye n’aba bakinnyi akaba ari yo mpamvu batinze kuza, yavuze ko ntacyo ndetse ko atari umutoza wagirana ibibazo n’abakinnyi.

Ati 'Njyewe ntabwo ndi umutoza ugirana ibibazo n’abakinnyi, kuva nagera hano nta mukinnyi n’umwe ndagirana na we ikibazo, ntabwo ndi umuntu wagirana ikibazo n’abakinnyi kuko buri gihe mba ku ruhande rw’abakinnyi banjye, nta kibazo mfitanye na bo, nta makuru ya bo mfite.'

Rayon Sports iri ku mwanya wa kane n’amanota 27, irasubukura imikino yo kwishyura ya shampiyona kuri uyu wa Gatanu tariki ya 12 Mutarama 2024 ikina na Gasogi United saa 18h00′ kuri Kigali Pele Stadium.

Mohamed Wade yavuze ko nta mukinnyi kamara kandi ko nta n’ikibazo afitanye n’abakinnyi b’Abagande