Author: webrwanda

Rayon Sports yatangiye nabi imikino yo kwishyura ya shampiyona nyuma yo gutsindirwa ku itara rya Kigali Pelé Stadium na Gasogi United ibitego 2-1.

Ni Rayon Sports yari yakiriye Gasogi United mu mukino w’umunsi 16 wa shampiyona y’icyiciro cya mbere mu Rwanda umwaka w’imikino wa 2023-24, akaba ari na wo mukino wafunguraga imikino yo kwishyura.

Iyi kipe yambara ubururu n’umweru ikaba itari ifite bamwe mu bakinnyi ba yo nka Joackiam Ojera, Simon Tamale na Charles Baale batari bagatangiye imyitozo ni mu gihe Luvumbu watangiye imyitozo atinze yari yabanje ku ntebe y’abasimbura.

Mu minota ya mbere y’umukino, Rayon Sports wabonaga yashyize igitutu kuri Gasogi United ariko ntiyabasha kureba mu izamu.

Gasogi United yaje kuyigaranzura ndetse ibona amahirwe akomeye nk’umupira wa Kabanda Serge wakubise igiti cy’izamu ndetse n’imipira 2 ya Lesere Cedric umunyezamu Bonheur yakuyemo.

Ubwugarizi bwa Rayon Sports wabonaga burimo gusa n’ubuhuzagurika, Gasogi United yaje kubyungukiramo maze ku munota wa 30, Kabanda Serge atsindira Gasogi United igitego cya mbere ku mupira mwiza yari ahawe na Nkubana Marc Govin. Amakipe yombi yagiye kuruhuka ari 1-0.

Rayon Sports yatangiye igice cya kabiri ikora impinduka 3, Paul Gomis, Kalisa Rashid na Nsabimana Aimable bavuyemo hinjiramo Alyséne Camara, Héritier Nzinga Luvumbu na Mitima Isaac.

Izi mpinduka ntacyo zafashije cyane Rayon Sports kuko n’ubundi Gasogi United yakomeje kuyirusha ndetse ku munota wa 56 ibona igitego ariko umusifuzi asifura ko Mugisha Joseph wagitsinze yaraririye.

Nyuma y’iminota 3 gusa, Gasogi United ku burangare bw’ubwugarizi bwa Rayon Sports, Kabanda Serge yatsindiye Gasogi United igitego cya kabiri.

Rayon Sports yashatse uko yishyura ibi bitego maze ku munota wa 4 w’inyongera Luvumbu atsindira Rayon Sports impozamarira kuri kufura. Umukino warangiye ari ibitego 2-1.

Gahunda y’umunsi 16

Ku wa Gatanu tariki ya 12 Mutarama 2024

Rayon Sports 1-2 Gasogi United

Ku wa Gatandatu tariki ya 13 Mutarama 2024

Musanze FC vs Etoile del’Est
Bugesera FC vs AS Kigali
Mukura VS vs Amagaju FC
Gorilla FC vs Etincelles FC

Ku Cyumweru tariki ya 14 Mutarama 2024

Sunrise FC vs Police FC
Muhazi United vs Kiyovu Sports
APR FC VS Marines FC

Niba ukurikirana imbuga nkoranyambaga byumwihariko wabonye cyangwa wumvise intambara y’amagambo hagati y’umushabitsi ku mbuga nkoranyambaga Mbabazi Chadia wamamaye ku izina rya Shaddyboo ndetse n’umunyamakuru akaba n’umuhanzi Austin Lowano wamamaye nka Uncle Austin.

Aba bombi basanzwe bazwiho ubushuti ariko ubu barapfa ko Uncle Austin yaba yaragambaniye Shaddyboo wari ugiye gukodesha inzu, akayihesha undi muntu.

Ibi byagiye hanze ku munsi w’ejo ubwo Shaddyboo yakoranyaga abamukurikira ku rubuga rwa X rwahoze rwitwa Twitter, akavuga ko Uncle Austine yamugambaniye ubwo yemeranyaga amafaranga yo gukodesha inzu na nyirayo ariko ngo uyu Uncle Austin akamuca ruhinga akayihesha undi muntu utari Shaddyboo kuko ngo afite uko abanye n’uwo nyiri inzu.

Shaddyboo mu gahinda kenshi, yumvikana arira, avuga ko Uncle Austin atakabaye amuhemukira ngo amwimishe aho abana be barambika umusaya kandi nawe ari umubyeyi.

Agira ati,”Ndibaza, namukoreye iki gituma anyima aho abana banjye baryama. Birababaje kuko nawe ni umubyeyi, si umusore, afite umwana. Akanyima inzu!

Ahubwo bitewe n’ukuntu tuziranye , yakabaye abingiramo ngo nyifate none ahubwo arimo kunyima inzu?”.

Shaddyboo yavuze ko yibaza impamvu Auncle Austin amufitiye urwango bigeze aho amugambanira.

Avuga ko impamvu Uncle Austin yanze ko akodesha iyo nzu ari uko atamwiyumvishemo bigatuma agira inama nyiri inzu ko yakwima Shaddyboo inzu kuko ngo yajya ahora yisobanura mu nzego z’umutekano kuko ngo uyu mukobwa ahora mu mafuti.

Uncle Austin akimara kubona ibyo Shaddyboo yatangaje, yamuhaye ubutumwa burebure  ku rubuga rwa WhatsApp, asobanura ko yatunguwe no kubona Shaddyboo atangaza amagambo nkariya, yanavuze ko atazi icyamuteye kuvuga kuriya ndetse ko ntaho ahuriye n’ibyo kwimwa inzu kwa Shaddyboo.

Auncle Austin yahise afata ubutumwa yandikiye Shaddyboo maze ubushyira kuri X abaza Shaddyboo niba hari ikibazo kindi afite ngo bamuhe ubufasha ariko akareka kumuharabika.

Shaddyboo nawe yahise aza amusubiza ko gufata ubutumwa yamwandikiye mu gikari akabuzana kuri Twitter ari amatakirangoyi ndetse arimo yishinja icyaha gusa ko ibyo yapanze byose nta na kimwe cyagezweho.

Intambara yakomeje, Austin ahamya ko Shaddyboo atameze neza ahubwo ko akeye ubufasha mu gihe bikomeje gutya.

Icyakora Austin yasabye ko bireka kuba agatwiko kamenyerewe ku mbuga nkoranyambaga.

Ubusanzwe Shaddyboo ni umubyeyi w’abana babiri yabyaranye na Meddy Saleh uzwi mu gukora amashusho y’indirimbo naho Uncle Austin afite umwana yabyaranye n’umugore baje  gutandukana.

Intambara ya Shaddyboo na Uncle Austin irakomeje

Shaddyboo ntiyumva ukuntu Uncle Austin amwimisha inzu

Shadddyboo ashinja Uncle Austin kumugambanira akamubuza gukodesha inzu avuga ko yamuteza Polisi kuko ngo ahora mu makosa

Uncle Austin avuga ko atazi ibyo Shaddyboo avuga n’aho byabereye ahubwo akemeza ko akeneye ubufasha
 

• Rayon Sports ikindi kibazo ifite kiri kuyigora, ni ukugera imbere y’izamu ifite umupira wo hasi, kuko bari guterera imipira kure kandi nayo ikagera mu rubuga rw’amahina rwa Gasogi United itagikanye, bisaba ko Luvumbu yinjira mu kibuga.

• 45″ Umusifuzi yongeyeho iminota 3 y’inyongera kugirango igice cya mbere kirangire.

• 42″ Hategekimana yongeye gutabara Rayon Sports ku mupira uvuye muri koroneri, Lisere aterekaho umutwe, umupira ugwa mu maguru ya Hategekimana uragaruka

• Ikintu umuntu yavuga ni uko, Umutoza wa Rayon Sports Amahitamo yakoze yo gushyira Aimable mu mutima w’ubwugarizi, byabaye amahitamo mabi kuko bigaragara ko ari hasi bigendanye n’igihe yaherukiraga mu kibuga. Nsabimana Aimable gukorana na Rwatubyaye byanze ndetse ubonako afite umuvuduko wo hasi.

• 
  

• 
  

• Alain Kirasa utoza Gasogi United, areba uburyo ikipe ye yayidanangiye, bigaragara ko Rayon Sports kuzakugorana bizagorana 
  

• Dauda Ibrahima

  Niyitegeka Idrissa

  Udahemuka Jean de Dieu

  Nshimiyimana Marc Govin

  Muderi Akabar

  Lisere Cedric Lisombo

  Hakizimana Adolphe

  Malipangou Christian

  Kabanda Serge

  Henock Yao

  Mugisha Rama Joseph

• Abakinnyi 11 Gasogi United yabanje mu kibuga

• 28″ Igitego cya Gasogi United: Gasogi United yari yakomeje gutanga ibimenyetso byo gushaka igitego, ifunguye amazamu ku mupira uzamukanwe na Muderi Akibar ahereza neza Kabanda Serge, ahita atereka mu izamu nta kuzuyaza
• 26″ Gasogi United ikaba ihushije ikindi gitego ku mupira wari utewe na Muderi Akibar ariko unyura kuruhande gatoya
• 
  
• Abakinnyi 11 Gasogi United yabanje mu kibuga
• 
  
• Abakinnyi 11 Rayon Sports yabanje mu kibuga

18″ Gasogi United ihushije igitego cyari cyabazwe, nyuma yaho abakinnyi bagera kuri 3 bari basigaranye n’umunyezamu nyuma yaho Karisa yari atakaje umupira, gusa abakinnyi ba Gasogi United barawusiganira Lisombo awuteye ufata igiti cy’izamu.

17″ Malipangau ateye kufura neza, ndetse acunze uko umunyezamu wa Rayon Sports yari ahagaze umupira awurenza urukuta ariko Hategekimana ariyandayanda umupira awukuramo

15″ Selumogo Ali ahawe ikarita y’umuhondo, aba umukinnyi wa mbere ubonye iyi karita muri uyu mukino, ndetse Gasogi ikaba ihawe kufura

Abakinnyi 11 Rayon Sports igiye kubanza mu kibuga

Hategekimana Bonheur

Rwatubyaye Abdul

Nsabimana Aimable

Serumogo Ali

Ganijuru Elie

Ngendahimana Eric

Iraguha Hadji

Kalisa Rachid

Alon Gomis

Muhire Kevin

Tuyisenge Arsene

Amakipe yombi akaba atangiye umukino asatirana cyane ndetse ubona ko buri kipe ishaka igitego hakiri kare

08″ Koroneri ya mbere ya Rayon Sports itewe na Tuyisenge Arsene ariko Gomis ashyizeho umutwe urarenga

05″ Gasogi United ibonye koroneri ya mbere ku mupira urengejwe na Ganijuru ariko bayiteye ntiyagira icyo itanga

Ikipe ya ya Rayon Sports yambaye amakabutura y’umweru imipira y’ubururu ndetse ndetse n’amasogisi y’umweru. Gasogo United yambaye imipira ya orange, amakubutura y’umukara ndetse n’amasogisi ya Orange

Gomis abwira umufotozi ati “mfata aka gafoto k’amateka muri Rayon Sports”

18:00″ Umukino uratangiye: Reka twongere tubahe ikaze bakunzi ba InyaRwanda mu mukino wa shampiyona y’u Rwanda uri guhuza ikipe ya Rayon Sports na Gasogi United. Ni umukino ufungurira iyindi mu mikino yo kwishyura

Abafana by’umwihariko ba Rayon Sports, bakaba babukereye, byumwihariko abicara mu gice cyo hakurya y’ikibuga kidatwikiriye

17:56″ abakinnyi babanza mu kibuga nabo bakaba bamaze kwinjira ndetse ubu bari gufata amafoto y’urwibutso

17:55″ Abakinnyi b’abasimbura bakaba bagarutse mu kibuga aho bagiye kwicara ku ruhande, bagategereza 11 babanza mu kibuga

Iradukunda Pascal yongeye kuzamurwa mu ikipe nkuru, kuva Wade yatangira gutoza Rayon Sports nk’umutoza mukuru

Rwatubyaye Abdul ni umwe mu bakinnyi bo kwitega mu mikino yo kwishyura, kuko ari kugana ku musozo w’amasezerano ye

17:45″ Amakipe yombi asubiye mu rwambariro, akaba aribugaruke umukino utangira

17:30″ Abasifuzi barangajwe imbere na Rurisa bakaba binjiye mu kibuga aho nabo baje kwishyushya.

17:15″ Amakipe yombi yinjiye mu kibuga, akaba aje kwishyushya mbere y’uko umukino utangira.

Abakinnyi nka Paul Alon Gomis, Khadime Ndiaye na Alseny Agogo Camara, bose bakaba babukereye.

Gasogi United nayo ahanini igiye gukoresha abakinnyi yari isanganwe dore ko ahubwo muri aka karuhuko yagabanyije abakinnyi aho kubongera.

Uyu mukino niwo ugiye gufungurira imikino 120 izakinwa mu mukino yo kwishyura nk’uko byagenze mu mikino ibanza. Umukino ubanza, ikipe ya Rayon Sports yari yatsinze Gasogi United ibitego 2-1.

Uyu mukino ugiye gutangira saa 18:00 PM, uraba ari uwa 10 ugiye guhuza aya makipe muri shampiyona, aho mu mikino 9 iheruka, Rayon Sports yatsinzemo imikino 5 inganya 3 itsindwa umukino umwe. Gasogi United iheruka gutsinda Rayon Sports tariki 23 Ukuboza 2022, igitego 1-0, icyo gihe Rayon Sports nabwo ikaba ariyo yari yakiriye.

Aya makipe agiye guhura arushanwa amanota 9, kuko Rayon Sports iri ku mwanya wa 4 n’amanota 27, mu gihe Gasogi United iri ku mwanya wa 8 n’amanota 18.

Gasogi United na Rayon Sports ni umukino ujya kuba amakipe yombi yabanje guterana amagambo yo hanze y’ikibuga, ari nako byagenze muri iki cyumweru cy’uyu mukino.

Perezida Kagame yageze muri Zanzibar kuri uyu wa Gatanu tariki 12 Mutarama 2024, nk’uko buatangajwe n’Ibiro by’Umukuru w’u Rwanda.

Ubutumwa bwatambutse ku rubuga rwa X, Ibiro bya Perezidansi y’u Rwanda, bugira buti 'Perezida Kagame yageze mu mujyi wa Zanzibar, mu kwizihiza isabukuru y’imyaka 60 y’ubwigenge bwa Zanzibar biba uyu munsi.'

Ibi birori biba ku mugoroba wo kuri uyu wa Gatanu, biranitabirwa na Perezida wa Tanzania, Samia Suluhu Hassan.

Ibi birori kandi biraba birimo Perezida wa Zanzibar akaba n’Umuyobozi w’Akanama k’Impinduramatwara ka Zanzibar, Dr. Hussein Ali Mwinyi.

UKWEZI.RW

Mbabazi Shadia wamamaye nka Shaddyboo ku mbuga nkoranyambaga, ntacana uwaka n’umuhanzi akaba n’umunyamakuru Uncle Austin ashinja kumwimisha inzu yo gukodesha.

Shaddyboo aheruka kuvugira kuri Twityer kuri Space ko yahuriye n’uyu muhanzi yafataga nk’inshuti he ku nzu ashaka kuyikodesha ariko agakora ibishoboka byose ngo nyir’inzu ayimwime, aho yamubwiye ko ari indaya kandi mu rugo rwe hazahoramo akavuyo.

Ati “Yabwiye nyir’inzu ko ndi indaya idashobotse yajya ihora iteza akavuyo ku buryo hajya hahora na Polisi yongeraho ko atizeye ko najya mbasha kuyishyura.'

Uncle Austin yifashishije urukuta rwe rwa Twitter, yashyizeho ubutumwa aheruka koherereza Shaddyboo amubaza ibyo yumvise abantu bamwoherereje yavuze kuri Uncle Austin.

Muri ubwo butumwa Uncle Austin agaragaza ko hari inzu bahuriyeho ariko Shaddyboo ntayishime.

Ati “none se ibintu abantu bari kunyoherereza maze kumva ni ibiki? Byabaye ryari? Gute? Ko njye nta kintu twigeze tuvugana ibi byavuye he? Nta nyir’inzu (landlord) nzi uri kuvuga nzi kuko nta n’umwe njye na we twigeze tuvuganaho.”

“Inzu nari narafashe warayisuye urayanga uragenda, waje kumpamagara umbaza niba igihari yari akimara kumbwira ko yabonye undi ngo njyende ansubize amafaranga, niko byari bimeze, uwamwishyuye simuzi n’uwayifashe nta we nzi, ni gute ujya kuvuga kuriya nta kintu njye na we cyangwa n’undi njye nigeze mvugana na we? Ko ntazi n’ibyabaye nyuma ni gute munzana mu bibazo byanyu?”

Shaddyboo na we yahise aza avuga ko byonyine gushyira hanze ubutumwa yamwoherereje ari ubugoryi ariko na none bigaragaza ko ibyo yamwifuzagaho bitabaye.

Ati “byonyine gushyira hanze ubutumwa wanyoherereje ni ubucucu, gusa bigaragaza ko ibyo wateguraga bitakoze.”

Yakomeje amubaza niba umudiyasipora yashakiraga inzu yarayibonye cyangwa amufashe kuyimushakira.

Ati “Waba waraboneye umudiyasipora wawe inzu? Cyangwa ngire iyo nkurangira? Jya kuri bamwe mwavuganaga cyangwa ureke baguhamagare kuri radio usobanure buri kimwe. Nta mutima mubi ariko ntuzongere. “

Posting on Twitter the message you sent me on WhatsApp is just ridiculous 😂😂. But it will prove that whatever you planned for me didn’t work 😂😂.
Have you found another house for your Diaspora, or should I suggest another one for you? Go back to those you’ve talked to, or let… https://t.co/3y39AcB3by

— Shaddyboo (@shaddyboo__92) January 12, 2024

Shaddyboo ashinja Uncle Austin kumwimisha inzu yo gukodesha

Uncle Austin yamwigaramye

Abaturage batuye mu gasantire ka Kagese bavuga ko ubuyobozi bw’Umurenge wa Nasho buherutse gusenyera umuturage igipangu yarimo kubaka ariko bakavuga ko Umunyamabanga Nshingwabikowa w’Umurenge yakoreshejwe n’umuturanyi w’uwasenyewe wamutegekaga kubaka uko abishaka ndetse bagasaba ko mugenzi wabo arenganurwa dore ko yari yahawe icyangombwa kimwemerera kubaka.

Bivugwa ko tariki ya 27 Ukuboza 2023 , Umunyamabanga Nshingwabikowa w’Umurenge wa Nasho, Munyaneza William yajyanye na Dasso bafata abakarani ahitwa ku Murindi wa Nasho bajya gusenya igipangu cya Byaruhanga Theogene warimo kubaka ndetse afite icyangombwa cyo kubaka yahawe n’uyu Murenge wa ndetse  akaba yarubahirije ibyo yari yasabwe nk’uko byanditse mu cyangombwa .

Abaturage bavuga ko gusenyera Byaruhanga byaturutse ku cyifuzo cya Rugayabahunga Theonestse ushanzwe ari Rwiyemezamirimo bakavuga ko ibyakozwe byabatunguye kuko ubusanzwe mbere yo gusenyera umuturage amenyeshwa ibyo atubahirije, bakavuga bakeka ko Umunyamabanga Nshingwabikowa w’Umurenge ashobora kuba yarabikoze mu nyungu ze bwite bitewe nuko yakoze ibyo  uyu Rwiyemezamirimo yashakaga  .

Abaturage bavuga batunguwe no gusenyera  Byaruhanga atabizi ndetse adahari mu gihe kandi umukozi  ushinzwe imyubakire mu Murenge wa Nasho  nta bugenzuzi yakoze bugaragaza ko hari amakosa yakozwe mu myubakire mu gihe mbere yo kwemererwa gusana igipangu cyasenywe ushinzwe imyubakire mu Murenge yahageze akareba ahasanwa .

Umwe mu baturage yabwiye InyaRwanda.com ko ubuyobozi bwasenyeye umuturage mu buryo babona ko Gitifu  yabitegetswe na Rugayabahunga Theonestse uturanye nawe nyamara bigakorwa uwasenyewe adahari .

Yagize  ati” Niba umuyobozi akoreshejwe n’umuntu ku nyungu ze bwite ubwo ihame ry’imiyoborere myiza batubwira  ryarubahirijwe ?Ubusanzwe tuzi  ko ubuyobozi bugomba kugendera u mategeko  kandi bukarebera abaturage ariko ntabwo byumvikana ukuntu umuyobozi aha umuturage icyangombwa akagaruka akabisenya biturutse ku cyifuzo cy’umuntu ngo ni uko afite amafaranga .

Undi muturage nawe yavuze ko kuba umuturanyi wabo yasenyewe nyuma y’uko umuturage baturanye yashakaga kwagura inzira iri hagati y’ingo ebyiri bitari bikwiye kuko hari akayira kari gasanzwe .

Yagize ati ” Byaruhanga yasanye igipangu cye kandi ntiyigeze acyimura n’ubundi aho cyari niho cyagumye kuko yubakiye ku nkingi yari yubakiyeho yubaka bwa mbere . Icyo twabonye hakoze imbaraga umukire afite kuko niba yarerekanye aho azasana ndetse niho yasannye .Turasaba ko ubuyobozi burenganura uwo muturage.”

Byaruhanga Theogene wasenyewe  yavuze ko ibyo yakorewe ari ihohoterwa agashyira mu majwi Gitifu wamusenyeye adahari.

Yabwiye InyaRwanda .com ko yasenyewe bitegetswe n’umunyamabanga Nshingwabikowa w’Umurenge wa Nasho kandi afite icyangombwa cyo kubaka kandi yarubahirije ibyanditswe yahawe n’ubuyobozi bw’inzego z’ibanze.

Yagize Ati ” Natunguwe nuko umuntu yampamagaye ambwira ko barimo bansenyeye kandi bitegetswe na Gitifu nawe wampaye icyangombwa ndetse ibyo bansabye gukora bampa icyangombwa narabyubahirije .”

Byaruhanga Theogene yakomeje agaragaza ko uwo baturanye ariwe wihishe inyuma y’ibyo kumusenyera ndetse ko hari amakuru yahawe n’abantu bamubwiye ko umwe mu bavandimwe ba Rugayabahunga yavuze ko ngo yamuhamagaye amubwira ko Byaruhanga ashobora no gufungwa .

Yagize ati “Bansenyeye kubera ko umukire twegeranye yashakaga ko bansenyera bitewe  nuko ngo yifuzaga kongera  akayira kari hagati yanjye nawe akagahindura umuhanda.Ndasaba ko ubuyobozi bwampa ubutabera kuko narahohotewe cyane ndetse umugabo watumye Gitifu ansenyera hari amakuru bampaye ko yabwiye uwo bavukana ko ntitonze bashobora no kumfunga nkaba nishinganisha  kuko nshobora no kugira ibindi bibazo nkahohoterwa.”

Byaruhanga Theogene yatunguwe no gusenyerwa kandi yarubahirije amabwiriza ari mu cyangombwa cyo kubaka yahawe.

Rugayabahunga yabwiye InyaRwanda.com  ko nyuma yo kutishimira uburyo umuturanyi yubakagamo yagejeje ikibazo cye mu nzego zirimo Akagari ndetse n’umududu ariko ntibakemura ikibazo cye ahitamo kukimenyesha Umurenge wa Nasho .Avuga ko inzira ijya mu gikari cye ari ntoya bityo akaba yarasabaga ko Byaruhanga agomba kuyongeraho sentimetero 40.

Rugayabahunga avuga ko mbere yo kugeza ikibazo cye ku Murenge, yabanje  mu mudugudu no mu Kagari ariko ntiyakemurirwa ikibazo uko yabyifuzaga .

Umunyamabanga Nshingwabikowa w’Umurenge wa Nasho , Munyaneza William yabwiye InyaRwanda.com ko impamvu Byaruhanga yasenyewe atubahirije ibyo amabwiriza  .

Yagize ati ” Yasenyewe n’amategeko ntabwo twamusenyeye kuko afitanye ikibazo n’umuntu .Ikibazo afite ni uko bihuzwa n’ikibazo yari afitanye n’umuntu ,ikibazo bagiranye kiri ukwacyo.Icyo twamusabye  kubaka yubahiriza amategeko, ikibazo afite nuko atekereza ko ashobora kuba abangamirwa ku butaka bwe .Twumvikanye nawe ko tuzajyayo tugahamagara uwo bafitanye ikibazo,bakumvikana ku bijyanye n’imbibi icyo nikimara gukemuka nawe azashyira umutima hamwe amategeko agomba kubahirizwa abantu bakumvikana “

Gitifu Munyaneza yakomeje ati” Nitumara gukemura ikijyamye n’imbibi ibyo agomba ubaka bizahabwa umurongo  kuko natwe turifuza ko gikemuka burundu .Ikibazo bigaragaye ko ari ubuyobozi bugomba kugikemura twagikemura niyo mpamvu bitabaye ngo tumutererane .Tubirimo neza kugira ngo tumufashe adahungabanye .”

Ubuyobozi bw’Akarere ka Kirehe bwemeza ko bwatangiye gukurikirana ikibazo cya Byaruhanga ndetse  bwashyizeho itsinda ririmo kugikurikirana nk’uko byemezwa na Rangira Bruno Umuyobozi w’Akarere ka Kirehe.

  Yagize ati” Nibyo koko ikibazo cy’uwo muturage yakitugejejeho  kandi twashyizeho itsinda ry’abatekenisiye b’Akarere barimo kubikurikirana ,barimo kureba ibyo yari yemerewe n’ibyo yakoze . Hari amategeko agena ibyo kubaka no gukuraho ibyubatswe mu buryo budakurikije amategeko nibyo turimo gusuzuma .”

Meya Rangira yakomeje avuga ko uwo muturage ntawushobora kumubuza umutekano ndetse avuga ko bagiye gukurikirana niba hari icyatuma atabona umudendezo kubera ikibazo yagiranye n’uwo baturanye.

Ati”Buri muturage aba afite uburenganzira ku umutekano mu gihe hari abagaragaye ko bawumubuza nabyo birakurikiranwa,uwo muturage  mu bibazo yatugejejeho icy’umutekano ntabwo yakitugejejeho ariko nabyo turabikurikirana tumenye uko biteye .”

InyaRwanda.com yamenye amakuru ko uwahoze ari Gitifu w’Akagari ka Cyambwe yatanze inzira abaturage bazajya bacamo ibageza ku muhanda munini uri mu gasantire  ka Kagese ndetse Rugayabahunga akaba afite irembo rinini yinjiriramo mu gihe we avuga ko ashaka ko hagurwa akayira kanyura hagati y’urugo rwe na Byaruhanga kajya mu gikari cye .

Icyangombwa cyo kubaka cyahawe  Byaruhanga Theogene kigaragaza ibyo yasabwaga kubahiriza

Ibaruwa Byaruhanga Theogene yandikiye ubuyobozi bw’Akarere ka Kirehe asaba kurenganurwa

Byaruhanga yavuze ko yarimo gusana igipangu cyangiritse ndetse yubarihirije amabwiriza yahawe 

hagati y’urugo rwa Byaruhanga Theogene na Rugayabahunga Theonestse hasanzwe akayira gahura n’inzira iri munsi y’ingo zabo 

Byaruhanga Theogene yatunguwe no gusenyerwa yarubahirije amabwiriza yatanzwe bamuha icyangombwa

Kuwa 22/12/2023 Bushali yatangarije InyaRwanda ko yifuza guhura na Minisitiri Utumatwishima. Yabitangaje ubwo yari abajijwe uko yakiriye kuririmbira abarimo Minisitiri  mu gitaramo cya Yago Pon Dat yamurikiyemo umuzingo we wa mbere yise 'Suwejo'.

Ubwo yaganiraga na inyaRwanda, Bushali yavuze ko atari azi ko mu bo yaririmbiye hari harimo Minisitiri, avuga ko bimukoze ku mutima asaba ko bazahura. Ni ibintu byakiriwe neza Minisitiri w’Urubyiruko n’Iterambere ry’Ubuhanzi, Dr Abdallah Utumatwishima.

Kuri uyu wa 12 Mutarama 2024 ni bwo Bushali yagize amahirwe yo guhura na Minisitiri Dr Abdallah, ibiganiro byabo bikaba byibanze ku muziki w'uyu muhanzi binatuma yemererwa ubufasha ku muzingo yitegura gushyira hanze.

Muri iki kiganiro, Bushali yabwije ukuri Minisitiri ko atari amuzi ubwo yitabiraga igitaramo cya Yago ariko ko buriya ari igeno ry'Imana aho yari inzira byagombaga kunyuramo kugira ngo bazahure.

Minisitiri na we yabwiye uyu muraperi ko akurikiranira ibikorwa bye hafi, ko ari n'umufana we, amubaza impamvu yatinze gushyira hanze umuzingo yise 'Full Moon'.

Uyu muraperi yabwiye Minisitiri ko hakiri imbogamizi nke ariko hari na kompanyi bari kuganira kugira ngo izamufashe kuyicuruza.

Minisitiri Abdallah yabwiye Bushali ko biteguye gufasha abahanzi na we arimo amwemerera ubufasha burimo n'ahantu ho kuzamurikira umuzingo we.

Mu kiganiro kihariye Bushali yagiranye na inyaRwanda nyuma yo guhura na Minisitiri Dr Abdallah, yagize ati: 'Nishimiye guhura na Minisitiri, ni umuyobozi mwiza ndamushimira ku bw'umwanya we, ibiganiro n'inama yangiriye. Ubu icyifuzo nsigaranye ni uko umunsi umwe nazahura na Perezida Kagame numva byazaba ari umugisha ukomeye ndamukunda cyane.'

Minisitiri w'Urubyiruko n'Iterambere ry'Ubuhanzi, Dr Abdallah mu bihe bitandukanye agenda agaragaza ko akurikiranira hafi ibibera mu gihugu bikorwa n'urubyiruko, akanashishikariza gukora cyane no kugira imishinga minini ariko batirengagije gukora cyane ngo bazabashe kuyishyira mu bikorwa bahereye kuri bicye bafite.

Bushali yakiriwe na Minisitiri Dr Abdallah wamwemereye ubufasha ku muzingo uyu muraperi yitegura gushyira hanzeAkanyamuneza kari kose kuri Bushali wakabije inzozi yakirwa na Minisitiri Dr AbdallahBushali n’abamuherekeje barimo Umukundwa Josue nyiri kompanyi ya Kigali Protocal (uri iburyo) bafashe ifoto y’Urwibutso na Minisitiri Dr Abdallah

Uretse kuba bakina bagatanga ibyishimo kuri benshi, nyuma yo gukina bagira umwanya wo gusabana n’abo bakunda, imiryango, inshuti n’abakunzi babo.

Muri iyi nkuru tugiye kwitsa gato ku bakinnyi batanu binjiye mu mwaka wa 2024 baryohewe n’urukundo ndetse bamwe bakaba bamaranye igihe.

Benshi muri aba bakinnyi bakaba barakunze kugira urukundo rwa bo ibanga ndetse binagoye kubona amafoto bari kumwe n’abakunzi bihebeye.

Nshobozwabyosenumukiza Jean Jacques Wilson & Josiane

Nshobozwabyosenumukiza Jean Jacques Wilson, ni umukinnyi wa APR BBC akaba ari mu rukundo na Nkubito Josiane, umukobwa wigaruriye umutima we ndetse urukundo rwa bo rukaba rumaze gutera indi ntambwe aho ajya anamujyana kubera imikino imwe n’imwe.

Muri Nzeri 2023 ni bwo bwa mbere ISIMBI yabagejejeho inkuru y’uko aba bombi bari bari mu munyenga w’urukundo, binjiye 2024 bahagaze bwuma.

Nshobozwa na Josiane baryohewe n’urukundo

Muhire Kevin & Cyuzuzo

Kapiteni wungirije wa Rayon Sports, ni umwe mu bakinnyi binjiye muri 2024 bahagaze neza mu rukundo na Cyuzuzo Delphine bamaranye imyaka igera mu 10 bakundana.

Tariki ya 14 Ukuboza 2023 bahisemo gusezerana imbere y’amategeko ndetse indi mihango y’ubukwe isigaye ikaba izaba mu minsi ya vuba.

Kevin na Cyuzuzo baheruka gusezerana imbere y’amategeko

Ishimwe Christian & Assouma

Myugariro wa APR FC wo ku ruhande rw’ibumoso, Ishimwe Christian ni undi mukinnyi winjiye muri 2024 ahagaze bwuma mu rukundo aho ari kumwe na Mugabekazi Assouma.

Mu ntangiriro za 2023 ni bwo byamenyekanye ko uyu myugariro ari mu rukundo na Mugabekazi Assouma witabiriye irushanwa rya Miss Rwanda 2021.

Ishimwe Christian na Mugabekazi Assouma

Kwizera Janvier & Lilly

Umunyezamu wa Police FC, Kwizera Janvier uzwi nka Rihungu ari mu rukundo na Lilliane uzwi cyane ku mbuga nkoranyambaga nka Lilly.

Aba bombi iby’urkundo rwa bo byatangiye kuvugwa cyane mu ntangiriro za 2023 ubwo uyu mukobwa wibera muri Finland yari mu Rwanda aho yagiraniye ibihe byiza na Rihungu.

Lilly umukobwa w’ikimero gitangaje ndetse wanavuzwe mu rukundo n’abakinnyi batandukanye, gusa byaje kurangira ari Rihungu umwegukanye.

Aba bombi bakaba binjiranye mu mwaka wa 2024 bameze neza, ibi akenshi babigaragariza ku butumwa banyuza ku mbuga nkoranyambaga za bo.

Rihungu na Lilly

Omborenga Fitina & Mbabazi

Myugariro wa APR FC ku ruhande rw’iburyo, Omborenga Fitina ni umwe mu bantu badakunze gukoresha imbuga nkoranyamabaga cyane ndetse n’ubuzima akunda kubugira ibanga.

Amakuru avuga ko ari mu rukundo na Kabasinga Mbabazi Faith, gusa aba bombi bikaba bigoye kuba wabona ifoto ya bo bari kumwe, bivuze ko urukundo rwa bo barugize ibanga.

Ku mazina ye Mbabazi akoresha kuri Instagram, yongeyeho umubare 25 nimero Omborenga yambara muri APR FC, uyu mubare kandi ukaba ari na wo usoza amazina Omborenga akoresha kuri Instagram. Aba kandi bakaba bafitanye n’umwana w’umuhungu w’imyaka 3. Amakuru adafitiwe gihamya neza ni uko muri uyu mwaka bateganya kuba bakora ubukwe.

Faith na Omborenga

Ibi bihindura isura iyo bigeze ku byamamare dore ko bo usanga banatunze amafaranga menshi. Bamwe mu bagabo bafite amazina akomeye mu myidagaduro bagiye bagaragaza impamvu bahisemo kudashaka abagore gusa bahuriza ku mpamvu zirimo nko kuba batizera igitsinagore, gutekereza ko abagore babakurikiranyeho ifaranga n’ubwamamare ntarukundo babafitiye.

Dore ibyamamare 10 by’i mahanga byanze gushaka abagore mu rwego rwo kurinda imitungo yabo:

1. Leonardo DiCaprio

Icyamamare muri Sinema, Leonardo DiCaprio wubakiye izina kuri filime ya ‘Titanic’, azwiho kuba yarateye umugongo ibyo gukora ubukwe. Uyu mugabo w’imyaka 50 ukunze kuvuga ko yikundira abakobwa bari munsi y’imyaka 25, mu 2014 yavuze ko adashaka gukora ubukwe kuko abizi ko umukobwa wese umugannye aba yishakira ubwamamare n’ifaranga gusa ngo iyo aza kuba atari umusitari ntiyari kurenza imyaka 35 atararushinga.

2. Rick Ross

Umuraperi w’icyamamare akaba n’umushoramari, William Leonard Roberts uzwi cyane nka Rick Ross mu muziki, nawe ntakozwa ibyo kurushinga. Uretse kuba yarabyigaramye ku mugaragaro, anakunze kubigarukaho mu ndirimbo ze. Uyu muraperi w’imyaka 47, avuga ko atizera muri rusange ibintu bijyanye n’ubukwe ndetse we avuga ko ari imihango y’abazungu bigishije abirabura.

3. Jamie Foxx

Umunyarwenya akaba n’umukinnyi wa filime w’icyamamare afatanya n’umuziki, Jamie Foxx, ukundwa n’igistina gore, ari mu byamamare bitumva neza akamaro ko gushaka. Uyu mugabo w’imyaka 56 yigeze gutangariza Oprah Winfrey mu kiganiro bagiranye, amubwira ko impamvu atemera iby’ubukwe ari uko yakuriye mu muryango ababyeyi be baratandukanye kera. Ngo yakuze abona ko ibyo gushaka atari ibyo kwizera ahitamo kubyara kuko yifuzaga kuba umubyeyi.

4. Bill Hemmer

Umunyamakuru w’icyamamare Bill Hemmer w’imyaka 59 uzwi cyane mu kiganiro ‘America’s Newsroom’ kuri televiziyo ya Fox, nawe yahisemo kudashaka umugore ku mpamvu y’uko adashaka ko yazakora gatanya maze umugore agatwara kimwe cya kabiri cy’umutungo we yakoreye igihe kinini.

5. Diddy

Umuraperi w’icyamamare akaba n’umuherwe Sean Combs uzwi ku mazina nka P.Diddy, Diddy, Puffy, n’ayandi. Nubwo atunze agatubutse ariko yagize ubwoba bwo gushaka umugore ngo atazakamumaraho. Yagiye agira abakunzi benshi bamaranye igihe ndetse anafite abana 4 gusa ibyo gukora ubukwe yarabyanze. Ibi biri no mu byamutandukanije na nyakwigendera Kim Porter wamubyariye abana babiri gusa akanga ko bakora ubukwe.

6. Dan Levy

Umukinnyi wa filime akaba anazandika ,Dan Levy ukomoka muri Canada akaba n’umwana w’umunyarwenya w’icyamamare Eugene Levy, nawe yateye ishoti ibyo kurushinga. Levy wanigeze kuba ‘Sexiest Man Alive’ mu 2020, yavuze ko ubuzima abayemo atabuzanamo umugore.

7. 50 Cent

Curtis Jackson umuraperi akaba n’umukinnyi wa filime uherutse gutungurana avuga ko atazatera akabariro mu 2024, asanzwe n’ubundi yaranze gushaka umugore. 50 Cent yavuze ko kuba afite umwana bimuhagije adakeneye kuzana umugore kuko ngo yazamurushya cyangwa akaza amushakaho ifaranga.

8. Owen Wilson

Umunyarwenya akaba n’umukinnyi wa filime Owen Wilson w’imyaka 55 y’amavuko, mu 2018 yabwiye ikinyamakuru People Magazine ko ntagahunda afite yo gushaka umugore kuko adashaka umuntu wazaza mu buzima bwe afite izindi mpamvu zitari urukundo. Yatanze urugero rw’ibyabaye ku muvandimwe we Luke Wilson washatse umugore akamwaka gatanya rugikubita ndetse akanajyana imitungo ye.

9. Colin Farrell

Umukinnyi wa filime ukomeye i Hollywood, Colin Farrell yahisemo gushaka umwana aho gushaka umugore. Avuga ko atizera igitsina gore bitewe nuko ngo kuva yamenyekana ntawe barahura umukunda bya nyabyo ahubwo ngo bose usanga bamushakaho ibyo afite.

10. Matt Dillon

Ku myaka 59 umukinnyi wa filime Matt Dillon ntarashaka umugore ku mpamvu avuga ko ari ‘ukwirinda’ ibyamubaho igihe arushinze. Aha avuga ko ibya gatanya no kugabana imitungo abitinya bityo akaba yaranze gushaka umugore ndetse we anavuga ko iby’urukundo nabyo atabyizera.